ရဲရင့်ငယ်🌹

ပုသိမ်မြို့တွင် ရပ်ကျေးအုပ်ချုပ်ရေးမှူးများကိုစစ်တပ်ထောက်ခံသူများနဲ့ ကြံ့ဖွံပါတီ၀င်တွေကိုအစားထိုးခန့်အပ်

ဧရာဝတီတိုင်းမ်

မတ်လ ၆ ရက်

ဧရာ၀တီတိုင်း၊ ပုသိမ်မြို့မှာရှိတဲ့ မြို့ပေါ်ရပ်ကွက် ၁၅ ခုက အုပ်ချုပ်ရေးမှူးတွေကို မတ်လ ၃ ရက်နေ့ကစတင်ပြီး စစ်တပ်ထောက်ခံသူအမာခံတွေနဲ့ ကြံ့ဖွံပါတီ၀င်တွေကို အစားထိုးခန့်အပ်လိုက်တယ်လို့ပုသိမ်မြို့ခံတွေကပြောပါတယ်။

ရပ်ကွက်အုပ်ချုပ်ရေးမှူးတွေ အပြင် ရာအိမ်မှူး ၆၀ ကျော်ကိုလည်း ယခင် လူများ အုပ်ချုပ်ရေးမှူးအသစ်များ တင်ပြလာတဲ့ လူတွေကို အစားထိုးခန့်အပ်လိုက်တယ်လို့ ဆိုပါတယ်။

"အုပ်ကြီးအများစုက စစ်ကောင်စီဆန္ဒပြပွဲတွေတုန်းက ပြည်သူတွေနောက်ကို သတင်းလိုက်ယူတဲ့သူတွေ နဲ့ စစ်တပ်ထောက်ခံပွဲဆိုရှေ့ဆုံးက နေတက်ကြွနေတဲ့လူတွေပါတယ်၊ နောက်ပြီး၂၀၂၀ ရွှေးကောက်ပွဲတုန်းကကြံဖွံပါတီရဲ့ စည်းရုံးရေးမှူးတွေလဲပါတယ်" လို့ ပုသိမ်မြို့ခံတစ်ဦးက ဧရာ၀တီတိုင်မ်းကိုပြောပါတယ်။

ပုသိမ်မြို့မှာ မြို့ပေါ်ရပ်ကွက် ၁၅ ရပ်ကွက် ရှိတဲ့အထဲက ရပ်ကွက် ၁၂ ခုက အုပ်ချုပ်ရေးမှူးတွေကို ပြောင်းလဲခဲ့ပြီး အမှတ် ၅၊ ၈၊ ၁၅ စတဲ့ ရပ်ကွက် ၃ညခုက အုပ်ချုပ်ရေးမှူး ၃ ဦးကိုတော့ ယခင်အတိုင်းထားရှိခဲ့တယ်လို့ ထွေအုပ်ရုံးနဲ့နီးစပ်သူတစ်ဦးကပြောပါတယ်။

" စစ်ကောင်စီက အင်အားနည်းလာတော့အောက်ခြေအုပ်ချုပ်ရေးမှာသူတို့ယုံကြည်ရတဲ့လူတွေကို ထားဖို့ထင်တယ်ခု တက်လာတဲ့ အုပ်ချုပ်ရေးမှူးတွေနဲ့ရာအိမ်မှူးတွေက ပညာတတ်ဘွဲ့ရမပါဘူး စစ်ထောက်ခံပွဲနေ့စားလိုက်တဲ့လူတွေ ၊ ရွှေးကောက်ပွဲတုန်းက ကြံခိုင်ရေးအမာခံတွေ၊ ဒလန်စာရင်းပေါက်နေတဲ့သူတွေချည်းပဲ ပြည်သူတွေကို တစ်ခုခုဆိုစစ်တပ်ကိုတိုင်ဖို့ အဆင့်သင်ဖြစ်နေတဲ့သူမျိုးတွေကိုရွေးလိုက်တာထင်တယ်"လို့ ပုသိမ်မြို့ခံတစ်ဦးကပြောပါတယ်။

လက်ရှိ အသစ်ခန့်ထားတဲ့ အုပ်ချုပ်ရေးမှူးတွေကို ရပ်ကွက်အတွင်းက NLD ပါတီ၀င်တွေနဲ့ ဆန္ဒပြစဥ်က ပါ၀င်ခဲ့ဘူးများကို အဓိကထား စောင့်ကြည့်ဖို့ စစ်ကောင်စီက တာ၀န်ပေးထားတယ်လို့သိရပါတယ်။

စစ်တပ်အာဏာသိမ်းပြီး နောက်ပိုင်း ပုသိမ်ခရိုင်အတွင်းမှာ NLD အစိုးရလက်ထက်က ခန့်အပ်ခဲ့တဲ့ရပ်ကျေးအုပ်ချုပ်ရေးမှူး ၆၀ ရာခိုင်နှုန်းကို အသစ်ပြန်လည်ခန့်အပ်ခဲ့ပြီးမြို့ပေါ်ရပ်ကွက်အများစုက အုပ်ချုပ်ရေးမှူး ၄၀ ရာခိုင်နှုန်းခန့်ကို ယခင်အတိုင်းဆက်လက်တာ၀န်ထမ်းဆောင်ခိုင်းထာခဲ့ရာကနေ ၂၀၂၃မတ်လအတွင်းမှာပြောင်းလဲပစ်ခဲ့တာလို့ အထွေထွေအုပ်ချုပ်ရေးရုံးနဲ့နီးစပ်တဲ့အသိုင်းအ၀န်းကနေသိရပါတယ်။

ဆက်ဖတ်ရန် →

အမ်းမြို့မရဲစခန်းရှိ အချုပ်သားအားလုံး လူ့အခွင့်အရေးချိုးဖောက်ခံနေကြရ

📅 💬 မှတ်ချက်

ဧရာဝတီတိုင်းမ်

မတ်လ ၇ ရက်

အနောက်ပိုင်းတိုင်းစစ်ဌာနချုပ်တည်ရှိရာ အမ်းမြို့မရဲစခန်းမှာ အကျဥ်းကျနေကြသူအားလုံးဟာ လူ့အခွင့်အရေးချိုးဖောက်ခံနေကြရတယ်လို့ မိသားစုဝင်တွေနဲ့ရဲအသိုင်းအဝိုင်းက ဆိုကြပါတယ်။

အဲဒီစခန်းထဲမှာအဖမ်းခံထားရသူတွေဟာ ရိုက်နှက်ခံရတာ၊ဆဲဆိုခံရတာ၊မိသားစုနဲ့တွေ့ခွင့်မရတာ၊အစားအစာ၊ဆေးဝါးတွေကို ပေးခွင့်မရတာတွေကြုံ တွေ့နေကြရတာလို့ ဆိုကြပါတယ်။

"ကျွန်မယောကျ်ားက အေအေနဲ့အဆက်အသွယ်ရှိတယ်ဆိုပြီးအမ်းအချုပ်မှာဖမ်းဆီးခံထားရတာ... အရင်က အချုပ်မှာသွားတွေ့လို့ရတယ်။မုန့်ဖိုးငါးထောင် တစ်သောင်းပေးရပါတယ်။တရားရုံးထုတ်ရင် ရုံး ထုတ်လာတဲ့ရဲတွေစားသမျှ ရှင်းပေးရပါတယ်။ခုတော့ အမ်းအချုပ်မှာ သွားတွေ့လို့မရတော့ဘူး။စားစရာလည်း ပေးလို့မရတော့ဘူး။ထမင်းပို့ဖို့ လပေးရှင်းထားတဲ့ ရဲကလည်း ထမင်းပို့ခွင့်မရှိတော့ဘူး။ပုံစံ ထမင်းပဲစားရတော့မယ် ပြောတယ်။''လို့ အဲဒီမှာဖမ်း ဆီးခံထားရသူတစ်ဦးရဲ့ဇနီးဖြစ်သူက ဆိုပါတယ်။

အဲဒီမှာ အဖမ်းခံထားရသူတွေဆီက ဂတ်စာရေးတပ်ကြပ်ကြီးရဲဆွေနဲ့အကူစာရေးရဲတပ်ကြပ်သက်နိုင်အေးတို့ဟာ ခြိမ်းခြောက်ငွေတောင်းတာတွေပြုလုပ်နေပြီး အဲဒီကရတဲ့ပိုက်ဆံတွေနဲ့အမ်းမြို့ မရဲစခန်းမှူး ဒုရဲမှူးမျိုးကြည်နဲ့အမ်းမြို့ နယ်ရဲတပ်ဖွဲ့မှူးရဲမှူးဝင်းဦးတို့ကို လစဥ်သိန်းတစ်ရာနီးပါးရှာဖွေပေးနေကြတ ယ်လို့လည်း ရဲတပ်ဖွဲ့ဝင်အသိုင်းအဝိုင်းက အတည်ပြုပြောကြပါတယ်။

