စစ်ကောင်စီကို ဘဏ္ဍာရေး အကြံပေးနေကြသူများ

စစ်ကောင်စီကို ဘဏ္ဍာရေး အကြံပေးနေကြသူများ

📅 💬 မှတ်ချက်

၁။ ဦးမင်းဝင့်ဦး

ရာထူး - မန်နေဂျင်း ဒါရိုက်တာ (AYA Bank)

ရုံးချုပ်လိပ်စာ - အမှတ် ၄၁၆၊ မဟာဗန္ဓုလလမ်း၊ ကျောက်တံတားမြို့နယ်၊ ရန်ကုန်။

၂။ ဦးမြင့်ဇော်

ရာထူး - အမှုဆောင်အရာရှိချုပ် (AYA Bank)

ရုံးချုပ်လိပ်စာ - အမှတ် ၄၁၆၊ မဟာဗန္ဓုလလမ်း၊ ကျောက်တံတားမြို့နယ်၊ ရန်ကုန်။

၃။ ဦးဇော်လင်းထွဋ်

ရာထူး - ဒုဥက္ကဌ (A Bank)

ရုံးချုပ်လိပ်စာ -  အမှတ် ၁၀၈၊ ကမ္ဘာအေး ဘုရားလမ်းနှင့် နတ်မောက်လမ်းထောင့်၊ ဗိုလ်ချို ၁ ရပ်ကွက်၊ ဗဟန်းမြို့နယ်၊ ရန်ကုန်။

၄။ ဦးကျော်စိုးလင်း

ရာထူး - အမှုဆောင်အရာရှိချုပ် (Yoma Bank)

ရုံးချုပ်လိပ်စာ - အမှတ် ၁၄၊ ကျိုက်ခေါက် ဘုရားလမ်း၊ စတားစီးတီး၊ သန်လျင်မြို့နယ်၊ ရန်ကုန်။

အထက်ပါ ပုဂ္ဂိုလ်များသည် နိုင်ငံတကာမှ ပိတ်ဆို့ အရေးယူခြင်း ခံထားရသော မင်းအောင်လှိုင်၏ စစ်ကောင်စီကို ဘဏ်စနစ်နှင့် ဘဏ္ဍာရေး ဆိုင်ရာ အကြံဥာဏ်များ ပေးနေကြသည့် သူများ ဖြစ်ကြပါသည်။

သို့သော် အဆိုပါ ပုဂ္ဂိုလ်များထဲတွင် တော်လှန်ရေးကို ကူညီခဲ့ဖူးသူများ ပါဝင်နေသည်ကို ထောက်ရှူ၍ နောက်ဆုံး အကြိမ် အဖြစ် ပြင်းထန်စွာ သတိပေး လိုက်ပါသည်။ 

နောင်တွင် စစ်ကောင်စီနှင့် ဆက်လက် ပူးပေါင်း ဆောင်ရွက်နေပါက ထိုက်သင့်သည့် အရေးယူ မှုများ ပြုလုပ်သွားမည် ဖြစ်ကြောင်း အသိပေး အပ်ပါသည်။

ဆက်ဖတ်ရန် →

ထွန်းမင်းလတ်နှင့် ဆက်စပ်သည့် ကုမ္ပဏီသုံးခု ဖျက်သိမ်း

ထွန်းမင်းလတ်နှင့် ဆက်စပ်သည့် ကုမ္ပဏီသုံးခု ဖျက်သိမ်း

📅 💬 မှတ်ချက်

ဇွန် ၂၆

အာဏာသိမ်းစစ်ခေါင်းဆောင်၏ သားသမီးများ အကျိုးစီးပွားပက်သက်နေသည့် လက်နက်ပွဲစား ထွန်းမင်းလတ်၏လုပ်ငန်းစုနှင့် ဆက်နွယ် သော ကုမ္ပဏီသုံးခုအား  စာရင်းရှင်းလင်းဖျက်သိမ်းမည်ဖြစ်ကြောင်း ပြန်တမ်းများတွင်ဖော်ပြထားသည်။

အဆိုပါ ကုမ္ပဏီသုံးခုသည် ထိုင်းနိုင်ငံတွင် မူးယစ်ဆေးဝါးမှု၊ ငွေကြေးခဝါချမှုနှင့် နယ်စပ်ဖြတ်ကျော်ပြစ်မှုများဖြင့် ဖမ်းဆီးတရားစွဲခံထား ရသူ လက်နက်ပွဲစားထွန်းမင်းလတ်ချုပ်ကိုင်ထားသည့် Star Sapphire လုပ်ငန်းနှင့် ဆက်နွယ်နေသည့် Star Sapphire Phoenix co.,Ltd၊ Star Sapphire Dragon co.,Ltd နှင့် Royal Mawtaung Mining Co.,Ltd တို့ဖြစ်ကြသည်။

လက်နက်ပွဲစား ထွန်းမင်းလတ်နှင့် စစ်အုပ်စုသားသမီးများ အကျိုးစီးပွားဆက်နွယ်နေသည့် ကုမ္ပဏီသုံးခု ဖျက်သိမ်းမှုနှင့် ပတ်သက်ပြီး အရင်းခံအကြောင်းအချက်အား သိရှိနိုင်ရန် ခက်ခဲသော်လည်း ၎င်းတို့အနေဖြင့် လုပ်ငန်းစုတခုလုံးနှင့် လူပုဂ္ဂိုလ်တဦးချင်းစီအပေါ် ပိတ်ဆို့ ဒဏ်ခတ်မှုများအား ကြိုတင်ရှောင်တိမ်းရန်ကြိုးပမ်းမှုဖြစ်နိုင်ကြောင်း မြန်မာစစ်အုပ်စု၏ စီးပွားရေးအရင်းအမြစ်နှင့် လက်နက်ရောင်းဝယ်မှုများအပေါ် လေ့လာနေသည့် Justice For Myanmar အဖွဲ့မှ မရတနာမောင်ကပြောသည်။

၎င်းက “ Star Sapphire အုပ်စုရဲ့ ကွန်ရက်တခုလုံးနဲ့ လူပုဂ္ဂိုလ်တဦးချင်းစီ ဒဏ်ခတ်ပိတ်ဆို့မှုတွေ မရောက်လာသေးခင် ကြိုတင်ပြီး ရှောင်တိမ်းဖို့ ကြိုးပမ်းတာမျိုး ဖြစ်နိုင်ပါတယ်၊ Star Sapphire ရဲ့ လုပ်ငန်းတခုလုံးကို ထိခိုက်နစ်နာစေခဲ့တဲ့ ထွန်းမင်းလတ်နဲ့ အပေါင်းအပါတွေ ကို ပိတ်ဆို့အရေးယူခံရမှုတွေမှာ သူတို့ရဲ့လုပ်ငန်းတွေပါ ဒုက္ခရောက်နေတာမျိုးလည်းဖြစ်နိုင်ပါတယ်။ Star Sapphire အုပ်စုနဲ့ ကွန်ရက်တခုလုံးအပေါ် ပိတ်ဆို့အရေးယူတာတွေအပါအဝင် အခြားခရီုနီလုပ်ငန်းစုတွေနဲ့ လက်နက်ပွဲစားတွေအားလုံးကို သတိကြီးကြီးထားပြီး ဆက် လက်ဖိအားပေးနိုင်ဖို့က အားလုံးအတွက် အရေးကြီးပါတယ်” ဟု ပြောသည်။

ဖျက်သိမ်းရန်ကြေညာထားသည့် Star Sapphire Phoenix co.,Ltd ၏ ရုံးချုပ်မှာ ရန်ကုန်မြို့၊ ဗဟန်းမြို့နယ်၊ သံလွင်လမ်းတွင် ဖွင့်လှစ် ထားကြောင်း ဖော်ပြထားပြီး ကုမ္ပဏီမှ ရရန်ရှိနှင့် ပေးရန်ရှိသည်များအား ဩဂုတ်လ ၁၆ ရက်နေ့နောက်ဆုံးထားကာ စာရင်းရှင်းလင်း ဖျက်သိမ်းရေးအရာရှိထံ ပေးသွင်းခြင်း၊ တောင်းခံခြင်းများပြုလုပ်နိုင်ကြောင်းလည်း ကြေညာထားသည်။

ယင်းအပြင်အခြားကုမ္ပဏီနှစ်ခုဖြစ်သည့် Star Sapphire Dragon co.,Ltd နှင့် Royal Mawtaung Mining Co.,Ltd တို့၏ ရုံးချုပ်မှာ နေပြည်တော်၊ ဥတ္တရသီရီမြို့နယ်၊ ရွှေအင်ကြင်းလမ်းတွင် ဖွင့်လှစ်ထားကြောင်းဖော်ပြထားပြီး Royal Mawtaung Mining Co.,Ltd အတွက် ပေးရန်ရှိ၊ရရန်ရှိစာရင်းများအား ဩဂုတ် ၂ ရက်နေ့နှင့် Star Sapphire Dragon co.,Ltd အတွက် စာရင်းများအား ဩဂုတ် ၉ ရက်နေ့ နောက်ဆုံးထားကာ ဆောင်ရွက်ကြရန်လည်း ဖော်ပြထားသည်။

