နောက်ဆုံးရ

တစ်ယောက်တည်း လက်ထောင်ပြီး အူကြောင် ကြောင်ကြီး ဖြစ်နေ

📅 💬 မှတ်ချက်

​မနေ့က ပြောခဲ့တဲ့ အတိုင်းပဲ။ မတရား လုပ်တဲ့သူ ဆိုတာ နိုင်ငံတကာမှာ ဩဇာပိုကြီးလာဖို့ မပြောနဲ့။ ဝိုင်းပါ အကျဉ်ခံရတယ် ဆိုတာ UN အစည်းအဝေးမှာ ကြည့်ရင်ကို သိသာတယ်။ လက်ရှိ ရုရှားက ကုလ လုံခြုံရေးကောင်စီ အလှည့်ကျ ဥက္ကဌ။ အဲဒီတော့ ယူကရိန်း-ရုရှားအရေး ကြားဖြတ် အရေးပေါ် အစည်းအဝေး ခေါ်မယ် ဆိုတော့ သူက သဘာပတိ လုပ်ပြီး ဆန္ဒမဲ ကောက်ရတယ်။


ထုံးစံအတိုင်း အရေးပေါ် အစည်းအဝေး ခေါ်ဖို့ သဘောတူ တဲ့သူ လက်ထောင်လို့ ရုရှား သံအမတ်က ကြေညာတော့ တရုတ်တို့ ၄ နိုင်ငံက လွဲရင် ကျန်တဲ့သူ အကုန် လက်ထောင်တယ်။ ကန့်ကွက်တဲ့သူ လက်ထောင်ပါ ဆိုတော့ ဘယ်သူမှ မထောင်ကြဘူး။ ကြေညာတဲ့ သဘာပတိပဲ သူ့ဘာသာ ကြေညာ၊ သူ့ဘာသာ တစ်ယောက်တည်း လက်ထောင်ပြီး အူကြောင် ကြောင်ကြီး ဖြစ်နေတာ ရယ်ရတယ်။ နောက်ဆုံး ကန့်ကွက်သူ တစ်ယောက်ပဲ ရှိလို့ အစည်းအဝေး ခေါ်ဖို့ သဘောတူကြောင်း အောင့်သက်သက် ရုပ်ကြီးနဲ့ ကြေညာရတယ်။


လောလောဆယ် SWIFT payment စနစ်မှာ ရုရှားဘဏ် တွေကို ဖြုတ်ချလိုက်တာ တော်တော် အထိနာတယ်။ ဘဏ်စနစ်တွေ ကမောက်ကမ ဖြစ်ကုန်တဲ့ အပြင် ဒီမှာလိုပဲ လူတွေက ဘဏ်ကို မယုံမကြည် ဖြစ်ကုန်ပြီး ငွေတွေ ဝိုင်းထုတ် ကြလို့ ATM တွေမှာတောင် တန်းစီ နေရပြီ။ ဒီကြားထဲ မြန်မြန်ဆန်ဆန် သိမ်းနိုင်မယ် ထင်တဲ့ ယူကရိန်း ကိုလည်း အလွယ်တကူ မသိမ်းနိုင်ဘဲ ရုရှား စစ်သား အလောင်းတွေ ပုံနေပြီ။ ဆန့်ကျင်သူတွေကို ဒီလောက် ဖိနှိပ် အုပ်ချုပ်တဲ့ ရုရှားလို နိုင်ငံမှာတောင် စစ်ဆန့်ကျင်ရေး ဆန္ဒပြပွဲတွေ ဖြစ်လာတာ အံ့ဩ မဆုံးဘူး။  ပူတင်တောင် ရှက်ရမ်း ရမ်းပြီး နျူထုတ်သုံးဖို့ ခြိမ်းခြောက် နေရတယ်။ တကယ် ထုတ်လိုက်ရင် ဝင်မပါဘဲ ရပ်ကြည့်နေတဲ့ နိုင်ငံတွေကိုပါ ခြိမ်းခြောက်မှု ဖြစ်လာမှာ မို့လို့ ပွဲက ပိုကောင်း လာနိုင်တယ်။


လောလောဆယ်တော့ ငြိမ်းချမ်းရေး ဆွေးနွေးပွဲ အတွက် နှစ်ဘက်စလုံးက လေသံ ပစ်နေတယ်။ နဂိုတုန်းက ပူတင်က သူ့ရဲ့ အောက်ဆွဲ နိုင်ငံ ဘီလာရုစ်မြေမှာ ယူကရိန်းကို အပေါ်စီးက ခပ်ချေချေ ဆွေးနွေးဖို့ ကြံစည်ထားတာ။ လတ်တလော အခြေအနေတွေ အရ ယူကရိန်း ဘက်က ရွေးချယ်ထားတဲ့ နေရာမှာပဲ ကြိုတင် သဘောတူညီမှု (precondition) ဘာမှ မပါဘဲ ဆွေးနွေးရဖို့ ဖြစ်နေတယ်။ စစ်ပွဲ ကြာလာလေ သူ့နိုင်ငံရဲ့ အခြေအနေက ယိမ်းယိုင်လာလေ ဖြစ်လာမှာကိုး။ ယူကရိန်း ကတော့ နောက်ဆုတ် စရာ ဘာမှ မရှိတဲ့သူ ဆိုတော့ ဘုရင့်နောင် ဖောင်ဖျက် သလို တိုက်မှာပဲ။


ပူတင်ကြီး ပျားတုတ်နေတာ မြင်တော့ တို့ဆီက မအေလိုး မင်းအောင်လှိုင်နဲ့ တူလိုက်တာ လို့တောင် တွေးမိသေးတယ်။ ပိုင်ပါတယ် ဆိုပြီး အာဏာ ကောက်သိမ်းတာ။ တစ်နှစ်ကျော် ကြာတဲ့ အထိ ပိုင်ပိုင်နိုင်နိုင် မအုပ်ချုပ် နိုင်ရုံ မကဘဲ စိုးမိုး နယ်မြေတွေကိုပါ တဖြည်းဖြည်း လက်လွှတ် လာနေရပြီ။ ဒီကြားထဲ တိုင်းပြည်က စီးပွားရေးကျ၊ နိုင်ငံတကာက ဝိုင်းကျဉ်၊ သူ့လူတွေကအစ မလေးစားတော့တဲ့ အခြေ အနေ ရောက်နေတာ။ မတရား လုပ်ချင်တဲ့ သူတွေ နောက်ဆုံးတော့ ကျရှုံးရမှာ ထုံးစံပဲ

.mimikal


ဆက်ဖတ်ရန် →

ဘက်ပေါင်းစုံ အောက်စည်းရောက်နေတဲ့ စစ်ပွဲကို ဆက်တိုက်ချင်နေတဲ့ မြန်မာစစ်ကောင်စီ

📅 💬 မှတ်ချက်


​ရေးသားသူ - ဘာ​တေးလ်လင့်နာ

အာဏာသိမ်းမှုအပြီး နိုင်ငံအနှံ့ ပေါ်ပေါက်လာတဲ့ တော်လှန်ရေး အင်အားစုတွေကို ချိုးနှိမ်ဖို့အတွက် မြန်မာစစ်တပ်ဟာ လေကြောင်းကနေ ဗုံးကြဲတဲ့ နည်းလမ်းဟောင်းကိုပဲ ပြန်အသုံးပြုလာပါတယ်။ ပြည်တွင်းက လက်နက်ကိုင် ခုခံရေး လှုပ်ရှားမှုတွေကို တိုက်ခိုက်ဖို့ ပုံသေ သုံးစွဲနေတဲ့ ဒီနည်းလမ်းဟာ တကယ်တမ်းကျတော့ စစ်တပ်ရဲ့ အင်အားထက် ညံ့ဖျင်းမှုကို ပိုမိုပေါ်လွင်နေစေပါတယ်။

