နောက်ဆုံးရ

သေဆုံးသွားသော ဆရာမအား ၃ ကြိမ်တိုင် သတိပေးခဲ့

📅 💬 မှတ်ချက်


394x392 (

မြောက်ဥက္ကလာတွင် သေနတ်မှန်၍ သေဆုံးသွားသော ဆရာမအား ၃ ကြိမ်တိုင် သတိပေးခဲ့ဟု ပစ်ခတ်သည့် အဖွဲ့ပြော

ဂန္ဒမာ (မဇ္စျိမ )

ရန်ကုန်တိုင်း၊ မြောက်ဥက္ကလာပ မြို့နယ်တွင် သေနတ်ဖြင့် ပစ်ခံရပြီး သေဆုံးသွားသည့်  ကျောင်းဆရာမကို ပစ်ခတ်သည့် အဖွဲ့က သုံးကြိမ်တိုင် သတိပေးခဲ့သည်ဟု အဆိုပါအဖွဲ့ဝင် တစ်ဦးက ပြောသည်။ 

ကျောင်းဆရာမ ဒေါ်လှလှသန်းသည် ၎င်းနေအိမ်ရှိရာ မြောက်ဥက္ကလာပမြို့နယ်မှ ဒဂုံမြို့သစ် အရှေ့ပိုင်းမြို့နယ် အ.ထ.က (၂) ကျောင်းသို့ တက္ကစီဖြင့် သွားစဉ် မြောက်ဥက္ကလာပမြို့နယ်  နွယ်နီမှတ်တိုင် အကျော်၌ တက္ကစီ မီးပွိုင့်မိနေစဉ် ပစ်ခတ်ခံခဲ့ရခြင်း ဖြစ်သည်။ 

ယနေ့ နိုဝင်ဘာ ၅ ရက် မနက် ၈ နာရီ မိနစ် ၃၀ ခန့်တွင် သေနတ်ဖြင့် ပစ်ခတ်ခံရခြင်း ဖြစ်ပြီး သေနတ်ဒဏ်ရာ သုံးချက်ဖြင့် မြောက်ဥက္ကလာပဆေးရုံသို့ တင်ပို့ကုသနေစဉ် သေဆုံးသွားကြောင်း ဒေသခံများထံမှ တစ်ဆင့် သိရသည်။ 

ပစ်ခတ်မှုပြုလုပ်ခဲ့သည့် GenerationZ Defence Force အဖွဲ့သည် ၎င်းအား သတိထား စောင့်ကြည့်ခဲ့ရာ ၎င်းသည် စစ်ကောင်စီထံသို့ ကျောင်းသားများ၏ အိမ်လိပ်စာများ ပေးပြီး ဖမ်းဆီးခိုင်းမှုများ ရှိကြောင်း၊ ပထမအကြိမ် သတိပေးမှုများ လုပ်ဆောင်ခဲ့ရာ လအတော်ကြာ ငြိမ်သွားခဲ့ကြောင်း၊ ယခုထပ်မံ၍ ကျောင်းသားများကို ခြိမ်းခြောက်မှုများ လုပ်ဆောင်လာ၍ ယခုကဲ့သို့ လုပ်ဆောင်ရခြင်းဖြစ်ကြောင်း ဆိုသည်။ 

“သူ့ကြောင့် ထွက်ပြေးရတဲ့ ကလေးတွေရော၊ ဖမ်းမိသွားတဲ့ ကလေးတွေရော အများကြီး ရှိတယ်။ ကလေးတွေက လာတိုင်တော့ ကျွန်တော်တို့ သတိပေးစာ ထပ်ထုတ်ပါတယ်။  ရပ်တန့်ပေးဖို့လည်း တောင်းဆိုတယ်။ ဒါကိုလက်မခံဘဲ လုပ်ရပ်က ပိုဆိုးလာတယ်။ Non -CDM ဆရာမ မို့လို့ အခုလို လုပ်ခဲ့ရတာ မဟုတ်ပါဘူး။ ဒလန်လုပ်တယ်။  ခြိမ်းခြောက်တယ်။  မတရား လုပ်တယ်လို့ သတင်းကြီး နေတဲ့အပြင် တိုင်တဲ့သူတွေ များလာလို့ပါ" ဟု ပစ်ခတ်ရသည့် အကြောင်းအရင်းနှင့် ပတ်သက်၍ GenerationZ Defence Force အဖွဲ့ဝင်က မဇ္စျိမ ကို ပြောသည်။

အဆိုပါ ပစ်ခတ်မှုကို GenerationZ Defence Force အဖွဲ့နှင့် Human Right Defenders (HRD)အဖွဲ့ တို့က ပူးပေါင်း လုပ်ဆောင်ခဲ့ခြင်းဖြစ်သည်ဟု ဆိုသည်။

ဆက်ဖတ်ရန် →

NUG ငွေတိုက်စာချုပ်တွေကို ဘယ်လိုဝယ်ယူလို့ ရနိုင်မလဲ

📅 💬 မှတ်ချက်

နောင်နောင်/မဇ္ဈိမ


အမျိုးသားညီညွတ်ရေးအစိုးရ (NUG) သည် နှစ်နှစ်သက်တမ်းရှိသော အထူး ငွေတိုက်စာချုပ်များကို ကန်ဒေါ်လာ စုစုပေါင်း သန်း ၁,၀၀၀ ဖိုး ရောင်းချရန် စီစဉ်ထားပြီး ဒေါ်လာ ၁၀၀၊ ၅၀၀၊ ၁,၀၀၀၊ ၅,၀၀၀ တန် စသည့် စာချုပ်ပုံစံ လေးမျိုးဖြင့် ရောင်းချပေးသွားမည်ဖြစ်ကြောင်း NUG အစိုးရ၏ စီမံကိန်း၊ ဘဏ္ဍာရေးနှင့် နိုင်ငံခြားရင်းနှီးမြှုပ်နှံမှု ဝန်ကြီးဌာနက ကြေညာထားသည်။ 


ငွေတိုက်စာချုပ်ဆိုတာဘာလဲ 


ငွေတိုက်စာချုပ် (ချေးငွေစာချုပ်) များကို နိုင်ငံတစ်နိုင်ငံ အစိုးရတစ်ရပ်က ငွေကြေးလိုအပ်သည့်အချိန်တွင် ငွေတိုက်စာချုပ်များကို ပြည်သူများအား ထုတ်ရောင်းကာ ပြည်သူများထံက ချေးငွေယူသည့် လုပ်ငန်းစဉ်ဖြစ်ပြီး စာချုပ်ပါ သတ်မှတ်ကာလ ပြည့်ပါက ထိုစာချုပ်တန်ဖိုးကို အစိုးရက ပြန်လည်ပေးချေရသည်။ 


ကမ္ဘာ့နိုင်ငံ အများအပြားတွင် ကမ္ဘာစစ်အသုံးစရိတ် ပြင်ဆင်ရန်အတွက် အစိုးရက ပြည်သူ့ထံမှ ငွေချေးယူသည့်သဘောဖြင့် ငွေတိုက်စာချုပ်များကို ထုတ်ရောင်းလေ့ရှိပြီး NUG အစိုးရက တော်လှန်ရေးကာလ အတွက် ငွေတိုက်စာချုပ် ထုတ်ရောင်းခြင်းသည် ကမ္ဘာ့သမိုင်းတွင် ပထမဦးဆုံးဖြစ်သည်။ 


“အခုလိုမျိုး တော်လှန်ရေးကာလ အထူးငွေတိုက်စာချုပ်များကို ထုတ်ဝေရောင်းချရခြင်းက NUG အစိုးရရဲ့ အဓိက လိုအပ်နေတဲ့ ဘဏ္ဍာရန်ပုံငွေများကို ပြည်သူနဲ့အတူ လက်တွဲပြီး ပြည်သူ့ဆီကနေပြီးတော့ အစိုးရတစ်ရပ်က တရားဝင် ငွေချေးယူတဲ့သဘောဖြစ်ပါတယ်” ဟု စီမံကိန်း၊ ဘဏ္ဍာရေးနှင့် နိုင်ငံခြားရင်းနှီးမြှုပ်နှံမှု ဝန်ကြီးဌာန ပြည်ထောင်စုဝန်ကြီး ဦးတင်ထွန်းနိုင်က ယမန်နေ့ နိုဝင်ဘာလ ၄ရက်က ပြုလုပ်ခဲ့သည့် သတင်းစာရှင်းလင်းပွဲတွင် ပြောသည်။ 


တော်လှန်ရေး ရန်ပုံငွေလိုအပ်ချက်အရ ရောင်းချမည့် ငွေတိုက်စာချုပ် ဒေါ်လာသန်း ၁,၀၀၀ ဖိုးကို အသုတ်လိုက် ရောင်းချသွားမည်ဖြစ်ပြီး ပထမအသုတ်အနေဖြင့် R စီးရီး ကန်ဒေါ်လာ ၁၀၀၊ ၅၀၀၊ ၁၀၀၀၊ ၅၀၀၀ တန်စာချုပ် များကို ယခု နိုဝင်ဘာလလယ်တွင် စတင်ရောင်းသွားမည် ဖြစ်သည်။ 


ငွေတိုက်စာချုပ်တွေကို ဘယ်လိုဝယ်ယူလို့ ရမလဲ 


NUG အစိုးရက ရောင်းချမည့် ငွေတိုက်စာချုပ်များကို မြန်မာပြည်တွင်းရှိ အာဏာသိမ်း စစ်ကောင်စီထိန်းချုပ်ထားသည့် ဘဏ်အကောင့်များ အထူးသဖြင့် မြန်မာကျပ်ငွေဖြင့် ဝယ်ယူ၍ ရမည်မဟုတ်ဘဲ နိုင်ငံခြားငွေ အမေရိကန်ဒေါ်လာဖြင့်သာ ဝယ်ယူရရှိနိုင်မည်ဖြစ်ပြီး စာချုပ်တန်ဖိုးပေးဆောင်ရမည့် ငွေကြေးများကိုလည်း NUG အစိုးရ၏ နိုင်ငံခြားဘဏ် အကောင့်များထံသို့သာ လွှဲပြောင်းပေး အပ်ရမည်ဖြစ်သည်။ 


ယင်းကြောင့် နိုင်ငံတကာသို့ ရောက်ရှိနေသူများက ငွေတိုက်စာချုပ်များကို အလွယ်တကူဝယ်ယူရရှိနိုင်မည် ဖြစ်သော်လည်း မြန်မာပြည်တွင်းက ဝယ်ယူလိုသူများအနေဖြင့် နိုင်ငံခြားရောက် ယုံကြည်စိတ်ရသည့် မိတ်ဆွေများဖြင့်သာ မိမိကိုယ်စား ချိတ်ဆက်ဝယ်ယူနိုင်မည်ဖြစ်ကြောင်း စီမံကိန်း၊ ဘဏ္ဍာရေးနှင့်

နိုင်ငံခြားရင်းနှီးမြှုပ်နှံမှု ဝန်ကြီးဌာန ပြည်ထောင်စုဝန်ကြီး ဦးတင်ထွန်းနိုင်က ပြောသည်။ 


“ငွေတိုက်စာချုပ်သည် တခြားကိစ္စရပ်လိုမျိုး လှူတာမျိုး မဟုတ်ပါဘူး။ မိမိဝယ်ထားတဲ့ ငွေတိုက်စာချုပ်မှာ မိမိရဲ့ ပိုင်ဆိုင်မှု ဖြစ်တယ်ဆိုတဲ့အချက် အရေးကြီးပါတယ်။ နောင်တစ်ချိန်မှာ ကျွန်တော်တို့ တော်လှန်ရေးပြီးကာလမှာ ငွေတိုက်စာချုပ်များကို ပြန်လည်ပြီးတော့ ရွေးနုတ်ခွင့်ပေါ့နော်။ ငွေတိုက်စာချုပ်များကို ဝယ်ထားတဲ့ ပြည်သူဆီပြန်လည်ပေးအပ်သွားရမယ့် အချိန်ရောက်ရင် ဝယ်ထားတဲ့ ကာယကံရှင် သူပိုင်ဆိုင်ပါတယ်ဆိုတဲ့ အထောက်အထား ခိုင်လုံဖို့ လိုပါတယ်” ဟု ဦးတင်ထွန်းနိုင်က ရှင်းပြသည်။ 


NUG က ထုတ်ရောင်းသည့် ငွေတိုက်စာချုပ်ကို အတိုးနှုန်းပေးနိုင်မည်မဟုတ်ကြောင်းနှင့် စာချုပ်ငွေကို တော်လှန်ရေး အောင်မြင်သည့်အချိန်တွင် ပြန်လည်ရွေးနုတ်ခွင့် ပေးသွားမည်ဖြစ်သည့်အတွက် ငွေကြေးဆုံးရှုံးစရာမရှိကြောင်း ဝန်ကြီးက ဆိုသည်။ 


ငွေတိုက်စာချုပ်တွေကို တော်လှန်ရေးစိတ်ဓာတ်ဖြင့် ဝယ်ယူကြရန် တိုက်တွန်း 


တော်လှန်ရေးအစိုးရ ထုတ်ရောင်းသည့် ငွေတိုက်စာချုပ်များကို တော်လှန်ရေးအပေါ် သက်ဝင်ယုံကြည်ပြီး အာဏာရှင် ပြုတ်ကျလိုစိတ်၊ တော်လှန်ရေးအောင်မြင်လိုစိတ်ဖြင့် ဝယ်ယူအားပေးကြရန်လည်း ဝန်ကြီးက တိုက်တွန်းထားသည်။ 


မြန်မာ့နွေဦးတော်လှန်ရေး နှစ်နှစ်အတွင်း အောင်မြင်မည်ဟု ယုံကြည်သဖြင့် အထူးငွေတိုက်စာချုပ်သက်တမ်းကို နှစ်နှစ်သတ်မှတ်ခြင်းဖြစ်သည်ဟု NUG စီမံကိန်း၊ ဘဏ္ဍာရေးနှင့် နိုင်ငံခြားရင်းနှီးမြှုပ်နှံမှု ဝန်ကြီးဌာန ပြည်ထောင်စုဝန်ကြီး ဦးတင်ထွန်းနိုင်က ယမန်နေ့သတင်းစာရှင်းလင်းပွဲတွင် ထုတ်ဖော်ပြောခဲ့သည်။ 


“တော်လှန်ရေးအောင်မြင်ရမယ်လို့ ခံယူချက်ဖြင့် ရောင်းချခြင်းဖြစ်သည့်အတွက် တော်လှန်ရေးမြင်မှုအတွက် အာမခံချက် ပေးနိုင်မည်” ဟု ဦးတင်ထွန်းနိုင်က ပြောသည်။ 


လတ်တလောတွင်  NUG အစိုးရက ရောင်းချမည့် ငွေတိုက်စာချုပ်များကို ဝယ်ယူရန် ကြိုတင်ကမ်းလှမ်းမှုများလည်း ရှိနေပြီး စာချုပ်များ ဝယ်ယူရမည့်အချိန်ရောက်ပါက ထုတ်ပြန်အသိပေးသွားမည်ဟု NUG အစိုးရ စီမံကိန်း၊ ဘဏ္ဍာရေးနှင့် နိုင်ငံခြားရင်းနှီးမြှုပ်နှံ မှုဝန်ကြီးဌာန ၀န်ကြီးပြောသည်။

Mizzima


ဆက်ဖတ်ရန် →

ဘိုကလေးမြို့တွင် ကျောင်းဝတ်စုံမဝတ်၊ ဝန်ထမ်းကတ် မပါသည့် ဆရာမ ၃ ဦးကို စစ်ကောင်စီတပ်ဖွဲ့ဝင်က နားရင်းအုပ်ဟုဆို

📅 💬 မှတ်ချက်


ဧရာဝတီတိုင်း၊ ဘိုကလေးမြို့တွင် ကျောင်းတက်သွားမည့် ဆရာမ သုံးဦးအား ကျောင်းဝတ်စုံ ယူနီဖောင်း မဝတ်သည့်အပြင် ဝန်ထမ်းကတ်လည်း မပါသောကြောင့် စစ်ကောင်စီတပ်များကခေါ်ပြီး နားရင်းအုပ်ခဲ့သည်ဟု ဒေသခံများထံက သိရသည်။ 

အဆိုပါ ဆရာမသုံးဦးသည် ဘိုကလေးမြို့၊ ပူတင်းစုရွာ စာသင်ကျောင်းတွင် တာဝန်ကျနေသော ဆရာမများဖြစ်ပြီး နိုဝင်ဘာလ ၁ ရက်နေ့ မနက်ပိုင်းအချိန်က ဗိုလ်ချုပ်​ကြေးရုပ်အနီး အဝိုင်းကြီးတွင် စစ်ကောင်စီတပ်များက ခေါ်ယူစစ်ဆေးရာမှ နားရင်းအုပ်ခံလိုက်ရကြောင်း ဒေသခံတစ်ဦးကပြောသည်။ 

"အဲဒီဆရာမသုံးယောက်က သူတို့တာဝန်ကျတဲ့ ကျောင်းကို သွားတာထင်တယ်။ Non CDM တွေဆိုတော့ ဝိုင်းပြောမှာစိုးလို့ ယူနီဖောင်းဝတ်မလာကြဘူး။  ဗိုလ်ချုပ်ကြေးရုပ်နားမှာ ပိတ်ဆို့စစ်ဆေးနေတဲ့ စစ်တပ်ကခေါ်ပြီး စစ်ဆေးမှ ဝန်ထမ်းကတ်က ပါမလာ ယူနီဖောင်းကလည်း ဝတ်မလာတော့ သုံး ယောက်လုံးကို နားရင်းအုပ်ပြီး ကျောင်းသွားခိုင်းလိုက်တာပါ" ဟု ဒေသခံတစ်ဦးက ဆိုသည်။ 

ဧရာဝတီတိုင်းအတွင်း စစ်အာဏာရှင်စနစ်ကို ဆန့်ကျင်ပြီး CDM ပြုလုပ်ထားသည့် ဆရာတစ်ဦးက
" ဒီကောင်တွေက စာမတတ်၊ ပေမတတ်တွေဆိုတော့ ဆရာ၊ ဆရာမရဲ့တန်ဖိုးကိုလည်း နားလည်မှာမဟုတ်ဘူး ။ ဆရာမတွေကို နားရင်းအုပ်တယ် ဆိုတာတော့လွန်တယ်ဗျာ ။ ခံရတဲ့သူတွေကလည်း သူတို့ထိုက်နဲ့ သူတို့ကံပဲလေ"ဟု ထိုဖြစ်စဥ် အပေါ်မှတ်ချက်ပြုသည်။
mizzima

ဆက်ဖတ်ရန် →

PPST က မြန်မာနိုင်ငံသည် တိုင်းပြည်ကျဆုံး ပျက်စီးရေး လမ်းကြောင်းပေါ်သို့ ရောက်ရှိနေပြီ ဖြစ်ကြောင်း ယနေ့ ကြေ ညာချက် ထုတ်ပြန်

📅 💬 မှတ်ချက်
တိုင်းပြည် ကျဆုံးပျက်စီးရေး လမ်းကြောင်းပေါ် ရောက်နေ၊  ချင်း​၊ စစ်ကိုင်း၊ မကွေးနှင့်ကရင်နီတို့တွင် စစ်တပ်က ဘာသာရေးနှင့်ပြည်သူပိုင်များကို တိုက်ခိုက်မှု PPST ပြင်းထန်စွာ ရှုတ်ချ
ခေတ်သစ်မီဒီယာ
ရန်ကုန် ၊ နိုဝင်ဘာ ၅

တစ်နိုင်ငံလုံးအပစ်အခတ်ရပ်စဲရေးစာချုပ် လက်မှတ်ရေးထိုးထားသည် လက်နက်ကိုင် ၁၀ ဖွဲ့ပေါင်းစုထားသော PPST က မြန်မာနိုင်ငံသည် တိုင်းပြည်ကျဆုံး ပျက်စီးရေး လမ်းကြောင်းပေါ်သို့ ရောက်ရှိနေပြီ ဖြစ်ကြောင်း ယနေ့ ကြေ ညာချက် ထုတ်ပြန်၍ သတိပေးလိုက်သည်။ 

PPSTက  ချင်းပြည်နယ် ထန်တလန်အပါအဝင် စစ်ကိုင်း၊ မကွေးနှင့် ကရင်နီဒေသများတွင် စစ်ကောင်စီက ပြည်သူများ၏ ဘာသာရေးအဆောက်အအုံအပါအဝင် အိုးအိမ်များကို ပစ်မှတ်ထား တိုက်ခိုက်မှုကို ပြင်းထန်စွာ ကန့်ကွက်ရှုတ်ချကြောင်း အပါအဝင် ကြေညာချက် တွင်ဖော်ပြထားသည်။ 