အဲဒီသတင်းတွေဟာ အဲဒီမှာအဖမ်းခံ ထားရသူတွေနဲ့ရဲတပ်ဖွဲ့အသိုင်းအဝိုင်းကနေ သတင်းမီဒီယာတွေ ဆီသတင်းပေါက်ကြားသွားတာမို့ ပိုမိုပြီးလူ့အခွင့်အရေးချိုးဖောက်မှုတွေကို ပြုလုပ်နေကြတာလို့ ဆိုကြပါတယ်။

အဲဒီအပြင် အဲဒီအမ်းမြို့မရဲစခန်းမှာဖမ်းဆီးခံထားရတဲ့ အမျိုးသမီးတွေအပေါ်လိင်ပိုင်းဆိုင်ရာစော်ကားအနိုင်ကျင့်မှုတွေလည်းပြုလုပ်နေကြသလို အဲဒီလိုပြုလုပ်နေတဲ့အထဲမှာ အမှုစစ်ဒုရဲအုပ်ဆန်းလင်းအောင်လည်းပါဝင်တယ်လို့ ဆိုကြပါတယ်။

''အမျိုးသမီးတွေကိုလည်း လိင်ပိုင်းဆိုင်ရာစော်ကားမှုတွေလုပ်တယ်။အချုပ်သားတွေအကုန်လုံးကို ဆဲဆိုကြိမ်းမောင်းတယ်။မွတ်ဆလင်တွေကိုဆိုရင်ပါးတွေကိုတောင်ရိုက်တယ်။''လို့ အဲဒီစခန်းမှ ရဲတပ်ဖွဲ့ဝင်တစ်ဦးက ပြောပါတယ်။

အဲဒီအမ်းမြို့မရဲစခန်းက အမှုစစ်တွေဟာ အမ်းမြို့နယ်ရဲတပ်ဖွဲ့မှူးနဲ့အမ်းမြို့ မရဲစခန်းမှူးအတွက် လစဥ်ငွေကြေးရှာပေးနေကြရသလို မပေးနိုင်ရင်အမှုမစစ်ခိုင်းသလို ခိုင်းချင်သခိုင်းနေကြတာမို့ တာဝန်ရှိသူတွေက စီစစ်အရေးယူပေးကြဖို့ ရဲအရာရှိတချို့နဲ့ရဲတပ်ဖွဲ့ဝင်တွေက ဆိုကြပါတယ်။

အဲဒီအမ်းမြို့မရဲစခန်းမှာ တာဝန်ကျနေတဲ့ရဲအရာရှိအချို့ဟာ အာဏာအလွှဲသုံးစားလုပ်ပြီး လာဒ်စားတာတွေ၊ကိုယ်ကျိုးစီးပွားရှာတာတွေအပြင် ရဲတပ်ဖွဲ့ဝင်မိသားစုဝင်တွေကိုပါ နိုင်ထက်စီးနင်းပြုလုပ်တာတွေလည်း ပြုလုပ်နေကြတယ်လို့ ရဲမိသားစုဝင်အသိုင်းအဝိုင်းက ဆိုကြပါတယ်။

(ဓာတ်ပုံ-အမ်းမြို့ရှိ အနောက်ပိုင်းတိုင်းစစ်ဌာနချုပ်/BNA)

(ဓာတ်ပုံ-မောင်တောမြို့မှမွတ်ဆလင်တစ်ဦးကိုင်ဆောင်ထားတဲ့နိုင်ငံသားစီစစ်ရေးကတ်ပြားတစ်ခု/BNA)

(ယခုသတင်းအား Ayeyarwaddy Times သတင်းဌာန၏မိတ်ဖက်ဖြစ်သည့် Border News Agency မှသတင်းကို ဖော်ပြခြင်း ဖြစ်ပါသည်။)

ဆက်ဖတ်ရန် →

Keppel Land သည် မြန်မာနိုင်ငံရှိ ဟိုတယ်စီမံကိန်းကို ကန်ဒေါ်လာ ၇၇ သန်းဖြင့် နုတ်ထွက်ခဲ့

📅 💬 မှတ်ချက်

စွန့်စားမှုသည် တိုးတက်မှုအခွင့်အလမ်းသစ်များဆီသို့ ပို့ဆောင်နိုင်သည့် အရင်းအနှီးကို ဖွင့်ထုတ်ရန် ၎င်း၏ အစီအစဉ်များနှင့် လိုက်လျောညီထွေဖြစ်ကြောင်း Keppel မှ ပြောကြားခဲ့သည်။ KEPPEL CORP SINGAPORE – Keppel Land နှင့် ၎င်း၏လုပ်ငန်းခွဲ Double Peak Holdings တို့သည် Greenfield Development တွင် ၎င်းတို့၏ အစုရှယ်ယာ 100 ရာခိုင်နှုန်းကို အမေရိကန်ဒေါ်လာ 57.4 သန်း (S$77.2 million) ဖြင့် ေရာင်းချလိုက်သည် Greenfield Development သည် မြန်မာနိုင်ငံတွင် ဟိုတယ်တစ်လုံး ဆောက်လုပ် လည်ပတ်ခွင့်ရှိသည့် Straits Greenfield ကို ရာနှုန်းပြည့် ပိုင်ဆိုင်ပါသည်။ အမေရိကန်ဒေါ်လာ 57.4 သန်း ထည့်သွင်းစဉ်းစားခြင်းသည် Greenfield Development ၏ အသားတင်ပိုင်ဆိုင်မှုတန်ဖိုး US$ 43.9 သန်းထက် 2023 ခုနှစ် ဖေဖော်ဝါရီလကုန်အထိ ကျော်လွန်သွားသည်ဟု Keppel Land ၏ မိခင် Keppel Corp မှ တနင်္လာနေ့တွင် ပြောကြားခဲ့သည်။ ၎င်း၏ပိုင်ဆိုင်မှုကို ခွဲထုတ်ခြင်းသည် Keppel Corp ၏ ပိုင်ဆိုင်မှုငွေရှာခြင်းအစီအစဉ်များနှင့် လိုက်လျောညီထွေဖြစ်ပြီး တိုးတက်မှုအခွင့်အလမ်းသစ်များဆီသို့ ပို့ဆောင်နိုင်သည့် အရင်းအနှီးကိုသော့ဖွင့်ရန် အုပ်စုက ထပ်လောင်းပြောကြားခဲ့သည်။ အဆိုပါ စွန့်စားမှုအား 2023 ခုနှစ် ပထမနှစ်ဝက်တွင် အပြီးသတ်နိုင်မည်ဟု မျှော်လင့်ရပြီး Greenfield Development နှင့် Straits Greenfield နှစ်ခုစလုံးသည် Keppel Corp ၏ လုပ်ငန်းခွဲများ မဟုတ်တော့ပါ။ လက်ရှိဘဏ္ဍာရေးနှစ်အတွက် Keppel ကော်ပိုရေးရှင်း၏ ရှယ်ယာတစ်ခုလျှင် အသားတင်မြင်သာထင်သာရှိသော ပိုင်ဆိုင်မှုများ သို့မဟုတ် ရှယ်ယာတစ်ခုလျှင် ဝင်ငွေအပေါ် သက်ရောက်မှုရှိမည်ဟု မျှော်လင့်မထားပါ။ Keppel ကော်ပိုရေးရှင်း၏ ရှယ်ယာများသည် သောကြာနေ့တွင် သုံးဆင့် သို့မဟုတ် 06 ရာခိုင်နှုန်း မြင့်တက်ခဲ့ပြီး $5.46 ဖြင့် ပိတ်ခဲ့သည်။

BUSINESS TIMES

စင်ကာပူ Keppel Land ကုမ္ပဏီ က ရန်ကုန် ဆီဒိုးနားဟိုတယ်ကို အမေရိကန်ဒေါ် လာ ၅၇ သန်းကျော်ဖြင့် ရောင်းချ