နိုင်ငံအရှေ့ပိုင်းက အာဏာသိမ်းမှု ဆန့်ကျင်ရေး အားကောင်းနေတဲ့ ကယားပြည်နယ်ထဲမှာ ရုရှားလုပ် Hind အမျိုးအစား တိုက်ခိုက်ရေး ရဟတ်ယာဉ်ကြီးတွေက ဒုံးကျည်တွေ၊ စက်သေနတ်တွေနဲ့ ပစ်ခတ် တိုက်ခိုက်ခဲ့သလို တိုက်လေယာဉ်တွေကလည်း ဗုံးတွေ ကြဲချခဲ့ပါတယ်။ အခုလထဲမှာ အရှိန်မြှင့်လာတဲ့ လေကြောင်း ထိုးစစ်တွေဟာ အရပ်ဖက် ပစ်မှတ်တွေကို အဓိက ဦးတည်ခဲ့ပုံ ရပါတယ်။

အဲဒီ ရဟတ်ယာဉ်တွေထဲက တစ်စီးမှာ အာဏာသိမ်း စစ်တပ်ရဲ့ ဒုတိယ အကြီးအကဲ စိုးဝင်းကိုယ်တိုင် လိုက်ပါခဲ့တယ်လို့တောင် သတင်းတွေ ထွက်ခဲ့ပါတယ်။ သူဟာ စစ်ကောင်စီ အကြီးအကဲ မင်းအောင်လှိုင်ထက်တောင် သဘောထား တင်းမာပြီး တစ်ယူသန်တယ်လို့ လူသိများသူပါ။

ကယားပြည်နယ်ထဲက စစ်ဘေးသင့် ရွာသူရွာသား ၁၇၀၀၀၀ လောက်ထိ နေရပ်စွန့်ခွာပြီး ထိုင်းနိုင်ငံ နယ်စပ်နဲ့ နီးကပ်တဲ့ သစ်တော ဧရိယာတွေဖက်ကို တိမ်းရှောင် ထွက်ပြေးခဲ့ကြရပါတယ်။ ဒီအခြေအနေက ဒေသတွင်းမှာ ခေတ်သစ် ဒုက္ခသည် အကျပ်အတည်းကြီးတစ်ခု ပေါ်ပေါက်လာအောင် တွန်းအားပေးသလို ဖြစ်နေပါတယ်။

ကယားပြည်နယ်မှာ ဒေသခံ ပြည်သူ့ ကာကွယ်ရေး တပ်ဖွဲ့တွေရဲ့ တိုက်ခိုက်မှုတွေ အားကောင်းခဲ့ခြင်းကြောင့်ပဲ စစ်ကောင်စီက လေတပ်သုံးပြီး အပြင်းအထန် ဗုံးကြဲလာတယ်လို့ ယုံကြည်ရပါတယ်။ ဒီအခြေအနေက စစ်ကောင်စီရဲ့ အားကောင်းလှပါချည်ရဲ့ဆိုတဲ့ ခြေလျင်တပ်တွေရဲ့ တိုက်ရည်ခိုက်ရည်အပေါ် ဆန်းစစ် မေးခွန်းထုတ်မှု နောက်တစ်ကြိမ် ထပ်မံ ထွက်ပေါ်လာစေပြန်ပါတယ်။

သူပုန်တပ်တွေကို လေကြောင်း ပစ်ကူယူပြီး မြေပြင်ကနေ ထိုးစစ်ဆင်တာမျိုးက ကမ္ဘာအနှံ့မှာ အစိုးရတွေ သုံးစွဲနေကျ ပုံမှန် စစ်ဆင်ရေး နည်းလမ်းတစ်ခုပါ။ ဒါပေမဲ့ ဆယ်စုနှစ်တွေ ရှည်ကြာလာခဲ့ပြီဖြစ်တဲ့ ပြည်တွင်းစစ်မှာ မြန်မာစစ်တပ်က လေကြောင်းပစ်ကူ သုံးရသလောက်တော့ ဘယ်သူမှ များများစားစား မသုံးစွဲခဲ့ပါဘူး။ 

ကယားပြည်နယ်တင် မကဘဲ စစ်ကိုင်းတိုင်းနဲ့ ချင်းပြည်နယ်လို နေရာတွေမှာ စစ်ကောင်စီဟာ ခြေလျင်တပ်တွေ အရင်ဖြန့်ကျက်ပြီး သွေးတိုးစမ်း တိုက်ခိုက်ကြည့်ခဲ့ပါသေးတယ်။ ဒါပေမဲ့ မရှုမလှ သေကြေကြပြီး အကျအဆုံး များလွန်းတာကြောင့် ကမန်းကတမ်း ပြန်ဆုတ်ခဲ့ရတာချည်းပါပဲ။ ဒီလို ရှုံးနိမ့်ပြီ ဆိုတာနဲ့ စစ်တပ်ဟာ လေတပ်ကို သုံးပြီး ကျေးရွာတွေနဲ့ တခြား မဆီမဆိုင် အရပ်သား ဧရိယာတွေကို ဗုံးလိုက်ကြဲတာ ပုံသေနည်းလို ဖြစ်နေပါပြီ။ 

တကယ်တော့ လူနည်းစု တိုင်းရင်းသား နယ်မြေတွေမှာ မြန်မာစစ်တပ်က အဆုံးစွန် ယုတ်ကန်း ရက်စက်မှုတွေ ကျူးလွန်နေတာ အသစ်အဆန်း မဟုတ်တော့ပါဘူး။ ဒါပေမဲ့ အရင်ခေတ်က စစ်တပ်ဟာ လက်နက် တပ်ဆင်မှု အတော်လေး အားနည်းတယ် ဆိုရင်တောင်မှ စစ်ရေး အတွေ့အကြုံ အရမ်းပြည့်ဝပြီး တိုက်ရည်ခိုက်ရည်ကလည်း တကယ့်ကို ထိရောက် ထက်မြက်ခဲ့ပါတယ်။

အဲဒီ မြန်မာစစ်တပ်ဟာ နိုင်ငံ အရှေ့မြောက်ပိုင်းမှာ ဗမာပြည် ကွန်မြူနစ်ပါတီ (CPB)၊ မြောက်ပိုင်းမှာ ကချင်လွတ်မြောက်ရေးတပ် (KIA)၊ ထိုင်းနိုင်ငံနဲ့ နယ်စပ်တလျှောက်မှာ ကရင် အမျိုးသား အစည်းအရုံး (KNU) အပါအဝင် တခြား လက်နက်ကိုင် အဖွဲ့တွေနဲ့ တောက်လျှောက် စစ်ခင်း တိုက်ခိုက်ခဲ့ကြပါတယ်။

၁၉၈၈ ခုနှစ်မှာ မြန်မာနိုင်ငံရဲ့ ဒီမိုကရေစီ တောင်းဆို လှုပ်ရှားမှု အရေးအခင်းကြီး ပေါ်ပေါက်လာတဲ့နောက် အဲဒီ အနေအထားတွေ အားလုံး ပြောင်းလဲကုန်ပါတယ်။ အဲဒီတုန်းက စစ်တပ် အကြီးအကဲတွေ အင်မတန် စိုးရိမ်တဲ့ အဓိက အချက်က တပ်မတော်သားတွေ ဘက်ပြောင်းပြီး ဒီမိုကရေစီ တက်ကြွ လှုပ်ရှားသူတွေဆီ ခိုလှုံ ပူးပေါင်းသွားမှာကိုပါပဲ။

