အိုင်းရင်းအဖမ်းခံရဟုသတင်းထွက်
ဒီနေ့ဆိုင်ကပိတ်ထားတယ်
ဆိုင်အခင်းအစိမ်းရောင်ဆိုတာမှန်ပေမယ့်
အရင်ထဲကအစိမ်းရောင်လို့လဲပြောသူရှိတယ်
ဆော်ဩထားပါတယ်
ဆိုင်ဖွင့်ထားပေမယ့်လိုင်စင်မရှိလို့ရန်ကုန်လိပ်စာပဲသုံးတယ်
အဖမ်းခံရခြင်းရှိမရှိစုံစမ်းနေပါတယ်
ရှေ့နေ ဒေါ်ရွက်နုအောင် အလုပ်ကြမ်းနဲ့ ထောင်ဒဏ် ၁၅ နှစ် ချမှတ်ခံရ
တရားလွှတ်တော်ရှေ့နေ ဒေါ်ရွက်နုအောင်အား တွေ့ရစဉ်။မန္တလေးတိုင်း ဝန်ကြီးချုပ် ဒေါက်တာဇော်မြင့်မောင်ရဲ့ အမှုလိုက် ရှေ့နေ ဒေါ်ရွက်နုအောင် ကို မန္တလေး အိုးဘိုထောင်တွင်း အထူးတရားရုံးကနေ ဒီဇင်ဘာ ၂၈ ရက် ဒီနေ့မှာ အလုပ်ကြမ်းနဲ့ ထောင်ဒဏ် ၁၅ နှစ် ချမှတ်လိုက်တယ်လို့ လုံခြုံရေးအရ အမည်မဖော်လိုတဲ့ ရှေ့နေတစ်ဦးက RFA ကို ပြောပါတယ်။
“သူ့ (ဒေါ်ရွက်နုအောင်) ကို ၅၀ (ည) နဲ့ အလုပ်ကြမ်းနဲ့ ထောင်ဒဏ် ၁၅ နှစ် ချလိုက်တယ်။ ဒီနေ့ မန္တလေးအိုးဘိုထောင် အထူးတရားရုံးကနေ အမိန့်ချတာပါ။ ကျန်းမာရေးလည်း ကောင်းပုံရပါတယ်”
ဒေါ်ရွက်နုအောင်ဟာ မန္တလေးအခြေစိုက် ဒေသခံခုခံကာကွယ်ရေးအဖွဲ့တစ်ဖွဲ့ကို ငွေသုံးသိန်း ထောက်ပံ့ခဲ့တယ်ဆိုတဲ့ စွပ်စွဲချက်နဲ့ စစ်ကောင်စီက ၂၀၂၂ ခုနှစ်၊ ဧပြီလ ၂၇ ရက်နေ့မှာ ဖမ်းဆီးခဲ့ပြီးနောက် အကြမ်းဖက်မှုတိုက်ဖျက်ရေး ဥပဒေ ပုဒ်မ ၅၀ (ည) နဲ့ မန္တလေးခရိုင်ရဲမှူးက တရားလိုလုပ်ပြီး အမှုဖွင့်ခဲ့တာပါ။
အကြမ်းဖက်မှု တိုက်ဖျက်ရေး ဥပဒေ ပုဒ်မ ၅၀ (ည) မှာတော့ အကြမ်းဖက်အဖွဲ့အဖြစ် သတ်မှတ်ထားတဲ့ အဖွဲ့အစည်း တစ်ခုခုကို ငွေကြေးထောက်ပံ့ရင် အနည်းဆုံး ထောင်ဒဏ် ၁၀ နှစ်ကနေ ထောင်ဒဏ် တစ်သက်ထိ ချမှတ်နိုင်တယ်လို့ ဖော်ပြထားပါတယ်။
လူ့အခွင့်အရေးရှေ့နေ တစ်ဦးလည်းဖြစ်တဲ့ ဒေါ်ရွက်နုအောင်ဟာ မန္တလေးတိုင်းဝန်ကြီးချုပ် ဒေါက်တာဇော်မြင့်မောင် အပါအဝင်၊ တိုင်းအစိုးရအဖွဲ့ဝင်တွေနဲ့ အမျိုးသားဒီမိုကရေစီ အဖွဲ့ချုပ် NLD ပါတီဝင်တွေရဲ့ အမှုတွေကို အဖမ်းမခံရခင်က လိုက်ပါဆောင်ရွက်ပေးနေသူ ဖြစ်ပါတယ်။
နေပြည်တော်က နာမည်ကျော် သက်ငယ်မုဒိမ်းမှုဖြစ်တဲ့ ဗစ်တိုးရီးယားအမှုမှာလည်း ခံရသူ ကလေးငယ်ဘက်က ရှေ့နေအဖြစ် လိုက်ပါဆောင်ရွက်ပေးခဲ့သူပါ။
RFA က ပြုစုထားတဲ့ စာရင်းတွေအရ အာဏာသိမ်း တစ်နှစ်ကျော်အတွင်း စစ်ကောင်စီကို ဆန့်ကျင်လို့ နိုင်ငံရေးအမှုတွေကို လိုက်ပေးနေတဲ့ ရှေ့နေတွေ အပါအဝင် ရှေ့နေ စုစုပေါင်း ၂၈ ဦး ဖမ်းဆီးခံထားရပါတယ်။
စင်ကာပူဘွားတော်က ဒလန်လား?
စင်ကာပူဘွားတော်က ဒလန်လား?
စာရေးသူဟာ ဒီမိုအဖွဲ့တွေကို မဝေဖန်ဘဲ ရှောင်လေ့ရှိပါတယ်။ မြတ်အောင်ကိစ္စလဲ သူ့ဖာသာ သိသွားမှသာရေးပြီး ယခင်က စောင်းသာရေးလေ့ရှိပါတယ်။ ဒဲ့ဝေဖန်ခဲ့တာ BPLA ကိုသာ ပါ။ အခြားတပ်တော်တွေကို စောင်းရေးတာသာ ရှိပါတယ်။ ဒီကိစ္စမှာ NUG ကို ဝေဖန်သူတိုင်းကို ဒလန်ပြောရန် မသင့်တော်ပါ။ ဒါပေမယ့် အဆိုပါဝေဖန်သူများဟာ ဒလန်ဖြစ်သွားတာများပါတယ်။ ယခင် NLD ကို ဝေဖန်ခဲ့တဲ့ သိန်းညွန့်၊ ခင်မောင်ဆွေ၊ သက်သက်ခိုင်တို့ကိုကြည့်ရင် နောက်ပိုင်း မအလဘောမဖြစ်သွားတာ အားလုံးသတိထားမိမှာပါ။
စစ်ထောက်လှမ်းရေးမှာ နဂိုထဲက တန်ပြန်ထောက်လှမ်းရေးတွေအနေနဲ့ တော်လှန်ရေးထဲကို ထည့်လိုက်သူတွေရှိပါတယ်။ ဒီလူတွေက စရဖညွှန်ချုပ်၊ ဒုညွှန်ချုပ်ထံသာ သတင်းပို့ရလို့ အခြားအဆင့်သိဖို့ ခက်ပါတယ်။ သူတို့ဟာ လိုင်းပေါ်မှာ NUG ကို မဝေဖန်လောက်ပါ။ သူတို့ဟာ နောက်ပိုင်းမှ ဘက်ပြောင်းအနေနဲ့သာ သုံးမှာပါ။
ဒုတိယအုပ်စုက လေလှိုင်းပေါ်မှာ NLD ကိုဝေဖန်သလို NUG ကို ဝေဖန်ရင်း စရဖက သူတို့ကိုသိမ်းသွင်းတာပါ။ အချို့စာမျက်နှာတွေ၊ လူသိများသူတွေဆိုရင် စရဖက ပိုက်ဆံပေးမယ် သင့်စာမျက်နှာမှာ ကြေညာမယ် ဒေါ်လာ တစ်သိန်း ဘာညာပေးမယ်ဆိုပြီး သူ့ဘက်ပြောင်းအောင် ကြိုးစားတာပါ။ အချို့က သူတို့လိုအပ်ချက်တွေကို သူတို့နဲ့ရင်းနှီးအောင် လိုင်းပေါ်မှာပေါင်းပြီး ညှိတာပါ။ သင်က နိုင်ငံကူးလက်မှတ်လိုချင်လား၊ အိမ်ပြန်လိုချင်လား၊ မိဘလား ဒါမျိုးကို ညှိတာပါ။