ရန်ကုန်၊ မတ် ၆ ေခတ်သစ်

မြန်မာနိုင်ငံတွင် ရန်ကုန် ဆီဒိုနားဟိုတယ်နှင့် Junction City တာဝါ အပါအဝင် ဟိုတယ်နှင့်တည်ဆောက်ရေး လုပ် ငန်း များတွင် တည်ဆောက် ရင်းနှီးမြှုပ်နှံထားသော စင်ကာပူ Keppel Land ကုမ္ပဏီက သူ၏ လုပ်ငန်းရှယ်ယာများကို အမေရိကန်ဒေါ်လာ ၅၇ ဒသမ ၄ သန်းဖြင့် ရောင်းချလိုက်ကြောင်း စင်ကာပူ The Straits Times သတင်းစာက သတင်းဖော်ပြသည်။ စင်ကာပူ Keppel Land နှင့်လုပ်ငန်းခွဲ Double Peak Holdings တို့က ရာနှုန်းပြည့်ပိုင်ဆိုင်သော Greenfield Development ကို အမေရိကန်ဒေါ်လာ ၅၇ ဒသမ ၄ သန်းဖြင့် Spring Blossom Ventures သို့ ရောင်းချခြင်းဖြစ်ပြီး ၃ ရစ်ခွဲ၍ ငွေပေးချေမည်ဖြစ်ကြောင်း သိရှိရသည်။ Greenfield Development သည် မြန်မာနိုင်ငံတွင် ဆီဒိုးနားဟိုတယ်ကို လည် ပတ်လုပ်ကိုင်နေသည့် Straits Greenfield ကို ရာနှုန်းပြည့် ပိုင်ဆိုင်သော ကုမ္ပဏီ ဖြစ်သည်။ အမေရိကန်ဒေါ်လာ ၅၇ ဒသမ ၄ သန်းတန်ဖိုးရှိ လုပ်ငန်း အစုရှယ်ယာများ လွှဲပြောင်းရောင်းချမှုကို ၂၀၂၃ ခုနှစ် ပထမ နှစ်ဝက်တွင် အပြီးသတ်နိုင်မည်ဟု မျှော်လင့်ရပြီး လွှဲပြောင်းရောင်းချမှုများ ပြီးစီးပါက ဆီဒိုးနားဟိုတယ် အပါအဝင် ဟိုတယ်လုပ်ငန်းများသည် စင်ကာပူ Keppel Land ကုမ္ပဏီအပိုင်မဟုတ်တော့ပေ။ Keppel Land အစုရှယ်ယာများကို အမေရိကန်ဒေါ်လာ ၅၇ ဒသမ ၄ သန်းကျော် ဖြင့် ဝယ်ယူသွားသည့် Spring Blossom Ventures ကုမ္ပဏီအကြောင်းကို အသေးစိတ် မသိရှိရသေးပေ။

ဆက်ဖတ်ရန် →

ဖုန်းလုယက်သူတွေက အမျိုးသမီးတစ်ဦးရဲ့ ဦးခေါင်းကို ဓားနဲ့ခုတ်

📅 💬 မှတ်ချက်

C8 News

ရန်ကုန်၊ မတ် (၆)

ရန်ကုန်တိုင်းဒေသကြီး၊ လှိုင်သာယာမြို့နယ်၊ ကမ္ဘာသစ်ဆီဆိုင်ရှေ့မှာ မနေ့ နေ့လည်ပိုင်းက ဖုန်းလုယက်သူတွေဟာ အမျိုးသမီးတစ်ဦးရဲ့ ဦးခေါင်းကို ဓားနဲ့ခုတ်မှု ဖြစ်ခဲ့တယ်လို့ သိရပါတယ်။

"ဖုန်းလုယက်ခံရပြီး လုယူသူများမှ အမျိုးသမီး၏ ဦးခေါင်းအား ဓားဖြင့်ခုတ်၍ ထွက်ပြေးသွားကြောင်း သတင်းရရှိသဖြင့် ၊ သွေးထွက်လွန်နေသော အမျိုးသမီးအား လိုအပ်သော ဆေးကုသမှုပေး၍ လှိုင်သာယာပြည်သူ့ဆေးရုံကြီးသို့ အရေးပေါ် ပို့ဆောင်ကူညီပေးခဲ့" တယ်လို့ သွေးဒါနမျိုးဆက် လူမှုကူညီရေးအသင်း က ပြောပါတယ်။

စစ်တပ်က အာဏာသိမ်းပြီးနောက် ရန်ကုန်မြို့အတွင်းက မြို့နယ်တွေမှာ ညပိုင်းတွေတင်သာမက နေ့လယ်ခင်းတွေမှာပါ လုယက်မှုတွေ မကြာခဏ ဖြစ်နေတာပါ။

ဆက်ဖတ်ရန် →

မြင်းမူမြို့နယ်၊ လက္ကပင်ကျေးရွာကို စစ်တပ်က ဝင်ရောက် စီးနင်းပြီး ရွာသားတချို့ အစုလိုက် အပြုံလိုက် သတ်ဖြတ် ခံရဖွယ်ရှိ

📅 💬 မှတ်ချက်

Breaking News- မြင်းမူမြို့နယ်၊ လက္ကပင်ကျေးရွာကို စစ်တပ်က ဝင်ရောက် စီးနင်းပြီး ရွာသားတချို့ အစုလိုက် အပြုံလိုက် သတ်ဖြတ် ခံရဖွယ်ရှိ

■ တာတိုင်ကျေးရွာမှ ပြည်သူ ၁၇ ဦးကို သတ်ဖြတ်ခဲ့သည့် စစ်တပ် စစ်ကြောင်းက ဝင်ရောက်စီးနင်းနေခြင်းဟုဆို

ရန်ကုန်၊ မတ် ၆

စစ်ကိုင်းတိုင်း၊ မြင်းမူမြို့နယ် လက္ကပင်ကျေးရွာကို စစ်တပ်က ဝင်ရောက် စီးနင်းပြီး ကျေးရွာသားတချို့ အစုလိုက် အပြုံလိုက် သတ်ဖြတ်ခံရဖွယ်ရှိနေကြောင်း ဒေသပြည်သူများက ရန်ကုန်ခေတ်သစ်သတင်းဌာနထံသို့ ပြောဆိုသည်။

မတ်လ ၅ ရက်နေ့ ညနေ ၅ နာရီမှစတင်၍ မြင်းမူမြို့နယ်၊ လကက္ကပင်ကျေးရွာကို စစ်တပ်က စစ်ကြောင်း ၂ ကြောင်းခွဲ၍ သေနတ်များ ပစ်ခတ် ဝင်ရောက်လာကြောင်း၊ ယင်းနောက် ကျေးရွာသူ ကျေးရွာသား ၂၀၀ ခန့် ပိတ်မိပြီး စစ်တပ်က ဖမ်းဆိးခဲ့ကြောင်း သိရှိရသည်။

မတ်လ ၆ ရက်နေ့ နံနက်ပိုင်းတွင် စစ်တပ်က ဖမ်းဆီးထားသော သူများအနက်မှ ကျေးရွာသား ၃ ဦးကို ပစ်သတ်လိုက်ပြီး အိမ် ၂ လုံးကို မီးရှို့ကြောင်း၊ တစ်ရွာလုံးကိုလည်း မွှေနှောက်လျက်ရှိပြီး ကျေးရွာသား အမျိုးသားတချို့ကို အစုလိုက် အပြုံလိုက် သတ်ဖြတ်ဖွယ်ရှိနေကြောင်း သိရှိရသည်။

"ဖမ်းထားတာက လူ ၂၀၀ လောက်ရှိတယ်။ အဲဒီအထဲက အမျိုးသားတွေကို ရွေး ထုတ်ပြီး သတ်တယ်လို့ သိရတယ်။ အဲဒီ ရွာကို ဝင်နေတဲ့ စစ်ကြောင်းက တာ တိုင် ကျေးရွာမှာ ပြည်သူ ၁၇ ဦးကို သတ်ဖြတ်သွားတဲ့ စစ်ကြောင်းပါ။ ပြည်သူတွေလည်း ထွက်ပြေးနေရတယ်။ အတိအကျ မသိရသေးဘူးအခြေအနေက ။ စစ်ခွေးတွေကလည်း ရွာထဲက မထွက်သေးဘူး။ ဒဏ်ရာရထားတဲ့ ပြည်သူတွေလည်းရှိနေပါတယ်" ဟု ဒေသပြည်သူတစ်ဦးက ပြောဆိုသည်။

စစ်ကိုင်းမြို့နယ်၊ တာတိုင်ကျေးရွာတွင် မတ်လ ၂ ရက်နေ့ စစ်တပ်က ပြည်သူ ၁၇ ဦးကို လူသားဒိုင်း ဓားစာခံအဖြစ် ဖမ်းဆီးသွားခဲ့ပြီး အမျိုးသမီး ၃ ဦးကို မုဒိမ်းကျင့်သတ်ဖြတ်ကာ အမျိုးသား ၁၄ ဦးကို ရက်ရက်စက်စက် ပစ်ခတ် သတ်ဖြတ်ခဲ့ကြောင်း သိရှိရသည်။