တပ်ထဲမှာ အကွဲအပြဲတွေ မဖြစ်အောင် တားဆီးဖို့အတွက် ထိပ်တန်း စစ်ဗိုလ်ချုပ်တွေဟာ လက်အောက်ခံ တပ်တွေ စိတ်ကျေနပ်အောင်၊ သစ္စာစောင့်သိမှု မြဲမြံအောင် နည်းလမ်းပေါင်းစုံနဲ့ ကြံစည်ပါတော့တယ်။

၁၉၈၉ ခုနှစ်ကစလို့ နိုင်ငံတော် အေးချမ်းသာယာရေးနဲ့ ဖွံ့ဖြိုးရေး ကောင်စီလို့ နာမည်ပေးထားတဲ့ အဲဒီခေတ်က စစ်အစိုးရဟာ ပိုပြီး ခေတ်မီ ဆန်းစစ်တဲ့ စစ်လက်နက် ပစ္စည်းတွေ၊ စစ်သုံး ယန္တရားတွေကို ဒေါ်လာ ၁ ဘီလီယံကျော်ဖိုးထိ တောက်လျှောက် ဖြည့်တင်း ဝယ်ယူလာခဲ့ပါတယ်။

မြန်မာရဲ့ စစ်လက်နက် အများစုဟာ တရုတ်ဆီက ရတာဖြစ်ပြီး ပါကစ္စတန်၊ စင်ကာပူနဲ့ အစ္စရေးတို့ဆီက ဝယ်ယူခဲ့တာတွေလည်း ရှိပါတယ်။ ဝယ်သမျှ လက်နက် အများစုဟာ ရုပ်ပြကောင်းရုံ သက်သက်သာ ဖြစ်နေပြီး တကယ်တမ်းကျတော့ ဒုံးကျည်စနစ်တွေ၊ တင့်ကားကြီးတွေ၊ သံချပ်ကာယာဉ်တွေ၊ ရေတပ် ကင်းလှည့်ရေယာဉ်တွေ၊ ဖရီးဂိတ် စစ်သင်္ဘောတွေ ဆိုတာက နယ်စပ်တလျှောက် တောတောင် ထူထပ်ရာ ဧရိယာတွေမှာ အဓိက ဖြန့်ကျက် လှုပ်ရှားနေတဲ့ တိုင်းရင်းသား လက်နက်ကိုင် တပ်တွေကို တိုက်ခိုက်ရာမှာ အတော်လေး အသုံးဝင်မှု အားနည်းပါတယ်။

နောက်ထပ် အရေးကြီးတဲ့ ကိစ္စတစ်ခုအဖြစ် တပ်မှူးတွေကို ဒေသပေါင်းစုံ အလှည့်ကျ တာဝန် ထမ်းဆောင်စေတဲ့ အရင်ကတည်းက လူကြိုက် မများလှတဲ့ စနစ်ကို ဖျက်သိမ်းဖို့ ဆုံးဖြတ်လိုက်တာပါ။ ဒီစနစ်ရဲ့ မူလ ရည်ရွယ်ချက်က ဘယ်တပ်မှူးမှ နိုင်ငံရဲ့ အစိတ်အပိုင်း တစ်ခုခုမှာ ကြာကြာ ခြေကုပ်ယူပြီး ဩဇာ တည်ဆောက်လို့ မရစေဖို့ ဖြစ်ပါတယ်။

စစ်တပ် အကြီးအကဲတွေဟာ မြို့ပြ ဧရိယာတွေက သဘောထား ကွဲလွဲသူတွေကို တိုင်းရင်းသား တော်လှန်ရေး လက်နက်ကိုင် အင်အားစုတွေနဲ့ အချိတ်အဆက် မရှိစေဖို့လည်း အသေအချာ အားထုတ်ခဲ့ပါတယ်။ မြို့ကြီးပြကြီးတွေက တော်လှန်ရေး လှုပ်ရှားသူ ထောင်နဲ့ချီပြီး KIA၊ KNUတို့နဲ့ ဆက်သွယ် ပူးပေါင်းသွားတယ် ဆိုပေမယ့် မြို့သားလူသစ်တွေကို လက်နက် ထောက်ပံ့ပေးဖို့ကျတော့ တိုင်းရင်းသား တပ်ဖွဲ့တွေမှာလည်း အလုံအလောက် ဖြစ်မနေပြန်ပါဘူး။

နောက်တော့ CPBထဲမှာ ပုန်ကန်မှုတွေ ဖြစ်လာပြီး ဗမာတိုင်းရင်းသား ကွန်မြူနစ် လှုပ်ရှားသူ အတော်များများဟာ တရုတ်နိုင်ငံဖက်ကို တိမ်းရှောင် ခိုလှုံသွားကြရပါတယ်။ အဲဒီ ပုန်ကန်မှုတွေကပဲ နောက်ထပ် တိုင်းရင်းသား လက်နက်ကိုင် အင်အားစု အသစ်တွေ ဖွဲ့စည်းဖို့ လမ်းကြောင်း ပေါ်လာစေတယ်။ အားအကောင်းဆုံးကတော့ ဝပြည် သွေးစည်းညီညွတ်ရေး တပ်မတော် (UWSA)ဖြစ်ပါတယ်။ ပြီးတော့ မြန်မာစစ်တပ် အင်မတန် စိုးရိမ်တဲ့ မဟာမိတ် အင်အားစုမျိုး အမှန်တကယ် ပေါ်ပေါက်လာနိုင်ခြေ အလားအလာတွေကိုပါ မြင်လာရပါတယ်။

အရင် CPBရဲ့ ပုန်ကန် အင်အားစုတွေနဲ့ တခြား တိုင်းရင်းသား လက်နက်ကိုင်တွေကြားမှာ ဆွေးနွေးမှုတွေ ရှိလာခဲ့ပါတယ်။ ဒါပေမဲ့ အဲဒီအချိန်မှာ မြန်မာစစ်တပ်ဟာ ခြေသွက်လက်သွက်နဲ့ တစိုက်မတ်မတ် တုံ့ပြန် လှုပ်ရှားခဲ့တယ်။

UWSA၊ CPBလက်ကျန် အင်အားစုတွေနဲ့ မြန်မာစစ်တပ်တို့ကြား အပစ်အခတ် ရပ်စဲရေး သဘောတူညီမှုတွေ အသီးသီး ညှိနှိုင်းနိုင်ခဲ့တယ်။ နှစ်ဖက် ဆွေးနွေး သဘောတူညီမှုတွေအရ အဲဒီ အဖွဲ့အစည်းတွေဟာ လက်နက်တွေ စွန့်လွှတ်ဖို့ မလိုသလို အခြေစိုက် နယ်မြေတွေကိုလည်း ဆက်ပြီး ထိန်းချုပ်ထားနိုင်မှာ ဖြစ်ပါတယ်။ စစ်တပ်ကို သူတို့က စပြီး မတိုက်သ၍၊ တခြား လက်နက်ကိုင် အင်အားစုတွေဆီ လက်နက်တွေ မထောက်ပံ့သ၍ ထိန်းချုပ် နယ်မြေတွေမှာ ဘယ်လို စီးပွားရေး လုပ်ငန်းတွေမဆို လုပ်ကိုင်နိုင်မှာ ဖြစ်ပါတယ်။