အဆိုပါ ကုမ္ပဏီများ၏ ဒါရိုက်တာနှင့် ရှယ်ယာရှင်များစာရင်းတွင် လက်နက်ပွဲစားထွန်းမင်းလတ်၏ ဇနီးဖြစ်သူ ဒေါ်ဝင်းမင်းစိုး၊ အငြိမ်းစား ဗိုလ်မှူးချုပ် ဇင်ယော်၏သားဖြစ်သူ ထက်အောင်တို့ပါဝင်နေသည့်အပြင် အထူးသဖြင့် Royal Mawtaung Mining Co.,Ltd သည် အာဏာ သိမ်းစစ်ခေါင်းဆောင် ဗိုလ်ချုပ်မှူးကြီးမင်းအောင်လှိုင်၏ သမီးဖြစ်သူ ဒေါ်ခင်သီရိသက်မွန် ဦးစီးတည်ထောင်ခဲ့သည့် Star Thiri Investment Limited အား အမည်ပြောင်းလဲထားသည့် ကုမ္ပဏီတခုဖြစ်သည်။ သို့သော် ဒေါ်ခင်သီရိသက်မွန်သည် ၎င်းကုမ္ပဏီ ဒါရိုက် တာစာရင်းမှ ၂၀၂၀ ခုနှစ်တွင် နှုတ်ထွက်ထားကြောင်းလည်း သိရသည်။

လက်နက်ပွဲစားထွန်းမင်းလတ်နှင့် စစ်ခေါင်းဆောင်သားသမီးများကြား အကျိုးစီးပွားဆက်နွယ်မှုအနေဖြင့်လည်း ထိုင်းရဲတပ်ဖွဲ့က ယမန်နှစ် စက်တင်ဘာလတွင် ထွန်းမင်းလတ်အား ဖမ်းဆီးကာ ပိုင်ဆိုင်မှုများ စစ်ဆေးစဉ် စစ်ခေါင်းဆောင်သားဖြစ်သူ ဦးအောင်ပြည့်စုံနှင့် သမီးဖြစ် သူ ဒေါ်ခင်သီရိသက်မွန်တို့၏ ဘဏ်စာအုပ်များ၊ ဘန်ကောက်ရှိ အဆင့်မြင့်ကွန်ဒိုတိုက်ခန်း ပိုင်ဆိုင်မှုများပါ တွေ့ရှိခဲ့သည်။

ယင်းအတွက် အာဏာသိမ်းစစ်ခေါင်းဆောင်က မူးယစ်ဆေးဝါးမှု၊ ငွေကြေးခဝါချမှု၊ နယ်စပ်ဖြတ်ကျော်မှုခင်းများဖြင့် တရားစွဲခံထားရ သည့် ထွန်းမင်းလတ်အမှုတွင် သမီးဖြစ်သူ၏ အမည်ပါဝင်နေမှုအား ပယ်ဖျက်ပေးရန် ထိုင်းအာဏာပိုင်များအား ပုဂ္ဂိုလ်ရေးအရ တောင်း ဆိုခဲ့ဖူးကြောင်း ဧရာဝတီ၏သတင်းအရင်းအမြစ်များက ပြောထားသည်။

Justice For Myanmar အဖွဲ့က ထွန်းမင်းလတ်အမှုတွင် ပါဝင်ပတ်သက်နေသည့် အောင်ပြည့်စုံနှင့် ခင်သီရိသက်မွန်တို့၏ ပိုင်ဆိုင်မှုများအား ထိုင်းအာဏာပိုင်များအနေဖြင့် သိမ်းဆည်းကာ ထွန်းမင်းလတ်၏ မူးယစ်ဆေးဝါနှင့် ငွေကြေးခဝါချမှုများတွင် ၎င်းတို့အနေဖြင့် အကျိုးအမြတ်ရရှိခဲ့ခြင်း ရှိမရှိအား စုံစမ်းစစ်ဆေးရန် တိုက်တွန်းခဲ့ပြီး ထိုင်းနိုင်ငံ၏ ဥပဒေအား တစုံတရာချိုးဖောက်မှုရှိပါက တရားစွဲဖို့လည်း တောင်းဆိုခဲ့သည်။

လက်ရှိတွင် ပြည်သူများအပေါ် အကြမ်းဖက်သတ်ဖြတ်မှုများ ကျူးလွန်နေသည့် မြန်မာစစ်တပ်အား စစ်လက်နက်များတင်သွင်းပေးရာ တွင် ထွန်းမင်းလတ်နှင့် ၎င်း၏ Star Sapphire လုပ်ငန်းစုအနေဖြင့် ပါဝင်ပတ်သက်နေသည်ဟုဆိုကာ အမေရိကန်နိုင်ငံနှင့် ဗြိတိန်နိုင်ငံတို့ က ပိတ်ဆိုအရေးယူမှုများ ချမှတ်ထားသည်။

ယင်းအပြင် စစ်ခေါင်းဆောင်၏ သားသမီးများဖြစ်သည့် ဦးအောင်ပြည့်စုံနှင့် ဒေါ်ခင်သီရိသက်မွန်တို့ကိုလည်း အမေရိကန်နှင့် ကနေဒါနိုင်ငံ တို့က ပိတ်ဆို့အရေးယူမှုများ ပြုလုပ်ထားသည်။

လက်နက်ပွဲစား ထွန်းမင်းလတ်နှင့် အာဏာသိမ်းစစ်ခေါင်းဆောင်၏ သားသမီးများ အကျိုးစီးပွားပတ်သက်ဆက်နွယ်နေသည်။

Credit ဧရာဝတီ

ဆက်ဖတ်ရန် →

သာသနာ့ မြေ ၇ ဧက ကျော်ကို မင်းအောင်လှိုင် ပြန်မပေးဘဲ အဓမ္မ သိမ်းခဲ့မှု ဆရာတော့် အခေါင်းထမ်းရုံနဲ့ ကျေနိုင်ရိုးလား

သာသနာ့ မြေ ၇ ဧက ကျော်ကို မင်းအောင်လှိုင် ပြန်မပေးဘဲ အဓမ္မ သိမ်းခဲ့မှု ဆရာတော့် အခေါင်းထမ်းရုံနဲ့ ကျေနိုင်ရိုးလား

📅 💬 မှတ်ချက်

နိုင်ငံတော် သံဃာ မဟာနာယက ဥက္ကဋ္ဌ ဆရာတော်ထံမှ ကမ္ဘာအေးသာသနာ့ မြေ ၇ ဧက ကျော်ကို မင်းအောင်လှိုင် ပြန်မပေးဘဲ အဓမ္မ သိမ်းခဲ့မှု ဆရာတော့် အခေါင်းထမ်းရုံနဲ့ ကျေနိုင်ရိုးလား

By ရန်ကုန်ခေတ်သစ်

နိုင်ငံတော်သံဃမဟာနာယက အဖွဲ့ ဥက္ကဋ္ဌ ဆရာတော်ကြီး ဒေါက်တာဘဒ္ဒန္တကုမာရာဘိဝံသ မေလ ၂၅ ရက်နေ့မှာ ပျံလွန်တော်မူပြီး ဇွန်လ ၇ ရက်နေ့မှာ ဆရာတော်ကြီးရဲ့ ကြွင်းကျန်ရစ်တဲ့ အရိုးပြာတွေကို ဧရာ၀တီမြစ်ထဲမျှောလို့ ဈာပန အခမ်းအနား ပြီးစီးခဲ့ပါတယ်။ 

ဆရာတော်ကြီး ပျံလွန်တော်မူချိန်မှာ မင်းအောင်လှိုင်က ဆရာတော်ကြီးရဲ့ အခေါင်းကို ထမ်းတာ ၊ ရုပ်ကလပ်ကို ရှစ်ခိုးတာတွေနဲ့ ဈာပနကို တက်ရောက်တာတွေ လုပ်ခဲ့ပါတယ်။ ဒါပေမယ့် ဒီလိုတွေ လုပ်ပေမယ့်လည်း မင်းအောင်လှိုင်က ဆရာတော်ကြီးဆီကနေ သာသနာ့မြေ လုယူ သိမ်းဆည်းခဲ့တဲ့ အပြစ်ကိုတော့ ကျေနိုင်မှာ မဟုတ်ပါဘူး။ 

ကမ္ဘာအေး သာသနာ့မြေထဲက  မြေဧက ၇ ဒသမ ၃၀၉ ကို မင်းအောင်လှိုင်ရဲ့ စစ်တပ်က သိမ်းယူခဲ့ပါတယ်။ ဆရာတော်ကြီးက သာသနာ့မြေကို ပြန်ပေးဖို့ စာရေးပြီး တောင်းဆိုပေမယ့်လည်း မင်းအောင်လှိုင်က ပြန်မပေးတဲ့ အပြင် ဆရာတော်ကြီးကိုပါ စိတ်ဆိုးမာန်ဆိုး တုံ့ပြန်ခဲ့ပါသေးတယ်။ 

ဆရာတော်ကြီး ပျံလွန်တော်မူချိန်မှာတော့ သူမဟုတ်တဲ့အလား မင်းအောင်လှိုင်က အခေါင်းသယ်၊ ရုပ်ကလပ် ရှစ်ခိုးတာတွေ လုပ်ခဲ့ပေမယ့်လည်း ဆရာတော်ကြီးကို ကျူးလွန်ခဲ့တဲ့ အပြစ်တွေကို မကျေနိုင်ပါဘူး။