PPST အနေနှင့် ပြည်တွင်း ပြည်ပ Stakeholders များနှင့် တွေ့ကာ လက်ရှိနိုင်ငံရေးအကျပ်အတည်းကို ဖြေရှင်းရေးနှင့် ဖက်ဒရယ်ပြည်ထောင်စု တည်ဆောက်ရေးဆိုင်ရာ သဘောထားများကို စုစည်းရန် ဆွေးနွေးညှိနှိုင်းရေးကော်မတီကို ဖွဲ့စည်းထားကြောင်း၊ နိုင်ငံရေးမတည်ငြိမ်မှုနှင့် ပြည်သူများရင်ဆိုင်ရသည့် အကျပ်အတည်းသည် တိုင်းပြည်ကျဆုံးပျက်စီးရေးလမ်းကြောင်းပေါ်သို့ ရောက်နေကာ ဒေသတွင်း တည်ငြိမ်မှုပါ ခြိမ်းခြောက်ခံနေရကြောင်း၊ ကုလသမဂ္ဂက အသစ်ရွေးချယ်ခန့်အပ်သည့် မြန်မာနိုင်ငံဆိုင်ရာ အထူးကိုယ်စားလှယ် နိုလင်းဟေဇာ ၏ လက်ရှိ မြန်မာပြည်တွင်းလက်ရှိကြုံတွေ့နေသည့် အထွေအထွေအကျပ်အတည်းဖြေရှင်းရေးနှင့် ပတ်သက်သည့် လုပ်ငန်းများတွင် PPST က လက်တွဲ လုပ်ဆောင်သွားမည် ဖြစ်ကြောင်း ဖော်ပြထားသည်။ 

စစ်ဘေးရှောင်ပြည်သူများ၏ လုံခြုံရေးနှင့် လူသားချင်းစာနာမှုအထောက်အကူများ အမြန်ဆုံရရှိရေးကြိုး ပမ်းဆောင်ရွက်သွားမည်ဟု ပါရှိကာ အကြမ်းဖက် ဖက်စစ် စစ်ကောင်စီ၏ ကျုးလွန်မှုများနှင့် ကျူးလွန်သူများကို ပြင်းထန်စွာ အရေးယူပေးရန်လည်း PPST ၏ ကြေညာချက်တွင် ပါရှိသည်။

အဆိုပါ သဘောတူကြေညာချက်များသည် တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေးသဘောတူစာချုပ် လက်မှတ်ရေးထိုးထားသော တိုင်းရင်းသားလက်နက်ကိုင်တော်လှန်ရေးအဖွဲ့အစည်များ၏ ငြိမ်းချမ်းရေးလုပ်ငန်းစဉ် ဦးဆောင်အဖွဲ့(PPST) အစည်းအဝေးထုတ်ပြန်ချက်အဖြစ် ထုတ်ပြန်ခြင်းဖြစ်သည်။

ဓာတ်ပုံ- ၂၀၁၉ ခုနှစ် ထိုင်းနိုင်ငံ၊ ချင်းမိုင်တွင် ကျင်းပပြုလုပ်သော PPST အစည်းအဝေး။  
ဆက်ဖတ်ရန် →

ဗိုလ်ချုပ်ကြီးဟောင်းဦးနေဝင်းဟာ သာမာန်ရိုးရိုးသားသား သေသွားခဲ့ရတာ မဟုတ်ပါဘူး ။

📅 💬 မှတ်ချက်
 (နိုင်ငံတော် ထိပ်တန်းလျှို့ဝှက်ချက်
 ဖြစ်တဲ့ ဒီ ပို့စ်ကို ရှားရှားပါးပါး ရှာတွေ့
ပြီး copy ယူမရအောင် link ချပြီးပဲတင်ထားလို့ 
ခဲခဲယဉ်းယဉ်း တပိုဒ်ချင်းစီကူးယူ 
စာရှည်တော့ စာဖတ်တွေ ပျင်းမှာစိုးလို့ တပိုဒ်ချင်းစီကို အဖြတ်အတောက် တွေနဲ့တစ်နာရီနီးပါးကြာအောင် အချိန်ပေးခဲ့ရပါကြောင်း...)credit...

တကယ်တော့ ဗိုလ်ချုပ်ကြီးဟောင်းဦးနေဝင်းဟာ သာမာန်ရိုးရိုးသားသား သေသွားခဲ့ရတာ မဟုတ်ပါဘူး ။
ဒေါသအလွန်ကြီးတဲ့ ဦးနေဝင်းဟာ 
သေခါနီးမှာ သူသိပ်ချစ်ခဲ့တဲ့ မြေးတွေကို 
တွေ့ခွင့်မရတော့ပဲ ၊ 

လုံလောက်တဲ့ ဆေးကုသမှု့ကို မရရှိတော့ပဲ ဗုံးဗုံးလဲဘဝမှာ တုံးလုံးလဲအဖြစ်နဲ့ အရှုံးကြီးရှုံးခဲ့ရတဲ့ အဖြစ်ဆိုးတွေကို 
ရင်ဆိုင်ရင်း 

မျက်ရည်နဲ့မျက်ခွက် နာကြီးချက် 
တောက်ခေါက်သံတွေနဲ့အတူ နှစ်
လုံးသွေးတွေပွင့်ကျပြီး အသေဆိုးနဲ့ သေသွားခဲ့ရတာ ဖြစ်ပါတယ် ။

ဗုဒ္ဓဘာသာစကားနဲ့ ပြောရရင်တော့ 
သူလဲ ဝဋ်လည်သွားခဲ့တာပဲပေါ့ ။

အာဏာရှင်ကြီးဦးနေဝင်းရဲ့ ကျရှုံးရခြင်း 
အကြောင်းတရားတွေက အာဏာနဲ့ 
တိုင်းပြည်ကို အိမ်ခြံဝင်းထဲမှာ မွေးထားတဲ့ တိရိစ်ဆာန်တွေလို သဘောထားပြီး 
ကြိုက်တဲ့နေ့မှာ ကြိုက်တဲ့သတ္တဝါကို 
ရိုက်သတ်ချက်စားတတ်တဲ့ အာဏာ
ရှင်တို့ရဲ့ အလေ့အထတွေက ဇာတ်လမ်းစခဲ့ကြပါတယ် ။

ဇာတ်လမ်းအစက ဒီလို ဒီလို 

ဝင်းမြင့် ဒီစာကို နဝတ ရုံးချုပ်ကို အခုသွားပေးလိုက် ဟုတ်ကဲ့ပါ အဖေကြီး ။

ဗိုလ်ချုပ်ကြီးဟောင်းဦးနေဝင်းက
 ဗိုလ်ချုပ်ဝင်းမြင့်
( အတွင်းရေးမှူး(၃)ဖြစ်လာမည့်သူ)
ကိုခေါ်ပြီး ၄င်းကိုယ်တိုက်လက်မှတ်ထိုးထားတဲ့စာတစောင်ကို ပေးလိုက်ပါတယ် 

ဗိုလ်ချုပ်ဝင်းမြင့်က ထိုစာထဲမှာ ဘာတွေ
ရေးထားမှန်းမသိပါ။
နဝတရုံးချုပ်ထံကို ရောက်တော့မှ ထိုစာသည် သူ့အား အတွင်းရေးမှူး(၃)အဖြစ် ပြောင်းလဲတာဝန်ပေးလိုက်ကြောင်း သိရှိရပါတယ် ။

ဗိုလ်ချုပ်ဝင်းမြင့်ကို တွင်း(၃)ရာထူး
ခန့်အပ်လိုက်တာက တွင်း(၂)ဖြစ်သူ 
ဒုတိယဗိုလ်ချုပ်ကြီးတင်ဦးကို 
မနှစ်သက်လို့ပါ ။

တွင်း(၂)ဒုတိယဗိုလ်ချုပ်ကြီးတင်ဦးက ...တပ်မတော်မှ တပ်မှူးကြီး
အတော်များများက 
ကြည်ညိုလေးစားသူဖြစ်နေပြီး 

အလွန်စစ်သားစိတ်ပြည့်ဝပြီး 
အလွန်ပြတ်သားသူဖြစ်တဲ့အပြင် 
မဟုတ်မခံစိတ်ကလဲ အလွန်ပြင်းထန်သူတယောက်အဖြစ် 
နာမည်ကြီးလွန်းလို့ဖြစ်ပါတယ် ။

နောက်တခုက လူယုံအဖြစ် 
လက်သတ်မွေးထားခဲ့သော ဗိုလ်ချုပ်
ခင်ညွန့် တွင်း(၁)ဖြင့် နှိုင်းယှဉ်ပါက
လည်း တပ်မတော်မှ တွင်း(၂)ကိုသာ
 လေးစားကြတာဖြစ်ပြီး ဗိုလ်ခင်ညွန့်
ထက်ပင် စီနီယာကျ
ူကြည်းတပ်အရာရှိကြီးဖြစ်နေခြင်း
ကြောင့်ဖြစ်ပါတယ် ။

အဲ့ဒီလို နာမည်ကြီးတာကြောင့် 
ဒုတိယဗိုလ်ချုပ်ကြီးတင်ဦး စစ်ဆင်ရေးအထူးအဖွဲမှူးက ကရင်ပြည်နယ်အတွင်း စစ်ဆင်ရေးတခုအတွက် 
ရဟတ်ယာဉ်ဖြင့် ဒေသတခုသို့ သွားရောက်စဉ် 
ဗိုလ်နေဝင်းရဲ့ တိုက်ရိုက်အမိန့်နဲ့ 
လုပ်ကြံသတ်ဖြတ်ခြင်းခံခဲ့ရပါတယ် ။

ထိုစစ်ရဟတ်ယာဉ်ပေါ်တွင် ပါသွားသူများထဲမှ အသက်မသေပဲ ကြံရှိသူများကို အထူးဆေးရုံတွင်ထားရှိပြီး သတင်းပေါ်မည်စိုး၍ မည်သူနှင့်မှ တွေ့ရှိခွင့် မပြုခဲ့ပေ ။ 
တချို့ကိုတော့ တစ်ခါတည်း 
နှုတ်ပိတ်လိုက်ပါတော့တယ် ။

၈၈ အရေးအခင်းပြီးကာလ 
စစ်တပ်အပေါ်မှာသာ 
သစ္စာထားခဲ့ကြတဲ့ ဗိုလ်ချုပ်ခင်ညွန်နှင့်
ခေတ်ပြိုင်ဖြစ်သည့်

ဗိုလ်ချုပ်ထွန်းကြည်၊

ဗိုလ်ချုပ်မြင့်အောင်၊

ဗိုလ်ချုပ်ကျော်ဘ၊

ဗိုလ်ချုပ်မျိုးညွန့် 

အစရှိသည့် ...

တိုင်းမှူ းကြီးများအားလုံးကိုလဲ 
ဗိုလ်ချုပ်ကြီးဟောင်းဦးနေဝင်း၏ 
အမိန့်ဖြင့် ရန်ကုန်တွင် အစည်းအဝေ
းခေါ်၍ဝန်ကြီးများအဖြစ် 
ခန့်အပ်ပြီးတော့ 
လက်နှက်ဖြုတ်သိမ်းကာ ဒုတိယဗိုလ်
ချုပ်ကြီးများအဖြစ် တာဝန်ပြောင်းလဲစေခဲ့တာကိုလဲ မှတ်မိကြအုံးမယ် 
ထင်ပါတယ်...

အဲ့ဒီ ဒုတိယဗိုလ်ချုပ်ကြိး ဝန်ကြီးအုပ်
စုတွေဟာလဲ နောက်ပိုင်းမှာတော့ 
နိုင်ငံတော် အကြံပေးအဖြစ် 
ခေါင်းစဉ်တပ်ခါ ရာထူးဖြုတ်ခြင်းကို 
ခံကြရပြီး ထောင်သွင်းအကျဉ်ချခြင်းများ ပြုလုပ်တာကို ခံခဲ့ကြရတယ်မဟုတ်လား၊ 

အချို့ဗိုလ်ချုပ်တွေက စိတ်နာလွန်းလို့ 
ကိုယ့်ဟာကိုယ် သတ်သေသွားခဲ့ကြပါ
တယ် ။

ဒီနေရာမှာ ကြားဖြတ်ပြီးပြောချင်တာက 
စစ်ဆိုရင်တိုက်မယ် ၊ အရက်ဆိုရင်သောက်မယ်၊ တခြားဘာမှလာမခိုင်းနဲ့ မသိဘူးလို့ ပြောတတ်တဲ့ 

ဗိုလ်ချုပ်မောင်အေး တယောက်သာ 
သောက်အ ကြီးလိုနေခဲ့လို့ ဗိုလ်နေဝင်းနှင့် ဗိုလ်ခင်ညွန့်တို့က မျက်စိကျခဲ့တာကိုခံခဲ့ရတယ် ။ 
ထို့ကြောင့်လဲ အခြားသောတိုင်းမှူးတွေကို ဒုတိယဗိုလ်ချုပ်ကြိးရာထူးပေးပြီးတော့ လက်နှက်ဖြုတ်သိမ်းပြီး 
တိုင်းမှူဘဝကနေ ဝန်ကြီးအဖြစ် 
စစ်တပ်လက်အောက်ခံ ပြောင်းပေးလိုက်သော်လည်း ဘာဘာ ဘာမှမသိတဲ့ 
စစ်သားဆိုး ဗိုလ်ချုပ်မောင်အေးကို ဒုတိယဗိုလ်ချုပ်ကြီးတိုင်းမှူးအဖြစ် ဆက်
လက်ထားရှိခဲ့ပါတယ် ။
မြန်ပြည်စစ်သမိုင်းမှာ ဒုတိယဗိုလ်ချုပ်
ကြီးတိုင်းမှူး
ဖြစ်ခဲ့သူဟာ ဗိုလ်ချုပ်မောင်အေး 
တယောက်တည်းသာ ရှိခဲ့ပါတယ် ။

အထက်မှာ ပြောခဲ့သလို သောက်အ ကြီး 
တဇောက်ကန်းကြီး ဗိုလ်မောင်အေးဟာ 
တကယ်တော့ ..
ဗိုလ်နေဝင်းလက်ထက် တိုင်းမှူးဖြစ်ထိုက်သူတွေထဲမှာ ပါဝင်ခဲ့သူမဟုတ်ပါဘူး 

ဘာဖြစ်လို့လဲဆိုတော့ မဆလလက်
ထက်က ထိုခေတ်က တိုင်းမှူးဖြစ်ရ
မည့်သူတွေ၏ အရည်အချင်းမှာ 
ဗိုလ်နေဝင်း၏ အိမ်တော်သက်တော်စောင့်ဖြစ်ခဲ့ဖူးသူ၊ ထိုစဉ်က လက်ရွေးစင် ကြေးကြီးဖာအရှာကောင်းသူတွေဖြစ်ပြီး ဗိုလ်နေဝင်း၏ သွေးသောက်သစ္စာခံအဖြစ် သစ္စာဆိုဖူးသူတွေသာလျှင် တိုင်းမှူး ဖြစ်ခွင့်ရှိကြတယ် မဟုတ်လား ။

သို့သော်လည်း ရှမ်းပြည်တလွှား စစ်
ပွဲတွေမှာတော့ ဗိုလ်ချုပ်မောင်အေးဟာ တပ်မှူးကြီးဘဝတွင် စစ်တိုက်အလွန်ကောင်းသူ စစ်ရေးကျွမ်းကျင်သူအဖြစ် 
နာမည်ကြီးလာသောကြောင့် 
ထူထူးခြားခြား ဗိုလ်နေဝင်း၏ သွေးသောက်သစ္စာခံထားသူမဟုတ်ပဲ တိုင်းမှူးဖြစ်လာခဲ့တဲ့ တစ်ယော်တည်းသောသူ
 ဖြစ်ပါတယ် ။

ဗိုလ်မောင်အေး၏ အထက်ပါကဲ့သို့ 
ဗိုလ်ချုပ်ကြီးနေဝင်း၏ အိမ်တော်စောင့် သွေးသောက်သစ္စာခံမဟုတ်ပဲ တိုင်းမှူး
ကြီးဖြစ်ခဲ့ခြင်းကပင် နောက်ပိုင်းမှာတော့ 
ဗိုလ်ချုပ်ကြီးနေဝင်းကို အသေသတ်ဖို့ 
အမိန့်ပေးနိုင်ခဲ့သူ တယောက် ဖြစ်ခဲ့
တယ်ပေါ့ဗျာ ။
အထက်ဖော်ပြပါ အကြောင်းတရားတွေက စာဖတ်သူတို့ကို ၈၈ နောက်ပိုင်မှာလဲ ဗိုလ်ချုပ်ကြီးနေဝင်းက စစ်တပ်အပေါ်မှာ ဘယ်လောက်အထိ သြ
ဇာညောင်းခဲ့တယ်ဆိုတာ 
မြန်မာပြည်နိုင်ငံရေးကို ဘယ်လောက်အထိ ခြုပျကိုငျခဲ့တယျဆိုတာသဘောပေါကျပွီိး ရှေ့ဆက်ရေမည့် ဇာတ်
လမ်အတွက် နားလည်လာမည် ဖြစ်ပါတယ် ။
ဒီတော့ ဒုတိယဗိုလ်ချုပ်ကြီးတင်ဦးကိုလဲ 
သတ်ခဲ့ပြီးပြီ ၊ 
၈၈ အပြီး စစ်တပ်ကို သစ္စာရှိခဲ့တဲ့ ဗိုလ်ချုပ်ခင်ညွန့်နဲ့ အပြိုင်တွေဖြစ်ကြတဲ့ 
ဗိုလ်ချုပ်မောင်အေးကလွဲပြီး 
တိုင်းမှူးတွေအားလုံးကိုလဲ 
ရာထူးဖြုတ်အရေးယူပြီးသွားပြီ ၊ 

ဒါပေမယ့် နိုင်ငံတော်ဥက္ကဌနှင့် ဗိုလ်
ချုပ်မှူးကြီးရာထူးကို လိုချင်လျှင် ယူလို့ရအောင် စစ်တပ်မှာ 
ဘယ်တုန်းကမှ မရှိခဲ့ဘူးတဲ့ 

ဗိုလ်ချုပ်မှူးကြီးရာထူးနဲ့ ယှဉ်ပြိုင်ဖြစ်တဲ့ 
စစ်မဟာဗျူဟာ လေ့လာရေးဌာနကြီးမှူးဆိုတဲ့ ကြည်းတပ်ကိုပါ တွဲကိုင်လို့ရတဲ့ ရာထူးကိုလဲ ဗိုလ်ချုပ်ခင်ညွန့်ကိုပေးပြီးပြီ 

ဘာကျန်သေးလဲ ဘာလိုသေးလဲ 
စဉ်းစားကြည့်ကြပေါ့ ။

ဖြစ်ပေါ်လာတဲ့ ပြဿ     နာတွေက 
ဗိုလ်ချုပ်ကြီးနေဝင်း၏ မြေးဖြစ်သူတွေက 
အရွယ်ရောက်လာပြီး 

မြန်မာနိုင်ငံမှာ ဗိုလ်ချုပ်ခင်ညွှန့် အသိအမှတ်ပြု စကော်ပီယံ ဂိုဏ်းဆိုတာကြီက ပေါ်ပေါက်လာခဲ့ပြီးမဟုတ်လား ။

အဲ့ဒီ စကော်ပီယံဂိုဏ်းကြီးဟာ
ရန်ကုန်မှာ ဗြောင်လူသတ်မှု့တွေ 
ကျူ းလွန်လာခဲ့ကြတယ် ။

အဲ့ဒီ ကျူ းလွန်လာရာက 
အင်းအားတောင့်တင်းလာပြီးတော့ လက်ရှိနိုင်ငံတော်ကို အုပ်ချုပ်နေတဲ့ ဗိုလ်
ချုပ်ကြီးနေဝင်း၏ အမိန့်တော်ခံ စစ်ဗိုလ်ချုပ်ကြီးများကိုတောင် စိန်ခေါ်မှု့တွေ လုပ်လာခဲ့တော့တယ် ။

တိုင်းပြည်ကို အမွေရသူတွေအဖြစ်
 ဗိုလ်နေဝင်း၏ မြေးများက သတ်
မှတ်လာပါတော့တယ် ။

စာဖတ်သူတို့ ကြားသိ
မှတ်မိလိုက်အုံးမယ်လို့ ထင်ပါတယ် ။

အဲ့ဒါကတော့ မန္တလေးတိုင်းမှူးး ဗိုလ်
ချုပ်ရဲမြင့်၏ သားကို ရန်ကုန်မှာ ဖြစ်ပေါ်လာတဲ့ ပြဿ     နာကြောင့် မန္တလေးအထိ စကော်ပီယံတွေလိုက်လာပြီးတော့ 
နန်းရှေ့က စားသောက်ဆိုင်ကြီးတခုမှာ 
ဗိုလ်ချုပ်ရဲမြင့်၏သားကို ဖမ်းထားပြီး 
တိုင်းမှူးကြီးဖြစ်သူ 
ဗိုလ်ချုပ်ရဲမြင့်ကိုယ်တိုင် ဒူးထောက်တောင်းပန်မှ အသက်ချမ်းသာပေးမယ်လို့
 ခြိမ်းခြောက်တာကြောင့် 
တိုင်းမှူးကိုယ်တိုင် စားသောက်ဆိုင်မှာ ဒူးထောက် တောင်းပန်လိုက်ခဲ့ရတယ် 
မဟုတ်လား ။

