ဩစီနိုင်ငံ မြန်မာစစ်သံရုံးရှေ့တွင်သံကြိုးခတ်ပိတ်ဆို့မှုဖြစ်ပွါး

ဩစီနိုင်ငံ မြန်မာစစ်သံရုံးရှေ့တွင်သံကြိုးခတ်ပိတ်ဆို့မှုဖြစ်ပွါး

📅 💬 မှတ်ချက်

ဩစီရောက် ၈၈မျိူးဆက် ကိုမောင်မောင်သန်းနှင့်

အဖွဲ့က ရဲများကဆွဲခေါ်ဖယ်ရှားသည့်ကြားမှပင်

မြန်မာပြည်တွင်ပြည်သူကိုဖမ်းဆီး သတ်ဖြတ်

နေသည့်စစ်မိစ္ဆာ၏ကိုယ်စားပြုစစ်သံရုံးတံခါးရှေ့

တွင်သံကြိုးဖြင့်ခတ်ပြီးလူဝိတ်ဖြင့်ပိတ်ဆို့ထားသဖြင့်

စစ်ခွေးများဝင်မရ၍ ရဲခေါ်သဖြင့် ကိုမောင်မောင်သန်း

တို့အားဖယ်ရှားနိုင်သော်လဲ ခတ်ထားသောသံကြိုး

အားဖြတ်တောက်မရ၍ ဖမ်းဆီးခြင်းမခံခဲ့ရပါ

ဓါတ်ပုံ ( ကိုမောင်မောင်သန်း )

မီဒီယာများဆင်ဆာပြုလုပ်ရန်မလိုပဲလွတ်လပ်စွာအသုံးပြု

နိုင်ပါသည်၊)

ဆက်ဖတ်ရန် →

မြန်မာစစ်တပ် ရှေ့လျောက် ညီညွတ်နေဦးမည်လော

မြန်မာစစ်တပ် ရှေ့လျောက် ညီညွတ်နေဦးမည်လော

📅 💬 မှတ်ချက်

ဘာတေး လစ်တနာ -

လုံခြုံရေး တင်းကျပ်လာမှု ကြောင့်  စစ်တပ်မှ ထွက်ပြေးခိုလှုံလာသူ အရည်အတွက် သိသိသာသာ ကျဆင်းလာခဲ့သည်ဟု ပြည်သူ့ရင်ခွင် မှ စာရင်းထုတ်ပြန်လာချိန်တွင် တိုက်တိုက်ဆိုင်ဆိုင်ပင် ၁၉၆၂ ခုနှစ်ကတည်းက အာဏာကို (လူထုကို နည်းနည်းလေးမျှပင် အားနာရ ကောင်းမှန်း မသိပဲ) တောက်လျှောက် ဆုပ်ကိုင်လာခဲ့သည့် စစ်တပ်သည် ဆက်၍ အောင်မြင်ဦးမည်လောဟု ၂၀၂၃ ခုနှစ်တွင် မေးရဖို့ ဖြစ်လာသည်ဟူသော ဘာတေး လစ်တနာ၏ ဆောင်းပါး ဧရာဝတီတွင် ပါရှိလာခဲ့သည်။

စစ်တပ်ထဲ တွင် ဖြုတ်ထုတ် ချောင်ထိုး သန့်စင်မှုများ အမြဲလို ရှိနေသော်လည်း နောက်ဆုံးတွင် စစ်ဗိုလ်ချုပ်များ ‌ပေးသည့် အမိန့်သည် မည်မျှပင် လူမဆန် ရက်စက်ကြမ်းကြုပ် နေစေကာမူ အောက်‌‌ ခြေ စစ်သားကအစ တသွေမတိမ်း လိုက်နာကြခြင်း ဖြင့် ညီညွတ်နေကြစမြဲ ဖြစ်သည်။

လက်ရှိ အနေအထားသည် ယခင်ကလို ဖြစ်လာတော့မည် မဟုတ်ဟု ပြောရဖို့ ဖြစ်လာသည်။ ဤသည်ကလည်း မင်းအောင်လှိုင် နှင့် သူ့အနား ခစားနေ‌ကြသော ဗိုလ်ချုပ်ကြီးများ၏ မည်သို့မျှ သုံးစားမရသည့် sheer incompetence ကြောင့်ပင် ဖြစ်သည်။

လွန်ခဲ့သည့် နှစ် နှစ် မှစ၍ ရန်ကုန်၊ မန္တလေး၊ နေပြည်တော် အပါအဝင် မြို့ကြီးများ၏ လမ်းမများ ပေါ်သို့ တင့်ကားများ၊ လက်နက်ကိုင် စစ်သားများ စေလွှတ်ထားခဲ့သော်ငြားလည်း ယခုထိ အုပ်ချုပ်ရေး ယန္တရားကို အတည်တကျ လည်ပတ်နိုင်ခြင်း မရှိသေးပေ။ နေ့စဉ်လို စစ်ယာဉ်တန်းများအား မိုင်းဆွဲတိုက်ခိုက်မှုများ၊ ဗုံးဖေါက်ခွဲမှုများ၊ ဒလန်များကို လုပ်ကြံ သတ်ဖြတ်ခြင်းများ နေ့စဉ်လို ဖြစ်ပွားနေပြီး ၁၉၇၀ ကျော် နှစ်များ ကတည်းက သေနတ်သံပင် မကြားခဲ့ရသော နိင်ငံ အလယ်ပိုင်း မြို့ကြီးများသို့ပင် ရောက်ရှိလာနေပြီ ဖြစ်သည်။

ထို့ပြင် ‌ကျပ်ငွေဈေးနှုန်းများ မြင့်တက်လာမှု၊ ကုန်စည်များ ရှားပါးပြီး ဈေးနှုန်းများ မြင့်တက်လာမှုများ ကြောင့်လည်း စီးပွားရေး အခြေအနေများ ဆိုးသည်ထက် ဆိုးဝါးလာနေခဲ့သည်။

ခရိုနီကြီးများ နှင့် အလယ် အလတ်၊ အသေးစား လုပ်ငန်းရှင်များအားလုံး ငွေကြေးများကို ထိုင်း၊ စင်္ကာပူ၊ ဒူဘိုင်းသို့ ရွှေ့ပြောင်းကုန်ကြသည်။ စစ်ကောင်စီ၏ အလွဲလွဲအချော်ချော် နှင့် ထင်ရာမြင်ရာ ချမှတ်လာသည့် စီးပွားရေး မူဝါဒ များကြောင့် ၎င်းတို့ပိုင် ငွေကြေးများ လုံးပါးပါးမည့် အန္တရာယ်ကို မြင်လာကြသောကြောင့်လည်း ဖြစ်သည်။ စစ်တပ်ကြောင့် ပြည်တွင်းရှိ ဘဏ်များလည်း မယုံရ ဖြစ်နေသည်။

အခြေအနေများသည် တခါမျှ မကြုံဖူးလောက်အောင် ဆိုးဝါးနေသော်လည်း အာဏာ ကစားပွဲမှ မည်သို့သော ရလဒ် ထွက်‌ပေါ်လာမည် ဆိုသည်ကား ခန့်မှန်းရ ခက်‌နေသည်။

မင်းအောင်လှိုင်အား တနိုင်ငံလုံးက ရွံရှာ မုန်းတီးနေကြပြီ ဖြစ်၍ နောက်လိုက်နောက်ပါများကလည်း ကြိုးစင်ပေါ် ၎င်းနှင့် အတူတက်ရကိန်းကို သိမြင်လာကြသည်။ သို့မဟုတ်ပါကလည်း ထောင်နန်းစံရကိန်း ကြုံရနိုင်သည်။ ထိုသို့ စိုးရိမ်ထိတ်လန့်မှု များနှင့် အခြေ ကျပြီး ဖြစ်သော အကျိုးစီးပွားများ ဆုံးရှုံးကုန် မည့် အရေးများကြောင့် သာ အတူ စည်းလုံးညီညွတ်နေခြင်း ဖြစ်သည်။ 

