ဇော်မဲလုံး ဂြိုဟ်ကောင်မို့ ဒီနာမည်နဲ့ပဲ ကိုက်ပါတယ်

ဇော်မဲလုံး ဂြိုဟ်ကောင်မို့ ဒီနာမည်နဲ့ပဲ ကိုက်ပါတယ်

📅 💬 မှတ်ချက်

​🛑 စစ်ကောင်စီကို တောင်ကိုရီးယားက အံ့ဩနေ.. 🛑

‘ယူကရိန်း ကျူးကျော်မှုနဲ့ ပတ်သက်ပြီး မြန်မာစစ်ကောင်စီက ရုရှားကို ထောက်ခံသည်... ‘ ဆိုတဲ့ခေါင်းစဉ်နဲ့ တောင်ကိုရီးယား သတင်းစာတွေမှာ ပါလာတာ ၂၆ ရက်နေ့ကတည်းကပါ..။

"ရုရှားစစ်တပ်ဟာ သူ့ရဲ့ အချုပ်အခြာအာဏာကို ထိန်းသိမ်းဖို့ လုပ်ဆောင်ချက်တွေ လုပ်ဆောင်ခဲ့တာပါ" လို့ စစ်အုပ်ချုပ်ရေး ပြောရေးဆိုခွင့်ရှိသူ 조 민 툰 — ဂျိုမင်းထွန်းက ပြောပါတယ်လို့ တောင်ကိုရီးယား သတင်းတွေကဖော်ပြထားတယ်။

( မှတ်ချက်— ကိုရီးယားလို ‘ဇော်’ က စာလုံးပေါင်းမရှိတော့ ‘조 -ဂျို‘ လို့ရေးထားတယ်။ ဇော်မဲလုံး ဂြိုဟ်ကောင်မို့ ဒီနာမည်နဲ့ပဲ ကိုက်ပါတယ်..😌..။)

🛑

မနှစ်က ဇွန်လမှာ ရုရှားက မြန်မာစစ်ဦးစီးချုပ်ကို ကြိုဆိုဂုဏ်ပြုတပ်ဖွဲ့နဲ့ ကြိုဆိုခဲ့တယ်..။

“ယူကရိန်းကို ရုရှားကျူးကျော်ဝင်ရောက်မှုဟာ တရားမျှတမှုဖြစ်တယ်”  လို့ မြန်မာစစ်ကောင်စီက ၂၆ ရက်နေ့ထုတ် AFP သတင်းမှာ ဖော်ပြထားပါတယ်။

မြန်မာစစ်ကောင်စီက ရုရှားဘာသာနဲ့ပါ ကြေညာချက်ထုတ်ပြန်ခဲ့တယ်။

 ရုရှားဟာ မြန်မာစစ်တပ်ကို အဓိက လက်နက် တင်သွင်းနေတဲ့ မဟာမိတ်ဖြစ်တယ်။

မြန်မာစစ်တပ်ဟာ လက်နက်မျိုးစုံရဲ့ ၁၆% ကို ၂၀၁၄ ကနေ ၂၀၁၉  ခုနှစ်အတွင်းရုရှားနိုင်ငံက ၀ယ်ယူခဲ့တယ်။

၂၀၁၉ မှာ ရုရှားက Su-30 တိုက်လေယာဉ်ခြောက်စင်းကို ဝယ်ယူခဲ့တယ်။

မနှစ်က ဇန်နဝါရီမှာ လေကြောင်းရန်ကာကွယ်ရေးစနစ်တွေနဲ့ ကင်းထောက်ဒရုန်းတွေကို မိတ်ဆက်ဖို့အတွက် ရုရှားနဲ့ စာချုပ်ချုပ်ခဲ့တယ်။

🛑

အမေရိကန်နဲ့ အခြား အနောက်နိုင်ငံတွေက ရုရှားကို ပိတ်ဆို့အရေးယူမှု အမျိုးမျိုး ချမှတ်ခဲ့တယ်။

တရုတ်နဲ့အတူ နိုင်ငံတကာက စစ်အာဏာရှင်တွေက ရုရှားကို ထောက်ခံအားပေးနေတယ်။

အဲ့ဒီနိုင်ငံတွေအားလုံးကလည်း  ကုလသမဂ္ဂ လုံခြုံရေးကောင်စီရဲ့ ပိတ်ဆို့အရေးယူခံရတဲ့ နိုင်ငံတွေပါ..။

 🛑🛑🛑

ဒါတောင်ကိုရီးယားမှာ အခုတလော  issue ဖြစ်နေတဲ့ မြန်မာ သတင်းပါ။

ရှက်တယ်..။

မြန်မာစစ်ကောင်စီဟာ ရုရှားအပေါ်ထားတဲ့ သဘောထားကို စာထုတ်တယ်။

ဒါဟာ ကမ္ဘာ့အလယ်မှာ ရှက်ဖွယ်လိလိ ‘လူသတ်အားပေးတယ်’ လို့စာထုတ်တာပါ။

‘လူသတ်သမား ပူတင်အပေါ် ထားတဲ့ စစ်ကောင်စီတို့ရဲ့ မြင့်မြတ်သောနှလုံးသား’ 

‘လူသားမျိုးနွယ် အစုလိုက်အပြုံလိုက် သတ်ဖြတ်ခြင်း ဆိုတာကို နားလည်ပေးတတ်တဲ့ ကို သဘောထားကြီးသူများ’

မြန်မာပြည်မှာ နင်တို့ရှိနေတာ ရှက်တယ်။

🛑 🛑 🛑

မရွှေမိုး- ကိုရီးယား

March 2nd,2022. 

[우크라 침공] 미얀마 군정, 러시아 지지.."주권 유지 위한 행동"

김범수

입력 2022. 02. 26. 10:18

ဆက်ဖတ်ရန် →

စစ်ကောင်စီထံ တင်သွင်းပေးခဲ့တဲ့ လက်နက်ပွဲစားများ

စစ်ကောင်စီထံ တင်သွင်းပေးခဲ့တဲ့ လက်နက်ပွဲစားများ

📅 💬 မှတ်ချက်

​စစ်အာဏာသိမ်းပြီးနောက်ပိုင်း ဘီလာရုစ်၊ ရုရှား၊ ဂျာမနီ တို့က လက်နက်တွေကို စစ်ကောင်စီထံ တင်သွင်းပေးခဲ့တဲ့ လက်နက်ပွဲစားများ

ရန်ကုန် ၊မတ် ၂ 

ခေတ်သစ်မီဒီယာ

ကုန်သွယ်ရေးဒေတာဘေ့စ် Import Genius ရဲ့  အချက်အလက်တွေအရတော့ ၂၀၂၁ ခုနှစ်၊ မတ်လတွင် Dynasty International ဟာ  Mi-17 စက်ပစ္စည်းအစိတ်အပိုင်းတွေကို Ural Avia ထံမှ တင်သွင်း ခဲ့တယ်လို့သိရှိရပါတယ်။ Ural Avia ကုမ္ပဏီ ဟာ ရုရှားနိုင်ငံ၊ Yekaterinburg မြို့ အခြေစိုက်Mil ရဟတ်ယာဥ် အစိတ်အပိုင်း ထုတ်လုပ်ပြုပြင်တဲ့ ကုမ္ပဏီတစ်ခုလည်းဖြစ်ပါတယ်။ 

မြန်မာစစ်တပ်အတွက် အရေးကြီးတဲ့ စစ်လက်နက် ကုန်သွယ်ရေးကုမ္ပဏီ Dynasty International ဟာ စစ်တပ်အာဏာသိမ်းယူပြီးတဲ့ နောက်ပိုင်း ဘီလာရုစ်၊ ရုရှား၊ ဂျာမနီ နိုင်ငံတွေ ကထုတ်လုပ်တဲ့ စစ်လက်နက်ပစ္စည်းတွေကို အကြမ်းဖက်စစ်ကောင်စီအတွက် ဝယ်ယူပေးခဲ့တယ်လို့ Justice For Myanmar က ထုတ်ပြန်လိုက်ပါတယ်။

လက်နက်ပွဲစား ကုမ္ပဏီ Dynasty International ကို ဒေါက်တာအောင်မိုးမြင့်က ဦးဆောင်ပြီး သူဟာ ဘီလာရုစ်နိုင်ငံရဲ့ မြန်မာနိုင်ငံ ဆိုင်ရာဂုဏ်ထူးဆောင်ကောင်စစ်ဝန်နဲ့ မြန်မာနိုင်ငံရှိ ဘီလာရုစ်ကုန်သည်ကြီးများနှင့် စက်မှုလုပ်ငန်း ရှင်များအသင်းရဲ့ ကိုယ်စားလှယ်လည်း ဖြစ်ပါတယ်။

Dynasty International ကို ဒေါက်တာအောင်မိုးမြင့် နဲ့အတူ သူရဲ့ အမွှာညီအစ်ကိုဖြစ်သူ လှိုင်မိုးမြင့်နဲ့ မျိုးသစ္စာ ဆိုတဲ့ မြန်မာ အမျိုးသားတစ်ဦး တို့ကဦးစီးလုပ်ကိုင်နေတာဖြစ်တယ်လို့ Justice For Myanmar ရဲ့ထုတ်ပြန်ချက်တွေ အရသိရှိရပါတယ်။ 

ဒေါက်တာအောင်မိုးမြင့် နဲ့ လှိုင်မိုးမြင့်တို့ဟာ ယခင်နအဖ စစ်အစိုးရပြည်ထဲရေး ဝန်ကြီး ဒုတိယဗိုလ်ချုပ်ကြီးဖုန်းမြင့်ရဲ့ သားတွေ ဖြစ်တယ်လို့လည်းသိရှိရပါတယ်။ 

ကုန်သွယ်ရေးဒေတာဘေ့စ် ImportGenius ရဲ့  အချက်အလက်တွေအရတော့ ၂၀၂၁ ခုနှစ်၊ မတ်လတွင် Dynasty International ဟာ  Mi-17 စက်ပစ္စည်းအစိတ်အပိုင်းတွေကို Ural Avia ထံမှ တင်သွင်း ခဲ့တယ်လို့သိရှိရပါတယ်။ Ural Avia ကုမ္ပဏီ ဟာ ရုရှားနိုင်ငံ၊ Yekaterinburg မြို့ အခြေစိုက်Mil ရဟတ်ယာဥ် အစိတ်အပိုင်း ထုတ်လုပ်ပြုပြင်တဲ့ ကုမ္ပဏီတစ်ခုလည်းဖြစ်ပါတယ်။ 

Dynasty International ကုမ္ပဏီ ကတင်သွင်းပေးခဲ့တဲ့  Mi-17 ရဟတ်ယာဥ်တွေကို မြန်မာစစ်တပ်က  စစ်ဘက်သယ်ယူပို့ဆောင်ရေးအတွက် အဓိက အသုံးပြုတယ့်လည်းသိရှိရပါတယ်။ 

ဘီလာရုစ် က မြန်မာစစ်တပ်အတွက်  စစ်လက်နက်ရောင်းချမှုတွေမှာ ၂၀၁၆ ခုနှစ်က ပေးပို့ခဲ့သော Kvadrat-M မြေပြင်မှဝေဟင်ပစ် လေကြောင်းရန်ကာ ကွယ်ရေး ဒုံးကျည်စနစ် နှစ်ခု၊ ၂၀၁၅-၁၆ ခုနှစ်တွင် ပေးပို့ခဲ့သည့် 3M9 မြေပြင်မှဝေဟင်ပစ် ဒုံးကျည် (၁၀၀)၊ ၂၀၁၉ ခုနှစ်တွင် ပေးပို့ခဲ့တဲ့ Mi24/Mi-35 တိုက်ခိုက်ရေး ရဟတ်ယာဥ်  ( ၂ )စီးတို့ ပါဝင်ပါတယ်။ 

Justice For Myanmar ရဲ့ထုတ်ပြန်ချက်တွေအရ ဒေါက်တာအောင်မိုးမြင့်ဟာ  မြန်မာစစ်တပ်အတွက် ဘီလာရုစ်နိုင်ငံက စစ်လက်နက်ဝယ်ယူ မှုတွေမှာလည်း အဓိကအခန်းကဏ္ဍမှ ပါဝင်ခဲ့ဖွယ်ရှိတယ်လို့ဆိုပါတယ်။ 

၂၀၁၃ ခုနှစ်က Dynasty International နဲ့ ဘီလာရုစ်ကုမ္ပဏီ လက်နက်ကုမ္ပဏီ Tetraedr UE တို့ အပြန်အလှန်ဆက်သွယ်ထားတဲ့  Email တစ်စောင်ပေါက်ကြားလာခဲ့ပြီး အဲ့ဒီ အီးမေးလ် ထဲမှာတော့ စစ်လက်နက်ရောင်းချမှု ညှိနှိုင်းပေးခြင်းအတွက် Dynasty က ဝန်ဆောင်ခ ရရှိမှာဖြစ်ပြီး ပူးပေါင်းဆောင် ရွက်ရေး သဘောတူစာချုပ်ညှိနှိုင်းဆွေးနွေးမှုအရ  Tetraedr ကရောင်း ချခဲ့သော စစ်လက်နက်ပစ္စည်းထဲမှာ  ဒုံးကျည်စနစ်များ၊ ရေဒါနဲ့ လေကြောင်းပစ်မှတ်စနစ်များ ပါဝင်နေတယ်လို့ သိရှိရပါတယ်။

မြန်မာစစ်တပ်ရဲ့ တရားမဝင်အာဏာသိမ်းကြိုးပမ်းမှုနောက်ပိုင်းမှာတော့  ဒေါက်တာအောင်မိုးမြင့်ဟာ စစ်ကောင်စီနဲ့  ဘီလာရုစ် အစိုးရ နှစ်ဘက်ပူးပေါင်းဆောင်ရွက်မှု တိုးချဲ့မြင့်တင်နိုင်ရေးအတွက် ဘီလာရုစ် နိုင်ငံကိုသွားရောက်ခဲ့ပါတယ်။ 

အဲ့ဒီခရီးစဥ်အတွင်းမှာပဲ  ဒေါက်တာအောင်မိုးမြင့်ကို ဘီလာရုစ်အစိုးရက ဂုဏ်ထူးဆောင်ကောင်စစ်ဝန်အဖြစ် ဆုတံဆိပ်တစ်ခုကိုလည်း ပေးအပ်ချီးမြှင့်ခဲ့တယ်လိုံ သိရှိရပါတယ်။ 

ဘီလာရုစ်နိုင်ငံဟာ  ပြီးခဲ့တဲ့ ဇွန်လက ပြုလုပ်ခဲ့တဲ့ကုလသမဂ္ဂအထွေထွေညီလာခံမှာ ကုလသမဂ္ဂအဖွဲ့ဝင်နိုင်ငံတွေ ကတောင်းဆိုခဲ့တဲ့ “မြန်မာနိုင်ငံသို့ စစ်လက်နက်စီးဝင်မှုမှကာကွယ်ရေး” အဆိုကို ကန့်ကွက်ခဲ့တဲ့ တစ်ခုတည်းသောနိုင်ငံ ဖြစ်ခဲ့ပါတယ်။

Dynasty International ဟာ ဂျာမနီလေယာဉ်ထုတ်လုပ်ရေးကုမ္ပဏီ Grob Aircraft SE ရဲ့ မိတ်ဖက် ကုမ္ပဏီ တစ်ခုလည်း ဖြစ်တယ့်သိရှိရပါတယ်။

 မြန်မာ့လေတပ်ဟာ Grob G 120P အမောင်းသင် လေယာဉ် ၂၀ ပါဝင်တဲ့ လေယာဥ်အုပ် တစ်အုပ်ကို ပိုင်ဆိုင်ထားပြီး အဲ့ဒီလေယာဉ်တွေကို  ဒေါက်တာအောင်မိုးမြင့်က ပွဲစားအဖြစ် ဝယ်ယူပေးခဲ့တာဖြစ်တယ်လို့ Justice For Myanmar ဖော်ပြထားပါတယ်။

မြန်မာစစ်တပ်က ရိုဟင်ဂျာများအပေါ် လူမျိုးတုန်းသတ်ဖြတ်မှုစစ်ဆင်ရေး ပြုလုပ်နေချိန် ၂၀၁၇ ခုနှစ်၊ ဩဂုတ်လ ၃၁ ရက်နေ့မှာလည်း  Grob ကုမ္ပဏီက နိုင်ငံခြားသားကျွမ်းကျင်ပညာရှင်တွေ ဟာလေယာဉ်ပြုပြင်ထိန်းသိမ်းရေးစာချုပ်တစ်ရပ် ချုပ်ဆိုနိုင်ဖို့အရေး အဆင့်မြင့်လေတပ်အရာရှိကြီးများနှင့် အစည်းအဝေး တစ်ခု ပြုလုပ်ခဲ့တယ်လို့ Justice For Myanmar ထုတ်ဖော်ခဲ့ပါတယ်။