အဲ့ဒီလိုပဲ ရန်ကုန်မှာ ဗိုလ်နေဝင်း၏
 မြေးတွေ၏ ကားတန်းကို ဗိုလ်ချုပ်မှူး
ကြီးတွေ၏ ကားတန်းက ရပ်ပေးရမယ်လုပ်လို့ဗိုလ်မောင်အေးကမကျေနပ်တာကြောင့် သမီးကို ပြန်ပေးဆွဲတဲ့ကိစ္စတခုက ဖြစ်ပေါ်လာခဲ့တယ်မဟုတ်လား ။

အဲ့ဒီပြန်ပေးဆွဲတဲ့ကိစ္စမှာ စစ်ရုံးချုပ်မှာ 
ယိုးဒယားနဲ့ ဖြစ်ပေါ်နေတဲ့ အရေးအခင်းတွေကြောင့်စစ်ရေးအာဏာကို လုံးဝတာဝန်ယူထားချိန်ဖြစ်နေတဲ့ 
ဗိုလ်မောင်အေးဟာ စစ်ရုံးချုပ်မှာပဲ တာဝန်ပြည့်ယူထားချိန်ဖြစ်လေတော့ ၂၄ နာရီအတွင်း သမီးကို ပြန်မလွှတ်ရင် ၊ 
သမီးဖြစ်သူ တခုခုဖြစ်ခဲ့လျှင် ရှစ်မိုင်မရမ်းကုန်းခြံကို အမှုန့်ကြိတ်ပစ်မယ် မြှောက်နဲ့ထုမယ်ဆိုတဲ့ ရာဇသံ ပေးလိုက်
ပါတော့တယ် ။

အဲ့ဒီ အရေးအခင်းမှာ ဗိုလ်ခင်ညွန့်က
 ကြားဝင်ဖြန်ဖြေသူလုပ်ပေးပြီးတော့ 
ဗိုလ်ချုပ်မောင်အေးရဲ့ သမီးကို ကယ်
ထုတ်လာခဲ့ပါတော့တယ် ။ 

နှစ်ဦးနှစ်ဖက် အဲ့ဒီအငြီုးအတေးတွေက 
မြန်မာနိုင်ငံသမိုင်းက ဗိုလ်ချုပ်ကြီးနေ
ဝင်းရဲ့ သမိုင်းတခုကို ပြောင်းပြန်ဖြစ်သွားစေခဲ့ပါတယ် ။
အဲ့ဒါကြောင့် ဗိုလ်ချုပ်ကြီးနေဝင်းနှင့် 
မြေးဖြစ်သူတွေက နိုင်ငံတော်အာဏာသိမ်းဖို့ ကြံစည်လာခဲ့ကြပါတော့တယ် ။

ပထမတစ်ကြိမ်ကတော့ ဗိုလ်ချုပ်မှူ း
ကြီးသန်းရွှေ ဘရူနိုင်းနိုင်ငံကို အစည်းအဝေးတခုသွားရောက်လည်ပတ်စဉ်
ကဖြစ်ပါတယ် ။
အဒီ အစည်းဝေးပွဲကို ဗိုလ်ချုပ်ကြီးခင်
ညွန်လဲ အတူ တက်ရောက်နေစဉ်က
 ဖြစ်ခဲ့ပါတယ် ။

အဲ့ဒီ အချိန်မှာ ဗိုလ်နေဝင်းကြီးကိုယ်တိုင် လူရွေးပြီး ခန့်အပ်တာဝန်ပေးထားတဲ့ အထက်က ပြောခဲ့ပြီးသားဖြစ်ခဲ့တဲ့ 

ဗိုလ်ချုပ်ဝင်းမြင့် ( တွင်း ၃ ) မြန်မာ့ဦးပိုင်လိမိတက်ဥက္ကဌ စစ်ရေးချုပ်နှင့် မြန်မာ့ကော်ပိုရေးရှင်းဥက္ကဌ စစ်ထောက်ချုပ်တို့ကို ဗိုလ်ချုပ်ကြီးဟောင်းဦးနေဝင်း၏ 
အမိန့်ဖြင့် ၄င်းတို့က အာဏာသိမ်းရန် 
ကြံစည်ဆောင်ရွက်ခဲ့ကြတယ် ။

ထိုစဉ်အချိန်က မြန်မာပြည်ဟာ ယိုးဒယားနှင့် စစ်ရေးတင်းမာမှုကာလဖြစ်ပြီး စစ်တပ်မှာ တာဝန်အပြည့်ယူထားသူက 

ဗိုလ်ချုပ်မောင်အေးဖြစ်သော်လည်း ၊ 
စစ်သားအများစုနှင့် စစ်လက်နှက် စစ်ရေးတို့ကို မိမိတိုင်းလက်အောက်တွင် နေရာယူထားစေပြီး တိုက်ရိုက်အမိန့်ပေး စေခိုင်းခွင့်အာဏာရှိထားသူက ဒီနေ့ သမ္မတကြီးဖြစ်နေသူ ဗိုလ်ချုပ်သိန်းစိန်ပဲ
 ဖြစ်နေခဲ့ပါတယ် ။

ဗိုလ်ချုပ်သိန်းစိန်၏ အထက်မှာ
 ရေးချုပ်ဖြစ်သော 
ဒုတိယဗိုလ်ချုပ်ကြီး ဝင်းမြင့်(တွင်း ၃ ) ရှိသလို ထောက်ချုပ်ဖြစ်သော ဒုတိယ
ဗိုလ်ချုပ်ကြီး တင်လှိုင်တို့ ရှိနေကြ
တယ်မဟုတ်လား ။

ရေးချုပ်နှင့် ထောက်ချုပ်ကိုပိုင်လျှင်
 ဗိုလ်ချုပ်ကြီးဟာ ဘာမျှ လုပ်လို့
မရတော့ဘူးမဟုတ်လား ။

အဲ့ဒီတော့ ရေးချုပ်နှင့် ထောက်ချုပ်က တိုင်းမှူးတွေကို တိုင်းပြည် ပြည်သူလူထုကို အသိမပေးပဲ လျှိုဝှက်စွာ အဖေကြီး ဗိုလ်ချုပ်ကြီးဟောင်း ဦးနေဝင်း၏ အမိန့်ဖြင့် အာဏာသိမ်းမည်ဖြစ်ကြောင်း အကြောင်းကြားပါတော့တယ် ။

ထို့အတူ အာဏာသိမ်းပြီးပါက 
ဗိုလ်ချုပ်ကြီးခင်ညွန့်ကို အာဏာအပ်မည်ဖြစ်ကြောင်း ကြေငြာချက်ထဲမှာ ထည့်သွင်းထားခဲ့ပါတယ် ။

ဒီနေရာမှာ အချို့တိုင်းမှူးများက ဘာလုပ်ရမှန်းမသိပဲ ထပ်ဆင့်အမိန့်ကို စောင့်နေကြသူတွေရှိသလို၊ 

အချို့တွေကတော့ လက်မခံကြပါဘူး၊
အချို့တွေကတော့ သဘောတူကြပါ
တယ် ။

အဲ့ဒီအခြေအနေမှာ ယိုးဒယာပြဿ     နာကြောင့် လက်ရှိတပ်အင်အားတွေကို တိုင်းအတွင်းမှာ ကွပ်ကဲနေရပြီး 

စစ်အင်အား အတောင့်တင်းဆုံး အများဆုံးဖြစ်နေတဲ့ 
တြိဂံဒေသတိုင်းမှူးကြီးဖြစ်သူ ယခု သမ္မတကြီးသိန်းစိန်က အာဏာသိမ်းမှု့ကို 
ပထမဦးဆုံး လုံဝဆန့်ကျင့်ခဲ့ပြီး 
ဒုတိယ ဗိုလ်ချုပ်မှူးကြိးဖြစ်သူ ဗိုလ်မောင်အေးကို အကြောင်းကြားလိုက်ပါတော့တယ် ။

အထက်မှာပြောပြခဲ့သလို ဒေါက်တာတင်လင်းမြင့်၏ ခင်ပွန်းဖြစ်သူ ဗိုလ်ချုပ်ရဲမြင့်ကလဲ ဗိုလ်ချုပ်သိန်းစိန်နဲ့အတူ ကန့်ကွက်လာကြပြီး၊ တိုင်းမှူးတော်တော်များများကပါ ကန့်ကွက်လာသဖြင့်
 မအောင်မမြင်ဖြစ်ခဲ့ရပြီး 
ကမ်းရိုးတန်းစစ်ဌာနချုပ်တိုင်းမှူးအပါအဝင် တိုင်းမှူးအချို့နှင့် ဒုတိယဗိုလ်ချုပ်
ကြီးဝင်းမြင့် ဒုတိယဗိုလ်ချုပ်ကြီး တင်
လှိုင်စစ်ထောက်ချုပ်တို့ အဖမ်းခံခဲ့ရ
ပါတော့တယ်။

သို့သော် နှစ်ပေါင်းများစွာ
သွေးကိုသောက်၍ သစ္စာခံများဖြစ်ခဲ့
ကြသော တိုင်းမှူးကြီးများက 
ထိုအရေးကို ဖုန်းကွယ်ထားကြပြီး 
စစ်တပ်မပြိုကွဲရေးခေါင်းစဉ်အောက်မှာ
 ပြည်သူတွေကို အသိမပေးခဲ့ပဲ နိုင်
ငံတော် ထိပ်တန်း လျှိုဝှက်ချက်အဖြစ် သတ်မှတ်ထားခဲ့ကြပါတယ် ။

ထိုသို့ လက်ရှိဗိုလ်ချုပ်ကြီးများက 
အင်အားတောင့်တင်းခဲ့သော မဆလပါတီဝင်းများ၏ 
ဖိအားပေးလာမှု့အရေးကို ကြောက်ရွံပြီး 

ထိုပြဿ     နာကို ကွယ်ဝှက်ထားမှု ၊ 
ထို့အတူ သွေးသောက်၍ သစ္စာခံခဲ့
ကြသော တိုင်းမှူးများရှိနေသည့်အရေးများကြောင့် အချင်းချင်း ပြိုကွဲမှု့မဖြစ်စေရန် လျှိုဝှက်ထားမှု့ကို အခွင့်ကောင်း
ယူပြီးဒုတိယတစ်ကြိမ်းကတော့ 
ဗိုလ်ချုပ်ကြီးနေဝင်း၏ မွေးနေ့ပွဲကြီးကို 
အကြီးအကျယ် ကျင်းပခဲ့ကြပါတယ် ။

အဲ့ဒီမှာ ၈၈အပြီးက နိုင်ငံတော်အပေါ်ကို သစ္စာရှိခဲ့ကြတဲ့ ဗိုလ်ချုပ်ကြီးနေဝင်းအပေါ်ကို သစ္စာရှိခဲ့ကြတဲ့ 

ဗိုလ်ချုပ်ကြီးဟောင်းတွေအားလုံးကို 
ဖိတ်ကြားပြီးတော့ နအဖဥက္ကဌကြီးအပါအဝင် နိုင်ငံတော်ဗိုလ်ချုပ်ကြီးတွေအားလုံးကို ဖိတ်ကြားလိုက်ပါတယ် ။

အဲ့ဒီဗွိဒီယိုမှာ ဗိုလ်ချုပ်ထွန်းကြည်အစရှိတဲ့ တိုင်းမှူး တပ်မှူးဟောင်းကြီးတွေက လက်အုပ်လေးတွေချီပြီးတော့ ခမ်းမကြီးထဲကို ဝင်လာကြပါတယ် ။

ဗိုလ်ချုပ်ကြီးနေဝင်း၏ သက်တော်စောင့်တပ်ဖွဲ့တွေကလဲ လုံခြုံရေးကို လက်နှက်အပြည့်အစုံနဲ့ တာဝန်ယူထားကြပါ
တယ် ။

ဒါပေမယ့် နဝတအဖွဲ့ ဗိုလ်ချုပ်ကြီးများက 
ထိုပွဲကို မတက်ရောက်ခဲ့ကြပါဘူး၊ ဗိုလ်မှူးကြီးအဆင့် ကိုယ်စားလှည်တဦးသာ တက်ရောက်ခဲ့ပါတယ် ။

ထို့ကြောင့် မွေးနေ့ပွဲကနေတဆင့် အာဏာသိမ်းပွဲလုပ်ရန် စီမံထားသော်လည်း မအောင်မြင်ပဲ 
ဖြစ်ခဲ့ကြပြန်ပါတယ် ။

နောက်ဆုံးအဆင့်ကတော့ 
နိုင်ငံတော်ပုံကန်မှု့ဆိုပြီး စစ်အစိုးရက တရားဝင်ကြေညာခဲ့သည့်အတိုင်း 

ဒေါ်စန္ဒာဝင်းကိုယ်တိုင် ပူးပေါင်းပါဝင်ကြံစည်တဲ့ ကိုယ်ပိုင်ယုံကြည်ရသော
တပ်များဖြင့် စစ်ရုံးချုပ်နှင့်တကွ 
အခြားသော အရေးကြီးသည့် ဌာနများကို ဝင်ရောက်စီးနင်းရန် စစ်ရုံးချုပ်ကို 
အချိန်မရွေးဝင်ထွက်သွားလာခွင့်ရှိသည့် 
စစ်တပ်မှ အရာရှိကြီးအချို့ကို စည်းရုံး၍ တိုက်ရိုက်အာဏာသိမ်းရန် ကြံစည်လာခဲ့ကြပါတော့တယ် ။

ထိုကြံစည်မှု့ကိုတော့ နောက်ပေါက်လူသစ် နဝတလက်ထက် နာမည်ကြီးလာသူ တိုက်ခိုက်ရေးကောင်းသည်ဟု 
နာမည်ကျော်သော လက်ရှိဗိုလ်ချုပ်ကြီးဟောင်း သူရရွှေမန်းကနေတဆင့် ပေါက်
ကြားခဲ့တယ်လို့ ကြားသိခဲ့ရပါတယ် ။

ထို့ကြောင့် ဒုတိယ ဗိုလ်ချုပ်မှူးကြီး မောင်အေးကိုယ်တိုင် ထိုပြဿ     နာကို ချက်ချင်း အရေးယူဆောင်ရွက်ခဲ့ပါတယ် ။ 
အထက်မှာ ရှင်းပြခဲ့သလို...

စစ်သားကြီးတွေကို ကျေးဇူးခံ ကျေးဇူးစားဆိုပြီး သွေးကိုသောက်ခိုင်းပြီးတော့ သစ္စာအတိုက်ခံထားရသူမဖြစ်ခဲ့ဖူးတဲ့ ၊ 

လူတော်အဖြစ် သတ်မှတ်ခြင်း မခံခဲ့ရလို့ 
အိမ်တော်စောင့် ဗိုလ်ကြီး မဖြစ်ခဲ့ရတဲ့ ဗိုလ်ချုပ်မောင်အေးက စစ်မိန့်ဖြင့် အားလုံးကို ဖမ်းဆီးလိုက်ပါတော့တယ် ။

တကယ်တော့ ထိုကဲ့သို့ တပ်ကို အသုံးပြုပြီးတော့ အာဏာသိမ်းယူရန်ကြံစည်မှု့ကြီးတခုခု လုပ်တော့မည်ကို 

နိုင်ငံတော် ထောက်လှန်းရေးကို တာဝန်ယူထားခဲ့သည့် စစ်မဟာဗျူဟာ လေ့လာရေးဌာနကြီးမှူကြီးတယောက်က အဘယ်ကြောင့် မသိခဲ့ရပါသနည်း ။

သို့သော် ဗိုလ်ချုပ်ခင်ညွန်သည့် 
အလွန်ပါးနပ်ပါလေ၏ ထိုကိစ္စကို တကယ်ပဲ သူမပါဝင် မပါတ်သက်လေဟန် သရုတ်ဆောင် အရှောင်ကောင်းခဲ့ပါ၏ ။ 

မည်သို့ပင် အရှောင်ကောင်းပါစေ ဗိုလ်သန်းရွှေနှင့် ဗိုလ်မောင်အေးတို့က အပြည့်အဝ ယုံကြည်နိုင်ခြင်း မရှိနိုင်တော့ပါ ။

ထို့ကြောင့် ဗိုလ်ချုပ်ကြီးဟောင်းနေဝင်း
နှင့် သမီးဒေါ်စန္ဒာဝင်း အပါအဝင် သမက်မြေးများကို ဖမ်းစီးထိမ်းသိမ်းလိုက်သည့်နေ့မှစ၍ 

ဗိုလ်ချုပ်ကြီးခင်ညွန်မှ မိမိကိုယ်တိုင်မိမိ 
တာဝန်ယူအမည်တပ်ထားထားသော စစ်မဟာဗျူဟာ လေ့လာရေးဌာနကြီးမှူးဆိုသည့် ရာထူးကို ပြုတ်သွား၍ 

ထောက်လှန်းရေးညွန်ကြားရေးမှူးချုပ်ရာထူး ( ၈၈ အာဏာစသိမ်းစဉ်အခါက တာဝန် )အဖြစ်သို့ 
လျှော့ကျသွားလေသော 

ဗိုလ်ချုပ်ကြီးဖြစ်သွားပြီး အရပ်ဖက်သို့ 
လူတွေသတိမထား မသိလိုက်ပဲ ဝန်ကြီးချုပ်အဖြစ် ပြောင်းလဲသွားပါတောတယ် ။

စစ်အစိုးရလက်ထက်မှာ ဝန်ကြီချုပ်ဆိုတာက အာဏာမဲ့သွားခဲ့တယ်
 မဟုတ်လား ။

ဒါပေမယ့် သွေးကိုသောက်ပြီး 
သစ္စာကြီးလေသော သွေးသောက်သစ္စာခံကြီး 
ဗိုလ်ခင်ညွန်နဲ့ သွေးသောက်ပြီး သစ္စာဖောက်ခဲ့လေသော ဗိုလ်ချုပ်မှူ းကြီးသန်းရွှေနှင့် ဗိုလ်သိန်းစိန်တို့က 

ဗိုလ်ချုပ်ကြီးနေဝင်း၏ နောက်ဆုံးနေ့ကို 
ဆရာဝန်မှ ကြိုတင်ခန့်မှန်းထားသည့်ရက်တွင် အထက်အညာသို့ ဘုရားဖူးသွားသည်ဟုဆိုကာ 

ရန်ကုန်တွင်မနေတော့ပဲ 
ရှောက်ထွက်သွားခဲ့ကြလေသည် ။

စစ်ရုံးချုပ်တွင် ဗိုလ်မောင်အေးတယောက်သာ အဓိကကျန်ရှိပြီး ဗိုလ်ချုပ်ကြီးနေဝင်း၏ နောက်ဆုံးရက်တို့တွင် ဒေါ်စန္ဒာဝင်းအပါအဝင် လူ ၂၅ ယောက်သာ စျာပနကို ကျင်းပခွင့်ရှိကြောင်းနှင့် 

ဗိုလ်နေဝင်း၏ နောက်ဆုံးနေ့ကို 
စစ်မိန့်စစ်အာဏာဖြင့် လုံခြုံရေးအပြည့်ချပြီး သမိုင်းတခုမျှမကျန်အောင် လက်စဖျောက်နိုင်ခဲ့သူကတော့ 
သွေးသစ္စာတိုက်ခြင်းမခံခဲ့ရသည့် 
တဇောက်ကန်းမို့လို့ တိုင်းမှူ းဖြစ်ခွင့်ရခဲ့သူ ဒုတိယဗိုလ်ချုပ်မှူးကြီးဖြစ်ခဲ့လေတော့သည် ။

အထက်ပါ အကြောင်းတရားများဖြစ်ပြီး 
နှစ်အနည်းငယ်အတွင်းမှာတော့ သွေးသစ္စာရှင်ကြီး ဗိုလ်ချုပ်ကြီးခင်ညွန့် ထောက်လှန်းရေးညွှန်ချုပ် ဗိုလ်ခင်ညွန့်က ဗိုလ်မောင်အေး၏ အမိန့်ဖြင့် ဖမ်းဆီးထိမ်းသိမ်းထားသော 
ဗိုလ်ချုပ်ကြီးနေဝင်း၏ 
မြေးများကို ကယ်တင်ရန် လျှို့ဝှက်ကြံစည်မှူ့ သိုမဟုတ် ထောက်လှန်းရေးက လက်ဦးမှု့ရယူပြီး အာဏာသိမ်း၍ ဗိုလ်နေဝင်း၏ မိသားစုများကို ကင်တင်ရန်ကြံစည်မှု့တို ပေါ်ပေါက်လာပြီး လာဘ်စားမှု့ဟူသော ခေါင်းစဉ်ဖြင့် 
အဖမ်းခံပြန်လေသည် ။