နိုင်ငံတော်သံဃမဟာနာယကအဖွဲ့ ဥက္ကဋ္ဌ ဆရာတော်က သာသနာရေးအတွက် လှူဒါန်းထားတဲ့ မြေတွေကို စစ်တပ်က သိမ်းယူတာဟာ အသုံးပြုသူတွေကို ပစ္စုပ္ပန် သံသ ရာ နှစ်ဖြာအကျိုးပျက်စီးစေနိုင်တယ်လို့ မင်းအောင်လှိုင်ကို သတိပေးခဲ့ပေမယ့် မင်းအောင်လှိုင်က နားမထောင်ခဲ့ပါဘူး။ 

ကမ္ဘာအေး သာ့သနာမြေကို မင်းအောင်လှိုင်  သိမ်းယူခဲ့ခြင်း

=============================================

စစ်တပ်က သာသနာပိုင်ကမ္ဘာအေးကုန်းမြေထဲက မြေတွေကို တပ်ပိုင်မြေတွေအဖြစ် သိမ်းယူထားခဲ့တာရှိပါတယ်။ အဲဒီမြေတွေကို NLD အစိုးရ၊ သာသနာရေးဝန်ကြီး ဦးအောင်ကိုက မင်းအောင်လှိုင်ဆီက ပြန်တောင်းယူခဲ့ပါတယ်။ ဒါကို မင်းအောင်လှိုင်က အကြီးအကျယ် စိတ်ဆိုး‌ခဲ့ပြီး မြေတွေကို ပြန်မပေးခဲ့ပါဘူး။  

စစ်ခေါင်းဆောင် သန်းရွှေလက်ထက် ၂၀၀၁ ခုနှစ် ကာကွယ်ရေးဝန်ကြီးဌာနကို မရမ်းကုန်းမြို့နယ် ၊ ကုန်းမြင့်သာ ရိပ်သာကို ပြောင်းရွှေ့တဲ့အချိန်မှာ လုံခြုံရေးအရ ကမ္ဘာအေး သာသနာမြေ မြေဧက ၇ ဒသမ ၃၀၉ ကို စစ်တပ်က သိမ်းယူခဲ့ပါတယ်။ 

စစ်တပ်က သိမ်းယူလိုက်တဲ့ သာသနာပိုင် ကမ္ဘာအေးကုန်းမြေဧက ၇ ဒသမ ၃၀၉ အတွင်းမှာ ဆဋ္ဌသံဂါယနာတင် အဆောက်အဦး၊ ပိဋကတ်တိုက်၊ ညောင်ရမ်းဆရာတော်ကြီး ဩဝါဒဖြင့် တည်ထားသော ညောင်ရမ်းစေတီ၊ ကပ်ကျော်စေတီတွေပါ ပါသွားခဲ့ပါတယ်။ 

ဒါပေမယ့် ၂၀၀၆ ခုနှစ် နေပြည်တော်ကို ကာကွယ်ရေးဝန်ကြီးဌာနပြောင်းရွှေ့သွားတဲ့အချိန်မှာလည်း စစ်တပ်က  လုံခြုံရေးအရ သိမ်းယူထားတဲ့ သာသနာပိုင်မြေတွေကို  ပြန်မပေးပါဘူး။ စစ်တပ်က သာသနာပိုင်မြေတွေကို ပြန်မပေးတော့ဘဲ ဂေါက်ကွင်း ရေတွန်းပို့တဲ့ ရေတွန်းစက်၊ ရေတွန်းစက်ဝန်ထမ်း အိမ်ရာတွေ ဆောက်လုပ်ပြီး မြေတွေကို အငှားပြန် ချတာတွေလုပ်ဆောင်ပါတယ်။ 

စစ်တပ်က သာသနာ့မြေတွေကို  ဒီလို ပြန်မပေးဘဲ အလွဲသုံးစားလုပ်နေလို့  ၂၀၁၆ ခုနှစ် NLD အစိုးရလက်ထက်မှာ သာသနာရေးဝန်ကြီး သူရဦးအောင်ကိုက ပြန်တောင်းသလို နိုင်ငံတော်သံဃမဟာနာယက အဖွဲ့ ဥက္ကဋ္ဌ ဆရာတော်ကြီး ဒေါက်တာဘဒ္ဒန္တကုမာရာဘိဝံသ ကိုယ်တိုင်က ၂၀၁၆ ခုနှစ် နိုဝင်ဘာလ ၆ ရက်နေ့မှာ  မင်းအောင် လှိုင်ဆီစာရေးပြီး စစ်တပ်က သိမ်းဆည်းထားတဲ့ ကမ္ဘာအေးကုန်းမြေမှ သာသ နာပိုင် မြေဧက ၇ ဒသမ ၃၀၉ ကို ပြန်ပေးဖို့ စာရေးသားပေးပို့ပါတယ်။ 

နိုင်ငံတော်သံဃမဟာနာယကအဖွဲ့ ဥက္ကဋ္ဌ ဆရာတော်က သာသနာရေးအတွက် လှူဒါန်းထားတဲ့ မြေတွေကို သိမ်းယူတာဟာ အသုံးပြုသူတွေကို ပစ္စုပ္ပန် သံသ ရာ နှစ်ဖြာအကျိုးပျက်စီးစေနိုင်တယ်လို့ မင်းအောင်လှိုင်ကို စာထဲမှာ သတိပေးခဲ့ပါတယ်။

 နိုင်ငံတော်သံဃမဟာနာယကအဖွဲ့ ဥက္ကဋ္ဌ ဆရာတော်ကိုယ်တိုင် မင်းအောင် လှိုင်ဆီ စာရေးပေမယ့် ကမ္ဘာအေးကုန်းမြေဧက ၇ ဒသမ ၃၀၉ ကို လုံး၀ ပြန်မပေးဘဲ ခြံစည်းရိုး ပတ်ဝန်းကျင်မှာသာ ပါဝင်တဲ့ မြေဧက ၂ ဒသမ ၆၁၈ ဧကကိုပဲ မင်းအောင်လှိုင်က ပြန်ပေးခဲ့ပါတယ်။ 

မင်းအောင်လှိုင်အကြီးအကျယ်စိတ်ဆိုးခြင်း

============================

နိုင်ငံတော်သံဃမဟာနာယက ဥက္ကဋ္ဌ ဆရာတော်က မင်းအောင်လှိုင်ထံ ရေးတဲ့စာထဲမှာ မြေသိမ်းအသုံးပြုရင် အသုံးပြုတဲ့သူတွေ ပစ္စုပ္ပန်သံသရာနှစ်ဖြာ အ ကျိုး ပျက်စီးစေနိုင်တယ်လို့ ရေးသားပေးပို့ ခဲ့ပါတယ်။ 

နိုင်ငံတော်သံဃာမဟာနာယက ဥက္ကဋ္ဌ ဆရာတော်က သူ့ဆီကို ဒီလို စာရေးရတာဟာ သူရဦးအောင်ကို ရေးခိုင်းတာနဲ့ မြှောက်ပေးတာကြောင့်လို့ဆိုပြီး မင်းအောင်လှိုင်က အကြီးအကျယ်စိတ်ဆိုး‌ ဒေါသထွက်ခဲ့ပါတယ်။  မင်းအောင်လှိုင်က NLD သာသနာရေး ဝန်ကြီး သူရဦးအောင်ကို အပေါ် အကြီးအကျယ် အငြိုး ထားခဲ့ပါတယ်။

မြေသိမ်းခဲ့ပေမယ့် အသုံးပြုတဲ့သူအနေနဲ့ ပစ္စုပ္ပန်သံသရာနှစ်ဖြာအကျိုး ပျက်စီးစေနိုင်တယ်လို့ ဆိုခဲ့တဲ့ ဆရာတော်ကြီးရဲ့ မိန့်ကြားမှုစကားအတွက်  မင်းအောင်လှိုင်က အာဏာသိမ်းပြီးတဲ့နောက်မှာ သူရဦးအောင်ကိုကို အလုပ်နဲ့ထောင် ဒဏ် နှစ်ရှည်တွေ ချမှတ်ခဲ့ပါတယ်။  

မင်းအောင်လှိုင်ဟာ သူ့အကျိုးအတွက်ဆိုရင် ကမ္ဘာအေးကုန်းမြေလို သာသနာ ပိုင်မြေကိုတောင် သိမ်းယူဖို့နဲ့ ပြန်မပေးဖို့ လုပ်ရဲသူဖြစ်ပါတယ်။ 

မင်းအောင်လှိုင်ဟာ ပါးစပ်က ဘုရား၊ ဘုရား လုပ်နေပေမယ့် နိုင်ငံတော်သံဃမဟာနာယက ဥက္ကဋ္ဌ ဆရာတော် ကိုယ်တိုင် ဖျောင်းဖြ မေတ္တာရပ်ခံနေတာကို နားမဝင်ဘဲ ဘုရားပိုင်မြေတွေ မျက်နှာပြောင်ပြောင် သိမ်းယူထားခဲ့ပါတယ်။ 

မင်းအောင်လှိုင်က ဘာသာရေးနဲ့ ဗုဒ္ဓဘာသာကို သူ့အကျိုးစီးပွားအတွက် စည်း ရုံးအသုံးချဖို့လောက်ပဲ စိတ်ဝင်စားပြီး တကယ်တမ်း ဗုဒ္ဓဘာသာနာပိုင် နိုင်ငံ တော် သံဃာမဟာနာယက ဥက္ကဋ္ဌဆရာတော်ကြီးရဲ့  မေတ္တာရပ်ခံကိုတောင် ပယ်ချဝံ့သူဖြစ်ပါတယ်။ 