စစ်ကိုင်းမြို့နယ်တွင် စစ်တပ်က ယနေ့ စစ်ကြောင်းထိုးနေ၍ ကျေးရွာ ၈ ရွာမှ ပြည်သူများ စစ်ဘေးရှောင် ထွက်ပြေးနေရပြီး ပြည်သူ ၄ ဦး ကျည်ထိမှန်ထား

ရန်ကုန်၊ မတ် ၆

စစ်ကိုင်းတိုင်း၊ စစ်ကိုင်းမြို့နယ်တွင် စစ်တပ်က ယနေ့ စစ်ကြောင်းထိုးနေ၍ ကျေးရွာ ၈ ရွာမှ ပြည်သူများ စစ်ဘေးရှောင် ထွက်ပြေးနေရပြီး ပြည်သူ ၄ ဦး ကျည်ထိမှန်ထားကြောင်း ဒေသကာကွယ်ရေးတပ်ဖွဲ့မှ တာဝန်ရှိသူတစ်ဦးက ပြောဆိုသည်။

ယနေ့ နံနက်ပိုင်းမှစတင်၍ စစ်ကိုင်းမြို့နယ်နှင့်၀က်လက်မြို့နယ် အစပ် ဆားတောင်နယ်ကို စစ်ကောင်စီတပ် စစ် ကြောင်းများက နယ်မြေရှင်းလင်းရေး အမည်တပ်၍ စစ်ကြောင်းထိုးလာကြောင်း၊ လက်နက်ကြီးများ၊ လက်နက်ငယ်များဖြင့် ကျေးရွာများကို ပစ်ခတ်သဖြင့် ပြည်သူများ ထွက်ပြေး တိမ်းရှောင်နေရပြီး အနည်းဆုံးကျေးရွာ ၈ ရွာမှ ပြည်သူများ ထွက်ပြေးနေရကြောင်း သိရှိရသည်။

"သားပျောက်ကုန်း ၊ဒီလုံးပို ၊ဥရှစ်ကြီး ၊ကန်တော်ရိုး ၊ပေါက်မတောင်၊ ပေါက်မ မြောက်၊ မြိုင်ကုန်း၊ ကျီကုန်း ကျေးရွာတွေက ပြည်သူတွေ ထွက်ပြေးနေရပါတယ်။ ပြည်သူ ၄ ဦး ကျည်ထိမှန်ထားပါတယ်" ဟု ဒေသကာကွယ်ရေးတပ်ဖွဲ့မှ တာဝန်ရှိသူတစ်ဦးက ပြောသည်။

စစ်ဘေးရှောင်နေရသော ကျေးရွာများတွင် ဒီလုံးပိုကျေးရွာတွင် အိမ်ခြေ ၁၀၀၊ သားပျောက်ကုန်းရွာတွင် အိမ်ခြေ ၄၀၀၊ ကန်တော်ရိုးရွာတွင် အိမ်ခြေ ၁၅၀ ၊ ဦးရှစ်ကြီးကျေးရွာတွင် အိမ်ခြေ ၁၅၀ ၊ ကန်တော်ရိုးရွာတွင် အိမ်ခြေ ၁၅၀ ၊ ပေါက်မတောင်ရွာတွင် အိမ်ခြေ ၁၅၀၊ ပေါက်မ မြောက်ရွာတွင် အိမ်ခြေ ၁၅၀ ရှိကြောင်း သိရှိရသည်။

ဓာတ်ပုံ- စစ်ကိုင်းတိုင်းအတွင်း ယမန်နှစ် နှောင်းပိုင်းကာလ စစ်တပ်က စစ် ကြောင်း ထိုးလာ၍ ထွက်ပြေးတိမ်းရှောင်နေရသည့် စစ်ဘေးရှောင် ပြည်သူတချို့။

ဆက်ဖတ်ရန် →

ခင်ဦးတွင် စစ်တပ် ပစ်ခတ်သော လက်နက်ကြီး ထိမှန်၍ ၈ နှစ်အရွယ် ကလေးငယ် ၁ ဦး သေဆုံး၊ ကန့်ဘလူမြို့နယ်ရှိ ကျေးရွာ ၃ ရွာကို စစ်တပ်က ၂ ရက်ဆက် မီးရှို့ဖျက်ဆီးမှု နေအိမ် ၆၀ ကျော်ပြာကျ

📅 💬 မှတ်ချက်

ရန်ကုန်၊ မတ် ၆ ခေတ်သစ်

စစ်ကိုင်းတိုင်း၊ ခင်ဦးမြို့နယ်အတွင်း စစ်ဘေးရှောင် ပြည်သူများကို စစ်တပ်က လက်နက်ကြီးများဖြင့် ပစ်ခတ်သောကြောင့် အသက် ၈ နှစ်အရွယ်ကလေးငယ် ၁ ဦး ကျည်ထိမှန် သေဆုံးခဲ့ကြောင်း ဒေသပြည်သူများက ရန်ကုန်ခေတ်သစ် မီဒီယာသို့ ပြောဆိုသည်။

မတ်လ ၆ ရက်နေ့ နံနက် ၁၀ နာရီခန့်တွင် အင်အား ၁၀၀ ကျော်ဖြင့် စစ်ကြောင်းထိုးနေသော စစ်တပ်က မုံလှရွာမှ စစ်ဘေးရှောင်များ နေထိုင်သည့် တောတောင် များအတွင်းသို့ လက်နက်ကြီးများဖြင့် ပစ်ခတ်သဖြင့် အသက် ၈ နှစ်အရွယ် ခရစ်ယာန်ဘာသာဝင် ကလေးငယ် ၁ ဦး လက်နက်ကြီး ထိမှန်ပြီး သေ ဆုံးခဲ့ကြောင်း သိရသည်။

ထို့အတူ စစ်တပ်စစ်ကြောင်းက ဂလုံရွာကိုလည်း လက်နက် ကြီးများဖြင့် ပစ် ခတ် ဝင်ရောက်လာသောကြောင့် ကျေးရွာ ၇ ရွာမှ ပြည်သူ ၈၀၀၀ ကျော် ထွက်ပြေး တိမ်းရှောင်နေရကြောင်း သိရှိရသည်။

ထို့ပြင် စစ်ကိုင်းတိုင်း၊ ကန့်ဘလူမြို့နယ်ရှိ ကျေးရွာ ၃ ရွာကို အကြမ်းဖက် စစ်တပ်က ၂ ရက်ဆက် မီးရှို့ဖျက်ဆီးနေရာ နေအိမ် ၆၀ ကျော်ပြာကျခဲ့ကြောင်း ကျွန်းလှ ကန့်ဘလူ တက်ကြွလှုပ်ရှားသူများအဖွဲ့မှ တာဝန်ရှိသူ တစ်ဦးက ရန်ကုန် ခေတ်သစ် မီဒီယာသို့ ပြောဆိုသည်။

မတ်လ ၄ ရက်နေ့နှင့် ၅ ရက်နေ့တို့တွင် ကန့်ဘလူမြို့နယ်ရှိ ချပ်သင်း၊ ပင့်သာနှင့် အောက်တဲ ရွာတို့ကို အကြမ်းဖက် စစ်တပ်က ဝင်ရောက် စီးနင်းပြီး ပြည် သူပိုင် နေအိမ် ၆၀ ကျော်ကို မီးရှို့ဖျက်ဆီးခဲ့ကြောင်း သိရသည်။

မတ်လ ၄ ရက်နေ့ နံနက် ၆ နာရီ ၃၀ မိနစ်အချိန် အောက်တဲရွာကို စစ်တပ်က အင်အား ၅၀ ကျော်ဖြင့် ဝင်ရောက် စီးနင်းခဲ့ပြီး ပြည်သူပိုင် နေအိမ် ၂ လုံးကို မီးရှို့ ဖျက်ဆီးခဲ့ကြောင်း၊ ထို့နောက် ချပ်သင်းရွာကိုလည်း အကြမ်းဖက် စစ်တပ်များနှင့် ပျူစောထီးများက စီးနင်းခဲ့ပြီး နေအိမ် ၇ လုံးကို ထပ်မံ မီးရှို့ဖျက်ဆီးခဲ့ကြောင်း သိရသည်။