လျှို့ဝှက်ပေါက်ကြားလာတဲ့ ကာကွယ်ရေးဝန်ကြီးဌာန စာရွက်စာတမ်းတစ်ခုအရ ၂၀၁၇ ခုနှစ်မှာလည်း Grob ကုမ္ပဏီက မြန်မာစစ်တပ်နဲ့ ယူရို (၃၂၂,၂၉၂) တန် စာချုပ်အရ Dynasty ကုမ္ပဏီသို့ စက်အပိုပစ္စည်း အစိတ်အပိုင်း (၁၄) ခု ပေးပို့ခဲ့တယ်လို့ သိရှိရပါတယ်။

၂၀၂၁ ခုနှစ်၊ မတ်လ ၂၇ ရက်နေ့မှာ ကျင်းပပြုလုပ်တဲ့ တရားမဝင်စစ်ကောင်စီရဲ့  မြန်မာ တပ်မတော်နေ့ စစ်ရေးပြအခမ်းအနားမှာ  Grob လေယာဉ်များ ပါဝင်ပြသခဲ့ပါတယ်။

နိုင်ငံရေးအကျဉ်းသားများ ကူညီစောင့်ရှောက်ရေးအသင်းက ပြုစုထားတဲ့ မှတ်တမ်းတွေ အရ အဲ့ဒီနေ့မှာ   စစ်တပ်၏ ရက်စက် ကြမ်းကြုတ်သည့် အကြမ်းဖက်တိုက်ခိုက်မှုတွေ‌ကြောင့်  လူပေါင်း (၁၆၀) ကျော်သေဆုံးတယ်လို့ သိရှိရပါတယ်။

မြန်မာနိုင်ငံမှာ စစ်တပ်က အာဏာသိမ်းယူပြီးနောက်ပိုင်း ဘီလာရုစ်၊ ရုရှား၊ ဂျာမနီ နိုင်ငံတွေကနေပြီး စစ်ကောင်စီထံ လက်နက်တင်သွင်းပေးနေတဲ့Dynasty International နဲ့ဒေါက်တာအောင်မိုးမြင့် တို့ကတော့ မြန်မာစစ်တပ်ရဲ့  ရက်စက်ကြမ်းကြုတ်သည့်ရာဇဝတ်မှုတွေမှာ  ကြံရာပါအဖြစ်ပတ်သက်နေပြီး ကြီးလေး တဲ့ နိုင်ငံတကာရာဇဝတ်မှုများမှ အကျိုးအမြတ်များ ရရှိနေပါတယ်။ 

Dynasty International နဲ့ သက်ဆိုင်တဲ့ လူပုဂ္ဂိုလ် တွေကို နိုင်ငံတကာက ပိတ်ဆို့အရေးယူဖို့ Justice For Myanmar ကတောင်းဆိုထားပါတယ် ။

ဆက်ဖတ်ရန် →

ဝီရသူက PDF ဖြိုခွဲရေး ဟောပြော

ဝီရသူက PDF ဖြိုခွဲရေး ဟောပြော

📅 💬 မှတ်ချက်

​စစ်ကိုင်းတိုင်းမှာ  ဝီရသူ ဦးဆောင်တဲ့  ပဏ္ဍိတ၊ ဝါသဝ၊ ဝီရရာဇာ အပါအဝင် အစွန်း ရောက် မဘသ ဘုန်းကြီးတွေ လက်နက်ကိုင်ပြီး ပြည်သူကို ကွင်းဆင်းစည်းရုံး၊ စစ်တပ်ထောက်ခံတဲ့ ပြည်သူ့စစ်ဖွဲ့စည်းရေးနဲ့ PDF ဖြိုခွဲရေး ဟောပြော

By ရန်ကုန်ခေတ်သစ်

စစ်တပ်အထိနာနေတဲ့ စစ်ကိုင်းတိုင်းမှာ အမျိုးသားရေး အစွန်းရောက် ဝီရသူ ဦးဆောင်ပြီး အစွန်းရောက် မဘသ ဘုန်းကြီးတွေဖြစ်တဲ့ ပဏ္ဍိတ၊ ဝါသဝ၊ ဝီရ ရာဇာတို့လို အမျိုးသားရေး အစွန်းရောက် ဘုန်းကြီးတွေကိုယ်တိုင် လက်နက်ကိုင်ပြီး PDF ဖြိုခွဲရေး တရားတွေ လိုက်လံဟောပြော စည်းရုံးမှုတွေ လုပ်ဆောင်လာပါတယ်။ 

"အနီ၊ အစိမ်း မခွဲခြားဘူး၊ ဗုဒ္ဓဘာသာ ကိုယ့်မြန်မာလူမျိုးတွေကို ဘုန်းဘုန်းတို့က စောင့်ရှောက်မယ်။ နိုင်ငံရေး အကြောင်းပြ လူသတ်နေတဲ့ PDF အကြမ်းဖက်တွေကို ဖမ်းဆီး နှိမ်နင်းသတ်ဖြတ်ရမယ်" ဆိုတဲ့ အစချီလာတဲ့ PDF ဖြိုခွဲရေး ဟောပြောမှုတွေကို ဝီရသူ အပါအဝင် မဘသ ဘုန်းကြီးတွေက ဘုန်းကြီး ကျောင်းတွေမှာ လူစုခိုင်းပြီး စည်းဝေး ဟောပြောလာတာလည်းဖြစ်ပါတယ်။ 

ဖေဖော်ဝါရီလ ၂၇ ရက်နေ့ စစ်ကိုင်းတိုင်း၊ တန့်ဆည်မြို့နယ် ရတနာကံမြင့်ထယ်ကျောင်းတိုက်မှာ ကျွန်းလည်ရွာ၊ ကဘဲရွာ၊ မူးကျင်းရွာ၊ ဘေရင်း ရွာမှာ အမျိုးသားရေး အစွန်းရောက်  ဦးဝါသဝ၊ဦးပဏ္ဍိတ၊ ဦးဝီရသူတို့က ပြည်သူတွေကို စုရုံးပြီး PDF ဖြိုခွဲရေးတရားတွေ ဟောပြောပါတယ်။ 

ထူးခြားချက်ကတော့ ဦးဝါသ၀နဲ့ ဦးပဏ္ဍိတ အပါအဝင် နောက်လိုက် အမျိုးသားရေး အစွန်းရောက် ဘုန်းကြီး တွေမှာ စက်သေနတ်နဲ့ ပစ္စတိုသေနတ်တွေကို လွယ်ထားတာလည်းဖြစ်ပါတယ်။ သင်္ကန်းနဲ့ လက်နက်ကိုင်ဆောင်ပြီး PDF ဖြိုခွဲရေး လိုက်လံဟောပြောလာတာလည်းဖြစ်ပါတယ်။ 

ဝီရသူနဲ့ မဘသ အစွန်းရောက်ဘုန်းကြီးတွေကို  စစ်တပ်မှ ဗိုလ်ကြီး ကျော် သူရိန်၊ ကျေးရွာ ပြည်သူ့စစ်အမည်ခံ အဖွဲ့ခေါင်းဆောင် ဦးညွန့်ခိုင်တို့က လုံခြုံရေးယူပေးထားကြပါတယ်။  

ဒါ့အပြင် ဘုန်းကြီးကျောင်းတွေမှာ အခြေပြုပြီး ကွပ်ကဲရေး စခန်းဖွင့်တာ၊ လေ့ကျင့်ရေး စခန်းဖွင့်တာတွေ ပြည်သူ့စစ်ဌာနချုပ်စခန်းပုံစံ တပ်စွဲတာတွေကိုလည်း စစ်တပ်ဘက်က လုပ်ဆောင်လာပါတယ်။ 

သာမန် စစ်ကြောင်းတွေ ဝင်ရင် ခက်ခဲနေတဲ့ စစ်ကိုင်းတိုင်းကျေးရွာတွေမှာ သင်္ကန်းစည်းထားတဲ့ အမျိုးသားရေး မဘသ ဆရာတွေကို လက်နက်ကိုင်ဆောင် ဝင်ရောက်စေပြီး လူထုစည်းရုံးမှုတွေ လုပ်လာတာလည်းဖြစ်ပါတယ်။ ပြည်သူ့စစ်အဖွဲ့တွေကို မဘသ အစွန်းရောက် ဘုန်းကြီးတွေဘက်က ဦးဆောင် ဖွဲ့ပေးလာနေပြီး အခုဆိုရင် ပြည်သူ့စစ်အမည်ခံ အဖွဲ့ ၇၇ ဖွဲ့နဲ့ လက်နက်ပေါင်း ၂၀၈၀ တပ်ဆင်ပြီးဖြစ်ပါတယ်။

ဝီရသူနဲ့ အတူ တန့်ဆည် ရတနာကံမြင့်ထယ်ကျောင်းတိုက်မှာ ဟောပြောသွားတဲ့ ပဏ္ဍိတ၊ ဝါသဝတို့ အကြောင်းကိုလည်း လေ့လာကြည့်ရအောင်ပါ။ 

ဝါသ၀ (ပစ္စတိုလွယ် ဘုန်းကြီး) 

=======================

ဖေဖော်ဝါရီလ ၂၇ ရက်နေ့ တန့်ဆည်မြို့နယ်၊ ရတနာကံမြင့်ထယ်ကျောင်းတိုက်မှာ ပစ္စတိုလွယ်ပြီး ဝင်လာတဲ့ မဘသ ဘုန်းကြီးကတော့ ဝါသ၀ ဖြစ်ပါတယ်။ 

သူ့ကတော့ ကန့်ဘလူမြို့နယ် မှော်တော်ရွာ ကျောင်းထိုင် ဘုန်းကြီးဖြစ်ပါတယ်။ အမျိုးသားရေး  တက်ကြွ လှုပ်ရှားသူဖြစ်ပေမယ့် နာမည်သိပ်မထွက်ပါဘူး။ ဓမ္မစကူးလ်ဖောင်ဒေးရှင်းမှာ တက်တက်ကြွကြွ ပါဝင်နေပြီး ငါးရာငါးဆယ်ဆရာတော်ဆိုတဲ့ အမည်ခံပြီး ကျောင်းသားလူငယ်နဲ့ကလေးငယ်တွေကို ဘာသာရေး သင်တန်းတွေ ပေးနေတဲ့ ဘုန်းကြီးဖြစ်ပါတယ်။ 

မှော်တောကျေးရွာဘက်မှာတော့ ပညာရေး၊ လူမှုရေး ဦးဆောင်တယ်ဆိုပြီး ကြည်ညိုကြသူတွေ ရှိတယ်လို့ သိရပါတယ်။ အခုနောက်ပိုင်းမှာ ဝီရသူနဲ့ ချိတ်ဆက်ပြီး ဘုန်းကြီးတွေ ဦးဆောင်တဲ့ လက်နက်ကိုင် တန်ပြန် ရေး အစီအစဉ်မှာ သူရှေ့ဆုံးက ပါဝင်လာတာဖြစ်ပါတယ်။ 

ပဏ္ဍိတ-တက်ခေတ်ဗန်းမော်(ကျောက်ဆည်)

====================================

ပဏ္ဍိတ-တက်ခေတ်ဗန်းမော်(ကျောက်ဆည်)ကတော့ ဝီရသူရဲ့ လက်ရုံးတစ်ဦး သွေးသောက်တစ်ဦးလည်းဖြစ်ပါတယ်။ ကျောက်ဆည်မှာ မဘသနဲ့ အမျိုးသားရေး အစွန်းရောက် လုပ်ငန်းတွေ ဦးဆောင်နေသလို ကိုယ်တိုင်လည်း လက်နက်ကိုင်ဆောင်ထားပါတယ်။ ရန်ကုန်မှာ အကြမ်းဖက်စစ်သားတွေကို ရိက္ခာလှူဒါန်းတဲ့ ကိစ္စတွေမှာ ပါဝင်အလှူခံပေးသူဖြစ်သလို NLD ခေတ်မှာလည်း NLD ဆန့်ကျင်ရေး ရှေ့ဆုံးက ဦးဆောင် ပါဝင်ခဲ့တဲ့သူဖြစ်ပါတယ်။ 

သူဟာလည်း အခုဆိုရင် ဝီရသူနဲ့ ပူးပေါင်းပြီး ကျေးရွာအခြေပြု ပြည်သူ့စစ်တွေ ပေါ်ပေါက်ရေးနဲ့ PDF ဖြိုခွဲရေးမှာ ရှေ့ဆုံးက ပါဝင်လာနေတာလည်းဖြစ်ပါတယ်။ 

ဝီရရာဇာ

=======

ဝီရရာဇာကလည်း  မန္တလေးမြို့၊ တမ္ပဝတီရပ်မှ မဘသ အမျိုးသားရေး အစွန်း ရောက် ဘုန်းကြီးတစ်ဦးဖြစ်ပြီး ဝီရသူကို အမာခံထောက်ခံသူလည်းဖြစ်ပါတယ်။ သူကတော့ လက်နက် အပြည့်အစုံ ကိုင်လို့ ကျည်ကို လွယ်ထားတာလည်း ဖြစ်ပါတယ်။ 

မဘသအဖွဲ့ရဲ့ ပြန်ကြားရေးအဖြစ်လည်း တာဝန်ယူခဲ့သလို မဟော်သဓာ ကျောင်း ပေါ်ပေါက်ရေးမှာ ဦးဆောင်ခဲ့တဲ့ ဘုန်းကြီးလည်းဖြစ်ပါတယ်။ 

စစ်တပ်ထောက်ခံတဲ့ မဘသဘုန်းကြီးတွေရဲ့ ပြည်သူ့စစ်မဟာဗျူဟာ

======================================

ဝီရသူနဲ့ မဘသ ဘုန်းကြီးတွေကတော့ အနီ၊ အစိမ်းမခွဲခြားဘဲ ဗုဒ္ဓဘာသာဝင်မှန်သမျှ ကာကွယ်ပေးမယ်ဆိုတဲ့ ကြွေးကြော် စည်းရုံးလာတဲ့ လက်နက်ကိုင် တန်ပြန် စစ်ရေး လှုပ်ရှားမှုက စစ်ကောင်စီရဲ့ ပြည်သူ့စစ်ဗျူဟာရဲ့ တစ်စိတ်တစ်ပိုင်းအဖြစ် ပါဝင်လာတာဖြစ်ပြီး အောင်မြင်လာတယ်ဆိုရင်တော့ တစ်နိုင်ငံလုံးအတိုင်းအတာနဲ့ တိုးချဲ့လုပ်ဆောင်ဖို့ ဦးတည်နေတာလည်းဖြစ်ပါတယ်။

ဆက်ဖတ်ရန် →

တရုတ်ဆိုရှယ်မီဒီယာတွေမှာ ပူတင်ကိုမဟာသူရဲကောင်းအဖြစ်ချီးကျူး

တရုတ်ဆိုရှယ်မီဒီယာတွေမှာ ပူတင်ကိုမဟာသူရဲကောင်းအဖြစ်ချီးကျူး

📅 💬 မှတ်ချက်

​🇨🇳 တရုတ်ပြည်မှာ ယူကရိန်းကိစ္စလှောင်ပြောင်ပြီးဆိုရှယ်မီဒီယာမှာတင်နေတာတွေကို ယူကရိန်းရှိတရုတ်သံရုံးနဲ့ တရုတ်ပြည်အာဏာပိုင်တွေကသတိပေးနေရပါတယ်။  

တရုတ်ဆိုရှယ်မီဒီယာတွေမှာ ပူတင်ကိုမဟာသူရဲကောင်းအဖြစ်ချီးကျူးတာ၊ ယူကရိန်ပြည်သူတွေကိုလှောင်ပြောင်တာတွေ ဖြစ်ပေါ်ခဲ့ပါတယ်။

စစ်ဘေးတိမ်းရှောင်နေတဲ့ယူကရိန်းအမျိုးသမီးတွေရဲ့ပုံတွေကိုတင်ပြီး ဒို့တာဝန်ယူမယ်၊ ဒို့နေစရာပေးမယ်လေစတဲ့ "#လူမပီသတဲ့" လှောင်ပြောင်မှုတွေကို တရုတ်မီဒီယာတွေမှာ အချို့ကရေးသားခဲ့ကြပါတယ်။

တရုတ်ပြည်ဟာ ကုလသမဂ္ဂမှာ #ရုရှားကျူးကျော်စစ်ကိုရှုံ့ချဖို့ပျက်ကွက်ခဲ့တာရယ်၊ အခုလိုဆိုရှယ်မီဒီယာမှာ #လှောင်ပြောင်သူအချို့ရှိနေတာတွေရယ်ကြောင့် ယူကရိန်းပြည်သူတွေအကြားမှာ #တရုတ်ပြည်ဆန့်ကျင်ရေးအမြင်တွေကြီးထွားလာခဲ့ပါတယ်။

Since then, multiple internet platforms including Weibo, TikTok sibling Douyin, and WeChat have suspended accounts with provocative content and called on users to stay "objective and rational", and uphold a "clean and upright atmosphere" when discussing international events.

တရုတ်ဆိုရှယ်မီဒီယာတွေဖြစ်တဲ့ Weibo, Douyin, WeChat တွေမှာ အခုလိုရန်မီးပွားစေတဲ့အကောင့်တွေကို ယာယီပိတ်ပင်တာလုပ်ခဲ့ပါတယ်။

In a commentary on Sunday, state news agency Xinhua urged internet users to "discuss and present viewpoints in a reasonable way", criticising those who "spoke inappropriately".