စင်ကာပူဘွားတော်ကို ကိုင်တွယ်တာက စရဖတာဝန်ခံ ဒုဗိုလ်မှူးကြီးတိုးထက်အောင်ပါ။ သူက ၂၀၁၈ မှာ တပ်ရင်းမှူးဖြစ်ပြီး နောက်ပိုင်း လိုင်းပြောင်းတာပါ။ စင်ကာပူကလူတစ်ယောက် သတင်းပေးအပြီး စင်ကာပူက ပစ္စည်းသယ်လာသူ အဖမ်းခံရတာသိပေမယ့် သူမသတင်းပေးတာလား အခြားလူလား အစကစုံစမ်းမရခဲ့ပါ။ သူမက PDF တွေအလင်းဝင်ဖို့ ညှိတာက သေချာသွားစေခဲ့ပါတယ်။ ဒါပေမယ့် ပွဲပြီးမှသာ သိခဲ့ပါတယ်။
ဒီမိုတွေအနေနဲ့ PDF တွေအနေနဲ့ သူမနဲ့ဆက်သွယ်တာကို ဖြတ်ပြီး ပြည်တွင်းက ဆက်သွယ်ဖူးသူတွေ ခြေရာအမြန်ဆုံးဖျောက်ထားတာ ပိုကောင်းပါလိမ့်မယ်။ သူမက သတင်းအကုန်မပေးသေးပေမယ့် သူမစိတ်ဟာ ခန့်မှန်းရခက်လို့ သူမစိတ်မဖောက်ခင် လွတ်ရာကိုသာ ရှောင်နေပါ။
NUG အနေနဲ့ ဆယ်လီဦးတည် ငွေရှာတာထက် PRF လို လူများစုအခြေပြု ငွေရှာတာ အခြားနည်းငွေရှာတာက ရေရှည်မှာ ပိုအဆင်ပြေမှာပါ။ အားလုံးသတိထားရမှာက NUG/NLD ကို ဝေဖန်သူတိုင်းဟာ ဒလန်မဟုတ်ပေမယ့် စရဖစည်းရုံးတာ ခံရမယ်ဆိုတာပါ။ သူတို့ထဲက ဘက်ပြောင်းသူတွေလဲ ရှိမှာပါ။ ဒါကြောင့် သမိုင်းကောင်းသူကိုသာ ထောက်ပို့မှာ သုံးကြပါလို့ ပြောပါရစေ။ ပြည်တွင်းကလူများ NUG pay ကို ဖြစ်နိုင်ရင်သုံးပါ။ မိမိအမျိုးကတဆင့် ငွေလွှဲပါလို့လဲ သတိပေးပါရစေ။
မြတ်ထွန်းဦး
တရုတ် အထူးကိုယ်စားလှယ်သစ် နေပြည်တော် ယနေ့ ရောက်မည်
ဧရာဝတီ
ဒီဇင်ဘာ ၂၈၊ ၂၀၂၂
အာဆီယံဆိုင်ရာ တရုတ်သံအမတ်ဟောင်း တိန့်ရှီကျွန်း Deng Xijun သည် မြန်မာနိုင်ငံဆိုင်ရာ တရုတ်အထူးသံတမန် ဆွန်ကော့ရှန် Sun Guoxiang ၏နေရာကို ဆက်ခံသူအဖြစ် နေပြည်တော်သို့ ရောက်ရှိမည်ဟု သတင်းရသည်။ နေပြည်တော်မလာခင် တရုတ်-မြန်မာ နယ်စပ်အခြေစိုက် တိုင်းရင်းသားလက်နက်ကိုင်အဖွဲ့များအား သီးခြားစီ တွေ့ဆုံလာခဲ့ကြောင်းလည်း သိရသည်။
တိန့်ရှီကျွန်းသည် ၂၀၂၀ခုနှစ်မှ ယခုနှစ် နိုဝင်ဘာလအထိ အာဆီယံဆိုင်ရာ အထူးသံတမန်အဖြစ် တာဝန်ထမ်းဆောင်ခဲ့သည်။
၎င်း၏ မြန်မာပြည်ခရီးစဉ်သည် မြန်မာနိုင်ငံမှ ဒီမိုကရေစီရေး လှုပ်ရှားသူများနှင့် တိုင်းရင်းသားလက်နက်ကိုင်များအား နည်းပညာနဲ့ လူကိုသေစေခြင်းမရှိသော အကူအညီမျိုး ထောက်ပံ့ရန် အမေရိကန် အမျိုးသား ကာကွယ်ရေး လုပ်ပိုင်ခွင့် အက်ဥပဒေ (NDAA) -၂၀၂၃ ကို ၂၀၂၂ ခုနှစ် ဒီဇင်ဘာလထဲ တွင် အမေရိကန်က အတည်ပြုခဲ့ပြီးနောက် ဖြစ်ပေါ်လာခြင်း ဖြစ်သည်။
ဒီမိုကရေစီအရေး လှုပ်ရှားမှုနှင့် ပတ်သက်သည့် ကင်မ်ဂွန်းထယ်ဆု မပန်ဆယ်လိုရရှိ
ဒီမိုကရေစီအရေး လှုပ်ရှားမှုနှင့် ပတ်သက်သည့် ကင်မ်ဂွန်းထယ်ဆုကို ယင်းဆု ပေးအပ်သည့် အဖွဲ့က ယခုနှစ်အတွက် မပန်ဆယ်လိုကို ပေးအပ်ကြောင်း ကြေညာထားသည်။
ကင်မ်ဂွန်းထယ်ဆုကော်မတီသည် ဒီဇင်ဘာ ၂၅ ရက်တွင် ၇ ကြိမ်မြောက် ဒီမိုကရေစီအရေးလှုပ်ရှားသူ ကင်မ်ဂွန်းထယ်အထိမ်းအမှတ်ဆုရရှိသူအဖြစ် မြန်မာ့ဒီမိုကရေစီအရေးလှုပ်ရှားသူ မပန်ဆယ်လိုကို ရွေးချယ်လိုက်ကြောင်း ကြေညာခဲ့ခြင်းဖြစ်သည်။
ဖမ်းဝရမ်းနှင့် စစ်ကောင်စီ နှောက်ယှက်မှုကြားမှ တိုင်းတစ်ပါးသို့ ထွက်ပြောင်းတိမ်းရှောင်ခဲ့သော်လည်း၊ တိုင်းတစ်ပါးသို့ရောက်ရှိချိန်တွင်လည်း မိမိတိုင်းပြည်အတွက် ဒီမိုကရေစီ ရရှိရေး ကြိုးပမ်းနေသည့် စာရေးဆရာမ ပန်ဆယ်လိုကို မြင်ရသည်မှာ လွန်ခဲ့သည့် ဆယ်စုနှစ်များက ဖမ်းဝရမ်းကို ၂၆ ကြိမ်တိုင် ကြံ့ကြံ့ခံပြီး တောင်ကိုရီးယားစစ်အစိုးရ၏ ဖိနှိပ်မှုကြားမှ တိုက်ပွဲဝင်ခဲ့သည့် တောင်ကိုရီးယားဒီမိုကရေစီ လှုပ်ရှားသူ ကင်မ်ဂွန်းထယ်ကို သတိရမိကြောင်း ယင်းဆုချီးမြှင့်ကော်မတီ ကြေညာချက်တွင် ဖော်ပြထားသည်။
အဆိုပါ ဆုရရှိခြင်းနှင့်ပတ်သက်ပြီး ပန်ဆယ်လိုက ကင်မ်ဂွန်းထယ်ဆုကော်မတီနှင့် ဆုရွေးချယ်ရေးကော်မတီသို့ ဗီဒီရိုဖြင့်ပေးပို့သည့် ကျေးဇူတင်စကား၌ “ မြန်မာနိုင်ငံသည် ယနေ့အချိန်ထိ အိပ်မက်ဆိုးကြီးမှ မလွတ်မြောက်နိုင်သေးသလို အရိပ်မည်းကြီးထဲ ပိတ်မိနေပါတယ်။ ထို့ကြောင့် အဆုံးတိုင် တိုက်ပွဲဝင်သွားရမယ့် မြန်မာပြည်သူတို့ရဲ့ တော်လှန်ရေး ရည်ရွယ်ချက်များ ဆန္ဒများကို အဆုံးတိုင် သတိရပေးပြီး အတူတကွရပ်တည်ပေးပါ” ဟု ပြောကြားခဲ့သည်။