ထိုသို့ ဗိုလ်ချုပ်ကြီးခင်ညွန်သည်လည်း 
အာဏာရှင်ကြီးဗိုလ်နေဝင်းကဲသို့ ကျားတကွက် ကစားကွက်ညံ့ခဲ့ခြင်းကြောင့် နှစ်ပေါင်း ၄၀ နှစ်တာ အာဏာရှင်တို့၏ လက်ကိုင်တုတ်ကြီးဖြစ်သော မဟာဗျူဟာမြောက် ထောက်လှန်းရေးတပ်မတော်ကြီးမှာလည်း ပြိုကွဲခဲ့လေတော၏ ။

ထိုရာဇဝင်ကြွေးတွေအကြားမှာတော့ အောက်က ထောက်ပြုတ်တွေနဲ့ လက်ရှိအာဏာရလက်ကိုင်တုတ်တွေအကြားမှာ တဖက်က ဒီမိုကရေစီဆိုတာကို ဗန်ပြပြီး သူ့ဘက်သားလိုလို ကိုယ်ဘာက်သားလိုလိုနဲ့ နည်မျိုးစုံတိုက်ပွဲဝင်နေကြပေါ့ဗျာ 

ဒါပေမယ့် အဲ့ဒီလူတွေက ပိုက်ဆံရကြတယ် လခရကြတယ်။

သူတို့မှာ ကိုယ်ကျိုးအတွက် ကိုယ်ပိုင်မျှော်လင့်ချက်တွေ ရှိကြတယ် ။

ထိုကောက်ကြောင်းများ၏ နောက်မှာတော့ သွေးသောက်ခဲ့သော်လည်း သစ္စာဖောက်ခဲ့သူ ဗိုလ်သိန်းစိန်နှင့် သွေးသောက်ခဲ့သော်လည်း မိမိအသက်အတွက် သစ္စာပျောက်ခဲ့သူ အာဏာရှင်ကြီး
 ဗိုလ်ချုပ်မှူးကြီး သန်းရွှေတို့၏ 
အပြန်အလှန်ကျေးဇူးခံ ကျေးဇူးစားတွေအကြားမှာ ဗိုလ်ချုပ်မှူးကြီးသန်းရွှေအ
လွန် ဒီမိုကရေစီအတုအယောင် ဖန်တီးပြီး လိုအပ်သလို ကျားကစားတတ်သူ၊ 
ဗိုလ်ချုပ်ကြီးဟောင်း 
အာဏာရှင်ကြီးဦးနေဝင်းကို 
ပထမဦးဆုံး သစ္စာဖေါက်ပြီး တော်လှန်နိုင်ခဲ့သူအဖြစ် သမိုင်းကောက်ကြောင်းထဲက ဗိုလ်သိန်းစိန်ကြီးတယောက် မြန်မာပြည်၏ နိုင်ငံတော် သမ္မတဘဝကို ရောက်ရှိအမွေအပေးခံရတာဟာ အဆန်းတော့ မဟုတ်ပေမယ့် သူလဲ အဲ့ဒီအမွေကိုတော့ လွယ်လွယ်ကလေးနဲ့ ရခဲ့သူတော့ မဟုတ်ခဲ့ဘူးဆိုတာ 
သမိုင်းကြောင်းတွေက လျှိုဝှက်စွာ 
စကားပြောနေကြလေရဲ့ ။

Credit: ( ဦးနိုင်ဝင်း လန်ဒန် )
via.U Lay Gyi

အမှန်တရားဘက်တော်သားဂရု
👮👮👮👮👮👮👮👮👮

https://m.facebook.com/story.php?story_fbid=117302596864043&id=100057529098181
ဆက်ဖတ်ရန် →

စကစက IMF ရဲ့ ဒေါ်လာ ၃၇၂ သန်းကို ဘတ်လိုက်လို့ ပြဿနာ ရှာခံနေရ

📅 💬 မှတ်ချက်

ဘိုတု မန္တလေးသွားတာလည်း ဓာတ်ဆင်ဓာတ်ရိုက် အတွက်ပဲ။


မနက်က ဘိုတု အောင်သပြေ ကိုင်ပြီး မဟာမြတ်မုနိဘုရားကြီးကပုံ တွေ့လိုက်တယ်။ ကျောက်ဝိုင်းမှာ အစောင့်များလို့ ဗုံးစာထိသေးတယ်။ ရွှေကျီးမြင် ဘုရားကိုလည်း သွားတယ်တဲ့။ အလာအလာအရ "မဟာ၊ ကြီးမြင့်၊ ချမ်းသာ" ဓာတ် လာယူတာပဲ ဖြစ်မယ်။


မဟာမြတ်မုနိဘုရားကြီး၊ ရွှေကျီးမြင်ဘုရား၊ ချမ်းသာကြီး ဘုရားတွေမှာ အလှူတူ၊ ဆုတောင်းတူ ပေါ့။ ဆုတောင်းပြည့်တယ်တဲ့။ မဟာမုနိ နဲ့ ချမ်းသာကြီး ဘုရားတွေမှာ ရွှေကပ်လို့ရပေမယ့်။ ရွှေကြီးမြင်မှာတော့ မှန်နဲ့ ပိတ်ထား‌တာမို့ စောင်းတန်းထဲက ဘုရားတွေကိုပဲ ကပ်ရတယ်။ သို့ပေမင့် ဂေါတွေက ဘိုတုအတွက် မှန်ခန်း ဖွင့်ပေးမှာပါ။


ဒီဓာတ်က ကျဉ်းကြပ်ထဲ ရောက်ရင် လုပ်ရတာ ဆိုပေမယ့် စီးပွားရေး နဲ့ ဆိုင်တာမှာ လုပ်ရတာမျိုး။ ဘိုတု ရဲ့ အခုအခြေအနေနဲ့ မသက်ဆိုင်။ သူ့ကို ထုံးစံအတိုင်း ဗေဒင်ဆရာက ချွန်လိုက်ပြန်ပေါ့။


ခုရက်ပိုင်း ဘိုတု ယတြာခြေတာ အရမ်းစိပ်လာတယ်။ ဒီပုံအတိုင်းဆို မကြာခင် တန်ခိုးကြီး ဘုရား တဆူဆူကို ထီးတော် တင်လိမ့်မယ်။ ပုဂံဘုရားတွေ မျက်ခုံး လှုပ်ပေရော့။


ဒီကြားထဲ စကစက IMF ရဲ့ ဒေါ်လာ ၃၇၂ သန်းကို ဘတ်လိုက်လို့ ပြဿနာ ရှာခံနေရတယ်။ စာရင်းလိမ်တွေ ပြပေမယ့် IMF က လက်မခံ။ ငဗစ်အတွက် မသုံးပဲ ရုရှကို ဂါလိုက်ပြီလေ။ 


အမှန် ဘိုတုခြေသင့်တာ "ဘဝပျက် ယတြာ"။ သူ့ကံကို Reset ချဖို့။ ဥပမာ- သုဓမ္မာဇရပ်တန်းမှာ တပွေတည်းသူတောင်းစား ပုံစံနဲ့ ညအိပ်တာမျိုး။ အနီး၊ အဝေး သက်တော်စောင့် ဘာညာ ရှိရင်ကိုး မရဘူး။ သူ သူတောင်းစားဘဝ ရောက်နေပါတယ် ဆိုတာကိုလည်း တလောကလုံး သိစေရမှာ။ မိုးလင်းမှ ယတြာအောင်မယ်။ ယတြာ မအောင်ခင် LDF က ဘွန့်သွားရင်တော့ ကံပဲ။


ဆို့စ် - ကျူးလိပေါင် သတင်းစဉ် (ပုဏ္ဏား ဂျောက်တွန်း ကဏ္ဍ)

-----------------

မြန်မာအတွက် ကိုဗစ်ရန်ပုံငွေအနေနဲ့ ပေးအပ်ထားသည့် ကန်ဒေါ်လာ ၃၇၂ သန်း စစ်ကောင်စီက စာရင်းရှင်းလင်းခြင်းမရှိသေးဘူးလို့ IMF ထုတ်ပြန်

.......................
နိုဝင်ဘာ ၄

မြန်မာပြည်သူများအတွက် ကိုဗစ်ရန်ပုံငွေအဖြစ် ပေးအပ်ထားသည့် အမေရိကန်ဒေါ်လာ ၃၇၂သန်းနဲ့စပ်လျဉ်းပြီး စစ်ကောင်စီလက်ထက်မှာ စာရင်းရှင်းလင်းခြင်းမရှိကြောင်း နိုင်ငံတကာငွေကြေးရန်ပုံငွေအဖွဲ့(IMF)ရဲ့ ထုတ်ပြန်ပြောဆိုချက်အရ သိရပါတယ်။
MyanmarPlatform
သတင်းအပြည့်အစုံဖတ်ရှုရန်>>>
https://www.myanmaplatform.com/a/55490.html
https://t.me/myanmaplatform
#MyanmaPlatform #News #Domestic

ဆက်ဖတ်ရန် →

ညွှန်ချုပ်လောက် ရာထူးလေးရတာနဲ့တင် ဘီလျံနာဖြစ်လာနှိင်တယ်

📅 💬 မှတ်ချက်
မြန်မာပြည်မှာညွှန်ချုပ်လောက် ရာထူးလေးရတာနဲ့တင် ဘီလျံနာဖြစ်လာနှိင်တယ်

ဦးအောင်ကိုဝင်းလောက်ချမ်းသာပြီလူမသိ သူမသိ ငြိမ်သက်နေတဲ့ မိသားစုအကြောင်း 

ဦး ကျော်ကျော်ဟန် ရေတပ်ဗိုလ်ဟောင်း အခုလက်ရှိရာထူးကိုမသိပေမယ့် ၂၀၁၆ မှာ ညွန်ကြားရေးမှူးချုပ်၊ နိုင်ငံရေးနဲ့ လုံခြုံရေးဌာနကြီး၊ နိုင်ငံတော်သမ္မတရုံး အဖြစ်ရာထူးတိုးပါတယ်။ 

ချမ်းသာမှုက အောင်ကိုဝင်း ချမ်းသာတာနဲ့ Level တူ or ပိုချမ်းသာပါတယ်။ သမီးသုံးယောက်ရှိတာ အကြီးဆုံးက 
Jo Joe (aka) ရတနာဆုဟန် - Coventry University (UK) က MBA ၂၀၁၈ မှာရပြီး သီလဝါမှာ Projectကြီးတခုလုပ်နေပါတယ်။ 

အလတ်က မေသင်္ကြန် Oklahoma University ကနေ Mass Communication နဲ့ဘွဲ့ရပြီး စင်္ကာပူမှာအလုပ်လုပ်ပြီးနေပါတယ်။ စင်္ကာပူကအကောင့်တွေမှာ သူတို့မိသားစုပိုင်ဆိုင်မှုတွေ ဘယ်လောက်ရှိနေလဲ?

အငယ်ဆုံးက ရွှေဥ၊ နိုင်ငံတော်သမ္မတပညာသင်ဆုရပြီး St. George\"s University of London မှာ ဆေးကျောင်းသူပါ။   
သူတို့မိသားစုက အရမ်းလျို့ဝှက်ပါတယ်။ 
Jo Joe ရဲ့အချစ်ဆုံးသူငယ်ချင်းရှိရာ တရုတ်ပြည်ဆီသွားလည်တဲ့အခါမှာ (စီးပွါးရေးကိစ္စနဲ့အလည်အပတ်) သူ့သူငယ်ချင်းအဖေက Jo Joe ရောက်လာတဲ့အတွက် Jo Joe ကို လေယာဉ်စင်းလုံးငှားပြီးလာတွေ့တဲ့အပြင် အဲဒီည Night Club ကကုန်ကျစားရိတ် ဒေါ်လာ 5000 ကျော်ကိုအဲ့ဒီတရုတ်ကပဲပေးချေခဲ့ပါတယ်။ အဲဒီတော့ဘာစီးပွါးရေးတွေရှိလို့ လေယာဉ်စင်းလုံးငှားလာတွေ့ တညထဲNight club အသုံးစားရိတ် ဒေါ်လာ၅၀၀၀ (၅ထောင်ပါနော် ၅ရာမဟုတ်ပါ)ကျော်ကို သားရဲ့ သူငယ်ချင်းလာလည်တာမှာသုံးတယ်ဆိုတာစဉ်းစားစရာပါပဲ။ သူတို့ရည်းစားမဟုတ်ပါဘူး။ ကောင်လေးက အခြောက်လေးပါ။ 
Jo Joe သီလဝါမှာ Projet အကြီးကြီးကိုင်နေမှန်းသိပေမယ့် ဘာဆိုတာမသိခဲ့ပါဘူး။ ခုတော့ အဲဒါတွေ ဆက်ရှိမရှိ စုံစမ်းလို့မရတော့ပါ
နိုင်ငံရေးနဲ့လုံခြုံရေး ဌာနကြီးက ညွန်ကြားရေးမှူးချုပ်၊ ရေတပ်ဗိုလ်ဟောင်း၊ လာဘ်စားတာတွေနဲ့မတရားချမ်းသာနေတဲ့သူက အာဏာသိမ်းမှုမှာ ပါဝင်ပတ်သက်မှူမရှိဘူးဆိုရင်တော့ အံဩစရာပဲ
 သူတို့တွေပဲ အဂတိလိုက်စားမှု ကော်မတီအစစ်ခံရမှာထိပ်ဆုံးကနေကြောက်နေကြတာ။ သူတို့လိုလူတွေက ပြည်သူလူထု သူတို့ကိုမသိအောင်နေပြီး ဒီမိုကရေစီပြန်ရတဲ့အခါမှာ နေရာကောင်းပြန်ယူမှာ သူ့သမီးတွေက  သာမန်ပြည်သူတွေရဲ့ သားသမီးတွေကို ပြန်အုပ်ချုပ် ကျွန်ပြန်ပြုမည့်စီမဲကိန်းရှိသူတွေပါ Jo Jo တို့မိသားစု မြန်မာပြည်မှာရော ရှိသေးရဲ့လား? ဘယ်နိုင်ငံမှာရောက်နေပြီး အခြေမပျက် ခိုးထားတာတွေနဲ့ နေထိုင်နေသလဲ? အလှမ်းမှီသူတွေဆက်လက်ဖော်ထုတ်သင့်ပါတယ်

true.blogspot. com

#KMT-links အမှန်တရားဘက်တော်သားများအုပ်စု (Anonymous Ug Group)
ဆက်ဖတ်ရန် →

ဘီလ်ရစ်ချတ်ဆန်မှပြောသော မအလ၏ အငြိုးထားမှု

📅 💬 မှတ်ချက်

မအလဟာ အငြိုးကြီးပါတယ်။ ယခုဖြစ်နေတာတွေ အဖမ်းခံရသူတွေအားလုံးဟာ မအလရဲ့ အငြိုးစာရင်းနဲ့ လုပ်နေတာပါ။

မအလရဲ့ ပထမပစ်မှတ်က DASSK နဲ့ သမ္မတကြီးပါ။ ပြီးရင် မန်းဝန်ကြီးချုပ်၊ နေပြည်တော်ကောင်စီဥက္ကဌ၊ မကွေးဝန်ကြီးချုပ်နဲ့ ကရင်ပြည်နယ်ဝန်ကြီးချုပ်ပါ။ အဆိုပါလူများဟာ DASSK ရဲ့ အတွင်းလူများလို့ မအလကသတ်မှတ်ပါတယ်။ ဒါ့ကြောင့် အဆိုပါလူတွေဟာ ဘယ်လိုမှ မလွတ်မယ့်လူတွေပါ။ ကျန်လူထဲက ကွီးဖြိုးက သူ့ကိုညွှန်ချုပ်ပြောတာတွေ စစ်တပ်ဂွင်ကို ဖျက်တာတွေကြောင့် လူကိုမသတ်ဘဲ နာမည်သတ်ဖို့ ပြင်ထားတာပါ။ သူနိုင်ငံရေးသေ၊ နာမည်သေအောင်ပါ။ သူ့မိန်းမက ဓားစာခံပေါ့။ DASSK အမှုပြီးရင် သူ့ကိုအခြားအမှုတွေနဲ့ ဆက်ဆွဲမှာပါ။ နှစ်ခါနာပေါ့။ သသလဲမလွတ်ပါဘူး။ ဒါပေမယ့် ယခုအချိန်ဟာ ယခုခေတ်ဟာ NUG ခေတ်ဖြစ်သွားလို့ ကွီးဖြိုးတို့ဖမ်းတာ နာမည်သတ်တာဟာ ဘာမှအရေးမကြီးတော့ပါ။ ဖေဖော်ဝါရီနောက်ပိုင်းမှာ နိုင်ငံရေးသူရဲကောင်းအသစ်တွေ ထွက်ပေါ်လာခဲ့ပါပြီ။

အမေရိကန်က Bill Richardson ဘီလ်ရစ်ချတ်ဆန်ဟာ အမေရိကန်အစိုးရရဲ့ ကိုယ်စားလှယ်မဟုတ်ပါ။ ဘယ်သူ့ရဲ့ကိုယ်စားလှယ်မှ မဟုတ်ပါ။ သူ့ဖာသာ အလွတ်သဘောလာတာပါ။ DASSK လက်ထက် မအလရဲ့ဖက်ဆစ်တပ်ကသတင်းထောက် ဝ လုံးတို့ဖမ်းတဲ့ကိစ္စ လွတ်ပေးဖို့ပြောရာက DASSK နဲ့ ရန်ဖြစ်ထားသူမိုလို့ မအလက ဒီလူကDASSK နဲ့ မတွေ့တာသေချာလို့ ပေးဝင်တာပါ။ နောက် DASSK လက်ထက် သူမနဲ့ ပြဿနာဖြစ်ခဲ့သူကို ပေးဝင်ပြီးသူမကို စိတ်အနှောက်အယှက်ပေးလိုတာလဲ ပါပါတယ်။ ဘထိန်တောင် အာဏာမသိမ်းခင်အထိ DASSK နဲ့ခပ်တန်းတန်းနေလို့ သူကလွှတ်ထားမိရာက စာထွက်သွားခဲ့တာပါ။ 

အကျဉ်းချုပ်ရရင် မန္တလေးဝန်ကြီးချုပ်ဒေါက်ဇော်ကိုထားတာကိုကြည့်ရင် မသေသေအောင် အနုနည်းနဲ့ လုပ်နေတာကိုပြပါတယ်။ အားလုံးတိုက်စရာရှိတာသာ တိုက်ပါ။ ရစ်ချတ်ဆန်က သူ့နိုင်ငံသားပြန်ထုတ်ဖို့သာ လာတာပါ။ ဒီမိုကရေစီအတွက် လာတာမဟုတ်ပါ။ ဒါပါဘဲ။

Crd; မြတ်ထွန်းဦး
ဆက်ဖတ်ရန် →

တန့်ဆည်မြို့ NLD လွှတ်တော်ကိုယ်စားလှယ်သုံးဦး၏နေအိမ်များကို စစ်ကောင်စီသိမ်းဆည်း

📅 💬 မှတ်ချက်


တန့်ဆည် - နိုဝင်ဘာ ၃၊ ၂၀၂၁။

The 74 Media 

စစ်ကောင်စီတပ်ဖွဲ့ဝင်များ အင်အားအလုံးအရင်းဖြင့် နယ်မြေရှင်းလင်းရေးပြုလုပ်နေသည့် စစ်ကိုင်းတိုင်းဒေသကြီး တန့်ဆည်မြို့မှ NLD လွှတ်တော်ကိုယ်စားလှယ်သုံးဦး၏ နေအိမ်ကို နိုဝင်ဘာလ ၁ ရက်နေ့နှင့် ၂ ရက်နေ့တွင် စစ်ကောင်စီက နိုင်ငံတော်ပိုင်အဖြစ် သိမ်းဆည်းလိုက်ကြောင်း သိရသည်။  

တိုင်းဒေသကြီး လွတ်တော်ကိုယ်စားလှယ် ဦးမြင့်ဦး၊ ဦးကျော်ရွှေနှင့် ပြည်သူ့လွတ်တော်ကိုယ်စားလှယ် ဦးမြင့်ထွန်း တို့၏ နေအိမ်များကို စစ်ကောင်စီတပ်များက နိုင်ငံတော်ပိုင်အဖြစ်သိမ်းဆည်းမည်ဟု ရေးသားထားသော ဗီနိုင်းအနီ လာရောက်ချိတ်ဆွဲသွားသည်ဟု ဒေသခံတစ်ဦးက The 74 Media ကိုပြောသည်။

“တနေ့က တိုင်းဒေသကြီးအမှတ် (၂)လွှတ်တော်ကိုယ်စားလှယ် နေအိမ် ချိတ်ပိတ်တယ်။ မနေ့က ၄ နာရီ ကျော်လောက်က တိုင်းဒေသကြီးအမှတ်(၁)လွှတ်တော်ကိုယ်စားလှယ်နဲ့ ပြည်သူ့လွှတ်တော်ကိုယ်စားလှယ်ရဲ့ နေအိမ်ကို လာချိတ်ပိတ်သွားတာ။” ဟုသူကပြောသည်။