တရုတ်ဆင်ဟွာသတင်းဌာနကလည်း အင်တာနက်အသုံးပြုသူတွေကို လက်ရှိကမ္ဘာ့အရေးအခင်းနဲ့ပတ်သက်ပြီး ကျိုးကြောင်းမှန်ကန်တဲ့ဘက်ကမြင်ပြီး ဆွေးနွေးပြောဆိုဖို့ တိုက်တွန်းထားပါတယ်။

ယူကရိန်းရှိတရုတ်သံရုံး WeChat အကောင့်ကလည်း ယူကရိန်းပြည်သူတွေအခက်အခဲကြုံတွေ့နေရချိန်မှာ နားလည်ဖို့နဲ့ ရန်မစဖို့ တိုက်တွန်းထားပါတယ်။

တရုတ်ပြည်ဟာ မော်စီတုံးစခဲ့တဲ့ ယဉ်ကျေးမှုတော်လှန်ရေးရဲ့ အကျိုးဆက်ကို စတင်ခံစားနေရပါပြီ။

လူသားဆန်ခြင်းဆိုတာဘာလဲ ဆိုတာကိုနားမလည်တော့ရင် နေရာတိုင်းမှာဒုက္ခတွေ့နိုင်ပါတယ်။

အခုဆိုရင် ယူကရိန်းရောက်တရုတ်ကျောင်းသူတစ်ယောက်အပြောအရ သူ့အနေနဲ့ဗုံးခိုကျင်းတောင်မသွားရဲဘူးတဲ့။

လူတွေကသူ့ကိုကြည့်မယ့်အကြည့်တွေကိုစိုးရိမ်တဲ့အပြင် နှင်ထုတ်ခံရမှာကိုတောင် စိုးရိမ်နေရပါတယ်တဲ့။

Richard Myo Thant

2-March-2022

ဆက်ဖတ်ရန် →

​၂ဒသမ၅ ဘီလီယံ တန်ကြေးရှိ အကြမ်းဖက်စစ်တပ်က သိမ်းထားတဲ့ မြေ

​၂ဒသမ၅ ဘီလီယံ တန်ကြေးရှိ အကြမ်းဖက်စစ်တပ်က သိမ်းထားတဲ့ မြေ

📅 💬 မှတ်ချက်

​၂ဒသမ၅ ဘီလီယံ တန်ကြေးရှိ အကြမ်းဖက်စစ်တပ်က သိမ်းထားတဲ့ မြေတွေကို အမျိုးသားညီညွတ်ရေးအစိုးရ က မူဝါဒအရ သိမ်းဆည်းပြီး လေလံတင်ရောင်းချမည်

မတ် ၂ ၊ ၂၀၂၂

ကိုယ်ကျိုးစီးပွားအတွက် ပြည်သူပိုင်မြေတွေကို အကြမ်းဖက်စစ်တပ်က သိမ်းယူထားတဲ့အထဲက တန်ကြေး ၂ဒသမ၅ ဘီလီယံရှိတဲ့ မြေတွေကို အမျိုးသားညီညွတ်ရေးအစိုးရအနေနဲ့ မူဝါဒအရသိမ်းဆည်းပြီး လေလံတင် ရောင်းချမှုတွေ ပြုလုပ်သွားမယ်လို့ စီမံကိန်း၊ ဘဏ္ဍာရေးနှင့် ရင်းနှီးမြှုပ်နှံမှုဝန်ကြီး ဦးတင်ထွန်းနိုင်က ပြော ကြားလိုက်ပါတယ်။

“သူတို့ ကိုယ်ကျိုးစီးပွားအတွက် ရယူထားတဲ့ အရင်းအမြစ်တွေကို သိမ်းပြီးတော့ နစ်နာသူတွေအတွက် ပြန်လည်အသုံးချသွားဖို့ ဒီမူကို ချလိုက်တာပဲ။ မိုးကောင်းဆေးရုံလိုဟာမျိုး၊ ကန်သာယာဆေးရုံလိုဟာမျိုး” လို့ စီမံကိန်း၊ ဘဏ္ဍာရေးနဲ့ ရင်းနှီးမြှုပ်နှံမှုဝန်ကြီးဌာန ပြည်ထောင်စုဝန်ကြီး ဦးတင်ထွန်းနိုင်က Myanmar Now ကို ပြော ထားတာပါ။

Myanmar Now သတင်းဌာနနဲ့ ဖော်ပြချက်အရတော့ အမျိုးသားညီညွတ်ရေးအစိုးရက  အာဏာသိမ်းစစ် ခေါင်းဆောင်ပိုင် မြေကွက်တွေအပါအဝင် စစ်တပ်သိမ်းယူထားတဲ့ ရန်ကုန်မြို့က နေရာကောင်း အကွက်ကောင်း မြေကွက် ၂၅ ခုမှာ တန်ဖိုးအားဖြင့် ဒေါ်လာ ၂ ဒသမ ၅ ဘီလီယံတန်ကြေးရှိပြီး အဲဒီအကွက်တွေကို လေလံတင် ရောင်းချမှာ ဖြစ်တယ်လို့ ဆိုထားပါတယ်။

ဒီလိုပြုလုပ်မယ့် အစီအစဉ်က ပြီးခဲ့တဲ့ ဖေဖော်ဝါရီ ၂၄ ရက်က ထုတ်ပြန်ခဲ့တဲ့ တပ်ပိုင်မြေနဲ့ စပ်လျဉ်းတဲ့ မူဝါဒ တွေနဲ့ ဆက်စပ်ပြီး လုပ်ဆောင်တာဖြစ်တယ်လို့လည်း ဖော်ပြထားတာ တွေ့ရပါတယ်။

အကြမ်းဖက်ခေါင်းဆောင် မိသားစု စီးပွားရေးအတွက် သိမ်းယူထားတဲ့ ရန်ကုန်မြို့နယ်၊ မိုးကောင်းလမ်းပေါ်က ၁၀ ဧကကျယ်ပြီး ဆေးရုံဆောက်ထားတဲ့ မြေနေရာက အမေရိကန်ဒေါ်လာ သန်း ၁၀၅ အထိ တန်ကြေးရှိတယ်ဆို ပြီးတော့လည်း စီမံကိန်း၊ ဘဏ္ဍာရေးနဲ့ ရင်းနှီးမြှုပ်နှံမှုဝန်ကြီးဌာနက တွက်ချက်ပြထားပါတယ်။

ဝန်ကြီးဌာနရဲ့ မူဝါဒအရ တပ်သိမ်းမြေတွေကို ပြန်လည်သိမ်းဆည်းပြီး လေလံတင်ရောင်းချလို့ရလာတာတွေကို CDM လှုပ်ရှားမှုမှာပါဝင်ခဲ့တဲ့ ဝန်ထမ်းတွေအတွက် အိမ်ရာဆောက်လုပ်တာ၊ အကြမ်းဖက်စစ်တပ်က မီးရှို့ဖျက် ဆီးထားတဲ့ ကျေးရွာတွေကို ပြန်လည်တည်ဆောက်ပေးတာနဲ့ ပြန်လည်ကုစားပေးတဲ့ လုပ်ငန်းတွေမှာ အဓိက ဦး စားပေးအဖြစ် အသုံးပြုသွားမှာလည်းဖြစ်ပါတယ်။

တပ်သိမ်းမြေနေရာတွေကို လေလံတင်ရောင်းချမှာဖြစ်ပေမယ်လည်း မင်္ဂလာဒုံမြို့နယ် ပြည်လမ်း ၁၇ မိုင်ရှိ ဗဟိုထောက်လှမ်းရေးတပ်(ရေကြည်အိုင်) တည်ရှိရာ ၆၃ ဧကအကျယ်နေရာကိုတော့ ပြန်လည်ရောင်းချတာမျိုး မလုပ်ဘဲ နာဇီအကျဉ်းစခန်းလိုမျိုး အထိမ်းအမှတ်နေရာ ပြုလုပ်သွားမယ်လို့ ဆိုပါတယ်။

 

CDM ဗိုလ်ကြီးဇင်ယော်ကတော့ အမျိုးသားညီညွတ်ရေးအစိုးရရဲ့ လက်ရှိထုတ်ပြန်လိုက်တဲ့စာရင်းတွေက လူသိ များတဲ့နေရာတွေက စာရင်းပဲဖြစ်ပြီးတော့ လူမသိသေးဘဲ စစ်ဗိုလ်ချုပ်တွေ လက်ဝါးအုပ်ထားတဲ့ မြေနေရာ များ စွာရှိသေးတယ်လို့ ဆိုပါတယ်။

"NUG အစိုးရက ဒီဟာတွေ လုပ်မယ်ဆိုရင် စစ်ခေါင်းဆောင်တွေ၊ စစ်ဗိုလ်ချုပ်တွေ တုန်လှုပ်၊ ချောက်ချားသွားမှာ အသေအချာပဲ။ ဘာလို့လည်းဆိုတော့ သူ့လူတွေ သေသွားတာထက် ပိုဆိုးတယ်လေ။ သူတို့ ကိုယ်ကျိုးစီးပွားကို တိုက်ရိုက်ထိခိုက်မှာ" လို့ ဗိုလ်ကြီးဇင်ယော်က Myanmar Now ကို ပြော ထားပါတယ်။

Justice for Myanmar အဖွဲ့ကလည်း အကြမ်းဖက်စစ်တပ်က သိမ်းဆည်းထားတဲ့ မြေတွေထဲက စီမံကိန်းတွေ ကိုလုပ်ဆောင်နေပြီး အဲဒီလုပ်ဆောင်နေတဲ့စီမံကိန်းတွေကနေ ကန်ဒေါ်လာသန်းနဲ့ချီပြီး နှစ်စဉ်ရရှိနေတယ်လို့ ထောက်ပြထားပါတယ်။

ဓာတ်ပုံ - မင်းအောင်လှိုင်မိသားစု စီးပွားရေးအတွက် တပ်သိမ်းမြေ ၁၀ ဧကကို ဆေးရုံဆောက်လုပ်ခဲ့တာပါ။ တန်ကြေးကကန်ဒေါ်လာ ၁၀၅ သန်းတန်ကြေးရှိပါတယ်။

#SpringReovlution

#PVTV 

#PVTVNews

#PVTV ရဲ့ သတင်းများကို Telegram Channel - https://t.me/pvtvmyanmar ကို subscribe လုပ်ထားခြင်းအားဖြင့် ဖတ်ရှုနိုင်ပြီဖြစ်ပါတယ်။

ဆက်ဖတ်ရန် →

လာမည့်နှစ် ၇၅ နှစ်မြောက်လွတ်လပ်ရေးနေ့ကို ဗိုလ်ရှုသဘင်ထက်ပိုပြီးကြီးကျယ်ခမ်းနားအောင်လုပ်မယ်လို့ ဒု-စစ်ခေါင်းဆောင် စိုးဝင်း ပြော

လာမည့်နှစ် ၇၅ နှစ်မြောက်လွတ်လပ်ရေးနေ့ကို ဗိုလ်ရှုသဘင်ထက်ပိုပြီးကြီးကျယ်ခမ်းနားအောင်လုပ်မယ်လို့ ဒု-စစ်ခေါင်းဆောင် စိုးဝင်း ပြော

📅 💬 မှတ်ချက်

ဧရာဝတီတိုင်းမ် မတ်လ ၂ ရက်

၂၀၂၃ ခုနှစ်၊ ဇန်နဝါရီလ ၄ရက်မှာကျရောက်မည့် ၇၅ နှစ် မြောက်လွတ်လပ်ရေးနေ့ကို ပြီးခဲ့သည့် ဖေဖော်ဝါရီ ၁၂ ရက်နေ့ကျင်းပခဲ့တဲ့ဗိုလ်ရှုသဘင်ထက် ပိုမို ကြီးကျယ်ခမ်းနားကောင်းမွန်အောင်လုပ်ဆောင်မည်ဟု အာဏာ သိမ်းဒု-စစ်ခေါင်းဆောင် စိုးဝင်းက ပြောကြားကြောင်း စစ်ကောင်စီဝါဒဖြန့် မီဒီယာများက ထုတ်ပြန်သည်။

ယမန်နေ့မတ်လ ၁ ရက်တွင်ပြုလုပ်သည့် စစ်ကောင် စီ ၏ဗိုလ်ရှုသဘင်ကျင်းပနိုင်ခဲ့မှုနှင့်ပတ်သက်သည့်အစည်းအဝေးတွင် ဒု -စစ်ခေါင်းဆောင်က ယင်းကဲ့သို့ပြောကြားခဲ့ခြင်းဖြစ်ကြောင်း သိရသည်။

'' ၇၅ နှစ်မြောက်ပြည်ထောင်စုနေ့ အခမ်းအနားကိုကျင်းပနိုင်ခဲ့သော်လည်း အားသာချက်၊အားနည်းချက်များရှိကြောင်း၊ အားသာချက်များကိုပေါင်းစပ်ပြီး အား နည်းချက်များကိုပြုပြင်ဆောင်ရွက်ကာ ၇၅ နှစ်မြောက်လွတ် လပ်ရေးနေ့ကို ပိုမိုကြီး ကျယ်ခမ်းနားတဲ့စစ်ရေးပြမှုများ၊ ပြကွင်းပြကွက်များ ခင်းကျင်းပြသမှုများနဲ့  ပြုလုပ်မည်'' ဟု ပြောကြားခဲ့ကြောင်း သိရသည်။

ပြီးခဲ့သည့် ဖေဖော်ဝါရီလ ၁၂ ရက်နေ့ ပြည်ထောင်စုနေ့ ဗိုလ်ရှုသဘင်ကို ဒု-စစ်ခေါင်းဆောင်စိုးဝင်း ဦးဆောင်ပြင် ဆင်ကာ စစ်ခေါင်းဆောင် မင်းအောင်လှိုင်က ဗိုလ်ရှုအလေးပြုခံဦးဆောင်ကျင်းပခဲ့ပြီး အဆိုပါဗိုလ်ရှုသဘင် ၏ အခမ်းအနားအသုံးစားရိတ်မှာ ကျပ်သိန်းပေါင်း သောင်းနှင့်ချီကုန်ကျမှုရှိခဲ့ကြောင်း သိရသည်။

#AyeyarwaddyTimes

ဆက်ဖတ်ရန် →

​ရုရှား၏ အခြားတစ်ဖက်

​ရုရှား၏ အခြားတစ်ဖက်

📅 💬 မှတ်ချက်

ပူတင်က ရုရှားစစ်တပ်ကို ၁၉၉၈ နောက်ပိုင်း စစ်အင်အားတည်ဆောက်လာခဲ့ပြီး ရုရှားစီးပွါးရေးကိုလဲ အမေရိကန်နဲ့ အဆင်ပြေအောင်ပေါင်းပြီး တိုးတက်အောင်လုပ်ခဲ့ပါတယ်။ ယခုအမေရိကန်ကို စအာခံပါပြီ။ ဒါရဲ့ နောက်ဆက်တွဲအနေနဲ့ မြန်မာပြည်ကို ဘယ်လိုရိုက်ခတ်နိုင်လဲ လေ့လာကြည့်ရအောင်။

နိုင်ငံရေး

~~~~~~

မအလဟာ ပူတင်ကိုထောက်ခံပြပြီး သူ့ရဲ့ အာဏာတည်မြဲရေးကို ပူတင်နဲ့ဆက်လိုက်တာတွေ့ရပါတယ်။ သူ့သေတွင်းသူတူးသွားတာပါ။ ဒါရဲ့အခြားတစ်ဖက်မှာ အမေရိကန်ရဲ့ ရန်သူဟာ ရုရှားနဲ့တရုတ်ဖြစ်လာနေလို့ သူကရုရှားတပည့်ခံခြင်းဖြင့် အမေရိကန်က နိုင်ငံရေးအရ NUG ကို ထောက်ခံရမှာဖြစ်ပြီး ပူတင့်ထံက မအလလက်နက်ရနေတာကို အမေရိကန်ကို ထောက်ပြပြီး ပူတင့်တပည့်ကို တိုက်ခိုက်ဖြုတ်ချနိုင်အောင် လက်နက်တောင်းရတာ ယခင်ကထက် ပိုနီးစပ်လာနိုင်ပါတယ်။ နောက်ရုရှားဟာ ဒီစစ်ပွဲကို ရက်ပိုင်းအတွင်း အနိုင်လို့ တွက်ခဲ့ပုံပါ။ ယခု ယူကရိန်းက ခံစစ်ကောင်းနေလို့ အမြန်နိုင်ဖို့မလွယ်သလို မြို့တွေကိုသိမ်းနိုင်ခဲ့ရင်တောင် ယူကရိန်းက ပြောက်ကျားစနစ်နဲ့ဆက်တိုက်ခဲ့ရင် အမေရိကန် အာဖဂန်နဲ့ အီရတ်မှာ ခံရသလို ရုရှားတပ်လဲ အသေများလာမှာပါ။ ဒါဆိုရင် သူ့ပြည်သူက အသံထွက်လာမှာပါ။ 

စီးပွါးရေး