၇ ကြိမ်မြောက် ကင်မ်ဂွန်းထယ်ဆု ရွေးချယ်မှုကို ရွေးချယ်ရေးကော်မတီ အဖွဲ့ဝင် ၉ ဦးဖြင့် ဖွဲ့စည်းကာ အသင်းဥက္ကထဖြစ်သူ ဒီမိုကရေစီးအရေးလှုပ်ရှားသူ၊ စာရေးဆရာဘန်းဟောင်ေးဆော့မှ တာဝန်ယူကာ၊ ရုပ်ရှင်မင်းသား၊ စာနယ်ဇင်းသမားများနှင့် အနုပညာရှင်များ၊ တက္ကသိုလ်ပါမောက္ခ၊ ယွန်အမ်းဒေသ အုပ်ချုပ်ရေးမှူး၊ ရုပ်ရှင်ဒါရိုက်တာ၊ လွှတ်တော်အမတ်တို့ဖြင့် ရွေးချယ်မှုများပြုလုပ်ခဲ့ခြင်းဖြစ်သည်။
ပထမ ၆ ကြိမ်တွင် ချီးမြှင့်ခဲ့သည့် ကင်မ်ဂွန်းထယ်ဆုကို တောင်ကိုရီးယားနိုင်ငံသားများကိုသာ ချီးမြှင့်ခဲ့ပြီး၊ ယခု ၇ ကြိမ်မြောက်တွင် နိုင်ငံခြားသား မပန်ဆယ်လိုက ရရှိခဲ့ခြင်းလည်းဖြစ်သည်။
ကင်မ်ဂွန်းထယ်ဆု ချီးမြှင့်ငွေအဖြစ် ကိုရီးယား ဝမ်ငွေ သိန်းတစ်ရာ(မြန်မာငွေ သိန်း နှစ်ရာခန့်) ပေးအပ်သွားမည်ဖြစ်ကာ၊ ကင်မ်ဂွန်းထယ် ပုံစံတူ ထုလုပ်ထားသည့် ဆုတံဆိပ်ကိုလည်း ဒီဇင်ဘာ ၂၉ ရက်တွင် ကင်မ်ဂွန်းထယ်ကွန်လွန်ခြင်း ၁၁ နှစ်ပြည့် အထိမ်းအမှတ်နှင့်အတူ ဆိုးလ်မြို့ ၌ ကျင်းပပြုလုပ်သွားမည်ဖြစ်သည်။
အဆိုပါ ဆုပေးပွဲအခမ်းအနားသို့ မပန်ဆယ်လိုမှ တက်ရောက်နိုင်ခြင်းမရှိသဖြင့် မပန်ဆယ်လို ကိုယ်စား မရွှေမိုးမှ တက်ရောက် ဆုယူမည်ဖြစ်သည်။
Website Link: https://cjplatform.com/
Telegram Link: https://t.me/cjplatform
YouTube Link: https://www.youtube.com/@cjplatform
Twitter Link: https://twitter.com/CjPlatform
#CjPlatform #ပန်ဆယ်လို #ကင်မ်ဂွန်းထယ်ဆု
PDF နဲ့ တော်လှန်ရေးကို ထောက်ပံ့မယ့် အမေရိကန် NDAA ဥပဒေကို စစ်ကောင်စီ ပြင်းပြင်းထန်ထန် ကန့်ကွက်
မဲခေါင်၊ ဒီဇင်ဘာ ၂၇
အမေရိကန် သမ္မတ ဂျိုးဘိုင်ဒန် အတည်ပြု လက်မှတ်ရေးထိုးခဲ့တဲ့ အမေရိကန် အမျိုးသားကာကွယ်ရေး အက်ဥပဒေ NDAA ဟာ အကြမ်းဖက် အားပေးရာရောက်တယ်ဆိုပြီး စစ်ကောင်စီရဲ့ နိုင်ငံရေးဝန်ကြီးဌာနက ပြင်းပြင်းထန်ထန် ကန့်ကွက်တယ်လို့ ဒီကနေ့ ထုတ်ပြန်ပါတယ်။
NDAA မှာ ပါတဲ့ အချက်တွေဟာ မြန်မာနိုင်ငံ ပြည်တွင်းရေးကို ဝင်ရောက်စွက်ဖက်နှောက်ယှက်တာ၊ အချုပ်အခြာအာဏာကို ထိပါးရာရောက်ပြီး NUG ၊ NUCC ၊ CRPH နဲ့ PDF တွေကို ကူညီထောက်ပံ့မှုတွေ ပါဝင်တာကြောင့် အကြမ်းဖက်မှုကို အားပေးရာရောက်တယ်လို့ စစ်ကောင်စီရဲ့ နိုင်ငံခြားရေးဝန်ကြီးဌာနက ထုတ်ပြန်ပါတယ်။
ဒါ့အပြင် စစ်ကောင်စီ အနေနဲ့ လူသားချင်း စာနာထောက်ထားမှု ဆိုင်ရာ ကိစ္စရပ်တွေကို အဖက်ဖက်မှ လုပ်ဆောင်ပေးလျက် ရှိတယ်လို့လည်း ဖော်ပြထားပါသေးတယ်။
အမေရိကန်နိုင်ငံမှ မြန်မာနိုင်ငံဆိုင်ရာ လွတ်လပ်သော စုံစမ်း စစ်ဆေးရေး ယန္တရား (Independent Investigative Mechanism for Myanmar – IIMM) သို့ ငွေကြေးထောက်ပံ့မှုအပေါ် ကန့်ကွက်ပြီး အဲဒီလုပ်ရပ်ဟာ ကုလသမဂ္ဂ ပဋိညာဉ်စာတမ်းနဲ့ သံတမန်ဆက်ဆံရေးဆိုင်ရာ ဗီယင်နာကွန်ဗင်းရှင်းရဲ့ ပြဋ္ဌာန်းချက်တွေကို ချိုးဖောက်တာဖြစ်တာကြောင့် ပြင်းထန်စွာ ကန့်ကွက်တယ်လို့ ဖော်ပြပါရှိတဲ့ သံတမန်စာကို ဒီဇင်ဘာ ၁၃ ရက်က မြန်မာသံရုံး၊ ဝါရှင်တန်မြို့မှတစ်ဆင့် ပေးပို့ခဲ့တယ်လို့ ထုတ်ပြန်ချက်မှာ ဖော်ပြထားပါတယ်။
ဒါ့အပြင် ဝါရှင်တန်မြို့ရှိ မြန်မာသံရုံး ယာယီတာဝန်ခံက အမေရိကန် နိုင်ငံခြားရေးဝန်ကြီးဌာန၊ အရှေ့အာရှနှင့် ပစိဖိတ်ရေးရာဌာန၊ မြန်မာနိုင်ငံ တာဝန်ခံ ညွှန်ကြားရေးမှူးထံ ဒီဇင်ဘာ ၁၆ ရက်မှာ ဆက်သွယ်ပြီး တရားဝင် ထပ်မံ ကန့်ကွက်ပြောကြားခဲ့သလို ရန်ကုန်မြို့၊ အမေရိကန်သံရုံးက သံရုံး ဒုတိယအကြီးအကဲကိုလည်း ဆင့်ခေါ် ပြောကြားခဲ့တယ်လို့ စစ်ကောင်စီရဲ့ နိုင်ငံရေးဝန်ကြီးဌာနက ဖော်ပြပါတယ်။
မြန်မာနိုင်ငံက တော်လှန်ရေး အင်အားစုတွေကို ထောက်ပံ့မယ့် BURMA ACT ပါဝင်တဲ့ အမေရိကန် အမျိုးသား ကာကွယ်ရေး လုပ်ပိုင်ခွင့် အက်ဥပဒေ NDAA ကို ဒီဇင်ဘာ ၂၃ ရက်က အမေရိကန် သမ္မတ ဂျိုးဘိုင်ဒန်က လက်မှတ်ရေးထိုး အတည်ပြုခဲ့ပါတယ်။