သာသနာပိုင် ကမ္ဘာအေးကုန်းမြေကို မင်းအောင်လှိုင်က ပြန်မပေးဘဲ သိမ်းယူခဲ့တဲ့ လုပ်ရပ်က မင်းအောင်လှိုင်ဟာ လူသတ်ကောင်၊ စစ်ရာဇ ဝတ်ကောင် အယောင် ဆောင် ဗုဒ္ဓဘာသာဝင်၊ "ဘုရား၊ တရား၊ သံဃာ"ကို နားမလည်တဲ့လူမိုက် တစ်ဦးသာဖြစ်တယ် ဆိုတာကို သက်သေပြနေပါတယ်။

ဆက်ဖတ်ရန် →

ကိုကောင်းဇာနည်ဟိန်း ၏ မိခင်နှင့် အစ်မ တို့ကို မဘသနှင့်ပျူစောထီးများက ပစ်ခတ်သတ်ဖြတ်

ကိုကောင်းဇာနည်ဟိန်း ၏ မိခင်နှင့် အစ်မ တို့ကို မဘသနှင့်ပျူစောထီးများက ပစ်ခတ်သတ်ဖြတ်

📅 💬 မှတ်ချက်

အမျိုးသားရေး အစွန်းရောက် လီလီနိုင်ကျော်ကို ပစ်သတ်သူ အဖြစ် စစ်တပ်၏ စွပ်စွဲ ဖမ်းဆီးခံထားရသော ကိုကောင်းဇာနည်ဟိန်း ၏ မိခင်နှင့် အစ်မ တို့ကို မဘသနှင့်ပျူစောထီးများက ပစ်ခတ်သတ်ဖြတ်

■ ထန်းတပင်မြို့နယ် မဘသ ဒုဥက္ကဋ္ဌ လူမိုက် ပျူစောထီး နိုင်ကြီးအဖွဲ့က သတ်ဖြတ်မှုတွင် ဦးဆောင်ပါဝင်ခဲ့ 

ရန်ကုန်၊ ဇွန် ၇ 

ရန်ကုန်တိုင်း၊ ရန်ကင်းတွင် ပစ်ခတ်ခံရပြီး သေဆုံးခဲ့သော အမျိုးသားရေး အ စွန်း ရောက် လီလီနိုင်ကျော်ကို ပစ်သတ်သူအဖြစ် စစ်တပ်၏ စွပ်စွဲဖမ်းဆီးမှု ခံရသော ကိုကောင်းဇာနည်ဟိန်း၏ မိခင်နှင့် အစ်မ တို့ကို မဘသနှင့်ပျူစောထီးများက ယမန်နေ့ညပိုင်း ပစ်ခတ်သတ်ဖြတ်သွားကြောင်း တော်လှန်ရေးသတင်းရင်းမြစ်၊ မဘသအသိုင်းအဝိုင်းနှင့် စစ်ဘက်သတင်းရင်းမြစ် တချို့ထံမှ သိရှိရသည်။ 

မေလ ၃၀ ရက်နေ့တွင် အမျိုးသားရေး အမည်ခံ အစွန်းရောက် လီလီနိုင်ကျော် ပစ်သတ်ခံရပြီးနောက် ဇွန်လ ၄ ရက်နေ့တွင် အကြမ်းဖက်စစ်ကောင်စီက ကိုကောင်းဇာနည်ဟိန်း(ခ)လပြည့်နှင့် ကိုကျော်သူရ(ခ) အီးတီတို့ကို လုပ်ကြံ သတ်ဖြတ်သူများအဖြစ် ဖမ်းဆီးသွားခဲ့ကြောင်း၊ ယင်းနောက် ဇွန်လ ၆ ရက်နေ့ ညပိုင်းတွင် လီလီနိုင်ကျော်ကို သတ်ဖြတ်သူအဖြစ် စွပ်စွဲခံရသူ ကိုကောင်းဇာနည်ဟိန်း(ခ) လပြည့်၏ မိခင် ဒေါ်သဲမာလာဝင်းနှင့် အစ်မဖြစ်သူ မဆောင်းသဇင်ဦးတို့ကို ရန်ကုန်တိုင်း၊ ထန်းတပင်မြို့နယ်၊ ရိုးကြီးကျေးရွာ၊ အမှတ်၉၀  အေးမေတ္တာလမ်း၊ နေအိမ်တွင် မဘသနှင့်ပျူစောထီးများက ဝင်ရောက် ရိုက်နှက်၊ ပစ်ခတ်သတ်ဖြတ်သွားခဲ့ကြောင်း သိရှိရသည်။ 

"သေနတ်နဲ့ မပစ်ခင်မှာ နှစ်ဦးစလုံးကို စိတ်တိုင်းကျ ရိုက်နှက် ညှဉ်းပန်းတယ်။ မပစ်ခင်ကတည်းက အရမ်းရိုက်နှက်ခံရထားတော့ သေလုမျောပါးဖြစ်တယ်။  ပြီးမှ သေတာသေချာအောင် သေနတ်နဲ့ ပစ်ခတ်သွားတာ။ လိပ်စာအတိအကျနဲ့ကိုလာသတ်သွားတာ" ဟု ရန်ကုန်ခေတ်သစ်၏ သတင်းရင်းမြစ်က ပြောဆိုသည်။ 

ရဲဘက်သတင်းရင်းမြစ်တစ်ခုကမူ  ကိုကောင်းဇာနည်ဟိန်း၏ လိပ်စာဖြစ်သော ရန်ကုန်တိုင်း၊ ထန်းတပင်မြို့နယ်၊ ရိုးကြီးကျေးရွာ၊ အမှတ်၉၀  အေးမေတ္တာလမ်း၊ နေအိမ် လိပ်စာကို စစ်ဘက်ရေးရာလုံခြုံရေးအဖွဲ့(စရဖ)က ပျူစောထီးများထံ ပေးပို့ ရှယ်ခဲ့ကြောင်း ပြောဆိုသည်။ 

အမျိုးသားရေးအစွန်းရောက် သတင်းရင်းမြစ်တချို့ကမူ တင့်လွင်နှင့် လီလီနိုင်ကျော်တို့ အသတ်ခံရပြီးနောက် မဘသနှင့်ပျူစောထီးများက NLD ပါတီဝင်များ၊ နာမည်ကြီး နွေဦးတော်လှန်ရေး တက်ကြွလှုပ်ရှားသူများ၏ မိသားစုများ ကို လုပ်ကြံသတ်ဖြတ်ရန် အစည်းအဝေးများ လုပ်ဆောင်ခဲ့ကြောင်း၊ လက်ရှိ ထန်းတပင်မှ အမျိုးသမီး ၂ ဦး အသတ်ခံရမှုသည် ယင်းအစည်းအဝေးများ၏ နောက်ဆက်တွဲ ဟု ဆိုရမည်ဖြစ်ကြောင်း ရန်ကုန်ခေတ်သစ်သတင်းဌာနထံသို့ ပြောဆိုသည်။

ယခုနောက်ဆုံး ဝင်ရောက်လာသော သတင်းများအရ ကိုကောင်းဇာနည်ဟိန်း(ခ) လပြည့်၏ မိခင်နှင့် အစ်မတို့ကို သတ်ဖြတ်သူများမှာ ထန်းတပင်မြို့နယ်၊ ရိုးကြီးကျေးရွာမှ ပျူစောထီး နိုင်ကြီး(ခ) အရုပ်ကြီး လူမိုက်အဖွဲ့နှင့် အတူ ပါလာသော မဘသ အမျိုးသားရေး အစွန်းရောက်များ ဖြစ်ကြောင်း သိရှိရသည်။ 

" ရဲနဲ့စစ်တပ်နောက်လိုက် ပျူစောထီး နိုင်ကြီး (ခေါ်) အရုပ်ကြီးဆိုတဲ့လူမိုက်အဖွဲ့တွေနဲ့အတူပါလာတဲ့အဖွဲ့ပါ။  ပရိုဘောက် ကားနဲ့ဝင်လာတယ်။  အဲဒီကားနဲ့ပြန်ထွက်သွားတယ်။ ပျူစောထီးနိုင်ကြီး(ခေါ်) အရုပ်ကြီး လူမိုက်အဖွဲ့က မဘသတွေလည်းဖြစ်ပါတယ်။  ထန်းတပင်မှာလည်း မဘသ ဒုဥက္ကဌလည်း ဖြစ် တယ်။ ကျေးရွာအတွင်းမှာလည်းထင်တိုင်းကြဲမိုက်ရိုင်းနေတဲ့လူတွေလည်းဖြစ်ပါတယ်" ဟု ရန်ကုန်ခေတ်သစ်၏ သတင်းရင်းမြစ်က ပြောဆိုသည်။

ဆက်ဖတ်ရန် →

အစွန်းရောက်အဖွဲ့ဝင် VIP လီလီနိုင်ကျော် ပစ်ခတ်ခံရပြီး

အစွန်းရောက်အဖွဲ့ဝင် VIP လီလီနိုင်ကျော် ပစ်ခတ်ခံရပြီး

📅 💬 မှတ်ချက်

ထိပ်တန်းစစ်ဗိုလ်ချုပ်များနှင့်ရင်းနှီးသူ၊ မဘသနှင့်အမျိုးသားရေး အစွန်းရောက်အဖွဲ့ဝင် VIP လီလီနိုင်ကျော် ပစ်ခတ်ခံရပြီး ဆေးရုံတွင် အရေးပေါ် ကုသနေရာမှ သေဆုံး