ယခုထိ တော့ အက်ကွဲကြောင်း သိသိသာသာ ထွက်ပေါ်လာခြင်း မျိုး မတွေ့ရသေးပေ။ စစ်မြေပြင်တွင်မူ တခါမျှ မရှိခဲ့ဖူးသည် အကျအဆုံး များစွာ နှင့် အရေး နိမ့်လာနေသည်။ အချို့ မိ‌ဘဆွေးမျိုးများပင် တော်လှန်ရေး သို့မဟုတ် စီဒီအမ်တွင် ပါဝင်နေကြသည်။

၎င်းတို့၏ စီးပွားရေး ကို ဖျက်လို ဖျက်ဆီး လုပ်ခြင်း ခံနေရသည့် ကရိုနီများ‌ကကော ဘယ်လောက်ကြာကြာ ထောက်ခံမှု ပေးနိုင်ကြမည်နည်း။ ပြည်ပသို့ ငွေကြေး များ အထုတ် နှင့် အထည်နှင့် ယိုထွက်နေသည်။

မင်းအောင်လှိုင် နှင့် မိသားစု က‌တော့ အနေအစား မပျက်ပဲ အဖိုးတန် ပစ္စည်းများ သုံးနိုင်ဖြုန်းနိုင်အောင် ရာဇဝတ်‌သားဟု ဆိုသူများ နှင့် ဒူးတင်ပေါင်တင် လုပ်နေကြဆဲပင် ဖြစ်သည်။

လွန်ခဲ့သည့် နှစ် စက်တင်ဘာလ အတွင်း ထိုင်းနိုင်ငံတွင် ဖမ်းဆီးခံလိုက်ရသော မူးယစ်ဆေး ကူးသန်း ရောင်းဝယ်သူ ထွန်းမင်းလတ် သည် မင်းအောင်လှိုင် နှင့် အနီးကပ် ပတ်သက် ဆက်နွယ်နေသူဟု ကမ္ဘာသိ ဖြစ်သွားခဲ့သည်။

ထိုအနေအထားတွင် အာဏာသိမ်းပြီးနောက် မည်သည့် အကျိုးအမြတ် မှ မခံစားရသေးသည့် အရာရှိ များထဲမှ လွတ်ငြိမ်းချမ်းသာခွင့် ပေးမည် ဆိုသည့် ကတိမျိုး ရမည် ဆိုလျှင် "အုန်းကျော်မြင့်များ" ထွက်ပေါ်လာနိုင်ပေသည်။

ထိုသို့ ဖြစ်ပေါ်လာဖို့ ဆိုသည်ကလည်း စစ်အာဏာရှင်များကို တွန်းလှန် ဆန့်ကျင်နေကြသည့် တော်လှန်ရေး အင်အားစုများ၏ မူဝါဒ နှင့် ဆောင်ရွက်မှုများ အပေါ် မူတည်နေသည်။ ယခုအချိန်အထိတော့ စစ်မြေပြင်တွင် ပြတ်ပြတ်သားသား အောင်ပွဲ ခံလာချင်းမျိုး မတွေ့ရသေးပေ။

ထို့အတွက် စစ်တပ် အတွင်း မင်းအောင်လှိုင် နှင့် အပေါင်းအပါများအား ဆန့်ကျင်လာမည့်သူများ ထွက်ပေါ်လာစေရန် ယုံကြည် နိုင်လောက်သည့် လွတ်ငြိမ်းချမ်းသာခွင့် ဉပဒေများ အခိုင်အမာ ထုတ်ပြန်ဖို့ လိုနေသည်။

ထိုသို့ မဟုတ်ပါက နိုင်ငံရေး၊ စီးပွားရေး လူမှုရေး အနေအထားများသည့်  မည်သို့မျှ နောက်ကြောင်း ပြန်မလှည့် နိုင်‌ တော့ မည့် ချောက်ကမ်းပါးကြီးဆီသို့ တလိမ့်လိမ့် ဦးတည် သွားနေပေတော့မည်သာ ဖြစ်သည်။

ပြည်သူတို့၏ ခုခံတွန်းလှန်စစ် မုချ အောင်ရမည်!!!

လှစိုးဝေ

(ဧရာဝတီ သတင်းတွင် ပါရှိသော ဘာတေး လစ်တနာ၏ "Will Myanmar's Brutal Military Remains United? မှ ကောက်နှုတ် တင်ပြသည်)

ဆက်ဖတ်ရန် →

ပြည်သူ့နွေဦးတော်လှန်ရေး (၂) နှစ်ပြည့်ဟောပြောပွဲ ဒေါ်ဇင်မာအောင် ဦးရည်မွန်...

ပြည်သူ့နွေဦးတော်လှန်ရေး (၂) နှစ်ပြည့်ဟောပြောပွဲ ဒေါ်ဇင်မာအောင် ဦးရည်မွန်...

📅 💬 မှတ်ချက်

ပြည်သူ့နွေဦးတော်လှန်ရေး (၂) နှစ်ပြည့် လူထုနိုင်ငံရေးဟောပြောပွဲ #ဒေါ်ဇင်မာအောင် (နိုင်ငံခြားရေးဝန်ကြီး၊ အမျိုးသားညီညွတ်ရေးအစိုးရ) #ဦးရည်မွန် (ကာကွယ်ရေးဝန်ကြီး၊ အမျိုးသားညီညွတ်ရေးအစိုးရ) #ဦးမင်းကိုနိုင်(၁၉၈၈မျိုးဆက်ကျောင်းသားခေါင်းဆောင်

ဆက်ဖတ်ရန် →

လမ်းရွေးခိုင်းထားပြီ ဖြစ်သော လင်းယုန်ကြီး

လမ်းရွေးခိုင်းထားပြီ ဖြစ်သော လင်းယုန်ကြီး

📅 💬 မှတ်ချက်

၂၀၂၅ လောက်မှာ US က တျုတ်နဲ့ စစ်ဖြစ်နိုင်ကြောင်း 

ပြောထားပါတယ် ဘေဂျင်းကို အပြုတ်နှံမယ်ဆိုတာ

 Mind Game အရမဟုတ်ရင် ဖြစ်လာနိုင်သော ထိုင်၀မ်

စစ်ပါ၊

 ဒါကြောင့် သူ့ကို support မည့် ရုရှား အီရန်ကို အရင် စ

ဖြိုနေပြီး မြောက်ပါ ငြိမ်အောင် လုပ်ထားမှာ အသေချာပါ

ဒါ့အပြင် နေတိုးမဟာမိတ်‌ပါအားမရပဲ အာရှနေတိုးပါ ထပ်ချဲ့ ဂျပန် တောင်ကိုရီးယားပါ ပတ်ချုပ်ထားရုံမက အာဆန်ထဲက ဖိလစ်ပိုင်နဲ့ အင်ဒိုမှာလည်း US စစ်အခြေဆိုက်စခန်းတွေ လုပ်နေတာ တွေ့ရတယ်