ထို့အတူ ပင့်သာ (တည်ပင်) ရွာကိုလည်း အကြမ်းဖက် စစ်တပ်က အင်အား ၂၀၀ ကျော်ဖြင့် မတ်လ ၄ ရက်နေ့နှင့် ၅ ရက်နေ့တို့တွင် ၂ ရက်ဆက်တိုက် ဝင်ရောက် စီးနင်း မီးရှို့ဖျက်ဆီးခဲ့ကြောင်း၊ ပြည်သူပိုင် နေအိမ် ၅၁ လုံးနှင့် လယ်ယာသုံးပစ္စည်းများ မီးလောင်ပြာကျခဲ့ကြောင်း သိရသည်။

" ပြည်သူတွေ ထိခိုက်မှုမရှိဘူးလို့တော့ သိရတယ်။ လက်ရှိအချိန် အထိတော့ အကြမ်းဖက် စစ်တပ်နဲ့ ပျူစောထီးတွေက ကိုးတောင်ဘို့၊ ချပ်သင်းနှင့် ပင့်သာတိုက် နယ်တွေကို ဆက်လက် စစ်ကြောင်းထိုး နေတယ်။ ပြည်သူ ၃၀၀၀၀ ကျော် လည်း အိုးအိမ်စွန့်ခွာ ထွက်ပြေးတိမ်းရှောင်နေရတယ်" ဟု ကျွန်းလှ ကန့်ဘလူ တက်ကြွလှုပ်ရှားသူများအဖွဲ့မှ တာဝန်ရှိသူ တစ်ဦးကပြောဆိုသည်။

ဆက်ဖတ်ရန် →

မမိုးဝေကို စစ်သားများက အုပ်စုဖွဲ့ မုဒိမ်းကျင့်ပြီး မီးရှို့သတ်

📅 💬 မှတ်ချက်

ယင်းမာပင်၊ မြောက်နုံးရွာတွင် အသက် ၂၅ နှစ်အရွယ် မမိုးဝေကို စစ်သားများက အုပ်စုဖွဲ့ မုဒိမ်းကျင့်ပြီး မီးရှို့သတ်ဖြတ် အလောင်းဖျောက်

■ စိတ်ဝေဒနာရှင် ဦးဖိုးနီနှင့် အခြားပြည်သူတစ်ဦးကို စစ်တပ်က သတ်ဖြတ်ခဲ့

ရန်ကုန်၊ မတ် ၆ ခေတ်သစ်

စစ်ကိုင်းတိုင်း၊ ယင်းမာပင်မြို့နယ်၊ မြောက်နုံးကျေးရွာတွင် စစ်တပ်က စိတ်ဝေဒနာရှင် ဦးဖိုးနီ၊ ကျေးရွာသား ၁ ဦး အပါအဝင် စုစုပေါင်း ၂ ဦးကို ပစ်ခတ် မီးရှို့သတ်ဖြတ်ခဲ့သည့်အပြင် အသက် ၂၅ နှစ်အရွယ် မမိုးဝေကို မုဒိမ်းကျင့် မီးရှို့သတ်ဖြတ် အလောင်းဖျောက်သွားခဲ့ကြောင်း ဒေသပြည်သူများက ရန်ကုန်ခေတ်သစ်သတင်းဌာနထံသို့ ပြောဆိုသည်။

မတ်လ ၃ ရက်နေ့ နေ့လယ်ပိုင်းတွင် စစ်တပ်က ယင်းမာပင်မြို့နယ်၊ မြောက်နုံးကျေးရွာသို့ ဝင်ရောက်လာကြောင်း၊ ယင်းနောက် ထွက်ပြေးခြင်းမပြုနိုင်ဘဲ ပိတ်မိနေခဲ့သည့် စိတ်ဝေဒနာရှင် ဦးဖိုးနီကို ပစ်ခတ်သတ်ဖြတ်လိုက်ကြောင်း၊ အခြားကျေးရွာသား ၁ ဦးကိုလည်း ပစ်ခတ်ပြီး နာရေးကားထဲသို့ ထဲထည့်၍ ကားရော လူပါ မီးရှို့သွားကြောင်း၊ နေအိမ်များကိုလည်း မီးရှို့ဖျက်ဆီးသွားကြောင်း၊ အသက် ၂၅ နှစ်အရွယ် မမိုးဝေကို စစ်တပ်က မုဒိမ်းကျင့်သွားခဲ့ကြောင်း၊ ယင်းနောက် မမိုးဝေကို မီးရှို့ သတ်ဖြတ် အလောင်းဖျောက်ဖျက်ကြောင်း သိရှိရသည်။

"မမိုးဝေရဲ့ အလောင်းဘေးမှာ ကွန်ဒုံးတွေ တွေ့ပါတယ်။ မမိုးဝေရဲ့ အလောင်းကို မီးရှို့ သတ်ဖြတ်သွားတာ အရိုးပြန်တွေ့ရပါတယ်။ မမိုးဝေက အသက် ၂၅ နှစ်အရွယ် အပျိုလေးပါ" ဟု ဒေသပြည်သူတစ်ဦးက ပြောဆိုသည်။

စစ်တပ်က မမိုးဝေကို မုဒိမ်းကျင့်သတ်ဖြတ်သည့်အပြင် စိတ်ဝေဒနာသည် ဦးဖိုးနီနှင့် အမည်မသိရသေးသည့် ပြည်သူ ၁ ဦးကို မီးရှို့သတ်ဖြတ်သွားခဲ့ကြောင်း သိရှိရသည်။

"ရွာ ကိုလည်း မီးရှို့သလို အရပ်သားတွေကိုလည်း သတ်ဖြတ်တယ်။ စိတ်ဝေဒနာသည် ကိုဖိုးနီကို ‌သတ်ထားခဲ့ကြတယ်။ နောက်ပြီး ဘုန်းကြီးကျောင်းထဲက နာရေးကားပေါ်မှာလည်း အရပ်သားတစ်ဦးကိုလည်း ကားနဲ့အတူမီးရှို့သတ်ဖြတ်ထားတယ်။ မီးရှို့အသတ်ခံရတဲ့ အလောင်းကတော့ ဘယ်သူဆိုတာအတည်ပြုလို့မရသေးဘူး"ဟု ဒေသပြည်သူတစ်ဦးက ရှင်းပြသည်။

ထို့ပြင် မြောက်နှုံးရွာမှ အိမ်ခြေ ၁၂၀ ကျော်မှာလည်း စစ်တပ်၏ မီးရှို့ဖျက်ဆီးမှုကြောင့် ပျက်စီးပြာကျခဲ့ရပြီး အိမ်မွေးတိရိစ္ဆာန်ဖြစ်သည့် မြင်း၊ နွား၊ဆိတ်များကိုလည်း စစ်တပ်က မီးရှို့သတ်ဖြတ်သွားကြောင်း၊ ပြည်သူပိုင် လယ်ယာသုံးထွန်စက်များနှင့် စိုက်ပျိုးရေးပစ္စည်းများကိုလည်း မီးရှို့ဖျက်ဆီးသွားကြောင်း သိရှိရသည်။

ဓာတ်ပုံ- မြောက်နှုံးကျေးရွာမှ မမိုးဝေကို မုဒိမ်းကျင့်သတ်ဖြတ်သွားသည့် ကွန်ဒုံးများနှင့် မမိုးဝေ၏ အလောင်း။

ဆက်ဖတ်ရန် →

အာဆီယံက မြန်မာ့အရေးဝင်စွက်ခွင့်မရှိဟု စင်ကာပူ နိုင်ငံခြားရေးဝန်ကြီးပြော

📅 💬 မှတ်ချက်

DVB | 28 February, 2023

မြန်မာနိုင်ငံမှာ စစ်အာဏာသိမ်းခဲ့တာကို အာဆီယံအဖွဲ့ဝင်နိုင်ငံတွေက လက်မခံရုံနဲ့ အာဆီယံဟာ မြန်မာ့အရေးကိုဝင်ရောက်စွက်ဖက်ခွင့်ရသွားတာမဟုတ်ကြောင်းနဲ့ မြန်မာနိုင်ငံရဲ့ လက်ရှိအခြေအနေဟာ လမ်းဆုံးကိုရောက်နေပြီဖြစ်ကြောင်း စင်ကာပူ နိုင်ငံခြားရေးဝန်ကြီး ဗီဗီယန်ဘာလာခရစ်ရှ်နန်က ပြောပါတယ်။