ရန်ကုန်၊ မေ ၃၀ ခေတ်သစ်

ရန်ကုန်တိုင်း၊ ရန်ကင်းမြို့နယ်တွင် စစ်တပ်ထောက်ခံပြီး ထိပ်တန်း စစ်ဗိုလ် ချုပ် များနှင့်ရင်းနှီးသူ စစ်ကောင်စီအတွက် အလုပ်လုပ်ပေးနေသူ  မဘသနှင့် အမျိုးသားရေး အစွန်းရောက် အဖွဲ့ဝင် VIP လီလီနိုင်ကျော် ပစ်ခတ်ခံရပြီး ဆေးရုံတွင် အရေးပေါ် ကုသနေရာမှ သေဆုံးသွားကြောင်း သိရှိရသည်။ 

 မေလ ၂၉ရက် ည ၇ နာရီအချိန်   ရန်ကင်းမြို့နယ်၊ အမှတ်(၂)ရပ်ကွက်၊ ရန်အောင် လမ်း၊ တိုက်အမှတ်၂၆၅ နေထိုင်သူ စစ်တပ်ထောက်ခံသူ၊ မဘသနှင့် အမျိုးသားရေးအစွန်းရောက် အဖွဲ့ဝင် လီလီနိုင်ကျော်ကို  မြိုပြပျောက်ကြားတပ် ဖွဲ့က ပစ်ခတ်ခဲ့ကြောင်း၊ လီလီနိုင်ကျော်သည်   စစ်ကောင်စီ ၏ စစ်ခေါင်း ဆောင်ပိုင်းများနှင့်ထဲထဲဝင်ဝင် ရင်းနှီးသူဖြစ်ပြီး တော်လှန်ရေးရဲဘော်များ၏ သတင်းအချက်လက်များနှင့် တော်လှန်ရေး လှုပ်ရှား မှုများကို စစ်တပ်အတွက် စုံစမ်းထောက်လှမ်းပေးသူဖြစ်ကြောင်း ရန်ကုန်မြို့ပြပျောက်ကျားတပ်ဖွဲ့က ပြောဆိုသည်။ 

"ပစ်ခတ်ခံရတဲ့အချိန်ကတည်းက မေးစေ့နဲ့ နားထင် (ခေါင်း)ကို ဖောက်ထွက်သွားတာ။ ဆေးရုံရောက်ကတည်းက အသက်ငွေ့ငွေ့ပဲ ကျန်တော့တာလို့ ပြောပါတယ်။ သေသွားတာတော့ သေချာပြီလို့ သိရတယ်" ဟု ရန်ကုန်ခေတ်သစ်၏ သတင်းရင်းမြစ်က ပြောသည်။ 

လီလီနိုင်ကျော်သည် ၂၀၂၁ ခုနှစ်၊ ဖေဖော်ဝါရီလအတွင်း နွေဦးတော်လှန် အရှိန် အဟုန်မြင့် စတင်ချိန်မှ စပြီး အေးချမ်းစွာဆန္ဒပြကြသည့်အများ ပြည်သူ လူထုများ၊ သပိတ်လူငယ်များ နှင့် ရပ်ကွက်အတွင်း သံပုံးတီးဆန့် ကျင် သည့် နေအိမ်များကို အာဏာသိမ်းစစ်တပ်က ဖမ်းဆီးစေရန် သတင်းပေး၍ ဖမ်းဆီး စေခြင်း၊  ရန်ကင်းမြို့နယ်အတွင်း ရန်ကင်း ၁၂လုံးတန်းမှ တော်လှန်ရေး လူငယ် များ အပါအ၀င် ရွှေအုန်းပင်မှ‌ တော်လှန်ရေးလူငယ်များ၏ သတင်းအချက် အလက်များကို စစ်ကောင်စီထံ သတင်းပေးခြင်းများ လုပ်ဆောင်ခဲ့သည့် သက်သေအထောက် အထားများရရှိထားကြောင်း သိရှိရသည်။ 

ထို့ပြင် လီလီနိုင်ကျော်သည် အကြမ်းဖက်စစ်ကောင်စီမှ ဒုတိယ ဗိုလ်ချုပ်မှူး ကြီးစိုးဝင်း၊ ဗိုလ်ချူပ် ဇော်မင်းထွန်းနှင့် တခြားသော စစ်ခေါင်းဆောင်တို့နှင့် ထိတွေ့ ဆက်ဆံနေသူဖြစ် သည့်အပြင် အကြမ်းဖက် စစ်ကောင်စီ၏ လက်ဝေခံ တယ်လီဂရမ် သတင်းချန်နယ် မီဒီယာများသို့ တော်လှန်ရေးရဲဘော်များ၏ အချက် အလက်များကိုလည်း သတင်းပေးနေသူဖြစ်ကြောင်း၊ လီလီနိုင်ကျော်သည် ၇၈ နှစ်မြောက် တပ်မတော်နေ့အခမ်းအနားသို့လည်း VIP နံပါတ် ၉၇၄ လည်ဆွဲကတ် ဖြင့် တက်ရောက်ခဲ့ကြောင်း သိရှိရသည်။

ဆက်ဖတ်ရန် →

ရန်ကုန်မြို့ရဲ့ မြို့နယ်အမည်တွေ ဘယ်လိုဖြစ်လာသလဲ

ရန်ကုန်မြို့ရဲ့ မြို့နယ်အမည်တွေ ဘယ်လိုဖြစ်လာသလဲ

📅 💬 မှတ်ချက်

ဟိုးတုန်းကတော့ ရန်ကုန်ဟာ 

ရွှေတိဂုံဘုရားကို ဗဟိုပြုထားတဲ့ 

ငါးဖမ်းရွာလေးတစ်ရွာသာ ဖြစ်ပါတယ်။ 

အေဒီ ၆ ရာစုက စလို့ မွန်လူမျိုးများက 

ဒဂုံ အဖြစ်ပြောင်းလဲ တည်ထောင်ခဲ့ကြပါတယ်။ 

ဒဂုံ ဆိုသည်မှာ ဒဂုင်လွုင် ဟူသော 

ရွှေတိဂုံစေတီတော်ကြီး၏ ဘွဲ့အမည်မှ 

ဆင်းသက်လာခဲ့ကြောင်း သိရပါတယ်။ 

မွန်ဝေါဟာရအရ ကုန်းမြင့်ပေါ်က စေတီ လို့ 

အဓိပ္ပါယ်ရပါတယ်။

၁၇၅၅ ခုနှစ်မှာ အလောင်းဘုရားဟာ 

ဒဂုံကို အောင်နိုင်ပြီး ရန်ကုန် ဟူ၍ 

စတင်ပြောင်းလဲခဲ့ပါတယ်။ 

အဲဒီနောက် ကုန်းဘောင်ခေတ် ၊ 

ကိုလိုနီခေတ်များကို ကျော်ဖြတ်ခဲ့ပြီး 

ယနေ့အချိန်မှာတော့ ရန်ကုန်ဟာ 

မြန်မာနိုင်ငံရဲ့ အစည်ကားဆုံး နဲ့ 

အဓိကအကျဆုံး မြို့အဖြစ်ရပ်တည်နေပါတယ်။ 

ရန်ကုန်မြို့ဟာ ကမာရွတ်၊ တာမွေ ၊ 

စမ်းချောင်း စတဲ့ မြို့နယ်ခွဲပေါင်းများစွာနဲ့ 

ဖွဲ့စည်းထားတဲ့မြို့တစ်မြို့ဖြစ်ပါတယ်။ 

ထိုမြို့တွေရဲ့အမည် ဟာ ဘယ်ကနေ 

ဖြစ်ပေါ်လာပါသလဲ။ အများစုကတော့ မွန်နာမည် 

အခေါ်အဝေါ်ကနေ ဆင်းသက်လာခဲ့ပါတယ်။ 

မသိသေးသူများ သိစေဖို့ ဗဟုသုတအဖြစ် 

မျှဝေလိုက်ပါတယ်။

ကမာရွတ် - 

မွန်ဘာသာ ဖြစ်ပြီး ကမာဆိုတာ ရေကန် ၊ 

ရွတ် ဆိုတာ ရတနာ ဖြစ်ပါတယ်။ 

ရတနာကန် ဆိုတဲ့ အဓိပ္ပါယ်ရပါတယ်

အင်းလျားကန်ကို ရှေးတုန်းက ခေါ်တဲ့နာမည်ပေါ့။

ကျောက်တံတား - 

ကုန်းဘောင်ခေတ်ဦးတုန်းက 

ဆူးလေတစ်ဝိုက်ဟာရေပတ်လည်ဝိုင်းနေတဲ့ 

နေရာပါ။ အဲဒီအနီးအနားမှာ ဘုရားဘက်ကို 

ကူးသွားနိုင်တဲ့ ကျောက်တံတားကြီးတစ်ခု 

ရှိခဲ့ဖူးရာကနေ ဒီနာမည် ဖြစ်လာပါသတဲ့။

ကြည့်မြင်တိုင် -

မွန်ဘာသာအမည် ကမနျဋျုငျက 

ဆင်းသက်လာတာပါ။ မြို့ရိုးရှိတဲ့ မြို့လို့ 

အဓိပ္ပါယ်ရပါတယ်

ကံဘဲ့ - 

မွန်ဘာသာအမည် ခပင်း(ခပေင်) ကို 

မြန်မာဘာသာနဲ့ ခေါ်ရာ ကနေ ကန်ဘဲ့ ဆိုပြီး

ဖြစ်လာတာပါ။ အဓိပ္ပါယ်က သစ်ပင် ဖြစ်ပါတယ်။

ကုက္ကိုင်း - 

မွန်ဘာသာ ကော့ကောင်း က ဆင်းသက်

လာတာ ဖြစ်ပါ တယ်။ ကော့ဆိုတာ ကုန်း၊ 

ကောင်းဆိုတာက မရွေးပင်ကိုခေါ်တာမို့ 

အစကတော့ မရွေးပင်ကုန်းလို့ ခေါ်တဲ့နေရာပါ။

စမ်းချောင်း - 

စတင်တည်ထောင်စအချိန်မှာ တောင်ကုန်းဖြစ်ခဲ့ပြီး အဲဒီတောင်ကုန်းတွေကြားမှာ စမ်းချောင်းကလေးတစ်ခု စီးဆင်းနေ ပါသတဲ့။ အဲဒီစမ်းချောင်းကို အစွဲပြုပြီး ခေါ်ခဲ့ခြင်း ဖြစ်ပါတယ်။

