ရဲရင့်ငယ်🌹

နယ်လှည့်ခေါင်းဖြတ်နေသည့် ဘီလူးစစ်ကြောင်း

စစ်ကိုင်းတွင် နယ်လှည့်ခေါင်းဖြတ်နေသည့် စစ်ကောင်စီ၏ ဘီလူးစစ်ကြောင်း

အင်အား ၇၀ ပါ တပ်မ ၉၉ လက်အောက်ခံ စစ်ကြောင်းလက်ချက်ဖြင့် တစ်ပတ်အတွင်း ဒေသခံ ၂၃ ဦး သတ်ဖြတ်ခံရကာ ထိုအထဲမှ ၇ ဦးမှာ ဦးခေါင်း၊ ခြေ၊ လက်များ အပိုင်းပိုင်းဖြတ်တောက်ခံခဲ့ရသည်။

မောင်ရွှေဝါ Published on Mar 7, 2023

(သတင်းအတွင်း စိတ်မချမ်းမြေ့ဖွယ်ရာ ဓာတ်ပုံအချို့ ပါဝင်သည်)
Myanmar Now

ယခုလ မတ်လ ၁ ရက် အရုဏ်မတက်မီ နံနက် ၁ နာရီကျော်ဖြစ်သည်။ ဧရာဝတီမြစ်နှင့် မူးမြစ်ပေါင်းစုံရာ မြန်မာနိုင်ငံအလယ်ပိုင်း စစ်ကိုင်းမြို့နယ် အနောက်ဖျား တာတိုင်ရွာနှင့် မလှမ်းမကမ်း လယ်တောတစ်ခုထဲတွင် အသက် ၂၀ အရွယ် ကိုကံကောင်း*နှင့် သူငယ်ချင်းနှစ်ဦး အိပ်စက်အနားယူနေသည်။ အားကစားဘောင်းဘီ အတို၊ အရှည်၊ အရပ်ဝတ်အရပ်စားများ ဆင်မြန်းကာ အင်္ကျီပေါ်မှ ကျည်ကာ ထပ်ဝတ်ထားသည့် လူတစ်စု ရုတ်တရက်ရောက်လာကာ လှုပ်နှိုးသဖြင့် ကိုကံကောင်းနှင့် အပေါင်းအပါများ လန့်နိုးသွားရသည်။ မဖိတ်ခေါ်ဘဲ ရောက်လာသည့် ထိုအဖွဲ့မှာ အထုပ်အပိုးများ၊ လက်နက်များ ကိုင်ဆောင်ထားပြီး အင်အား ၇၀ လောက်ရှိမည့် စစ်ကောင်စီတပ်ဖွဲ့ဝင်များဖြစ်သည်။ ကိုကံကောင်းတို့ ခေါင်းနားပန်းကြီးသွားသည်။ တုံ့ပြန်ရန် မပြောနှင့်၊ တွေဝေချိန်ပင် မရလိုက်။ ထိုအဖွဲ့ထဲမှ အချို့က ကိုကံကောင်းနှင့် အပေါင်းအသင်းများကို သေနတ်ဖြင့် ထောက်ထားပြီးဖြစ်သည်။ ၎င်းတို့နှင့် လိုက်ခဲ့ရန် ခေါ်သည်။ မူးမြစ်အနောက်ဘက်ကမ်း၊ ဧရာဝတီမြစ်နှင့် ဆုံသည့် နေရာတွင် ပေါ်ထွန်းနေသော သဲသောင်ပေါ်၌ အမှောင်ထုကို အကာအကွယ်ယူ၊ လက်ကိုင်ဖုန်း၏ အလင်းကိုသာ အားပြုလျက် တိတ်တစ်ဆိတ်ခရီးနှင်နေသည့် စစ်ကောင်စီအဖွဲ့နှင့်အတူ ကိုကံကောင်းတို့ သုံးဦး ပါသွားသည်။ “ကျော်ဇောဆိုတာ ဘယ်သူလဲ” ဟု စစ်သားအချင်းချင်း တီးတိုးပြောဆိုနေသည်ကို ကြားရသော်လည်း စစ်ကောင်စီတပ်ဖွဲ့၏ ရည်မှန်းချက်ကို ကိုကံကောင်းနှင့် သူငယ်ချင်းတစ်သိုက် မရိပ်စားနိုင်ခဲ့။ မည်သည့်အရပ်သို့ ဦးတည်နေသည်ကိုပင် မခန့်မှန်းနိုင်။ မေးလည်း မမေးရဲ။ ထိုအခြေအနေမှာ ရေလုပ်ငန်း၊ စိုက်ပျိုးရေးကိုသာ အားကိုးအားထားပြုကြပြီး အိမ်ခြေ ၈၀ ခန့်သာ ရှိသည့် တာတိုင်ရွာတွင် ကြုံရတော့မည့် ကြမ္မာဆိုး၏ အစဖြစ်သည်ဟု သိခွင့်ရလိုက်ချိန်တွင် ကိုကံကောင်းနှင့် အဖွဲ့ ဘာမှမတတ်နိုင်တော့။ ကိုကံကောင်းနှင့် သူငယ်ချင်းများကို စစ်ကောင်စီတပ်ဖွဲ့က အနီးရှိ တာတိုင်ရွာသို့ ဖမ်းဆီးခေါ်ဆောင်သွားပြီး၊ ထိုရွာအရောက်တွင် စစ်ကောင်စီအဖွဲ့ဝင်များက အသက်အရွယ်နှင့် ကျားမဆိုသည်များကိုပင် ခွဲခြားခြင်းမရှိတော့ဘဲ ဒေသခံ ၁၇ ဦးကို ရက်ရက်စက်စက် သတ်ဖြတ်ခဲ့သည်။ ဓားစာခံဖမ်းခံခဲ့ရပြီး စစ်ကောင်စီ၏ လှုပ်ရှားမှုကို အနီးကပ်မျက်မြင်တွေ့ရှိခဲ့သူ ကိုကံကောင်းနှင့် သူငယ်ချင်းနှစ်ဦးမှာမူ ထိုသတ်ဖြတ်မှုများအပြီး နောက်တစ်ရက်အကြာ မတ်လ ၂ ရက်နေ့တွင် လွတ်မြောက်ခဲ့သည်။ တာတိုင်ရွာတွင် စစ်ကောင်စီ၏ ရက်ရက်စက်စက်သတ်ဖြတ်မှုများနှင့် စပ်လျဉ်း၍ ဓားစာခံဖြစ်ခဲ့သူ ကိုကံကောင်းနှင့်လည်းကောင်း၊ တာတိုင်ရွာသားအချို့နှင့်လည်းကောင်း Myanmar Now က ဆက်သွယ်မေးမြန်းနိုင်ခဲ့သည်။ တာတိုင်ရွာတွင် သတ်ဖြတ်ခံရသူ ၁၇ ဦးအနက် ၃ ဦးမှာ အမျိုးသမီးများဖြစ်ကြပြီး ကျန်လူများမှာ အမျိုးသားများဖြစ်သည်။ ၎င်းတို့အနက် အသက်အငယ်ဆုံးမှာ ၁၇ နှစ်အရွယ် အမျိုးသားတစ်ဦးဖြစ်ပြီး၊ အသက်ကြီးဆုံးအမျိုးသားမှာ ၆၇ နှစ်အရွယ်ရှိပြီဖြစ်သည်။ စစ်ကောင်စီက ၎င်းတို့အားလုံးကို တော်လှန်ရေးတပ်ဖွဲ့ဝင်များဟု စွပ်စွဲသော်လည်း Myanmar Now ၏ စုံစမ်းမေးမြန်းမှုအရ ခေါင်းနှင့် ခြေလက် အပိုင်ပိုင်းဖြတ်ခံရသူ အသက် ၄၇ နှစ်အရွယ် ဦးကျော်ဇောသာ ကျေးရွာတော်လှန်ရေးခေါင်းဆောင်ဖြစ်ကြောင်း သိရှိရသည်။ စစ်အာဏာသိမ်းပြီး နှစ်နှစ်အကြာ ၎င်း၏ အာဏာစက်ကို မထူထောင်နိုင်သည့် စစ်ခေါင်းဆောင် ဗိုလ်ချုပ်မှုးကြီးမင်းအောင်လှိုင်က စစ်ကိုင်းတိုင်းအပါအဝင် တော်လှန်ရေးလှုပ်ရှားမှုအားကောင်းသည့် နယ်မြေများကို ယခုနှစ် ဖေဖော်ဝါရီမှစ၍ ပိုမိုရက်စက်ကြမ်းကြုတ်သည့် နည်းလမ်းများ သုံးစွဲလာနေပြီဖြစ်သည်။

တာတိုင်ရွာ လူသတ်ပွဲ ဇာတ်လမ်းအစ---

ကိုကံကောင်းတို့ကို ခေါ်လာသော စစ်ကြောင်းမှာ ဖေဖော်ဝါရီ ၂၈ ညဦးပိုင်းတွင် တာတိုင်ရွာ အရှေ့ဘက်ရှိ မြင်းမူမြို့နယ်မှ ဧရာဝတီမြစ်ကြောင်းအတိုင်း ထွက်လာသည်၊ မူးမြစ်နှင့် ဆုံသည့်နေရာ ကမ်းနဖူးပေါ်ရှိ တာတိုင်ရွာသို့ နောက်တစ်ရက် နံနက်မိုးမလင်းမီ ၃ နာရီဝန်းကျင်တွင် ရုတ်တရက် ဝင်ရောက် စီးနင်းခြင်းဖြစ်သည်။ အဆိုပါ စစ်ကောင်စီအဖွဲ့က ရွာကို ဝင်မစီးမီ လမ်းတွင် တွေ့သည့် ကိုကံကောင်းတို့ သုံးဦးကို ဓားစာခံအဖြစ် ဖမ်းခေါ်သွားခဲ့ခြင်းပင်။ အာဏာသိမ်းပြီး နှစ်နှစ်အတွင်း ဆန္ဒပြရုံဖြင့် သေနတ်ဖြင့် ပစ်သတ်ခံရချိန်တွင် နိုင်ငံအနှံ့ အုံကြွလာသည့် ရရာလက်နက်ဖြင့် ပုန်ကန်မှုများထဲတွင် တော်လှန်ရေးနှင့် နှစ်ပေါင်းများစွာ အလှမ်းဝေးသည့် စစ်ကိုင်းတိုင်းမှ ဒေသများလည်း ထိပ်တန်းမှ ပါသည်။ ကိုကံကောင်းတို့၏ ဇာတိချက်ကြွေ တာတိုင်ရွာအနီးတစ်ဝိုက်တွင် စစ်ကောင်စီကို တော်လှန်နေသည့် ဒေသအခြေစိုက် ကာကွယ်ရေးအဖွဲ့များ မရှိဟု ယတိပြတ် ငြင်းနိုင်သည့် အခြေအနေမရှိ။ မြစ်နှစ်စင်းဆုံရာ ကုန်းမြေပေါ်တွင် ရှိပြီး ကုန်းလမ်းဆက်သွယ်ရေးအားပြု၍ မရသည့် တာတိုင်ရွာတစ်ဝိုက်တွင် နိုင်ငံတစ်ဝန်း နိစ္စဓူဝဖြစ်နေသည့် စစ်ကောင်စီတပ်ဖွဲ့ကို မိုင်းဆွဲ၊ ချုံခိုတိုက်ခိုက်သည့် ဖြစ်စဉ်မျိုးတော့ ရှားသည်။ စစ်ကောင်စီကမူ သတင်းများ မည်သို့ရထားသည် မသိ၊ နှစ်ဆန်းပိုင်းက တစ်ကြိမ် တာတိုင်ရွာကို မီးဝင်ရှို့ဖူးရာ အိမ်ခြေ ၃၀ နီးပါး ဆုံးရှုံးရဖူးသည်။ ဒါက နိုင်ငံအနှံ့ ကြုံနေရသည့် အခြေအနေမျိုးသာ ဖြစ်သည်။ သို့သော် ယခုကြုံတွေ့ရသည့် စစ်ကောင်စီ၏ မီးကုန်၊ ယမ်းကုန် ရက်စက်၊ ရိုင်းစိုင်းခြင်းမျိုးနှင့် တိုးရလိမ့်မည်ဟု ကိုကံကောင်းရော ရွာသားများပါ တွေးပင် မတွေးမိခဲ့ကြ။ တော်လှန်ရေးအားကောင်းသည့် စစ်ကိုင်းတိုင်းအတွင်းရှိ မြို့နယ် ၁၄ မြို့နယ်ကို ဖေဖော်ဝါရီလဆန်းမှစ၍ ညမထွက်ရ၊ လူငါးဦးထက် ပိုမစုရ၊ စစ်အုပ်ချုပ်ရေးအမိန့်ထုတ်ပြီးနောက်တွင် စစ်ကောင်စီ၏ စစ်ဆင်ရေးများ ပို၍ ရက်စက်ကြမ်းကြုတ်လာသည်ကို တာတိုင်ဖြစ်စဉ်က အထောက်အထားတစ်ခုအဖြစ် သက်သေပြနေသည်။ စစ်ကောင်စီတပ်သည် ယခင်က တစ်နေရာနှင့် တစ်နေရာ ကူးသန်းသွားလာမည်ဆိုလျှင် ကားများကိုသာ အသုံးပြုကြသော်လည်း ယခုနှစ်ဆန်းပိုင်းမှစ၍ ခြေလျင်စစ်ကြောင်းများဖြင့်သာ ပုန်းလျှိုးသွားလာနေကြပြီး ခြေလျင်စစ်ကြောင်း ဖြန့်ကြက်ချိန်တွင်လည်း ဖမ်းဆီးခံရသူများကို ရက်ရက်စက်စက်သတ်ဖြတ်မှုများ ပေါ်ပေါ်ထင်ထင်လုပ်လာသည်ဟု စစ်ကိုင်းတိုင်းအတွင်းက တော်လှန်ရေးလှုပ်ရှားမှုတွင် ပါဝင်နေသူ အမျိုးသမီးတစ်ဦးက ပြောသည်။ ယခုနှစ် ဇန်နဝါရီအထိ စစ်ကြောင်းတွင် ဖမ်းဆီးခံရသူများမှာ ပြန်လွတ်လာသည့် ဖြစ်စဉ်များရှိသော်လည်း စစ်အုပ်ချုပ်ရေးကြေညာပြီးချိန်တွင်မူ တွေ့သည်နှင့် သတ်ဖြတ်ခံနေရသည်ဟု ၎င်းက ပြောပြသည်။ “အရင်တုန်းက တွေ့တယ်ဆိုရင် လူသားတံတိုင်းအနေနဲ့ ဖမ်းခေါ်သွားတယ်။ ပြီးမှ ပြန်လွှတ်ပေးတာမျိုးတွေလည်း ရှိတယ်။ အခုက သူတို့ဘက်ကတော့ ပြည်သူပဲဖြစ်ဖြစ်၊ ကာကွယ်ရေးအဖွဲ့ပဲဖြစ်ဖြစ် တွေ့ရင် သတ်မယ်ဆိုတဲ့ ပုံစံမျိုးပဲ။ လူထုကို အကြောက်တရားဖြစ်အောင် ရက်ရက်စက်စက်လုပ်ပြနေတဲ့ သဘောတော့ရှိတယ်ဗျာ။ အကြောက်တရားကို တော်တော်သွင်းနေတဲ့ သဘောပဲ” ဟု အထက်ပါ အမျိုးသမီးက ပြောသည်။ အရာတော်၊ မြင်းမူ၊ စစ်ကိုင်းမြို့များကဲ့သို့ပင် ကနီ၊ ဆားလင်းကြီး၊ ယင်းမာပင်နှင့် ပုလဲမြို့တို့ကိုလည်း စစ်ကောင်စီတပ်က ခြေလျင်စစ်ကြောင်းများဖြင့် လှည့်လည်စီးနင်းလျက်ရှိသည်ဟု ၎င်းက ပြောသည်။ တာတိုင်ရွာတွင် မကြာသေးမီက ကြုံခဲ့ရသည့် အဆိုပါ ဖြစ်ရပ်ဆိုးကို ကိုကံကောင်း လတ်လတ်ဆတ်ဆတ်ကြီး မှတ်မိနေသေးသည်။ သို့သော် သူက တာတိုင်ရွာသား မဟုတ်၍ မျက်မှောက်တွေ့မြင်ခဲ့ရသည်များကို အမည်နှင့်တကွ တိတိပပ ခွဲခြားပြောဆိုနိုင်ခြင်းမရှိပါ။ သူ့နေရပ်ကိုမူ လုံခြုံရေးအရ ကိုကံကောင်းက ထုတ်မပြောလိုပေ။ သူနှင့် အပေါင်းအသင်းများ အဖမ်းခံရသည့် နေရာမှ သောင်ထွန်းနေသည့် မြစ်ကမ်းနဖူးကို ကျော်၍ လယ်ကွင်း၊ လယ်တောအချို့ကို နှစ်နာရီခန့် ခြေလျင် ဖြတ်သန်းရစဉ်၊ ကျေးရွာကို ဝင်စီးစဉ် ကိုယ်တွေ့ကြုံရသည်များကိုတော့ ကိုကံကောင်းက တိတိပပ ပြောနိုင်သည်။