ဒီဥပဒေအရ ၂၀၂၃ ခုနှစ် ကနေ ၂၀၂၇ ခုနှစ်အထိ အထောက်အပံ့တွေ ဆက်တိုက်ပေးသွားမှာဖြစ်ပြီး စစ်အာဏာရှင်ကို ဆန့်ကျင်တော်လှန်နေတဲ့ လက်နက်ကိုင်အဖွဲ့အစည်းတွေရော၊ လူမှုအဖွဲ့အစည်းတွေပါ အထောက်အပံ့တွေ ရရှိမှာ ဖြစ်ပါတယ်။
ဒါ့အပြင် အကြမ်းဖက်စစ်တပ်နဲ့ ပတ်သက်သူတွေကို အရေးယူဖို့၊ စစ်တပ်ရဲ့ ရာဇဝတ်မှုတွေကို စုံစမ်း စစ်ဆေးဖို့နဲ့ နိုင်ငံရေး အကျဉ်းသားတွေကို ထောက်ပံ့ကူညီဖို့တွေ ပါဝင်ပါတယ်။
MK-003
#MeKongNews
တရုတ်မှာ အမေရိကန်လုပ် ကိုဗစ်ကုသဆေးတွေ စတင် ဖြန့်ဝေဖွယ်ရှိနေ
တရုတ်မှာ အမေရိကန်လုပ် ကိုဗစ်ကုသဆေးတွေ စတင် ဖြန့်ဝေဖွယ်ရှိနေ
ပြည်တွင်းမှာ ကိုဗစ် ကပ်ရောဂါ ကူးစက်မှုတွေ အရမ်း အရှိန်မြင့်လာတဲ့နောက် တရုတ် အာဏာပိုင်တွေက ဘေဂျင်းမြို့တော်မှာ အမေရိကန်လုပ် ကိုဗစ်ကုသဆေးတွေ ဖြန့်ဝေပေးနိုင်ဖို့ စီစဉ်နေကြောင်း သတင်းတွေ ထွက်ပေါ်လာပါတယ်။
တရုတ်ဟာ ပြည်တွင်းဖြစ် ကာကွယ်ဆေးတွေကို တစ်နိုင်ငံလုံးအနှံ့ ဖြန့်ကျက် ထိုးနှံပေးခဲ့ပေမယ့် တရုတ်လုပ် ကာကွယ်ဆေးတွေက မျိုးဆက်သစ် Omicron ကိုရိုနာဗိုင်းရပ်စ် မျိုးကွဲတွေကို ဟန့်တားနိုင်စွမ်း မရှိသလောက် နည်းသွားပါတယ်။ ဒါကြောင့်လည်း လက်ရှိ အခြေအနေတွေအရ တရုတ်ဟာ Omicronက နှိပ်စက်တဲ့ ကိုဗစ် ကူးစက်မှုတွေဒဏ်ကို အလူးအလဲ ခံစားနေရပါတယ်။
တရုတ်သမ္မတ ရှီကျင့်ဖျင်ဟာ အမေရိကန်ရဲ့ mRNA နည်းပညာသုံး ကာကွယ်ဆေးတွေ တင်သွင်းပြီး ပြည်သူတွေကို ထိုးနှံပေးရေး တောင်းဆိုမှုတွေကို ကာလရှည်ကြာ ငြင်းဆိုခဲ့ဖူးသူပါ။ လတ်တလော အခြေအနေတွေကြောင့် ရှီအနေနဲ့ အမေရိကန် ဆေးဝါးတွေကို ရှောင်လွှဲလို့ မရဘဲ အားကိုးဖို့ စဉ်းစားနေရပြီလို့ နီးစပ်သူတွေက ပြောပါတယ်။ ဒါပေမဲ့ ကာကွယ်ဆေး ထိုးနှံပေးတာမျိုး မဟုတ်ဘဲ Pfizerက ထုတ်လုပ်တဲ့ Paxlovid သောက်ဆေးတွေကို တင်သွင်းဖို့ စီစဉ်နေတာလို့ သတင်းတွေက ဖော်ပြပါတယ်။
ဘေဂျင်းမှာရှိတဲ့ ကုသရေး စင်တာတွေဟာ မကြာခင် ရက်ပိုင်းအတွင်း Paxlovid သောက်ဆေးတွေကို လက်ခံ ရရှိလာနိုင်တယ်လို့ ရှီနဲ့ နီးစပ်သူ တစ်ဦးကို ကိုးကားပြီး CNN သတင်းဌာနက ဖော်ပြခဲ့ပါတယ်။
တရုတ်ဟာ လက်ရှိ အခြေအနေအရ ကိုဗစ်ကူးစက်မှုတွေကို ထိန်းချုပ်လို့ မရနိုင်တဲ့ အနေအထားမျိုးထိ ရင်ဆိုင်နေရပြီး နေ့စဉ် ကူးစက်နှုန်းနဲ့ သေကြေမှု ကိန်းဂဏန်းတွေကိုတောင် အာဏာပိုင်တွေက မထုတ်ပြန်တော့ဘဲ ဆိုင်းငံ့ထားလိုက်ရပါတယ်။
တရုတ်ဟာ Paxlovid ဆေးဝါးကို ပြည်တွင်းမှာ တင်သွင်း သုံးစွဲခွင့် ပြုလိုက်မယ်ဆိုရင် တရုတ် အစိုးရက တရားဝင် ခွင့်ပြုတဲ့ တစ်ခုတည်းသော ကိုဗစ် ကုသဆေး အနေနဲ့ မှတ်တမ်း ဝင်လာမှာ ဖြစ်ပါတယ်။
သတင်းတွေရဲ့ အဆိုအရ တရုတ်ပိုင်နက်ထဲမှာ အမေရိကန်လုပ် ကာကွယ်ဆေးတွေ ထိုးနှံခွင့်ရှိတဲ့ တစ်ခုတည်းသော နေရာလို့ သတ်မှတ်ရမယ့် ဟောင်ကောင်ကို သွားရောက်ပြီး ဆေးထိုးနှံနိုင်ဖို့ ကြိုးစားသူ အရေအတွက်ဟာလည်း တရိပ်ရိပ် တိုးပွားလာနေကြောင်း သိရပါတယ်
အင်းစိန်ထောင်သီးသန့်တရားရုံးတွင် တရားသူကြီးကို နိုင်ငံရေးအကျဉ်းသား တချို့က ရုပ်သေးရုပ် လက်ဆောင်ပေး၍ ဆန္ဒပြ
ရန်ကုန် ၊ ဒီဇင်ဘာ ၂၇ ခေတ်သစ်မီဒီယာ
ရန်ကုန်၊ အင်းစိန်ထောင်သီးသန့်တရားရုံးတွင် တရားသူကြီးကို နိုင်ငံရေး အ ကျဉ်း သား တချို့က ရုပ်သေးရုပ် လက်ဆောင်ပေး၍ ဆန္ဒပြကြကြောင်း နိုင်ငံ ရေး အကျဉ်းသားသတင်းရင်းမြစ်တစ်ခုက ပြောသည်။
ရန်ကုန် အင်းစိန်ဗဟိုအကျဉ်းထောင် ထောင်တွင်းသီးသန့်တရားရုံးတွင် ထောင် တွင်း အင်အား စုတစ်စုက ၎င်းတို့ကို အမိန့်ချမှတ်လိုက်သောတရားသူကြီးကို ရုပ်သေးရုပ်တရုပ်လက်ဆောင်ပေး၍ ရုပ်သေးရုပ်ကဲ့သို့ ကြိုးဆွဲရာကနေသည့် တရားရေးမဏ္ဏိုင်ကို ဆန္ဒပြကြောင်း သိရှိရသည်။