~~~~~~

ယခုတောင်ရုရှားစီးပွါးရေးကျပြီး ငွေထုတ်စက်တွေမှာ မြန်မာပြည်ကလို စတန်းစီနေပါပြီ။ ရုရှားငွေတန်ဖိုးလဲ ကျနေသလို စတော့စျေးကွက် Stock လဲ ပြုတ်ကျလို့ ပိတ်ထားရပါတယ်။ နောက်စစ်ပွဲအတွက်အကုန်အကျများပြီး စီးပွါးကျလာနိုင်ပါတယ်။ နောက်ရုရှားပို့ကုန်ကို ရေနံနဲ့ သဘာဝဓာတ်ငွေ့ကအစ လိုက်ပိတ်နေပါပြီ။ လေယဉ်တောင် သူတို့လေပိုင်နက်ထဲ အဝင်မခံတော့ပါ။ ဒါကြောင့်ရုရှားရဲ့ဝင်ငွေကျပြီး ထွက်ငွေကများလာမှာပါ။ ရုရှားကလက်နက်ရောင်းပြီး ငွေရှာပေမယ့် သူ့ထံကဝယ်သူအများစုက မအလလိုခွက်သမားတွေ အများစုပါ။ စီးပွါးရေးကျရင် သူ့ပြည်သူက ဆူမှာပါ။ ရုရှားမှာ လူသန်းချီဆန္ဒပြရင် ရုရှားစစ်တပ်က မပစ်ဖို့များပါတယ်။ ဒါကပူတင်ပြုတ်တဲ့အထိ ဖြစ်သွားနိုင်ပါတယ်။

မြန်မာပြည်အတွက်က မအလဟာ ထင်ထင်ရှားရှားပူတင်ကိုထောက်ခံပြလို့ အမေရိကန်က NUG ကို လက်နက်ထောက်ပံ့ဖို့အထိ စဉ်းစားသွားစေမှာပါ။ ရုရှားက စီးပွါးရေးကျလို့ မအလကို စီးပွါးရေးအရ ကူညီဖို့က မဖြစ်နိုင်ပါ။ ပူတင်က ယူကရိန်းစစ်ပွဲထဲမှာ အမေရိကန် အီရတ်နဲ့ အာဖဂန်မှာလို ပိတ်မိသွားခဲ့ရင် အခြားကမ္ဘာ့အရေးမှာ လူစွာလုပ်ဖို့ ခက်သွားမှာပါ။ ရုရှား စီးပွါးရေးကျလို့ ပူတင်ပြုတ်ခဲ့ရင် ပူတင်ကထောက်ခံလို့ ရှင်သန်နေရသူတွေလဲ ထိမှာပါ။

အမှန်က မြန်မာပြည်ရဲ့ နိုင်ငံခြားရေးမူဝါဒက ကြားနေမိုလို့ ဘာမှမပြောရင် ဘာမှမဖြစ်နိုင်ပေမယ့် မအလအာခြောင်လို့ သူ့ကို ပူတင်လူလို့ ထင်သွားစေပါတယ်။

ယခုအပေါ်မှာတင်ပြတာက ရုရှားကြောင့် စာရေးသူတို့အပေါ်ဘာတွေရိုက်ခတ်လာနိုင်လဲဆိုတာပါ။ ဒါပေမယ့် စာရေးသူတို့ ဒီမိုတွေအားလုံးသိထားရမှာက ယူကရိန်းကို အမြောက်ဖျက်လက်နက်တွေ ထောက်ပံ့ပေမယ့် စာရေးသူတို့ရဲ့ PDF ကို အမေရိကန်နဲ့ အနောက်အုပ်စုက ဘာမှမထောက်ပံ့သေးဘူးဆိုတာပါ။ ဒါ့အပြင် စာရေးသူတို့စစ်ကိုင်း၊ ချင်းမှာ ပြေးနေရတဲ့ ဒုက္ခသည်တွေအတွက် ဘီဘီစီမှာ နေ့စဉ်ယူကရိန်းလိုမပါနေသလို ထောက်ပံ့မနေပါ။ ဒါကြောင့် စာရေးသူတို့အနေနဲ့က NUG အစိုးရရဲ့ ငွေတိုက်စာချုပ်ကိုဝယ်ပါ၊ တော်လှန်ရေးမိသာစု PRF ဝင်ပြီး လစဉ်ထောက်ပံ့ပါ၊ ထီထိုးပါ။ လိုင်းပေါ်တက်နိုင်ရင် clicktodonate ကိုနှိပ်ပါ။ ယူကရိန်းကတောင် စစ်တိုက်ဖို့ NUG လို ငွေတိုက်စာချုပ်ရောင်းနေပါပြီ။ စာရေးသူတို့ ပြည်သူအချင်းချင်းကသာ ကူရမှာပါ။ စာရေးသူတို့ မြန်မာလိုတွေးပြီး အနောက်မမျှော်ဘဲ မြန်မာလို မအလတပ်ကိုပြန်တိုက်ရင် လုံးဝမုချနိုင်မှာပါ။

https://www.myattunoo.com

..

Myat Tun Oo

..

ဆက်ဖတ်ရန် →

ပူတင်က ဘဏ္ဍာရေးတည်ငြိမ်မှု ရှိစေရေး အစီအမံများနှင့်ပတ်သက်သည့် အမိန့်အား လက်မှတ်ရေးထိုး

ပူတင်က ဘဏ္ဍာရေးတည်ငြိမ်မှု ရှိစေရေး အစီအမံများနှင့်ပတ်သက်သည့် အမိန့်အား လက်မှတ်ရေးထိုး

📅 💬 မှတ်ချက်

မော်စကို ၊ မတ် ၂ ရက်(ဆင်ဟွာ) 

ရုရှားနိုင်ငံ သမ္မတ ဗလာတီမာပူတင်က နိုင်ငံ၏ ဘဏ္ဍာရေးတည်ငြိမ်မှု ရှိစေရေး ယာယီစီးပွားရေးအစီအမံများအား အသုံးပြုရန် စတင်သည့် အမိန့်ဒီဂရီတစ်ရပ်အား လက်မှတ်ရေးထိုးခဲ့ကြောင်း ကရင်မလင်က မတ် ၁ ရက်တွင် ကြေညာခဲ့သည်။ 

အမေရိကန်နိုင်ငံ ၊ အခြားနိုင်ငံများ နှင့် နိုင်ငံတကာအဖွဲ့အစည်းများက ရုရှားဆန့်ကျင်ရေး ဒဏ်ခတ်အရေးယူခြင်းများအား တုံ့ပြန်ရာတွင် အဆိုပါအစီအမံများကို လုပ်ဆောင်သွားမည် ဖြစ်ကြောင်း အမိန့်ဒီဂရီတွင် ဖော်ပြထားသည်။ 

ယင်းအစီအမံများအနက် ရုရှားနိုင်ငံသည် မတ် ၂ ရက်မှစတင်၍ အမေရိကန်ဒေါ်လာ ၁၀,၀၀၀ နှင့် ညီမျှသည့် ပမာဏထက် ကျော်လွန်ရာတွင် နိုင်ငံခြားငွေကြေးစီးဆင်းမှုအား ပိတ်ပင်သွားမည် ဖြစ်ကြောင်း သိရသည်။ 

မတ် ၂ ရက်မှ စတင်သက်ရောက်မည့် ချေးငွေများ ၊ အိမ်ခြံမြေ နှင့် အစုရှယ်ယာလက်မှတ် အရောင်းအဝယ်များနှင့် ပတ်သက်သည့် ကန့်သတ်ချက်များအား ရုရှားဆန့်ကျင်ရေးလုပ်ရပ်များအား လုပ်ဆောင်သည့် နိုင်ငံများနှင့် ဆက်စပ်သည့် နိုင်ငံခြားသားများအပေါ်တွင် ချမှတ်သွားမည် ဖြစ်ကြောင်း သိရသည်။ 

ဖေဖော်ဝါရီ ၂၈ ရက်တွင် ရုရှားနိုင်ငံသမ္မတ ပူတင်သည် ယူကရိန်းနိုင်ငံ၌ ရုရှားနိုင်ငံ၏ အထူးစစ်ဆင်ရေး ပြုလုပ်နေချိန်တွင် အနောက်နိုင်ငံများ၏ ဒဏ်ခတ်အရေးယူမှုလှိုင်းသစ်၏ သက်ရောက်မှုအား ကာကွယ်တားဆီးရန် “အထူးစီးပွားရေးအစီအမံများ”အား အသုံးပြုရန် စတင်သည့် အမိန့်ဒီဂရီတစ်ရပ်အား လက်မှတ်ရေးထိုးခဲ့ကြောင်းလည်း သိရသည်။ 

(Xinhua) 

COPY @China Xinhua News

ကျော်စွာမြင့်

ဆက်ဖတ်ရန် →

ရုရှားရဲ့ကျူးကျော်စစ်ကို မြန်မာနဲ့ အာဖဂန် ကုလကိုယ်စားလှယ်တွေ ကန့်ကွက်မည်

ရုရှားရဲ့ကျူးကျော်စစ်ကို မြန်မာနဲ့ အာဖဂန် ကုလကိုယ်စားလှယ်တွေ ကန့်ကွက်မည်

📅 💬 မှတ်ချက်

​

■ ယူကရိန်းနိုင်ငံကို ရုရှားက ကျူးကျော်တိုက်ခိုက်မှုနဲ့ပတ်သက်ပြီး ပြစ်တင်ရှုတ်ချရေး ကုလသမဂ္ဂအထွေထွေညီလာခံက ဆုံးဖြတ်ချက်ချဖို့ မဲပေးမှုမှာ မြန်မာနဲ့အာဖဂန်နစ္စတန် နိုင်ငံတွေကလည်းပါဝင်မယ်လို့ သံတမန်တွေရဲ့ပြောဆိုချက်ကို ကိုးကားပြီး AFP သတင်းမှာ မနေ့ကဖော်ပြပါတယ်။ 

အာဖဂန်နိုင်ငံမှာ တာလီဘန်တွေက အုပ်စိုးနေပြီး မြန်မာပြည်မှာက စစ်တပ်က အာဏာသိမ်းအုပ်ချုပ်နေတာပါ။ ဒါပေမဲ့ ကုလသမဂ္ဂမှာတော့ အရင်အစိုးရလက်ထက်က တာဝန်ယူခဲ့တဲ့ သံအမတ်တွေကပဲ ဆက်ပြီးနေရာယူထားပါတယ်။ ဒီသံအမတ်တွေက ရုရှားရဲ့ကျူးကျော်စစ်ကို ကန့်ကွက်ကြမယ့် သဘောပါ။ 

မြန်မာစစ်ကောင်စီ ပြောခွင့်ရ ဗိုလ်ချုပ်ဇော်မင်းထွန်းကတော့ ယူကရိန်းကို ရုရှားကဝင်တိုက်တာဟာ ရုရှားရဲ့အချုပ်အခြာအာဏာတည်မြဲဖို့ လုပ်တာလို့ RFA ကိုပြောထားပါတယ်။ 

မြန်မာနိုင်ငံအနေနဲ့ ရုရှားကိုကန့်ကွက်ရေးမဲထည့်မယ့် ကိစ္စ ဟုတ် မဟုတ်သိနိုင်ဖို့ ကုလသမဂ္ဂရဲ့ မြန်မာနိုင်ငံဆိုင်ရာ သံအမတ်ကြီး ဦးကျော်မိုးထွန်းကို RFA က ဖုန်းနဲ့ဆက်သွယ်ခဲ့ပေမယ့် အကြောင်းမပြန်ပါဘူး။ ကုလသမဂ္ဂအထွေထွေညီလာခံရဲ့ ဆုံးဖြတ်ချက်ဟာ မလိုက်နာရင်လည်းရတဲ့ ဆုံးဖြတ်ချက်ဖြစ်ပါတယ်။ 

လုံခြုံရေးကောင်စီကလည်း အတည်ပြုမယ့် ပုံ မပေါ်ပါဘူး။ ဒါပေမဲ့ ရုရှားရဲ့ကျူးကျော်မှုကို အပြင်းအထန်ဝိုင်းကန့်ကွက်ကြရင် ကမ္ဘာ့အလယ်မှာ ရုရှားက အပယ်ခံ အထီးကျန် နိုင်ငံအဖြစ် ထင်ရှားနေလိမ့်မယ်လို့ AFP သတင်းမှာဖေါ်ပြထားပါတယ်။

Photo: AFP

(၂ဝ၂၂ ခုနှစ် မတ်လ ၁ ရက်နေ့က နယူးယောက်မြို့တွင် ရုရှား-ယူကရိန်းအရေး ကုလသမဂ္ဂအထူးအစည်းအဝေးပွဲ ကျင်းပစဉ်။)

..

RFA

..

ဆက်ဖတ်ရန် →

​ယူကရိန်း ကို ရုရှ ဘာလို့တိုက်?

​ယူကရိန်း ကို ရုရှ ဘာလို့တိုက်?

📅 💬 မှတ်ချက်

သမိုင်းပညာရှင်ဒေါက်တာသန်းထွန်းကို မေးတယ်။ သမိုင်းကိုဘာလို့သင်တာလဲ? ဆိုတော့ “မအ အောင်”  လို့ ပြန်ဖြေတယ်။ 

ယူကရိန်းကို ရုရှ ဘာလို့ဝင်တိုက်တာလဲ?အလွယ်ဆုံးရှင်းကြည့်ရအောင်။ အစက ကိုယ်လည်းမသိဘူး၊ယေဘုယပဲ။  အခုမှ presentation တခုကြည့်မိလို့၊ သမိုင်းကို ချုံ့ရေးရင် အမှားများတတ်တယ် တဲ့၊ ခွင့်လွှတ်ပါ။ ကိုယ်ပိုင်သမိုင်းနားလည်တာမဟုတ်၊ ဖတ်မှတ်ထားတဲ့အာဘော်တွေသာဖြစ်ပါတယ်။ 

၁၉၉၀ ခုနှစ်မတိုင်ခင်က ယူကရိန်း  နဲ့ ရုရှ က ကွန်မြူနစ် ဆိုဗီယက် ယူနီယံထဲက နိုင်ငံတွေ ဖြစ်တယ်။ တနိုင်ငံထဲ ဆိုကြပါစို့။ သူတို့တွေ ပြောဆိုတဲ့ စကားအလွန်တူတယ်၊ ရခိုင် နဲ့ ဗမာလို ပေါ့။ 

၁၉၉၀ မှာ ဆိုဗီယက်ပြည်ထောင်စုကြီး ပြိုကွဲသွားတယ်။ ယူကရိန်း နဲ့ ရုရှ ကသီးခြားနိုင်ငံဖြစ်လာကြရော၊ ရုရှက ဧရိယာသိပ်ကြီးတယ်၊ ကမ္ဘာ့အကြီးဆုံးနိုင်ငံ။  ယူကရိန်း က မြန်မာနိုင်ငံလောက်ရှိတဲ့ နိုင်ငံဖြစ်လာတယ်။ 

ရုရှ နဲ့ ယူကရိန်း က ဥရောပတိုက်နဲ့ အာရှတိုက်… တိုက်၂ တိုက် ဆုံတဲ့နေရာမှာ ရှိကြတယ်။ ရုရှ က ဧရိယာသိပ်ကြီးတော့ အာရှတိုက်ရော ဥရောပထဲပါ  ပါတယ်။ ယူကရိန်းက အနောက်ဖက်ပိုင်း ကျတော့ ဥရောပထဲမှာ။ 

ရုရှက ဥရောပနိုင်ငံတွေကို ရေနံ နဲ့ သဘာဝဓါတ်ငွေ့ရောင်းတာ ပိုက်ဆံအလွန်ရတယ်။ တနှစ် ဒေါ်လာ ဘီလီယံ တရာကျော်ရတယ်။ ရုရှ က နိုင်ငံကလည်းကျယ်တော့ ရေနံ နဲ့သဘာဝဓါတ်ငွေ့သိုက်တွေအများကြီးပဲ၊ ဆော်ဒီအာရေဗျ ထက် ရေနံ ပိုထုတ်နိုင်တယ်။ ရုရှ အဓိကဝင်ငွေက ရေနံ နဲ့ သဘာဝဓါတ်ငွေ့။ ရုရှကနေ  ဥရောပ တတိုက်လုံးကို ရောင်းတဲ့ရေနံ နဲ့ သဘာဝ ပိုက်လိုင်းတချို့ က ယူကရိန်း ကို ဖြတ်သွားရတယ်၊ အယင် နိုင်ငံတူတုန်းက ပြဿနာမရှိဘူး၊ ၁၉၉၀ နောက်ပိုင်း နှစ်နိုင်ငံ ဖြစ်လာတော့ ယူကရိန်းက ပိုက်လိုင်းဖြတ်ခတောင်းတယ်။ ရုရှက ယူကရိန်းကို တနှစ် ဘီလီယံ နဲ့ ချီပေးရမယ်။ ပူတင်က နှစ်ပေါင်းများစွာ ပေးရင် အများကြီးပေးရမှာဆိုတော့ အဲ့လောက် မပေးချင်ဘူး၊ စျေးလျော့ဖို့ညှိတယ်၊ ယူကရိန်းကလည်း သူ့နိုင်ငံသစ် ထူထောင်ခါစ ဆိုတော့ မွဲတယ်၊ ငွေလိုတယ်၊ ညှိမရဘူး၊ ပူတင်က အဲ့လောက် မပေးချင်တော့ ယူကရိန်းကို ကွေ့ပြီး ပိုက်လိုင်းအသစ်တွေ ကွေ့ပတ် ဖေါက်ရရော။ ခွဲမစားချင်တဲ့ ပူတင်တင်းတယ်။ အဲ့ဒါ ပြဿနာတချက်။ 