၁၉၉၀ ပြည့်လွန်နှစ် အလယ်ပိုင်းလောက်မှာတော့ လက်နက် ရရှိရေးအတွက် CPBကို အဓိက မှီခိုနေရတဲ့ နောက်ထပ် အင်အားကြီးနဲ့ အသေးစား လက်နက်ကိုင် အဖွဲ့ ၂၀ လောက်ဟာလည်း စစ်အစိုးရနဲ့ ငြိမ်းချမ်းရေး ယူခဲ့ပါတယ်။ ဒီအတောအတွင်း နယ်စပ်တွေက ခြိမ်းခြောက်မှုတွေကိုလည်း စစ်တပ်က အတော်လေး ဖိနှိပ် ချိုးနှိမ်လိုက်ပါတော့တယ်။

အဲဒီ အပစ်အခတ် ရပ်စဲရေး သဘောတူညီမှုတွေက နှစ်ပေါင်း ၂၀ ကျော်လောက် တည်တံ့ခဲ့ပါတယ်။ အဓိပ္ပါယ်ကတော့ လုံးဝဥဿုံ ပြောင်းလဲသွားတဲ့ မျိုးဆက်သစ် မြန်မာစစ်သားတွေမှာ တကယ် ထိရောက်တဲ့ တိုက်ခိုက်ရေး အတွေ့အကြုံ မရှိတော့ပါဘူး။ နီးစပ်သူ တစ်ဦးက ပြောပြတာကတော့ လက်ရှိ မြန်မာစစ်သားတွေဟာ တကယ်တမ်း စစ်တိုက်ဖို့ထက် ယူနီဖောင်း အသစ်တွေဝတ်၊ သေနတ်တွေကိုင်ပြီး ကျော့ကျော့မော့မော့ စစ်ရေးပြဖို့ပဲ ပိုအားသန်နေတော့တယ် ဆိုတာပါပဲ။ 

ဒါ့အပြင် လက်ရုံးတပ်တွေကလည်း လာဘ်ပေးလာဘ်ယူ ကိစ္စတွေ၊ အဂတိမှုတွေ ကျူးလွန်ပြီး ငွေရှာဖို့ အခွင့်အလမ်းတွေ ပိုရလာပါတယ်။ စစ်တပ် အရာရှိတွေဟာ နာမည်ဆိုး ထွက်လွန်းတဲ့ ခရိုနီ သူဌေးသူကြွယ်တွေနဲ့ စီးပွားရေး ရပေါက်ရလမ်းတွေ ပူးပေါင်း လုပ်ဆောင်တတ်လာတယ်။

၂၀၁၁၊ ဇွန်လကျတော့ အခြေအနေတွေ ပြောင်းသွားပြန်ပါတယ်။ KIAနဲ့ အပစ်အခတ် ရပ်စဲထားတဲ့ သဘောတူညီချက် ပျက်ပြားသွားတာကြောင့်ပါ။ ဆယ်စုနှစ်တွေအတွင်း ပထမဆုံး အကြိမ်အဖြစ် တိုင်းရင်းသား နယ်မြေတွေမှာ အထင်ကရ တိုက်ပွဲကြီးတွေ ပြန်ပေါ်ပေါက်လာပါတယ်။ မြန်မာစစ်တပ်က အကြီးအကျယ် အထိနာပြီး အကျအဆုံး အရမ်းများခဲ့ပါတယ်။ အတွေ့အကြုံကလည်း မရှိ၊ လေ့ကျင့်ရေးကလည်း ညံ့ဖျင်းလွန်းတဲ့ ခြေလျင် တပ်သားတွေဟာ KIAရဲ့ ပြောက်ကျား စစ်ဆင်ရေးတွေမှာ အတုံးအရုံး အသက်ပျောက်ကုန်ပါတယ်။ 

အခြေအနေတွေက ဆိုးသထက် ဆိုးလာတော့ စစ်တပ်ဟာ ခြေလျင်တပ်ဖွဲ့တွေကို ပြန်ဆုတ်ခိုင်းပြီး ရဟတ်ယာဉ်တွေ၊ တိုက်လေယာဉ်တွေ၊ လက်နက်ကြီးတွေရဲ့ ပစ်အားကိုပဲ မှီခိုရပါတော့တယ်။ KIA လက်လှမ်းမမီလောက်တဲ့ နေရာတွေကပဲ လှမ်းပစ်ရဲတော့တာပါ။ ဒီအခြေအနေမျိုးကို ကယားပြည်နယ်မှာ ထပ်ပြီး တွေ့မြင်လာရပါပြီ။ ၂၀၂၁ ခုနှစ်၊ ဖေဖော်ဝါရီ ၁ ရက်က စစ်တပ် အာဏာသိမ်းမှုအပြီး နိုင်ငံအနှံ့မှာ မိုးဦးကျ မှိုတွေလို ပေါ်ပေါက်လာတဲ့ တော်လှန်ရေး လှုပ်ရှားမှုတွေထဲမှာ ကယားကလည်း အားကောင်းကောင်းနဲ့ ပါဝင်ခဲ့ပါတယ်။

အခုတော့ စစ်တပ်အတွက် ရင်ဆိုင် စစ်ခင်းနေရတဲ့ ပဋိပက္ခတွေက အဟောင်းရော၊ အသစ်ပါ နေရာစုံ ပျံ့နေပါပြီ။ ပြောင်းလဲလာတဲ့ အခြေအနေ အသစ်တွေအပေါ် မူတည်ပြီး မေးခွန်းအဟောင်းဆီ ပြန်ဦးလှည့်လာကြပါတယ်။ အဲဒါကတော့ စစ်တပ်ရဲ့ လူ့အရင်းအမြစ် စွမ်းရည် ဘယ်လောက်ထိ ရှိသလဲ ဆိုတာပါပဲ။ ဩစတြေးလျ နိုင်ငံသား၊ မြန်မာ့အရေးနဲ့ မြန်မာစစ်တပ်အရေး ကျွမ်းကျင်သူ အန်ဒရူး ဆက်သ်ကတော့ ဖေဖော်ဝါရီ ၁၇ ရက်မှာ ဆစ်ဒနီမြို့ အခြေစိုက် Lowy Instituteက ထုတ်ဝေတဲ့ စာစောင်မှာ သူ့ခန့်မှန်းချက်တွေကို ဖော်ပြခဲ့ပါတယ်။

၁၉၈၈ ခုနှစ်နောက်ပိုင်း မြန်မာ စစ်တပ်မှာ အင်အား ၅ သိန်းကနေ ၆ သိန်းလောက်ထိ ရှိလာနိုင်တယ်ဆိုတဲ့ ခန့်မှန်းချက်တွေက မြန်မာစစ်တပ်ရဲ့ စီမံကိန်း ရေးဆွဲသူတွေ ကြီးကြီးမားမား ထားရှိခဲ့တဲ့ ရည်မှန်းချက်တွေအပေါ် အခြေခံထားတာ ဖြစ်တယ်လို့ သူက ဆိုတယ်။

၁၉၈၈ ခုနှစ်တုန်းက စစ်တပ်ကို တိုးချဲ့ဖွဲ့စည်းပြီး ခေတ်မီအောင် မွမ်းမံ အဆင့်မမြှင့်သေးခင် ကာလတွေတုန်းက အင်အား ၁ သိန်း ၈ သောင်း ၆ ထောင်ကျော်လောက် ရှိခဲ့ပါတယ်။ ၂၀၂၁ မှာတော့ တကယ်တမ်း လက်တွေ့ကျတဲ့ ခန့်မှန်းချက်က အင်အား ၃ သိန်းနဲ့ ၃ သိန်းခွဲကြားလောက်သာ ရှိလိမ့်မယ် ဆိုတာပါပဲ။ ဒီထက်ပိုနည်းပြီး ၂ သိန်းခွဲအောက်၊ ဒါမှမဟုတ် ၂ သိန်းလောက်လည်း ဖြစ်ချင် ဖြစ်နိုင်ပါတယ်။