ဘီလူးဆိုင်းတီးပြီ----

သောင်များ၊ လယ်ကွင်းများကို နှစ်နာရီဝန်းကျင် ဖြတ်သန်းပြီးနောက်တွင် စစ်ကောင်စီအဖွဲ့ တာတိုင်ရွာသို့ ရောက်သည်။ ချက်ချင်း ဝင်မစီးဘဲ ရွာနားတွင် တစ်နာရီနီးပါး ပုန်းခို၍ အခြေအနေများကို အကဲခတ်ခဲ့သည်ကိုလည်း သူမှတ်မိသည်။ ထိုအချိန်မှာ မတ် ၁ ရက် မိုးမလင်းမီ ၅ နာရီဝန်းကျင်သာ ရှိသေးသည်။ “ဟေ့ကောင်တွေ၊ ဒီရွာပဲ” ဟု စစ်ကောင်စီတပ်ဖွဲ့ထဲမှ တစ်ဦးက ပြောလိုက်သည်ကိုလည်း ကိုကံကောင်း နားထဲ ယနေ့တိုင် ကြားယောင်နေဆဲ။ ထိုအမိန့်သံ ထွက်လာအပြီးတွင် ၇၀ ခန့်ပါသည့် စစ်ကောင်စီတပ်သားများက ငါးယောက်၊ ဆယ်ယောက်စီ အုပ်စုခွဲလိုက်သည်။ ထိုအင်အားဖြင့် တာတိုင်ဟု အမည်ရသော ရွာငယ်လေးကို အနောက်ဘက်မှ ဝင်သည်။ အချိန်ကား နံနက် နေမထွက်မီ ဝေလီဝေလင်း ၅ နာရီဝန်းကျင်။ အဖွဲ့ငယ်တစ်ဖွဲ့က ရွာအနောက်ဖျားတွင်ရှိသည့် အိမ်တစ်လုံးတွင် တပ်စွဲသည်။ ထိုနေရာတွင်ပင် ကိုကံကောင်းနှင့် အပေါင်းအပါတို့ကို ထားသည်။ ‘သေနတ်သံ လုံးဝမပေးနဲ့။ အကုန်ဖမ်း’ ဟု စစ်ကြောင်းကို ဦးဆောင်လာသူက အမိန့်ပေးသည်ကို ကြားရသည်။ ရွာကို ဝိုင်းပတ်ထားသည့် စစ်ကောင်စီတပ်ဖွဲ့ အသံတိတ်လှုပ်ရှားကြပြီ။ အဖွဲ့ငယ်များက ရွာအတွင်းသို့ တိတ်တဆိတ်၊ ရုတ်တရက်ဝင်၍ တစ်အိမ်ဝင် တစ်အိမ်ထွက် လူဖမ်းပွဲကြီး စပြီ။ “စိတ်လည်း မကောင်းဘူး။ ကိုယ်လည်း ဘာမှ မလုပ်နိုင်ဘူး” ဟု ကိုကံကောင်းက ပြောသည်။ ကိုကံကောင်း ကံကောင်းသည်က အသာတကြည်သာ ငြိမ်နေလိုက်သဖြင့် သူနှင့် သူငယ်ချင်းများကို စစ်ကောင်စီတပ်က နှိပ်စက်ခြင်းမရှိ။ တာတိုင်ရွာအတွင်း တွေ့သည့်သူကို စစ်ကောင်စီတပ်သားတို့က ရွာအရှေ့ပိုင်းရှိ ဘုန်းတော်ကြီးကျောင်းသို့ ခေါ်သွားသည်ဟု နောင်တွင် ကိုကံကောင်း ပြန်သိရသည်။ ရိုက်နှက်သံများ၊ နာကျင်၍ အော်ဟစ်သံများကို သူရှိနေသည့် ရွာအနောက်ဖျားရှိနေအိမ်မှနေ၍ ကိုကံကောင်း အတိုင်းသား ကြားခဲ့ရသည်။ သူရှိရာနေရာသို့ စစ်ကောင်စီက ဗွေဆော်ဦး ဖမ်းခေါ်လာသူမှာ အမျိုးသမီးကြီးတစ်ဦးဖြစ်သည်။ သေနတ်တွေ့သည်ဟု စွပ်စွဲနေသံ ကြားရသည်။ ထိုအမျိုးသမီးကို စစ်ကောင်စီက လက်ပြန်ကြိုးတုပ်ထားသည်။ အဝေးမှ တွေ့ရသည်ဖြစ်၍ ထိုအမျိုးသမီး မည်သူမည်ဝါဖြစ်သည်၊ စစ်ကောင်စီက အစုလိုက် ရက်စက်စွာသတ်ပစ်လိုက်သည့်ထဲတွင် ပါမပါ ကိုကံကောင်း ဝေခွဲမရ။ ထွက်ပြေးလျှင် မည်သူ့ကိုမဆို ပစ်သတ်မည်၊၊ အမျိုးသားဆိုလျှင် မိလျှင် ဝှေးစေ့ဖြတ်မည် စသည်ဖြင့် စစ်ကောင်စီတပ်ဖွဲ့၏ ခြိမ်းခြောက် အော်ဟစ်သံများ တာတိုင်ရွာထဲ ညံနေသည်။ သို့သော် ထိုအချိန်အထိ သေနတ်သံ မကြားရသေးသော်လည်း တာတိုင်ရွာအတွင်း ကမ္ဘာပျက်နေပြီ။ စစ်တပ်၏ ရက်စက်မှုမှာ ရွာကို စီးနင်းပြီး သုံးနာရီဝန်းကျင်အကြာတွင် သေနတ်သံများ တရစပ်ထွက်လာရာမှ စသည်။ အရပ်ဝတ်ဖြင့် ရွာသို့ ရုတ်တရက် ရောက်လာသည့် စစ်ကောင်စီကို ဒေသခံတော်လှန်ရေးအဖွဲ့က ဝင်ရောက်တိုက်ခိုက်ခြင်းဖြစ်သည်။ ပစ်ခတ်မှုဖြစ်လျှင် နေရာ၌ပင် ထိုင်နေရန်၊ တစ်ခုခု ပြုမူလျှင်၊ ပြေးလျှင် သတ်ပစ်မည်ဟု စစ်သားတို့က ကိုကံကောင်းတို့ကို ခြိမ်းခြောက်ထားသည်။ ထို့ကြောင့် တုတ်တုတ်မျှမလှုပ်ရဲ။ တစ်ရွာသား ကိုကံကောင်းနှင့် သူငယ်ချင်းနှစ်ဦးရှိရာနေရာတွင် တာတိုင်ရွာခံ သက်လတ်ပိုင်း အမျိုးသမီးတစ်ဦး၊ သက်ကြီးပိုင်း အမျိုးသားတစ်ဦးကိုပါ စစ်တပ်က ဖမ်းထားသည်။ ထိုနေရာတွင် စစ်သား ၈ ဦး ရှိသည်။ ပစ်ခတ်သံများ ကြားချိန်တွင် ကိုကံကောင်းတို့နေရာရှိ စစ်သားများကလည်း တရစပ်ပြန်ပစ်သည်။ အပြန်အလှန်ပစ်ခတ်သံများ နာရီဝက်ခန့် ကြာမည်။ ပစ်ခတ်သံများ ငြိမ်သက်သွားပြီးနောက် ရွာအနောက်တောင်ဘက်မှ စစ်သားတစ်ဦး ကိုကံကောင်းတို့ရှိရာသို့ ရောက်လာသည်။ ထိုအချိန်မှ ရွာကို ဝင်မစီးမီ စစ်ကောင်စီ တပ်ဖွဲ့ဝင်များအကြား တီးတိုးပြောနေကြသည့် ကျော်ဇောဟူသော လူတစ်ယောက်အကြောင်း ကိုကံကောင်း ရိပ်မိရပြီ။ စစ်သားက တစ်ပါတည်းပါလာသည့် လက်ကိုင်ဖုန်းအတွင်းမှ သေနတ်ဒဏ်ရာများ ရထားသည့် အမျိုးသားတစ်ဦး၏ ဓာတ်ပုံကို ရွာသူ၊ ရွာသားနှစ်ဦးကို ပြသည်။ ကျော်ဇောလားဟု ရွာခံနှစ်ဦးကို မေးလိုက်သည်ကို ကိုကံကောင်း အတိုင်းသားကြားလိုက်ရသည်။ ရွာခံတို့က ဟုတ်မှန်ကြောင်း အတည်ပြုလိုက်ပြီးနောက်တွင် စစ်သားက အိမ်တွင် အသင့်ရှိသည့် ဓားမတစ်ချောင်းကို ကိုင်ကာ ပြန်ထွက်သွားသည်။ နာရီဝက်ခန့်အကြာတွင် ပြန်ရောက်လာသည်။ ဓားမတော့ ပြန်ပါမလာ။ ပထမအကြိမ်ကကဲ့သို့ပင် လက်ကိုင်ဖုန်းကို ထုတ်၍ ရိုက်ကူးလာသည့် ဓာတ်ပုံတစ်ပုံကို ရွာသားများထံ ပြပြန်သည်။ ခေါင်း၊ လက်နှင့် ခြေနှစ်ဖက် ပြတ်တောက်၊ ဗိုက်ထဲမှ အူများပွင့်ထွက်နေသည့် အမျိုးသားတစ်ဦး၏ ဓာတ်ပုံ။ သူ့ကို စစ်သားက လာပြသေးသော်လည်း မကြည့်ရဲ၍ ကိုကံကောင်း မကြည့်ဖြစ်လိုက်။ သို့သော် စစ်သားထံမှ ခြိမ်းခြောက်ကြုံးဝါးသံကိုမူ သူရှောင်လွှဲ၍ မရခဲ့။ “သူတို့ (စစ်သားတွေ) က ရွာသားတွေကို မြင်လား။ မင်းတို့ ကျော်ဇော ဒီလိုဖြစ်သွားပြီ။ မင်းတို့လည်း ကြည့်ထားလို့ ပြောတယ်” ဟု ကိုကံကောင်းက ဆိုသည်။ ကိုကျော်ဇောသည် အသက် ၄၇ နှစ်အရွယ်၊ တာတိုင်ရွာကာကွယ်ရေးအဖွဲ့ခေါင်းဆောင်ဖြစ်သည်။ ကိုကျော်ဇောမှာ စစ်တပ်က သေနတ်ဖြင့် ပစ်၊ ဓားဖြင့် ခုတ်ဖြတ်၊ ရိုက်နှက်၊ နှိပ်စက်သတ်ဖြတ်ခဲ့သည့် တာတိုင်ရွာသား ၁၇ ဦးအနက် တစ်ဦးအပါအဝင်ဖြစ်သည်။ အသက် ၂၅ အရွယ် ကိုရာဟုမှာလည်း ကိုကျော်ဇောနည်းတူ ခုတ်ထစ်သတ်ဖြတ်ခံခဲ့ရသည်။ “ကိုရာဟုကိုတော့ စဉ်းတီတုံးပေါ်မှာ လည်ပင်းတင်ပြီး ခုတ်ဖြတ်ထားခဲ့တာ” ဟု အလောင်းကောက်ရာတွင် ပါဝင်ခဲ့သည့် ကိုမျိုး* က ပြောသည်။