အမေရိကန်ဦးဆောင်တဲ့ နေတိုး လို့ခေါ်တဲ့ ဥရောပ အုပ်စု က ရုရှ ကို စစ်တိုက်မယ်ဆိုရင် ကြည်းတပ်ဟာ ယူကရိန်းဘက်က တဆင့် ရုရှ ကို ဝင်လာနိုင်တယ်။ ကျန်တဲ့ အပေါက်တွေကနေ ရုရှ ကို ဝင်ဖို့မလွယ်ဘူး။ ရုရှ က ယူကရိန်း အပေါက်ကနေဝင်လာမှာ ကြောက်တယ်။ 

၂၀၁၀ မှာ ယူကရိန်းဟာ ယူကရိန်း-ရုရှနယ်စပ် အရှေ့ဖက်၊ ဒွန်းညက်စ် မှာတခု၊ အနောက်ဖက် ကာပေးသီးယန်းစ် မှာ တခု ဓါတ်ငွေ့သိုက်တွေ့တယ်၊ တခါ ၂၀၁၂ မှာ ယူကရိန်းနိုင်ငံ ခရိုင်မီးယား ကမ်းရိုးတန်းမှာ သဘာဝ ဓါတ်ငွေ့ ၂ ထရီလီယံကုဗပေ လောက်ရှိတဲ့ဓါတ်ငွေ့သိုက်ကြီး တွေ့တယ်၊ အဲ့ဒီ ဓါတ်ငွေ့သိုက်တွေတူးနိုင်ရင် ယူကရိန်းအဆင်ပြေပြီ။ ဥရောပနိုင်ငံတွေက ရုရှဆီက မဝယ်ပဲ ယူကရိန်းဆီက ပြောင်းဝယ်နိုင်တယ်။ 

ပူတင် ဟာ ဥရောပ ရဲ့ရေနံ နဲ့ သဘာဝ ဓါတ်ငွေ့ ကို ချုပ်ကိုင်ပြီး နေတိုးကို နိုင်ငံရေး ကစားချင်တယ်။ ယူကရိန်းက သဘာဝဓါတ်ငွေ့သိုက် တွေက သူ့ပါဝါ ကျသွားနိုင်လောက်အောင် ခြိမ်းခြောက်လာနိုင်တယ်။ 

၂၀၁၂ တုန်းက ယူကရိန်းသမ္မတ ဗစ်တာ ယာနိုကိုဗစ် က ပူတင် နဲ့ အဆင်ပြေတယ်။ ရုရှဖက်ပါတယ်။ ၂၀၁၄ မှာ ပူတင်ဘက်ယိမ်းတဲ့ ယူကရိန်းသမ္မတ ကို ဒီမိုကရေစီ နဲ့ ဥရောပဘက် ယီမ်းတဲ့ ဆန္ဒပြတဲ့လူတွေက ဆန္ဒပြလိုက်တာ သမ္မတ ယာနိုကိုဗစ် ရုရှ ကိုထွက်ပြေးရတယ်၊ 

ပူတင် က သူ့လူပြုတ်ကျတာနဲ့ လက်သွက်တယ်၊ ယူကရိန်းဆန္ဒပြပွဲမပြီးခင် ယူကရိန်းပိုင် ခရိုင်မီးယားဒေသ ကို တက်သိမ်းပစ်တယ်၊ ခရိုင်မီးယားမှာ သူ့ရေတပ်ရှိလို့၊ ရုရှလူမျိုးတွေ အများစုနေလို့ ၊ သမိုင်းမှာ ခရိုင်မီးယားဟာရုရှ မြေ ဖြစ်ခဲ့လို့ ဘာညာ အကြောင်းပြပြီး လူ ၂ သန်းလောက်နေတဲ့ ယူကရိန်းပိုင်ခရိုင်မီးယား ကို ဒီနေ့အထိပြန်မပေးဘူး။ 

အဓိက က ခရိုင်မီးယား ရေနံသိုက် ကို ယူကရိန်းက မတူးနိုင်ခင် လက်ဦးမှုယူ ပစ်လိုက်တာ လို့စွပ်စွဲကြတယ်။  နောက် ဓါတ်ငွေ့သိုက်တခု တွေ့ထားတဲ့ ဒွန်းညပ်စ်မှာလည်း ရုရှမျိုးနွယ်စု သူပုန် ကို မွေးပြီး တိုင်းရင်းသား လက်နက်ကိုင်အဖြစ် ရုရှဟာ ယူကရိန်းနယ်ထဲ မီးထိုးနေတယ် လို့ ယူကရိန်းက အော်တယ်။ 

အဲ့ဒီနောက် ယူကရိန်း-ရုရှ နယ်စပ်မှာ ရုရှကို ထောက်ခံတဲ့ သူပုန်နယ်မြေတွေ ဖြစ်လာတယ်။ ယူကရိန်းက သဘာဝဓါတ်ငွေ့သိုက်တွေ တူးမယ့်ကုမ္ပဏီတွေလည်း ပူတင်ခြောက်ထားလို့ လာမတူးရဲကြတော့ဘူး။ 

၂၀၁၄ မှာ ပူတင်က အဲ့လိုတွေလုပ်တော့ ယူကရိန်း တွေက ဥရောပ ဘက် ပို ယိမ်းသွားတယ်။ ၂၀၁၄ နောက်သမ္မတတွေက ရုရှ ကို ဆန့်ကျင်သူတွေ ဖြစ်လာတယ်။ ယူကရိန်းတွေက ပူတင့်ကိုကြောက်လာတယ်၊ ပူတင်က ယူကရိန်းကို တဖြေးဖြေးဖဲ့ယူမသွားမှာစိုးပြီး နေတိုးထဲဝင်ချင်တဲ့ စိတ်ဖက် ပိုခိုင်မာလာတယ်။ ပူတင်ကလည်း မင်းတို့ဝင်ရဲ ဝင်ကြည့်… ငါက ဝင်တိုက်မှာ… ဘာညာ နဲ့ အခုတော့ ချကြလေရော။ 

ပူတင် ကလည်း နိုင်ငံတွေမှာ စစ်ပွဲတွေနဲ့ အရမ်းကစားတယ်၊ နေတိုးကလည်း ပူတင့်ကိုလန့်လို့ စစ်ရေး အပေါက်တွေ ပိတ်ဖို့ကြိုးစားတယ်။ နယ်မြေ နဲ့ ရေနံကလည်း ပူတင့်အာဏာ အတွက် အရေးအကြီးဆုံး ပစ္စည်း။ 

တိုတိုရေးရရင်တော့ အဲ့ဒီက စတာပဲ။

ရခိုင်၊ ကချင်၊ ဝ၊ တရုတ်၊ EAO တွေ  ဓါတ်ငွေ့ပိုက်လိုင်းတွေ geopolitics တွေလည်း မိုးပြိုခဲ့သည်ရှိသော်နဲ့ ကြိုပြီး ဆက်စပ်ကြည့်ပေါ့။ သတိ ပိုတယ်မရှိ။

ကျော်စွာမင်း

ဆက်ဖတ်ရန် →

အနုပညာရှင်တချို့လွတ်မယ်

အနုပညာရှင်တချို့လွတ်မယ်

📅 💬 မှတ်ချက်

​ပြေတီဦး၊ အိန္ဒြာကျော်ဇင်၊ လူမင်း၊ ပိုင်တံခွန်၊ ဒါရိုက်တာဝိုင်းနဲ့ မဝင်းမင်းသန်းတို့ကို ဒီနေ့လွှတ်ပေးမယ်လို့ဗိုလ်ချုပ် ဇော်မင်းထွန်းပြော 

ပုဒ်မ ၅၀၅-က နဲ့ထောင်ဒဏ်သုံးနှစ်စီ ချမှတ်ခံထားရတဲ့ အကယ်ဒမီ ပြေတီဦး၊ အိန္ဒြာကျော်ဇင်၊ သရုပ်ဆောင်လူမင်း၊ ပိုင်တံခွန်၊ မဝင်းမင်းသန်းနဲ့ မကြာသေးခင်က ဖမ်းဆီးခံထားရတဲ့ ဒါရိုက်တာဝိုင်းတို့ကို ဒီနေ့မတ်လ ၂ မှာ လွှတ်ပေးမယ်လို့ စစ်ကောင်စီပြောခွင့်ရ ဗိုလ်ချုပ်ဇော်မင်းထွန်းက ဘီဘီစီကိုပြောပါတယ်။ 

ဘာအထိမ်းအမှတ်မှမရှိဘဲ ဒီတိုင်းလွှတ်ပေးတာဖြစ်ပြီး  ဘာကြောင့် လွှတ်တယ်ဆိုတာ အသေးစိတ်မပြောဘဲလွတ်ငြိမ်းချမ်းသာခွင့်ပေးခဲ့တယ်လို့ သူက ပြောပါတယ်။ 

ဒီနေ့လွှတ်ပေးမယ့်သူတွေထဲမှာမလေးရှားနိုင်ငံသားတစ်ဦးလည်း ပါဝင်တယ်လို့ သူက ဆက်ပြောပါတယ်။ 

အခုလွှတ်ပေးမယ့်အထဲမှာ အဆိုတော်ပိုပိုနဲ့ ရဲတိုက်တို့ပါဝင်ခြင်းမရှိတာကိုတွေ့ရပါတယ်။ 

အဆိုတော်ပိုပိုဟာလည်း ပုဒ်မ ၅၀၅-က နဲ့ထောင်ဒဏ်သုံးနှစ် စစ်ကောင်စီကချမှတ်ထားပြီး သရုပ်ဆောင်ရဲတိုက်ကလည်း နောက်ထပ်အမှုတစ်ခုနဲ့ထပ်မံရင်ဆိုင်နေရတာဖြစ်ပါတယ်။ 

ဒီသတင်းအပါအဝင်နောက်ဆုံးရသတင်းများတိုက်ရိုက်တင်ဆက်မှု https://www.bbc.com/burmese/live/burma-60389755

ဓာတ်ပုံများ-Social media, Amazing Grace, Pai Tagon Fan club

ဆက်ဖတ်ရန် →

နယ်စပ်ကုန်သွယ်မှုဝါဒပြောင်းလဲခြင်း”

နယ်စပ်ကုန်သွယ်မှုဝါဒပြောင်းလဲခြင်း”

📅 💬 မှတ်ချက်

     ပြီးခဲ့တဲ့သောကြာနေ့(၂၅-၂-၂၀၂၂)ရက်နေ့ကနယ်စပ်ကုန်သွယ်ရေးစနစ်စတင်ပြောင်းလဲခဲ့ပြီးကုန်သည်များ အခက်အခဲတွေ့ရှိနေရကြောင်း ၊ တစ်ဘက်နိုင်ငံမှ ပြည်တွင်းသို့ပစ္စည်းတင်ပို့လိုပါက မြဝတီဘဏ်နှင့်မြန်မာ့စီးပွာရေးဘဏ်တို့တွင် နိုင်ငံခြားဘဏ်အကောင့်စာရင်းဖွင့်ရမည်ဖြစ်ပြီး စာရင်းဖွင့်ရသည့်အခါတွင်လဲ ဥပမာ.. တရုပ်ယွမ် ၁ ယွမ်ပြင်ပပေါက်စျေး၃၁၀ ကျပ်ရှိရင် ဘဏ်မှလက်ခံငွေစျေးသတ်မှတ်ချက်အရ ၂၈၀ကျပ်ဖြင့်ဖွင့်ပေးကြောင်း ၊ တင်ပို့သည့်ပစ္စည်းအမျိုးအမည်အရေအတွက်အားလုံးကိုလဲ ဘဏ်မှဖြတ်ပေးသည့်စျေးနှုန်းအတိုင်းပစ္စည်းတန်ဘိုးသတ်မှတ်ကြောင်း။

           အကယ်၍ ပစ္စည်းတင်ပို့ရန်လျောက်ထားလာပါက လျှောက်ထားသည့်ကုမ္ပဏီအနေဖြင့် ပစ္စည်းဝယ်ယူထားသည့် ဘောက်ချာ နှင့် သတ်မှတ်ထားသည့် ဘဏ်မှငွေ လွဲပြေစာများကိုပြသရမည်ဖြစ်ကြောင်း

Import တင်သွင်းလိုသည့် ပစ္စည်းများကိုလဲ ၎င်းကဲ့သို့ဝယ်ယူဘောက်ချာနှင့် ဘဏ်ငွေလွဲပြေစာများတင်ပြကြရကြောင်း (မှတ်ချက်-အောက်ငွေလွဲ့နှင့်မရ)။

          အထက်ပါမူဝါဒပြောင်းလဲသတ်မှတ်ချက်များကြောင့် တစ်ဘက်နိုင်ငံမှ ပစ္စည်းဝယ်ယူရာတွင် အောက်လွဲဖြင့်ငွေကြိုလွဲမှ ကုန်ဝယ်ဘောက်ချာရကြကြောင်း၊ ငွေကြိုတင်မလွဲဘဲ တစ်ဘက်မှမည်သည့်ပစ္စည်းများကြိုတင်မပို့ကြောင်း၊ Export အဖြစ်တင်ပို့ရောင်းချရာ၌လည်း နိုင်ငံခြားငွေကာလပေါက်စျေးအတိုင်းတန်ဘိုးမရဖြစ်နေရကြောင်း၊ မြဝတီဘဏ်နှင့်မြန်မာ့စီးပွားရေးဘဏ်များမှာလဲ အကောင့်ဖွင့်ရာတွင်၎င်းတို့သတ်မှတ်စျေးအတိုင်းငွေစျေးဖြတ်ပြီး နိုင်ငံခြားငွေများကိုတော့ ၎င်းတို့စျေးအတိုင်းပြင်ပသို့ ပြန်လည်ရောင်းချပေးခြင်းမရှိခြင်တို့ကြောင့် ပြီးခဲ့သည့်သောကြာနေ့ကထဲက ယနေ့အချိန်အထိ တရုပ်ပြည်ကျင်ဆန်းကျော့ဂိတ်မှ မြန်မာပြည်တွင်းသို့တင်သွင်းလာမည့် ကုန်တင်ကားကြီးများ (A)ဇုံစစ်ဆေးရေးဂိတ်တွင် ရှေ့မတိုးနိုင်ဖြစ်နေပြီးပိတ်မိနေကြကြောင်း မူဆယ်နယ်စပ် မိတ်ဆွေကုန်သည်တစ်ဦးမှပြောကြားချက်အရ သိရှိရပါသည်။

                                                   ကိုစိုး

                                                (အမိမြေ)

ဆက်ဖတ်ရန် →

အာဏာသိမ်းစစ်တပ်၏ လက်အောက်ခံ ပြည်သူ့စစ်အဖွဲ့တွင် ဗုဒ္ဓဘာသာဘုန်းကြီးအချို့ သင်္ကန်းဝတ်ဖြင့် လက်နက်ကိုင်

အာဏာသိမ်းစစ်တပ်၏ လက်အောက်ခံ ပြည်သူ့စစ်အဖွဲ့တွင် ဗုဒ္ဓဘာသာဘုန်းကြီးအချို့ သင်္ကန်းဝတ်ဖြင့် လက်နက်ကိုင်

📅 💬 မှတ်ချက်

​

https://t.me/TachileikNewsAgency/22185 

* * * *  *

စစ်ကိုင်းတိုင်း၊တန့်ဆည်မြို့နယ်အတွင်း အာဏာသိမ်းတပ်လက်အောက်ခံ ပြည်သူ့စစ်အဖြစ် လက်နက်ကိုင်ထားသည့် ဗုဒ္ဓဘာသာဘုန်းကြီးအချို့ကို အာဏာသိမ်းတပ်ဖွဲ့ဝင်များနှင့်အတူ ကျေးရွာတွင်း ဝင်လာသည့် မှတ်တမ်းများ လူမှုကွန်ယက်တွင် ပျံ့နှံ့နေသည်ကို တွေ့ရသည်။

အာဏာသိမ်းမှုကို ဆန့်ကျင်သည့် ပြည်သူများအား အကြမ်းဖက်နှိမ်နှင်းနေသည့် အာဏာသိမ်းစစ်တပ်က လက်အောက်ခံ ပြည်သူ့စစ်များကို နေရာအနှံ့အပြားတွင် တတ်နိုင်သမျှ အင်အားစု၍ ဖွဲ့စည်းနေသည်ကို တွေ့ရသည်။

#TachileikNewsAgency

ဆက်ဖတ်ရန် →

အယ်ရို ဖလုတ် လေကြောင်း လိုင်း ဒေါ်သန်း ထောင် နဲ့ ချီ ဆုံးရှုံး မှု တွေဖြစ်

အယ်ရို ဖလုတ် လေကြောင်း လိုင်း ဒေါ်သန်း ထောင် နဲ့ ချီ ဆုံးရှုံး မှု တွေဖြစ်

📅 💬 မှတ်ချက်

​♦ရုရှားနိုင်ငံနဲ့ လူထု တွေ ယူကရိန်းနိုင်ငံ က အစိုးရနဲ့

လူထုတွေ လောက်နီးပါး ဒုက္ခ ကြုံတွေ့ရလိမ့်မယ်!