ဒါပေမဲ့ ဆက်သ်ကတော့ တကယ်တမ်း အရေးကြီးတာက ယူနီဖောင်း ဝတ်ထားတဲ့ အမျိုးသား၊ အမျိုးသမီး အရေအတွက် ဘယ်လောက် ရှိသလဲ ဆိုတာ မဟုတ်ဘဲ စစ်မြေပြင်ကို စစ်ကောင်စီ အနေနဲ့ အမှန်တကယ် စေလွှတ်နိုင်မယ့် ခြေလျင်တပ်ဖွဲ့ဝင် ဦးရေ ဖြစ်တယ်လို့ ထောက်ပြပါတယ်။ မြန်မာစစ်တပ်မှာ တိုက်ပွဲဝင် ခြေလျင်တပ်ဖွဲ့ဝင် အရေအတွက် အလွန်ဆုံး ၁ သိန်းနဲ့ ၁ သိန်း ၂ သောင်းကြားလောက်ပဲ ရှိနိုင်ပါတယ်။

ဒီအင်အားကို ပံ့ပိုးဖို့ ရဲတပ်ဖွဲ့ဝင် ဦးရေ ၈ သောင်းလောက် ရှိသလို စစ်မှုထမ်းဟောင်းတွေနဲ့ ဖွဲ့စည်းထားတဲ့ အရန်တပ် ၃၉ ခုလောက် ရှိနေသေးတယ်လို့ ဆက်သ်က ရေးသားထားပါတယ်။

ဘယ်ရှုထောင့်ကပဲကြည့်ကြည့် မြန်မာစစ်တပ်ဟာ အခုဆိုရင် စစ်မျက်နှာ ပေါင်းစုံမှာ ကိုယ့်ကိုယ်ကိုယ် ဘေးကျပ်နံကျပ် ဖြစ်အောင် လုပ်မိနေပြီဆိုတာ မြင်သာပါတယ်။ ၁၉၇၀ ပြည့်လွန်နှစ်တွေကစလို့ ပြင်းပြင်းထန်ထန် ခုခံတိုက်ခိုက်မှု လုံးဝ မရှိတော့တဲ့ နိုင်ငံအလယ်ပိုင်း ဒေသတွေမှာပါ ခုခံစစ်ပွဲတွေကို ကြုံနေကြရပါပြီ။

အခုဆိုရင် အာဏာသိမ်းလိုက်ပြီးနောက်ပိုင်း အဖွဲ့ငယ်လေးတွေ အပါအဝင် နိုင်ငံအနှံ့မှာ ရာနဲ့ချီတဲ့ လက်နက်ကိုင် တော်လှန်ရေး အင်အားစုတွေ ပေါ်ပေါက်လာပြီး မြန်မာစစ်တပ်ဟာ ဘယ်လိုမှ အပြတ်အသတ် အနိုင်ယူ တိုက်ခိုက်နိုင်မှာ မဟုတ်ကြောင်း ပိုထင်ရှား ပေါ်လွင်လာနေပါတယ်။ 

ဒါပေမဲ့လည်း အဲဒီ အင်အားစုလေးတွေက တိုက်ပွဲကြီးတွေမှာ အသာရဖို့ ဆိုတာကလည်း အလှမ်းဝေးနေဆဲ ဖြစ်ပါတယ်။ တော်လှန်ရေး လှုပ်ရှားမှုတွေက တခဲနက် ထောက်ခံ အားပေးမှုတွေ ရရှိနေပေမယ့် လက်နက် တပ်ဆင်နိုင်စွမ်း အားနည်းလွန်းသလို မြန်မာစစ်တပ်နဲ့ စစ်ကောင်စီ အရာရှိတွေကို ရနိုင်သလောက် သုတ်သင်ပစ်မယ် ဆိုတာထက် ပိုပြီး ကောင်းမွန်တဲ့ ရေရှည် ရည်မှန်းချက်နဲ့ အခင်းအကျင်းတွေ မတွေ့ရပါဘူး။

စစ်တပ်က တော်လှန်ရေး အင်အားစုတွေ တဖြည်းဖြည်း ဆုတ်ယုတ်ပြီး လုံးပါးပါးလာအောင် ဖိတိုက်မယ်ဆိုတဲ့ မဟာဗျူဟာမျိုး သုံးနေပုံ ပေါ်ပေမယ့် တော်လှန်ရေးရဲ့ စိတ်အား ထက်သန်မှုနဲ့ ကျားကုတ်ကျားခဲ ကြိုးစားမှုတွေကြောင့် ဒီဗျူဟာကလည်း အောင်မြင်မယ့် အလားအလာ နည်းပါတယ်။

ခန့်မှန်းလို့ ရတာက အနာဂတ်မှာလည်း စစ်ပွဲတွေ ပိုပြီး ပေါ်ပေါက်လာပါဦးမယ်။ စစ်တပ်ရဲ့ လေကြောင်း ပစ်ကူအင်အား အလွန်အကျွံ သုံးစွဲတဲ့ နည်းဗျူဟာက ပြည်သူတွေကို ပိုပြီး ထိခိုက် နစ်နာစေသလို ရွှေ့ပြောင်း ဒုက္ခသည်တွေလည်း တိုးလာပါလိမ့်မယ်။ နဂိုကတည်းက စစ်တပ်အပေါ် ဒေါသထွက်နေတဲ့၊ နာကျည်းနေတဲ့ ပြည်သူတွေကို ပိုပြီး ဆွပေးသလို ဖြစ်နေပါဦးမယ်။ 

ကယားပြည်နယ်မှာ လေကြောင်းကနေ ဗုံးကြဲနေတာမျိုးဟာ မြန်မာနိုင်ငံက ခုခံစစ် အားကောင်းနေတဲ့ တခြားဒေသတွေမှာပါ ကျင့်သုံးတဲ့ စစ်ဆင်ရေး မဟာဗျူဟာ ဖြစ်လာနိုင်ပါတယ်။ ဒီအချက်ကိုက စစ်တပ်ရဲ့ အရည်အချင်း ညံ့ဖျင်းမှုကို မီးမောင်းထိုးပြနေပြီး ခပ်မြန်မြန် အင်အားတိုးပွားလာတဲ့ တော်လှန်ရေး တပ်ဖွဲ့တွေအပေါ် ပြည်သူလူထု ထောက်ခံမှု ပိုပြီး မြင့်တက်လာစေမှာ ဖြစ်ပါတယ်။

(​ဆောင်းပါးရှင် ဘာ​တေးလ်လင့်နာက
Asia Times သတင်းဌာနတွင်​ ရေးသား​​သော "Tatmadaw fighting a losing war in Myanmar" ​ဆောင်းပါးကို ဘာသာပြန်ဆို​ဖော်ပြထားတာဖြစ်ပါတယ်)

#လူထုနွေဦး
#People'sSpring


ဆက်ဖတ်ရန် →

ယူကရိန်းမှာ Starlink ဝန်ဆောင်မှု အခုရပါပြီ

📅 💬 မှတ်ချက်

​ယူကရိန်းဒုတိယဝန်ကြီးချုပ် မီခါလီယိုဖက်ဒိုရော့ဗ်က သူ့ရဲ့တွစ်တာအကောင့်မှာ စနေနေ့က '@elonmusk လို့ 

လိပ်မူပြီးတော့ .