ဘုန်းကြီးကျောင်းအတွင်း ငရဲပွက်ခြင်း----

တာတိုင်ရွာအတွင်း ထိုသို့ ဖြစ်ပျက်နေသည်မှာ ကိုကံကောင်းတို့ ရှိနေသည့် ရွာ့အနောက်ဖျားတွင်သာမကပါ။ ရွာအရှေ့ပိုင်းတွင် ရှိသည့် ဘုန်းကြီးကျောင်းအတွင်းတွင်လည်း စစ်ကောင်စီတပ်က အလားတူပြုမူသည်ကို အခြားရွာသား ၁၀၀ နီးပါးနှင့်အတူ ၂၄ နာရီနီးပါး ချုပ်နှောင်ခံခဲ့ရသည့် အသက် ၆၀ အရွယ် ဦးမိုး*ထံမှ သိရသည်။ ဦးမိုးမှာ ရွာလယ်ပိုင်းတွင် နေထိုင်သူဖြစ်ပြီး ရုတ်ရုတ်သဲသဲသံများ ကြားရ၍ နေအိမ်မှ အပြင်သို့ ထွက်ကြည့်ရာတွင် စစ်သားများက ဖမ်းခေါ်သွားခြင်းဖြစ်သည်။ ဘုန်းကြီးကျောင်းအတွင်းတွင် စစ်ကောင်စီတပ်ဖွဲ့ဝင်တို့က လက်ကိုင်ဖုန်းအတွင်း အသင့်ပါလာသည့် လူစာရင်းကို ကြည့်၍ လူများကို နေရာခွဲ၍ထားသည်။ “သူတို့စစ်ကြောင်းက ဘီလူးစစ်ကြောင်းလို့ ပြောတယ်။ ရွာမီးမတင် (မီးမရှို့) ဘူး။ PDF (တော်လှန်ရေးသမား) တွေပဲ လိုက်ရှာတာလို့ ပြောတာ။ ဖမ်းထားတဲ့သူတွေအကြောင်းကိုတော့ ဘာမှ မပြောဘူး” ဟု ဦးမိုးက ပြောသည်။ ဦးမိုးနှင့် သက်ကြီးပိုင်းရွာသား ဆယ်ဂဏန်းခန့်ကို ဘုရားခန်းရှိရာ ပင်မကျောင်းဆောင်ထဲသို့ ပို့သည်။ အမည်စာရင်းပါသူ အမျိုးသား ၈ ဦးနှင့် အမျိုးသမီး ၃ ဦးကို လက်ပြန်ကြိုးတုပ်လျက် ကျောင်းဝင်းအတွင်း ဝမ်းလျားမှောက်ခိုင်းထားသည်။ များမကြာမီတွင် ထွက်ပြေးရန် ကြိုးပမ်းသူတစ်ဦး၊ မချေမငံပြန်ပြောသည်ဟု စွပ်စွဲခံရသူ ၃ ဦးကိုလည်း အလားတူချုပ်နှောင်လိုက်ပြန်သည်။ ထို့နောက် စာရင်းထဲမပါသူ ၈၀ ကျော်ကို ဦးမိုးတို့ရှိရာ ခန်းဆောင်အတွင်းသို့ စစ်ကောင်စီတပ်က ထည့်သွင်းလိုက်သည်။ ရွာခံများကို ခွဲခြားပြီးနောက်တွင် စစ်ကောင်စီတပ်က ဦးမိုးတို့ရှိရာ ကျောင်းခန်းဆောင်တံခါးမကြီးကို ပိတ်ပစ်လိုက်သည်။ အမျိုးသမီးများကို အောက်ထပ်၊ အမျိုးသားများကို အပေါ်ထပ်တွင် ခွဲ၍ စစ်ကောင်စီက ထားခဲ့သည်။ တံခါးများ ပိတ်ထားသော်လည်း သေနတ်သံများ၊ ရိုက်နှက် နှိပ်စက်နေသံများ ကြားနေရသည်။ ပြင်ပတွင် မည်သည့်အရာများ ဖြစ်ပျက်နေသည်တို့ကိုမူ မျက်မြင်ကိုယ်တွေ့ မတွေ့ရတော့။ “အကုန်ပစ်နေတာဆိုတော့ ကျောင်းထဲမှာ ကုပ်နေရတာ” ဟု ဦးမိုးက ပြောသည်။ အသံဗလံများ ငြိမ်သက်သွားပြီးနောက် ညနေ ၅ နာရီခန့်တွင် ခန်းမဆောင်အတွင်း ချုပ်နှောင်ခံထားရသူများအနက် အမျိုးသမီး လေးဦးထက်မနည်းကို စစ်ကောင်စီက ခေါ်ထုတ်သွားသည်။ ထမင်းချက်ခိုင်းသည်။ ထိုအမျိုးသမီးတို့၏ ကျေးဇူးဖြင့် ဦးမိုးတို့ တစ်နေကုန်စာ ထမင်းတစ်နပ် စားခဲ့ရသည်။ ဘုန်းကြီးကျောင်းအတွင်း စစ်ကောင်စီ ကြိုးတုပ်ဖမ်းဆီးခဲ့သည့် အမျိုးသမီးသုံးဦးမှာ ညီအမနှစ်ဦးဖြစ်သည့် အသက် ၃၇ နှစ်အရွယ် ဒေါ်ပန်းသွယ်၊ အသက် ၄၄ နှစ်အရွယ် ဒေါ်ပန်းနွယ်၊ အသက် ၄၂ နှစ်အရွယ် ဒေါ်ဆွေဆွေဦးတို့ဖြစ်သည်။ ပြန်လည်လွတ်မြောက်လာသူတို့၏ ပြောဆိုချက်အရ အထက်ပါ အမျိုးသမီးသုံးဦးမှာ ထမင်းသွားကျွေးချိန်ကတည်းက နှိပ်စက်ထားသည့် ဒဏ်ရာဒဏ်ချက်များကြောင့် စကားပင် မပြောနိုင်တော့ဟု အမျိုးသားညီညွတ်ရေးအစိုးရ (NUG) ၏ စစ်ကိုင်းမြို့နယ် ပြည်သူ့အုပ်ချုပ်ရေးအဖွဲ့ နာယကတစ်ဦးက ဆိုသည်။ ထိုအမျိုးသမီးသုံးဦးမှာ ရွာထဲမှ စစ်ကြောင်းပြန်ထွက်သွားချိန်တွင် ဖမ်းခေါ်ခံရပြီးနောက် လမ်းတွင် သတ်ဖြတ် အလောင်းစွန့်ပစ်ခဲ့သူ ၁၄ ဦးထဲတွင် ပါဝင်သည်။ “သေတဲ့သူတွေအလောင်းက သေနတ်နဲ့ ပစ်မသတ်ခင် ရိုက်နှက်ထားတာ။ ခေါင်းကြီးတွေ ရှုံ့ပိန်နေတာပါ။ မမြင်ရက်စရာ အနိဋ္ဌာရုံပါပဲ။ အဲဒီနေ့က (အလောင်းကောက်စဉ်) အမျိုးသမီးတွေကအစ မတော်တရော်လုပ်ထားတယ်။ အဲဒီလိုလုပ်ပြီး သတ်ထားတဲ့ဟာတွေလည်း တွေ့ရတယ်” ဟု အလောင်းကောက်ရာတွင် ပါဝင်သည့် ဒေသခံ ကိုမြင့် * က ပြောသည်။ တာတိုင်ရွာ အမျိုးသမီးသုံးဦး၏ အလောင်းများတွင်မူ အတွင်းခံများ စုတ်ပြဲနေသည်ကို တွေ့ရသလို အမျိုးသမီးအင်္ဂါထဲသို့ စစ်သားများက ကြက်သွန်ဥတစ်လုံး ထည့်ထားခဲ့ကြသည်ဟု အလောင်းကောက်ရာတွင် ပါဝင်သူနောက်တစ်ဦးဖြစ်သည့် ဒေသကာကွယ်ရေးအဖွဲ့ဝင် ကိုကျော်*က ပြောသည်။ ထိုစစ်ကြောင်းလက်ချက်ဖြင့် သေဆုံးသူအားလုံးမှာ တာတိုင်ရွာအတွင်း သတ်ဖြတ်ခံရသည် မဟုတ်ပါ။ ရုပ်အလောင်းရှာတွေ့သည့် အခြေအနေများအရ ရွာအနီးအနားတွင် ကိုကျော်ဇော၊ ကိုရာဟုနှင့် အသက် ၃၅ နှစ်အရွယ် ဦးချစ်ကောင်းတို့ သုံးဦးသာ စစ်တပ်ဝင်စီးသည့် မတ် ၁ ရက်တွင် သတ်ခံရသည်။ ကိုကျော်ဇော၏ အလောင်းကို တာတိုင်ရွာ အနောက်တောင်ဘက် သင်္ချိုင်းနားတွင် စစ်တပ်ပြန်ထွက်သွားသည့် မတ် ၂ ရက်၊ နောက်နှစ်ဦး၏ အလောင်းကို တာတိုင်ရွာ မြောက်ဘက်နှင့် တောင်ဘက် မြစ်ကမ်းစပ်များတွင် နောက်တစ်ရက်တွင် ဒေသခံတို့က ရှာတွေ့သည်။ တာတိုင်ရွာ အနောက်ဘက် နှစ်မိုင်ဝန်းကျင်အကွာ ညောင်ရင်းရွာသို့ သွားရာလမ်းတွင် အသတ်ခံရသည့် ကျန် ၁၄ ဦး၏ အလောင်းကို မတ် ၂ ရက် စစ်ကြောင်း ပြန်ထွက်သွားပြီးနောက်တွင် ရှာတွေ့သည်။ ရုပ်အလောင်းအားလုံးကို ဗုဒ္ဓဘာသာထုံးတမ်းစဉ်လာအရ သင်္ဂြိုဟ်ပြီးဖြစ်သည်။ လမ်းတစ်လျှောက်တွင် သတ်ဖြတ်ခြင်း---- တာတိုင်ရွာမှ ညောင်းရင်းရွာသို့ ပြန်အထွက်လမ်းတွင် စစ်ကောင်စီ၏ လူသတ်ပွဲအကြောင်း ကိုကံကောင်းက ပြန်ပြောပြသည်။ မတ် ၂ ရက် နံနက် ၇ နာရီခန့်မှ ပြန်အထွက်တွင် စစ်ကောင်စီက အဖွဲ့လေးဖွဲ့ခွဲ၍ တစ်ဖွဲ့လျှင် မီတာ ၁၀၀ ခန့်စီ ခြား၍ လျှောက်စေသည်။ တာတိုင်ရွာမှ ဖမ်းခေါ်လာသူ ၁၄ ဦးနှင့် ကိုကံကောင်းတို့ သုံးဦးကို အုပ်စုခွဲ၍ လိုက်ပါစေသည်။ တာတိုင်ရွာမှ ဖမ်းခေါ်လာသူတို့မှာ ကြိုးတုပ်ထားသည်ကို တွေ့ရသည်။ ကိုကံကောင်းက တတိယမြောက် တာတိုင်ရွာမှ ထွက်သည့် စစ်သား ရှစ်ဦးပါသည့် စစ်ကောင်စီအဖွဲ့တွင် ပါသည်။ ၎င်းနှင့်အတူ အသက် ၂၀ မှ ၅၀ ကြား အမျိုးသား ငါးဦးလည်း ပါလာသည်။ ညောင်ရင်းရွာနှင့် မီတာ ၈၀၀ ဝန်းကျင်သာ လိုတော့ချိန်တွင် ကိုကံကောင်းနှင့် သူငယ်ချင်းနှစ်ဦးကို စစ်သားသုံးဦးက ခွဲ၍ ခေါ်သွားသည်။ ကြိုးတုပ်ခေါ်ဆောင်လာသည့် တာတိုင်ရွာသား ငါးဦးနှင့် စစ်သား ငါးဦးက နောက်တွင် ချန်နေရစ်ခဲ့သည်။ လူစုခွဲပြီးသည့် နေရာမှ မီတာ ၅၀ခန့် ရှေ့သို့ လွန်ချိန်တွင် သေနတ်သံ ၈ ချက်ထက်မနည်း ကျယ်လောင်စွာကြားရသည်။ ဝေခွဲမရဖြစ်နေချိန်တွင် ဖမ်းခေါ်လာသူများကို သတ်ပစ်လိုက်ပြီဟု စစ်သားတစ်ဦးက ခပ်ပြုံးပြုံးဖြင့် အသိပေးကြောင်း ကိုကံကောင်းက ပြန်ပြောပြသည်။ “ကျွန်တော်တို့ကတော့ ကြောက်တာပေါ့ဗျာ။ မင်းတို့ ဘာမှမလုပ်နဲ့။ မင်းတို့ကို ဘာမှမလုပ်ဘူး။ မင်းတို့ကို ကြိုးလည်း မတုပ်ထားဘူးဆိုပြီးတော့ စစ်သားက ပြောတာ။ ကျွန်တော်တို့ ဘာမှ မဖြစ်ပါဘူးနော်လို့ မေးတော့ ဘာမှမဖြစ်ဘူး။ ကြိုးလည်း မတုပ်ဘူး။ ကြိုးတုပ်ထားတဲ့ကောင်တွေက အသတ်ခံရမှာလို့ (စစ်သားက) ပြောတာ။ မင်းတို့က ဘာမှ မဖြစ်ဘူးတဲ့” ညောင်ရမ်းရွာသို့ သွားရာလမ်းတွင် စစ်ကောင်စီက သတ်ဖြတ်ပစ်လိုက်သူများမှာ နောက်တွင် ကျန်ခဲ့သည့် တာတိုင်ရွာခံ ငါးဦးသာမကဘဲ အခြားသူများ ရှိသေးသည်ကိုလည်း ကိုကံကောင်းတို့ မကြာမီတွင် ထပ်သိလိုက်ရသည်။ ၎င်းတို့အဖွဲ့ရှေ့မှသွားသည့် ပထမအသုတ်နှင့် ဒုတိယအသုတ်ထဲမှ ဓားစာခံများ၏ အလောင်းများကို လမ်းတွင် ထပ်တွေ့ရသည်။ “ရှေ့နားရောက်တော့ အရင်သွားတဲ့အသုတ်က အလောင်းတွေ စတွေ့တာပဲ။.. ငါးယောက်တစ်စု၊ သုံးယောက်တစ်စု တွေ့တာပေါ့ဗျာ။ ပုံစံတွေကတော့ မှောက်လျက်တွေရော၊ ပက်လက်တွေရော၊ ဘေးတစောင်းတွေရော။ ဒူးထောက်ခိုင်းထားပြီး ခေါင်းတွေ၊ နောက်ကျောတွေကို ပစ်ထားတာ တွေ့ရတယ်” ဟု ကိုကံကောင်းက ဆိုသည်။ လမ်းတွင် ဓားစာခံအဖြစ် ဖမ်းခေါ်သွားသည့် အသက် ၁၇ နှင့် ၆၇ ကြား အမျိုးသား ၁၁ ဦးနှင့် အမျိုးသမီး ၃ ဦးတို့ကို စစ်ကောင်စီက မတ် ၂ နံနက် ၈ နာရီနှင့် ၉ နာရီကြားတွင် အသုတ်လိုက်ခွဲ၍ သတ်ဖြတ်ပစ်လိုက်ခြင်းဖြစ်သည်ဟု စစ်ကြောင်းနှင့်အတူ လိုက်ပါခဲ့ရသည့် ကိုကံကောင်းက ယူဆသည်။ စစ်ကောင်စီက မည်သို့သတ်ဖြတ်ခဲ့သည်ကို မျက်မြင်တွေ့သူတော့ မရှိ။ သို့သော် သေနတ်ဒဏ်ရာ၊ ရိုက်နှက်နှိပ်စက်ခံရသည့် ဒဏ်ရာ၊ ဓားဖြင့် ထိုးခုတ်၊ သတ်ဖြတ်ခဲ့သည်ဟု ရုပ်အလောင်းများကို ကြည့်၍ ကောက်ချက်ချနိုင်သည်။ ထိုသူတို့၏ ရုပ်အလောင်းကို မတ် ၂ နှင့် ၃ ရက်တို့တွင် ဗုဒ္ဓဘာသာဓလေ့ထုံးစံအတိုင်း သင်္ဂြိုဟ်ပြီးဖြစ်သည်။ သေဆုံးသူများထဲတွင် အများစုမှာ တော်လှန်ရေးသမားများ မဟုတ်ဘဲ တောင်သူ၊ တံငါ အလုပ်ဖြင့် အသက်မွေးသူများ၊ တစ်နယ်တစ်ကျေးမှ လာရောက်လည်ပတ်သူများပင် ပါသည်ဟု အထက်ပါ သတင်းရင်းမြစ်တို့က ဆိုသည်။ သေဆုံးသူများအနက် အသက် ၅၀ အရွယ် ဦးထီလာဆိုသူမှာ တာတိုင်ရွာအရှေ့ဘက် မူးမြစ်တစ်ဖက်ကမ်းရှိ ငါန်းစွန်မြို့မှ ရောက်နေသူ၊ ရိုက်နှက်ဒဏ်ရာများဖြင့် သေဆုံးသည့် အသက် ၃၅ နှစ်အရွယ် ကိုချစ်ကောင်းမှာ တာတိုင်မြောက်ဘက် တစ်မိုင်ကျော်အကွာ ရွှေလှေရွာခံဖြစ်ပြီး နွားပျောက်ရှာနေစဉ် အဖမ်းခံရသူဟု ဆိုသည်။ အသက် ၅၀ အရွယ် ဦးသိန်းထိုက်မှာ တာတိုင်ရွာအတွင်း စစ်ကြောင်းဝင်စီးစဉ် ထွက်ပြေး၍ ဖမ်းခံရသူဖြစ်ပြီး ထို့နောက်တွင်မှ ဖမ်းခေါ်ကာ သတ်ဖြတ်ခံလိုက်ရသည်ဟု ဆိုကြသည်။ စစ်ကောင်စီလက်ချက်ဖြင့် မိခင်၊ ညီ၊ ယောက်ဖနှင့် အဒေါ်တို့ကို ဆုံးရှုံးခဲ့ရသည့် အသက် ၂၅ နှစ်အရွယ် ကိုသိန်း*က ရွာကို စစ်ကောင်စီ ဝင်စီးနေပြီဟု ကြားသိရချိန်တွင် ဓားစာခံများ၊ အထူးသဖြင့် မိန်းမသားများကို သတ်လိမ့်မည်မဟုတ်ဟု အကောင်းမြင်ခဲ့သေးသည်ဟု ပြောသည်။ သေဆုံးသူတို့အနက် ၎င်း၏ မိသားစုဝင်များမှာ မည်သူတို့ဖြစ်သည်ကိုမူ လုံခြုံရေးအရ သူက ထုတ်မပြောလိုပေ။ တာတိုင်ရွာကို ဝင်ရောက်စီးနင်းချိန်တွင် ကိုသိန်းက ရွာ၌မရှိ၍ လွတ်သွားသည်။ “သူတို့ထွက်သွားပြီးတော့ အလောင်းတွေ တွေ့တဲ့အချိန်မှာ ကျွန်တော့်မိသားစုဝင်တွေဗျာ။ မြင်မကောင်းအောင် ပိုးစိုးပက်စက်ကို လုပ်သွားတာဗျာ” ဟု ကိုသိန်းက ပြောသည်။ ထိုစစ်ကြောင်းက ဖမ်းဆီးခဲ့သူ တာတိုင်ရွာခံ ၁၀၀ ကျော်ထံမှ လက်ကိုင်ဖုန်းများပါ သိမ်းယူသွားသည်ဟု အထက်ပါ သတင်းရင်းမြစ်တို့က ပြောကြသည်။ အသေးစိတ်တို့ကိုမူ သီးခြား အတည်မပြုနိုင်သေးပါ။

