အမေရိကန် တစ်နိုင်ငံလုံး လေယာဉ်ထွက်ခွာမှု ရပ်ဆိုင်းလိုက်တယ် (FAA ground stop)
ရဲရင့်ငယ် — ၁၃ နိုဝင်ဘာ ၂၀၂၆
လေဆိပ်မှာ ရပ်ထားတဲ့ လေယာဉ် — ပုံဥပမာ (ဒီနေ့ပုံ မဟုတ်) — Photo: Bill Abbott, CC BY-SA 2.0
ဒီနေ့ (နိုဝင်ဘာ ၁၃ ရက်) မွန်းလွဲ ၃:၅၄ နာရီ (အရှေ့ပိုင်းအချိန်) ကစပြီး အမေရိကန် ပြည်ထောင်စု လေကြောင်းအာဏာပိုင်အဖွဲ့ (Federal Aviation Administration, FAA) က တစ်နိုင်ငံလုံး လေယာဉ်ထွက်ခွာမှု ရပ်ဆိုင်းချက် (ground stop) ထုတ်ပြန်ခဲ့တယ်။ လေကြောင်းထိန်းချုပ်ရေးစင်တာ (Air Route Traffic Control Centers) အားလုံးမှာ ဆက်သွယ်ရေးစနစ် (telecommunications) ပျက်သွားလို့ ဖြစ်တယ်။
လေထဲမှာ ပျံနေတဲ့ လေယာဉ်တွေတော့ ခရီးဆက်ပြီး ဆင်းသက်ခွင့်ရှိတယ်။ နိုင်ငံတကာက လာတဲ့ လေယာဉ်တွေကို တစ်စီးချင်း ဆုံးဖြတ်မယ်။ FAA နည်းပညာသမားတွေ အကြောင်းရင်းကို စစ်ဆေးနေတယ်။
သယ်ယူပို့ဆောင်ရေးဝန်ကြီး (Transportation Secretary) Sean Duffy က ဆက်သွယ်ရေးပြဿနာက လေကြောင်းထိန်းချုပ်ရေးစင်တာ အားလုံးကို ထိခိုက်တယ်လို့ ပြောတယ်။ ပြည်တွင်းလုံခြုံရေးဝန်ကြီး (Homeland Security Secretary) Markwayne Mullin က ဒါက ဆိုက်ဘာတိုက်ခိုက်မှု မဟုတ်ဘူး၊ ၂၀၀၁ စက်တင်ဘာ ၁၁ တိုက်ခိုက်မှု (9/11) လို အဖြစ်မျိုး မဟုတ်ဘူး၊ သတိထားပြီး ရပ်ထားတာလို့ ပြောတယ်။
သက်ရောက်မှုက ကြီးတယ်။ Reuters အရ လေယာဉ် ၇,၀၀၀ နီးပါး နောက်ကျ/ဖျက်သိမ်းခဲ့တယ်။ ည ၆ နာရီလောက်မှာ FlightAware အရ နောက်ကျတာ ၁၀,၀၀၀ ကျော်၊ ဖျက်သိမ်းတာ ၂,၅၀၀ ဖြစ်သွားတယ်။
ဒါက 9/11 နောက်ပိုင်း ဒုတိယအကြိမ် တစ်နိုင်ငံလုံး ground stop ဖြစ်တယ်။ အရင်အကြိမ်က ၂၀၂၃ ဇန်နဝါရီ၊ လေယာဉ်သတိပေးစနစ် (NOTAM) ပျက်တုန်းက ဖြစ်ခဲ့တယ်။ အမေရိကန် သမိုင်းမှာ တတိယအကြိမ်ပဲ (၉/၁၁၊ ၂၀၂၃၊ ၂၀၂၆)။
နောက်ဆုံးအခြေအနေကတော့ ညနေ ၅:၄၆ ကစပြီး စင်တာတွေ ပြန်ကောင်းလာတာနဲ့အမျှ ထွက်ခွာခွင့်ကို အဆင့်ဆင့် ပြန်ပေးနေပြီ။ ည ၆:၅၅ လောက်မှာ FAA ရဲ့ status board မှာ တစ်နိုင်ငံလုံး ground stop မရှိတော့ဘူး။ ဒါပေမဲ့ လေဆိပ်အချို့မှာ နောက်ကျမှုတွေ ကျန်နေသေးတယ်။
ကနေဒါနဲ့ ဆိုင်တာက Canada-US လေယာဉ်တွေလည်း ကနေဒါ လေဆိပ်တွေမှာ ရပ်ထားခံရ/နောက်ကျခဲ့တယ်။ ကနေဒါ လေကြောင်းထိန်းချုပ်ရေးစနစ် (NAV Canada) ကိုယ်တိုင် မပျက်ဘူး၊ ပုံမှန်အတိုင်း လည်ပတ်နေတယ်။
ရင်းမြစ်များ
မှတ်ချက်များ
Post a Comment