ဖေဖော်ဝါရီလ ၂၇ ရက်ကကျင်းပတဲ့ စင်ကာပူနိုင်ငံခြားရေးဝန်ကြီးဌာနရဲ့ ဘဏ္ဍာရေးဆိုင်ရာ အစည်းအဝေးမှာ မြန်မာ့အရေးနဲ့ ပတ်သက်လို့ မေးမြန်းမှုကို ပြန်လည်ဖြေကြားရာမှာ ပြောဆိုခဲ့တာ ဖြစ်ပါတယ်။

မြန်မာနိုင်ငံဟာ အမျိုးသားစည်းလုံးညီညွတ်ရေးနဲ့ပတ်သက်ပြီး ပြဿနာတွေဟာ ဒုတိယကမ္ဘာစစ်ကတည်းက ရှိနေခဲ့တာဖြစ်ပြီး အာဏာသိမ်းမှုကြောင့် ပိုလို့ဆိုးဝါးစေခဲ့တာလို့လည်း နိုင်ငံခြားရေး ဝန်ကြီးဗီဗီယန်ကပြောပါတယ်။

မြန်မာနိုင်ငံသားတွေဟာ တခြားနိုင်ငံသားတွေလိုပဲ အရည်အချင်းရှိပြီး ကြိုးစားကာ စွမ်းစွမ်းတမံ တိုးတက်ရာကိုရှာဖွေပြီး မိသားစုကို ထောက်ပံ့နေကြပေမဲ့ မြန်မာ့နိုင်ငံရေးကတော့ မြန်မာ့နိုင်ငံသားတွေအပေါ် အထောက်အပံ့ကောင်းမဖြစ်စေဘူးလို့ ပြောပါတယ်။

“အခုဆိုရင် အာဏာသိမ်းတာ နှစ်နှစ်ကျော်လာခဲ့ပေမယ့်လည်း ဘာမှဖြစ်မလာသေးဘူး၊ ကျနော့်အမြင်ကိုမေးရင်တော့ ဒါဟာ ရှေ့ဆက်ဘာမှဖြစ်လာမှာမဟုတ်တဲ့ လမ်းဆုံးကို ရောက်နေတာပဲ။ အမျိုးသားပြန်လည်စည်းလုံးညီညွတ်ရေး၊ နိုင်ငံပြန်လည်တည်ဆောက်ရေး၊ နိုင်ငံရဲ့ တိုးတက်မှုနဲ့ ဂုဏ်သိက္ခာကိုတည်ဆောက်ရေး၊ လူနည်းစုတိုင်းရင်းသားတွေကို ကာကွယ်ရေး၊ နိုင်ငံစီးပွားရေးနဲ့ နိုင်ငံသားတွေရဲ့ အရည်အသွေးမြှင်တင်ရေး အဲဒါတွေ ဘာတခုမှ မလုပ်နိုင်တော့ဘူး” လို့ နိုင်ငံခြားရေးဝန်ကြီးက ပြောပါတယ်။

ဆက်လက်ပြီး ပြည်တွင်းမှာရှိတဲ့ အဓိကအဖွဲ့အစည်းတွေကမှ ကိုယ့်နိုင်ငံသားတွေရဲ့ အနာဂတ်အတွက် အကောင်းဘက်ပြောင်းလဲရေးကို ရိုးရိုးသားသားနဲ့ ဆွေးနွေးညှိနှိုင်းကြဖို့ မပြင်ဆင်ကြသေးဘူးဆိုရင်ပြင်ပကနေဝင်ရောက်စွက်ဖက်ပြုပြင်ပေးလို့ မရနိုင်ဘူးလို့ ပြောပါတယ်။

အာဆီယံကနေ ပြတ်ပြတ်သားသား အာဏာသိမ်းမှုကို လက်မခံဘူး၊ စစ်အာဏာရှင်တွေကို အသိအမှတ်မပြုဘူးဆိုပေမဲ့ သူတို့ရဲ့ ပြည်တွင်းရေးကို အာဆီယံက ဝင်ရောက်စွက်ဖက်ခွင့်မရှိဘူးလို့ ဆိုပါတယ်။

အာဏာသိမ်းမြန်မာစစ်တပ်ရဲ့ တရားဝင်မှုကို အာဆီယံက အသိအမှတ်မပြုသလို စစ်ခေါင်းဆောင်တွေကို အာဆီယံရဲ့ အဆင့်မြင့်အာဆီယံအစည်းအဝေးတွေမှာလည်း နိုင်ငံကိုယ်စားပြုအဖြစ်တက်ရောက်ခွင့် ပိတ်ပင်ထားတာဖြစ်ပါတယ်။

စင်ကာပူအလုပ်သမားပါတီ လွှတ်တော်အမတ် ဆယ်လ်ဗီယာလင်းမ်က ၂၀၂၂ ခုနှစ် ဒီဇင်ဘာလမှာ ထိုင်းကဦးဆောင်စီစဉ်ပြီး မြန်မာနိုင်ငံက စစ်တပ်ခေါင်းဆောင်တွေ တက်ရောက်ခဲ့တဲ့ အစည်းအဝေးကို စင်ကာပူက သွားမတက်ခဲ့တာနဲ့ ပတ်သက်ပြီးလည်း မေးခွန်းထုတ်ခဲ့ပါတယ်။

အဲဒီမေးခွန်းနဲ့ပတ်သက်ပြီး မစ္စတာဗီဗီယန်က မြန်မာ့အရေးဟာ အလွန်အမင်း ဝမ်းနည်းစိတ်ပျက်စရာဖြစ်သလိုပြင်ပကနေ ပြုပြင်ပေးလို့ရနိုင်တဲ့ ပြဿနာမဟုတ်ဘူးလို့ ပြန်လည်ဖြေကြားခဲ့ပါတယ်။

ထိုင်းနိုင်ငံမှာ မြန်မာနိုင်ငံက စစ်ဘက်ခေါင်းဆောင်တွေတက်ရောက်ခဲ့တဲ့ အစည်းအဝေးနဲ့ ပတ်သက်ပြီး ဗီဗီယန်ကမြန်မာ့အရေးအပေါ် အာဆီယံရဲ့ ချဉ်းကပ်မှု ရာဇဝင်ကို ပြန်လည်ပြောပြခဲ့ပါတယ်။

၂၀၂၁ ခုနှစ် ဧပြီလမှာ မြန်မာအာဏာသိမ်းစစ်ခေါင်းဆောင်တက်ရောက်ခဲ့တဲ့ မြန်မာ့အရေးနဲ့ ပတ်သက်တဲ့ အထူးအစည်းအဝေးတရပ် အင်ဒိုနီးရှာနိုင်ငံ ဂျာကာတာမှာကျင်းပခဲ့ပြီး အဲဒီကနေ အာဆီယံဘုံသဘောတူညီချက် ၅ချက် ရရှိခဲ့ပါတယ်။

ဒါပေမဲ မြန်မာစစ်တပ်က အဲဒီသဘောတူညီချက်တွေကို လိုက်နာဆောင်ရွက်ခဲ့ခြင်း မရှိတာကြောင့် စစ်ဘက်ခေါင်းဆောင်တွေကို အာဆီယံအဆင့်မြင့် အစည်းအဝေးတွေမှာ မြန်မာနိုင်ငံကိုယ်စားပြုအဖြစ် တက်ရောက်ခွင့်ပိတ်ပင်တားမြစ်လိုက်ပါတယ်။

အဆင့်မြင့်အစည်းအဝေးတွေမှာ စစ်ကောင်စီခန့်နိုင်ငံခြားရေးဝန်ကြီး တက်ရောက်ခြင်းမရှိတာဟာ အဲဒီဝန်ကြီးနဲ့အာဆီယံကြား ဆက်သွယ်ညှိနှိုင်းဆောင်ရွက်မှုတွေ မရှိဘူးဆိုတဲ့ သဘောတော့ မဟုတ်ဘူးလို့ ဆိုပါတယ်။

မြန်မာနိုင်ငံက အရပ်ဘက်ဆိုင်ရာ အစိုးရဌာနဆိုင်ရာတွေအနေနဲ့ကတော့ မြန်မာနိုင်ငံဟာ အာဆီယံအဖွဲ့ဝင်ဖြစ်နေသေးလို့ အာဆီယံအဖွဲ့ဝင်ဖြစ်ရခြင်းရဲ့ အခွင့်အရေးတွေကို ရရှိနေဦးမှာဖြစ်ပါတယ်။

အာဆီယံနဲ့ ပတ်သက်တဲ့ သတင်းအချက်အလက်တွေကိုလည်း မြန်မာနိုင်ငံက သိရှိခွင့်ရှိနေဆဲဖြစ်ပါတယ်။ အာဆီယံအဆင့်မြင့် အစည်းအဝေးတွေမှာလည်း မြန်မာနိုင်ငံအတွက် ခုံနေရာကို အလွတ်ပဲထားဖို့ အာဆီယံက မရည်ရွည်ပါဘူး။