ဘီလူးစစ်ကြောင်း-----

တာတိုင်ရွာကို ဝင်မွှေခဲ့ပြီး ကိုယ့်ကိုယ်ကိုယ် ဘီလူးစစ်ကြောင်းဟု မိတ်ဆက်ခဲ့သည့် ထိုစစ်ကောင်စီတပ်ဖွဲ့မှာ ဖေဖော်ဝါရီ ၂၄ ရက်နေ့က တာတိုင်ရွာ မြောက်ဘက် မိုင် ၃၀ အကွာ အရာတော်မြို့နယ် မလဲသာရွာသို့ ရဟတ်ယာဉ်နှစ်စီးဖြင့် ရောက်သွားသည့် အင်အား ၇၀ နီးပါးပါ အဖွဲ့ဖြစ်သည်။ ထိုစစ်ကြောင်းက အရာတော်မြို့နယ်နှင့် နယ်နိမိတ်ဆက်နေသည့် စစ်ကိုင်းမြို့နယ်၊ မြင်းမူမြို့နယ်တို့မှ ကျေးရွာပေါင်း ၁၀ ရွာထက်မနည်းကိုလည်း လှည့်လည် စီးနင်းခဲ့သည်။ မြင်းမူမြို့နယ် ပဒတ္ထိုင်း၊ ညောင်ပင်ရွာ၊ ကန်တော်၊ ကန်ပြားရွာ၊ ညောင်းရင်းရွာတို့တွင် လူမဆန်စွာ သတ်ဖြတ်မှုများ ကျူးလွန်ခဲ့သည်။ တစ်ပတ်အတွင်း ဒေသခံ ၂၃ ဦး သတ်ဖြတ်ခံရကာ ထိုအထဲမှ ၇ ဦးမှာ ဦးခေါင်း၊ ခြေ၊ လက်များ အပိုင်းပိုင်းဖြတ်တောက်ခံခဲ့ရသည်။ ထိုစစ်ကြောင်းက ဖေဖော်ဝါရီ ၂၅ ရက်တွင် ပဒတ္ထိုင်းရွာ၌ ဒေသခံကာကွယ်ရေးအဖွဲ့ဝင် ၁ ဦး၊ နောက်တစ်ရက်တွင် ကန်တော်ရွာမှ ဒေသခံကာကွယ်ရေးအဖွဲ့ဝင် ၄ ဦးတို့လည်း ဦးခေါင်းနှင့် ခန္ဓာကိုယ်အစိတ်အပိုင်းများကို အပိုင်းပိုင်းခုတ်ထစ် သတ်ဖြတ်သည်။ ထို့နောက် ဖေဖော်ဝါရီ ၂၈ နံနက်ပိုင်းတွင် တာတိုင်ရွာကို ဆက်လက်စီးနင်းကာ ရွာသား ၁၇ ဦးကို ဖမ်းဆီးသတ်ဖြတ်ခဲ့ကြခြင်းဖြစ်သည်။ အဆိုပါစစ်ကြောင်းသည် မတ် ၃ ရက်က ညောင်းရင်းရွာ အနောက်ဘက် မြင်းမူမြို့နယ် အာလကပ္ပရွာသို့ ရောက်နေသည်ဟု ဒေသခံတို့ထံမှ စုံစမ်းသိရှိရသည်။ ညောင်းရင်း၊ မြင်းမူ၊ အာလကပ္ပရွာဘက်သို့ ထိုစစ်ကြောင်းသွားရာလမ်းတွင် ဆိုင်ကယ်ဖြင့် သွားလာနေသူ ဒေသခံတစ်ဦး၏ ဦးခေါင်းကို သေနတ်ဖြင့် ပစ်သတ်ခဲ့သေးသည်ဟု ဒေသတွင်းသတင်းများက ဆိုသော်လည်း သီးခြားအတည်မပြုနိုင်သေးပါ။ စစ်ကိုင်းတိုင်းအတွင်းရှိ မြို့နယ် ၁၄ ခုကို စစ်ကောင်စီက ညနေ ၆ နာရီမှ နံနက် ၆ နာရီ အပြင်မထွက်ရ၊ လူငါးဦးထက် ပိုမစုရဟု သတ်မှတ်ကြောင်း စစ်ကောင်စီက ဖေဖော်ဝါရီလဆန်းတွင် ကြေညာထားသည်။ ထို့နောက်တွင် စစ်ကိုင်းတိုင်းအတွင်း စစ်ရေးလှုပ်ရှားမှုများ တိုးမြှင့်ထားပြီး တာတိုင်ရွာကို ဝင်ရောက်သတ်ဖြတ်သည့် ဖြစ်စဉ်မှာ ယင်းတို့အနက် တစ်ခုဖြစ်သည်။ စစ်ကောင်စီက ထောက်ခံသည့် ဒေသခံများကို လက်နက်တပ်ဆင်ပေး၍ စစ်ရေးလှုပ်ရှားမှုများကို တပ်ရင်း၊ တပ်ဖွဲ့များနှင့် ပူးပေါင်းလုပ်ဆောင်နေသည်။ စစ်ကောင်စီက ပြည့်သူ့စစ်ဟု ခေါ်၍ ပျူစောထီးဟု လူသိများသည့် ထိုအဖွဲ့၏ လှုပ်ရှားမှုများကို စစ်ကိုင်းတိုင်းအတွင်း အထင်အရှားတွေ့ရသည်။ စစ်ကိုင်း တာတိုင်ရွာသို့ စစ်ကောင်စီတပ်ဖွဲ့နှင့် နှစ်ရက်အနီးပါး အတူလိုက်ပါခဲ့ရသည့် ကိုကံကောင်း၏ အဆိုအရ ၎င်းတွေ့ကြုံခဲ့ရသည့် စစ်သားများမှာ အမြဲတစေ အရက်သေစာ သောက်စား မူးရူးနေသည်ဟု သိရသည်။ စစ်သားတို့က တာတိုင်ရွာ ရောက်ချိန်တွင် ၎င်းတို့နှင့် ပါလာသည်များအပြင် ရွာအတွင်း ဈေးဆိုင်များတွင်ရှိသည့် အရက်များကိုပါ ယူငင်သောက်သုံးသည်ကို ကိုကံကောင်း မျက်မြင်တွေ့ခဲ့ရသည်။ “အရက်ကတော့ အိပ်ထဲကနေ ထုတ်ထုတ်ပြီး သောက်တာ။ သူတို့အချင်းချင်း ယူသောက်မိလို့ စကားတွေ များသေးတယ်။ (မင်းအရက်) ငါမသောက်ဘူးနဲ့ ငြင်းကြတာပေါ့ဗျာ။ အိပ်ထဲ ထည့်လာတာဆိုတော့ သောက်ချင်တဲ့အချိန် ထုတ်သောက်တာ”။ စစ်ကောင်စီက စစ်ကိုင်းတိုင်းတွင် ရွာစဉ်လှည့်မီးရှို့မှု၊ သတ်ဖြတ်မှုများ ပြုလုပ်နေကြသလို တော်လှန်ရေးအဖွဲ့ဘက်ကလည်း စစ်ကောင်စီသတင်းပေးနှင့် ဘက်တော်သားများကို လုပ်ကြံသတ်ဖြတ် လက်တုံ့ပြန်နေသည်။ အာဏာသိမ်းပြီး နှစ်နှစ်အတွင်း စစ်ကောင်စီတပ်က နိုင်ငံအနှံ့တွင် တာတိုင်ရွာတွင် ကျူးလွန်သကဲ့သို့ တစ်ရက်တည်း လူ ၁၄ ဦးမှ ၃၀ အထိ အစုအပြုံလိုက်သတ်ဖြတ်မှု ၃၂ မှုအထိ ရှိလာပြီဟု NUG ၏ လူ့အခွင့်အရေးဝန်ကြီး ဦးအောင်မျိုးမင်းက မတ် ၆ ရက် အွန်လိုင်းတွင် ပြုလုပ်သည့် သတင်းစာရှင်းလင်းပွဲတွင် ပြောသည်။ စစ်တပ်၏ လူ့အခွင့်အရေးချိုးဖောက်မှုများ၊ အရပ်သားပြည်သူတို့၏ အိုးအိမ်များကို မီးရှို့ဖျက်ဆီးမှုများ၊ ရက်စက်စွာသတ်ဖြတ်မှုများမှာ အပြည်ပြည်ဆိုင်ရာ ဥပဒေများနှင့် မည်သို့မျှ လျော်ညီခြင်းမရှိ၍ အပူတပြင်း ပြင်းပြင်းထန်ထန်အရေးယူပေးရန် နိုင်ငံတကာသို့ ၎င်းက ထပ်မံတိုက်တွန်းသည်။ “(စစ်ကောင်စီရဲ့) ရက်စက်ယုတ်မာမှုကတော့ တကယ်ကို ကမ်းကုန်တဲ့အခြေနေမျိုး ရောက်နေပါပြီ။ မြန်မာတစ်ပြည်လုံးမှာ မီးလောင်တိုက်သွင်း၊ လူသားမှန်သမျှကို ရန်သူလို သတ်မှတ်တဲ့ အကြမ်းဖက် စစ်ကောင်စီရဲ့ လုပ်ရပ်တွေကို အမြန်ဆုံးတားဆီဖို့ အကြိမ်ကြိမ် ပြောထားပြီးပါပြီ။ အကြိမ်ကြိမ်လည်း တိုက်တွန်းနေပါတယ်” ဟု ဦးအောင်မျိုးမင်းက ပြောသည်။ ကုလလူသားချင်းစာနာမှုဆိုင်ရာ ညှိနှိုင်းရေးရုံး၏ မတ် ၅ ရက် စာရင်းအရ စစ်တပ်က အာဏာသိမ်းပြီးနောက်တွင် မြန်မာနိုင်ငံ၌ လူပေါင်း တစ်သန်းခွဲကျော် အိုးအိမ်စွန့်ခွာ ထွက်ပြေးနေရကြောင်း သိရသည်။ စစ်တပ်က အာဏာသိမ်းခဲ့သည့် ၂၀၂၁ ဖေဖော်ဝါရီနောက်ပိုင်း နိုင်ငံတစ်ဝန်း အိမ်ခြေ ၆၀,၀၀၀ ကျော် စစ်ကောင်စီလက်ချက်ဖြင့် မီးလောင်ဆုံးရှုံးခဲ့ရကာ လူပေါင်း ၃၀၀၀ ကျော် သေဆုံးခဲ့ရသည်ဟု NUG လူ့အခွင့်အရေးဝန်ကြီးက ဆိုသည်။ ထိုသို့ စစ်ကောင်စီက အသက်၊ အိုးအိမ်၊ စည်းစိမ်တို့ကို မျိုးစုံရန်ရှာမှုများ ကြုံနေရသော်လည်း စစ်အာဏာရှင်စနစ် အမြစ်ဖြုတ်ရေးခရီးကို မဖြစ်မနေရှေ့ဆက်ရန် သန္နိဋ္ဌာန်ချထားသည်ဟု တာတိုင်ရွာကို ဝင်စီးသည့် ဘီလူးစစ်ကြောင်းနှင့် ကြုံခဲ့ရသူ စစ်ကိုင်းမြို့နယ် ဆားတောင်မိုးကြိုး ပြည်သူ့ကာကွယ်ရေးအဖွဲ့ခေါင်းဆောင်က ပြောသည်။ မြင်းမူမြို့နယ် ကန်တော်ရွာသို့ ထိုစစ်ကြောင်းဝင်ချိန်တွင် ၎င်း၏ တပ်ဖွဲ့မှ အသက် ၁၉ နှစ်အရွယ် အဖွဲ့ဝင်နှစ်ဦး ခေါင်းဖြတ်သတ်ခံခဲ့ရပြီးဖြစ်သည်။ “ဒီကောင်တွေ (စစ်ကောင်စီ) သည် ကျွန်တော်တို့ (တော်လှန်ရေး) အဖွဲ့တွေကို စိန်ခေါ်တဲ့အပိုင်းပါတယ်။ စိတ်ဓာတ်ပိုင်းဆိုင်ရာ ခြောက်လှန့်တဲ့အပိုင်းလည်း ပါတယ်။ ဒါကြောင့်မို့လို့ ဒီလိုလုပ်သွားတာ။ လူမဆန်စွာ သတ်သွားတဲ့အပေါ်မှာ ဘယ်လိုမှ ခွင့်မလွှတ်ဘူး”။
(*လုံခြုံရေးအရ နာမည်လွှဲထားသည်)