ဆင်မလိုက် - 

ရှေးအခါက နွံထူတဲ့အရပ်ဖြစ်တာကြောင့် 

ဆင်တွေဟာ အဲဒီနေရာရောက်ရင် 

ဆက်မသွား ၊ ဆက်မလိုက်တော့ပဲ 

ရပ်တန့် သွားတတ်ရာကနေ ဆင်မလိုက် ဆိုပြီး 

ဖြစ်လာပါသတဲ့။

တာမွေ - 

မွန်အမည် တာမွေ ကနေ တိုက်ရိုက်

ဆင်းသက်လာပါတယ်။ ထန်းပင်တစ်ပင် ဆိုတဲ့

အဓိပ္ပါယ်ရပါတယ်။

ပုဇွန်တောင် - 

မွန်ဘာသာ ပုဇွန်ဒေ ကလာတာပါ။ 

တောင်ကုန်းငါးခု လို့ အဓိပ္ပါယ်ရပါတယ်

အဲဒီကုန်းတွေက မလွှကုန်း ၊ မအူကုန်း ၊ 

သစ်ဆိမ့်ကုန်း ၊ ချစ်တီးကုန်း နဲ့ 

ပုရွက်ဆိတ်ကုန်း တို့ဖြစ်ပါတယ်။

ဗဟန်း - 

ဗဟန်းဆိုတာကလည်း မွန်ဘာသာကနေ

ဆင်းသက်လာပြီး အဝါရောင်ရှိတဲ့မြေလို့ 

အဓိပ်ပါယျရပါတယျ။ ရှေးအခါက ကန့်ထွက်တဲ့ 

အရပ်ဒေသ ဖြစ်ခဲ့ဟန် တူပါတယ်။

ဘောက်ထော် - 

မွန်ဘာသာ ပေါက်ထောကနေလာပြီး 

ရွှေဟင်္သာလို့ အဓိပ္ပါယ်ရပါတယ်။

မင်္ဂလာဒုံ - 

မွန်အမည် ဍုံဒရိုင်မငေ ကနေ 

ဆင်းသက်လာပါတယ်။ အဓိပ္ပါယ်က

မင်္ဂလာသမင်မြို့ ဖြစ်ပါတယ်။ 

အဲဒီကနေ မြန်မာဘာသာ တိုက်ရိုက်

ယူသုံးရာကနေ မင်္ဂလာဒုံမြို့ဆိုပြီး ဖြစ်လာပါတယ်။

မြေနီကုန်း - 

၁၈၄၁ခုနှစ် သာယာဝတီမင်းလက်ထက် 

အခုမြို့မကျောင်းနား က ကွင်းပြင်မှာ 

အောင်မြေရန်နှင် နန်းမြို့တည်ဆောက်စဉ် 

မြို့တော်တံခါးတွေထဲမှာ မြေနီကုန်းတံခါး 

ဆိုတာ ပါ ပါတယ်။ အဲဒီတံခါးကနေ ထွက်လိုက်ရင် အနီရောင်တောင်ကုန်းငယ်ကလေးကို တွေ့ရှိနိုင်လို့ပဲ ဖြစ်ပါတယ်။

လသာ - 

ရန်ကုန်ကို အင်္ဂလိပ်တွေသိမ်းပြီး 

မြို့ကွက်ရိုက်ရာမှာ လမ်းနာမည်ကို 

သူတို့အရာရှိတွေရဲ့အမည်တွေပေးခဲ့ပါတယ်။ 

အင်္ဂလိပ်-မြန်မာ ဒုတိယစစ်ပွဲမှာပါဝင်ခဲ့တဲ့ 

ကတ်ပတိန်လတ္တာ (Capt.Lattar) ကို 

ဂုဏ်ပြု တဲ့အနေနဲ့ပေးခဲ့တာဖြစ်ပါတယ်။ 

လတ္တာလမ်းကို မြန်မာလိုခေါ်ခဲ့ကြရာမှာ 

လသာလမ်း ဆိုပြီးဖြစ်လာပါတယ်။ 

အဲဒီနားတဝိုက်ကိုလည်း လသာရပ် ဆိုပြီး

ခေါ်ခဲ့ကြပါတယ်။

လမ်းမတော် - 

သာယာဝတီမင်း ရန်ကုန်မြို့ကိုကြွလာစဉ်တုန်းက သင်္ဘောဆိပ်ကနေ အောင်မြေရန်နှင်နန်းမြို့ကို သွားတဲ့လမ်းဖြစ်ပါတယ်။ ဘုရင်သွားတဲ့လမ်းမ ဖြစ်တာကြောင့် တော်တပ်ခေါ်ရာနေ လမ်းမတော် ဆိုပြီးဖြစ်လာပါတယ်။

အင်းစိန် - 

မွန်ဘာသာ အန်းစိန်(အင်စိင်)ကနေ 

ဆင်းသက်လာပြီး ဆင်တွေရေကစားရာအရပ် လို့ အဓိပ္ပါယ်ရပါတယ်

Crd : One Daily Media Knowledge

ဆက်ဖတ်ရန် →

ရွေးကောက်ပွဲအနိုင်ရ Move Forward ပါတီခေါင်းဆောင် Pita Limjaroenrat က မြန်မာဘာသာဖြင့် သူ၏ တွစ်တာ လူမှုကွန်ရက်တွင် သတင်း ထုတ်ပြန်ထား

ရွေးကောက်ပွဲအနိုင်ရ Move Forward ပါတီခေါင်းဆောင် Pita Limjaroenrat က မြန်မာဘာသာဖြင့် သူ၏ တွစ်တာ လူမှုကွန်ရက်တွင် သတင်း ထုတ်ပြန်ထား

📅 💬 မှတ်ချက်

" မြန်မာပြည်သူတွေ၊ အထူးသဖြင့် မိုခါဆိုင်ကလုန်းကြောင့် အသက်အိုးအိမ် စည်းစိမ်ပျက်စီးခဲ့ရတဲ့ ပြည်သူတွေနဲ့အတူ ကျနော် ဒီနေ့မှာ မျှဝေခံစားတဲ့ စိတ်အာရုံနဲ့အတူ မေတ္တာပို့ဆုမွန်ကောင်းတောင်းပါ တယ်။  မုန်တိုင်းဘေး ဒဏ်ကြောင့် ထိခိုက်ခံစားရတဲ့ပြည်သူတွေကို လူသားချင်းစာနာတဲ့အကူအညီ တွေ ပေးအပ်မှုကို အဆောတလျင်အမြန်ဆုံးဆောင်ရွက်ဖို့ ထိုင်းနိုင်ငံ ကြားကာလ အစိုးရနဲ့ နိုင်ငံတကာ အသိုင်းအဝန်းကို ကျနော်တောင်းဆိုပါတယ်။ သေရေး ရှင်ရေးတမျှ အကူအညီတွေလိုအပ်နေတဲ့ မုန်တိုင်းဘေးဒုက္ခသည် တွေ ကို ဦးစားပေးအနေနဲ့ ပထမဆုံး အထောက်အပံ့တွေပေးရမှာပါ။  ဒါဟာ ဝန်ကြီးချုပ် အသစ်အဖြစ် ရွေးကောက်ခံထားရတဲ့ ကျနော်ရဲ့ နိုင်ငံခြားရေး မူဝါဒအသစ်နဲ့ကိုက်ညီတဲ့ တောင်းဆိုချက်ဖြစ်ပါတယ်" ဟု ထိုင်းနိုင်ငံ ရွေးကောက် ပွဲအနိုင်ရ  Move Forward ပါတီခေါင်းဆောင် Pita Limjaroenrat က ပြောဆိုသည်။ 

မြန်မာ့အရေးနှင့်ပတ်သက်ပြီး အရေးပါသည့် အင်အားစုတိုင်းက ဆက်သွယ်ညှိနှိုင်းရမည်ဖြစ်ပြီး လူသားဘ၀လုံခြုံရေး အခြေခံမူဝါဒဖြင့် ဆောင်ရွက်ရမည်ဟု ၎င်းက ဆိုသည်။ 