"အီလွန်မတ်စ်ရေ မင်းက 

အင်္ဂါဂြိုဟ်ကို နယ်ချဲ့ဖို့ ကြိုးစားနေချိန်မှာ ရုရှားက ယူကရိန်းကိုသိမ်းပိုက်ဖို့ ကြိုးစားနေတယ်၊ မင်းရဲ့ဒုံးပျံတွေ အာကာသထဲကနေ မြေပြင်ပေါ် အောင်မြင်စွာ ပြန်ဆင်းသက်နိုင်ချိန်မှာ 

ရုရှားဒုံးကျည်တွေက ယူကရိန်းအရပ်သားတွေပေါ်ကိုကျရောက်နေတယ်၊ 

ယူကရိန်းအတွက် Starlink စခန်းတွေ ထောက်ပံ့ပေးခြင်းနဲ့  ရပ်တည်ပေးဖို့ တောင်းဆိုပါတယ်” လို့ 

ရေးခဲ့တယ်။


နာရီအတန်ကြာတဲ့နောက် 

ဖက်ဒိုရော့ဗ်ရဲ့ရေးသားမှုကို အီလွန်မတ်စ်ကိုယ်တိုင် တုံ့ပြန်ခဲ့ပါတယ် 


“ယူကရိန်းမှာ Starlink ဝန်ဆောင်မှု အခုရပါပြီ၊ နောက်ထပ် ကိရိယာတွေလည်း ပေးပို့ထားပါတယ်” တဲ့။


အီလွန်မတ်စ်ရဲ့ ပြန်ကြားမှုရရှိပြီးနောက် ယူကရိန်းအရာရှိနဲ့ ပြည်သူတွေက ကျေးဇူးတင်တယ်လို့ တုံ့ပြန်ခဲ့ကြပါတယ်။


Starlink ဟာ 

အာကာသကုမ္ပဏီ SpaceX ရဲ့လုပ်ငန်းခွဲတစ်ခုဖြစ်ပြီး 

ကမ္ဘာပတ်လမ်းအနိမ့်ပိုင်းမှာ ဂြိုဟ်တုအသေးစားလေးတွေ လွှတ်တင်လို့ ဘရော့ဘင်းအင်တာနက် ဝန်ဆောင်မှုပေးတာပါ။  

ရုရှားရဲ့ကျူးကျော်မှုနဲ့အတူ ယူကရိန်းမှာ အင်တာနက်ဆက်သွယ်မှုလည်း ထိခိုက်နေပါတယ်။ 

Starlink ဝန်ဆောင်မှုနဲ့ Receiver တွေသာ ရထားရင် ယူကရိန်း ဆက်သွယ်ရေးအခြေခံတွေ ပျက်သွားရင်တောင်မှ ယူကရိန်းတွေ အင်တာနက် ဆက်သုံးနိုင်မှာပါ။


ဒါနဲ့ အီလွန်မတ်စ်က မြန်မာပြည်ကိုကော သိလေမလား …?


Min Myat San



ဆက်ဖတ်ရန် →

စစ်တပ်လော်ဘီတွေရဲ့ တညီတညွတ်တည်းအသုံးပြုလာတဲ့ ဆိုက်ဝါး

📅 💬 မှတ်ချက်

​၈၈ တုန်းကလို ဖြစ်သွားတော့မှာလား


နွေဉီးတော်လှန်ရေးဟာ ဒီအတိုင်းပြီးသွားတော့မှာ။ ဟိုနားလေး ကွက်ဆူလိုက်၊ ဒီနားလေးဖောက်ခွဲလိုက်နဲ့ ပြီးသွားတော့မှာ။ ရပ်ကွက်အုပ်ရေးမှူးတွေ နည်းနည်းပါးပါးကို သတ်ပြလိုက်၊ ရဲတွေကိုသတ်ပြလိုက်၊ ဒလန်တွေကိုသတ်တယ်ပြောလိုက်နဲ့ ပြီးသွားတော့မှာ။ ဝန်ထမ်းတွေအလုပ်ပြုတ်၊လူငယ်တွေ ဘဝပျက်တာပဲ အဖတ်တင်တယ်။ နိုင်ငံရေးအမြတ်ထုတ်တဲ့သူတွေ ကောင်းစားသွား၊ အလှူခံသမားတွေ ချမ်းသာသွားပြီး စစ်ကောင်စီသာ အနိုင်ရသွားတော့မှာ ။


ဒါကတော့ စစ်တပ်လော်ဘီတွေရဲ့ တညီတညွတ်တည်းအသုံးပြုလာတဲ့ ဆိုက်ဝါးပါ။ အခုမှ သုံးလာတဲ့ဆိုက်ဝါးမဟုတ်ဘဲ (၄) လပိုင်း သင်္ကြန်ကာလမှာကတည်းက စတင်သုံးစွဲခဲ့တဲ့ဆိုက်ဝါး။ အဲဒီ့ဆိုက်ဝါးကြောင့် တချို့ CDM တွေ Non CDM ပြန်ဖြစ်သွားကြပါတယ်။


အခု ဒီဆိုက်ဝါးကို တစ်ကျော့ပြန် အရှိန်မြှင့်လာကြပြန်ပြီ။ အရှိန်မြှင့်တာ ဘယ်လိုလုပ်သိသလဲဆိုတော့ ကျွန်တော့်အကောင်ထဲကလူတွေ အယောက်(၂၀)မက လာမေးနေကြလို့ပါ။


ဒီတိုင်းပဲ ပြီးသွားတော့မှာလား။ ၈၈ တုန်းကလိုမျိုး ဖြစ်သွားမလား။ နိုင်ရော နိုင်ပါ့မလား စသဖြင့် လာမေးနေကြပါတယ်။ မအားလပ်တဲ့ကြားကလည်း ပြန်ဖြေပေးနေရပါတယ်။


စာအရှည်ကြီး မဖတ်ချင်ရင် အောက်က တစ်ကြောင်းထဲပဲ ဖတ်ပါ။


" ဒီအတိုင်း မပြီးပါဘူး။ ၈၈တုန်းကလိုမျိုး လုံးဝမဖြစ်ဘူး။ ကျွန်တော်တို့ နိုင်ကိုနိုင်တယ်။ အရေးတော်ပုံမုချအောင်မြင်မှာပါ။"


(စာအရှည်ကြီး ဖတ်နိုင်တဲ့သူတွေက အောက်က သုံးသပ်ချက်ဆောင်းပါးကို ဆက်လက်ဖတ်ရှုနိုင်ပါတယ်။)