ဆက်ဖတ်ရန် →

စန္ဒာမင်းပြောတဲ့ နိုင်ငံရေးကမှားနေတယ်

📅 💬 မှတ်ချက်

NUG ကပြည်ပဖိအားရဖို့လဲလုပ်တယ်၊ ပြည်တွင်းမှာ

လဲအထူးသဖြင့်စစ်ကိုင်းကိုအဓိကထားဖို့နေတယ်၊

ကျန်တဲ့နေရာတွေလဲဖို့သင့်သလောက်ဖို့ပါတယ်၊

ဖို့တဲ့ဂရုမှာယုံကြည်စွာဖြင့်မိမိကိုထည့်သွင်းထားလို့

သိရပါတယ်၊ကြာတော့ရိုးလာပြီးနိုတီတက်တိုင်း

မကြည့်ဖြစ်တော့ဖူး၊

ပထမအချက်အနေနဲ့ ပြည်တွင်းတော်လှန်ရေးအောင်ဖို့

NUGဟာလွတ်မြောက်နယ်မြေမှာရှိနေရမှာဖြစ်လို့ရှိနေ

ရပါတယ် အချို့ကအထဲမှာ အချို့က မဲဆောက် ချင်းမိုင်

အချို့က ယူအက်စ် ကနေဒါ သူတို့က အစထဲက ယူအက်စ်

ကနေဒါကပါ NUGကိုဝင်ပြီးအားဖြည့်ပေးနေတာပါ

ဝန်ကြီးချူပ်မန်းဝင်းခိုင်သန်းဆိုရင်မြန်မာပြည်ထဲမှာပဲနေပါ

တယ် ဘယ်မှကိုမသွားတာ၊☺️ အခုအချိန်အထိ တတိယနိုင်ငံတွေသွားပြီးသံတမန်ရေးရာတွေ ကြိုးပမ်းနေကြပေ

မယ့် သိက္ခာမဲ့စွာ ခုန်ချတာဘယ်သူမှမလုပ်ကြပါဖူး၊

စန္ဒာမင်းပြောစကားတွေဟာလက်ရှိနိုင်ငံရေးတော်လှန်

ရေးနဲ့အရမ်းအလှမ်းဝေးလှပါတယ်၊ သူပြောနေတဲ့

အဓိပ္ပါယ်က NUGလုပ်ရပ်ကမအောင်မြင်နိူင်ဖူး၊သူ့လုပ်

ရပ်ကသာမှန်တယ်လို့ လမ်းကြောင်းနေသလိုဖြစ်နေတယ်

အဖမ်းမခံပဲလုပ်တဲ့နိုင်ငံရေးနဲ့

အဖမ်းခံလုပ်တဲ့နိုင်ငံရေး

ဘယ်ဟာကသင့်လျှော်လဲဆိုတာမှာ ဘယ်သူကဖမ်းတာ

လဲဆိုတာစဉ်းစားရမယ့်ကိစ္စပါ

လူကလူကိုဖမ်းတာလား

ခွေးကလူကိုဖမ်းတာလား

လက်ရှိအခင်းအကျဉ်းနဲ့အဖမ်းခံပြီး ဘယ်လိုနိုင်ငံရေး

လုပ်မလဲဆိုတာ ဒေါ်စန္ဒာမင်းဖြေပေးပါ မေးပါတယ်။

ပျှော်ပွဲရွှင်ပွဲ နိုက်ကလပ်တွေမှာ လူစည်နေလို့ တော်လှန်

ရေးအားနည်းသလားဆိုရအောင်ကလဲ အသံတိတ်နေ့မှာ

ကျတော့အကုန်ပါဝင်နေတာပဲ နွေဦးကပူနေဆဲပါ

ကမ္ဘာအရေးကိုကြည့်ပြန်ရင်လဲ မြန်မာ့အခက်အခဲလိုပဲ

လိုအပ်နေတဲ့နိုင်ငံတွေအများကြီးပါ ဒီနေ့သတင်းမှာ

တာလီဘန်တွေ ကြီးစိုးနေတဲ့ အာဖဂန်မှာ သုံးပုံတပုံသော

လူဦးရေဟာ ဒုက္ခရောက်နေပါတယ်တဲ့၊အကူအညီလိုပါ

တယ်တဲ့၊

ကျွန်တော်မြင်တာ ကိုယ့်ပြသာနာ ကိုယ်ဖြေရှင်းတာက

တော်လှန်ရေးအောင်ဖို့ပိုပြီးနီးစပ်ပါတယ်၊

၁၊ဆိုရှယ်မီဒီယာသုံးပြီးတိုက်ရာမှာမိမိ(သို့) မိမိ မိသားစု

ကို အစဆွဲလို့မရအောင်လှုပ်ရှားကြဖိူ့လိုပါတယ်၊

၂၊ထောက်ပို့ကိစ္စ အဆင်ပြေချောမွေ့နိုင်ဖို့ NUG နဲ့

fundraisers တွေကအသိပညာဖြန့်ဝေဖို့လိုပါတယ်၊

၃၊ နိုင်ငံရေး Timings ကိုက်ဖို့ NUG EAOs PDF ပြည်သူ

ဒီထက်ပိုပြီး အချိတ်အဆက်မိဖို့လိုပါတယ်

၄၊စကစရဲ့အားနည်းချက် အားသာချက် ကိုအမှန်အတိုင်း

သိကြဖို့ လိုပါတယ်( စစ်ရေး၊ မြို့ပြရပ်တည်မှု၊ ဝင်ငွေ၊

သံတမန်ရေး) ဒါတွေကိုသုံးသပ်ပေးမယ့်ပညာရှင်တွေ

ရှေ့ထွက်လာဖို့လိုပါတယ်

၅၊ပြည်တွင်းပြည်ပမြန်မာတွေလက်တွဲညီပြီးအထင်

အမြင်တွေတူညီညှိယူကြရပါမယ်

အနှစ်ချူပ်ရရင် စန္ဒာမင်းပြောတဲ့ နိုင်ငံရေးကို ပြည်တွင်း

ကလူတွေသက်သက်အဖမ်းခံပြီးလုပ်တာဟာ မအလ

သက်တမ်းပိုရှည်မှာသာအဖတ်တင်မည်ဖြစ်ကြောင်း

တင်ပြအပ်ပါတယ်

အရေးတော်ပုံအောင်ဖို့အယောက်စီတိုင်းမှာတာဝန်ရှိ

တယ်ဆိုတာ သိထားကြဖို့ လဲ အသိပေးပါတယ်၊

သင်ကိုယ်တိုင် ရုန်းမှနွံထဲက လွတ်မှာပါ။

သူတို့ကသာယာနေဆဲပါ👇

ဆက်ဖတ်ရန် →

ကျွန်တော် မြင်တာတော့ အိုင်ရင်းကို ဖြိုသလို ပန်ဆယ်လိုကို အပြီးဖြိုဖို့ ကြံတာပဲ။ ဒါပေမယ့် အိုင်ရင်းနဲ့ ပန်ဆယ်လို မတူတာက နောက်က ရပ်တည်ပေးတဲ့ ပရိသတ် အနေအထားပဲ။ အိုင်ရင်းက အစောကြီး ကတည်းက ပြောတာဆိုတာတွေ ဘောင်သိပ် မဝင်တော့လို့ popularity က ထိုးကျနေတာ။ သူနဲ့ ပေါင်းနေတဲ့ တတိယ အုပ်စု လိုလို ဘာလိုလို သူတွေ ကလည်း တယောက်မှ လူထု ယုံကြည် လေးစား ခံရတဲ့သူ မရှိဘူး။ ဒီကြားထဲ ဟန်ငြိမ်းဦးက အောက်ဖဲတွေနဲ့ ဝင်ညှောင့်တဲ့ အချိန် သူ့ဘက်က ကင်းရှင်းကြောင်း ဘာမှ သက်သေ မပြနိုင်တော့ ဂွမ်းသွားတာ။

ပန်ဆယ်လို ဆိုင်ဖွင့်တော့လည်း အကွက်ရပြီဟ ဆိုပြီး စခတွေက လှော်တာပဲ။ ဒါပေမယ့် နဂိုကတည်းက သူ့ကြည့်မရတဲ့ သူတွေက လွဲရင် တခြားသူတွေက ပါမလာဘူးဗျ။ မပါဘူး ဆိုတာကလည်း အချက် နှစ်ချက် ရှိတယ်။ ဟိုက ဘာလုပ်လုပ် ပွင့်ပွင့်လင်းလင်း ချပြပြီးမှ ရှင်းအောင် လုပ်တာ။ ပြီးတော့ သူ့ဘက်မှာ လူထု ယုံကြည် လေးစားတဲ့ မိတ်ဖက်တွေလည်း အများကြီး ရှိတယ်။ ဘယ်လိုမှ မထင်ရတဲ့ သူတွေ ကတောင် သူ့ကိုတော့ မကြိုက်ပေမယ့် ဒီလို စွပ်စွဲတာ မှားနေကြောင်း ဝင်ပြောကြတယ်။ အဲဒီတော့ စခတွေ မှန်းချက်နဲ့ နှမ်းထွက် မကိုက်ဘူးပေါ့။ ပန်ဆယ်လိုက မပြိုဘဲ အင်အား ပိုကောင်းအောင် လုပ်ပေး လိုက်သလို ဖြစ်သွားတယ်။

အဲဒီတော့ သူတို့လည်း ထုံးစံအတိုင်း လျှောက်ရမ်းတာပေါ့။ ပထမတော့ သူ့ဘက်က ကာပြောပေးတဲ့ သူတွေကို လက်လှမ်းမီ သလောက် လိုက်ဖမ်းသေးတယ်။ ဒါက သိပ်မလှုပ်တော့ နောက်ဆုံး အဲဒီနေ့က hot ဖြစ်နေတဲ့ ဇလုံကြီးကို ဆွဲစိလိုက်တာပဲ။ အဓိက နှပ်ကြောင်း ပေးတာက ပန်ဆယ်လို ပုံတင်လိုက်လို့ ဖမ်းခံရတယ်လို့ ပြောကြစေချင်တာ။ နည်းမှန် လမ်းမှန် စဉ်းစားရင် ဒီပစ္စည်းတွေက ပိုင်ရှင် ကိုယ်တိုင် ရောင်းမှ အမေရိကန် ရောက်တာ မဟုတ်ဘူး။ ကြားထဲမှာ ဘယ်နည်းနဲ့မဆို အဆင့်ဆင့် ရောက်နိုင်တာပဲ။ ဒါဆို ဘာလို့ ဖမ်းတာလဲ ဆိုရင် ပန်ဆယ်လိုကို လူတွေ အပြစ် တင်စေချင်လို့ တမင်ကို ဖမ်းတာ။

တကယ်က သူ့ဆိုင်မှာ တင်ထားတဲ့ ပစ္စည်း အမျိုးအစားက ရာချီတယ်။ အကုန်လည်း မဖမ်းနိုင်ဘူး။ အဲ့တော့ လူတွေ အပြော အများဆုံး တစ်ယောက်ကို နမူနာ ဖမ်းပြလိုက်တာ။ ဇလုံကြီး ပိုင်ရှင် ကတော့ အာချောင်တဲ့ သူတွေကြောင့် နေရင်း ထိုင်ရင်း အကုသိုလ် ဝင်တာပဲ။ အဲဒီနေ့က သူ့ကိုသာ BC ဆိုပြီး ဟုတ်လည်း မဟုတ်ဘဲနဲ့ ဝိုင်းအာမချောင်ရင် ခွေးတွေရဲ့ ပစ်မှတ် ဖြစ်ချင်မှ ဖြစ်ခဲ့မှာ။ ပြောရရင် စစ်ကောင်စီက ဒီတစ်ခေါက် mission failed ဖြစ်ခဲ့တယ်။ သူတို့ ဖြိုချင်တဲ့ ပစ်မှတ် မပြိုခဲ့ဘူး။ ဒါပေမယ့် ငါးမရ ရေချိုးပြန်တဲ့ သဘောနဲ့ တော်လှန်ရေး အင်အားစုတွေ သွေးကွဲလည်း အမြတ်ပဲ ဆိုပြီးတော့ အပြစ်မဲ့သူ တစ်ယောက်ကို ဒုက္ခပေးခဲ့တာ။