ရှီကျင့်ဖျင်ဟာ ဖွဲ့စည်းပုံပြောင်း တသက်တာအာဏာ

ရှင်အဖြစ် လုယူထားတဲ့ သူ့အာဏာအတွက် ပြန်မ

လှန်နိုင်အောင်နဲ့ (ပြည်သူဟာ အရင်သမ္မတပုံစံ 

စနစ်ပဲ လက်ခံကြိုက်သည်)ကမ္ဘာကိုဗစ် တရားခံ

 လျော်ကြေးပေးမှုမှနေ ကင်းလွတ်ခွင့်ရအောင် တမင် 

ကိုကိုဗစ်အဖြစ်ခံ မွေးမြူထားပြီး ဖန်တီးလုပ်ဆောင် 

အကွက်ရွေ့နေသလားဆိုတာ သံသယဖြစ်ဖွယ်ပါ

အကြောင်းက ခုလို ပြည်သူ ၈၀% ကူးစပ်နေတယ်ဟု 

၀န်ခံပြောဆိုထားတာတောင် အရင်လို ဆေးရုံတွေ 

ဆောက်လုပ် ကုသခြင်းအလျင်းမရှိပဲ သာမန်လုပ်

ဆောင်နေမှုလောက်နဲ့ မသိရင် လူဦးရေပါ လျော့ချ

နေသလို ဖြစ်စေ ခံစား မြင်မိနေတယ်

နောက် ထိုင်၀မ်ကို အကြောင်းပြနေတာဟာလည်း ပထဝီ

နိုင်ငံရေးအရ လောက်လားမဟုတ်ပဲ US က ကြေငြာထား

သလိုမျိုး ပူတင်ပြီး ကျင့်ဖျင်အလှည့်မို့ သူ၌ ထိုင်၀မ်နဲ့

ကာဗာယူပြီး သူ့နိုင်ငံတွင်းရေးနဲ့ ကမ္ဘာ့အရေးကို

လှည့်စားနေသလား တွေးဆစရာပါ

ဆိုလိုတာက တျုတ်ဟာ လူဦးရေသန်း၅၀ ကျော်နေလို့ရ

တဲ့ မြို့သစ်စီမံကိန်းတွေမှာတောင် ဝယ်မည့် နေမည့်သူ

မရှိလို့ သရဲမြို့တော်လိုဖြစ်နေတဲ့ သက်မှတ်ခံထားရတဲ့ 

ထိုမြို့သစ်တွေရော အိမ်ယာစီမံကိန်းတွေရော ဆုံးရှုံးနေ

တဲ့အချိန်မှာထိုင်၀မ်ကို ပထဝီအနေထား လောက်လားစွာ

 မရှိပဲ နိုင်ငံရေး အကြောင်းပြ ရန်ရှာနေမှုဟာ US ကို နည်း

ပညာ ပြိုင်ဆိုင် ပြချင်ရုံရယ် စစ်ရေးနဲ့ပါပြပြီး ကမ္ဘာ့နံပါတ်တစ်နေရာကို လိုချင်နေတဲ့ ဖန်တီးမှုသာလောက်ပဲဆိုတာ တွေ့နေရတယ် ကျန်တာကတျုတ်ဟာ ဒီလောက်မဟုတ်ဘူး

ကမ္ဘာ့အပြင်ကိုပတ်ကျုးကျော် နယ်ချဲ့နေပေမယ့်

 ပြည်တွင်းမှာ ဆုံးရှုံးနေရတဲ့ အရင်းမြစ်တွေ အများကြီး

ပဲ ဒါတွေကိုတောင် ပြည့်စုံအောင် ဖန်တီး မပေး

နိုင်သေးပဲ နည်းပညာပြိုင် ပညာပြ ကြွားပြီး (US က 

တျုတ်ခိုးပြီး ဆင့်ကဲဖန်တီးထားတဲ့ AI နည်းပညာကို

 စိုးရိမ်နေ) တျုတ်က ဒါနဲ့ ဖြဲခြောက်နေဆဲဖြစ်သည်၊

ကမ္ဘာသိမ်းပြီး စူပါပါဝါ နံပါတ်တစ်နေရာ ရရေး ဖြစ်ရေး

နဲ့ တကမ္ဘာလုံး သူ့အောက်ရောက်ရေးပဲ တွက်ချက်နေတဲ့

အာဏာရူးတယောက်ထက် မပိုတဲ့ ကျင့်ဖျင်ကို ဒါကြောင့်

 US က ပူတင်ပြီး ကျင့်ဖျင်အလှည့်လို့ပြောတာ လွန်အံ့

မည် မထင်ပါ သို့ကြောင့် ဖြစ်လာရင်လည်း လွမ်းစရာ

မရှိပဲ ကြည့်လှမည့် ပွဲပါဟု ဆိုချင်သည်

သို့သော် ယခု US နဲ့ တျုတ် စစ်ခင်းရနိုင်သည်ဆိုသည့်

 အမေရိကန်လေတပ်ဗိုလ်ချုပ်ကြီး ပြောစကားကို တရုတ်အစိုးရသတင်းတွေက ကန့်ကွက်ထားသလို တျုတ်နဲ့ အမေရိကန်ကြား မဟာဗျူဟာအရ ယုံကြည်မှုတွေ ပိုမိုဆိုးရွားထိခိုက်စေမယ်လို့လည်း ပြောဆိုထားပြီး

ပင်တဂွန်စစ်ဌာနချုပ် တာဝန်ရှိသူတွေကလည်း အမေရိကန်လေတပ်ဗိုလ်ချုပ်ကြီးရဲ့အမြင်ဟာ အမေရိကန်အစိုးရရဲ့ အမြင်အယူအဆတွေမဟုတ်ကြောင်း ပြောဆိုထားတဲ့အတွက် ဖြစ်နိုင်ချေက ၅၀-၅၀ နဲ့ Mind Game

 ပစ်ပြီး အဆွနဲ့တျုတ်ရဲ့ ဖျင်ကျယ်ပြီး ဇာချဲ့လာနေတဲ့ အရေးတွေ တန့်သွားလေမလား ဘယ်လိုတုန့်ပြန်မလဲဆို

တဲ့အချက်ကို သိချင်လို့ ရေထဲခဲပစ်လိုက်တယ်ဟု ယူဆ

သလို မီဒီယာကို သတင်းရောင်း ကမ္ဘာ့အရေးလှုပ်ခတ်‌

နေစေရေး စသည့် media war ကစားမှုကို ဖန်တီးနေတဲ့ 

အချက်ထက် မပိုဘူးဆိုသော်ငြားနိုင်ငံခြားရေး

၀န်ကြီး ဘလင်ကန် တျုတ်လာမှုကို ကြိုဆိုသော်ငြား 

လွှတ်တော်ဥက္ကဌ ထိုင်၀မ်သွားမည့်အရေးကို ကန့်

ကွက် ပြောဆိုပြီးနောက် ထွက်ပေါ်လာတဲ့ သတင်းမို့ 

ရုရှားလည်း ထိုသို့ ပြောဆိုမှုတွေအပြီး ငြင်းဆန်ပြီး 

ယူကရိန်းနဲ့ စစ်ဖြစ်တာကို သတိထားရမှာ ဖြစ်သလို

တျုတ်ရဲ့ made in china 2025 ကိုလည်း ရိုက်ချိုးဖို့ 

(ပျက်နေပါပြီ) မက်ဆေ့ပေး သွေးတိုးစမ်း ခေါ်ဖဲပစ်

လိုက်တဲ့ ပစ်ချက်ဆိုတာ ထင်ရှားနေလို့ တျုတ်အ

တွက် US ရဲ့ ကောင်တာတွေဟာ အိပ်မက်ဆိုးနဲ့ အနှောင့်ယှတ်ဖြစ်မှာ သေချာသောကြောင့် သတင်းလုံခြုံမှုနဲ့

 ကမ္ဘာ့အရေး အခင်းကျင်းတွေကို သေချာတန်ပြန်ပြီး လုပ်ဆောင်နိုင်မှ တော်ကာကျပါလိမ့်မည်။

ဘာပဲဖြစ်ဖြစ် 2025 ရှီရဲ့ ပလန်တွေကိုတော့ ရိုက်ချိုးဖို့ 

US ဟာ ကြိုတင် အဖွင့်အပိတ်နဲ့ မင်းဘာလုပ်မှာလဲဟူသောမေးခွန်းကို မေးထားပြီး ခုဇာချဲ့လုပ်နေတဲ့ အရာ

တွေအားလုံး ရပ်တန့်စေဖို့ ခြိမ်းခြောက်မှုထက် မပိုသော 

သံတမန်နည်းလမ်း ပညာပါသော soft power ဖြင့် လမ်း

ရွေးခိုင်းထားပြီးဖြစ်သည်။(edited)

မင်းကြည်ညိုနေ

ဆက်ဖတ်ရန် →

မအလလက်နက်ကိုင်အစောင့်ထားတဲ့တဆူတည်းသောပုဂံဘုရား

မအလလက်နက်ကိုင်အစောင့်ထားတဲ့တဆူတည်းသောပုဂံဘုရား

📅 💬 မှတ်ချက်

၂ ရာစုနှင့် ၁၃ ရာစုကြားတွင် တည်ခဲ့သော ဂူဘုရားအမျိုးအစားဖြစ်သည့် ထီးလိုမင်းလိုဘုရားတွင် စစ်ကောင်စီတပ်ဖွဲ့ဝင်လေးဦးစီဖြင့် နေ့ညမပြတ် အလှည့်ကျလုံခြုံရေးယူ ထားသည်ဟုလည်း သိရသည်။ ထိုလက်နက်ကိုင်အစောင့်များနှင့် မလှမ်းမကမ်းတွင် လုံခြုံရေး ကင်းတဲနှင့် ယာယီတဲ အိမ်အချို့လည်း တွေ့ရသည်။