သင်ပြုသည့်ကံပဲ့တင်သံ သင့်ထံပြန်လာပြီ "ပူတင်🧐

--------------------------------

အယ်ရို ဖလုတ် လေကြောင်း လိုင်း ဒေါ်သန်း ထောင် နဲ့ ချီ ဆုံးရှုံး မှု တွေဖြစ် ဘဏ်လုပ်ငန်း တွေ ဘီလျှံ နဲ့ ချီ အငွေ့ပျံ 

Aeroflot ဆိုတာရုရှားနိုင်ငံရဲ့အကြီးဆုံးလေကြောင်း  လိုင်း တစ်ခု ဖြစ်ပါတယ် ၁၉၂၃ ခုနှစ်ကတည်း က စတင် ခဲ့လို့ကမ္ဘာ့သက်တမ်းအရှည်ဆုံး လေကြောင်း လိုင်းတစ်ခုလည်း ဖြစ်ပါတယ်။

ကုမ္ပဏီကပိုင်ဆိုင် တဲ့လေယာဉ်အစီးပေါင်းထောင် ချီရှိကာနိုင်ငံပေါင်း ၁၀၀ ကျော်ကိုတိုက်ရိုက် လေ ကြောင်း လိုင်း တွေ ရှိပါတယ်။

ရုရှား ရဲ့ ယူကရိန်း ကို ကျူးကျော် စစ်ကြောင့် 

အမေရိကန် ဥရောပ ကနေဒါ နဲ့ သြစတေးလျှ တို့ က အယ်ရိဖလုတ်လေကြောင်း လိုင်း သူတို့ နိုင်ငံအပေါ် ဖြတ် ပျံသန်း ခွင့် နဲ့ ခရီး စဉ် တွေကို ပိတ်ပင် လိုက် တာမှာ အယ်ရိုဖလုတ်အတွက်ဒေါ်လာ သန်း ထောင် နဲ့ချီပြီး ဆုံးရှုံး ပါတယ်။

ခရီး သည် တင် ၀န်ဆောင် မှု သာမကဘဲ ကုန်စည် ပို့ဆောင် တဲ့ ဝန်ဆောင် မှု က နေ ရ တဲ့ ၀င်ငွေ က ပိုများ တဲ့ အတွက် အယ်ရို ဖလုတ် အတွက် အတော်. ကို အထိနာတာ ပါ။ 

နယူးယောက် ကို ပျံသန်း တဲ့ အယ်ရို ဖလုတ် ဆိုရင် လမ်း တစ်ဝက် မှာ ပဲ နောက်ပြန် လှည့် သွား ရပါတယ်။

အယ်ရိုဖလုတ် လို မျိုး ကမ္ဘာ့ နိုင်ငံ တွေရဲ့ ပိတ်ဆို့ မှု ကြောင့် နောက်ထပ် အထိ နာတာက တော့ ရုရှား ရဲ့ ဘဏ် လုပ်ငန်းစနစ် ပါ နှစ်ရက် အတွင်းမှာဒေါ် လာ ဘီလျံ နဲ့ ချီ အရှုံး ပေါ်ခဲ့ ပါတယ်။

ရုရှား ဗဟိုဘဏ်ရဲ့ အမေရိကန် မှာ ရှိတဲ့ ပိုင်ဆိုင် မှု တွေကို ထိမ်းချုပ်ခံထား ရပြီး နောက်မှာ မော်စကို က ATM တွေမှာ ဧရာမလူတန်းရှည် ကြီးနဲ့ငွေထုတ် သူတွေ အလျိုလျို ပေါ်ခဲ့ ပါတော့ တယ်။

နိုင်ငံတကာ ငွေကြေး ရံပုံငွေအဖွဲ့ ကတော့ရုရှားဟာယူကရိန်းကိုမတိုက်ခင်ကစီးပွားရေး အနေအထား မျိုး နောင်ဆယ်နှစ် နဲ့ ပြန်မရ တော့ဘူး လို့သုံးသပ် ပါတယ်။

ရူဘဲလ် ငွေကြေး က ၇၀ ရာခိုင်နှုန်း ထိ စံချိန် တင် ထိုးကျသွား တာကြောင့်လည်း ရုရှား ရဲ့ဘဏ္ဍာရေး စနစ်ဟာအရှိုက်ကို အထိုး ခံလိုက် ရသလိုဖြစ်သွား တာပါ။

FNG

ခွန် တိုး ဦး 

ဆက်ဖတ်ရန် →

ယူကရိန်း နှင့် မြန်မာနိုင်ငံပြည်သူများရဲ့ သဘောထားကိုလေးစားကြဖို့ ပြင်သစ်နိုင်ငံသံရုံးကဆန္ဒထုတ်ဖော်

ယူကရိန်း နှင့် မြန်မာနိုင်ငံပြည်သူများရဲ့ သဘောထားကိုလေးစားကြဖို့ ပြင်သစ်နိုင်ငံသံရုံးကဆန္ဒထုတ်ဖော်

📅 💬 မှတ်ချက်

​နိုင်ငံတကာရောက်မြန်မာမိတ်ဆွေများမင်္ဂလာပါ။ 

ယူကရိန်း နှင့် မြန်မာနိုင်ငံပြည်သူများရဲ့ သဘောထားကိုလေးစားကြဖို့ ပြင်သစ်နိုင်ငံသံရုံးကဆန္ဒထုတ်ဖော်ခဲ့သလို ၊ EU ကလည်းပြောခဲ့ပါတယ်။ 

ယူကရိန်းပြည်သူတွေဟာ ပြည်ပ အာဏာရူး၊ နယ်မြေနယ်ချဲ့သမားကြောင့် မိမိတို့အခွင့်အရေးတွေဆုံးရှုံးတဲ့အပြင် ဒုက္ခရောက်ကြရ၊ သေကြေပျက်စီးရသလို ၊ မြန်မာပြည်သူတွေဟာလည်း အဏာရူး၊ အာဏာနယ်ချဲ့ကြောင့် လူသားအခွင့်အရေးတွေဆုံးရှုံးရတယ်၊ ဒုက္ခရောက်ကြ၊ သေကြေပျက်စီးရပါတယ်။ 

အခုဆိုရင် ကမ္ဘာ့နိုင်ငံတွေဟာ ရုရှကို စီးပွါးရေး ဝိုင်းဝန်းပိတ်ဆို့တဲ့အပြင် ၊ နိုင်ငံတကာဘဏ်စနစ် SWIFT ကပါ ထုတ်ပယ်ခြင်းခံရတဲ့အတွက် ကျောကော့အောင်ခံနေရပါပြီ။ ယူကရိန်းမြို့တော် Kiev ကို ရုရှသိမ်းနိုင်ရင်တောင်မှ ကြာရှည်ထိမ်းနိုင်ဖို့ မလွယ်ပါဘူး။ ဒီစစ်ပွဲ ရုရှရှုံးမှာပါ။

ပူတင်လို ကံကြမ္မာဆိုးမျိုး မင်းအောင်လှိုင် နှင့် အပေါင်းအပါတစ်စုလည်းကြုံတွေ့သင့်ပါတယ်။ မြန်မာနိုင်ငံကို SWIFT ကနေ ထုတ်ပယ်ဖို့ တောင်းဆိုရပါမယ်။ 

ဒါအပြင် ယူကရိန်းနိုင်ငံသားတွေရဲ့ မိမိကိုယ်မိမိ ခုခံကာကွယ်ပိုင်ခွင့်အတွက် နိုင်ငံတကာမှ လက်နက်ထောက်ပံ့ကူညီပေးသလို ၊ မြန်မာပြည်သူတွေရဲ့ မိမိကိုယ်မိမိ ခုခံကာကွယ်ခွင့်အတွက် နိုင်ငံတကာမှ လက်နက်ထောက်ပံ့ပေးဖို့တောင်းဆိုရပါမယ်။ 

ကျွန်တော်တို့ ရဲရဲတောင်းဆိုရပါမယ်။ ရအောင်တောင်းဆိုရပါမယ်။ 

Save Ukraine! Save Myanmar ! Campaign ကို အမေရိကန်ပြည်ထောင်စုမှာရော ကမ္ဘာ့နိုင်ငံအသီးသီးမှာပါပြုလုပ်ကြဖို့ အကြံပြုပါရစေ၊ မေတ္တာရပ်ခံတောင်းဆိုပါရစေ။ 

အမေရိကန်ပြည်ထောင်စုမှာပြုလုပ်ဖို့ ကျွန်တော်စတင် နှိုးဆော်နေပါပြီ။ ဥရောပ နှင့် အာရှမှာလည်းအမြန်ဆုံး စတင်နှိုးဆော်စေချင်ပါတယ်။

 NUG ကိုလည်း “ လသာတုန်းဗိုင်းငင်၊ မိုးရွာတုန်းရေခံ “ ဖို့ အကြံပြုပါရစေ။

မျိုးရန်နောင်သိန်း

၁-၂-၂၀၂၂

#အမေရိကန်အရှေ့ပိုင်းစံတော်ချိန် 

နေ့လည် ၃:၀၀ နာရီ

ဆက်ဖတ်ရန် →

မြန်မာအတွက် ဘိုင်ဒန်က ‌ဆွေးနွေးမယ်

မြန်မာအတွက် ဘိုင်ဒန်က ‌ဆွေးနွေးမယ်

📅 💬 မှတ်ချက်

​တကွက်တည်း တပေါက်တည်း 

ကျနော်စဉ်းစားနေတာက နုကြည်ငြိမ်သလောက် စခတွေ အသည်းသန်စစ်ပြင်နေတယ် ပိုဆိုးတာက ရုရှားအရေးဖြစ်နေချိန် အာဆန်ခေါ် မြန်မာအတွက် ဘိုင်ဒန်က ‌ဆွေးနွေးအုံးမယ်ဆိုတယ် 

ထိုထက်ထူးတာက အာဆန်က မြန်မာ့အရေး မစွမ်းဆောင်နိုင်တော့ဘူးလို့ ၀န်ခံကြေငြာချက် ထုတ်ပြောထားတယ် ဒီမှာတင် ဘိုင်ဒန်က ရှေ့မှာ ချိ့နရော အာဆန်ရော လုပ်ကြည့် မရရင် သူ၀င်တော့မှာဆိုတဲ့ အချက်ပြထားတယ် 

အဲ့မှာတင် ပြင်သစ်က NUG ကို အသိမှတ်ပြုကြောင်းနဲ့ ချက်အပါ န်ိုင်ငံစုံကို လှည့်သွား စည်းရုံးနေတဲ့ နုကြည်၀န်ရဲ့ စွမ်းဆောင်မှုက ရလဒ်ကောင်းတွေ ရနေတယ် 

အဲ့မှာတင် ရုရှားအရေးကြောင့် ချိနရော ရုရှားရော တိုင်ပတ် မြန်မာ့အရေး ကပ်မရချိန် US ရဲ့ NDAA က ၂လပိုင်းကုန် အထက်လွတ်တော် တင်ပြရတော့မှာ 

ဒီတော့ US အချိန်ပေးရုံမဟုတ် ဖြုတ်ချချင်တဲ့ UN ကပါ မြန်မာရော ယူကရိန်းအရေးရော မစွမ်းဆောင်နိုင်တော့ အဲ့မှာတင် Burma act ပြဌာန်းပြီး ဘိုင်ဒန်က ခုယူကရိန်းအရေးမှာ ပူတင်ရော အရှေ့အာရှဘက်မှာ မအလရော နှစ်ကောင်စားလိုက်ရင်ဖြင့် 

ဘီးကျဲကြီး နောက်သက်တမ်း အလိုလိုကို ထိုင်ခုံပေါ်ဆက်ထိုင်ပြီး ပါဝါထူထောင်နိုင်ပြီဆိူတာ အကြောင်းက US ရဲ့ ဩဇာအာဏာနဲ့ ယုံကြည်မှုကို သူတို့ပြန်တည်ဆောက်ပြသွားပြီ‌ဆိုတာ 

ခုကို ကမ္ဘာစစ်ကိုကြောက်ပြီး နိုင်ငံစုံက US စစ်ရေးလုံခြုံရေးတပ်တွေ သူတို့ဆီမှာလာချပေးပါ အပြိုင်ဆိုင် ခေ့ါ်နေပြီလေ ! 

#မင်းကြည်ညိုနေ 🕊️

ဆက်ဖတ်ရန် →

စုစုပေါင်း (၈၄) ဘီလျံအထိပြုတ်သွားပါပြီ

စုစုပေါင်း (၈၄) ဘီလျံအထိပြုတ်သွားပါပြီ

📅 💬 မှတ်ချက်

​ရုရှားဘီလျံနာသူဌေးကြီးတွေ အတော်အထိနာနေပါတယ်။ ယူကရိန်းကိုကျူးကျော်စစ်စတဲ့နေ့မှာပဲ ဘီလျံနာ (၂၁) ယောက်ဆီကနေ ဒေါ်လာ (၃၉) ဘီလျံပြုတ်သွားခဲ့ပါတယ်။

အခုအထိသိရသလောက် စုစုပေါင်း (၈၄) ဘီလျံအထိပြုတ်သွားပါပြီ။ ထိပ်တန်းသူဌေးကြီးတွေဘယ်လောက်ထိနေသလဲဆိုတာ ပုံထဲကစာရင်းထဲမှာကြည့်ပါ။

အထိဆုံးကတော့ ရုရှားရေနံသူဌေးကြီး Alekperov ပါ။ ဒေါ်လာ ၁၄ ဘီလျံဆုံးရှုံးထားပါတယ်။ သူ့ချမ်းသာမှုရဲ့ ၆၀ ရာနှုန်းကျော်ဆုံးရှုံးထားတာပါ။

ရက်ကြာလာရင် သူဘယ်လောက်အထိမွဲမလဲဆိုတာမသိရသေးပါ။ စတော့အိတ်ချိန်းမှာအပိတ်ဆို့ခံရတာနဲ့ ထိသွားတာပါပဲ။

အချို့ဘီလျံနာတွေဟာ ချမ်းသာမှုလျော့ကျသွားတဲ့အတွက် ကမ္ဘာ့ဘီလျံနာစာရင်းကနေ ပယ်ဖျက်ခံနေရပါပြီ။

Richard Myo Thant

ဆက်ဖတ်ရန် →

ရုရှားရဲ့ ဗီတိုအာဏာကို ရုပ်သိမ်းဖို့ ပြင်ဆင်

ရုရှားရဲ့ ဗီတိုအာဏာကို ရုပ်သိမ်းဖို့ ပြင်ဆင်

📅 💬 မှတ်ချက်

​" ကုလလုံခြုံရေးကောင်စီမှာ ရုရှားရဲ့ ဗီတိုအာဏာကို ရုပ်သိမ်းဖို့ ပြင်ဆင်နေကြပြီ "

ရုရှားရဲ့  ကုလသမဂ္ဂ လုံခြုံရေးကောင်စီမှာ ဗီတိုအာဏာသုံးစွဲခွင့် ရုပ်သိမ်းနိုင်ဖို့အတွက် စည်းရုံးလှုပ်ရှားမှု့ကို ရီပတ်ဘလင်ကန်အမတ်တွေကနေ စတင်လိုက်ပါတယ်။ တန်နဆီပြည်နယ်က အထက်လွှတ်တော်အမတ် ဘလက်ဘမ်းနဲ့ နယူးယောက် အထူးသံတမန် ကလော်ဒီရာတို့က ဦးဆောင်စည်းရုံးပြီး သမ္မတဘိုင်ဒန်ထံကို တင်ပြခဲ့တာပါ။ ဘိုင်ဒန်ရဲ့ ခွင့်ပြုချက်နဲ့ ကုလအဖွဲ့ဝင်နိုင်ငံတွေကို စည်းရုံးလှုံ့ဆော်မှာပါ။

ဒီတောင်းဆိုမှု့ဟာ ယူကရိန်းအရေးကို လုံခြုံရေးကောင်စီမှာ ဗီတိုအာဏာသုံးပြီး ပယ်ချခံခဲ့ရာကနေ စတင်ပါတယ်။ လုံခြုံရေးကောင်စီ ဆွေးနွေးပွဲမှာ ရုရှားကို အရေးယူပေးဖို့ ဆွေးနွေးရာမှာ လုံခြုံရေးကောင်စီ ဥက္ကဋ္ဌတာဝန်ယူထားတဲ့ ရုရှားသံအမတ်ကိုယ်တိုင်က ကန့်ကွက်လိုက်တဲ့အတွက် ကုလအဖွဲ့ဝင်နိုင်ငံတွေအနေနဲ့ မကျေနပ်စရာတွေ ဖြစ်လာခဲ့တာပါ။ အဖွဲ့ဝင်နိုင်ငံတွေဆီကနေ ရုရှားကို ဗီတိုအာဏာနဲ့ မထိုက်တန်ဘူးလို့ ဝေဖန်နေကြပါတယ်။ 