Zin Thaw Naing

ဆက်ဖတ်ရန် →

စစ်ခွေးတွေ အမျိုးသားလူငယ်တွေကို ထမိန်ခြုံ နှိပ်စက်

📅 💬 မှတ်ချက်

ရန်ကုန်မှာ စစ်ကောင်စီက လူငယ်တွေကို ဖမ်းဆီးငွေညှစ်၊ အမျိုးသားလူငယ်တွေကို ထမိန်ခြုံ နှိပ်စက်
မဲခေါင်၊ မတ် ၁၀
ရန်ကုန်တိုင်း၊ မြို့နယ်အချို့မှာ နေအိမ်ရှေ့၊ လက်ဖက်ရည်ဆိုင်၊ ဘီယာဆိုင် ထိုင်နေတဲ့ လူငယ်တွေကို စစ်တပ်က ဖမ်းဆီးပြီး သက်ဆိုင်ရာ မြို့နယ် ရဲစခန်းတွေကို ခေါ်ဆောင် စစ်ဆေး ငွေညှစ်တာတွေ လုပ်နေတယ်လို့ ဒေသခံတွေက ပြောပါတယ်။ မတ်လ ၉ ရက်နေ့၊ ည ၉ နာရီခွဲခန့်က တာမွေမြို့နယ်၊ ကျောက်မြောင်း၊ သီတာလမ်း၊ ဦးရှင်ကြီးအနီး လမ်းဘေးမှာ ဘီယာ ထိုင်သောက်နေတဲ့ လူငယ် ၃ ဦးကို စစ်ကားတစ်စီးက လာရောက် ဖမ်းဆီး သွားတယ်လို့ ဒေသခံ တစ်ဦးက ပြောပါတယ်။ ဒါ့အပြင် လှိုင်မြို့နယ် မာလာမြိုင်မှာလည်း လူငယ်တွေကို စစ်ကားနဲ့ လာဖမ်းသွားတယ်လို့ ဒေသခံ တစ်ဦးက ပြောပါတယ်။ "၉ ရက်နေ့ ည ၇ နာရီလောက်မှာ မာလာမြိုင် (၈) လမ်းထိပ်မှာ အရှေ့ပေငါးဆယ်လမ်းမှာ ဖမ်းတယ်။ လမ်းသွားလမ်းလာတွေ ရိုက်ပြီး တင်ခေါ်တာ။ အဲ့လိုဖမ်းရင် စစ်ကားနဲ့လာပြီး ဖမ်းတာ များတယ်။ လမ်းသွားတဲ့အခါ ဖုန်းထဲမှာ ရှိတဲ့ဟာတွေ ဖျက်ပြီး သွားတာ အကောင်းဆုံးပဲ။ လူငယ်ဆိုရင် ယောကျ်ား၊ မိန်းကလေး အကုန်ဖမ်းတာ" လို့ သူကပြောပါတယ်။ အလားတူ မတ်လ ၈ ရက်၊ ညနေ ၆ နာရီ ဝန်းကျင်က ကြည့်မြင်တိုင်ဈေးကြီး ရပ်ကွက်၊ ညဈေးအနီး ဂိမ်းထိုင်ဆော့နေတဲ့ လူငယ်တွေ အပါအဝင် အမျိုးသားနဲ့ အမျိုးသမီး ၁၅ ဦး ဝန်းကျင်ကို စစ်ကား ရဲကားတွေနဲ့ ကြည့်မြင်တိုင်ရဲစခန်းကို ၃ ယောက်တစ်တွဲ၊ ၂ ယောက်တစ်တွဲ လမ်းလျှောက်ခိုင်းကာ ဖမ်းဆီးသွားတယ်လို့ မျက်မြင်တွေ့သူ တစ်ဦးက ပြောပါတယ်။ ရွှေပြည်သာမြို့နယ်နဲ့ အခြားမြို့နယ်များတွင်လည်း မိမိနေအိမ်ရှေ့ အရက်သောက်သူ လူငယ်တွေနဲ့ ဘီယာဆိုင်မှာ ထိုင်သောက်နေတဲ့ လူငယ်တွေကို ဆက်တိုက် ဖမ်းဆီး ရိုက်နှက်မှုတွေ ရှိနေတဲ့အတွက် ညဘက် အပြင်ထွက်တဲ့အခါ သတိထား သွားလာဖို့ လိုအပ်တယ်လို့ ဒေသခံတွေက ပြောပါတယ်။ လူငယ်တွေကို ဖမ်းဆီးပြီးနောက် နည်းမျိစုံ အသုံးပြုပြီး စိတ်ပိုင်းနဲ့ ရုပ်ပိုင်းဆိုင်ရာ နှိပ်စက်မှုတွေ ပြုလုပ်ရာမှာ ဖမ်းဆီးထားတဲ့ လူငယ် ၂ ဦးကို လူမြင်ကွင်းမှာ စစ်တပ်နဲ့ ရဲတွေ ဝိုင်းထားပြီး ထမိန်ခြုံထားပေးတာကို တွေ့ရပါတယ်။ ဒီဖြစ်စဉ်ဟာ အခုရက်ပိုင်း အတွင်း ဖြစ်ပွားခဲ့တာလို့ ရဲတပ်ဖွဲ့ သတင်းရင်းမြစ်က အတည်ပြုပါတယ်။ အဆိုပါ ဖမ်းဆီးမှုတွေကို စစ်ကောင်စီက တက္ကသိုလ်ဝင်တန်း ဖြေဆိုတဲ့ မတ်လ ၈ ရက်နေ့မှ စတင်နေတာ ဖြစ်ပြီး ရဲစခန်းနဲ့ တရားရုံးတွေမှာ အမှုမျိုးစုံ ခေါင်းစဉ်တပ် ဖွင့်ကာ ပိုက်ဆံ သိန်းချီတောင်းပြီးမှ ပြန်လွှတ်ပေး နေတယ်လို့ ရပ်ကွက်နေ ပြည်သူတွေက ပြောပါတယ်။ MK 005 #MeKongNews #ရန်ကုန် #တက္ကသိုလ်ဝင်တန်း #ဖမ်းဆီးငွေညှစ်

ဆက်ဖတ်ရန် →

လက်နက်ခဲယမ်း ဝယ်ယူမှုနှင့် အခြားသော ကိစ္စရပ်များအတွက် အရေးပေါ် သုံးစွဲမှုများကြောင့် တပ်ရိက္ခာ လျော့ချခဲ့ရခြင်းဖြစ်ဟု MOD အတွင်းဝန်ပြော

📅 💬 မှတ်ချက်

Author လင်းခိုင် Published on Mar 09, 2023
လက်နက်ခဲယမ်းဝယ်ယူမှုနှင့် အခြားသော ကိစ္စရပ်များအတွက် အရေးပေါ် သုံးစွဲမှုများကြောင့် တပ်ရိက္ခာ လျော့ချခဲ့ရခြင်းဖြစ်ကြောင်း အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊ အတွင်းဝန် ဦးနိုင်ထူးအောင်က CJ Platform သို့ ပြောကြားသည်။ “အခြားသော ခေါင်းစဉ်များနဲ့ ထောက်ပံ့မှုတွေ လုပ်မှာဖြစ်တယ်။ ဒါကယာယီပေါ့နော်၊ လက်နက်ခဲယမ်း ဝယ်ယူမှုနဲ့ အခြားသော ကိစ္စရပ်တွေမှာ အရေးပေါ် သုံးစွဲမှုတွေရှိတဲ့အတွက်ကြောင့်မို့လို့ အနည်းငယ်လျော့ချတဲ့ သဘောဖြစ်ပြီးတော့၊ ပြန်ပြီးတော့ အပြည့်အဝ ပေးသွားမှာ ဖြစ်သလို၊ အခြားသော လိုအပ်ချက်တွေကို ထောက်ပံ့နိုင်ဖို့ ကိစ္စလည်း ပိုပြီးဆောင်ရွက်ဖို့ရှိပါတယ်။ ဒါကြောင့်မို့လို့ ဘဏ္ဍာရေးဆိုင်ရာ လုပ်ထုံးလုပ်နည်းတွေ၊ ဘဏ္ဍာရေးဆိုင်ရာ ထောက်ပံ့မှုတွေ ပိုပြီးအားကောင်းအောင် ပြင်ဆင်ဆောင်ရွက်တဲ့ အချိန်မို့လို့ ယာယီဖြစ်တဲ့ ကိစ္စဖြစ်ပြီးတော့ ပိုပြီးအားကောင်းအောင် ပြင်ဆင် ဆောင်ရွက်နေခြင်းဖြစ်ပါတယ်” ဟု ဦးနိုင်ထူးအောင်က ပြောကြားသည်။ ထိုကဲ့သို့ တပ်ရိက္ခာအား လျော့ချရာတွင်လည်း အနည်းငယ်သာလျော့ချခြင်းဖြစ်ပြီး၊ အခြားသော ခေါင်းစဉ်ဖြင့် ထောက်ပံ့မှုများ ပြုလုပ်သွားရန်ရှိကြောင်း ဦးနိုင်ထူးအောင်က ဆက်လက်ရှင်းပြသည်။ “တပ်ရိက္ခာ ထောက်ပံ့တဲ့ ပမာဏ လျော့ချတယ်ဆိုတာ အနည်းငယ်ပဲဖြစ်ပါတယ်။ အခြားသော ခေါင်းစဉ်နဲ့ ထောက်ပံ့မှုတွေ ပိုပြီးလုပ်သွားဖို့ဖြစ်တယ်။ အရင်တုန်းကတော့ ရိက္ခာဆိုတာထက် အထွေထွေသုံးဖို့ဆိုတဲ့ ပုံစံမျိုးပေါ့၊ ရိက္ခာအပါအဝင်၊ အခြား လိုတာသုံးဖို့ပေါ့” ဟု ဦးနိုင်ထူးအောင်က ပြောကြားသည်။ ထို့ပြင် NUG မှ တော်လှန်ရဲဘော်များကို ထောက်ပံ့သည့် လက်နက်များအနက် တစ်ဝက်ခန့်သည် အညာဒေသသို့ ထောက်ပံ့ပေးထားကြောင်း၊ အညာဒေသအား လျစ်လျူရှု့ထားသည်မှာ မဟုတ်မှန်ပဲ လက်နက်ထပ်မံ တပ်ဆင်ပေးနိုင်ရန်အတွက် ကြိုးစားနေကြောင်း ဦးနိုင်ထူးအောင်က ပြောကြားသည်။ “ကျွန်တော်တို့ရဲ့ လက်နက်တပ်ဆင်မှု တစ်ဝက်ကျော်က အညာဒေသကို တပ်ဆင်ထားတာဖြစ်ပါတယ်၊ အညာဒေသက တပ်ရင်းတပ်ဖွဲ့ များပြားသလို၊ စစ်ရေးအရလဲ လိုအပ်ချက်တွေများပြားပါတယ်။ ဒါကြောင့်မို့လို့ ထပ်မံပြီးတော့ တပ်ဆင်ဖို့ ကိစ္စကို အစွမ်းကုန်ကြိုးစားပြီးတော့ ဆောင်ရွက်နေတဲ့ အနေအထားရှိပါတယ်။ ဒါကြောင့် အညာဒေသကို လျစ်လျူရှု့ထားတယ်ဆိုတာ မဟုတ်ပါဘူး၊ ဒါကို အမြန်ဆုံး ဖြည့်ဆည်းနိုင်ဖို့ ဆောင်ရွက်နေပြီ ဖြစ်ပါတယ်” ဟု ဦးနိုင်ထူးအောင်က ဆိုသည်။ လက်ရှိ အညာဒေသတွင် စစ်ကောင်စီကို တွန်းလှန်နေသည့် တော်လှန်ရေးတပ်ရင်း၊ တပ်ဖွဲ့အချို့သည့် တပ်ရိက္ခာ လျော့ချခံရခြင်း၊ လက်နက်လုံလောက်စွာ ရရှိမှုမရှိခြင်း၊ အလှူငွေရရှိမှု နည်းပါးလာခြင်းများကြောင့် အခက်အခဲများစွာနှင့် ကြုံတွေ့နေရပြီး၊ အချို့သောအဖွဲ့များသည် တိုက်ပွဲများကိုပင် ရပ်နားထားရသည့် ဖြစ်စဉ်များ ဖြစ်ပေါ်လျက်ရှိသည်။ဓာတ်ပုံ- Pale Jokers PDF

ဆက်ဖတ်ရန် →

အမေစုနာမည်သုံးပြီးတော်လှန်ရေးမှာမပါဖို့စည်းရုံးနေ

📅 💬 မှတ်ချက်

ဘောမမီဒီယာက စန္ဒာမင်းကိုစင်တင်ပွဲထုတ်လာပြီ

စမ်းစမ်းမော် us လက်ရှိ လှိုင်သာယာ လယ်ကွက်တွင်တဲထိုးနေရသည့် မိသားစုမှ ဖြစ် လှိုင်သာယာတွင် ဆန်တိုး ထုတ်ချင်း ဆန်ပေးသူ ပုံစံမကျခြင်းကို အော်ဟစ်ဆန့်ကျင် ရိုင်းပြခြင်းကြောင့် ကိုယ်ဝန်နှင့်ထောင်ကျ နိုင်ငံရေးပုဒ်မ နှင့်ထောင်ကျခြင်းမဟုတ် ဆင်းရဲငတ်ပြတ်လွန်းသဖြင့် ဆန်တိုးပြီး ဆန်ဆိုင်၏မတရားမှုကိုဆန့်ကျင်ရင်း ထောင်ကျသဖြင့် နိုင်ငံရေးသမားများက စောင့်ရှောက်ပေးကမ်းကြ ထောင်ထဲတွင် ခလေးမွေး သားဖြစ်သူကို မြန်မာ အောင်ဆန်းအိုးဝေ ဟုအမည်ပေး ထောင်ကထွက်ချိန်မှ NLD ပါတီကိုရောက်လာသူ မည့်သည့်နိုင်ငံရေးအခြေခံမှ မရှိပဲ စရိုက် အရိုင်းစိုင်း လမ်းဘေးအဆင့် ဖြစ်Cwc nug crph လိုအပ်ချက် အားနည်းချက်တွေအများကြီး သိပါတယ် ..ဒါပေမဲ့ တော်လှန်ရေး ကာလ ...ဖြစ်တယ် San Maw ကတော်လှန်ရေးကို ထိခိုက်စေမှာတွေ ရေးတင်တယ် သူသိတဲ့သမိုင်း အဖြစ်တွေမဟုတ်ဘူး သူ့ကို ကေကျူ့ အဖွဲ့ဝင် တင်မောင်ဦး ရေးပေးနေတာတွေဒေါ်မေဝင်းမြင့် ကိုလှည့်ချပြန်ပြီ မသာမ စစ်ဘောမ နေတာအခု က တိုးလွင်တို့ဘက်က ထရပ်တည်ပြီး cwc nug ကို ကစ်လာတာ သူက ဘာနိုင်ငံရေးသမားမှမဟုတ်ဘူး ဆန်တိုးရန်ဖြစ်ရင်းထောင်ကျတာ ...ဆန်တိုးတဲ့ပြည်သူအများဖက်က ရပ်တည်တယ်ဆိုပြီးပေါ့စွာတေးလန်အရိုင်းအစိုင်းမ

နောက်ကောင်မ က နယူဇီလန်က မိုးမြတ်သူမိန်းမ ဥမ္မာရွှေ သာကေတ သိန်းလွင် (ကင်မရာမန်း) ရဲ့ အတူနေ living together မယားဟောင်း

ဆက်ဖတ်ရန် →

မလေးရှားစူပါလိဂ်တွင်ဇော်မင်းထွန်းဂိုးသွင်းပြီးလက်သုံးချောင်ထောင်အောင်ပွဲခံ

📅 💬 မှတ်ချက်

ဇော်မင်းထွန်းပါဝင်သည့် ပီနန်းအသင်းနှင့် ခီဒအသင်းတို့သည် ယမန်နေ့က မလေးရှား FA Cup ရှုံးထွက်ပွဲစဥ်အဖြစ် ယှဥ်ပြိုင်ခဲ့ရာ အချိန်ပိုအပါအဝင် မိနစ် ၁၂၀အတွင်း တစ်ဖက်နှစ်ဂိုးစီ သရေကျ၍ ပင်နယ်တီအဆုံးအဖြတ် ကန်သွင်းခဲ့ရသည်။