ဒီဇင်ဘာ ၂၆ရက်နေ့ ၊ ရန်ကုန်တိုင်းဒေသကြီး အင်းစိန် ထောင်တွင်းသီးသန့် တရားရုံး တွင် နိုင်ငံရေးအကျဉ်းသားတစ်စုက အမှုရင်ဆိုင်နေစဉ် တရားသူကြီး ၏လက်ထဲသို့ ရှေ့နေကုတ် အင်္ကျီပူးတွဲချုပ်ထားသော ရုပ်သေးရုပ်တစ်ရုပ်ကို လက်ဆောင်ပေးပြီး “ ဥပဒေအထက်တွင် မည်သူမျှမရှိစေရ၊ သို့သော်စစ်ဖိနပ် တစ်ရံ တော့ရှိသည်” ဆိုသည့်စာကိုပါ ပူးတွဲ ထည့်ပေးလိုက်ကြောင်း၊ တရား သူကြီး က အမိန့်ချမှတ်ပြီးသည့်အချိန်တွင် ထိုသို့ လက်ဆောင်ထည့်ပေး လိုက် ခြင်းဖြစ်ကြောင်း သိရှိရသည်။
နိုင်ငံရေးအကျဉ်းသား အမျိုးသား ၇ဦး နှင့် အမျိုးသမီး ၁ဦးတို့သည် အမိန့်ချမှတ် ခံရပြီး ချိန်တွင် ထိုသို့ တရားသူကြီးကို လက်ဆောင်ပေးခြင်းဖြစ်ပြီး အဆိုပါ နိုင်ငံရေးအကျဉ်းသားများသည် စစ်ကောင်စီ၏ အကြမ်းဖက်တိုက်ဖျက်ရေး ဥပဒေပုဒ်မများ ၊ လက်နက်မှုများဖြင့် မတရားစွဲချက်တင်ခံထားရသူ များဖြစ် ကြောင်း သိရှိရသည်။
အဖွဲ့ခေါင်းဆောင် နိုင်ငံရေးအကျဉ်းသားသည် ဒီဇင်ဘာ ၂၆ရက်နေ့တွင် အမှု ၇ မှုအတွက် ထောင်ဒဏ် နှစ် ၃၀ ချမှတ်ခံထားရပြီး ကျန်သူများမှာ ထောင်ဒဏ် ၅ နှစ်စီ အသီးသီးချမှတ်ခံရကာ နောက်ထပ်အမှုများကိုလည်း ဆက်လက် ရင်ဆိုင် နေရကြောင်း သိရှိရသည်။
အမေရိကန် NDAA အက်ဥပဒေ နေပြည်တော်ဗိုလ်ချုပ်များ ကတုန်ကရင်ဖြစ်နေ
အမေရိကန် NDAA အက်ဥပဒေ နေပြည်တော်ဗိုလ်ချုပ်များ ကတုန်ကရင်ဖြစ်နေဟုဆို
27 Dec 2022 By MPA
လုံခြုံရေးကောင်စီဆုံးဖြတ်ချက်ကို မှုစရာမလိုကြောင်း စစ်ကောင်စီတပ်တွင်း၌ အရာရှိကြီးအချို့က လက်သီးလက်မောင်းတန်း ပြောဆိုမှုရှိသော်လည်း နွေဦးတော်လှန်ရေးအား ပံ့ပိုးပေးမည့် အမေရိကန် NDAAအက်ဥပဒေအကြောင်းကိုမူ ထုတ်ဖော်ပြောကြားခြင်းလုံးဝ မရှိကြောင်း သိရသည်။
ဒီဇင်ဘာ၂၁ရက်နေ့တွင် ကုလသမဂ္ဂလုံခြုံရေးကောင်စီက မြန်မာအရေးဆုံးဖြတ်ချက်-၂၆၆၉ ထွက် ပေါ်လာပြီးနောက် အောက်ခြေတပ်ရင်းများ၌ တပ်အရာရှိကြီးတို့က လုံခြုံရေးကောင်စီဆုံးဖြတ်ချက် ကိုဂရုစိုက်စရာမလိုကြောင်း တပ်တွင်း အရာရှိ၊အရာခံဗိုလ်အဆင့်များအား ပြောကြားခဲ့ပြီး အမေရိကန်အကူအညီပေးမည့် NDAAဥပဒေကိုမူ အရာရှိကြီးများကယနေ့ထိတိုင်ပြောကြားခြင်းမရှိ ကြောင်း CDMဗိုလ်ကြီးတစ်ဦးကပြောသည်။
“နေပြည်တော်ကနေပြီး လုံခြုံရေးကောင်စီဆုံးဖြတ်ချက်ကို ပြောခိုင်းတယ်လို့ထင်တယ်။လုံခြုံရေး ကောင်စီက ဆုံးဖြတ်ချက်ချပြီး အာချောင်တာပဲရှိတယ်။ဘာမှ လာလုပ်လို့မရဘူးပေါ့။NDAA ဥပဒေ ကိုလည်း နေပြည်တော်ကနေပြီး မပြောခိုင်းလို့ မပြောတာလို့ နားလည်ရတယ်။NDAA ကို နေပြည် တော်က ဗိုလ်ချုပ်တွေ ကတုန်ကရင်ဖြစ်နေတယ်လို့ ကြားတယ်”ဟု ၎င်းကပြောသည်။
NDAAအက်ဥပဒေတွင် ဒီမိုကရေစီအင်အားစုများကို ကူညီထောက်ပံ့ခြင်းအပြင် CDMစစ်သားများကို ပါ ကူညီခြင်းနှင့် စစ်ကောင်စီကို ထိရောက်စွာပိတ်ဆို့မည့်အစီအစဉ်များပါဝင်သောကြောင့် စစ်တပ် တွင်း မပြောခိုင်းခြင်းဖြစ်နိုင်ကြောင်း ၎င်းကပြောသည်။
“အရင်တုန်းကစစ်တပ်မဟုတ်တော့ဘူး။အကုန်ဖေ့စ်ဘွတ်ခ်သုံးနေတော့ NDAA ဆိုတာဘာမှန်ူ သေချာမသိပေမဲ့ မအလ ဒေါ်လာမရအောင်ပိတ်ဆို့မယ်တို့ CDM စစ်သားတွေကို ကူညီမယ်တို့ ဆို တာလောက်သိကြတယ်။အဲဒီလိုပိတ်တာတွေကူတာတွေပါလို့ စစ်တပ်ထဲ NDAAလည်း ဂရုစိုက်စ ရာမလိုဘူးလို့ မပြောခိုင်းတာနေမှာ”ဟု ၎င်းကဆက်လက်ပြောသည်။
အာဏာသိမ်းစစ်ကောင်စီ၏ နိုင်ငံခြားရေးဝန်ကြီးဌာနကမူ BURMA Act of 2022 ထည့်သွင်းထားသော အမေရိကန်NDAA အက်ဥပဒေကို ပြင်းထန်စွာကန့်ကွက်ကြောင်း ယနေ့ ထုတ်ပြန်ခဲ့သည်။
ဒီဇင်ဘာ၂၃ရက်နေ့၊အမေရိကန်သမ္မတ ဂျိုးဘိုင်ဒန်က အတည်ပြုခဲ့သည့် ၂၀၂၃ ဘဏ္ဍာရေးနှစ်အတွက် အမျိုးသားကာကွယ်ရေးအက်ဥပဒေ (National Defense Authorization Act–NDAA)အက်ဥပဒေတွင် မြန်မာ့အရေးဖော်ပြချက်များသည် မြန်မာပြည်တွင်းရေးကိုဝင်ရောက် စွက်ဖက်ခြင်းနှင့်အချုပ်အခြာအာဏာကို ထိပါးရာရောက်သဖြင့် ပြင်းထန်စွာကန့်ကွက်ကြောင်း စစ်ကောင်စီနိုင်ငံခြားရေးဝန်ကြီးဌာန၏ထုတ်ပြန်ချက်၌ ဖော်ပြထားသည်။
“အချုပ်အခြာအာဏာကိုထိပါးတာက စစ်အုပ်စုပါ။ ပြည်သူတွေရဲ့ အချုပ်အခြာအာဏာကို သေနတ်နဲ့ ထိပါးခဲ့တာ ၂နှစ်ပြည့်ဖို့နည်းနည်းပဲလိုတော့တယ်”ဟု မဲဆောက်မြို့ရောက် နိုင်ငံရေးအကျဉ်းသား ဟောင်းတစ်ဦးကပြောသည်။