တော်လှန်ရေးအခြေအနေအပေါ် သုံးသပ်ချက်


လက်ရှိနွေဦးတော်လှန်ရေးဟာ ခံစစ်ရော၊ တိုက်စစ်ရော အောင်မြင်လျက်ရှိပါတယ်။ ခံစစ်ဆိုတာ CDM ကို ဆိုလိုတာပါ။ ဝန်ထမ်းတွေရဲ့ CDM (ကျန်းမာရေးဝန်ထမ်းတွေရဲ့ CDM ၊ ပညာရေးဝန်ထမ်းတွေရဲ့ CDM ၊ ဌာနဆိုင်ရာဝန်ထမ်းတွေရဲ့ CDM) ဟာ မျှော်မှန်းထားတာထက်တောင် အောင်မြင်တယ်လို့ ဆိုနိုင်ပါတယ်။ ဘယ်လောက်အထိအောင်မြင်သလဲဆိုရင် ပြည်သူ့ဝန်ဆောင်မှုလုပ်ငန်းတွေ ဘာတစ်ခုမှလုပ်နိုင်ဘဲ မယောင်ရာဆီလူးအလုပ်တွေပဲ လုပ်ခိုင်းနေရတဲ့အထိ အောင်မြင်တာပါ။ ခံယူချက်နဲ့လုပ်တဲ့ CDM ဝန်ထမ်းတွေများတဲ့အတွက် အစိုးရဝန်ထမ်းတွေရဲ့ CDM ခံစစ်ဟာ အောင်မြင်ဆဲပဲဖြစ်ပါတယ်။ 


ပြည်သူလူထုရဲ့ CDM ကလည်း အောင်မြင်ဆဲပဲဖြစ်ပါတယ်။ ပညာရေးမှာဆိုရင် ကျောင်းတက်တဲ့သူရာခိုင်နှုန်းဟာ တစ်နိုင်ငံလုံးအတိုင်းအတာနဲ့ဆိုရင် ၂၀ % တောင် မပြည့်ပါဘူး။ ဘဏ်လုပ်ငန်းငွေ ပုံမှန်မလည်ပတ်သေးပါဘူး။ ထီ ပုံမှန်မရောင်းရသေးပါဘူး။ စစ်ကောင်စီကသာ အတင်းအကြပ် ပုံမှန်အတိုင်းဖြစ်နေပြီဆိုပြီး လိမ်နေပေမယ့် ဘယ်ကဏ္ဍမှာမှ ပုံမှန်အတိုင်း မဖြစ်သေးပါဘူး။


အဲဒီတော့ ခြုံပြောရရင် ပြည်သူအားလုံးရဲ့ စစ်ကောင်စီအပေါ် အမိန့်မနာခံမှုအစီအစဉ်( Civil Disobedience Movement  CDM) ဟာ အောင်မြင်ဆဲပဲဖြစ်ပါတယ်။ နွေဉီးတော်လှန်ရေးခံစစ်ဟာ ဘာအကြောင်းနဲ့မှ ပြိုလဲစရာမကြောင်းမရှိပါဘူး။ ဘာဖြစ်လို့လဲဆိုတော့ ခံယူချက်ပြင်းထန်တဲ့သူတွေက စစ်ကောင်စီပြုတ်မကျမချင်း/ အာဏာမလွှဲမချင်း တော်လှန်နေကြမှာမို့လို့ ဖြစ်ပါတယ်။


နွေဉီးတော်လှန်ရေးတိုက်စစ်ဆိုတာ လက်ရှိ ပြည်သူ့ကာကွယ်ရေးတပ်ဖွဲ့( Public Defense Force PDF) တွေရဲ့ လှုပ်ရှားမှုတွေ၊ တိုင်းရင်းသားလက်နက်ကိုင်(Ethnic Armed Organization  EAO) တွေရဲ့ တိုက်ခိုက်မှု+ ကူညီမှုတွေ၊ CRPH နဲ့ NUG ရဲ့ နိုင်ငံတကာနဲ့ပူးပေါင်းဆောင်ရွက်မှု၊ စစ်ကောင်စီကို ဥပဒေကြောင်းအရ တရားစွဲဆိုမှု၊ နွေဉီးတော်လှန်ရေးမှာပါဝင်တဲ့ stakeholders တွေနဲ့ ပူးပေါင်းဆောင်ရွက်မှုတွေ၊ ပြည်တွင်း/ပြည်ပမှာရှိတဲ့ ပြည်သူတွေက နည်းမျိုးစုံနဲ့ စစ်အစိုးရပြုတ်ကျရေး အစွမ်းကုန်ဆန့်ကျင်/ ဆန္ဒပြတာတွေ၊ နိုင်ငံတကာက စစ်ကောင်စီကို ပိတ်ဆို့အရေးယူမှုနဲ့ NUG ကို သံတမန်ရေးရာအရ အကူညီပေးမှုတွေကလည်း တဖြည်းဖြည်း အားကောင်းပြီး အောင်မြင်လျက်ရှိပါတယ်။


ဒီနေရာမှာ တိုက်စစ်မှာပါဝင်နေတဲ့ ကဏ္ဍအသီးသီးကို အသေးစိတ်ထပ်ရှင်းရင် စာရှည်ပြီး ဖတ်ရတဲ့သူလည်း သိပ်စိတ်မဝင်စားနိုင်တာမို့ လူတွေစိတ်ဝင်စားနိုင်တဲ့ကိစ္စကိုပဲ သုံးသပ်ပြပါ့မယ်။


အဲဒါကတော့ PDF ကိစ္စပါ။ 


ဒီမိုကရေစီကို လက်သန်းနဲ့ ဆန္ဒပြုလို့မရ၊ လက်(၃)ချောင်းထောင်ပြီး ပြန်တောင်းလို့လည်းမရတဲ့အခါ လက်ညှိုးကွေးပြီး တိုက်ယူရမယ့် အခြေအနေဖြစ်သွားပါတယ်။ နွေဉီးတော်လှန်ရေး အပြီးသတ်အောင်မြင်ဖို့အတွက် တစ်ခုတည်းသောနည်းလမ်းဟာ လက်နက်ကိုင်ပြီး တိုက်ယူခြင်းပဲဖြစ်ပါတယ်။ အဲဒါကြောင့်လည်း လူငယ်တွေဟာ ဒုက္ခခံပြီး တောခိုသွားတာဖြစ်ပါတယ်။


အခု PDF တွေ ဒလန်တွေကို သုတ်သင်ရှင်းလင်းနေတာဟာ တော်လှန်ရေးရဲ့ ပထမအဆင့် (Phase  1) ကို အကောင်အထည်ဖော်နေတာဖြစ်ပါတယ်။ ရပ်ကွက်အုပ်ချုပ်ရေးမှူးတွေ၊ စစ်ခွေးတွေ၊ စစ်တပ်မိတ်ဖက်ပါတီဝင်တွေကို သုတ်သင်နေတာဟာ မနိုင်နိုင်ရာမဲ လုပ်နေတာ မဟုတ်ပါဘူး။ တော်လှန်ရေးပထမအဆင့်ဖြစ်တဲ့ ပြောက်ကျားစနစ်အသုံးပြု၍ ရန်သူကို တိုက်ခိုက်ချေမှုန်းခြင်း ကို အကောင်အထည်ဖော်နေတာပါ။


မိမိရန်သူက မိမိထက် လက်နက်အင်အား၊ စစ်သည်အင်အား သာလွန်နေတဲ့အခါမျိုးမှာ ပြောက်ကျားစနစ်ကို အသုံးပြုပြီး တိုက်ခိုက်ရပါတယ်။ ပြောက်ကျားစနစ်ကို မသုံးဘဲ ထိပ်တိုက်ရင်ဆိုင်ရင် မိမိဘက်က အရေးနိမ့်သွားမှာဖြစ်ပါတယ်။ 


