ဧရာ၀တီတိုင်းက ရဲတပ်ဖွဲ့၀င် ၄၀ ဦးကို ရခိုင်နဲ့ စစ်ကိုင်းကို ရွှေ့ပြောင်း
ဧရာဝတီတိုင်းမ်
မတ်လ ၂၂ ရက် 
ဆက်ဖတ်ရန် →
ဧရာ၀တီတိုင်းအတွင်းက မြို့နယ်ရဲစခန်းတွေက ရဲတပ်ဖွဲ့၀င် ၄၀ ဦးကို မတ်လ (၁၈)ရက်နေ့က ရခိုင်ပြည်နယ် နယ်ခြားစောင့်ရဲတပ်ရင်းနဲ့ စစ်ကိုင်းတိုင်းဘက်ကို ပြောင်းရွှေ့လိုက်တယ်လို့ ရဲတပ်ဖွဲ့နဲ့နီးစပ်တဲ့ အသိုင်းအ၀န်းကသိရပါတယ်။
ခုလိုမျိုး တစ်တိုင်းလုံးမှာ ပြောင်းရွှေ့ရတဲ့ ရဲ ၄၀ ဦးဟာ ပြောင်းရွှေ့စာရင်းမှာမပါဝင်ဘဲ ငွေကြေးမပေး နိုင်လို့ ငွေပေးနိုင်တဲ့သာတွေအစား ရွှေ့ပြောင်းခဲ့ရတာဖြစ်တယ်လို့ ရဲတပ်ဖွဲ့နဲ့ နီးစပ်သူတွေက ပြောပါတယ်။
"တစ်တိုင်းလုံးအယောက် ၄၀ မြို့နယ်စခန်းတွေက နာမည်နဲ့ စာရင်းထွက်တာတစ်ချို့ကြတော့ ပိုက်ဆံပေးပြီး လူချိန်းလိုက်တာတွေ ရှိတယ် အရင်ကတိုင်းမှာ အနေကြာသူတွေချိန်းတာ၊ ခုကငွေမပေးနိုင်ရင် နာမည်ပါမှာပဲ"လို့ တိုင်းရဲတပ်ဖွဲ့နဲ့နီးစပ်သူတစ်ဦးကပြောပါတယ်။
ဧရာ၀တီတိုင်းကနေ အခြားဒေသတွေကိုမပြောင်းရရေးအတွက် ငွေကြေးလာဘ်ထိုးရပြီး တော်လှန်ရေးအင်အားစုများနဲ့ တိုက်ပွဲဖြစ်ပွားနေတဲ့ ဒေသများကိုမပါစေရေးအတွက် ငွေကျပ်သိန်း ၅၀ နီးပါး လာဘ်ငွေပေးရတယ်လို့ ဆိုပါတယ်။
ယခုပြောင်းရွှေ့ခံရသူ အများစုဟာမြို့နယ်တွေမှာ စစ်ကောင်စီကို အဓိက ငွေရှာပေးနေတဲ့ နယ်ထိန်း၊ ဒန စတဲ့ရဲတပ်ဖွဲ့၀င်အများစုပါ၀င်သွားပြီး ယခင် ခေတ်အဆက်ဆက် မပြောင်းရွှေ့ရသူများဖြစ်ပြီး ယခုအကြိမ်မှာ ပါ၀င်သွားခဲ့တာလို့ သိရပါတယ်။
" အဓိကကတော့ လိုင်းကြေးရှာမပေးနိုင်တော့ အရင်က ဘယ်လို မပြောင်းခဲ့ရပေမယ့် ခုတော့ပါသွားတာပဲ ရဲထဲမှာလဲ အပြောင်းအရွှေ့မှာခုလို ငွေစားပြီးလုပ်ခြင်တာလုပ်နေလို့ ရဲတပ်ဖွဲ့ခြင်းလဲစိတ်၀မ်းကွဲကုန်တာ"လို့ ပုသိမ်မြို့ကရဲတပ်ဖွဲ့ ၀င်အငြိမ်းစားတစ်ဦးကပြေပါတယ်။
ဧရာ၀တီတိုင်းမှာရဲတပ်ဖွဲ့၀င်တွေဟာ တော်လှန် ရေးအင်အားစုတွေနဲ့ထိတွေ့မှုနည်းတာကြောင့် လောင်းကစားနဲ့ မူးယစ်ဆေးရောင်း၀ယ်သူများထဲကလိုင်းကြေးကောက်ခြင်း ၊လူငယ်တွေကိုPDFလို့စွပ်စွဲပြီးခြိမ်းခြောက်ငွေညှစ်ခြင်းများနဲ့ ငွေရရှိနေတာကြောင့် အခြားဒေသ တွေကိုမပြောင်းရွှေ့ရဖို့
လဘ်ငွေပေးနေရတယ်လို့သိရပါတယ်။