၁၂ ရာစုနှင့် ၁၃ ရာစုကြားတွင် တည်ခဲ့သော ဂူဘုရားအမျိုးအစားဖြစ်သည့် ထီးလိုမင်းလိုဘုရားတွင် စစ်ကောင်စီတပ်ဖွဲ့ဝင်လေးဦးစီဖြင့် နေ့ညမပြတ် အလှည့်ကျလုံခြုံရေးယူ ထားသည်ဟုလည်း သိရသည်။ ထိုလက်နက်ကိုင်အစောင့်များနှင့် မလှမ်းမကမ်းတွင် လုံခြုံရေး ကင်းတဲနှင့် ယာယီတဲ အိမ်အချို့လည်း တွေ့ရသည်။

ဘုရားပုထိုးပေါင်း ထောင်ချီရှိသည့် ပုဂံတွင် ထီးလိုမင်းလိုဘုရားတစ်ဆူတည်းသာ လက်နက်ကိုင် အစောင့်အရှောက်များ ချထားသည်မှာ ထူးဆန်းသော်လည်း အကြောင်းရင်း ရှိနေသည်။

အာဏာသိမ်းခေါင်းဆောင် မင်းအောင်လှိုင် အာဏာမသိမ်းမီက ထီးတင်ခဲ့သော ဘုရားဖြစ်နေခြင်းပင်။

ထီးနန်းအရိုက်အရာနှင့် ပတ်သက်၍ အတိတ်နိမိတ်ကောင်းရှိသည်ဟု ယူဆကြသည့် ထီးလိုမင်းလို ဘုရားကို မင်းအောင်လှိုင်က ၂၀၂၀ ပြည့်နှစ် ဖေဖော်ဝါရီလအတွင်း ထီးတော်တင်ခဲ့သည်။ ၂၀၁၆ ခုနှစ်တွင် လှုပ် ခတ်ခဲ့သောငလျင်ဒဏ်ကြောင့် ထိခိုက်ပျက်စီးခဲ့ရသော ပုဂံဘုရားများအနက် ထီးလို မင်းလို ဘုရားကိုရွေးကာ ထီးတင်ခဲ့ခြင်းဖြစ်သည်။

ဘုရားအမည်ကိုယ်၌က ထီးလိုမင်းလိုဟု ကျော်ကြားသည်။ ပုဂံမင်းဆက်တွင် ထင်ရှားသည့် နရပတိ စည်သူမင်း၏ သားတော်တစ်ပါးဖြစ်သော ဇေယျသိင်္ခမင်းက ထီးနန်းအရိုက်အရာ ဆက်ခံခွင့်ရပြီး နောက် တည်ခဲ့သောဘုရားဖြစ်သည်။ အငယ်ဆုံးသားကို ထီးနန်းဆက်ခံစေရာ၌ ကျန်သားတော်များ ကြည်ဖြူလက်ခံစေရေး အဓိဌာန်ဖြင့် ထီးဖြူစိုက် အဆုံးအဖြတ်ယူသည့်နေရာတွင် ဘုရားတည်ခဲ့ ခြင်းဖြစ်သည်။ ထီးလိုမင်းလိုဘုရားကို နန်းတောင်းများမင်းခေါ် ဇေယျသိင်္ခမင်းက အေဒီ ၁၂၁၁ တွင် တည်ခဲ့သည်။

သမ္မတရူး ရူးနေသည့် စစ်ခေါင်းဆောင်က အာဏာမသိမ်းမီကပင် ယတြာချေသည့်အနေဖြင့် ထီးလို မင်းလို ဘုရားကို ထီးတင်ခဲ့ခြင်းဖြစ်နိုင်သည်ဟု အသက် ၅၀ ကျော်အရွယ် ပုဂံဒေသခံတစ်ဦးက မှတ်ချက်ပေးသည်။

“ထီးလိုမင်းလိုဘုရားနာမည်က ရှင်းပါတယ်။ ထီးနန်းလိုချင် မင်းဖြစ်တဲ့ ဘုရင်တည်ခဲ့တာကို သူက ထီးတော် ထပ်တင်တာဆိုတော့ သမ္မတဖြစ်ချင်တယ်၊ အာဏာရချင်တဲ့အချက်က ထင်ရှားပါတယ်”

source-Myanmar Now

ဆက်ဖတ်ရန် →

Breaking News- ပြင်ဦးလွင် တပ်မတော်ဆက်သွယ်ရေး သင်တန်းကျောင်း ဒုတိယ ကျောင်းအုပ် ဒုဗိုလ်မှူးကြီး ကျော်စိုးအောင်ကို စစ်သည်တစ်ဦးက သေ နတ် ဖြင့် ပစ်ခတ် သတ်ဖြတ် ၊ တပ်တွင်း ပုန်ကန်မှု ဖြစ်၍ သတင်း အမှောင်ချ ပိတ်ဆို့

Breaking News- ပြင်ဦးလွင် တပ်မတော်ဆက်သွယ်ရေး သင်တန်းကျောင်း ဒုတိယ ကျောင်းအုပ် ဒုဗိုလ်မှူးကြီး ကျော်စိုးအောင်ကို စစ်သည်တစ်ဦးက သေ နတ် ဖြင့် ပစ်ခတ် သတ်ဖြတ် ၊ တပ်တွင်း ပုန်ကန်မှု ဖြစ်၍ သတင်း အမှောင်ချ ပိတ်ဆို့

📅 💬 မှတ်ချက်

ရန်ကုန်၊ ဇန်နဝါရီ ၃၀ ရန်ကုန်ခေတ်သစ်

မန္တလေးတိုင်း၊ ပြင်ဦးလွင် တပ်နယ်၊ ဆက်သွယ်ရေး နှင့် အီလက်ထရောနစ် သင် တန်း ကျောင်းမှ ဒုတိ ယ ကျောင်းအုပ် ဒုတိယဗိုလ်မှူးကြီး ကျော်စိုးအောင် ကို ဒုတပ်ကြပ်တစ်ဦးက သေနတ်ဖြင့် ပစ် သတ် လိုက် ကြောင်း စစ်တပ် သတင်း ရင်းမြစ်များထံမှ သိရှိရသည်။ 

ဇန်နဝါရီလ ၂၉ ရက်နေ့ ညနေပိုင်း ပြင်ဦးလွင်၊ ဆက်သွယ်ရေးသင်တန်း ကျောင်း၊  ဗဟို ကင်း အနီးတွင် လုံခြုံရေးအတွက် အရာရှိနှင့်ရဲဘော်များကို တန်းစီ စကားပြောအပြီးတွင် ဒုတပ်ကြပ်တစ်ဦးက ဒုတိယ ဗိုလ်မှူး‌ကြီး ကျော်စိုးအောင် ကို အနီးကပ် ၂ ချက် ပစ်ခတ်ခဲ့ကြောင်း၊ ပစ်ခတ်ခံရပြီးနောက် ဆေးရုံ ကို အချိန်မီ ပို့ဆောင်ခဲ့သော်လည်း သေသွားခဲ့ကြောင်း သိရှိရသည်။ 

ပစ်ခတ်ခံရပြီး သေဆုံးသွားသော ပြင်ဦးလွင် ဆက်သွယ်ရေးသင်တန်းကျောင်း ဒုတိယကျောင်းအုပ် ဒုတိယဗိုလ်မှူးကြီး ကျော်စိုးအောင်သည် ဗိုလ်သင်တန်း အပတ်စဉ် ၄၂ ကျောင်းဆင်းဖြစ်ပြီး စစ်ဦးစီး တက္ကသိုလ်(ကလော) ကျောင်းပြီး ထားပြီးဖြစ်ကြောင်း၊  ပုသိမ်တပ်နယ်မှ ပြင်ဦးလွင် ဆက်သွယ်ရေး သင်တန်း ကျောင်း သို့ ပြောင်းရွှေ့လာသူဖြစ်ကြောင်း သိရှိရသည်။ 