"မြန်မာနိုင်ငံဆိုင်ရာ ကျနော်ရဲ့ မူဝါဒဟာ လူသားဘ၀လုံခြုံရေး စဉ်းစားချက် အပေါ် အာရုံစိုက်ပြီး အရေးပါတဲ့အင်အားစုတိုင်းနဲ့ ဆက်သွယ်ညှိနှိုင်း မယ့်မူဝါဒ ဖြစ်ပါတယ်။ ဒီလူသားဘ၀လုံခြုံရေး အခြေခံတဲ့မူဝါဒမှာ လူသားချင်း စာနာ ထောက် ထားမှုအပိုင်းရော၊ စီးပွားရေး ဘ၀လုံခြုံတိုးတက်ရေး အပိုင်းတွေပါ ပါဝင်ပါတယ်။ ဒီမူဝါဒကို အကောင်အထည်ဖော်ရာမှာ ထိုင်း-မြန်မာနှစ်နိုင်ငံ၊ အာဆီယံအဖွဲ့ကြီးတခုလုံးအပြင် နိုင်ငံတကာ အသိုက်အမြုံ အတွက်ပါ အပြန်အလှန်ငြိမ်းချမ်းရေးနဲ့ သာယာ၀ပြောရေးကို ဆောင်ကြဉ်း ရရှိစေရေး ဆိုတဲ့အမြင်နဲ့ အကောင်အထည်ဖော်ဆောင်ရွက်မှာ ဖြစ်ပါတယ်" ဟု ထိုင်းနိုင်ငံ ရွေးကောက်ပွဲအနိုင်ရ  Move Forward ပါတီခေါင်းဆောင် Pita Limjaroenrat က မြန်မာဘာသာဖြင့် သူ၏ တွစ်တာ လူမှုကွန်ရက်တွင် သတင်း ထုတ်ပြန်ထားသည်။

 @KTM

ဆက်ဖတ်ရန် →

ထိုင်းရွေးကောက်ပွဲ Move Forward ပါတီ အနိုင်ရ

ထိုင်းရွေးကောက်ပွဲ Move Forward ပါတီ အနိုင်ရ

📅 💬 မှတ်ချက်

KNA| May 15,2023./နွေဦးဝေ

မနေ့က ကျင်းပပြီးစီးသွားတဲ့ ထိုင်းအထွေထွေရွေးကောက်ပွဲမှာ အသက်၄၂နှစ် ဟားဗတ်ကျောင်းဆင်း ပီတာလင်ဂျာရိုရန်ရတ် ဦးဆောင်တဲ့ Move Forward ပါတီက အမတ်နေရာ ၅၀၀မှာ လောလောဆယ် ၁၅၂ နေရာအထိ အနိုင်ရရှိ‌ထားပါတယ်။ 

ဝန်ကြီးချုပ်ဟောင်း သက်ဆင်ရဲ့ သမီး ပေတုံတန်ရှင်နာ၀ပ်ရဲ့ ဖွေထိုင်းပါတီက လက်ရှိ ၁၄၈ နေရာနဲ့ ဒုတိယ၊ စစ်တပ်ကျောထောက်နောက်ခံပြု လက်ရှိ ၀န်ကြီးချုပ် ပရာယွတ်က အမတ်နေရာ ၄၀ နဲ့ အဆင့် ၄ နေရာ အသီးသီး ရပ်တည်နေပါတယ်။

ထိုင်းနိုင်ငံရေးမှာ စစ်တပ်ကြီးစိုးမှုကို ဆန့်ကျင်တဲ့ ဖွေထိုင်းပါတီနဲ့ Move For ward ရှေ့သို့ချီ ပါတီတို့ ပေါင်းပြီး ညွန့်ပေါင်းအစိုးရတရပ်ဖွဲ့ရမယ်လို့ Move Forward ပါတီခေါင်းဆောင် ပီတာလင်ဂျာရို ရန်ရတ်က ပြောပါတယ်။  

လက်ရှိအခြေအနေအရ သူတို့နှစ်ပါတီပေါင်းပြီး ညွှန့်‌ပေါင်းအစိုးရ ဖွဲ့ဖို့‌ဖြစ်လာပေမယ့် ၊ဝန်ကြီးချုပ်နေရာရဖို့ အတွက်ကတော့ အောက်လွှတ်တော်အမတ် ၅၀၀အပြင်၊ထိုင်းစစ်တပ်က ခန့်အပ်ထားတဲ့ အထက်လွှတ်တော် အမတ် ၂၅၀ကလဲ မဲပေးရမှာဖြစ်ပါတယ်

ဒါကြောင့် စစ်တပ်ကခန့်ထားတဲ့ အထက်လွှတ်တော်က အမတ်တွေရဲ့ မဲထည့်မတွက်ဘဲ ဝန်ကြီးချုပ် အမည်စာရင်းတင်သွင်းနိုင်ဖို့ အောက်လွှတ်တော် မဲ အနည်းဆုံး ၃၇၆မဲရဖို့ လိုအပ်ပါတယ်။ 

တနင်္ဂနွေနေ့ ကကျင်းပခဲ့တဲ့ ထိုင်းရွေးကောက်ပွဲဟာ လက်ရှိဝန်ကြီးချုပ် ထိုင်းစစ်တပ်အကြီးအကဲ ပရာယွတ်ဦးဆောင်တဲ့  စစ်ခေါင်းဆောင်တွေက ဖွေထိုင်းပါတီအစိုးရကိုဖြုတ်ချ အာဏာသိမ်းခဲ့တဲ့ ၂၀၁၄ ခုနှစ်နောက်ပိုင်း  ဒုတိယမြောက် ရွေးကောက်ပွဲဖြစ်ပါတယ်။ 

၂၀၁၉ခုနှစ် ရွေးကောက်ပွဲလိုပဲ အခုရွေးကောက်ပွဲဟာ ဖွေထိုင်းပါတီဦးဆောင်တဲ့ ဒီမိုကရေစီလိုလားတဲ့ ပါတီတွေအုပ်စုနဲ့ စစ်တပ်ကိုထောက်ခံတဲ့ ပါတီတွေအကြား တကျော့ပြန်အားပြိုင်ကြတဲ့ ‌ရွေးကောက်ပွဲလို့ ပြောလို့ရပါတယ်။ ဖွေထိုင်းပါတီက ၂၀၁၉ခုနှစ်ရွေးကောက်ပွဲမှာ အမတ်နေရာ ၁၃၆နေရာအနိုင်ရခဲ့ပေမယ့်၊ အစိုးရဖွဲ့ဖို့ ဗိုလ်ချုပ်ကြီးဟောင်း ပရာရွတ်ရဲ့ ညွှန့်ပေါင်းအဖွဲ့ကို မကျော်ဖြတ်နိုင်ခဲ့ပါဘူး။ 

ဒီရွေးကောက်ပွဲမှာ ဖွေထိုင်းပါတီက သူတို့ပါတီ ဦးဆောင်ပြီးအစိုးရဖွဲ့နိုင်ဖို့ အမတ်နေရာ ၃၁၀ အပြတ်အသတ်အနိုင်ရဖို့ ရည်ရွယ်ထားပေမယ့် အခုရလဒ်အရ Move Forwardပါတီနဲ့  တခြားအတိုက်အခံပါတီတွေနဲ့ပေါင်းပြီး  ညွန့်ပေါင်းအစိုးရဖွဲ့ဖို့ အခြေအနေကိုပဲ ရွေးချယ်ရတော့မှာပါ။

Ref: Burma VJ

#Kawhmu_NewsAgency

ဆက်ဖတ်ရန် →

မန္တလေးတိုင်း NLD ပါတီဒုဥက္ကဋ္ဌ ဒေါ်ဝင်းမြမြ လွတ်ရက်စေ့လို့ ပြန်လွတ်လာ

မန္တလေးတိုင်း NLD ပါတီဒုဥက္ကဋ္ဌ ဒေါ်ဝင်းမြမြ လွတ်ရက်စေ့လို့ ပြန်လွတ်လာ

📅 💬 မှတ်ချက်

ဆိုင်းမင်း/People's Spring

အသက် ၇၄ နှစ်အရွယ် မန္တလေးတိုင်း NLD ပါတီဒုဥက္ကဋ္ဌ ဒေါ်ဝင်းမြမြဟာ ဒီနေ့မှာ လွတ်ရက်စေ့လို့ မန္တလေး အိုးဘိုထောင်ကနေ ပြန်လည်လွတ်မြောက်လာပါတယ်။

ဒေါ်ဝင်းမြမြ ကို အာဏာသိမ်းစစ်တပ်က ၂၀၂၁ ခုနှစ် ဖေဖော်ဝါရီလအတွင်းမှာတင် ဖမ်းဆီးကာ ဆူပူအောင်လှုံဆော်မှု ရာဇသတ်ကြီး ပုဒ်မ ၅၀၅ (က) နဲ့ အမြင့်ဆုံး ထောင်ဒဏ် ၃ နှစ်ချခဲ့တာပါ။

ဒီနေ့မနက်ပိုင်းမှာတော့ လွတ်ရက်စေ့လို့ပြန်လည်လွတ်မြောက်လာတယ်လို့  မိသားစုနဲ့နီးစပ်သူတစ်ဦးပြောပြပါတယ်။

ပြီးခဲ့တဲ့ လွတ်လပ်ရေးနေ့က လျော့ရက်ရခဲ့လို့ သတ်မှတ်ရက်ထက်စောပြီးလွတ်လာတာလို့  အဲဒီသတင်းရင်းမြစ်က ဆိုပါတယ်။

ဒေါ်ဝင်းမြမြဟာ NLD ပါတီ စတင်ထူထောင်ချိန်ကတည်းက ပါတီဝင်အဖြစ် ထောက်ခံအားပေးခဲ့သူဖြစ်ပြီး ယခင်စစ်အစိုးရ လက်ထက်မှာလည်း နိုင်ငံရေးလှုပ်ရှားမှုတွေကြောင့် ဖမ်းဆီးခံခဲ့ရပါတယ်။