NDAA အက်ဥပဒေတွင် မြန်မာ့နွေဦးတော်လှန်ရေးကို အထောက်အပံ့ပေးရေးနှင့် စစ်ကောင်စီကို ထိရောက်စွာပိတ်ဆို့အရေးယူရေးတို့ပါဝင်ပြီး စစ်ကောင်စီအတွက် ဒေါ်လာဝင်ငွေအဓိကရနေသော ရေနံနှင့်သဘာဝဓာတ်ငွေ့လုပ်ငန်းကို အမေရိကန်က ပိတ်ဆို့ အရေးယူလိမ့်မည်ဟု ကျွမ်းကျင်သူတချို့က ဆိုသည်။
အမေရိကန်နိုင်ငံက မြန်မာနိုင်ငံဆိုင်ရာ လွတ်လပ်သောစုံစမ်းစစ်ဆေးရေးယန္တရား (Independent Investigative Mechanism for Myanmar – IIMM) သို့ ငွေကြေးထောက်ပံ့မှုအပေါ်လည်း ကန့်ကွက်ကြောင်း စစ်ကောင်စီ၏နိုင်ငံခြားရေးဝန်ကြီးဌာနက ထုတ်ပြန်ထားသည်။
လုံခြုံရေးကောင်စီ၏မြန်မာ့အရေး ဆုံးဖြတ်ချက်-၂၆၆၉ နှင့်ပတ်သက်၍ လည်း စစ်ကောင်စီ၊နိုင်ငံခြား ရေး ဝန်ကြီးဌာနက ဒီဇင်ဘာ၂၃ရက်တွင် ကြေညာချက်ထုတ်ပြန်ကာယင်းဆုံးဖြတ်ချက်များသည်
ကုလသမဂ္ဂပဋိညာဉ်စာတမ်းနှင့် ညီညွတ်ခြင်းမရှိကြောင်း တုံ့ပြန်ကန့်ကွက်ခဲ့သေးသည်။
သူနဲ့ ကျမ နှစ်ယောက်တည်းသိတဲ့အကြောင်းအရာတွေကို ဒီလိုပြည်သူကိုချပြရတာ တကယ်ပဲ စိတ်မကောင်းပါ။
ဟိုဘက်ကမ်းကအမ အကြောင်း—
အခုအချိန်အထိမပြောပဲနေခဲ့ပါတယ်—မ IR က စင်္ကာပူနိုင်ငံသားဖြစ်လို့ တော်လှန်ရေးကထွက်တော့မယ်လို့ ပြောလိုက်တာမို့ ဒါတွေ ပြီးသွားပြီလို့လည်းထင်လို့ပါ။
၂၀၂၂ နှစ်ထဲ နွေဦးဘုန်းဘုန်းကို zoom ငှါးမိတဲ့ကိစ္စ၊ ဗိုလ်နဂါးအတွက် fund ဝိုင်းရှာတဲ့ကိစ္စတွေနဲ့ ပတ်သက်ပြီး မ IRက ဆဲဆိုခဲ့တာကြောင့် ကျမ သူ့ကို လနဲ့ချီစကားမပြောခဲ့ပါ။
နောက်ထပ် ကိုဟိန်းဇော်ညိုကို ကျမက ထောက်ပို့လုပ်နေတယ်လို့စွပ်စွဲလာတာကို ရှင်းဖို့ live လွှင့်ပြောပြန်တယ်။ ကျမကို ဆဲဆိုတဲ့အတွက် ၂၀၂၂ နိုဝင်ဘာလဆန်းပိုင်းမှာ ကျမ သူ့ဆီဖုန်းဆက်ရှင်းခဲ့ပါတယ်။
လိုရင်းတိုရှင်းပြောရရင် အဲ့ဒီ့နောက်ပိုင်း သူ့ signal ကို ပြန်ပြီး မ block ခဲ့ပါဘူး။ မကြာခင်မှာ သူက အကူအညီ အချို့တောင်းခဲ့ပါတယ်။
▪️ကိုဟိန်းဇော်ညိုကို သားနှစ်ယောက်အကြောင်း မရေး မပြောဖို့ —
▪️သား၂ ယောက်passport သက်တန်းတိုးဖို့ —
မ IR ကိုယ်တိုင်က ၂၀၂၂ ခရစ္စမတ်နေ့ က live ထဲမှာ ဒီနှစ်ခုက ပြည်သူတွေကို ပြောပြလိုက်တာမို့ အဲ့ဒါကို အရင်ဆုံးပြန်ရှင်းပြပါတယ်။
✍︎ ✍︎ ✍︎
ကိုဟိန်းဇော်ညိုနဲ့ ကျမ အဲ့လိုပြောဖို့အထိ မရင်းနှီးပေမဲ့ ကျမ ကိုဟိန်းဇော်ညိုကို သားနှစ်ယောက်အကြောင်းမပြောဖို့သွားပြောပေးခဲ့ပါတယ်။
ကိုဟိန်းဇော်ညိုက ‘ကျနော့် မိသားစုကို သူစပြီးခြိမ်းခြောက်တာပါ အမ၊အမက ကျနော့်အမေမဟုတ်ဘူး၊ ကျနော့်အမေပြောလည်း ကျနော် မှန်တယ်ထင်ရင် လုပ်မှာပါ’ လို့ပြန်ဖြေခဲ့တယ်။ အဲ့ဒီ့စကားအတိုင်း ပြန်ပြောပြခဲ့တယ်။
✍︎ ✍︎ ✍︎
Passport နဲ့ ပတ်သက်ပြီး သူက သူ့ဖာသာ နည်းလမ်းရှာနိုင်ပေမဲ့ NUG က သူ့ကိုကူညီတယ်ဆိုတာမျိုးအမှတ်တရ ကျေးဇူးတင်ချင်တဲ့အကြောင်းပြောလာပါတယ်။
Passport ကိစ္စတွေ ကျမ သိပ်နားမလည်တဲ့အတွက် ချက် အစိုးရက တရားဝင်အသိအမှတ်ပြုထားတဲ့ သံအမတ်ကြီး ဦးလင်းသန့်ကို မေးကြည့်ပါလို့ မိတ်ဆက်ပေးခဲ့တယ်။
ဆရာက အဲ့ဒီ့တုန်းက ခရီးထွက်နေတဲ့ကြားကနေ အချိန်လုပြီးစကားပြောပေးခဲ့တယ်။
ဆရာက အသေအချာနားထောင်ပြီး စင်္ကာပူနိုင်ငံရဲ့ဥပဒေထက်ကျော်ပြီး ကူညီဖို့ဆိုရင်တော့ မဖြစ်နိုင်ကြောင်းပြောပြခဲ့တယ်။
ဒါကြောင့် သူ့ကို NUG ဘက်က မကူညီခဲ့မဟုတ်ပါဘူး။ ဆရာက ကြိုးစားခဲ့ပါတယ်။
ပြောချင်တာက NUG ကိုဆဲ၊ ကျမကို fာသည် ဆဲဆိုရေးသားခဲ့တာတောင် သူ ဒုက္ခရောက်နေတဲ့အချိန် ဆရာဦးလင်းသန့်က NUG အနေနဲ့၊ ကျမကတော့ပြည်သူ တစ်ယောက်အနေနဲ့ ပါဝင် ကူညီခဲ့တယ်ဆိုတာပါ။
အချုပ်အားဖြင့် ဒါဟာ စစ်ကောင်စီရဲ့ မတရားတဲ့ ဖြတ်တောက်မှုတွေမို့ ကူညီဖို့မတတ်နိုင်ခဲ့တဲ့အရာတွေပါ။
✍︎ ✍︎ ✍︎
ရေသည်ကောင် SS ထဲ ဆရာဦးလင်းသန့် နာမည်ပါလာတာ အတော်စိတ်မကောင်းပါ။