" ရုရှားဟာ အချုပ်အခြာအာဏာပိုင်နိုင်ငံကို အရှက်မရှိ တရားမဝင်နဲ့ မနှစ်မြို့ဖွယ်ရာ တိုက်ခိုက်မှု့တွေအတွက် တာဝန်မခံနိုင်လို့ လုံခြုံရေးကောင်စီမှာ သူရဲ့ ဗီတိုအာဏာကို အလွဲသုံးစားလုပ်နေတာပါ။ ဒီလွဲမှားမှု့တွေကို ပြန်လည်ဆန်းစစ်ဖို့လိုပါတယ် " လို့ ဘလက်ဘန်းက တင်ပြထားပါတယ်။ 

လုံခြုံရေးကောင်စီဥက္ကဋ္ဌသက်တမ်းဟာ ၁ လ သာရှိပါတယ်။ မတ်လမှာ UAE နိုင်ငံက တာဝန်ယူရမှာဖြစ်ပြီး၊ မေလမှာတော့ အမေရိကန်အလှည့်ပါ။ 

သုံးသပ်ရရင်...၊ ယူကရိန်အရေးအတွက် လုံခြုံရေးကောင်စီရဲ့ ဗီတိုအာဏာဟာ ကမ္ဘာ့နိုင်ငံအသီးသီးအတွက် စီစစ်မှု့အောက်ကို ထင်ထင်ရှားရှား ရောက်သွားခဲ့ပါတယ်။

နွေဦးတော်လှန်ရေး မစတင်မီကတော့ စာရေးသူတို့ မြန်မာနိုင်ငံသားတွေဟာ အွန်လိုင်းပေါ်မှာ ဖော်လိုဝါများများနဲ့ ခပ်တည်တည်ပြောနေတဲ့ အကောင့်တွေရဲ့ ပိုစ့်တွေကို တကယ်ထင်ခဲ့မိကြပါတယ်။ 

" နိုဗယ်လ်ဆုရှင်ကို ဖမ်းလို့မရဘူး။ "

" R2P ဝင်လာပြီး ချက်ချင်းအဖမ်းခံရမယ်။ "

" အမေရိကန်က တရုတ်နဲ့ရုရှားကို ထည့်တွက်မှာမဟုတ်ဘူး။ "

" နေတိုးအဖွဲ့က ငြိမ်နေမှာမဟုတ်ဘူး။ "

ဆိုသလို ပိုစ့်တွေမှာ ပွဲဆူခဲ့ကြတယ်။ တကယ်ထင်ခဲ့ကြတယ်။ စာရေးသူကတော့ ဘာတစ်ခုမှ ဝင်မပြောခဲ့ပါဘူး။ ဘာ့ကြောင့်လည်းဆိုတော့ သေသေချာချာ နားမလည်လို့ပါ။ စာရေးသူ စိတ်ဝင်စားတဲ့ ရသ၊ သုတ စာပေတွေနဲ့လည်း လိုင်းမတူတဲ့အတွက် နုတ်ဆိတ်ပြီးသာ နေခဲ့ပါတယ်။ တကယ်အာဏာသိမ်းတော့ ဒီအကောင့်တွေ ပျောက်ကုန်ပါတယ်။

ဖေဖော်ဝါရီမှာ အာဏာသိမ်းတော့ စာရေးသူဟာ ကုလအဖွဲ့ကို အားကိုးမိပါတယ်။ လက်နက်ရှိသူနဲ့ လက်နက်မဲ့ပြည်သူတွေ ရင်ဆိုင်နေတဲ့ တိုက်ပွဲမှာ ကမ္ဘာ့အဖွဲ့အစည်းကြီးတစ်ခုဖြစ်တဲ့ ကုလကသာ တာဝန်ယူဖြေရှင်းပေးမှ အဆင်ပြေနိုင်မယ်ထင်တာပါ။ ဒါ့ကြောင့်လည်း ဘယ်သူတွေဘာပြောပြော ကုလရဲ့ လှုပ်ရှားမှု့ကို လေ့လာ စောင့်ကြည့် အသိပေးပါတယ်။ 

တကယ်တန်း အာဏာသိမ်းပြီးတဲ့အခါမှာ အော်ကျက်ပိုစ့်တွေ ပြောသလို မဖြစ်ခဲ့ပါဘူး။ ဘာ့ကြောင့်လဲဆိုတော့ စာရေးသူအပါအဝင် မြန်မာပြည်သူတွေဟာ ကုလလုပ်ငန်းတွေနဲ့ စည်းမျဉ်းတွေကို သေသေချာချာ မသိခဲ့လို့ပါ။ ကုလလုပ်ငန်းတွေကို ထဲထဲဝင်ဝင် တာဝန်ထမ်းနေတဲ့ မြန်မာနိုင်ငံသားအချို့ ရှိပေမယ့် လုံခြုံရေးကောင်စီမှာတော့ ထဲထဲဝင်ဝင် တာဝန်ထမ်းနေသူ မရှိသလောက်ပါပဲ။ ယူနီဆက်ဖ်၊  WHO လို ဋ္ဌာနတွေမှာတော့ မြန်မာနိုင်ငံသားတွေရှိပါတယ်။

ဒီတော့...၊ အာဏာသိမ်းတဲ့အခါမှာ အွန်လိုင်းပိုစ့်တွေပြောခဲ့သလို ကုလ ငြိမ်းချမ်းမှု့ထိမ်းသိမ်းရေးတပ်တွေကို မျှော်ကြပါတယ်။ စာရေးသူလည်း ကုလနဲ့ပတ်သက်သမျှ သတင်းတွေနဲ့ လုပ်ထုံးလုပ်နည်းတွေကို လေ့လာ၊ အသိပေးပါတယ်။

ယူကရိန်းအရေး ဖြစ်တဲ့အခါမှာတော့ ကုလရဲ့ စတိတ်မန့်တွေအပေါ်မှာ အမြင်ရှင်းသွားပါတယ်။ အဓိက ဒုက္ခပေးနေတာက သမာသမတ်မရှိတဲ့ မိစ္ဆာ ၂ နိုင်ငံဟာ ဗီတိုကိုင်ပြီး ကုလစားပွဲမှာ ခန့်ခန့်ကြီး ထိုင်နေခဲ့လို့ပါ။ မြန်မာ့အရေးမှာတုန်းက နိုင်ငံအားလုံး မသိခဲ့ပေမယ့် ယူကရိန်းအရေးမှာတော့ ဗီတိုအာဏာကို အကာအကွယ်ယူပြီး စစ်အာဏာသိမ်းတာ၊ ကျူးကျော်တာတွေကို ကာကွယ်ပေးနိုင်ပါလားဆိုတာကို ကမ္ဘာကြီးက သိမြင်သွားခဲ့တာပါ။ 

ဒါ့ကြောင့်လည်း အမေရိကန် ရီပတ်ဘလင်ကန် အမတ်တွေကနေ သမ္မတဘိုင်ဒန်ထံ၊  ရုရှားကို ဗီတိုရုပ်သိမ်းပေးဖို့ တောင်းဆိုလိုက်တာပါ။ ဒီကနေတဆင့် ကမ္ဘာ့နိုင်ငံအသီးသီးကို စည်းရုံးတော့မှာပါ။ ကုလဆိုင်ရာ အမေရိကန်သံအမတ် လင်ဒါသောမတ်စ်ကတော့ ရုရှားကို ဗီတိုရုပ်သိမ်းဖို့ ခက်ခဲနိုင်ပေမယ့်၊ ကုလပဋိဥာဉ်စာချုပ်အရ ဆက်လက်လှုပ်ရှားရမှာပါလို့ FOX သတင်းဋ္ဌာနကို ဖြေကြားထားပါတယ်။ 

ဟိုတစ်နေ့ကရေးခဲ့သလိုပါပဲ။ ဂေါ်ဘာချော့ လက်ထက်ကနေ ပူတင်အထိ လက်နက်အားကိုးနေတဲ့ ရုရှားဟာ အတိတ်ကသမိုင်းမှာ ဆိုဗီယက်ယူနီယံကြီး နိုင်ငံ ၁၅ ခုဖြစ်ပြီး ပြိုကွဲသွားရသလို၊ ဒီနေ့ ပူတင်လက်ထက်မှာလည်း လက်နက်အင်အား ပြလိုတဲ့စိတ်ကြောင့် စီးပွားရေးတွေ ပျက်စီးနေသလို လူမှု့ရေးမှာလည်း မဆီမဆိုင် ရုရှားပြည်သူတွေဟာ ဖယ်ကျဉ်မှု့တွေ တစ်စစနဲ့ ကြုံတွေ့လာရပါပြီ။ ပူတင်ဟာ ခေတ်သစ်ဟစ်တလာ ဖြစ်ခဲ့ပါပြီ။ 

ရုရှားရဲ့ ပျက်စီးခြင်းဆီ ဦးတည်နေမှု့ဟာ မှီခိုသူ အကိုင်းအခက်၊ အလက်အရွက်တွေလည်း တစ်ပါတည်း ပါသွားရမှာ မလွဲပါဘူး။ 

..

ဘကြီးအောင် LA

(28-February-2022)

..

ဆက်ဖတ်ရန် →

ရုရှားအင်ပါယာအိပ်မက်

ရုရှားအင်ပါယာအိပ်မက်

📅 💬 မှတ်ချက်

​ရုရှားရဲ့ ယူကရိန်းကျူးကျော်စစ်နဲ့ပတ်သက်ပြီး လေ့လာသူ တွေကသုံးသပ်မှုတွေလုပ်ကြသလို ကမ္ဘာ့အတွေးအခေါ် နယ် ပယ်ကရှေ့ဆောင်တွေကလည်း ရေးသားသုံးသပ်နေကြတာ တွေကို ဖတ်ရတယ်။

ဒီ သုံးသပ်ချက်တွေထဲမှာ  ဒီနေ့ Guardian မှာရေးတဲ့ Yuval Noah Harari (Homo Sapiens  စာရေးဆရာ) ရဲ့ သုံးသပ်ချက်ကို သဘောကျမိတယ်။ သူ့ရဲ့ သုံးသပ်ချက်ထဲက တ ချို့ကို ကောက်နှုတ်တင်ပြပါရစေ။

# ပူတင်ဟာ ယူကရိန်းကျူးကျော်စစ်ကို ဆင်နွှဲရာမှာ တိုက်ပွဲ တွေတော့ နိုင်ကောင်းနိုင်လိမ့်မယ်။ ဒါပေမဲ့စစ်ပွဲကြီးတခုလုံး ကတော့ ရှုံးနေတယ်။

# ပူတင်ဟာ ဒီစစ်ပွဲကို တိုက်ဖို့ အဘက်ဘက်က ကြိုတင်ပြင် ဆင်ခဲ့တယ်။ ဒါပေမဲ့ သူမစဥ်းစားမိတဲ့ အချက်တချက်ရှိနေတယ်။ အဲ့ဒါက ပြည်သူတွေရဲ့ အညံ့မခံ ခုခံနေမှုပဲ။

# နိုင်ငံတနိုင်ငံကို သိမ်းပိုက်ရတာ လွယ်ကောင်းလွယ်လိမ့် မယ်။ ဒါပေမဲ့ နိုင်ငံတနိုင်ငံကိုထိန်းချုပ်ဖို့ကတော့မလွယ်ဘူး ပူတင်အနေနဲ့ ယူကရိန်းကို စစ်နိုင်လို့ သိမ်းပိုက်ပြီး ရုပ်သေး အစိုးရတင်နိုင်ရင်တောင် ပြည်သူတွေရဲ့ ခုခံဆန့်ကျင်မှုကို ရင်ဆိုင်သွားရလိမ့်မယ်။

# ယူကရိန်းတ‌ယောက်ကို သတ်တိုင်း ကျူးကျော်သူတွေကို မုန်းတဲ့ အမုန်းက နက်ရှိုင်းလာလိမ့်မယ်။ အမုန်းဟာ ရုပ်အ ဆိုးဆုံး ခံစားချက်ပဲ။ ဒါပေမဲ့ ဖိနှိပ်ခံတွေအတွက်ကတော့ အမုန်းဆိုတာ လှို့ဝှက်သိမ်းဆည်းထား တဲ့ရတနာတပါးပဲ။ ရင်ထဲမှာ နက်နက်ရှိုင်းရှိုင်း စူးဝင်နေရင် အမုန်းတရားက ခုခံဆန့်ကျင်မှုကို မျိုးဆက်နဲ့ချီပြီး သယ်ဆောင်သွားမှာပဲ။ (Hatred is the ugliest of emotions. But for oppressed nations, hatred is a hidden treasure. Buried deep in the heart, it can sustain resistance for generations. ဆိုပြီး ရေးထားတာလေး သဘောကျတယ်)

# တိုင်းပြည်တပြည်ကို အုပ်စိုးဖို့ဆိုရင် သွေးထွက်သံယိုမရှိ တဲ့အောင်ပွဲလိုတယ်။ အဲ့ဒါမှပဲ အမုန်းတရားကင်းတဲ့ အုပ်စိုး မှုကို ထူထောင်နိုင်မယ်။ တကယ်လို့ သွေးထွက်သံယိုတွေနဲ့ အာဏာတည်ဖို့ ကြိုးစားရင် ပြည်သူတွေရင်ထဲမှာ အမုန်းတ ရားတွေပဲ စူးနစ်ပြီး အုပ်စိုးဖို့မဖြစ်နိုင်ဘူးဆိုတာကို Harari က ထောက်ပြတယ်။

# ပူတင်က ယူကရိန်းဟာ တိုင်းနိုင်ငံစစ်စစ်မှန်မှန်မဟုတ်ဘူး ယူကရိန်းပြည်သူတွေဟာလဲ တိုင်းနိုင်ငံတခုရဲ့နိုင်ငံသားတွေ မဟုတ်ဘူးဆိုတဲ့ အလိမ်အညာတွေ‌အအပေါိအခြေခံပြီး သူ့ရဲ့ ရုရှားအင်ပါယာအိပ်မက်ကို တည်ဆောက်ထားခဲ့တယ်။

# အခုတော့ ယူကရိန်းပြည်သူတွေက သူတို့ဟာ ယူကရိန်းနိုင်ငံရဲ့ စစ်မှန်တဲ့ နိုင်ငံသားတွေဖြစ်တယ်ဆိုတာကို ရဲဝံ့စွန့် စားပြသနေကြတယ်။ နိုင်ငံတနိုင်ငံနဲ့ ပြည်သူတွေကို တွဲစပ် ချည်နှောင်ထားတဲ့ နိုင်ငံသား သိစိတ်/Nation ကို တည် ဆောက်ရာမှာ ဇာတ်လမ်းတွေက အရေးကြီးတယ်။ 

# အခုဆိုရင် ရုရှားပြည်သူတွေရဲ့ ခုခံစစ်ကနေ နောက်မျိုး ဆက်တွေအထိ လက်ဆင့်ကမ်းပြန်ပြောစရာဇာတ်လမ်းတွေ အများကြီးထွက်ပေါ်လာတယ်။ လက်နက်ပဲလိုတယ်။ လေ ယာဉ်နဲ့ လာခေါ်စရာမလိုဘူးဆိုတဲ့ ယူကရိန်းသမ္မတရဲ့စကား တွေ၊ ရုရှားတင့်ကားတွေလာတဲ့လမ်းမှာ ပိတ်ပြီး တင့်ကား တွေကို ပိတ်ဖို့ ကြိုးစားတဲ့ ပြည်သူတွေအကြောင်းဟာ တိုင်း ပြည်အမှောင်ဖုံးသွားရင်တောင် ပြန်ပြောင်းပြောနေကြမယ့် ဇာတ်လမ်းတွေပဲ။

# အဲ့ဇာတ်လမ်းတွေဟာ ယူကရိန်းပြည်သူတွေရဲ့ နိုင်ငံသား သိစိတ်ကို ပိုခိုင်မာအောင်တည်ဆောက်သွားကြလိမ့်မယ်။ သေချာတာတခုကတော့ ပြီးခဲ့တဲ့ရက်အနည်းငယ်အတွင်း မှာ ဘာကို အထင်အရှားပြသလိုက်လဲဆိုတော့ "ယူကရိန်း ဟာ စစ်မှန်တဲ့ တိုင်းနိုင်ငံကြီးတခုဆိုတာ ပြသလိုက်သလို ယူကရိန်းပြည်သူတွေက တကယ့် စစ်မှန်တဲ့ နိုင်ငံ့သားကောင်းတွေဆိုတာကို ပြသလိုက်တာပါပဲ။

# ဒီစစ်ပွဲက ကြာနိုင်တယ်။ ပုံစံအမျိုးမျိုးနဲ့ ဆက်သွားနေ လိမ့်မယ်။ ယူကရိန်းက စစ်ပွဲဟာ တကမ္ဘာလုံးရဲ့ အနာဂတ် ကို ပုံဖော်လိမ့်မယ်။ အာဏာရှင်တွေနဲ့ ကျူးကျော်နယ်ချဲ့မှု တွေသာ အောင်ပွဲရသွားရင် နောက်ဆက်တွဲဒဏ်ကို ကျနော် တို့ခံရလိမ့်မယ်။ ဒါကြောင့် လေ့လာအကဲခတ်သူဆိုပြီး မှိန်း နေလို့မရဘူး။ အခိုင်အမာပါဝင်ရပ်တည်ဖို့အချိန်ကျပြီဆို ပြီး Harari. က ရေးထားပါတယ်။ ( If tyranny and aggression are allowed to win, we will all suffer the consequences. There is no point to remain just observers. It’s time to stand up and be counted. ဆိုတဲ့ နောက်ဆုံးစာကြောင်းလေးရေးထားတာလဲ သဘောကျမိပါ တယ်။)