တန့်ဆည်မြို့နယ် အမှတ် (၂) တိုင်းဒေသကြီးလွှတ်တော်ကိုယ်စားလှယ် ဦးမြင့်ဦး၏ နေအိမ်၊ အမှတ်(၁) တိုင်းဒေသကြီးလွှတ်တော်ကိုယ်စားလှယ် ဦးကျော်ရွှေနှင့် ပြည်သူ့လွှတ်တော်ကိုယ်စားလှယ် ဦးမြင့်ထွန်းတို့၏ အောင်တံခွန် ကိုယ်ပိုင်အထက်တန်းကျောင်းမှ ယောက်ျားလေးဘော်ဒါဆောင် လေးထပ်တိုက်နှင့် မိန်းကလေး ဘော်ဒါဆောင် ငါးထပ်တိုက်တို့ကို လာရောက်ချိတ်ပိတ်သွားခြင်းဖြစ်ကြောင်း သူကဆက်ပြောသည်။

ဗီနိုင်းအနီတွင် "ဤမြေနေရာနှင့် အဆောက်အဦးသည် အကြမ်းဖက်အုပ်စု PDF အဖွဲ့အစည်းများနှင့် ပတ်သက်ဆက်စပ်နေသောကြောင့် နိုင်ငံတော်ပိုင်သိမ်းဆည်းမည်ဖြစ်သည်။ မကျူးကျော်ရ/ ရောင်းဝယ်ခြင်းမပြုရ" ဟုရေးသားထားသည်။

စစ်ကိုင်းတိုင်း မုံရွာစက်မှုဇုန်မှ နေအိမ်နှစ်လုံးနင့် ရွှေဘိုမြို့မှ ဟိုတယ်နှင့် ဆိုင်ခန်းအချို့ကိုလည်း စစ်ကောင်စီက အောက်တိုဘာ ၃၀ ရက်နေ့၌ PDF များနှင့် ပတ်သက်ဆက်စပ်နေသည်ဟုဆိုကာ နိုင်ငံတော်ပိုင်အဖြစ် သိမ်းဆည်းမည်ဟူသော အနီရောင်ဗီနိုင်း လာရောက်ချိတ်ဆွဲ့ခဲ့ကြောင်း သိရသည်။

ဆက်ဖတ်ရန် →

စစ်ကောင်စီစစ်ကြောင်းက လမ်းပြအဖြစ်ခေါ်ဆောင်ခံရသူ ပစ်သတ်အလောင်းဖျောက်ခံရ

📅 💬 မှတ်ချက်

ကသာ - နိုဝင်ဘာ ၄၊ ၂၀၂၁။

The 74 Media 

394x295 (ကသာ - နိုဝင်ဘာ ၄၊ ၂၀၂၁။ The 74 Media


စစ်ကောင်စီစစ်ကြောင်းက လမ်းပြခေါ်ဆောင်သွားသူ စစ်ကိုင်းတိုင်း ကသာမြို့နယ်၊ မိုးတားလေးကျေးရွာက ဒေသခံပြည်သူတစ်ဦးကို စစ်ကောင်စီတပ်ဖွဲ့ဝင်များက ယမန်နေ့ နိုဝင်ဘာ ၃ ရက် မွန်းလွှဲ ၁ နာရီဝန်းကျင်ခန့်က သေနတ်ဖြင့်ပစ်သတ်အလောင်းဖျောက်ခဲ့ကြောင်း သိရသည်။ 

အသတ်ခံရသည့်အမျိုးသားသည် ယာခင်း လုပ်ကိုင်နေသည့် အသက် ၃၉ နှစ်အရွယ် ကိုအောင်အောင်ဟုခေါ်သည့် ကိုငယ်လေးဖြစ်ပြီး စစ်ကောင်စီ စစ်ကြောင်းက လမ်းပြအဖြစ်ခေါ်ဆောင်သွားပြီးနောက် ပစ်သတ်ကာ မြေမြှုပ်ခဲ့သည်ဟု လုံခြုံရေးကြောင့် အမည်မဖော်လိုသည့် သတင်းရင်းမြစ်တစ်ဦးက The 74 Media ကိုပြောသည်။  

“စကစဘက်က ခေါ်သွားပြီး အသက်ခံရတာပါ။ နဖူးကျည်ဒါဏ်ရာနဲ့ သေဆုံးနေပြီး အလောင်းကိုလည်း မြေမြှုပ်ခဲ့တယ်။ မိန်းမ ဖြစ်သူက လိုက်ရှာရင်း မြေစာပုံအနီးမှာ အမြဲတမ်း ဆောင်းတဲ့ဦးထုပ်တွေ့လို့ တူးကြည့်မှ အလောင်းကိုတွေ့တာပါ” ဟုပြောသည်။  

ကိုငယ်လေး၏ အမျိုးသမီးသည် စစ်ကောင်စီတပ်အားတွေ့သောကြောင့် တိမ်းရှောင်နေသဖြင့် လွတ်မြောက်ခဲ့သည်ဟု သူက ဆက်ပြောသည်။ 

စစ်ကောင်စီစစ်ကြောင်းသည် ကိုအောင်အောင်တို့၏ ယာခင်းမှ လူနေတဲနှင့် နွားစာတဲကိုလည်း မီးရှို့ဖျက်ဆီးခဲ့သည်ဟု သိရသည်။ 

စစ်ကိုင်းတိုင်း ကသာမြို့နယ်တွင် စစ်ကောင်စီတပ်နှင့် ကေအိုင်အေ ပူးပေါင်းတပ်တို့အကြား တိုက်ပွဲများဖြစ်ပွားနေပြီး ဒေသခံပြည်သူအများအပြား ဘေးလွှတ်ကင်းရာသို့ တိမ်းရှောင်ထွက်ပြေးနေကြသည်။

ဆက်ဖတ်ရန် →

"မရမ်းကုန်းတွင် လမ်းလျှောက်ထွက်သည့် ဇနီးမောင်နှံကို သေနတ်ဖြင့် ပစ်ခတ်ရှင်းလင်းဖယ်ရှား”

📅 💬 မှတ်ချက်
"မရမ်းကုန်းတွင် လမ်းလျှောက်ထွက်သည့် ဇနီးမောင်နှံကို သေနတ်ဖြင့် ပစ်ခတ်ရှင်းလင်းဖယ်ရှား”

နိုဝင်ဘာ ၄၊ ၂၀၂၁ (TRN)

မရမ်းကုန်းမြို့နယ်၊ (၇)ဂရပ်ကွက်၊ (၇) မိုင်၊ တေးနုယဉ်လမ်း၊ အမှတ် (၂၆/အေ/G1) နေအိမ်ရှေ့တွင် လမ်းလျှောက်ရန်အိမ်မှထွက်လာသည့်ဇနီးမောင်နှံကို စီစစ်ဆဲသေနတ်သမားကနိုဝင်ဘာလ ၄ ရက်နံနက် ၇း၃၀ နာရီအချိန်တွင်ပစ်ခတ်ခဲ့သဖြင့် ခင်ပွန်းဖြစ်သူသေဆုံးပြီး ဇနီးဖြစ်သူပြင်းထန်စွာဒဏ်ရာရရှိခဲ့ကြောင်းသိရသည်။

ဦးသိန်းအောင်နှင့် ဇနီးဒေါ်သိမ့်အောင်သူတို့သည်လမ်းလျှောက်ရန်အိမ်မှအထွက်တွင် အသင့်စောင့်နေသော သေနတ်သမားကပစ်ခတ်ရာ ဦးသိန်းအောင်မှာကျည်ထိမှန်ဒဏ်ရာလေးချက်ဖြင့်အခင်းဖြစ်နေရာတွင် သေဆုံးပြီးဇနီးဖြစ်သူမှာလက်၊ ခါး၊ ခြေထောက်တို့တွင်ကျည်ထိမှန်ဒဏ်ရာများရခဲ့ကြောင်းသိရသည်။

သေဆုံးသွားသူဦးသိန်းအောင်သည်Mytel  ရဲ့အဓိက အရေးပါတဲ့နေရာမှာ ပါဝင်သူဖြစ်ပါသည်။ဗိုလ်မှူးသိန်းအောင်(ရေ-ငြိမ်း) DSA 28intake (ဇနီးDrသိမ့်အောင်သူ)သည် အရင်တချိန် တပ်မတော်ကာကွယ်ရေးဦးစီးချုပ်(ရေ)ရဲ့ ကိုယ်ရံတော်ကိုယ်ရေးအရာရှိဖြစ်ပြီး လက်ရှိကာကွယ်ရေးဦးစီးချုပ်(ရေ)ဗိုလ်ချုပ်ကြီးမိုးအောင်(ဦးအောင်သောင်းသား)နှင့်အလွန်ရင်းနှီးတဲ့အပတ်စဉ်တူ သူငယ်ချင်းဖြစ်ပါတယ်။ လက်ရှိကာကွယ်ရေးဦးစီးချုပ်(လေ)ဗိုလ်ချုပ်ကြီးမောင်မောင်ကျော်နဲ့လည်း အင်မတန်ရင်းနှီးတဲ့ဆက်ဆံရေးရှိကြောင်း ယင်းတို့နဲ့နီးစပ်တဲ့အသိုင်းအဝိုင်းက ဆိုပါတယ်။ဗိုလ်မှူးသိန်းအောင်(ရေ-ငြိမ်း)က အာဏာသိမ်းစစ်ခေါင်းဆောင် မအလ ရဲ့ mytel လုပ်ငန်းစုမှာ အဓိကကျတဲ့နေရာမှာ ပါဝင်နေသော်လည်း သူကိုယ်တိုင် ရှေ့ထွက်ခြင်းမရှိခဲ့ပါ။တချို့ပွဲများတွင်သူ့အမျိုးသမီးသာဖွင့်ပွဲတွေမှာ တွေ့ရလေ့ရှိပြီး တကယ့်အရေးပါတဲ့ mytelမှာ ပါဝင်တဲ့ အာဏာသိမ်းစစ်ခေါင်းဆောင် မင်းအောင်လှိုင်ရဲ့ထောက်တိုင်တယောက်ဖြစ်ပါသည်။ဗိုလ်မှူးသိန်းအောင်(ရေ-ငြိမ်း)အသုံးပြုသောကားအများစုမှာလဲ တပ်မတော်ပိုင်ယာဉ်တွေဖြစ်နေတာကိုလည်းတွေ့မြင်နိုင်ပါတယ်။ဗိုလ်မှုးသိန်းအောင်လုပ်ကြံ thet ဖြတ်ခြင်းခံရသည့်အတွက် ကာကွယ်ရေးဦးစီးချုပ်ရေ ဗိုလ်ချုပ်ကြီးမိုးအောင်၊ ကာကွယ်ရေးဦးစီးချုပ်လေ ဗိုလ်ချုပ်ကြီးမောင်မောင်ကျော်၊ ဗိုလ်ချုပ်ထွန်းထွန်းညီ(ကကပြည်)၊ အောင်ပြည့်စုံ(မအလသား)ထိပ်ပိုင်းစစ်ခေါင်းဆောင်များ အထူးတုန်လှုပ်သွားကြောင်း သတင်းရရှိသည်။

ဓာတ်ပုံနဲ့ သတင်းစာသားများအားလုံး အခြားသူဆီက 
ကူးယူ ဖော်ပြထားခြင်းဖြစ်ပါသည်။
ဆက်ဖတ်ရန် →

အာဆီယံ အထူး သံတမန်၏ ပြည်ဝင်ခွင့်ကို ထပ်မံ ပယ်ချကာ အာခံလိုက်ပြီ

📅 💬 မှတ်ချက်

A Twist in the tale
******************

အာဏာသိမ်း အဖွဲ့ ၏ ဒုခေါင်းဆောင် စိုးဝင်းမှ ၎င်းအား တက်ရောက် ခွင့် ပေးခဲ့သော အာဆီယံ စာရင်း စစ်ချုပ် များ ၏ အွန်လိုင်း တွေ့ဆုံပွဲတွင် ဧပြီလ အတွင်း အာဆီယံ အချက် ငါးချက်အပေါ် မင်းအောင်လှိုင် သဘောတူ ညီခဲ့မှုသည် ပြည်တွင်း ရေး အနေအထား ပေါ် မူတည်၍သာ အကောင်အထည် ဖေါ်မည်ဟု ဆိုလိုခြင်း ဖြစ်‌ ကြောင်း ပြောဆိုပြီး အာဆီယံ အထူး သံတမန်၏ ပြည်ဝင်ခွင့်ကို ထပ်မံ ပယ်ချကာ အာခံလိုက်ပြီ ဖြစ်သည်။

ဤသည်ကို ကြည့်လျှင် အစည်းအဝေး တက်ပြီး လူလုံးပြချင်ဇော အားကြီးစွာဖြင့် သွား‌ရောက်ခဲ့‌သည့် မင်းအောင် လှိုင်သည် မည်သို့မျှ မငြင်းသာတော့ဘဲ သဘောတူခဲ့ရ‌သော်လည်း ပြန်ရောက်လျှင် ရောက်ခြင်း သူ့ထက် သဘောထား ပြင်းထန်သည့် စစ်အုပ်စု မှ စိုးဝင်း ဦးဆောင်သော အဖွဲ့၏ အပြင်းအထန် ဆန့်ကျင် ခြင်းကို ခံခဲ့ရသည်ဟု ယူဆစရာ ဖြစ်လာသည်။ ဤသို့ဖြင့် မင်းအောင်လှိုင်၏ ကိုးပြည်ထောင် မင်းတို့ ရှေ့ ၌ပေးခဲ့သော ကတိမှာ အလကား ဖြစ်သွားခဲ့ရသည်။ ထို့‌နောက်ပိုင်း မင်းအောင်လှိုင်၏ အပြောအဆိုများသည် မူမှန် ခြင်း မရှိတော့သည့်အဖြစ်ကို အားလုံးက သတိထားမိလာကြသည်။

ရာဇဝတ်မှု ဖြင့် စွပ်စွဲခံရသူကို ပြည်ပ မှ ပုဂ္ဂိုလ် တဦးဦး နှင့် တွေ့ခွင့် ရရန် တောင်းဆိုခြင်းသည် အဓိပ္ပါယ် မရှိဟု ဆိုကာ စိုးဝင်း က ပယ်ချခဲ့ပြန်သည်။

ကျိုးကြောင်း ခိုင်လုံမှု မည်သို့မျှ မရှိသည့်အပြင် ၎င်းတို့ ပါးစပ်ထဲ ဥပဒေ ဖြစ်ကာ ပြောချင်တိုင်း ပြောနေ ကြခြင်း ဖြစ်နေမှန်းလည်း အားလုံးက သိရှိထားကြသည်။ စိုးဝင်းသည် အာဆီယံ စာရင်းစစ်ချုပ်များ အွန်လိုင်း အစည်း အဝေးသို့ သူ နှင့် သက်ဆိုင်ခြင်း မရှိပါဘဲလျှက် မည်သို့ မည်ပုံ တက်ရောက်လာသည်ကိုမူ သဲသဲကွဲကွဲ မသိ ရသေးပေ။ မည်သို့ပင် ဖြစ်စေ ၎င်းတို့ ရင်ထဲ ကြိတ်မနိုင်ခဲမရ ဖြစ်နေမှု ကို ရင်ဖွင့် နိုင်ခွင့်တော့ ရရှိသွားခဲ့ပြီ ဖြစ်သည်။

အမေရိကန် အစိုးရအဖို့ အိုင်အိုဒင်း ဓါတ် ချို့တဲ့နေရှာသော အရိုင်းအစိုင်း များကို မည်သို့ ယဉ်ပါးအောင် လုပ်ရပေမည်နည်းဟု တွေးဆနေရင်းက Carrot & Stick နည်းလမ်းအဖြစ်  ပထမဦးစွာ carrot ကို ချပြရန် ရစ်ချတ်ဆန် ကို တဖက်လှည့်နှင့် စေလွှတ်ခဲ့ခြင်းလည်း ဖြစ်နိုင်သည်။ သို့သော် စိုးဝင်း၏ စကားကြောင့် ဒေါ်အောင်ဆန်းစုကြည်နှင့် တွေ့ဆုံခွင့် ရရန် မျှော်လင့်ချက်များ မှေးမှိန်သွားခဲ့ရသည်။ ဧရာဝတီ၏ သတင်း အဆိုအရ ရစ်ချတ်ဆန်သည် ဗိုလ်ခင်ညွန့် နှင့် လွန်စွာ နီးနီးကပ်ကပ် ဆက်ဆံခဲ့သူ ဖြစ်သည်ဟု သိရသည်။

သို့သော် မနေ့က ရစ်ချတ်ဆန် ရှိနေစဉ်အတွင်း မှာပင် ဒင်နီ ဖန်စတာ အား အာမခံ ငြင်းပယ်လိုက်သည့်အပြင် လူဝင်မှု ကြီးကြပ်ရေး ဥပဒေ ကိုပါ ချိုးဖောက်သည် ဆိုသော အမှုပါ ထပ်တိုးလိုက်ပြန်သည်။

ရစ်ချတ်ဆန် သည် ကိုဗစ် ရောဂါ ကုသရေး နှင့် ကာကွယ်ရေး အတွက် လိုအပ်သည့် ဆေးဝါးများကို အမေရိကန် အစိုးရမှ အကူအညီ ပေးနိုင်ရေး နည်းလမ်းများ ဆွေးနွေးရန် ရောက်လာသည် ဆိုသော်ငြားလည်း ကမ္ဘာငွေကြေး ရံပုံငွေ အဖွဲ့(IMF) မှ အာဏာ မသိမ်းခင် ရက်ပိုင်း အလိုတွင် ကိုဗစ် တတိယ လှိုင်း ဖြစ်ပွားလာပါက ကာကွယ် ဟန့်တား နိုင်ရန် အတွက် ပေးအပ်ခဲ့သော ဒေါ်လာ ၃၇၂ သန်းသည် ယခုအခါ စာရင်းမရှိ အင်းမရှိ ပျောက်ဆုံးနေ ပြီ ဖြစ်သည်ဟု ပြီးခဲ့သည့် လ အတွင်း ပြုလုပ်ခဲ့သည့် သတင်းစာရှင်းလင်းပွဲ တွင် IMF ပြောခွင့်ရ ဂျယ်ရီ ပရိုက်စ် က ထုတ်ဖေါ် ပြောဆိုလာလေသည်။

အဆိုပါ ရံပုံငွေများတွင် မြန်မာငွေ ကျပ် သန်းတရာ ကုန်ကျမည့် အသုံးစရိတ် မှန်သမျှ ကို စာရင်းရှင်းတမ်း တင်သွင်းပါမည်ဟု အမျိုးသား ဒီမိုကရေစီ အဖွဲ့ချုပ် အစိုးရက သဘောတူထားပြီး ဖြစ်သော်လည်း အာဏာသိမ်းပြီး ကိုးလ သာ ကြာလာသော်လည်း အဆိုပါ ငွေများ နှင့် ပတ်သက်၍ အာစစ်‌ ကောင်စီ ထံမှ စာရင်းရှင်းတမ်း တစုံတရာ ထွက်မလာဘဲ အစပျောက်နေပြီ ဖြစ်သည်ဟု ဂျပန် ရှိ The Diplomat အွန်လိုင်း စာစောင်တွင် ဖေါ်ပြထားသည်။

စစ်တပ်သည် ၂၀၀၉ ခုနှစ်ကလည်း နာဂစ် အတွက် နိုင်ငံတကာ မှ ထည့်ဝင် လှူဒါန်းငွေများကို သိမ်းဆည်းခဲ့ သည့်အပြင် ပစ္စည်းများကိုလည်း ဈေးဆိုင်များသို့ ပြန်လည် ရောင်းချခဲ့မှုအား အမေရိကန် ဂျွန် ဟော့ကင်း တက္ကသိုလ်ရှိ သုတေသီများက အထောက်အထားနှင့် တကွ ထုတ်ပြန်ခဲ့ပြီး ဖြစ်၍ စစ်တပ်သည် ယခုလို အပြောခံရခြင်းသည် အဆန်းတကြယ် မဟုတ်တော့ပေ။

အောက်တိုဘာ ၁၇ ရက်အထိ ကာကွယ်ဆေး နှစ်ကြိမ် ထိုးပြီးသူ စုစုပေါင်းသည် လူဦးရေ၏ ၈.၅% သာ ရှိသေးသည်ဟု သိရသည်။

သို့သော် မင်းအောင်လှိုင်သည် နိုင်ငံတကာမှ ကိုဗစ် ကာကွယ်ဆေးများ ကို မိမိအုပ်ချုပ်ခွင့် ရသွားပြီ ဖြစ်သော တိုင်းပြည်သို့ အမြန်ဆုံး လှူဒါန်းကြပါရန် အမြဲလို ဆော်ဩလျှက် ရှိနေသည်။

IMF သည် အာဏာသိမ်း အဖွဲ့အား ယခုထိ တရားဝင် အသိအမှတ်ပြုခြင်း မရှိ၊ အထူး ထုတ်ယူပိုင်ခွင့် ရှိသည့် ဒေါ်လာ သန်း ၇၀၀ အားလည်း ထိန်းချုပ်ထားပြီး ဖြစ်သည်။ ထိုသို့ ထိန်းချုပ်ခံထားရသော နိုင်ငံများသည် မြန်မာ၊ ဗင်နီဇွဲလား နှင့် အာဖဂန်နစ္စတန် သုံးနိုင်ငံသာ ရှိသည်ဟု သိရသည်။