ဘာကိုစိတ်မကောင်းတာလဲဆိုတော့ ဆရာဦးလင်းသန့်ကို မိတ်ဆက်ပေးမယ်ဆိုတော့ သူက ဆရာ့နာမည်တောင် (လုံးဝ) မသိခဲ့ဘူး— ကျမ မိတ်ဆက်ပေးလို့ ပထမဆုံးသိခဲ့တာပါတယ်။
နောက်တစ်ခုက ဆရာဦးလင်းသန့်ကို ‘နိုင်ငံခြားရေးဝန်ကြီး’ လို့ မှားခေါ်တာ ကျမသတိထားမိတယ်။
ဒါကြောင့် ရေသည်ကောင်တင်ထားတဲ့ SS ထဲက ‘နိုင်ငံခြားရေးဝန်ကြီး ဦးလင်းသန့် ’ လို့ရေးထားတာတွေ့ရတော့ ကျမ အတော် ထိတ်လန့်မိတယ်။
ဆရာ့ကို ‘နိုင်ငံခြားရေးဝန်ကြီး’ လို့ခေါ်တာ သူတစ်ယောက်တည်းရှိပါတယ်။
ဒါကြောင့် ကျမ ဒီဇင်ဘာလ ၂၂ ရက်နေ့မှာ — ‘ ရက်စက်လိုက်တာ ဟိုဘက်ကမ်းကအမရယ်’ လို့ စာတစ်ကြောင်းပဲရေးခဲ့ပါတယ်။
နောက်ထပ် သက်သေအရ— မအိုင်ရင်းက ၂၀၂၂ ခရစ္စမတ်နေ့ က live ထဲမှာ ဆရာ့ကို ‘နိုင်ငံခြားရေးဝန်ကြီး’ လို့ မှားပြီး ထပ်ခေါ်ထားပါတယ်။
✍︎ ✍︎ ✍︎
▪️နောက်အချက်တွေက မအိုင်ရင်းက ကျမနဲ့ နှစ်ယောက်တည်း စကားပြောတဲ့ အထဲ ပန်ဆယ်လိုက သူ့ကို လူ *****တ်ခိုင်းတယ် လို့ပါတယ်။
ရေသည်ကောင် SS ထဲ အဲ့ဒီအကြောင်းပါနေတာပဲ။ ဒါဟာ သာမာန် အတင်းပြောတဲ့စကားမဟုတ်လို့ ကျမ အသေအချာမှတ်မိနေပါတယ်။
✍︎ ✍︎ ✍︎
ကျမ အဲ့ဒီ့တုန်းက သူ့ကို မပန်တို့ မိုးမိုးတို့ကို ကျမ ချစ်လည်းချစ်တယ် အာမခံတယ်၊ မဟုတ်တာမလုပ်ဘူး ၊ ယုံကြည်ပါလို့ပြောပြခဲ့ဖူးပါတယ်— သူက ကျမကို ယုံကြည်တဲ့အတွက် ထားလိုက်တော့မယ်လို့ပြောခဲ့တယ်။
ပြောချင်တာက — ဒီ post ဟာ စည်လုံးညီညွတ်ရေးပျက်ပြားစေရန်ရေးသားတာ မဟုတ်ပါ။ကျမ စည်းလုံးမှုကို အလွန်အလေးထားပါတယ်။ ဒီ post ကိုရေးဖို့ အတော် စဉ်းစားခဲ့ပါတယ်။
✍︎ ✍︎ ✍︎
မ IR လည်း စင်္ကာပူနိုင်ငံသားဖြစ်လို့ အနားယူမယ်ပြောထားခဲ့တယ်။ ဒီမှာပြီးသွားရင်တောင် ကျမ ဒီ post ကိုရေးဖြစ်မှာ မဟုတ်ပါ။
အခုမှဘာလို့ရေးတာလဲဆိုတော့—
ထပ်ပြီး ပေါ်လာတဲ့ အသံဖိုင် ( မပန် post ) မှာပြောထားတဲ့ လူ ၃ ယောက်ကို ရှင်းခိုင်းတဲ့အကြောင်းပါလာလို့ပါ။
▪️အရင်ကတည်းကပြောတယ်၊ ▪️ရေသည်ကောင်ကိုပြောတယ်၊ ▪️ပြဿနာတွေတက်ပြီး zoom မှာထပ်ပြောတယ်ဆိုတာပါ။
သူနဲ့ ကျမ နှစ်ယောက်တည်းသိတဲ့အကြောင်းအရာတွေကို ဒီလိုပြည်သူကိုချပြရတာ တကယ်ပဲ စိတ်မကောင်းပါ။
SS တွေထဲက ကျမနဲ့ သူ နှစ်ဦးသာ သိခဲ့တဲ့ စကားလုံးအသုံးအနှုံး အကြောင်းအရာတွေရှိနေပြီး ဒါဟာ SS အတုမဟုတ်ပါဘူးလို့ သက်သေခံနေတာဖြစ်တယ်။
ဒါကိုပြည်သူတွေကို ပြောပြတာပါ။ doubled agent လုပ်တာလား ဘက်ပြောင်းသွားတာလား ကျန်တာတွေကိုတော့ ကျမအနေနဲ့ မဝေဖန်လိုပါ။
ကျမသိတာတွေမပြောပြမိခဲ့လို အန္ထရာယ်တစုံတရာ ကြီးကြီးမားမားရှိလာမယ်ဆိုရင် ကျမ တစ်ယောက်တည်း တစ်သက်လုံးနောင်တရနေမှာမို့ပါ။
အမှန်တရားကိုပြည်သူတွေ သိစေချင်တာတစ်ခုပါပဲ။
✍︎ ✍︎ ✍︎
မရွှေမိုး-ကိုရီးယား
𝑫𝒆𝒄𝒆𝒎𝒃𝒆𝒓 27th,2022.
ဟန်ငြိမ်းဉီးကရိုးသားပြီးပန်ဆယ်လိုကလူသတ်ခိုင်းတယ်ဆိုတဲ့မအိုင်းရင်း(အောက်မှာဖတ်ပါ)
ပွင့်ပွင့်လင်းလင်းပြောရရင် အိုင်းရင်းကိစ္စကို ကျွန်မ လွန်ခဲ့တဲ့နှစ်ရက်တည်းက ရပ်ဖို့ စဉ်းစားပါတယ်။ ကျွန်မမှာ ဒီလကုန် တော်လှန်ရေးအစီအစဉ်တွေ ကြိုတင်စီစဉ်ဖို့တွေနဲ့ ထပ်အချိန်မပေးချင်တော့ဘူး။ လူတွေလည်း အာရုံနောက်နေမယ်ဆိုတာရယ်၊ လုံလောက်နေပြီဆိုတာရယ် ကျွန်မသိလို့ ရပ်ဖို့စဉ်းစားပေမယ့် ဒီမိန်းမရဲ့ အလိမ်အညာတွေက ရပ်တန့်မသွားခဲ့ဘူး။ ကျွန်မတို့က ပွဲတစ်ခုကို မစရင်လည်း မစဘူး၊ စမယ်ဆိုရင်လည်း ဆုံးအောင်ကရပါမယ်။ မဟုတ်ရင် ပြည်သူတွေ ဝေဝါးနိုင်ပါတယ်။
အခု ကျွန်မဆီကို အိုင်းရင်းရဲ့ ဒီအသံဖိုင် ရောက်လာပါတယ်။ အိုင်းရင်းရဲ့ အလှူရှင်ဟောင်းတစ်ဦးဆီက ပို့လာတာပါ။ အိုင်းရင်းနဲ့ ယောက်ျားနှစ်ယောက်ပြောနေတဲ့ အသံပါ။ ကျွန်မက လူသုံးယောက်ကို သတ်ခိုင်းတယ်။ ဖော်မယ်ဆိုတဲ့ကိစ္စပါ။
အောင်အောင်ကျော်(စစ်ဦးဇီးချုပ်ဆိုတဲ့ကောင်) ဇီးရိုး (မြတ်အောင်ဆိုတဲ့ကောင်)၊ CDM ဆရာဝန် (တွေးကြည့်တာ ကျော်သူရလို့ထင်တယ်) ဒီသုံးယောက်ကို သတ်ခိုင်းပါတယ်တဲ့။ အကုန်ဖော်မယ်တဲ့။