၂၀၂၀ အထွေထွေရွေးကောက်ပွဲမှာ မန္တလေးတိုင်း ၊ကျောက်ဆည်ခရိုင် ၊စဉ့်ကိုင်မြို့နယ် ပြည်သူ့လွှတ်တော် ကိုယ်စားလှယ်အဖြစ်  NLD ပါတီကို ကိုယ်စားပြုပြီး အနိုင်ရခဲ့သူလည်းဖြစ်ပါတယ်။

ဆက်ဖတ်ရန် →

ထန်းတပင်မြို့နယ်တွင် စစ်တပ်က ပြည်သူ (၁၈)ဦးကိုအစုလိုက်အပြုံလိုက်သတ်ဖြတ်

ထန်းတပင်မြို့နယ်တွင် စစ်တပ်က ပြည်သူ (၁၈)ဦးကိုအစုလိုက်အပြုံလိုက်သတ်ဖြတ်

📅 💬 မှတ်ချက်

▪️︎​မေ ၁၀ ရက်တိုက်ပွဲတွင် စစ်တပ်က ၃၀ ခန့်သေဆုံးဒဏ်ရာရပြီး အရာရှိ ၂ဦးအဖမ်းခံရပြီး​​နောက်အနီးရှိရွာမှပြည်သူများကို အစုလိုက်အပြုံလိုက်သတ်ဖြတ်ခဲ့ခြင်းဖြစ်

ကျော်ဇော/People's Spring

ပဲခူးတိုင်း တောင်ငူခရိုင် ထန်းတပင်မြို့နယ်တွင် စစ်ကောင်စီတပ်က အပြစ်မဲ့ပြည်သူ (၁၈)ဦးကို ခေါင်းဖြတ်၊ မီးရှို့သတ်ဖြတ်ခဲ့ကြောင်း ထန်းတပင်မြို့နယ် ပြည်သူ့ကာကွယ်ရေးတပ်ဖွဲ့မှ တာဝန်ရှိသူတစ်ဦးက People's Spring သတင်းဌာနသို့ ပြောသည်။

မေလ ၁၀ ရက်နေ့ ၁၀ နာရီခွဲနှင့် နေ့လယ် ၃နာရီတို့တွင်ကျောက်ကြီးမြို့နယ်၊ ထန်းတပင်မြို့နယ်အစပ် ညောင်ပင်သာရွာတွင် KNU၊  PDFပူးပေါင်တပ်ဖွဲ့ကစစ်ကောင်စီတပ်စစ်​ကြောင်းအား နှစ်ဖက်ညှပ်ပစ်ခတ်တိုက်ခိုက်ခဲ့သည်။

အဆိုပါတိုက်ပွဲအတွင်း စစ်ကောင်စီတပ်မှ အင်အား (၁၀၀)

ဝန်းကျင်တွင် (၃၀)ခန့်ထိခိုက်သေဆုံး၍ ဗိုလ် ၃ ဦးဖမ်းဆီးခံရကာအထိနာခဲ့သည်။တိုက်ပွဲပြီးချိန်၌ ညောင်ပင်သာမြောက်ကမ်းမှ ကလေး ၅ ဦး အပါအဝင် အပစ်မဲ့ပြည်သူ (၁၈)ဦးအား စစ်​ကောင်စီတပ်က လူမဆန်စွာ ရက်ရက်

စက်စက် သတ်ဖြတ်သွားခြင်းဖြစ်သည်ဟု ထန်းတပင် ပ.က.ဖ မှ တာဝန်ရှိသူတစ်ဦးက ပြောသည်။

သတ်ဖြတ်ံခံရသူများတွင် ​လေးငယ် ၅ ဦး  ၊အမျိုးသမီး၉ ဦးနှင့် သက်ကြီးရွယ်အိုအများစုပါဝင်​နေသည်ကို​တွေ့ရသည်။

"ဟုတ်ပါတယ် သူတို့ဘက်က ကျဆုံးများသွားလို့ အကြောင်း

မဲ့သတ်တာပါ။ (ထိခိုက်သေဆုံး)၂၀ ကျော် ၃၀ နီးပါး ပါခင်ဗျ။ ဗိုလ်သုံးယောက် အရှင်ဖမ်းမိပါတယ်"ဟုတာဝန်ရှိသူက ဆက်ပြော သည်။

ထို့နောက် အထိနာသွားသောစစ်တပ်က ​ညောင်ပင်သာ မြောက်ကမ်းဘက်မှ က​လေးငယ်များ ၊အမျိုးသမီးများ ၊သက်ကြီးရွယ်အို အများစုပါ​သောပြည်၁၈ ဦးကို သတ်ဖြတ်ခဲ့ခြင်းဖြစ်သည်။

"​ညောင်ပင်သာ ​မြောက်ဘက်ကပ်မှာ တစ်မိသားစုလုံးသတ်ပြီးမီးရှို့သွားတာ ။စစ်တပ်က။ သူတို့​အိမ်မှာ​နေ ​နေတာ။ ဒီ​လောက်စစ်ဖြစ်​​နေတာ မပြေးလို့ဆိုပြီး သတ်ပလိုက်တာ"ဟု​ဒေသခံတစ်ဦးက​ပြောသည်။

ထန်းတပင် ပ.က.ဖကလည်း လူမဆန်၊ ရက်စက်ယုတ်မာသော ဖက်ဆစ်တပ်အား အကြွင်းမကျန်အောင် ချေမှုန်းသွားမည်"ဟုကတိပြုသည်။

ထို့အပြင် ပဲခူးတိုင်းဒေသကြီး၊ တောင်ငူခရိုင် ၊ထန်းတပင်မြို့နယ်၊ ပြည်သူ့ကာကွယ်ရေးတပ်ဖွဲ့ အနေဖြင့် အသက်ဆုံးရှုံးခဲ့ရသော မိသားစုများနှင့် ထပ်တူ ထပ်ဝမ်းနည်းကျေကွဲရကြောင်း ထုတ်ပြန်ထားသည်။

စစ်တပ်ကရက်ရက်စက်သက်သတ်​စတ်ဖြတ်ခ့သူမျခဲ့​သော ပြည်သူများ

၁။ ဒေါ်ခင်ရီ အသက် ၆၈နှစ်

၂။ မသန်းသန်းဆွေ အသက် ၃၅နှစ်

၃။ မသက်နှင်းစံ အသက် ၅နှစ်

၄။ ဦးဝင်းမြိုင် အသက် ၇၀နှစ်

၅။ ကိုဇော်မိုးအောင် အသက် ၄၀နှစ်

၆။ မသူဇာ အသက် ၄၀နှစ်

၇။ မောင်မိုးဝဿန် အသက် ၁၅နှစ်

၈။ မောင်မိုးဝေယံ အသက် ၇နှစ်

၉။ ဒေါ်ချွတ်တီ အသက် ၅၈နှစ်

၁၀။ ဒေါ်တင်ဆန်း အသက် ၅၃နှစ်

၁၁။ ဒေါ်ခင်အုန်း အသက် ၅၅နှစ်

၁၂။ ဒေါ်တင်အုန်း အသက် ၅၃နှစ်

၁၃။ မသန်းသန်းဝေ အသက် ၂၈နှစ်

၁၄။ မောင်သက်ပိုင်ဟိန်း အသက် ၅နှစ်

၁၅။ ဦးတိုးတိုး အသက် ၅၃နှစ်

၁၆။ မဂျုးဂျုးမေ အသက် ၂၅နှစ်

၁၇။ ဦးကျော်သိန်း အသက် ၅၅နှစ်

နှင့်

၁၈။ အမည် စုံစမ်းဆဲ က​လေးငယ်တစ်ဦး

စသည့်ပြည်သူ ၁၈ ဦးကို ခေါင်းဖြတ်၊ မီးရှို့သတ်ဖြတ်ခဲ

သည်ဟု ထန်းတပင် ပ.က.ဖ ကအတည်ပြုသည်။

စစ်​​ကောင်စီတပ်သည် နိုင်ငံတစ်ဝန်း အစုလိုက်အပြုံလိုက်သတ်ဖြတ်မှုများကို အကြိမ်​ရေ ဆယ်နှင့်ချီ၍ ကျူးလွန်ထားသည်။

ထိုအပြင် မေ ၂ ရက်ညနေပိုင်းတွင်လည်း တို့တွင် ထန်းတပင်မြို့နယ်၊(ဇရပ်ကြီးတောင်ခြမ်းဒေသ)ဘုမ္မတီးကျေးရွာ၊ သရက်တန်းကျေးရွာနှင့် ကျွဲလမ်းကျေးရွာတို့အား K8-W တိုက်လေ

ယာဥ်နှစ်စီးဖြင့်ဗုံးကျဲခြင်းနှင့် မြေပြင်စစ်တပ်မှ လက်နက်

ကြီးများဖြင့်ရမ်းသမ်းပစ်ခတ်ခြင်းတို့ဖြင့် နှစ်ဖက်ညှပ် ပစ် ခတ်တိုက်ခိုက်ခဲ့ရာ ​က​လေးငယ်တစ်ဦးအပါအဝင် ပြည်သူ ၃ ဦး​သေဆုံးပြီး ၃ ဦးဒဏိရာရခဲ့သည်။

ဆက်ဖတ်ရန် →