စစ်ဘက်ဆိုင်ရာခေါင်းဆောင်တွေ တက်ရောက်ခွင့်မရှိပေမဲ့ မြန်မာနိုင်ငံက အရပ်ဘက်ဌာနဆိုင်ရာက အကြီးတန်းအရာရှိတွေကတော့ လာတက်ရောက်နိုင်ပါတယ်။ မြန်မာစစ်ကောင်စီက အဲဒီသတ်မှတ်ချက်ကို လက်မခံဘဲ လာတက်ရောက်ခြင်းမရှိခဲ့လို့ဆိုပါတယ်။

ဘယ်လိုပဲဖြစ်ဖြစ် မြန်မာ့အရေးအပေါ် အဖွဲ့ဝင်နိုင်ငံတွေရဲ့ အမြင်နဲ့ ခံယူချက်တွေကတော့ မတူညီကြဘူးလို့ စင်ကာပူဝန်ကြီးက ပြောပါတယ်။

ဥပမာအားဖြင့် မြန်မာနိုင်ငံက ဒုက္ခသည်တွေ အမြောက်အမြားဝင်ရောက်လာတဲ့ ဒဏ်ကိုခံနေရတဲ့ ဘေးချင်းကပ်အိမ်နီးချင်းနိုင်ငံတွေကတော့ မြန်မာ့အရေးကို အမြန်ဆုံးပြေလည်စေချင်မှာ ဖြစ်ပါတယ်။

ထိုင်းနိုင်ငံမှာ ကျင်းပခဲ့တဲ့ အစည်းအဝေးဟာ အာဆီယံအစည်းအဝေးမဟုတ်ဘဲ ထိုင်းနိုင်ငံနဲ့ မြန်မာစစ်ခေါင်းဆောင်တွေပြုလုပ်တဲ့ အစည်းအဝေးသာဖြစ်ပြီး တခြားအာဆီယံနိုင်ငံတွေကိုပါ ဖိတ်ကြားခဲ့တာဖြစ်ပြီး စင်ကာပူက အဲဒီအစည်းအဝေးကို တက်သည်ဖြစ်စေ မတက်သည်ဖြစ်စေ ဘာထူးခြားချက်မှရှိမှာ မဟုတ်ဘူးလို့ ပြောပါတယ်။

ဘန်ကောက်မှာ ပြီးခဲ့တဲ့နှစ် ဒီဇင်ဘာ ၂၂ ရက်က ကျင်းပခဲ့တဲ့ မြန်မာ့အရေး အလွတ်သဘော ဆွေးနွေးပွဲမှာ အာဆီယံနိုင်ငံတွေထဲက ထိုင်းနိုင်ငံ ဒုဝန်ကြီးချုပ်နဲ့ နိုင်ငံခြားရေးဝန်ကြီး မစ္စတာဒွန်ပရာမွန်းဝီနိုင်း၊ ကမ္ဘောဒီးယား ဒုဝန်ကြီးချုပ်နဲ့ နိုင်ငံခြားရေးဝန်ကြီး ပရတ်ဆာခွန်း၊ လာအို နိုင်ငံခြားရေးဝန်ကြီး ဆလုံးဆေးကိုမာဆစ်နဲ့ ဗီယက်နမ်နိုင်ငံ နိုင်ငံခြားရေး ဒုဝန်ကြီး ဒိုဟုန်ဗီယက်တို့ တက်ရောက်ခဲ့ပြီး စင်္ကာပူ၊ မလေးရှား၊ အင်ဒိုနီးရှား၊ ဘရူနိုင်းနဲ့ ဖိလစ်ပိုင်နိုင်ငံတို့က ဝန်ကြီးတွေကတော့ တက်ရောက်ခဲ့ခြင်းမရှိပါဘူး။

မစ္စတာဗီဗီယန် အနေနဲ့ကတော့ စစ်အာဏာရှင်ခေါင်းဆောင်တွေနဲ့ တွေ့ဆုံရမယ်ဆိုရင်လည်းလမ်းဖွင့်ထားကြောင့်နဲ့သူ့ရဲ့ ရပ်တည်ချက်ဖြစ်တဲ့ ဘုံသဘောတူညီချက် ၅ ချက်ကိုပဲ ဆက်လက်တိုက်တွန်းသွားမှာဖြစ်တယ်လို့ ဆိုပါတယ်။

မြန်မာ့အရေးဟာ ခက်ခဲရှုပ်ထွေပြီး အချိန်ဘယ်လောက်ကြာအောင် ဖြေရှင်းရမလဲဆိုတာ မသိနိုင်သေးဘူးလို့နိုင်ငံခြားရေးဝန်ကြီး မစ္စတာဗီဗီယန်က ပြောခဲ့ပါတယ်။

Source: SCMP

ဆက်ဖတ်ရန် →

ကျိုက်မရောထောင်တွင် နိုင်ငံရေး အကျဥ်းသားများကို ပစ်သတ်မည်ဟု ခြိမ်းခြောက်ပြီး ညအချိန် အကြောင်းမဲ့ ခေါ်ယူ ရိုက်နှက်မှုများဖြစ်ပွား

📅 💬 မှတ်ချက်

ရန်ကုန်၊ မတ် ၆

မွန်ပြည်နယ်၊ ကျိုက်မရောမြို့ ဗဟို အကျဥ်းထောင်တွင် နိုင်ငံရေး အကျဥ်းသားများကို ထောင်ဝန်ထမ်းများက ပစ်သတ်မည်ဟု ခြိမ်းခြောက်ပြီး စစ်ကြောရေးကို ခေါ်ဆောင်ကာ ရိုက်နှက် နှိပ်စက်ပြီး ထောင်ပြောင်းမှုများ လုပ်ဆောင်ကြောင်း အကျဥ်းဦးစီး သတင်းရင်းမြစ်များထံမှ သိရသည်။

ကျိူက်မရော ဗဟို အကျဥ်းထောင်တွင် ထောင်တွင်း အဆင်မပြေမှုများကို ထောင်အာဏာပိုင် အဖွဲ့အစည်းများထံသို့တင်ပြသည့် နိုင်ငံရေး အကျဥ်းသားများကို ထောင်ဝန်ထမ်းများက ညအချိန်တွင် အဆောင်ပြင်သို့ ထုတ်ကာ ပုံစံ ထိုင်ခိုင်းပြီး ပစ်သတ်မည်ဟု ခြိမ်းခြောက် ပြောဆိုကြောင်း၊ ထောင်တွင်း အဆင်မပြေမှုများကို ဆက်လက်တင်ပြလျှင် ညအချိန် စစ်ကြောရေးကို ခေါ်ဆောင်ကာ ရိုက်နှက် နှိပ်စက်ပြီး ထောင်ပြောင်းမှုများ လုပ်ဆောင်ကြောင်း သိရသည်။

"သူတို့ကို ထောင်တွင်း အဆင်ပြေမှုတွေကို အမြဲတင်ပြတဲ့လူဆိုရင် ညအချိန်မတော် ၂ နာရီလောက်ဆိုရင် စစ်ဘက် အရပ်ဖက် တွေနဲ့ လာခေါ်ထုတ်တယ်ပြီးရင် စစ်ကြောရေးကို တစ်ခေါက်ပြန်ခေါ်သွားပြီး ရိုက်တယ်။ ထောင်ပြောင်းတယ်။ တခါတလေ အဆင်မပြေမှုကို တင်ပြတဲ့သူတွေ အဆောင်ဆိုရင် ညဘက် ၂ နာရီလောက်ကြီး ရိုက်နှက်တယ်။ ပုံစံထိုင်ခိုင်းထားတယ်။ လူက အိပ်ငိုက်လာရင် ထိုင်ထ လုပ်ခိုင်းတယ်။ မင်းတို့ နိုင်ကျဥ်းတွေက ဘာကောင်တွေလည်း အကုန် ပစ်သတ်မယ် ကြည့်နေတဲ့ အဲလိုတွေပါ ခြိမ်းခြောက်ပြောဆိုတယ်" ဟု အကျဥ်းဦးစီး သတင်းရင်းမြစ်က ပြောဆိုသည်။