ကဲ…. စိတ်ဝင်စားစရာကောင်းတာက ကျွန်မက ဒီသုံးယောက်ကို သတ်မယ်ဆိုရင် သူ့ကို သတ်ခိုင်းစရာ အကြောင်းရှိလား။ အိုင်းရင်းနဲ့ ကျွန်မက လွန်ခဲ့တဲ့ ၁၂လပိုင်းက စပြီး ဘာအဆက်အသွယ်မှလည်း မရှိတော့ဘူး။ ကျွန်မဘက်က အဆက်သွယ်မခံတော့တာ။ အဆက်အသွယ်နှစ်ခါပဲရှိဖူးတယ်။ အဲ့နှစ်ခါမှာလည်း သူချည်းပဲပြောတာ။
ကျွန်မက အခုမှ စစကားပြောဖို့ ဆက်သွယ်လာတဲ့လူတစ်ယောက်ကို လူသတ်ဖို့ကိစ္စပြောတယ်ဆိုတာ ဖြစ်နိုင်မလား။ ပြီးတော့ ဒီကာလမှာ ကျွန်မအတွက် ဒီလောက်ကောင်တွေက အမှုန်အမွှားပဲ။ သတ်ချင်ရလောက်အောင်အထိ ကျွန်မဘဝကို ဘာအထိအခိုက်မှ ပေးနိုင်ခဲ့တဲ့သူတွေမဟုတ်။
ကျွန်မအနေနဲ့ ဒီတော်လှန်ရေးမှာ ကိုယ့်ရဲ့ ပုဂ္ဂိုလ်ရေးကိစ္စအတွက် တော်လှန်ရေးကို ခုတုံးမလုပ်ဖို့ ကိုယ့်ကိုယ်ကိုယ်အမြဲဆုံးမတယ်။ ကျွန်မကို သုံးနှစ်လုံးတရားရုံးတက်ခိုင်းခဲ့တဲ့ အကာအကွယ်မဲ့နေတဲ့ ဘောမကိုတောင် ဒီနေ့အထိ ကျွန်မ မသတ်ခိုင်းဘူး။ ရန်ပုံငွေရှာဖွေရေးကလွဲရင် စစ်ရေးစစ်ရာကိစ္စတွေမှာလည်း ဝင်မပါဘူး။ မြို့ပြUGတွေအတွက် ဒေါ်လာ၇သိန်းကျော် တစ်လုံးတစ်ခဲတည်း ရှာဖွေပေးခဲ့ပေမယ့် ဘယ်UGနဲ့မှ တိုက်ရိုက်အဆက်အသွယ်မလုပ်ဘူး။
အိုင်းရင်းအနေနဲ့ ဖော်မယ်၊ ဖော်မယ် ပြောနေရအောင် ဘာကိုစောင့်နေတာလဲ။ အခုလောက်တောင် ဖြစ်နေတဲ့ဟာကို ဘာကိုစောင့်နေတာလဲ။ တခါတည်း စိန်ခေါ်ပါရစေ။ ကျွန်မကို ဘာနဲ့မှ ညှိလို့မရတော့ဘူး။ ဖော်ပါ။ သက်သေအထောက်အထားနဲ့ ပြပါ။
ဖော်တယ်ဆိုတာ ပါးစပ်ကြီးနဲ့ ပြောလို့မရဘူး။ သက်သေအထောက်အထားနဲ့ပြောပါ။ ဟော့ဒီ့ ဗမာစုတ်မက ဘယ်လိုလူသတ်ခိုင်းလဲ၊ ဘယ်မှာပြောလဲ၊ ဘယ်လိုသက်သေရှိလဲ၊ ကျကျနနဖော်ပေးပါ။ Welcome ပါ။နင် ဒလန်လုပ်တာကို ဖော်ထုတ်ခံရသလိုမျိုးပေါ့။
တော်လှန်ရေးမှာ ကျွန်မတို့က စကားလည်း မဖွာဘူး။ အာလည်းမချောင်ဘူး။ ကိုယ်မကျွမ်းကျင်တဲ့ စစ်ရေးကိစ္စတွေမှာလည်း ဝင်မပါဘူး။ မြေပြင်အဖွဲ့တွေကိုလည်း ဝင်မစွက်ဖက်ဘူး။ ကိုယ့်ရဲ့ ပါစင်နယ်အညှိုးတရားကို တော်လှန်ရေးမှာ ခုတုံးလုပ်မရှင်းဘူး။ ရာဇဝင်လည်း မရှိဘူး။ နာမည်ပျက်လည်း မရှိဘူး။
အရမ်းတိုက်ဆိုင်နေတာကတော့ အိုင်းရင်းက Screenshot အတုပါလို့ တွင်တွင်လိမ်နေတဲ့ ထော့ကျိုး ချပြတဲ့ Screenshot တွေ Videoတွေထဲမှာ “ပန်ဆယ်လို လူသတ်ဖို့လုပ်နေတာတွေပါပေးမယ်” လို့ ပြောထားတယ်။ အခု ဒီအသံဖိုင်မှာလည်း ပြောထားတာနဲ့ ကိုက်ညီနေပြန်တယ်။ အဲ့တော့ ဟန်ငြိမ်းဦးနဲ့ ပြောတာအတုပါလို့ လိမ်ချင်သေးလား။ ဒီအသံဖိုင်ကိုရော အတုပါလို့ လိမ်ချင်သေးလား။
အိုင်းရင်းသည် ဟန်ငြိမ်းဦးနဲ့ ဆက်သွယ်ပြီး ဒလန်လုပ်ခဲ့တယ်ဆိုတာ ဒီအသံဖိုင်က နောက်ထပ်သက်သေဖြစ်သွားပြန်ပါတယ်။
ကျုပ်ပါးစပ်ကို ပိတ်ချင်ရင် ဟိုလူ့ညှိခိုင်း ဒီလူညှိခိုင်းတွေ လုပ်မနေနဲ့ ရှင့်ပါးစပ်ပြဲကြီးနဲ့ လျှာအရိုးမရှိ ဆက်လိမ်နေတာတွေကို ချက်ချင်းရပ်။
ပြည်သူ့ငွေနဲ့ ဩဇာထူထောင်စည်းရုံးပြီး ကိုယ်ကျိုးအတွက် PDFတွေကို ချကျွေးနေသူက အိုင်းရင်းမှမဟုတ်ဘူး၊ ဘယ်သူမဆို ကျုပ်နဲ့ တွေ့မှာပဲ။
တော်လှန်ရေးမှာ လက်နက်မကိုင်နိုင်ဘူး။ တော်လှန်ရေးရဲ့ ဆူးညှောင့်ခလုတ်တွေကိုတော့ ရှင်းလင်းမှာပဲ။
#PhayLoeMaDaLanMa
မြိုင်တွင် စျေးဝယ်ထွက်လာသော စစ်သား ၇ ဦးကို PDF တပ်များက လမ်းမှ စောင့်ကြို ပစ်ခတ်တိုက်ခိုက်မှု စစ်သား ၂ ဦးသေဆုံး(ရုပ်/သံ)
ရန်ကုန် ၊ ဒီဇင်ဘာ ၂၆
မကွေးတိုင်း၊ မြိုင်မြို့နယ်တွင် ယနေ့ နံနက်ပိုင်း စျေးဝယ်ထွက်လာသော စစ်သား ၇ ဦးကို PDF တပ်များက လမ်းမှ စောင့်ကြို ပစ်ခတ်တိုက်ခိုက်ရာ စစ်သား ၂ ဦးသေဆုံးကြောင်း ပြည်သူ့အားမာန် ကာကွယ်ရေးတပ်ဖွဲ့မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောဆိုသည်။
ဒီဇင်ဘာလ ၂၆ ရက်နေ့ နံနက် ၇ နာရီ ၁၁ မိနစ်အချိန် မြိုင်မြို့နယ် ကိုင်းတောမ ရေစက်ဝင်း (ကိုင်းတောမ မှ စက်မှု ၂ သို့ အဓိက ရေပေးနေသောရေစက်) အတွင်းမှ စစ်သား ၇ ဦးသည် စျေးဝယ်ရန်အတွက် အပြင်သို့ လမ်းလျှောက်ထွက်လာစဥ် PDF မဟာမိတ်တပ်များက လမ်းမှ စောင့်ကြိုတိုက်ခိုက်ရာ စစ်သား ၂ ဦးသေဆုံးကြောင်း၊ အခြား စစ်သား ၂ ဦးလည်း ဒဏ်ရာ