ပြီးခဲ့သည့် တတိယ လှိုင်း အတွင်း အာဏာသိမ်း အဖွဲ့၏ ကိုင်တွယ် ဆောင်ရွက်ပုံ ညံ့ဖျင်းမှုကြောင့်  လူအများ အပြား အသက်မဆုံးရှုံးသင့်ပဲ ဆုံးပါးသွားခဲ့ရသဖြင့် ပြည်တွင်း ပြည်ပမှ ၎င်းတို့ အပေါ် အယုံအကြည် ကင်းမဲ့ နေကာ ကူညီရမည့် အရေး ကို လက်တွန့်လျှက် ရှိနေကြသည်။

တိုင်းပြည်ကိုပင် ထိန်းချုပ်နိုင်ခြင်း မရှိပဲလျှက် အဆင်ခြင်မဲ့ လူမိုက်ဆန်ဆန် ပြောဆိုနေသည့် စစ်အဖွဲ့၏ လုပ်ရပ်များသည် အရေးတော်ပုံကြီး အောင်မြင်ရာ အောင်မြင်ကြောင်း အတွက် များစွာ အထောက်အကူ ပေးလာနေသည်က အမှန်ပင် ဖြစ်သည်။

၎င်းတို့ထက် အပုံ တရာမျှ ဉာဏ်ပြေးသည့် ဗိုလ်သန်းရွှေ လို လူမျိုး နှင့် ရင်ဆိုင်ရလျှင် ပို၍ ကြောက်စရာ ကောင်းမည် ဖြစ်သော်လည်း ယခုအခါ တိုက်ပုံအင်္ကျီဝတ် လူကြီးလူကောင်း ဟန် ဆောင်ထားသူ တဦး ၏ ကောက်ကျစ်မှု ထက် ထန်းတောက ပုဆိုးကွင်းသိုင်း ထန်းရေသမား လူရမ်းကားများ နှင့် ရင်ဆိုင်ရသည့်အတွက် ဉာဏ်ကို လွှာသုံးပြီး အလွယ်တကူ အနိုင်ရဖို့သာ ရှိပေသည်။

ကမ္ဘာ လူ့အခွင့်အရေး လေ့လာစောင့်ကြည့်ရေး အဖွဲ့ကြီးက မြေပြင် အပူချိန် ကွာခြားမှု အချက်အလက်များကို ပြုစုနေသော ပတ်ဝန်းကျင် ထိန်းသိမ်းမှု လေ့လာရေး ဂြိုလ်တု sensor များ ဖြင့် ထန်တလန် မြို့တွင် နေရာ အနှံ့ မီးများ လောင်ကျွမ်းလာသည်ကို အောက်တိုဘာ ၂၉ နေ့လည် ဒေသစံတော်ချိန် ၁၂ : ၂၉ တွင် စတင် တိုင်းထွာ ရရှိခဲ့ပြီး နောက်ထပ် ၁၂ နာရီ အကြာတွင် ထပ်မံ လောင်ကျွမ်းခဲ့ပြန်သည်ကို အတည်ပြု နိုင်ခဲ့သည်ဟု အချက် အလက်များ နှင့် ထုတ်ပြန်လာခဲ့သည်။

စစ်တပ်သည် ၎င်းတို့အား တွန်းလှန်နေသည့် ပြည်သူတို့၏ တွန်းလှန်စစ်ပွဲကြီး ကို နှိမ်နှင်း နိုင်တော့မည် မဟုတ်မှန်း ရိပ်စားမိလာကြပြီဖြစ်၍ တနိုင်ငံလုံးအား အကြောက်တရား ဖြင့် သာ အုပ်ချုပ်သွားတော့မည်ဟု စိတ်ပိုင်းဖြတ်ထားသည့် လက္ခဏာ အဖြစ် နိုင်ငံတကာ၏ တောင်းဆိုနေမှုကို ပြောင်ပြောင်တင်းတင်း လစ်လျူရှုကာ ဖမ်းဆီး နှိပ်စက် သတ်ဖြတ်မှုများအား အဓိပ္ပါယ် မယ်မယ်ရရ မရှိပဲ တိုးမြှင့် ပြုလုပ်လာနေပြီး ရန်ကုန်တနေရာထဲတွင်ပင် လူငယ် သုံးဆယ်ခန့်အား နေရာအနှံ့တွင် ဖမ်းဆီးသွားသည်ဟု ဆိုသည်။

ထိုကဲ့သို့ မိုက်တွင်းနက်၍ အသိလိမ္မာ ခေါင်းပါးလွန်းလှသော အာဏာရူးတို့၏ မွှေးနေသော မီးလောက်တိုက်ကြီး တွင် တနိုင်ငံလုံး ဒုက္ခပင်လယ်ဝေနေကြရပြီ ဖြစ်သည်၊ သို့သော် ထိုသို့ ဒုက္ခပင်လယ်ဝေနေမှုကို မသိနားလည်ရှာခြင်း မရှိသော ပိုးဖလံ များကလည်း ရှိနေပေသေးသည်။

တိုင်းရင်းသား ပြည်သူများ စည်းလုံးညီညွတ်စွာ ဖြင့် လောင်စာများကို အမြန်ဆုံး ငြိမ်းသတ်နိုင်မှ ဖြစ်ပေတော့မည်၊ ထိုအရေး ကို မည်သို့သော အကြောင်းပြချက်မျိုး နှင့်မျှ တွေဝေနေ၍ မဖြစ်တော့ပေ။

တော်လှန်ရေးကြီး မုချအောင်ရမည်!!!
(လှစိုးဝေရေးသားသည်)
ဆက်ဖတ်ရန် →

ထန်တလန်မြို့ကိုမီးဘယ်သူရှို့တာလဲဆိုတာအားလုံးအသိ''

📅 💬 မှတ်ချက်


ထန်တလန်မီးလောင်နေစဉ် အေးအေးဆေးဆေးဓါတ်ပုံအရိုက်ခံနေသည့်စစ်ကောင်စီတပ်မှစစ်သား


ထန်တလန်၊ နိုဝင်ဘာ-၃

ချင်းပြည်နယ် ထန်တလန်မြို့မှာ ပြီးခဲ့သည့် အောက်တိုဘာ ၂၉ ရက် နေ့ကဖြစ်ပွားခဲ့သည့် မီးလောင်နေသည့်မြင်ကွင်းကို ခလရ (၂၂၂ ) တပ်ရင်းဟုယူဆရသည့်တပ်မှ စစ်သားတစ်ဦးက  စိတ်အေးလက်အေးကြည့်ရှု့နေပုံနှင့် အလှရိုက်ကူးသည့်ဓါတ်ပုံများပေါ်ထွက်လာခဲ့သည်။
  
စစ်ကောင်စီတပ်အသိုင်းအဝိုင်းမှထွက်လာသော အဆိုပါဓါတ်ပုံများကို ထန်တလန်မြို့အဝင်ဘုန်းကြီးကျောင်းအောက်ဘက်နှင့်တပ်စခန်းအနီးရှိဗျူးပွိုင့်မှရိုက်ကူးထားသည့်ပုံများဖြစ်ကြောင်းသိရသည်။

ရာထူးအဆင့်ကိုဖော်ပြသောတံဆိပ်များတပ်ဆင်ထားခြင်းမရှိသော်လည်း ယခုကဲ့သို့ဝတ်စားပုံမှာ အရာရှိအဆင့်ဖြစ်သည်ဟု ထန်တလန်ဒေသခံအများက  ယုံကြည်နေကြသည်။
 
\"\"စစ်ကောင်စီတပ်တွေကပြောတာ PDF တွေကမီးရှို့ခဲ့တယ်။ မီးငြိမ်းဖို့လာတဲ့စစ်သားတွေကိုအိမ်တွေထဲကနေ ချောင်းပစ်တယ်။ထန်တလန်နှင့်ဟားခါးအကြားသီးရ်မြစ်တံတားကိုဖျက်ဆီးခဲ့ကြလို့မီးသတ်ကားမလာနိုင်ဘူးအမျိုးမျိုးပြောတယ်။ဒါပေမယ့် သူတို့မှာသက်သေပြစရာမရှိဘူး။အခုဒီပုံတွေကိုကြည့်ပါ ။တစ်မြို့လုံးနီးပါးမီးဟုန်းဟုန်းတောက်နေတာမြင်ရတဲ့အနေအထားကို အရာရှိတစ်ယောက်ကအေးအေးဆေးဆေးဓါတ်ပုံအရိုက်ခံနိုင်တယ်၊အေးအေးဆေးဆေးကြည့်နေနိုင်တယ်။နောက်ပြီးကောင်းကင်ဓါတ်ပုံတွေမှာဆိုလည်း မီးလောင်တဲ့နေရာမှာစစ်ကောင်စီတပ်သားတွေပုံတွေကို မြင်နေရတဲ့မှတ်တမ်းတွေကိုဒီဘက်ကချပြနိုင်တယ်။ဒါကြောင့်ထန်တလန်မြို့ကိုမီးဘယ်သူရှို့တာလဲဆိုတာအားလုံးအသိ\"\"ဟု ဒေသခံတစ်ဦးကပြောသည်။

ထန်တလန်မြို့ မီးရှို့ခံရမှုဖြစ်စဉ်တွင်ဆိုင်​ခန်း ၁၀ဝ ၊ ဘုရားကျောင်း ၂ ကျောင်း၊CB ဘဏ်အပါအ၀င် နေအိမ် ၁၆၄ လုံး မီးလောင်ပြာကျခဲ့ရသည်ဟုGlobal Thantlang Relief အဖွဲ့မှ ထုတ်ပြန်ထားသည်။

ဆက်ဖတ်ရန် →

ကျောင်းသားသမဂ္ဂဥက္ကဌဖြစ်သူ မအေးနန္ဒစိုး ပျောက်ဆုံးနေ

📅 💬 မှတ်ချက်
 
တပ်မ ၃၃ သို့ ဖမ်းဆီးခေါ်ဆောင်ခံရသည့် ပညာရေးတက္ကသိုလ် ကျောင်းသားသမဂ္ဂဥက္ကဌဖြစ်သူ မအေးနန္ဒစိုး ပျောက်ဆုံးနေ

3 Nov 2021 By MPA

အကြမ်းဖက်စစ်တပ်က စစ်ကိုင်းပညာရေး တက္ကသိုလ်ကျောင်းသားသမဂ္ဂဥက္ကဌဖြစ်သူ မအေးနန္ဒစိုးကို  စစ်ကိုင်းတိုင်း အတွင်းရှိ တပ်မ ၃၃ သို့ ဖမ်းဆီးခေါ်ဆောင်ခံရပြီးနောက် တစ်လခွဲခန့် ကြာသည်အထိ အဆက်အသွယ် မရဘဲ ပျောက်ဆုံးနေကြောင်း သိရသည်။

မအေးန္ဒာစိုးကို ပြီးခဲ့သည့် စက်တင်ဘာလ ၁၉ ရက်နေ့က ဖမ်းဆီးပြီးနောက် တပ်မ၃၃သို့ ပို့ဆောင်လိုက် ကြောင်း နောက်ဆုံးသိရှိရပြီး လက်ရှိအချိန်အထိ သူမမည်သည့်နေရာ၌‌ ရှိနေသည်ကို သိရှိရခြင်းမရှိသေး ကြောင်း သိရသည်။

"သူက အမျိုးသမီးဆိုပေမယ့် ရဲရင့်တဲ့တက်ကြွတဲ့ စိတ်လည်း ရှိတယ်။ မဟုတ်မခံပုံစံမျိုးလည်း ရှိတော့ ပိုပြီးတော့ စစ်ကြောရေးမှာ စိုးရိမ်တယ်။ အခုလိုအချိန်ထိ အဆက်အသွယ်မရတာ တော်တော်အန္တရာယ်များတဲ့ အခြေအနေတစ်ခု ထိရောက်နေပြီဗျ" ဟု ဗကသများအဖွဲ့ချုပ်မှ ပြန်ကြားရေးတာဝန်ရှိသူက ပြောသည်။ 

မအေးနန္ဒစိုးသည် စစ်ကိုင်းပညာရေး တက္ကသိုလ်ကျောင်းသားသမဂ္ဂဥက္ကဋ္ဌ တစ်ဦးဖြစ်ပြီး  ဗမာနိုင်ငံလုံးဆိုင်ရာကျောင်းသား သမဂ္ဂများအဖွဲ့ချုပ် (ဗကသ)၏ အဖွဲ့ဝင်လည်းဖြစ်သည်။

မအေးနန္ဒာစိုးသည် မန္တလေးမှ စစ်ကိုင်းတိုင်းအတွင်းရှိ မြို့နယ်တစ်ခုသို့ သွားရာတွင် စစ်ဆေးရေးဂိတ်၌ ဖမ်းဆီးခံရပြီးနောက် လက်ရှိအချိန်ထိအဆက်အသွယ်မရရှိခဲ့ခြင်းဖြစ်ကြောင်း သိရသည်။

"သူ့မိသားစုက အဆက်အသွယ်မရတော့ ပိုပြီးစိတ်ပူတာပေါ့။ မိခင်အဖွဲ့စည်းကိုလည်း စုံစမ်းဖို့ အကူအညီ တောင်းတယ်။ အဖွဲ့ချုပ်ကိုလည်း စုံစမ်းပေးဖို့ ခဏခဏပြောပါတယ် "ဟု ပြန်ကြားရေးတာဝန်ခံကဆိုသည်။

အကြမ်းဖက်စစ်တပ်သည် စစ်အာဏာရှင် ဆန့်ကျင်ရေး တော်လှန်လှုပ်ရှား သူများကိုဖမ်းဆီးပြီး စစ်ကြောရေးစခန်းများသို့ ပို့‌ဆောင်ပြီး နည်းလမ်းမျိုးစုံဖြင့် အကြမ်းဖက် နှိပ်စက်မေးမြန်းလေ့ရှိသည်။
ယင်းသို့နှိပ်စက် မေးမြန်းရာတွင် သေဆုံးခဲ့မှုများ ရှိခဲ့သဖြင့် မအေးနန္ဒာစိုးအတွက် အသက်အန္တရာယ်ပင် စိုးရိမ်ရလျက်ရှိကြောင်း သိရသည်။

စစ်ကိုင်း ပညာရေး တက္ကသိုလ် စတုတ္ထနှစ်ကျောင်းသူ မအေးနန္ဒာစိုးသည် စစ်ကိုင်းဘက်အဝင် စစ်‌ဆေး ရေးဂိတ်တွင် အရပ်ဝတ်များက မှတ်ပုံတင်စစ်ဆေးပြီး ဖမ်းဆီးခဲ့ခြင်းဖြစ်သည်။

မအေးနန္ဒာစိုးကိုမည်သည့်နေရာ၌ ဖမ်းဆီးထားသည်နှင့်ပတ်သက်ပြီး အကြမ်းဖက်စစ်တပ်မှာ တာဝန်ရှိသူများ ထံသို့ ဆက်သွယ်ခဲ့သော်လည်း တစ်စုံတရာတုံ့ပြန်ဖြေကြားခဲ့ခြင်းမရှိပေ။

နိုင်ငံရေးအကျဉ်းသားများစောင့်ရှောက်ရေး အသင်း ၏ ထုတ်ပြန်ချက်များ အရ နိုဝင်ဘာလ ၂ရက်နေ့အထိ အကြမ်းဖက်စစ်တပ်မှ ပြည်သူပေါင်း ၉၆၀၀ကျော်ကို ဖမ်းဆီးထားပြီး လူပေါင်း၁၂၀၀ကျော်ကို နည်းလမ်းအမျိုးမျိုးဖြင့် သတ်ဖြတ်ခဲ့သည်။

#ဗကသ #အေးနန္ဒာစိုး #ဖမ်းဆီးခံရ #အဆက်အသွယ်မရ #MPA

Website Link - https://wp.me/p9beg2-1wx
Telegram Link  -  https://t.me/MPANews
Twitter Link - https://twitter.com/mmpressphoto

{ English Version } 

Ma Aye Nandar Soe, Chairperson of University of Education Student Union, who was Taken to Brigade 33 Gone Missing 
3 November 2021 _ By MPA 

After being taken to brigade 33 of the terrorist military within Sagaing region, Ma Aye Nandar Soe, chairperson of the University of Education Student Union has not been heard from for a month and a half and has gone missing. 

Ma Aye Nandar Soe was arrested on September 19 and was last learned to have been sent to brigade 33. Until present, nothing is known about where she is. 

“Though a woman, she has a bold, active heart. As she’s a type of person who doesn’t stand what’s wrong, it’s more worrying. No contact has been made till now, so it’s now in a seriously dangerous situation”, said an information officer from ABFSU. 

Ma Aye Nandar Soe is the chairperson of Sagaing University of Education Student Union and also a member of the All Burma Federation of Student Unions (ABFSU).  

She was arrested at a check point when she was going to another township within Sagaing region and no contact has been received since. 

“Her family is even more worried as no contact has been received. The mother organization has also been requested to help investigate. The ABFSU is also repeatedly told to help investigate”, said the information officer. 

The terrorist military is arresting anti-military dictatorship revolutionary activists, sending them to interrogation camps and has usually tortured them in various ways. 

There have been deaths in those tortured interrogations and it’s worrying for the life of Ma Aye Nandar Soe. 

The fourth year student of Sagaing University of Education was arrested by those on casual wears after checking her NRC at a check point at the entrance into Sagaing. 

Although the terrorist military officials were contacted about where Ma Aye Nandar Soe is kept, no response was received. 

According to the report of the Assistance Association for Political Prisoners as of November 2, the terrorist military has arrested over 9600 civilians and killed over 1200 in various methods. 

#ABFSU #AyeNandaSoe #Arrested #NoContact #MPA
ဆက်ဖတ်ရန် →
အာဏာသိမ်း စစ်အုပ်စု၏ ထောက်တိုင်တခု (သို့မဟုတ်) ဦးစစ်တိုင်းအောင်