"ဒုဗိုလ်မှူးကြီး ကျော်စိုးအောင် က တန်းစီစကားပြော အပြီးမှာ  ဒုတပ်ကြပ်က မောင်းတင်ပြီးသား သေနတ် နဲ့၂ချက် ပစ်တာ။ ဆေးရုံ ရောက်တော့ အသည်း ထိ သွားတာလို့ သိရတယ်။ ပြင်ဦးလွင် စစ် ဆေးရုံ မှာပဲ ဆုံးပါတယ်။ချက်ချင်း ဆေးရုံ ပို့ခဲ့ပေမယ့်လည်း ဆေးရုံရောက်ပြီး ၂နာရီ အကြာ မှာ သေဆုံး ခဲ့ပါတယ်။ ပစ်ခတ်ခံရတာက  သေနတ်နဲ့ ၂ချက် ပစ်ခဲ့တာပါ" ဟု စစ်တပ် သတင်းရင်း မြစ်က ဆိုသည်။ 

လတ်တလော ပစ်ခတ်သည့် ဒုတပ်ကြပ်ကို ဖမ်းဆီးထားကြောင်း၊ ယမန်နေ့ ညနေပိုင်းကတည်းက ဒုတိယ ဗိုလ်မှူးကြီး ကျော်စိုးအောင် ပစ်ခတ်ခံရပြီး သေ ဆုံးသွားသည့် ဖြစ်စဉ်ကြောင် တပ်တွင်း ပုန် ကန်မှု ဖြစ်မည်ကို စိုးရိမ်သည့် အတွက် သတင်းအမှောင်ချထားကြောင်း၊ နာရေးကြော်ငြာပင် ပေးမ ထည့် ကြောင်း စစ်တပ်သတင်းရင်းမြစ်က ပြောသည်။ 

" ပြင်ဦးလွင် တပ်နယ် မှူး က ပစ်ခတ်မှုဖြစ်စဉ်နဲ့ ဒုဗိုလ်မှူးကြီး သေဆုံးသွားတဲ့ သတင်းကို သတင်း အမှောင်ချထားတယ်။ ဖုံးထားပါတယ်။  နာရေးသတင်း တောင် မတင်ရဘူးလို့ အမိန့်ထုတ်ထားတယ်။ အထိုင်တပ်၊ ကျောင်းမှာ အဲဒီလို  တပ်ကြပ်က  အရာရှိကြီး ကို ပစ်ခတ်တာ သတ်တာမျိုး ဖြစ်စဉ်က မရှိခဲ့ဖူး သေးဘူး" ဟု စစ်တပ်သတင်းရင်းမြစ်က ဆိုသည်။ 

ရန်ကုန်ခေတ်သစ်၏ ဖရဲသီး တပ်သတင်းရင်းမြစ်တစ်ခုကလည်း ပြင်ဦးလွင် တပ်နယ် တွင် ဒုတိယ ဗိုလ်မှူးကြီးကျော်စိုးအောင် ပစ်ခတ်ခံရပြီး သေဆုံး သွား သည့် ဖြစ်စဉ် မှန်ကန်ကြောင်း ထပ်မံ အတည် ပြု ပြောဆိုသည်။ 

ဓာတ်ပုံ- သေဆုံးသွားသည့် ဒုတိယဗိုလ်မှူးကြီး ကျော်စိုးအောင်။

ဆက်ဖတ်ရန် →

တကြော့ပြန့် ဖက်ဆစ်ဝါဒ

တကြော့ပြန့် ဖက်ဆစ်ဝါဒ

📅 💬 မှတ်ချက်

အမေရိကန် ကနေဒါ အပါအဝင် ဥရောပ
နိုင်ငံတွေဟာ ဖက်ဒရယ်ပြည်ထောင်စု
ခေတ်ကိုဒီမိုကရေစီနဲ့လူ့အခွင့်အရေး
စံနူန်းတွေမွန်းမံပြင်ဆင်ရင်းအမျိုးသား
ရေးဝါဒ မပါချီတက်ဖို့ကျိူးစားနေကြ
တယ် အဂ်လန်ဝန်ကြီးချူပ်ကအိန္ဒိယ
လူမျိူးပါ ဂျာမဏီနိုင်ငံဆိုရင်အခုအချိန်မှာ
နာဇီဝါဒသမားတွေခေါင်းထောင်လာ
လို့နှိမ်နင်းနေရချိန်ဖြစ်တယ်
ဂျပန်ကတော့အဲ့စိတ်ရှိတာမတွေ့ရတော့ဖူး၊
အမျိူးသားရေးကိုအခြေခံတဲ့နယ်မြေ
သိမ်းပွဲတွေခေါင်းထောင်လာပြန်ပြီ
ရုရှားအများစုနေတဲ့ဆိုဗိယက်မှာနယ်သိမ်းပွဲ
တွေစလာပြီ တရုတ်ကလဲ ထိုင်ဝမ်
ကိုမျက်စောင်းတထိုးထိုး၊
မအလ ကတရုတ်နဲ့ရုရှားကို အားကိုးယုံ
သက်သက်မဟုတ်ဖူး အားပါကျတာ
ရှေးခေတ်ကနယ်တကာပတ်ပြီးရန်ဖြစ်
တတ်တဲ့ဗမာမင်းတွေရဲ့ဝိညာဉ်သူ့ဆီမှာပူး
ကပ်နေသလိုလို စစ်ဘုရင်ရူးရူးနေတာ
မသိဖူး သိမ်းမယ် သတ်မယ်ဆိုတဲ့အတွေးနဲ့ 
ပါတ်ကြမ်း ပတ်ရမ်းနေတာပါ၊
ဒီမိုကရေစီနဲ့လူ့အခွင့်အရေးတွေကသူတို့
အတွက်အဆင်မပြေဖူးလေ၊
ခရိုနီတွေကလဲဇီးသီးဗန်းမှောက်ကျလာ
အောင်မြှောက်ပေးခဲ့ကြတယ်၊
ဖိလစ်ပိုင်လိုဘာသာရေးနွယ်တဲ့ပြည်တွင်းစစ်ကို
ဆွေးနွေးခြင်းအားဖြင့်အဆုံးသတ်တာမျိူးလဲ
မအလနဲ့လူမျိူးရေးအစွန်းရောက်တွေဟာ
ဆန္ဒလုံးဝမရှိဖူး
သူတကွက်မှားတာကဗမာတွေကိုလျှော့
တွက်လိုက်မိခဲ့တာပါ
မဘသလိုဆိုဒ်ဝါးတွေငွေကုန်ခံပြီးကြိုခင်း
ထားတယ်

မြန်မာနိုင်ငံလို့ လူသိတွေသိတဲ့နယ်မြေဟာ

ဗမာစစ်ဘုရင်အဆက်ဆက်လက်ဆင့်ကမ်း
အုပ်ချူပ်နေရမယ် အခွင့်သာ သာခဲ့ရင်
ထိုင်းကိုတောင်နောက်တကြိမ်သိမ်းဖို့
ကြိုးစားမှာ သွေးဆာနေတဲ့စစ်အုပ်စုပါ

 ၊ ရုရှားကယူကရိန်းကိုသိမ်း
သလိုပေါ့ ဒါပေမယ့် ဗမာ လူငယ်လူလတ်
ပိုင်းမှာဒီမိုကရက်အတွေးအခေါ်ကဝင်
ရောက်နေရာယူထားပြီးဖြစ်လို့ထင်တိုင်း
မပေါက်ဖြစ်ရတယ် မကွေးစစ်ကိုင်းဟာ
ဟိုးတုန်းကစစ်တပ်ကုန်းကြမ်းပေါပေါ
ထွက်ခဲ့ပေမယ့်အခုမရတော့ဖူး

မအလရဲ့အတွေးက—-
ဗမာတွေကသူ့ကို loyalty ဖြစ်စေချင်တယ်
 ပြည်နယ်တွေအကုန်ပြန်သိမ်းချင်တယ်