ထို့ပြင် အကျဥ်းထောင်အတွင်း နိုင်ငံရေးအကျဥ်းသားများသည် ပုံစံဖြင့် ရေးချိုးရခြင်း၊ နေရာထိုင်ခင်း မသန့်ရှင်းသောကြောင့် ယားနာများ၊ ဝဲများပေါက်ကာ ဆေးကုသမှုမရရှိခြင်း၊ ညပိုင်းတွင် ထောင်ဝန်ထမ်းများက နိုင်ငံရေး အကျဥ်းသားများရှိသည့် အိပ်ဆောင်များ၌ မူးရူး ဆဲဆိုခြင်း၊ဘာရာ စောင့်ရသည့် နိုင်ငံရေး အကျဥ်းသားများကို ထောင်ဝန်ထမ်းများက ခေါ်ယူ ဆဲဆိုပြီး ထိုးကြိတ်မှုများပါလုပ်ဆောင်ကြောင်း၊ အကျဥ်းထောင်အတွင်း ရှာဖွေရေး လုပ် ဆောင် လျှင် နိုင်ငံရေးအကျဥ်းသားများ၏ အဆောင်များကို မွှေနှောက်ကာ ထောင်ဝင်စာပို့ထားသည့် ပစ္စည်းများကို ယူဆောင်သွားကြောင်း သိရှိရသည်။

ဆက်ဖတ်ရန် →

အသားထဲကလောက်ထွက်သူ

📅 💬 မှတ်ချက်

~~~~~~~~~~~~~~~~~~~~

ဒီဆောင်းပါးကိုကွီးဖြိုးကနေစရမှာပဲ၊ဒါကလဲဥပမာ

ပေးချင်လို့ပါ၊ ကွီးဖြိုးဇနီးကို နှိပ်စက်မယ် မုဒိန်းကျင့်

မယ်၊ သေတဲ့အထိနှိပ်စက်မယ်ဆိုလို့ ထွက်ဆိုရတာပါ

လို့သတင်းတက်ဖူးသလို သူ့ဇနီးကအဆိပ်သောက်ဖို့

ကြိုးစားခဲ့တယ်လို့လဲကြားရတယ်၊ကွီးဖြိုးဇနီးရဲ့မိသား

စုနဲ့ဒေါ်စုကြားမှာခိုင်မာတဲ့ဆက်ဆံရေးတခုရှိခဲ့တယ်၊

ဒါကလဲ တိုးလွင်နဲ့နိုင်းယှဉ်ပြချင်လို့၊ တိုးလွင်ခြံခုန်

တာကပုံစံတမျိုးဖြစ်နေလို့ပါ၊

တိုးလွင်မိန်းမစုစုထွေးက Great Light private school

ရဲ့ လက်ရှိကျောင်းအုပ်ပါ၊ဒီကျောင်းဖွင့်ရဖို့ NLD

ဗဟိုအလုပ်အမှုဆောင် တိုးလွင်အနေနဲ့ အပေးအယူ

တွေလုပ်ခဲ့ရတယ် စန္ဒာမင်းနဲ့အတူဒေါ်စုကိုတွေ့ပြီး

စကစခိုင်းတာလုပ်တယ် (ကွီးဖြိုးနဲ့သူဘာကွာလဲ)

စကစခိုင်းဖတ်ချင်းတူပါတယ်

နောက်တခု CEC၆ယောက်ကိစ္စ၊ အောင်စိုးက

တင်္နသာရီဝန်ကြီးချူပ်လှလှမော်ကိစ္စနဲ့ပါတ်သက်လို့

ထုတ်ပယ်ထားတာကြာပြီ၊ သူကထည့်ရေးထားတယ်

အောင်စိုး၊တိုးလွင်၊စန္ဒာမင်း သူတို့တွေပေါင်းပြီး NLD

ကို မင်းအောင်လှိုင်အကြိုက် အသက်သွင်းကြဖို့ကြံနေ

ကြတာပါ၊

တိုးလွင် ရဖြူဂျီခံဖူးလား

~~~~~~~~~~~~~~~~~

ခုန်ချပြီးတော့ကိုခံဖူးတာပါ၊

ဒီနေရာမှာအပြစ်ပြောတာမဟုတ်ပါ သူ့စကားနဲ့သူ့ကို

ပြန်နင်းချင်လို့ပါ သူကပြောတယ်လေ နိုင်ငံခြားမှာ

ဒုက္ခသည်အဖြစ် ( ကြောက်လို့) ခံယူသူတွေ NLDမှာ

တရားမဝင်ဖူးလို့သူရေးထားတာSSတင်ပေးပါတယ်

တိုးလွင်ကဒီပဲယင်းကိစ္စမှာပါတယ် ၂၀၀၆-၂၀၀၇မှာ

မဲဆောက်ကိုရောက်တယ် UNHCRမှာ ဒုက္ခသည်ခံတယ်

၂၀၀၈မှာ ပြည်သစ်ညွန့်ဝေ(အလုပ်သမားမောင်မောင်)

က ကိုပန်းသီးနဲ့တိုးလွင်ကို အမေရိကားမှာ ဒီပဲယင်း

သက်သေအဖြစ် credential challenge လုပ်ဖို့ခေါ်သွား

တယ်၊ ပြန်မလာပဲ ခုန်ချလိုက်တယ်၊

သူတို့လောကမှာဒါကို သိက္ခာမဲ့တဲ့လုပ်ရပ်လို့သတ်မှတ်

တယ်၊ အခုNUG ဝန်ကြီးတွေ ထဲကခုန်ချတာကြားဖူး

လား၊ ဒါကိုသူက NLDနဲ့မပါတ်သက်တော့ဖူးလို့ပြော

နေတာရယ်စရာပျက်လုံးတခုပါပဲ၊သူခုန်ချတာဆန်ဖရန်

စစ်စကိုမှာလို့မှတ်သားဖူးပါတယ်၊

၂၀၁၆မှာသူပြန်လာတယ် သိက္ခာမဲ့လုပ်ရပ်လုပ်ဖူးသူဖြစ်လို့ နေရာပြန်မရနိုင်တော့ဖူး ၊ တိုးလွင်ယောက်ဖ

က သိန်းဆွေ ၂၀၂၀ ဖျာပုံအမတ်၊ယောက္ခမ က မြင့်

ဆွေ ၁၉၉၀ ဖျာပုံအမတ်ဟောင်း၊ ဝိတ်နဲ့ NLDကိုပြန်ဝင်ခဲ့

တယ်အလုပ်သမားရေးရာမှာဝင်လုပ်တယ် ပြီးတော့ဦး

ဝင်းထိန်အကူအညီနဲ့စည်းကမ်းထိန်းသိမ်းရေးရောက်

တယ်၊ ပြီးတော့ ဦးဝင်းထိန်ကိုကန်တယ် ဦးဟန်သာမြင့်

တို့ကိုလုံးပြီး ရုံးအဖွဲ့အမျိူးသမီးတွေအကူအညီနဲ့မဲရ

အောင်လုပ်ပြီး ၁၇/၁၈လောက်မှာ ဗဟိုကော်မတီဝင်

ဖြစ်လာတယ်၊ ဒီပဲယင်းကိစ္စကြောင့် ပြန်လက်ခံခဲ့တယ်

လို့ယူဆလို့ရပေမယ့် ဒေါ်အောင်ဆန်းစုကြည်ဟာတိုး

လွင်ကိုတယောက်ခြင်းတွေ့ခွင့်မပေးခဲ့ဖူး၊ ခုန်ချတဲ့လုပ်

ရပ်ကို NLDဗဟိုအဆင့်မှာ ခွင့်မပြုဖူး သွားပြီးရင်ပြန်

လာပဲ၊ ဒါကိုသူက အညှိးထားခဲ့ပြီးတော့ အခုလိုအခွင့််

သာတယ်လို့ထင်ချိန်မှာ အကုန်လုံးကို ချိုးချေဖို့ NDF

ပုံစံလုပ်ဖို့စတင်ကြိုးစားတာဖြစ်တယ်၊ ဒေါ်အောင်ဆန်း

စုကြည်ရော ကျန်တဲ့ CECတွေရော ဒေါ်ဇင်မာအောင်

တို့ကိုစိတ်ကြိုက်လမ်းဖေါက်ခွင့်ပေးပြီးသား၊ သူက

တ ရား မဝင်ဖူးထအော်တာ ဘာရည်ရွယ်ချက်လဲဆို

တာအားလုံးသဘောပေါက်မှာပါ၊

တိုးလွင်ဟာ မင်းအောင်လှိုင် ခိုင်းဘတ်ဖြစ်သွားပါပြီ။

(ဘောမတွေတိုးလွင်ရေးတာယူတင်နေကြပြီ)

ဆက်ဖတ်ရန် →