ကိုရဲ

ဆက်ဖတ်ရန် →

📅 💬 မှတ်ချက်

​ရုရှားတို့ ယူကရိန်းအား ကျုးကျော် ခဲ့မှုသည် စီစဉ်ထားသည့် အတိုင်း ဖြစ်မလာခဲ့ပေ၊ ယူကရိန်း၏ ဒုတိယ အကြီးဆုံး မြို့တော် ဖြစ်သော ကာကစ်ဗ်အား ရုရှားတို့ တိုက်ခိုက်လာမှု ကို ယူကရိန်းတို့ တွန်းလှန်နိုင်ခဲ့ပုံ ရသည်။ တောင်ပိုင်းတွင် ဗလာဒီမာ ပူတင်၏ တပ်များက နယ်မြေများကို သိမ်းပိုက် နိုင်ခဲ့ခြင်းသည် မြို့များကို ရှောင်ရှား နိုင်ခဲ့၍ပင် ဖြစ်သည်။

ကီယက် မြို့တဝိုက်တွင်တော့ ယူကရိန်း တပ်များက ရုရှားထိုးစစ်ကို ကြံကြံ့ခံထားနိုင်ခဲ့သည်။  ပူတင် သည်  သူ၏ မိန့်ခွန်းများထဲတွင် ဆေးသမား နာဇီတဦး အဖြစ် အမြဲလို ပုံဖေါ် ပြောဆိုခဲ့သော ယူကရိန်း သမ္မတ ဇယ်လင်စကီးသည် ၎င်းအပြောနှင့် တခြားစီ
ရဲရဲတောက် အာခံရဲသည့် ပုဂ္ဂိုလ် ဖြစ်လာခဲ့ပြန်သည်။

ဇယ်လင်စကီးသည် နိုင်ငံ အကြီးအကဲ တဦး ပီသစွာမျိုးချစ် စိတ် အပြည့်ရှိယုံမက သတ္တိ ဗျတ္တိ ပြည့်စုံစွာဖြင့် နိုင်ငံကို ဦးဆောင်နိုင်ခဲ့သူ ဖြစ်သည်။

စစ်ပွဲ ဖြစ်လာသည်မှာ ရက်သတ္တပတ်ပင် မပြည့်သေးပေ၊ ရုရှား သမ္မတ က ကိယက် အပါအဝင် အခြားမြို့ကြီးများကို ဝိုင်းရံထားရန်  အရံတပ်များကို ဆင့်ခေါ်နိုင်ပေသေးသည်၊ နှစ်ဖက်စလုံးရှိ စစ်သားများ နှင့် အရပ်သားများ အတုံးအရုံး သေဆုံးရဖို့ ရှိနေသည်။

လက်ရှိ စစ်ပွဲတွင် ပူတင်သည် အနိုင်ရကောင်း ရသွား နိုင်ပြီး နောက်ဆုံးတွင် ယူကရိန်း မြို့တော်တွင်ရုပ်သေး အစိုးရ မျိုး တင်မြှောက် လာနိုင်ဖွယ် ရှိနေသည်။ 

သို့သော် လက်ရှိ စစ်ပွဲအား အမှည့်ချွေ ချွေသလို ဖြေးဖြေးချင်း တိုက်ယူနေရပြီ ဆိုကတည်းက ပူတင်ဖက် က ရှူံးနေပြီ ဖြစ်သည်။

မြို့ရွာ အနှံ့ရှိ ယူကရိန်း နိုင်ငံသားများ၏ မျိုးချစ်စိတ်ဓါတ်သည် ရှင်သန် နိုးကြားလာခဲ့ပြီ ဖြစ်သည်။ အားလုံးကလည်း ပူတင် ဖက်က ခန့်အပ်လာမည့် မည်သည့် အစိုးရမျိုးကို မဆို အုပ်ချုပ်ပိုင်ခွင့် မရှိသည့် တရားမဝင် အစိုးရ အဖြစ် သတ်မှတ်လာကြတော့မည် ဖြစ်သည်။

ယင်းနှင့် အတူ ကမ္ဘာတဝှမ်းတွင်လည်း ပူတင်သည် ပို၍ပင် အပယ်ခံ ဘဝ နှင့် နေသွားရပေဦးတော့မည်။ ပြည်တွင်းတွင်လည်း သူ၏ ဖိနှိပ်ချုပ်ချယ်မှူများကြောင့် မွန်းကျပ်ပြီး ဖြစ်နေသော လူ့အဖွဲ့အစည်းသည် စီးပွားရေး ပိတ်ဆို့ဒဏ်ခတ်မှု များ ကြောင့် အသက်ရှူ မဝ ဖြစ်လာမည့် အနေအထားကို ရင်ဆိုင် ဖြေရှင်းရပေတော့မည်။

ရုရှားရှိ အခွင့်ထူးခံ အီလိများက ပူတင်၏ ယုံထင် ကြောင်ထင် ဖြစ်ကာ အရူးထသည့် လုပ်ရပ်ကြောင့် ဖြူကာပြာကာ ကျလာနိုင်သည့် အရေးကို တွေးကာ ထိတ်လန့်လာနေကြသည်ကို အထင်အရှား တွေ့မြင်ခဲ့ရသည်။

ယူကရိန်း တွင် အခြေအနေ ပို၍ ဆိုးလာသည်နှင့် အမျှ ၎င်း၏ အစိုးရ အဖွဲ့အတွင်း အက်ကွဲကြောင်းများ လိုက်လာတော့မည့် အပြင် ရုရှားပြည်သူများလည်း လမ်းပေါ်ထွက်လာကြပေတော့မည်။ ထို့အတွက် ပူတင်သာ ကရင်မလင်တွင် ဆက်၍ တွယ်ကပ် နေနိုင်ခဲ့မည် ဆိုလျှင် ပူတင်အဖို့ နိုင်ငံသားများအား လှုပ်၍မရအောင် အကြောက်တရား ပြဠာန်းပြီ မဖြစ်မနေ အုပ်ချုပ်သွားရပေတော့မည်။ ပြည်သူများလည်း ဆယ်စုနှစ်ပေါင်းများစွာ အတွင်း တခါမှ မကြုံခဲ့ဖူးသည့် လွန်စွာ ပြင်းထန်လာဖွယ် ရှိသည့် ဖိနှိပ်ချုပ်ချယ်မှုများ နှင့် ရင်ဆိုင်ကြရပေတော့မည်။(လက်ရှိ မင်းအောင်လှိုင် နှင့် အဖွဲ့ ပုံစံမျိုးလို ဖြစ်လာပေတော့မည်)

ပူတင်၏ ပထမဆုံး အမှား

ရန်သူကို လျော့တွက်ခဲ့ခြင်းပင် ဖြစ်ပေသည်။ ဤသည်က သူ့ဖာသာ ဝါဒဖြန့်ထားခဲ့မှုများ အပေါ် အစစ်အမှန်ဟု တဖန်ပြန်၍ သူ့ဖာသာ ယုံကြည်လာခဲ့ပုံရသည်။ ယူကရိန်းသည် နိုင်ငံတနိုင်ငံ မဟုတ်၊ စီအိုင်အေ က ဖန်တီးထားသည့် နိုင်ငံအတုသာ ဖြစ်သည်၊ အုပ်ချုပ်နေသူများကလည်း ပြည်သူများ ရွံရှာ မုန်းတီးနေကြသည့် ကလိန်ကကျစ်များသာ ဖြစ်သည်၊ ထို့အတွက် အင်အား အနည်းငယ် ပြလိုက်ယုံဖြင့် ယူကရိန်းသည် ချက်ခြင်းလို ပြိုလဲ ပျက်သုံးသွားတော့မည်၊ ထိုအတွေးအခေါ်ထက် အဘယ်အရာကများ ပို၍ မှားနိုင်ပေဦးမည်နည်း။

ဒုတိယ အမှား

ပူတင်သည် ၎င်း၏ တပ်များကို မှန်ကန်စွာ စီမံခန့်ခွဲနိုင်ခဲ့ခြင်း မရှိမှု ပင် ဖြစ်သည်။ ရုရှားလေတပ်သည် ယခူ အချိန်အထိ ယူကရိန်း ဝေဟင်ကို ထိန်းချုပ်နိုင်စွမ်း မရှိသေးပေ။ ရုရှားလူထု အားလည်း မိမိမှ စစ်ပွဲကြီး တရပ် ဆင်နွှဲနေခြင်း မဟုတ်ပဲ "နာဇီသန့်စင်ရေး" လုပ်နေခြင်း ဖြစ်သည်ဟု အကြောက်အကန် ပြောနေရဆဲပင် ဖြစ်သည်။

ရုရှားစစ်သားများလည်း ဇဝေဇဝါ ဖြစ်ကုန်ပြီး ယူကရိန်း ပြည်သူများက ၎င်းတို့အား "ကယ်တင်ရှင်များ" အဖြစ် ကြိုဆိုကြလိမ့်မည်ဟု ယူဆလာခဲ့သည်။ ပူတင်က သူ့တပ်များအား ယူကရိန်းတွင် ၎င်းတို့မျိုးနွယ်စုဝင်များ အား တွေ့ရာ သင်္ချိုင်း ဓါးမဆိုင်း သတ်ဖြတ်ရန် အမိန့်ပေးလာပါက လိုက်နာကြမည် မဟုတ်ပေ။ ယူကရိန်း မြို့ကြီးများအား သိမ်းပိုက် နိုင်ရေး ကြိုးပမ်းမှုတွင် ရုရှား စစ်သား အများအပြား သေဆုံးလာပါက ပူတင် အဖို့ ပြည်တွင်းတွင် မည်သို့မျှ ဖုံးကွယ်၍ ရနိုင်မည် မဟုတ်ပေ။

တတိယ အမှား

အနောက်အုပ်စုကို လျော့တွက်ခဲ့ခြင်းပင် ဖြစ်သည်။ ပူတင် စိတ်ထဲတွင် အနောက်နိုင်ငံ လူ့အစည်းအရုံးများသည် အတွင်းလှိုက်၍ ခြစားလာနေပြီး ကိုယ်အရေး သာ ကိုယ် အဓိက ထားကြသူများဟု မှတ်ယူခဲ့သည်။ ပူတင်ကဲ့သို့သော အာဏာရှင်များ အဖို့က လူထု၏ ဒီမိုကရေစီ အပေါ် ယုံကြည်သက်ဝင်မှုကို မည်သို့်မျှ အစစ်အမှန် မဖြစ်နိုင်ဟု လက်ခံထားကြသူများ ဖြစ်သည်။

အနောက်နိုင်ငံများရှိ လူထုက ယူကရိန်း ပြည်သူများ အား တခဲနက် ထောက်ခံလာသည့် အဖြစ်ကို အံဩခြင်းမက အံ့ဩသွားခဲ့သည်။ လန်ဒန် မြို့တော်နေ လူထုက ယူကရိန်း နိုင်ငံတော် သီချင်းကို ရွတ်ဆိုလာကြပြီး ဘာလင်ရှိ ဘရန်တင်းဘတ်ခ် မုဒ်ဦးပေါ်တွင် အပြာနှင့် ရွှေရောင် ပါ ယူကရိန်း အလံ အထိမ်းအမှတ် အဖြစ် မီးများ ထွန်းညှိခဲ့ကြသည်။

အနောက်နိုင်ငံသားများသည် ယူကရိန်း ပြည်သူများ၏ သတ္တိကို အတုယူ အားကျစိတ်များ နှင့် အတူ ၎င်းတို့၏ အစိုးရများကိုပါ တွန်းအားပေးလာကြသဖြင့် နောက်ဆုံးတွင် အပါရိက မျှ ပြောဆိုယုံ
လောက် မဖြစ်တော့ဟု ဆိုကာ စိတ်ပါလက်ပါ စုပေါင်းရင်ဆိုင်လာခဲ့ကြရပေတော့သည်။

No-Fly Zone ပြဠာန်းခြင်းမျိုးဖြင့် ရုရှားတို့နှင့် စစ်ရေး အရ ထိတ်တိုက်တွေ့မည့် အရေးကို မှန်ကန်စွာ ရှောင်ရှားနိုင်ခဲ့ကြပြီး ဖေဖေါ်ဝါရီ ၂၆ ရက်နေ့တွင်တော့ ရုရှား၏ ဗဟိုဘဏ် နှင့် ဘဏ္ဍာရေး စနစ်ကြီး တခုလုံး အား အမှန်အကန် ထိရောက်စွာ ပိတ်ဆို့ဒဏ်ခတ်ရန် သဘောတူလာခဲ့ကြပြီ ဖြစ်သည်။

ထိုသို့ အရေးယူလာမှုသည် ရုရှားအဖို့ အရံငွေများ ထုတ်ယူနိုင်ရေး ကို ပိတ်ပင်နိုင်ဖွယ် ရှိမည့်အပြင် ဘဏ်တိုက်ကြီးများလည်း ချိနဲ့သွားတော့မည် ဖြစ်သည်။

နောက်တနေ့တွင်တော့ ထိုသို့ အရေးယူလာမှုကို ရုရှားဖက်က ဒေါသတကြီးတုန့်ပြန်လာခဲ့သည်။ ပူတင်သည် ချက်ခြင်းလို သူ၏ စစ်ဖက် အကြီးအကဲများ နှင့် တိုင်ပင်ပြီး နျုကလီယား တပ်ဖွဲ့များကို အမြင့်ဆုံး အဆင့် တပ်လှန့်လာခဲ့သည်။ စီးပွားရေး ပိတ်ဆို့ဒဏ်ခတ်မှု ကို ရုရှား အပေါ် နျုကလီယား စစ်ပွဲ ဆင်နွှဲလာသည့်အထား တန်းတူ သဘောထားခဲ့ခြင်းပင် ဖြစ်ပေသည်။

ပူတင်၏ လုပ်ရပ်သည် ကိုယ်ကျင့်တရား စောင့်ထိန်းမှု မရှိသည်သာမက အကြီးအကျယ် ထိခိုက် ပျက်စီးဆုံးရှုံးရမည့် အထိ ပဋိပက္ခကို မြှင့်တင်လာခြင်းလည်း ဖြစ်သည်။ ဤသည်ကို ကြည့်ပါက အနောက် အုပ်စု၏ စီးပွားရေးဒဏ်ခတ်မှုသည် လွဲချော်သွားခြင်း မရှိသည်မှာ သိသာထင်ရှားလာခဲ့ရသည်။ ထို့အပြင် ပူတင်၏ ရန်စွယ်ငေါငေါ လုပ်ရပ်ကြောင့် ၎င်းသည် မည်မျှအထိ ကမ္ဘာကြီး အတွက် အန္တရာယ်များသူ ဖြစ်ကြောင်း သက်သေ ပြ လာခဲ့သည်။ ထိုအနေအထားကို ကြောက်ရွံ့ပြီး နောက်တွန့်သွားမည်ဆိုက ဒီထက် ကြီးမားသည့် အတိုင်းအတာ အထိ ကျူးလွန်လာမည့် အရေးကို ဖိတ်ခေါ်လိုက်သလို ဖြစ်သွားပေလိမ့်မည်။

ယခုအခါ ရုရှား၏ လုပ်ရပ်အား တရုတ်နှင့် အိန္ဒိယ အပါအဝင် နျူကလီယား အင်အားကြီး နိုင်ငံများ ပါဝင်နေသည့် ကုလ လုံခြုံရေး ကောင်စီမှ ထိုသို့ ခြိမ်းခြောက်လာမှုကို လက်မခံနိုင်ကြောင်း ရှင်းလင်းပြတ်သားစွာ ကြေညာချက် ထုတ်ပြန်ခဲ့သည်။

အမေရိကန် အထက်တန်း အရာရှိများလည်း ရုရှား ဖက်မှ ဆိုင်ရာ ဆိုင်ရာ များအား ဆက်သွယ်ကာ ပူတင်သာ မဟုတ်၊ ၎င်းတို့၏ လုပ်ရပ်များ အတွက် တာဝန်ခံရသည့် အဆင့်အထိ ရောက်လာတော့မည်ကို သတိပေးရန် လိုအပ်လာပြီ ဖြစ်သည်။



ကမ္ဘာကြီး အနေဖြင့် နောက်တကြိမ် ပူတင် အတွက်အချက် မှားမည့် အရေးကို ခွင့်ပြု၍ မဖြစ်တော့ပေ။

လှစိုးဝေ

(ဖေဖေါ်ဝါရီ ၂၇ နေ့ထုတ် အီကော်နော်မစ် မဂ္ဂဇင်း၏ အယ်ဒီတာ အာဘော် "Vladimir Putin's nuclear threat shows how much is going wrong for him in Ukraine" အား ကိုးကားသည်။)

ဆက်ဖတ်ရန် →