 မသိရင် မသိမ်းရင်ပဲဘုရင့်နောင်ဆူတာခံရ
ရမယ့်ပုံစံမျိူး ဒါပေမယ့် စားပြီးနားမလည်
ဖြတ်ပိုင်းလဲပြန်မလာတဲ့ စစိမိစ္ဆာဆိုတော့
ဘယ်သူကကျွန်ခံမလဲ
သူ့ကျွန်မခံပြီလို့စွတ်အော်နေပေမယ့်
သူကိုယ်တိုင်ကကျွန်ပြုဝါဒကိုဆုပ်ကိုင်
ထားတယ် မယုံရင်မေးကြည့်
ရခိုင်အေးမောင်၊ ကရင်စောမူတူး
ကချင်ကဂွမ်မော်တို့မသေသေးဖူး
စကားပြောကြတိုင်းအထက်စီးက
ဆက်ဆံပြီးအမြဲပြောနေကျ၊
စစ်ဘုရင်မှော်ဝင်နေတဲ့မအလဟာ
ဘုရင်ထိုင်တဲ့ပလ္လင်ကိုတနေ့၃ခါ
မျက်စောင်းထိုးနေသူတဦးဖြစ်တယ်၊
မဲမသမာမှုဆိုတာ စစ်ဘုရင်ပြန်လုပ်ဖို့
ဆင်ခြေလေးတခုပါသူကဆက်သွားမှာ
အမေရိကန်နဲ့မဟာမိတ်တွေဟာ ဖက်စစ်
နဲ့ကွန်မြူနစ် ခေါင်းထောင်လာမှာကိုအ
ဖြစ်မခံနိုင်ဖူး ထိုင်ဝမ်ကိုကာကွယ်ပေး
တယ် ယူကရိန်းကိုကာကွယ်ပေးတယ်
မအလဟာပြည်ပကိုမသိမ်းပေမယ့်ပြည်တွင်း
မှာပတ်သိမ်းနေတယ် ဝါဒကတရုတ်
 ရုရှားနဲ့တူနေတယ်၊ အခုနေစစ်ဖြစ်ရင်
ရုရှား တရုတ်ရဲ့မဟာမိတ်ကဗမာစစ်တပ်

ဖြစ်လာမှာ…
ဖက်စစ်လိုလို ကွန်မြူနစ်လိုလိုနဲ့တကယ်
တော့ဘုရင်ရူးရူးနေတဲ့မင်းအောင်လှိုင်က
လဲလတ်တလောမှာတတိရနေရာကလိုက်
နေတော့ အမေရိကန်နဲ့မဟာမိတ်တွေက
ကျူပင်ခုတ်ကျူငုတ်မကျန်အောင်လုပ်
လာကြလိမ့်မယ် 
ဝါဒနဲ့ယှဉ်ပြီးတိုက်ကြအုံးမယ့်စစ်ပွဲတွေ
တကျော့ပြန်လာပြီ
မအလကိုက အလွယ်လေးလုပ်လို့ရပါတယ်
ဗျူဟာမြောက်အရေးပေါ်လုပ်စရာမလို
သေးလို့မလုပ်တာပါ
အမြစ်ဖြတ်ပွဲလုပ်ချိန်ကျရင်တော့မအလ
ကအော်တိုမစ်တစ်ပါပြီးသားပါ၊