ByLuduNwayOo ဓာတ်ပုံ - ပီနန်းအသင်း

မလေးရှားစူပါလိဂ်ကလပ် ပီနန်းအသင်းတွင်ကစားနေသည့် မြန်မာနောက်ခံလူ ဇော်မင်းထွန်းသည် ယမန်နေ့က ယှဥ်ပြိုင်သည့် မလေးရှား FA Cup ရှုံးထွက်ပွဲစဥ်တွင် ဂိုးသွင်းယူအပြီး၌ စစ်အာဏာရှင်ဆန့်ကျင်ရေး သင်္ကေတလက်သုံးချောင်းထောင်၍ အောင်ပွဲခံခဲ့သည်။ ဇော်မင်းထွန်းပါဝင်သည့် ပီနန်းအသင်းနှင့် ခီဒအသင်းတို့သည် ယမန်နေ့က မလေးရှား FA Cup ရှုံးထွက်ပွဲစဥ်အဖြစ် ယှဥ်ပြိုင်ခဲ့ရာ အချိန်ပိုအပါအဝင် မိနစ် ၁၂၀အတွင်း တစ်ဖက်နှစ်ဂိုးစီ သရေကျ၍ ပင်နယ်တီအဆုံးအဖြတ် ကန်သွင်းခဲ့ရသည်။ ယင်းပယ်နယ်တီ အဆုံးအဖြတ်၏ ပထမဆုံးပယ်နယ်တီကို ဇော်မင်းထွန်းက တည်တည်ငြိမ်ငြိမ်ဖြင့် အမှားအယွင်းမရှိ ကန်သွင်းယူခဲ့ပြီး စစ်အာဏာရှင် ဆန့်ကျင်ရေး သင်္ကေတလက်သုံးချောင်းထောင်၍ အောင်ပွဲခံခဲ့ခြင်း ဖြစ်သည်။ အဆိုပါပွဲတွင် ပီနန်းအသင်းက ခီဒအသင်းကို ပင်နယ်တီအဆုံးအဖြတ်ဖြင့် အနိုင်ရပြီး နောက်တစ်ဆင့်သို့ တက်ရောက်နိုင်ခဲ့သည်။ မြန်မာ့လက်ရွေးစင်အသင်းခေါင်းဆောင်ဟောင်း ဇော်မင်းထွန်းသည် လက်ရှိတွင် လက်ရွေးစင် ကစားသမားအဖြစ်မှ အနားယူကြောင်း ကြေညာထားသည့် ကစားသမားတစ်ဦးလည်း ဖြစ်သည်။ ဇော်မင်းထွန်း အပါအဝင် မြန်မာ့လက်ရွေးစင် အသင်း၏ နာမည်ကြီး ကစားသမားများ ဖြစ်သည့် အောင်သူ၊ ကျော်ကိုကို၊ ကျော်ဇင်ထက် စသည့် စီနီယာကစားသမားအများစုသည် စစ်အာဏာသိမ်းပြီးနောက်ပိုင်းတွင် လက်ရွေးစင်အဖြစ် ပါဝင်ကစားရန် ငြင်းပယ်ထားခဲ့ကြသည်။ အဓိက ကစားသမားအများစု မပါဝင်သည့် မြန်မာ့လက်ရွေးစင် အသင်းသည် စစ်အာဏာရှင် လက်အောက် ယှဥ်ပြိုင်ကစားသည့် နိုင်ငံတကာပွဲစဥ်တိုင်းတွင် ရှုံးနိမ့်ထားပြီး ဂျပန်အသင်းကို ၁၀ ဂိုး ဂိုးမရှိ၊ ကာဂျစ်စ္စတန် အသင်းကို ၈ ဂိုး ၁ ဂိုးတို့ဖြင့် သမိုင်းတစ်လျှောက် အဆိုးရွားဆုံး ရှုံးပွဲများကိုလည်း ကြုံတွေ့ထားရသည်။

ဆက်ဖတ်ရန် →

သူနာပြုဆရာမအားဖမ်းဆီးအကြမ်းဖက်သတ်ဖြတ်ခဲ့သည့်စစ်အုပ်စုမှပျူခေါင်းဆောင်အိမ်ကိုPDFများတိုက်ခိုက်

📅 💬 မှတ်ချက်

အုတ်ဖိုမြို့နယ် ထန်းပင်ကုန်းကျေးရွာရှိ မျိုးဝင်း၏ နေအိမ်တွင်စစ်ကောင်စီတပ်က တပ်စွဲ၍ နေထိုင်ခြင်းဖြစ်ပြီး မတ်လ ၈ ရက် နံနက် ၂ နာရီကျော်တွင်သာယာဝတီခရိုင် တပ်ရင်း ၃၈၀၂ ၊ တပ်ခွဲ ၄ နှင့် တပ်ခွဲ ၅ တို့ ပူးပေါင်း ပစ်ခတ် တိုက်ခိုက်ခဲ့ခြင်းဖြစ်ကြောင်း ၎င်းကရှင်းပြသည်။

By LuduNwayOo

စစ်ကောင်စီတပ်က ဖမ်းဆီးနှိပ်စက်ပြီး အဓ္ဓပြုကျင့်၍သတ်ဖြတ်ခံခဲ့ရသော အုတ်ဖိုမြို့နယ်မှ CDM သူနာပြုဆရာမကိုကျူးလွန်ရာတွင်ပါဝင်ခဲ့သည့် ပျူစောထီးခေါင်းဆောင် ၏ အိမ်ကို ၄၀ မမ ဖြင့် တိုက်ခိုက်ခဲ့ကြောင်း သာယာဝတီခရိုင် တပ်ရင်း ၃၈၀၂ ၊ တပ်ခွဲ ၄ မှ တာဝန်ရှိသူတစ်ဦးကပြောသည်။ “ ဆရာမလေး ကိုမုဒိမ်းကျင့်သတ်ရာမှာ ပါဝင်ခဲ့တဲ့ ပျူခေါင်းဆောင် မျိုးဝင်းအိမ်ပါ။အိမ်ထဲကို ၄၀မမ ၅လုံးပစ်ထည့်နိုင်ခဲ့တယ်” ဟု တာဝန်ရှိသူကPeople’s Spring သတင်းဌာနသို့ပြောသည်။ အုတ်ဖိုမြို့နယ် ထန်းပင်ကုန်းကျေးရွာရှိ မျိုးဝင်း၏ နေအိမ်တွင်စစ်ကောင်စီတပ်က တပ်စွဲ၍ နေထိုင်ခြင်းဖြစ်ပြီး မတ်လ ၈ ရက် နံနက် ၂ နာရီကျော်တွင်သာယာဝတီခရိုင် တပ်ရင်း ၃၈၀၂ ၊ တပ်ခွဲ ၄ နှင့် တပ်ခွဲ ၅ တို့ ပူးပေါင်း ပစ်ခတ် တိုက်ခိုက်ခဲ့ခြင်းဖြစ်ကြောင်း ၎င်းကရှင်းပြသည်။ “ ထိခိုက်မှုကတော့ မနက် ၂နာရီ ၁၅ ဖြစ်တဲ့အတွက် အတိကျမသိရဘူး” ဟု အထက်ပါတာဝန်ရှိသူကပြောသည်။ ၄၀ မမဖြင့်ပစ်ခတ်တိုက်ခိုက်ပြီးနောက်စစ်ကောင်စီတပ်ဘက်မှ ပြန်လှန်ပစ်ခတ်ရာတွင် ၎င်းတို့အဖွဲ့ထုတ်လုပ်ထားသည့် လက်လုပ် လက်နက်များဖြင့်ပြန်လည်ပစ်ခတ်ခဲ့ပြီး အဖွဲ့သားအားလုံး ဘေးကင်းစွာ ဆုတ်ခွာလာနိုင်ခဲ့ကြောင်း အထက်ပါတာဝန်ရှိသူကပြောသည်။ “ ကျွန်တော်တို့မှာ နိုင်ချင်တဲ့စိတ်ကသူတို့ယှဉ်ရဘူး။လက်လုပ် ၄၀မမ တွေနဲ့ တိုက်ခိုက်ရတာပါ။မောင်းပြန်လိုအပ်ချက်တွေ ရှိပါတယ်” ဟု၎င်းကဆိုသည်။ ပျူစောထီးမျိုးဝင်းသည် စစ်အုပ်စုအာဏာသိမ်းစကာလကတည်းကစစ်တပ်လက်ကိုင်တုတ်အနေဖြင့် လုပ်ဆောင်နေခြင်းဖြစ်ပြီး CDM သူနာပြုဆရာမကို မုဒိမ်းကျင့်သတ်ဖြတ်ခဲ့ရာတွင်လည်း ပါဝင်ကျူးလွန်ခဲ့သူဖြစ်သည်ဟုသာယာဝတီခရိုင် တပ်ရင်း ၃၈၀၂ ၊ တပ်ခွဲ ၄ မှပြောသည်။ CDM သူနာပြုဆရာမသည် ဖေဖော်ဝါရီလဆန်းတွင် စစ်ကောင်စီတပ်၏ဖမ်းဆီးခြင်းကိုခံခဲ့ရပြီးရုပ်အလောင်းကို ဖေဖော်ဝါရီ ၁၆ ရက်တွင်မှ ရှာဖွေတွေ့ရှိခဲ့ခြင်းဖြစ်သည်။

ဆက်ဖတ်ရန် →

ပေါက်တောမြို့နယ်မှ ANP ပါတီ၏ ဗဟိုကော်မတီဝင်တစ်ဦး နှုတ်ထွက်

📅 💬 မှတ်ချက်

2021၊ 4 မတ် · DMG၊ မတ် ၄

ရခိုင်ပြည်နယ်၊ ပေါက်တောမြို့နယ် ရခိုင်အမျိုးသားပါတီ၏ဗဟိုကော်မတီဝင်၊ အမျိုးသားလွှတ်တော်ကိုယ်စားလှယ်ဟောင်း ဦးတက်ထွန်းအောင်သည် (ANP) ပါတီဝင်အဖြစ်မှ နှုတ်ထွက်လိုက်ပြီဖြစ်ကြောင်း ၎င်းက DMG သို့ ပြောသည်။ ဦးတက်ထွန်းအောင်သည် ANP ပါတီမှ မတ်လ ၃ ရက်နေ့တွင် နှုတ်ထွက်သွားခြင်းဖြစ်ပြီး နှုတ်ထွက်စာလွှာကို ယနေ့ မတ်လ ၄ ရက်နေ့တွင် စစ်တွေမြို့ရှိ ပါတီဗဟိုရုံးသို့ စာတိုက်မှတစ်ဆင့် ပေးပို့ထားသည်ဟုဆိုသည်။ ရခိုင်အမျိုးသားပါတီအနေဖြင့် နိုင်ငံတော်စီမံအုပ်ချုပ်ရေးကောင်စီနှင့် ပူးပေါင်းခြင်းကို မလိုလားသည့်အတွက် ယင်းသို့ နှုတ်ထွက်ရခြင်းဖြစ်ကြောင်း ဦးတက်ထွန်းအောင်က ပြောသည်။ “အာဏာသိမ်းပြီးနောက်ပိုင်းမှာ ANP သည် ပါတီတစ်ခုလုံးရဲ့ ဆန္ဒပါမဘဲနဲ့ လူသုံးလေးငါးယောက်က စီမံအုပ် ချုပ်ရေးကောင်စီနဲ့ ပူးပေါင်းဖို့ လက်ခံပြီးပါဝင်တာကို တွေ့ရတယ်။ ကျွန်တော်အနေနဲ့ စိတ်ဆိုးမိတယ်” ဟု ၎င်း ပြောသည်။ ဦးတက်ထွန်းအောင်က ၎င်းနှုတ်ထွက်ရခြင်းနှင့်ပတ်သက်၍ လက်ရှိအချိန်တွင် အတိတ်သမိုင်းက သင်ခန်းစာပေးခဲ့သော ငသံဒွေ၏လုပ်ရပ်ဆိုးမွေ မြောက်များစွာကို သတိရစွာဖြင့် ရခိုင်အမျိုးသားပါတီ (ANP) ပါတီဝင်အဖြစ်မှ လည်းကောင်း၊ ဗဟိုကော်မတီအဖွဲ့ဝင်အဖြစ်မှလည်းကောင်း အပြီးအပိုင်နှုတ်ထွက်ခြင်း ဖြစ်ကြောင်း နှုတ်ထွက်စာတွင် ရေးသားထားသည်။ ANP ပါတီ မူဝါဒရေးရာ ဦးဆောင်ကော်မတီဝင် ဦးဖေသန်းက “ သူနှုတ်ထွက်စာတော့ လိုင်းပေါ်မှာတွေ့လိုက်တယ်။ ပါတီကို ရောက်လား၊မရောက်လား ဆိုတာတော့ မသိရသေးဘူး။ ဒါကတော့ ပါတီအတွက် ပြဿနာမရှိဘူး။ သူ့အနေနဲ့ ပါတီမှာမလုပ်ချင်။ ဒါမှမဟုတ် တခြားပါတီတစ်ခုမှာ လုပ်ချင်တယ်၊ တစ်ခုခုတော့ သူ့အတွေးအခေါ်နဲ့သူ မလုပ်ချင်တာကိုတော့ ပါတီကလည်း ဘယ်တားလို့ရမှာလဲ” ဟု ၎င်းက ပြောသည်။ ဦးတက်ထွန်းအောင်သည် ၂၀၁၅ ခုနှစ် ရွေးကောက်ပွဲတွင် ရခိုင်ပြည်နယ်၊ ပေါက်တောမြို့နယ်မှ အနိုင်ရခဲ့သည့် အမျိုးသားလွှတ်တော်ကိုယ်စားလှယ်ဟောင်း တစ်ဦးဖြစ်သည်။ မြန်မာနိုင်ငံတွင် တပ်မတော်မှ နိုင်ငံတော်အာဏာရယူပြီးနောက်တွင် ဖွဲ့စည်းလိုက်သည့် နိုင်ငံတော်စီမံအုပ်ချုပ်ရေးကောင်စီအဖွဲ့ဝင်အဖြစ် ရခိုင်အမျိုးသားပါတီ (ANP)မှ ပြောရေးဆိုခွင့်ရှိသူ ဒေါ်အေးနုစိန်ကို ခန့်အပ်လိုက်သည်။ နိုင်ငံတော်စီမံအုပ်ချုပ်ရေးကောင်စီတွင် ရခိုင်အမျိုးသားပါတီ (ANP) မှ ထိပ်ပိုင်းခေါင်းဆောင်တစ်ဦးပါဝင်ပြီး နောက်တွင် ပါတီဝင်တချို့ နှုတ်ထွက်ခြင်းများရှိလာပြီး လက်ရှိတွင် ပါတီကို နှုတ်ထွက်စာတင်ထားသူ ၅ ဦးအထိရှိနေပြီဖြစ်သည်။