အာဏာသိမ်း စစ်အုပ်စု၏ ထောက်တိုင်တခု (သို့မဟုတ်) ဦးစစ်တိုင်းအောင်

📅 💬 မှတ်ချက်

မြန်မာစစ်တပ်နှင့် နီးစပ်ပြီး စစ်လက်နက် တင်သွင်းပေးခြင်းအပြင် စီးပွားရေး ပူးပေါင်းဆောင်ရွက်မှုများ လုပ်ကိုင်ခွင့် ရရှိကြသည့် အခွင့်ထူးခံ စီးပွားရေးလုပ်ငန်းရှင်များထဲ Suntac ကုမ္ပဏီအုပ်စု၏ ဦးဆောင်သူ ဦးစစ်တိုင်းအောင် တယောက်လည်း အပါအဝင် ဖြစ်သည်။
သူသည် မြန်မာစစ်တပ်အတွက် စစ်လက်နက်ပစ္စည်းများ အဓိက တင်သွင်းပေးသော ထူးကုမ္ပဏီအုပ်စု ဥက္ကဋ္ဌ ဦးတေဇ၊ ဦးအောင်လှိုင်ဦး (Myanmar Chemical & Machinery-MCM) နှင့် ဒေါက်တာနိုင်ထွဋ်အောင် (International Gateway Group of Company Limited) တို့နှင့် ရင်းနှီးမှုရှိသလို မြန်မာစစ်တပ် ထိပ်ပိုင်း စစ်ဗိုလ်ချုပ်များနှင့်လည်း နီးစပ် မှုရှိကြောင်း ရန်ကုန်မြို့ရှိ စီးပွားရေးလုပ်ငန်းရှင် တချို့ က ဆိုသည်။
သာမဏေကျော် စာတော်ပြန်ပွဲ ကဲ့သို့သော သာသနာရေးကိစ္စများနှင့် ပတ်သက်ကာ ဗိုလ်ချုပ်မှူးကြီး မင်းအောင်လှိုင်နှင့် ဦးစစ်တိုင်းအောင်တို့ကြား ရင်းနှီးသည့် ဆက်ဆံရေးရှိသူ ဖြစ်ကြောင်း သိရသည်။
ယခင်စစ်အစိုးရ နိုင်တော်အေးချမ်းသာယာရေးနှင့် ဖွံ့ဖြိုးရေးကောင်စီ ဦးသန်းရွှေ လက်ထက်တွင် သစ်တောဝန်ကြီး တာဝန် ထမ်းဆောင်ခဲ့သော ဦးအောင်ဖုန်းသည် ဦးစစ်တိုင်းအောင်၏ ဖခင် ဖြစ်သည်။
ယခင်စစ်အစိုးရ နိုင်တော်အေးချမ်းသာယာရေးနှင့် ဖွံ့ဖြိုးရေးကောင်စီ ဦးသန်းရွှေ လက်ထက်တွင် သစ်တောဝန်ကြီး တာဝန် ထမ်းဆောင်ခဲ့သော ဦးအောင်ဖုန်းသည် ဦးစစ်တိုင်းအောင်၏ ဖခင် ဖြစ်သည်။
“ဦးတေဇကို သစ်ကိစ္စမှာ စင်တင်ပေးခဲ့တာ ဦးစစ်တိုင်းအောင်တို့ပေါ့။ သူက အရင်ကတည်းက သစ်ကိစ္စရော၊ ယူကရိန်းတို့ ဘာတို့ဘက်က လက်နက်သွင်းတာရော လုပ်ခဲ့တာ။ ဦးတေဇကတော့ သူတို့ အရှေ့ကနေ နာမည် အပျက်ခံပေးရတာပေါ့” ဟု ဧရာဝတီ၏ သတင်းရင်းမြစ်တဦးက ဆိုသည်။
ဦးစစ်တိုင်းအောင်သည် မက္ကစီကိုနိုင်ငံ၏ မြန်မာနိုင်ငံဆိုင်ရာ ဂုဏ်ထူးဆောင် ကောင်စစ်ဝန်အဖြစ် ခန့်အပ်ခြင်း ခံထားရသူလည်း ဖြစ်သည်။
မြန်မာစစ်တပ်၏ စစ်လက်နက်ပစ္စည်း ထုတ်လုပ်ရေး စက်ရုံတချို့ တည်ဆောက်ရေးနှင့် လက်နက် ထုတ်လုပ်ရေး အတွက် လိုအပ်သော ကုန်ကြမ်းပစ္စည်းများကို စစ်တပ်က တင်သွင်းသည် ဆိုသော Military Import သွင်းကုန်လိုင်စင်ဖြင့် တင် သွင်းခွင့် ရရှိသူ ဖြစ်ကြောင်း စီးပွားရေးလုပ်ငန်းရှင်တဦးက ပြောသည်။
ယူကရိန်းနိုင်ငံမှ စစ်လက်နက်ပစ္စည်း ထုတ်လုပ်သော Ukroboronservice ကုမ္ပဏီထံမှ လေယာဉ် စက်ပစ္စည်းများကို ပြီးခဲ့သည့် ၂၀၂၀ နှင့် ၂၀၂၁ ခုနှစ်တွင် မြန်မာ့စစ်တပ်အတွက် တင်သွင်းပေးခဲ့သော Yatanarpon Aviation Support ကုမ္ပဏီ သည် ဦးစစ်တိုင်းအောင်၏ ကုမ္ပဏီဖြစ်သည်။
ယူကရိန်းနိုင်ငံမှ စစ်လက်နက်ပစ္စည်း ထုတ်လုပ်သော Ukroboronservice ကုမ္ပဏီထံမှ လေယာဉ် စက်ပစ္စည်းများကို ပြီးခဲ့ သည့် ၂၀၂၀ နှင့် ၂၀၂၁ ခုနှစ်တွင် မြန်မာ့စစ်တပ်အတွက် တင်သွင်းပေးခဲ့သော Yatanarpon Aviation Support ကုမ္ပဏီ သည် ဦးစစ်တိုင်းအောင်၏ ကုမ္ပဏီဖြစ်ကြောင်း Justice for Myanmar ၏ ထုတ်ပြန်ချက်အရ သိရသည်။
ထို့ပြင် Yatanarpon Aviation Support ကုမ္ပဏီသည် ယူကရိန်းနိုင်ငံတွင် မြန်မာစစ်တပ်အတွက် စစ်လက်နက်ပစ္စည်း များ၊ တိုက်ခိုက်ရေး ဂျက်လေယာဉ် အစိတ်အပိုင်းများနှင့် လေကြောင်း ထောက်လှမ်းရေး ရေဒါနည်းပညာ အဓိက တင် သွင်းနေသည့် Myanmar Consultancy ကုမ္ပဏီနှင့် လိပ်စာတူ၊ ဖုန်းနံပါတ်တူဖြင့် မှတ်ပုံတင်ထားခြင်းများ ရှိခဲ့သည်။
အဆိုပါ ကုမ္ပဏီများတွင် မြန်မာစစ်တပ်အတွက် လက်နက်ပွဲစား တဦးဖြစ်သည့် ဒေါက်တာနိုင်ထွဋ်အောင်က ဒါရိုက်တာအဖြစ် တာဝန်ယူထားခဲ့ဖူးသည်။
Myanmar Consultancy ကုမ္ပဏီသည် အာဏာသိမ်း စစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင် ကိုယ်တိုင် တက်ရောက်ခဲ့သည့် ရုရှားနိုင်ငံတွင် ကျင်းပခဲ့သော MAKS 2021 Air Show လေကြောင်း ပြပွဲတွင် အွန်လိုင်းမှ ပါဝင်ပြသသူ တဦးအဖြစ် ပါဝင်ခဲ့သည်။
ဦးစစ်တိုင်းအောင်သည် လက်ရှိ အချိန်တွင် မြန်မာနိုင်ငံ သံမဏိလုပ်ငန်းရှင်များအသင်း ဥက္ကဋ္ဌအဖြစ်လည်း တာဝန်ယူထားသူ ဖြစ်သည်။
ဧရာဝတီ



ဆက်ဖတ်ရန် →

ထန်တလန်မြို့ မီးရှို့မှုနဲ့ ခြေလျင်တပ်ရင်း (ခလရ) ၂၂၂

📅 💬 မှတ်ချက်

ချင်းပြည်နယ် ထန်တလန်မြို့ရှိ ခရစ်ယာန် ဘုရားကျောင်း နှစ်ကျောင်းနှင့် လူနေအိမ် ၇၀ ကျော် မီးလောင်နေသည်ကို နောက်ခံထား၍ မြန်မာစစ်တပ်မှ စစ်သားအချို့က ဓာတ်ပုံရိုက်ယူခဲ့သည်ကို ရရှိထားသည့် ဓာတ်ပုံများတွင် တွေ့ရသည်။ 
.
ဓာတ်ပုံများအရ မီးလောင်နေစဉ် ကြည့်ရှုနေသည့် စစ်သားနှစ်ဦးကို တွေ့ရပြီး တစ်ဦး၏ သေနတ်ဒင်တွင် နံပါတ် ၂၂၂ ကိုတွေ့ရသည်။ ထို့ပြင် လက်မောင်းတံဆိပ်မှာ မြှားပုံဖြစ်သည်။ ယင်း လက်မောင်း တံဆိပ်သည် အနောက်မြောက်ပိုင်းတိုင်း စစ်ဌာနချုပ် (နမခ) တံဆိပ်ဖြစ်ပြီး၊ သေနတ်ဒင်ပါ ၂၂၂ သည် တပ်ရင်းနံပါတ်ဖြစ်သည်။ 
.
သတင်းအချို့တွင်ဖော်ပြချက်များအရ ထန်တလန်တွင် (ခလရ) ၂၂၂ ရောက်ရှိနေကြောင်း သိရသော်လည်း အတည်မပြုနိုင်ခဲ့ပေ။ သို့သော် ယခုရရှိသည့် အချက်အလက်များအရ အဆိုပါ စစ်သားနှစ်ဦးသည် အနောက်မြောက်တိုင်း စစ်ဌာနချုပ် လက်အောက်ခံ ဟုမ္မလင်း အခြေစိုက်၊ ခြေလျင်တပ်ရင်း (ခလရ) ၂၂၂ မှ စစ်သားများဖြစ်ကြောင်း အတည်ပြုနိုင်သည်။ 
.
ထန်တလန် ဝန်းကျင်တွင် (ခလရ) ၂၂၂ အပြင် အခြား တပ်မ တပ်ရင်းများလည်း ရှိနေဦးမည်ဟု ယုံကြည်ရသည်။ 
.
အောက်တိုဘာ ၂၉ က ယင်းဖြစ်စဉ်တွင် ဒေသခံ ကာကွယ်ရေး တပ်များက အဆောက်အအုံများကို မီးရှို့ခဲ့ခြင်းဖြစ်ကြောင်း စစ်ကောင်စီ၏ ပြောရေးဆိုခွင့်ရှိသူ ဗိုလ်ချုပ်ဇော်မင်းထွန်းက စွပ်စွဲပြောဆိုခဲ့သည်။
.
ဒေသခံကာကွယ်ရေးတပ်များက အဆောက်အအုံများကို မီးရှို့ခဲ့သည်ဟု စစ်ကောင်စီက ပြောဆိုသော်လည်း သက်သေ တစ်စုံတစ်ရာ ထုတ်ဖော်ပြနိုင်ခဲ့ခြင်း မရှိပေ။ ယင်းကဲ့သို့ သက်သေထုတ်ဖော်မပြသနိုင်သည့် စစ်ကောင်စီ၏ ပြောဆိုချက်ကို မီဒီယာအချို့ကလည်း ပြန်လည်ဖော်ပြခဲ့ကြသည်။ 
.
ဗိုလ်ချုပ်ဇော်မင်းထွန်းက “(ပီဒီအက်ဖ်များကို) လိုက်ရှင်းပြီး ပြန်လာတဲ့အခါ မီးလောင်နေတာ တွေ့လို့ မီးငြှိမ်းသတ်ဖို့ နောက်ထပ် လုံခြုံရေးတပ်ဖွဲ့ဝင်တွေ သွားခဲ့တယ်” ဟု ဆိုပြီး “မီးငြှိမ်းဖို့လာတဲ့ လုံခြုံရေးအဖွဲ့တွေနဲ့ သက်ဆိုင်ရာဝန်ထမ်းတွေကို ပြန်လည် ပစ်ခတ်ခဲ့ပါတယ်။ ဒါကြောင့် မီးမငြှိမ်းသတ်နိုင်ဘဲ မီးလောင်ရခြင်းဖြစ်တယ်” ဟု အောက်တိုဘာ ၃၀ ရက်က စစ်တပ်ပိုင် မြဝတီ သတင်းတွင် ပြောဆိုခဲ့သည်။
.
သို့သော် မီးလောင်ခဲ့သည့်နေ့က ထန်တလန်မြို့ကို ဝေဟင်မှ ရိုက်ကူးထားသည့် ဒရုန်းဗွီဒီယိုတစ်ခုအရ မီးလောင်ခဲ့သည့် အဆောက်အအုံများဝန်းကျင်တွင် စစ်ကောင်စီတပ်သားများကို မီးမလောင်မီ မိနစ်ပိုင်းအလိုက မြင်တွေ့ရသည်။ 
.
ထို့ပြင် ယခု ဓာတ်ပုံတွင် တွေ့ရသည့် စစ်သားများမှာ ထန်တလန် မြို့တွင်းနှင့် ၅ ဖာလုံခန့်အကွာ မြို့ကို အပေါ်စီးမှ မြင်ရသည့် ဗျူးပွိုင့် (View Point) ပေါ်တွင် ရှိနေကြခြင်းဖြစ်သည်။ ထန်တလန်မြို့တွင် တိုက်ပွဲဖြစ်ပွားနေချိန် ယင်းတောင်ပေါ်မှနေ၍ လက်နက်ကြီးဖြင့် ပစ်ခတ်နေခဲ့သေးကြောင်း ဒေသခံများက ဆိုသည်။
.
ယင်းအတွက်ကြောင့် မီးမလောင်ခင်အချိန် အဆောက်အအုံများဘေးတွင် စစ်ကောင်စီတပ်သားများ ရှိနေပြီး မီးလောင်နေချိန်တွင်လည်း စစ်ကောင်စီတပ်သားများက ဗျူးပွိုင့်ပေါ်မှ ဓာတ်ပုံ ရိုက်ယူ နေနိုင်ခဲ့သည်ကို ထင်ထင်ရှားရှား တွေ့ရသည်။ 
.
မီလောင်နေချိန် စစ်ကောင်စီတပ်သားများက အိမ်များအတွင်းဝင်ရောက်ကာ ဖောက်ထွင်းခဲ့မှုများ ရှိသည်ဟု ဒေသခံတစ်ဦးက ပြောထားသေးသည်။ မီးလောင်နေစဉ် မြင်တွေ့ရသည့် ဒရုန်းဗွီဒီယိုတွင် စစ်ကောင်စီ တပ်သားများသည် မီးမစွဲသေးသည့် အိမ်များအတွင်း ဝင်ထွက်နေသည်ကိုလည်း မြင်တွေ့ရသည်။
.
ထို့ကြောင့် စစ်ကောင်စီ၏ ပြောရေးဆိုခွင့်ရှိသူ ဗိုလ်ချုပ်ဇော်မင်းထွန်း စွပ်စွဲ ပြောဆိုသည့် မီးလောင်နေသည့်အချိန်တွင် လုံခြုံရေးအဖွဲ့များက မီးငြှိမ်းသတ်ရန် ကြိုးစားခဲ့သည်ဆိုသည်မှာ လုံးဝ ကိုက်ညီမှု မရှိသည်ကို တွေ့ရသည်။
(မြတ်ကျော်သူ)
.
ဓာတ်ပုံ - ထန်တလန်မြို့ မီးလောင်နေသည်ကို ဗျူးပွိုင့်မှ ကြည့်ရှုနေသည့် (ခလရ) ၂၂၂ မှ စစ်သားနှစ်ဦး။
ဆက်ဖတ်ရန် →

အာဏသိမ်းမှု ကြံရာပါများနှင့် အချက်အလက်များ

📅 💬 မှတ်ချက်

သူ့ချည်းပဲလော၊ ချဉ်ဖတ်နဲ့ပါဖုရား 
သရဝဏ်(ပြည်)

"မင်းအောင်လှိုင်တစ်ယောက် အာဏာရူးတာနဲ့မြန်မာတစ်နိုင်ငံလုံးဒုက္ခရောက်ရတယ်ကွာ"
"မင်းအောင်လှိုင်မရှိရင် တော်လှန်ရေးကအောင်မြင်ပြီ"
"မင်းအောင်လှိုင်သေမှအေးမှာ"
"အခြားစစ်ဗိုလ်ချုပ်တွေကပါချင်တာမဟုတ်ဘူး၊ နီးရာဓားကြောက်လို့ဝင်ပါနေရတာ"
စသည်စသည်ဖြင့် ပြောနေသံတွေကိုကြားရပါသည် ။ ထိုအယူအဆသည် အပြည့်အဝမမှန်ပါ။ မင်းအောင်လှိုင်အာဏာရူးသည်မှာမှန်ပါသည်။ မင်းအောင်လှိုင်သမ္မတရူးရူးနေသည်မှာမှန်ပါသည်။ သို့သော် ဤအာဏသိမ်းမှုတွင်တပ်မတော်မှ အငြိမ်းစားနှင့်လက်ရှိ စစ်ဗိုလ်ချုပ်ကြီးများ၏ သဘောတူညီချက်မပါပဲ မင်းအောင်လှိုင်တစ်ယောက်တည်း ထင်ရာစိုင်းခဲ့ခြင်းမဟုတ်ပါ။ 

အထူးသဖြင့် ၂၀၁၀ ရွေးကောက်ပွဲနောက်ပိုင်းတွင် ရာထူးနှင့် အာဏာအကြီးကြီးရယူခဲ့သူ စစ်ဗိုလ်ချုပ်များအားလုံး အတူတူနဲ့အနူနူ အားလုံး ပုလင်းတူဗူးဆို့ ပါဝင်ခဲ့ကြပါသည်။ ဦးသိန်းစိန်အစိုးရလက်ထက်တွင် ရာထူးအကြီးကြီးများရယူခဲ့ကြသော သမ္မတ၊ ဒုသမ္မတများအားလုံး၊ ဦးသိန်းစိန်လက်ထက် ပြည်နယ်နှင့်တိုင်း ဝန်ကြီးချုပ် ၁၄ ယောက်၊ ဦးသိန်းစိန်လက်ထက် ပြည်ထောင်စု အစိုးရအဖွဲ့ဝန်ကြီးအားလုံး၊ ဗိုလ်ချုပ်၊ ဒုတိယဗိုလ်ချုပ်ကြီး၊ ဗိုလ်ချုပ်ကြီး၊ ဒုတိယဗိုလ်ချုပ်မှူးကြီး၊ ဗိုလ်ချုပ်မှူးကြီးတို့အားလုံးသဘောတူပါဝင်ခဲ့ကြပါသည် ။

 ထို့ကြောင့်ပင် ဘာမှယုတ္တိယုတ္တာမရှိသော သူတို့ရေးဆွဲခဲ့သည့် ၂၀၀၈ အခြေခံဥပဒေကိုသူတို့ပြန်လည်ချိုးဖောက် အာဏာသိမ်းခဲ့သည့်ဖြစ်စဉ်တွင် ယခင်ဗိုလ်ချုပ်မြင့်ဆွေ (ယခုဒုတိယသမ္မနှင့် ယာယီသမ္မတ မြင့်ဆွေ) ကမင်းအောင်လှိုင်ကိုအာဏာလွှဲပေးကြောင်း မဆီမဆိုင် သဘောတူလက်မှတ်ထိုးပေးခဲ့ခြင်းဖြစ်သည်။

 အဘယ်ကြောင့်နည်း။ ရှင်းပါသည်။ ခိုးထားခဲ့သမျှ အဂတိလိုက်စားမှု တိုက်ဖျက်ရေးကော်မရှင် လက်ချက်ဖြင့် ပြန်လည်လျှော်ကြေးပေးရခြင်း၊ ထောင်ဒဏ်ကျခံရခြင်းတို့ မကြာမီ ငါးနှစ်တာ ဒီချုပ် အစိုးရလက်ထက်တွင်ရင်ဆိုင်ရတော့မည်ကို အကြီးအကျယ်စိုးရိမ်တုန်လှုပ်သောကြောင့်ဖြစ်သည်။ 

ပင်လယ်ထဲတွင်မျောပါနေသောရေခဲတောင်ကြီး၏ ရေပေါ်တွင်ပေါ်နေသောအစိတ်အပိုင်းသည် ရေအောက်တွင်နစ်မြုပ်နေသော အစိတ်အပိုင်းထက်များစွာသေးငယ်ပါသည်။ တနည်းဆိုရသော် မြင်သာသော ရေခဲတောင် ထိပ်ပိုင်းလေး၏နောက်ကွယ် ရေအောက်တွင်မမြင်နိုင်သော အဆပေါင်းများစွာကြီးမားသည့် ရေခဲ့တောင်ကြီးရှိပါသည်။ ထိုနည်းတူပင် ကြံ့ခိုင်ရေးအစိုးရ ခိုးခဲ့သမျှဇာတ်လမ်းများအနက် မဖုံးနိုင်မဖိနိုင်ပေါ်လာသော ဇာတ်လမ်းတိုလေး နှစ်ကွက်သုံးကွက်ကိုကြည့်ခြင်းအားဖြင့် ထိုဇာတ်လမ်းတို့၏နောက်ကွယ်ဝယ် ကျကျနနစုံစမ်းစစ်ဆေးလိုက်ပါက မမျှော်မှန်းနိုင်လောက်အောင်ကြီးမားသော အဂတိလိုက်စားမှု၊ အကျင့်ပျက်ခြစားမှုဇာတ်လမ်းများ ရာနှင့်ချီ၍၊ ထောင်နှင့်ချီ၍ ထွက်ပေါ်လာပါလိမ့်မည်။ 

ထိုအခါ နောက်ကြောင်းပြန်အရေးမယူရဆိုသောဥပဒေမှာ ၂၀၁၀ ရွေးကောက်ပွဲမတိုင်ခင်ကဖြစ်ရပ်များ (၁၉၈၈ မှ ၂၀၁၀ အတွင်း ရာဇဝတ်မှုများ) ကိုသာအကာအကွယ်ပေးထားခြင်းဖြစ်ရာ ၂၀၁၀ ကျော်ဒီဘက်ပိုင်းအဂတိလိုက်စားမှုများတွင် ကြံ့ဖွတ်ခေါင်းဆောင်တွေရော၊ စစ်ဗိုလ်ချုပ်တွေရော ဘယ်သူမှပြေးလွတ်ဖွယ်ရာ မရှိချေ။ 
   ဥပမာအားဖြင့် ဦးသိန်းစိန်ပြုတ်၍ ဒီချုပ်အစိုးရတက်သောအခါ ပြည်နယ်နှင့် တိုင်းဖွံ့ဖြိုးရေးရန်ပုံငွေများကို နောက်တက်လာသောအစိုးရအားပြန်မအပ်ပဲ ဘုန်းပြေးသွားသော ဝန်ကြီးချုပ်နှစ်ယောက်ကို လက်ပူးလက်ကြပ်မိပါသည်။