ဖက်ဆစ်ဝါဒရဲ့ တူညီတဲ့ သရုပ်လက္ခဏာ ၁၄ ရပ်

~~~~~~~~~~~~~~~~~~~~~~~~~~~~~~~~~~~~

ဂျာမဏီက ဟစ်တလာ၊ အီတလီက မူဆိုလိုနီ၊ စပိန်က

 ဖရန်ကို၊ အင်ဒိုနီးရှားက ဆူဟာတိုတို့အပြင် လက်တင်အ

မေရိကတိုက် နိုင်ငံ ၄-၅ ခုက အစိုးရဆိုးတွေကို လေ့လာ

ဆန်းစစ်ပြီး ပညာရှင်တစ်ဦးက ဖက်ဆစ်ဝါဒရဲ့ တူညီတဲ့

 သရုပ်လက္ခဏာ ၁၄ ရပ်ကို ဖော်ထုတ် တင်ပြထားတာ 

ရှိပါတယ်။

.

၁။ အားကောင်းမောင်းသန်၊ စဉ်ဆက်မပြတ်တဲ့ အမျိုးသား

ရေးဝါဒ

၂။ လူ့အခွင့်အရေးကို အသိအမှတ်ပြုရမှာ မလိုလား

၃။ စည်လုံးညီညွတ်ရေးအတွက် ရန်သူ/တရားခံ ရှာထား။

၄။ စစ်တပ်ရဲ့ ကြီးစိုးမှု

၅။ ကျား-မ ခွဲခြားမှု ပြင်းထန် (နယ်ပယ်တိုင်းမှာ ယောက်ျား

အများစုကသာ ကြီးစိုး လွှမ်းမိုးထား)

၆။ မီဒီယာကို ထိန်းချုပ်ထား

ရ။ နိုင်ငံတော် လုံခြုံရေး ဥပါဒါန်စွဲကပ်နေ

၈။ ဘာသာတရားနဲ့ အစိုးရက ဒွေးရောယှက်တင် (နိုင်ငံထဲ

ကကိုးကွယ်မှု အများဆုံး ဘာသာကို အသုံးချပြီး လူထုရဲ့ 

သဘောထားကို ထင်သလို ချယ်လှယ်နိုင်ဖို့ အားထုတ်တတ်

စမြဲ)

၉။ စီးပွားရေးသမားတွေ၊ အခွင့်ထူးခံတွေရဲ့ သြဇာအာဏာ

ကို ကာကွယ်စောင့်ရှောက်ပေး

၁၀။ လုပ်သားအင်အားစုရဲ့ သြဇာအာဏာကို နှိပ်ကွပ် နှိမ်နင်း

ထား (အလုပ်သမား သမဂ္ဂတွေ ရှိခွင့်မပေး၊ ရှိလည်း 

အကြီးအကျယ် ဖိနှိပ်ထား)

၁၀။ တတ်သိပညာရှင်တွေ၊ အနုပညာတွေကို စက်ဆုပ်

၁၂။ ရာဇဝတ်မှုနဲ့ ပြစ်ဒဏ် ဥပါဒါန် စွဲကပ်နေ။ (ရဲတွေမှာ 

ကန့်သတ်မဲ့ သြဇာရှိ)

၁၃။ အလွမ်းသင့်သူများ ကောင်းစားရေး ဝါဒရယ် 

အကျင့်ပျက်ခြစားမှုတွေရယ် ထောင်းထောင်းထနေ

၁၄။ မသမာတဲ့ ရွေးကောက်ပွဲတွေ

(အတ္တကျော်၏ FB စာမျက်နှာတွင် ဖော်ပြချက်)

ဆက်ဖတ်ရန် →

အာဏာသိမ်းစစ်ကောင်စီကို အရေးယူဖို့ အာဆီယံဥက္ကဌ အင်ဒိုနီးရှားနိုင်ငံအပေါ် ဖိအားပေးမှုတွေ တိုးလာ

အာဏာသိမ်းစစ်ကောင်စီကို အရေးယူဖို့ အာဆီယံဥက္ကဌ အင်ဒိုနီးရှားနိုင်ငံအပေါ် ဖိအားပေးမှုတွေ တိုးလာ

📅 💬 မှတ်ချက်

ဧရာဝတီတိုင်းမ်

ဇန်နဝါရီလ ၃၀ ရက်

လွန်ခဲ့တဲ့နှစ်နှစ်က ရွေးကောက်ခံအစိုးရတစ်ရပ်ထံကနေ အာဏာသိမ်းယူခဲ့တဲ့ မြန်မာစစ်တပ်ကို သင့် လျော်သော တုံ့ပြန်မှုတစ်ခု လုပ်ဆောင်ဖို့ ၂၀၂၃ ခုနှစ် အာဆီယံအလှည့်ကျဥက္ကဌတာဝန်ယူထားတဲ့ အင်ဒိုနီးရှားနိုင် ငံအပေါ် ဖိအားတွေ ပေးနေပါတယ်။

 

မြန်မာ့အရေး ပြည်တွင်းစစ်အဖြစ် ပြောင်းလဲသွားတာ ဘုံသဘောတူညီချက်ငါးရပ်အဖြစ် လူသိများတဲ့ အာဆီယံငြိမ်းချမ်းရေး စီမံချက်ကို ထိထိရောက်ရောက် ပယ်ဖျက်ခဲ့ပေမယ့် အင်ဒိုနီးရှားသမ္မတ ဂျိုကိုဝီဒိုဒိုအတွက် မြန်မာစစ်တပ် အကြီးအကဲ မင်းအောင်လှိုင်ကို ပြင်းထန်တဲ့အရေးယူမှုပြုလုပ်ဖို့ လမ်းဖွင့်ပေးခဲ့ပါတယ်။

 

၂၀၂၁ ခုနှစ် ဖေဖော်ဝါရီလ ၁ ရက် အာဏာသိမ်းမှုနောက်ပိုင်း ဘရူနိုင်းနဲ့ ကမ္ဘောဒီးယားဉီးဆောင်တဲ့ အာ ဆီယံအဖွဲ့ဝင်ကိုးနိုင်ငံကို မြန်မာစစ်ကောင်စီက စမ်းသပ်ခဲ့ပေမယ့် မျှော်လင့်သလို ဖြစ်မလာခဲ့ဖူးလို့ ဖနောင်ပင်မြို့ တော်အခြေစိုက် Risk Analysis & Resources International မှ ညွှန်ကြားရေးမှူး ရော့စ်မီလိုဆီဗစ်က ပြောပါ တယ်။

 

အာဆီယံအဖွဲ့က အမြဲတမ်းဆိုသလို အခြားနိုင်ငံရဲ့ပြည်တွင်းရေးကို မစွက်ဖက်ရဆိုတဲ့ မူဝါဒကျင့်သုံးခဲ့ ပေမယ့် ဒီအစီအစဉ်က မအောင်မြင်မှုတစ်ခု ဖြစ်ခဲ့ပါတယ်။ အာဆီယံအဖွဲ့က မြန်မာ့အရေးကို မှန်ကန်တဲ့ နည်း လမ်းတစ်ခုနဲ့ ဖြေရှင်းခဲ့တယ်လို့ ကျွန်တော် မထင်ပါဘူး လို့ သူက ဆိုပါတယ်။

 

နှစ်နှစ်ကြာတဲ့အခါမှာ အာဆီယံ ဘုံသဘောတူညီချက်ငါးရပ်ဟာ ပြီးဆုံးသွားခဲ့ပြီလို့ လူ့အခွင့်အရေးဆိုင် ရာ အာဆီယံ လွှတ်တော်အမတ်များအဖွဲ့မှ ချားလ်ဆန်တီယာဂိုက ပြောပါတယ်။ ဘရူနိုင်းနဲ့ ကမ္ဘောဒီးယားနိုင်ငံ တွေက အာဆီယံ အလှည့်ကျဥက္ကဌတာဝန်ထမ်းဆောင်ခဲ့ချိန် အာဆီယံထိပ်သီးဆွေးနွေးပွဲမှာ မြန်မာနိုင်ငံကို တက် ရောက်ခွင့် ပိတ်ပင်ခဲ့ပါတယ်။

 

ဘရူနိုင်းနဲ့ ကမ္ဘောဒီးယားနိုင်ငံက အမျိုးသားညီညွတ်ရေးအစိုးရ (NUG) ၊ ပြည်သူ့ကာကွယ်ရေးတပ်ဖွဲ့ (PDF) တို့နဲ့ စေ့စပ်ညှိနှိုင်းတာ မပြုလုပ်ခဲ့ပါဘူး။ ပြည်သူ ၂၇၀၀ ကျော်ကို သတ်ဖြတ်ခဲ့တဲ့ မြန်မာစစ်တပ်နဲ့ အာဆီ ယံအဖွဲ့ကြား ဆက်ဆံရေး ပုံမှန်ပြန်ဖြစ်စေဖို့တောင် ကမ္ဘောဒီးယားနိုင်ငံက ကြိုးပမ်းခဲ့ပါသေးတယ်။ ပြည်သူ ၁၃၆၀၀ ကျော် ထိန်းသိမ်းခံနေရဆဲဖြစ်ပြီး အရပ်သား တစ်သန်းကျော် အိုးအိမ်စွန့်ခွာခဲ့ရပါတယ်။

ရွေးကောက်ပွဲဆိုင်ရာ ဥပဒေတွေက NUG နဲ့ အခြား နိုင်ငံရေးပါတီတွေ ယှဉ်ပြိုင်ဖို့မဖြစ်နိုင်အောင် ပြုလုပ် ထားတာကြောင့် အာဏာသိမ်းစစ်ကောင်စီရဲ့ ကတိပြုထားတဲ့ ရွေးကောက်ပွဲဟာ ရယ်ဖွယ်ကောင်းတယ်လို့ ဆန် တီယာဂိုက ပြောပါတယ်။ အာဏာသိမ်းစစ်ကောင်စီရဲ့ ရွေးကောက်ပွဲကြောင့် အာဆီယံအဖွဲ့အတွင်း သဘောထား ကွဲလွဲမှုတွေ ဖြစ်လာနိုင်ပါတယ်။

အာဆီယံအဖွဲ့အတွင်း အရပ်သားအစိုးရကို စစ်တပ်က ထိန်းချုပ်နိုင်တဲ့ ဘယ်လိုရလဒ်မျိုးကိုမဆို ထိုင်း၊ ကမ္ဘောဒီးယားနဲ့ လာအိုနိုင်ငံတွေက ထောက်ခံမှာဖြစ်ပြီး အာဆီယံပြင်ပမှာ စစ်ကောင်စီခေါင်းဆောင် မင်းအောင် လှိုင်ဟာ တရုတ်၊ ရုရှားနဲ့ အိန္ဒိယနိုင်ငံတွေရဲ့ ထောက်ခံမှုကို ရရှိနိုင်တယ်လို့ ဆန်တီယာဂိုက ဆိုပါတယ်။