ဆက်ဖတ်ရန် →

ပြည်သူတွေ အလိမ်မခံရစေဖို့

📅 💬 မှတ်ချက်

တော်လှန်ရေးကာလကြာမြင့်လာတာနဲ့အမျှ တော်လှန်ရေးကိုဗန်းပြပြီး အလိမ်အညာတွေ ပိုများသထက်များလာတာကို တွေ့ရပါတယ်။တချို့က တော်လှန်ရေးထဲမှာ လက်ရှိမပါဝင်တော့ဘဲ သင်တန်းဆင်းတုန်းက ပရိုဖိုင်ပုံနဲ့ ပြည်သူတွေအပေါ် ခုထိညာစားကောင်းနေတုန်းပါပဲ။ တချို့အဖွဲ့အစည်းတွေကျပြန်ရင်လည်း တော်လှန်ရေးကိုထိထိရောက်ရောက်အားမပြုဘဲ ပြည်သူ့အလှူငွေနဲ့ ဘီယာလေးတမြမြဖြစ်ကာ ဂိတ်စောင့်သလို၊ဘာလိုလိုလုပ်ရင်း ကိုယ်ကျိုးစီးပွားဖက်ကို ကူးပြောင်းနေကြပါတယ်။ပြည်သူ့အလှူငွေတွေဟာ တကယ်အလုပ်လုပ်ပြီး လိုအပ်နေတဲ့အဖွဲ့အစည်းတွေဆီ မရောက်နိုင်ရင် တော်လှန်ရေးကို သက်ဆိုးပိုရှည်ဖို့

တွန်းအားပေးနေတာကို သတိချပ်စေချင်ပါတယ်။ပြည်သူတွေအနေနဲ့ တော်လှန်ရေးအဖွဲ့အစည်းတစ်ခုကို လှူမယ်ဆိုရင် ဆိုရှယ်မှာ နာမည်ကြီးတာတွေ ၊ ပြည်သူကြိုက်စကားလုံးတွေနဲ့ မျက်ရည်ခြူအပြောကောင်းတာတွေကို ခဏဘေးချိတ်ပါ။မြေပြင်မှာ တကယ်အလုပ်လုပ်၊မလုပ်ကို အမှန်တကယ်သိနိုင်အောင် နီးစပ်ရာမြေပြင်အဖွဲ့အစည်းတွေ၊ပြည်သူတွေဆီ လေ့လာစုံစမ်းကာ အတည်ပြုချက်ရယူပြီးမှသာ လှူပါ။ တပ်ရင်းတပ်ဖွဲ့ဆိုရင် အလှူငွေရဖို့ လာရောက်ချိတ်ဆက်သူရဲ့ ရာထူးတာဝန်နဲ့ လက်ရှိအခြေစိုက်လှုပ်ရှားနယ်မြေ၊တပ်ရင်းကုဒ်ကျပြီးလား၊မကျပြီးလားမေးပါ။တပ်ရင်းကုဒ်ကျပြီးပြီ

ဆိုရင် တပ်ရင်းကုဒ်ကို တစ်ချက်ပြောခိုင်းပါ။ငါးသိန်းနဲ့အထက်ဆို MODကပေးတဲ့ ဂုဏ်ပြုလွှာကိုတောင်းယူပါ။ပရိုဖိုင်ကိုကြည့်ပြီး ၊မီဒီယာမှာ နာမည်ကြီးနေတာကိုကြည့်ပြီး ဘာကိုမှ ပုံအောမလှူပါနဲ့။ မီဒီယာအချိတ်အဆက်အားကောင်းပြီး မီဒီယာနဲ့လုပ်စားနေကျဆိုရင် မီဒီယာမှာ နာမည်ကြီးနိုင်တာပါပဲ(အဖွဲ့တိုင်းကို မဆိုလို) ။တချို့အဖွဲ့တွေဆို လက်နက်တွေ သုံးလေးငါးရာကိုင်ပြီး စစ်ဦးထုပ်တစ်လုံး၊

ခြင်းကျားတစ်လုံးတောင်မပြနိုင်ဘဲ မီဒီယာမှာသာ Attention ယူပြီး အချောင်သက်သက်နာမည်ကြီး၊ပြည်သူ့ရန်ပုံငွေအကုန်စုပြုံရောက်နေတာတွေတောင်ရှိပါတယ်။နောက်ပြီး ပေ့ခ်ျတွေမှာ သက်သေအထောက်အထားမပြနိုင်ဘဲ တင်လိုက်ရင် အနည်းဆယ်စခနှစ်ဆယ်သေနေတာတွေဟာ ဘာအဓိပ်ပါယျမှမရှိပါဘူး။ စခန်းမသိမ်းနိုင်ရင် ဘယ်PDFမှ စခအလောင်းတွေကို အေးအေးဆေးဆေးထိုင်ရေမနေနိုင်ပါဘူး။ရန်ကုန်ခေတ်သစ်မှာ နေ့စဉ်ဖော်ပြနေတဲ့ စခကျဆုံးစာရင်းတွေဟာလည်း မြေပြင်မှာ စောက်တလွဲဖြစ်နေတာပါပဲ။ လက်ရှိအချိန်မှာ တော်လှန်ရေးကို အားမပြုဘဲ လက်နက်နဲ့ ငွေကြေးအရသာကိုသိလာပြီးလက်နက်ကိုင်အဖွဲ့အစည်းအချင်းချင်းနဲ့ ပြည်သူအပေါ် အာဏာပြစိုးမိုးချင်တဲ့ မအလလက်သစ်ငနဲသားတွေလည်း တစ်နေ့တစ်ခြားထွက်ပေါ်လာနေပါပြီ။ဒါကြောင့် ပြည်သူတွေအနေနဲ့ ဘာကိုမှမျက်စိစုံမှိတ်မယုံဘဲ ဘယ်အဖွဲ့အစည်းကိုပဲကူကူ၊ မြေပြင်ကို သေသေချာချာလေ့လာစုံစမ်းပြီးမှသာ ကူပါလို့ပဲတိုက်တွန်းချင်ပါတယ်။

#Crd #နှင်းရိပ်နွေ

ဆက်ဖတ်ရန် →

အရွေ့တခု ကြိမ်းသေ လာပြီ !

📅 💬 မှတ်ချက်

US CIA စကားဟလာမှု နောက်ကွယ်မှာ စစ်တပ် အကြမ်းဖက်မှုတင် မဟုတ် မူးယစ်ကေ့ နူကလိ့ယား ချာပါတီပေါက်စီက လက်နက်တွေ မအလကနေတဆင့် ‌ရုစကီးဆီ ပေးဘို့ အချက်တွေကို ကြိုဟန့်ထားတာ ပါပါလိမ့်မယ်

ရွေးကောက်အကြောင်းပြ သာကောလာပြီး ချူချာကို ကပစကျည်ခဲယမ်းတွေ ပို့မယ့် သတင်းတွေ ထွက်လာတာ တိုက်ဆိုင်မှုတော့ မဟုတ်ပါ

ခုမြင်ရသလောက်ဆို ဘက်စုံက အသံထွက်လာတာရယ် NUG နဲ့ တွေ့ဆုံဆွေးနွေးမှုတွေရယ်က အချိန်ကျပြီလို့ပဲယူဆတယ်

သတိထားမိသလောက် US CIA က အသံထွက်လာပြီဆို တခုခု ပြောင်းလဲလုပ်ဆောင်ကြတယ် အချိုးကွေ့နဲ့ ကြီးကြီးမား အရွေ့တခုပေါ့

ထိုင်းမူး-ယ-စ်ကေ့တွေ ဘုတ်မဖြစ်ခင်က ခုလိုပဲ အသံထွက်လာပြီး တောက်လျောက် စွဲစိ ဖော်ကြတာ မအလထိပါလာတာပဲ

ဒီတော့ ကမ္ဘာနိုင်ငံရေးမှာ US CIA ထောက်လှန်းရေးက အသံထွက်ပြရင် လုပ်စေဘို့ လမ်းညွန် အသိပေးတာပဲ တနည်း ကွန်းဖန်း‌ကြောင်း အချက်ပြတာ

ဒီတော့ခု မြန်မာဒီမိုကရေစီအင်အားစုများ ပြင်ပအကူအညီလိုအပ်နေဟု အမေရိကန်ထောက်လှမ်းရေးဆိုတယ်ဆိုတာ လက်နက် စစ်ရေးကလွဲလို့ ဘာရှိမလဲ မေးစရာမလို

အကြောင်းက ကျန်းမာရေးဆို WHO ၊ စားနပ်ရိက္ခာဆို UN တို့က အသံထွက်ပြမှာ ဖြစ်ပြီး စစ်ရေးနဲ့ သုတ်သင်ရှင်းလင်းရေးအတွက်ဆို US ထောက်လှန်းရေးက အသံထွက်ပြတယ်ဆိုတာ ရှေ့မှာ သာဓကတွေ ရှိပြီးသားမဟုတ်ပါလား

‌ဒီတော့ US ပြောဆိုထားတဲ့ စကားတွေနဲ့ ခုဖြစ်စဉ် လုပ်ရပ်တွေကို ခြုံငုံကြည့်ရင် ဖြစ်စဉ်တွေဟာ တိုက်ဆိူင်မှုမဟုတ်ပဲ အစီစဉ်တကျနဲ့ လာနေပြီဆိုတာကို တွေ့ရမှာ ဖြစ်ပါတယ်

ဒိီတော့ ကြိမ်းသေကို အရွေ့တခု လာတော့မယ်ဆိုတာ ရဲရဲကြီးပြောရဲပါတယ် မအလတွေ သွေးပျက်စေမည့်အလှည့်က ပိုပိုနီးကပ်လာနေပါပြီ !

#နန်းကြည်ညိုဝေ 🦚

ဆက်ဖတ်ရန် →

NLDကိုမိသားစုပိုင်လုပ်ချင်တဲ့မိသားစု

📅 💬 မှတ်ချက်

အမျိုးသားပြန်လည်သင့်မြတ်ရေး၊သဟဇာတဖြစ်ရေး၊တွေ့ဆုံဆွေးနွေးရေး၊အကြမ်းမဖက်ရေး…ဆိုပြီး စကစ ရဲ့စစ်ဖိနပ်အောက်ကလျောက်ရမည့်အချောင်သမားနိုင်ငံရေးလမ်းကြောင်းကို သူတို့ကလက်ခံကြတယ်၊ ယခုနွေဦးတော်လှန်ရေးရဲ့ ပေးထားချက်တောင်းဆိုချက်ကို သူတို့လက်မခံကြဘူး။

CRPH & NUG ရဲ့ တော်လှန်ရေးလမ်းစဉ်ကို သူတို့ မယုံကြည်ဘူး၊လက်မခံဘူးဆိုထဲက ပြည်သူ့ကိုမျက်နှာမမူတာထင်ရှားတယ်။

(၂၂.၆.၂၀၂၂)နေ့ ၊တိုးလွင် စန္ဒာမင်းတို့က NLD ရုံးချုပ်သော့ကို၊ ရဲမင်းသိန်းထံမှ တောင်းတယ်။(ရုံးအတွင်းပျက်စီးနေမှုများပြင်ဆင်ရန်၊သန့်ရှင်းရေးလုပ်ရန်၊အကြောင်းအမျိုမျိုးပြ) သူ့ကိုဘယ်သူမှရုံးသော့ ရုံးချုပ်မအပ်ဘူး အာဏာ လုခံရစဥ် အတင်းလာတာ နေ့စဉ်

လာတာ ...ရုံး အဖောက်ခံရမှ သူကို သူ့အိမ်နဲ့နီးလို့ ခြံ

စည်းရိုးသော့ပဲ အပ်ထား တာ CEC ထဲမှာ ဖမသ ကလွဲ

ရင်သူ့ကို ဘယ်သူမှ အဆက်ဆံမလုပ်ဘူး

NLD YGN အလုပ်အမှုဆောင်အဖွဲ့ဆုံးဖြတ်ချက်ဖြင့် သော့မပေးနိုင်ဘူး ပြန်ကြားလိုက်တော့၊တရားဝင်ရုံးဖွင့်

ခွင့်ရအောင် DASSKနဲ့သွားတွေ့တယ်။၂၀၂၂ခုနှစ် ဒီဇင်ဘာ ပထမအပတ်အတွင်း တိုးလွင်နဲ့စန္ဒာမင်း၊DASSK ထံ မအလ အစီအစဉ်နဲ့သွားတွေ့ခဲ့တယ်။

(၃၀.၆.၂၀၂၂)နေ့မှာ စကစ UEC သ်ို့၊ စန္ဒာမင်းအပါ (၆)ယောက်သွားတွေ့ခဲ့တယ်။

NLD ရုံးချုပ်ကို DASSK အမိန့်နဲ့ တရားဝင်ဖွင့်ဖို့၊ နိုင်ငံရေးစည်းရုံးဖို့၊ပါတီမှတ်ပုံတင်ဖို့…စတဲ့အလုပ်တွေလုပ်နိုင်ဖို့ကြိုးစားခဲ့ကြတယ်၊အပြင်မှာရှိနေတဲ့(ဆက်သွယ်နိုင်တဲ့ CEC ၄ဦး)ကိုကျော်လွန်ပြီး မအလ အစီအစဉ်နဲ့ DASSK ကိုသွားတွေ့ခဲ့တယ်၊နောက်ဘယ်တော့မှ မလာပါနဲ့ မောင်းထုတ်ခံရတော့မှ ငွေစာရင်းရှင်းတမ်းနဲ့ရုံးတွင်းသော့ အပ်ဖို့ဖြစ်လာတာပါ။

နိုင်ငံတကာခေါင်ဆောင်တွေတောင် တွေ့ခွင့်မရတဲ့ DASSK ကို မအလ အစီအစဉ်နဲ့သွားတွေ့ခွင့်ရခဲ့တဲ့ (တိုးလွင် စန္ဒာမင်း )ဘယ်လောက်ထိခရီးပေါက်နေပြီလဲဆိုတာစဉ်းစားနိုင်တယ်။

နေပြည်တော်ကို ဘယ်ကားနဲ့သွားတယ် နံပါတ်ကအစ အကုန်သက်သေရှိတယ်၊

အနှစ်ချူပ်ရရင် တိုးလွင်ကဖမသလူ

ဖမသ မိန်းမအကိုက ကိုဌေးကြွယ်

ကိုဌေးကြွယ် ကြိတ်နေတာကစန္ဒာမင်း

NLDကိုမိသားစုပိုင်လုပ်နေကြတာ

ဘာသိချင်သေးလဲပြော။