 မကွေးတိုင်းဝန်ကြီးချုပ် ဘုန်းမော်ရွှေ (ဗိုလ်မှူးကြီး-ငြိမ်း) နှင့် ဧရာဝတီတိုင်းဝန်ကြီးချုပ် သိန်းအောင် (ဗိုလ်မှူးချုပ်-ငြိမ်း) တို့ဖြစ်ပါသည်။ ကျန်သော ဝန်ကြီးချုပ် ၁၂ ယောက်ကိုလည်း အဂတိလိုက်စားမှုတိုက်ဖျက်ရေးကော်မရှင်က စစ်ဆေးလိုက်လျှင် ခိုးထားတာတွေ ပေါ်လာမှာဖြစ်သည်။ ရှမ်းပြည်နယ် အစိုးရအဖွဲ့ သည်ပင်လျှင် အလွဲသုံးစားမှု ပေါ်ပေါက်ကြောင်းစစ်ဆေးတွေ့ရှိနေရပြီဖြစ်သည်။ ထပ်စစ်လျှင်ထပ်ပေါ်တော့မည်။ မကွေးတိုင်းဝန်ကြီးချုပ်ဘုန်းမော်ရွှေသည် ပြည်သူပိုင်ငွေ ဒေသရန်ပုံငွေ သန်းပေါင်း ရှစ်ထောင်ကျော် (သို့မဟုတ် ကျပ်သိန်းပေါင်းရှစ်သောင်းကျော်) ကို အာဏာမှဆင်းချိန်တွင် အစိုးရအသစ်သို့လွှဲပြောင်းပေးမသွားပဲ ခိုးထုပ်ခိုးထည်နှင့်ဆင်းသွားသည်ကို လက်ပူးလက်ကြပ်မိသည်။ သူခိုးများဖြစ်ကြသော ဝန်ကြီးချုပ်ဟောင်း ဘုန်းမော်ရွှေ နှင့် ရွှေသုခငွေချေးလုပ်ငန်း၏ ဥက္ကဌ ကြံ့ဖွတ် ကြည်ထွန်းတို့ မျက်နှာငယ်ဖြင့် ဖဲကြွေးဆပ်သလို အလီလီအလာလာ ဖဲ့ဆပ်ခွင့်တောင်းသည်။

 သဘောကောင်းလွန်းသော ဒေါ်အောင်ဆန်စုကြည်အစိုးရက ထောင်မချပဲ၊ တရားမစွဲပဲခွင့်လွှတ်လက်ခံပေးသည်။ ထို့ကြောင့် သန်းသုံးထောင်တစ်ကြိမ်၊ သန်းငါးထောင်တစ်ကြိမ် အရူးကွက်နင်း၍ ပြန်ဆပ်ခဲ့သည်။ 

ဧရာဝတီတိုင်းဝန်ကြီးချုပ်ဟောင်းကလည်း ခိုးရာတွင်လက်မနှေးချေ။ ဗိုလ်မှူးချုပ်-ငြိမ်း သိန်းအောင်ကလည်း သူ ခိုးထားသည့် တိုင်းဒေသကြီးဖွံဖြိုးရေးရန်ပုံငွေထဲမှ ကျပ်သန်းပေါင်း ၅.၂ (ကျပ်သိန်းပေါင်း ငါးသောင်းနှစ်ထောင်) ကို နှစ်လအတွင်း အကြိမ်ကြိမ်ခွဲ၍ ဆပ်ပါရစေဟု သူခိုးလူမိကာမှ ခွင့်လွှတ်ဖို့တောင်းပန်သည်။ ဥပဒေတွင် ငွေတစ်ကျပ်ပင်ဖြစ်စေ လိမ်လည်မှုက လိမ်လည်မှုပင်ဖြစ်၍ ခိုးဖွက်ထားကြောင်း အမှုပေါ် ပေါက်ပါမှ အလီလီခွဲ၍ပြန်ပေးခွင့် ရာဇဝင်မရှိသော်လည်း သဘောကောင်းလွန်းသော ဒီချုပ်အစိုးရက ခွင့်လွှတ်သည်းခံကာ သိန်းအောင်၊ ဘုန်းမော်ရွှေနှင့် အပေါင်းပါ ဒေါ်စိန်အေးကျောင်းထွက် ငတက်ပြားများ ထောင်မကျအောင် မုဆိုးမကြီး ဒေါ်အောင်ဆန်းစုကြည်က ကြည့်ရှုစောင့်ရှောက်ပေးခဲ့သဖြင့် ဥပဒေအတိုင်းဖြစ်စေလိုသော အဂတိကော်တိုက်ဖျက်ရေးကော်မရှင်လူကြီး အချို့နှင့် ပြည်သူလူထုအချို့ကပင် မကြေမနပ်ဖြစ်ခဲ့ကြသည်။ ထားတော့။ ဒီလောက်ပဲလား။

 ပေါ်လာပြန်သည်။ သင်္ဃန်းကျွန်းမြို့နယ်ထဲရှိ မြူဇစ်ဇုန် ကာရာအိုကေဆိုင်မှ အစပြုခဲ့သော သဘာဝဘေးအန္တရာယ် ဆိုင်ရာကူးစက်စေမှု ပုဒ်မမှတဆင့် မီးခိုးကြွက်လျှောက်လိုက်လိုကသောအခါ နိုင်ငံတော်ပိုင်မြေကို ကြံ့ဖွတ်အဖွဲ့က လူမှုရေးအကျိုးပြုလုပ်ငန်းလုပ်ရန်ဟုဆိုကာ မဖြစ်စလောက် ဈေးနှုန်းဖြင့်ရယူ၊  ပြီးတော့ သူတို့နှင့် ဖင်လျက်ဆားဖြူး ငနီ့ဖင် ငနက်လျက်နေကြသော စီးပွားရေးလုပ်ငန်းရှင်အား ပြန်၍ မြေငှားစားသော လုပ်ခွင်တစ်ခုပေါ်ပေါက်လာပြန်သည်။ ကြံဖွတ်ပါတီ နိုင်ငံတော်၏မြေကို မလိမ့်တစ်ပတ်လုပ်မှုဖြစ်၍ ပါတီဖျက်သိမ်းသည်အထိ အရေယူခံရနိုင်သော၊ ထိုစဉ်ကခွင့်ပြုပေးခဲ့သော ကြံ့ဖွတ်ပါတီခေါင်းဆောင်များဖြစ်သော ဦးသိန်းစိန်၊ ဦးရွှေမန်း၊ ဦးသန်းဌေးတို့ကို အဂတိလိုက်စားမှုဖြင့် အရေးယူ၍ ရသော်လည်း ဦးဝင်းမြင့်နှင့် ဒေါ်အောင်ဆန်းစုကြည်တို့က သဘောထားကြီးစွာ အရေးမယူပဲ ခွင့်လွှတ်ပေးခဲ့သည်။ 

နေပြည်တော်ရှိကြံ့ဖွတ်ရုံးမြေနေရာသည်လည်း ကာလပေါက်ဈေးထက် များစွာလျှော့ကာ နိုင်ငံတော်က ကြံ့ဖွတ်ပါတီအားနေရာချထားပေးခဲ့မှုသည် ယခုမင်းအောင်လှိုင်အဖွဲ့က ဒေါ်အောင်ဆန်းစုကြည်တို့အားစွပ်စွဲနေသော လရောင်တော စိုက်ပျိုးရေးခြံမြေကွက်ထက်ပင် ဆိုးပါသေးသည် ။ သို့သော် ထိုအချက်ကိုလည်း ဒေါ်အောင်ဆန်းစုကြည်တို့သည် သိလျက်နှင့် ခွင့်လွှတ်ပေးခဲ့ပါသည် ။ 

ထို့ထက်အလွန် မြကျွန်းသာပေါ်မှ ဆောက်လုပ်ရေးလုပ်ငန်းများကိစ္စ၊ ရွှေတိဂုံဘုရားအနီးမှ တပ်ပိုင်မြေပေါ်တွင် အထပ်မြင့်ကွန်ဒိုဆောက်သည့်ကိစ္စ၊ ကန်တော်ကြီး ဥယျာဉ်ကိုချေးပေါသေးပေါဈေးဖြင့် ဇေကမ္ဘာခင်ရွှေကို ချပေးခဲ့သည့်ကိစ္စ၊ ဦးသိန်းစိန် ရာထူးမှဆင်းကာနီးရက်ပိုင်းအလိုတွင်ကပ်၍ နိုင်ငံပိုင်မြေကွက်ပေါင်းများစွာကို ပုဂ္ဂလိကပိုင်ပေးသည်ဟုဆိုကာ စစ်မျိုးစစ်နွယ်များ ခရိုနီတို့နှင့်ပေါင်းကာ ခွဲစိတ်ဖြတ်တောက်ရယူခဲ့ကြသည့်ကိစ္စ၊ ဖားကန့်လုပ်ကွက်တွင် နေရာကောင်းဟူသမျှကို ဦးပိုင်နှင့် စစ်ဗိုလ်ချုပ်ဟောင်းများ ရယူထားသည့်ကိစ္စ၊ ပင်လယ်အတွင်းမှ မြိတ်ကျွန်းစု၏ ကျွန်းများကို ခရိုနီကြီးများ၊ ဒုတိယသမ္မတ စိုင်းမောက်ခမ်း၏သမီး စသည့်နာမည်များသုံးကာ အသီးသီး သိမ်းပိုက်လိုက်ကြသည့်ကိစ္စ စသည့်စသည့်ကိစ္စများသည် အမျိုးသားဒီမိုကရေစီအဖွဲ့ချုပ် အစိုးရဖြစ်ကာအုပ်ချုပ်မည့် ၂၀၂၁- ၂၀၂၆ ကာလများတွင် တစ်စတစ်စ ပေါ်ပေါက်လာတော့မည်ကို မင်းအောင်လှိုင်ကြောက်သည်။ မင်းအောင်လှိုင်လိုပင် သူသီဟသူရတင်အောင်မြင့်ဦးကြောက်သည်။ ဗိုလ်ချုပ်ကြီးသိန်းစိန်ကြောက်သည်။ ဗိုလ်ချုပ်မြင့်ဆွေကြောက်သည်။ တိုင်းမှူးများ ကြောက်သည်။ ဝန်ကြီးဟောင်းများ ကြောက်သည်။ ပြည်နယ်နှင့်တိုင်းဒေသကြီးဝန်ကြီးချုပ်များ ကြောက်သည်။ ကြံ့ဖွတ်အကြီးအကဲများကြောက်သည်။ အေးနေဝင်းလို၊ တေဇလို၊ ယူဇနဌေးမြင့်လို၊ ဇေကမ္ဘာခင်ရွှေလို၊ အောင်ကိုဝင်းလို ခရိုနီများ ကြောက်သည်။  ထို့ကြောင့် သမ္မတရူးရူးနေသော မင်းအောင်လှိုင်ကို အာဏာသိမ်းဖို့ ဝိုင်းဝန်းအားပေးကြသည်။ ဘေးတီးပေးကြသည်။ နောက်ကွယ်က ရပ်တည်ပေးကြသည်။

 သူတို့၏အဓိကရည်မှန်းချက်မှာ မကြာမီတက်လာနိုင်သော ရွေးကောက်ခံအစိုးရလက်ထက်တွင် ခိုးထားခဲ့သမျှ ပေါ်ကုန်မှာကြောက်ရွံ့သည့်စိတ်ဖြစ်သည်။ ခိုးထားသမျှ အမှုတွေမပေါ်ပေါက်ဖို့ဆိုလျှင် ဒေါ်အောင်ဆန်းစုကြည်တို့ အာဏာမရဖို့လိုသည်။ ကြံ့ဖွတ် သို့မဟုတ် စစ်တပ်ဆိုသော သူခိုးနှစ်ဖွဲ့  အာဏာရနေဖို့လိုသည်။ ထို့ကြောင့် ကြံ့ဖွတ်၊ စစ်တပ်၊ ခရိုနီတို့ ပူးပေါင်းကြသည်။ စစ်တိုင်းမှူးများကလည်း ဒီမိုကရေစီအစိုးရလက်ထက်တွင် အရင်လိုစိတ်ကြိုက်ခိုးလို့မရသဖြင့် NLD အစိုးရကိုပြုတ်ကျစေလိုသည်။ သူခိုးတို့ညီညွတ်ကြသည့် ပွဲဖြစ်သည်။ ထို့ကြောင့် မင်းအောင်လှိုင်တစ်ယောက်တည်းလားဟုမေးလာလျှင်။ သူ့ချည်သာလော၊ ပြည်သူ့ချဉ်ဖတ်များနှင့်ပါဖုရာ့ ဟုဖြေဆိုရမည်ဖြစ်သတည်း။

သရဝဏ်(ပြည်)
ဆက်ဖတ်ရန် →

ဒလန်အကြီးစား လူမိုက် မုန်တိုင်း သေပြီ

📅 💬 မှတ်ချက်
သန်လျင်မြို့ ပျူစောထီး လူမိုက်ခေါင်းဆောင် မုန်တိုင်း ခေါ် အောင်ရွှေ အား သန်လျင်ပြည်သူ့ကာကွယ်ရေးတပ်ဖွဲ့ (TLPDF) ပကဖ မှ သုတ်သင်ရှင်းလင်း။ 

သန်လျင်မြို့နယ် ၊ နိုဝင်ဘာ ၁၊ ၂၀၂၁။

သန်လျင်မြို့နယ်၊ ထန်းပင်ကုန်းရပ်ကွက်၊ ထန်းပင်ကုန်း (၂) လမ်း၊ အိမ်တွင် နေထိုင်သူ မုန်တိုင်း ခေါ် အောင်ရွှေ သည် သန်လျင်မြို့တွင် မြို့နေပြည်သူလူထုအား နိုင့်ထက်စီးနင်း အနိုင်ကျင့်နှိပ်စက် ဒုက္ခပေးနေကြောင်း ၊ စစ်အကြမ်းဖက်ကောင်စီ၏ အကြီးစားဒလန် ပြုလုပ်နေကြောင်း သက်သေများဖြင့်တိုင်ကြားသတင်းပေးချက်များအရ သန်လျင်ပြည်သူ့ကာကွယ်ရေးတပ်ဖွဲ့ (TLPDF) မှ သုတ်သင်ခဲ့ကြောင်း သတင်းရရှိပါသည်။ 

မုန်တိုင်း ခေါ် အောင်ရွှေက ချက်ချင်းမသေဘူး ။ အိမ်ထဲကို လှည့်ပြေးသွားတယ်။ သူ့တပည့်တပန်း ၅ယောက်လည်း ဒဏ်ရာပြင်းထန် ရသွားကြတယ် ။ 
ကျည် အတောင့် ၄၀ အသုံးပြုလိုက်ရတယ်။ အခုတော့ ပြည်သူတွေရဲ့ ဆန့်ကျင်ဖက်မှာ နေသူရဲ့ သွားရာလမ်းကို ရောက်သွားပါပြီ လို့ ပကဖ တာဝန်ရှိသူမှ ပြောကြားပါတယ်။ 
ဒလန်အကြီးစား လူမိုက် မုန်တိုင်း သေပြီ ဖြစ်ကြောင်းလည်း အတည်ပြု ပြောကြားခဲ့ပါတယ် ။ 

#ThanlyinChannel
သန်လျင်သတင်းမှန်ပြန်ကြားရေး
ဆက်ဖတ်ရန် →

နိုင်ငံတကာက အမြန်ဆုံးအရေးယူရန် လိုအပ်ဟု အမေရိကန်ပြော

📅 💬 မှတ်ချက်
ထန်တလန်မြို့မီးရှို့မှု အပါအဝင် မြန်မာစစ်တပ်၏ ကမ်းကုန်အောင်ရိုင်းစိုင်း စက်ဆုပ်ရွံရှာဖွယ်် တိုက်ခိုက်မှုများကို နိုင်ငံတကာက အမြန်ဆုံးအရေးယူရန် လိုအပ်ဟု အမေရိကန်ပြော

ရန်ကုန်၊ နိုဝင်ဘာ ၁ 

ချင်းပြည်နယ်၊ ထန်တလန်မြို့ မီးရှို့မှုအပါဝင် မြန်မာစစ်တပ်၏ ကမ်းကုန်အောင် ရိုင်းစိုင်းသည့် ကျူးလွန်မှုများကို နိုင်ငံတကာက အမြန်ဆုံးအရေးယူရန် လိုအပ်ကြောင်း အမေရိကန်ပြည်ထောင်စု ၊ နိုင်ငံခြားရေးဝန်ကြီးဌာနပြောခွင့်ရပုဂ္ဂိုလ်နက်ပရိုက်စ်က ထုတ်ပြန်ပြောဆိုသည်။

ခရစ်ယာန်ဘုရားကျောင်းများနှင့် အိမ်ပေါင်း ၁၀၀ ကျော် မီးရှို့ဖျက်ဆီးခြင်းအပါအဝင် ချင်းပြည်နယ်အတွင်း မြန်မာလုံခြုံရေးတပ်ဖွဲ့များကျူးလွန်သော ကမ်းကုန်အောင်ရိုင်းစိုင်းသည့်လူ့အခွင့်အရေးချိုးဖောက်မှု သတင်းများကြောင့် အမေရိကန်ပြည်ထောင်စုက အလွန်အမင်းစိုးရိမ်မိကြောင်း ပြောဆိုသည်။ 

 ပြည်သူလူထု၊ ပြည်သူလူထု၏အိုးအိမ်များ၊ ဝတ်ပြုဆုတောင်းရာနေရာများကို ရက်ရက်စက်စက်လုပ်ပြသည့်လုပ်ရပ်ဖြင့် မြန်မာပြည်သူလူထု၏ အသက်များနှင့် လူမှုဘဝဖူလုံရေးကို လုံးဝဂရုမစိုက်ကြောင်း ထုတ်ဖော်ပြသလိုက်သည့် စစ်အာဏာရှင်၏လုပ်ရပ်ကို အမေရိကန်က ကန့်ကွက်ရှုတ်ချကြောင်း၊  မြန်မာစစ်တပ်၏ စက်ဆုပ်ရွံရှာဖွယ်တိုက်ခိုက်မှုများက နိုင်ငံတကာအသိုင်းအဝိုင်းအနေဖြင့် မြန်မာစစ်တပ်ကို တာဝန်ယူမှု၊ တာဝန်ခံမှုရှိစေရေးအတွက် စစ်တပ်ကိုလက်နက်များလွှဲပြောင်းပေးနေမှုပိတ်ပင်တားဆီခြင်းအပါအဝင် ကမ်းကုန်အောင်ရိုင်းစိုင်းသည့် လူ့အခွင့်အရေးချိုးဖောက်မှုအတွက် အမြန်ဆုံးအရေးယူရန်လိုအပ်နေသည့်ကို မီးမောင်းထိုးပြနေသည်ဟု အမေရိကန်ပြည်ထောင်စု ၊ နိုင်ငံခြားရေးဝန်ကြီးဌာနပြောခွင့်ရပုဂ္ဂိုလ်နက်ပရိုက်စ်က ထုတ်ပြန်ပြောဆိုသည်။

ချင်းပြည်နယ်နှင့် စစ်ကိုင်းတိုင်းဒေသကြီးအပါအဝင် နိုင်ငံအတွင်းနေရာအများအပြား၌ မြန်မာလုံခြုံရေးတပ်ဖွဲ့များ၏ စစ်ဆင်ရေးအရှိန်မြှင့်တင်နေခြင်းနှင့်ပတ်သက်၍လည်း မိမိတို့များစွာစိုးရိမ်မိကြောင်း၊ အကြမ်းဖက်မှုများချက်ချင်းရပ်တန့်ရန်၊ မတရားဖမ်းဆီးထားသူများကို ပြန်လွှတ်ပေးရန်နှင့် မြန်မာနိုင်ငံကိုအားလုံးပါဝင်နိုင်သော ဒီမိုကရေစီလမ်းကြောင်းပေါ်ရောက်ရှိရေး ပြန်လည်ဖော်ဆောင်ရန်အတွက် စစ်အာဏာရှင်ကိုတောင်းဆိုသည်ဟု အမေရိကန်ပြည်ထောင်စု ၊ နိုင်ငံခြားရေးဝန်ကြီးဌာနပြောခွင့်ရပုဂ္ဂိုလ်နက်ပရိုက်စ်က ပြောဆိုသည်။

စစ်အာဏာရှင်က မြန်မာပြည်သူလူထုအပေါ် ကျူးလွန်ခဲ့သည့်၊ ဆက်လက်ကျူးလွန်နေသည့် ကြောက်မက်ဖွယ်ရာအကြမ်းဖက်မှုများအတွက် တာဝန်ယူမှု၊ တာဝန်ခံမှုရှိစေရေးအတွက် အမေရိကန်က ဆောင်ရွက်မည်ဖြစ်ကြောင်း၊ မြန်မာပြည်သူလူထုနှင့် မြန်မာနိုင်ငံကို ဒီမိုကရေစီလမ်းကြောင်းပြန်လည်ဖော်ဆောင်ရေးနှင့် အကျပ်အတည်းကို ငြိမ်းချမ်းသောနည်းဖြင့်ဖြေရှင်းရန် ကြိုး ပ
မ်းဆောင်ရွက်နေကြသူအားလုံးကို မိမိတို့ဆက်လက်ထောက်ခံအားပေးသွားမည်ဖြစ်ကြောင်း အမေရိကန်ပြည်ထောင်စု ၊ နိုင်ငံခြားရေးဝန်ကြီးဌာနပြောခွင့်ရပုဂ္ဂိုလ်နက်ပရိုက်စ်က ပြောဆိုသည်။

ခေတ်သစ်မီဒီယာ
ဆက်ဖတ်ရန် →
← ပို့စ်အသစ်များ ပို့စ်အဟောင်းများ →