စစ်ကောင်စီရဲ့ ရွေးကောက်ပွဲက အာဆီယံကို အရူးလုပ်တယ်ဆိုတာ အင်ဒိုနီးရှားနိုင်ငံက မလေးရှား၊ စင် ကာပူ၊ ဖိလစ်ပိုင်နဲ့ ဘရူနိုင်းကို ပြောသင့်ပါတယ်။ ဗီယက်နမ်နိုင်ငံကတော့ ခေါင်းဆောင်ပိုင်း အပြောင်းအလဲ ကြောင့် ပြောရခက်ပါတယ် လို့ သူက ဆိုပါတယ်။

ပထဝီအနေအထား၊ လူဉီးရေနဲ့ စီးပွားရေးအင်အားအရ အင်ဒိုနီးရှားနိုင်ငံဟာ အာဆီယံဒေသရဲ့ အင်အား ကြီးတိုင်းပြည်ဖြစ်ပါတယ်။ အင်ဒိုနီးရှားဟာ ကမ္ဘာ့တတိယအကြီးမားဆုံး ဒီမိုကရေစီတိုင်းပြည်ဖြစ်ပြီး အနောက် နိုင်ငံတွေနဲ့ ခိုင်မာသောဆက်ဆံမှုရှိကာ ဘရူနိုင်း၊ မလေးရှားတို့နဲ့အတူ အာဆီယံအဖွဲ့အတွင်း အစ္စလာမ်သုံးနိုင်ငံ ဖြစ်ပါတယ်။

မြန်မာနိုင်ငံကို အရည်အချင်းရှိတဲ့သူတွေ အုပ်ချုပ်ပါစေ လို့ မကြာသေးမီကကျင်းပတဲ့ ကမ္ဘာ့စီးပွားရေး ဖိုရမ်မှာ အင်ဒိုနီးရှား ပင်လယ်ရေကြောင်းနှင့် ရင်းနှီးမြှုပ်နှံမှုဝန်ကြီး လူဟတ်ပန်ဂျိုင်တန်က ပြောကြားခဲ့ပါတယ်။ တစ်ချိန်တည်းမှာဘဲ သက်ဆိုင်ရာ အဖွဲ့အစည်းအားလုံးနဲ့ ထိတွေ့ဆက်ဆံဖို့ မြန်မာနိုင်ငံဆိုင်ရာ အထူးကိုယ်စား လှယ်ရုံးတစ်ခု ထူထောင်မယ်လို့ အင်ဒိုနီးရှား နိုင်ငံခြားရေးဝန်ကြီး ရတ်နိုမာဆူဒီက ပြောပါတယ်။

အင်ဒိုနီးရှားဝန်ကြီးတွေရဲ့ ထိုသို့သောပြောကြားချက်တွေကြောင့် စစ်ကောင်စီက ကြေညာချက်တစ်ရပ် ထုတ်ပြန်ကာ အကြမ်းဖက်အဖွဲ့တွေ၊ တရားမဝင်အသင်းအဖွဲ့တွေနဲ့ မထိတွေ့ဖို့ အာဆီယံကို သတိပေးခဲ့ပါတယ်။

အင်ဒိုနီးရှားနိုင်ငံက လုပ်ဆောင်မယ့်အရာတွေထဲမှာ အာဆီယံအဖွဲ့မှာ မြန်မာထိုင်ခုံနေရာ NUG သို့ လွှဲ ပြောင်းပေးခြင်း၊ အာဏာသိမ်းစစ်ကောင်စီနဲ့ ဆက်ဆံမှုအားလုံး ဖြတ်တောက်ခြင်း၊ စစ်တပ်ပိုင်ကုမ္ပဏီတွေအပေါ် ဒဏ်ခတ်အရေးယူတာနဲ့ လက်နက်တင်ပို့မှု ပိတ်ပင်တာတွေ ပါဝင်နိုင်တယ်လို့ လေ့လာသူတွေက ပြောပါတယ်။

ဒါ့အပြင် လေယာဉ်ဆီတင်သွင်းမှုပိတ်ပင်တာ၊ No-fly zone သတ်မှတ်တာ၊ စစ်ဘေးရှောင်တွေအတွက် safe zone သတ်မှတ်တာနဲ့ အာဆီယံ ဘုံသဘောတူညီချက်အောက်မှာ ဖြစ်မလာတဲ့တဲ့ လူသားချင်းစာနာမှု အကူ အညီ ပေးအပ်ခွင့်ပြုတာတွေ ပါဝင်နိုင်ပါတယ်။

အင်ဒိုနီးရှားနိုင်ငံဟာ စီးပွားရေးအရ ထိရောက်သော တိုင်းပြည်တစ်ခုဖြစ်သလို ကမ္ဘာ့နိုင်ငံတွေနဲ့ ထိ တွေ့ဆက်ဆံမှုအားကောင်းတာကြောင့် မြန်မာစစ်တပ်အပေါ် မယုံကြည်နိုင်စရာ ဖိအားပေးလာပါလိမ့်မယ်။ ဒါ ဟာ ပြည်တွင်းစစ်တစ်ခုဖြစ်ပါတယ် လို့ မီလိုဆီဗစ်က ပြောပါတယ်။

မြန်မာနိုင်ငံဆိုင်ရာ အထူးအကြံပေးကောင်စီမှ ကျွမ်းကျင်သူတွေရဲ့ ပြီးခဲ့တဲ့နှစ် စက်တင်ဘာလအတွင်း ထုတ်ပြန်ခဲ့တဲ့ အစီရင်ခံစာအရ မင်းအောင်လှိုင်နဲ့ သူ့ရဲ့စစ်တပ်ဟာ ပြင်ပကမ္ဘာနဲ့ ထိတွေ့ဆက်ဆံဖို့ ထိရောက် သော ပိုင်နက်နယ်မြေထိန်းချုပ်မှု မပြုလုပ်နိုင်ဘူးလို့ ဖော်ပြခဲ့ပါတယ်။

ဒီအစီရင်ခံစာက နိုင်ငံတကာစံချိန်တွေကို အသုံးပြုပြီး တိုင်းပြည်တစ်ပြည်ရဲ့ ပိုင်နက်နယ်မြေ ထိန်းချုပ် နိုင်မှုကို စံသတ်မှတ်ချက်တွေနဲ့ ထုတ်ပြန်ခဲ့တာဖြစ်ပြီး NUG နဲ့ အာဏာရှင်တော်လှန်ရေးတပ်ဖွဲ့တွေက တိုင်းပြည် ရဲ့ ၅၂ ရာခိုင်နှုန်းကို ထိန်းချုပ်ထားတယ်လို့ ဆိုပါတယ်။

မြန်မာစစ်တပ်ဟာ တိုင်းပြည်ရဲ့ပိုင်နက်နယ်မြေ ၂၃ ရာခိုင်နှုန်းမှာ PDF တွေ၊ အခြား ခုခံတွန်းလှန်ရေး တပ်ဖွဲ့တွေနဲ့ ယှဉ်ပြိုင်နေရပြီး အာဏာသိမ်းစစ်ကောင်စီ တိုင်းပြည်ရဲ့ ၁၇ ရာခိုင်နှုန်းကိုသာ ထိန်းချုပ်နိုင်တယ်လို့ အစီရင်ခံစာက တွေ့ရှိခဲ့ပါတယ်။

မြန်မာနိုင်ငံမှာ လူနည်းစုတိုင်းရင်းသား ၁၃၅ မျိုးရှိပြီး ၁၄ မျိုးက PDF တွေ ဖွဲ့စည်းကာ ဗီယက်နမ်စစ်ပွဲ ကာလအတွင်း ဗီယက်ကောင်းတွေ အသုံးပြုတဲ့ ပစ်ရှောင်ပြေး နည်းဗျူဟာနဲ့ ပြောကျကွားစဈကို အသုံးပြုကာ တိုက်ပွဲတွေကို တောထဲမှသည် မြို့ပြအထိ ဆင်နွှဲနေတယ်လို့ မီလိုဆီဗစ်က ပြောပါတယ်။

PDF တွေက မြန်မာစစ်တပ်ကို တိုက်ခိုက်နေပြီး မြေပြင်မှာ အနိုင်ရရှိနေပေမယ့် စစ်တပ်ကတော့ လေ ကြောင်းပစ်ကူနဲ့သာ တိုက်ပွဲဝင်နေရတာကြောင့် PDF နဲ့ တိုင်းရင်းသားလက်နက်ကိုင်အဖွဲ့တွေအတွက် အခက်အ ခဲရှိနေပါတယ် လို့ သူက ထောက်ပြပါတယ်။

ခြောက်သွေ့ရာသီ စတင်ပြီဖြစ်တာကြောင့် PDF တွေက မြန်မာစစ်တပ်ကို နေ့စဉ် ခြုံခိုတိုက်ခိုက်နေတာ ဗီယက်နမ်စစ်ပွဲကာလအတွင်း ဗီယက်ကောင်းတွေ ပြုလုပ်ခဲ့သလို ထိရောက်သော နည်းလမ်းတစ်ခုဖြစ်တယ်လို့ မီလိုဆီဗစ်က ဆိုပါတယ်။

၂၀၂၃ ခုနှစ်အတွက် အာဆီယံရဲ့ နိုင်ငံခြားရေးမူဝါဒ ချမှတ်မယ့် ဖေဖော်ဝါရီလ ၃ ရက်မှ ၄ ရက်အထိ အာဆီယံနိုင်ငံခြားရေးဝန်ကြီးတွေနဲ့ တံခါးပိတ်အစည်းအဝေး ကျင်းပတဲ့အခါ မြန်မာ့အရေးကို ဉီးစားပေးမယ်လို့ မျှော်မှန်းရကြောင်း ဆန်တီယာဂိုက ပြောပါတယ်။

VOA ဝဘ်ဆိုဒ်မှာ ဆောင်းပါးရှင် Luke Hunt ရေးသားထားတဲ့ Pressure Mounts on ASEAN Chair Indonesia to Act on Myanmar ကို ဆီလျော်အောင် ဘာသာပြန်ထားပါတယ်။

#Ayeyarwaddy_Times

ဆက်ဖတ်ရန် →