ဉပမာအနေနဲ့ စစ်သူကြီးဗန္ဓုလ အကြောင်းကို လေ့လာနိုင်ပါတယ်။ ဗန္ဓုလဟာ သူရသတ္တိနဲ့ ပြည့်စုံပြီး သတ်ရဲသေရဲပေမယ့် မိမိထက် လက်နက်အင်အား၊ စစ်သည်အင်အားသာလွန်တဲ့ နယ်ချဲ့အင်္ဂလိပ်ကို ထိပ်တိုက်သွားတွေ့တဲ့အခါ အရေးနိမ့်ခဲ့ရပါတယ်။ နွေဉီးတော်လှန်ရေးမှာလည်း ထို့အတူပါပဲ။ လက်နက်အင်အား၊ လူအင်အားမမျှသေးတဲ့အတွက် ပြောက်ကျားစနစ်ကိုအသုံးပြုပြီး တိုက်ခိုက်နေတာဖြစ်ပါတယ်။ အခု PDF တွေ သုတ်သင်ပစ်လိုက်တဲ့ဒလန်တွေဟာ စစ်ကောင်စီရဲ့ ဒေါက်တိုင်တွေဖြစ်ပါတယ်။ 


PDF တွေဟာ ဒလန်တွေကို မသုတ်သင်ခင်မှာ လုပ်ငန်းစဉ်(၂)ခုကို လုပ်လေ့ရှိပါတယ်။ ပထမတစ်ခုက ဒလန်စာရင်းကို အရင်ဆုံးပြုစုတာပါ။ စာရင်းရပြီးရင် သူတို့ဟာ ပြည်သူလုထုကို ဒုက္ခပေး/မပေး ဆိုတာကို သေချာစုံစမ်းပါတယ်။ ပြည်သူလူထုကို ဒုက္ခပေးနေတာသေချာပြီဆိုရင် ဒုတိယအဆင့်အနေနဲ့ သတိပေးတာမျိုး/ခြိမ်းခြောက်တာမျိုး လုပ်ပါတယ်။ အဲဒီ့လို လုပ်တာတောင် မဆင်ခြင်တာ/ဂရုမစိုက်တာမျိုး လုပ်တော့မှ သုတ်သင်ပစ်တာပါ။ PDF တွေဟာ ရပ်ကွက်အုပ်ချုပ်ရေးမှူးတိုင်း၊ ကြံ့ခိုင်ရေးပါတီဝင်တိုင်းကို မသတ်ပါဘူး။


(တချို့က PDF တွေဟာ သူတို့မကျေနပ်ရင် အပြစ်မဲ့ပြည်သူတွေကို သတ်ပစ်တယ်၊ NLD ကို မထောက်ခံရင် သတ်ပစ်တယ်ဆိုတာမျိုး သွားပုပ်လေလွင့်လျှောက်ပြောလို့ ရှင်းပြရတာပါ။)


နောက်တစ်ချက်က တချို့တော်လှန်ရေးသမားတွေ အားမလိုအားမရဖြစ်ပြီး ဝေဖန်ကြတဲ့အချက်ပါ။ အဲဒါက ဘာလဲဆိုတော့ PDF တွေဟာ ဘာဖြစ်လို့ အောက်ခြေစစ်သားတွေ၊ ရဲတွေ၊ အုပ်ချုပ်ရေးမှူးတွေလောက်ပဲ သတ်နေတာလဲ။ သတ်မယ့်သတ် အကောင်ကြီးကြီး၊ ရဲမှူး၊ ဗိုလ်မှူး၊ တိုင်းမှူးတွေကို သတ်ပါလား ဆိုပြီးတော့ပါ။


အတိုချုပ်ပြောရရင် အဲ့လောက် မလွယ်ပါဘူး။ အဓိကက လုံခြုံရေးအန္တရာယ်ကြောင့်ပါ။ ဖြစ်နိုင်ရင် မအလတို့ သရေးကြိုးကိုးကွင်းတို့ကိုတောင် နုပ်နုပ်စဉ်းပစ်ချင်နေကြတာပါ။ ဒါပေမယ့် စစ်တပ်မှာ အကောင်ကြီးလေ လုံခြုံရေးများများယူထားလေမို့ သူတို့ကို လုပ်ကြံဖို့ဆိုတာ မလွယ်ကူပါဘူး။ အဲဒါကြောင့်ပါ။


ဒါပေမယ့် အောက်ခြေကို ရှင်းပစ်နေတဲ့အပေါ် သံသယမဝင်ပါနဲ့။ စိတ်ဓာတ်လည်း မကျပါနဲ့။ တကယ့်တကယ် တိုက်ကြကြေးဆိုရင်  အဲဒီ့အောက်ခြေတပ်သားတွေကသာ အသေခံတိုက်ကြတာပါ။ တိုက်နိုင်တာပါ။ အခုဆိုရင် စစ်ကောင်စီကို သစ္စာခံနေတဲ့ ဒေါက်တိုင်တွေ တဖြည်းဖြည်းပြုတ်ကုန်ပါပြီ။ သူတို့ကို ကာကွယ်ပေးမယ့် စစ်ခွေးတွေလည်း တဖြည်းဖြည်းလျော့နည်းလာပါပြီ။


 Phase 1 က အောင်မြင်ပြီး Phase 2 စဖို့ ရက်ပိုင်းပဲ လိုပါတော့တယ်။ Phase 2 အကြောင်းကို ကျွန်တော် မရှင်းပြနိုင်ပါ။ ရန်သူ့ဘက်ကို ကြိုတင် သတင်းပေးသလိုဖြစ်မှာစိုးရိမ်တဲ့အတွက် ဒီနေရာမှာပဲ ရပ်ပါမယ်။


D Day ဘယ်တော့ခေါ်မလဲ၊ ဘာလို့ မခေါ်သေးတာလဲ ?


Phase 1 ပြီးတာနဲ့ Phase 2 လာပါလိမ့်မယ်။ NUG အနေနဲ့ လတ်တလောမှာ D Day ခေါ်ဉီးမှာ မဟုတ်သေးပါဘူး။ ဘာဖြစ်လို့လဲဆိုတော့ D Day ခေါ်ဖို့အတွက် အရေးကြီးလုပ်ငန်းစဉ်(၂)ခု မပြီးပြတ်သေးလို့ဖြစ်ပါတယ်။ နံပါတ်(၁)က တစ်နိုင်ငံလုံးမှာရှိတဲ့ PDF တွေနဲ့ ပေါင်းစပ်ညှိနှိုင်းဖို့ ဖြစ်ပြီး၊ နံပါတ်(၂)က လက်နက်ဝယ်ယူရေးကိစ္စဖြစ်ပါတယ်။ 


စစ်ကောင်စီဟာ ဘာကိုမှမကြောက်ပါဘူး။ သူတို့ကြောက်တာက PDF ပါ။ အဲဒီ့လိုပြောလို့ အရိုးကိုက်ဘောမတွေနဲ့ စစ်တပ်လော်ဘီတွေက ရယ်ကောင်းရယ်နိုင်ပါတယ်။ ကလေးတွေကို ကြောက်စရာလား၊ တစ်လသင်တန်းလောက် တက်ထားတဲ့သူတွေက Standard Army ကြီးကို ဘယ်လိုလုပ်အံတုလို့ရမှာလဲဆိုပြီး ပြောကြပါလိမ့်မယ်။ ဒါပေမယ့် ပြောတဲ့သူတွေကိုကြည့်လိုက်ရင် Profile Lock ချထားတဲ့သူ၊ ဓာတ်ပုံအမှန်မတင်ဘဲ အကောင့်ပုန်းနဲ့သုံးနေသူများပါတယ်။ပြောသာပြောရတယ်။ သူတို့လည်း အမှန်တကယ် ကြောက်နေရှာတာပါ။


စစ်ကောင်စီဟာ အခုအချိန်မှာ CDM ကိုလည်း အာရုံမရတော့ဘူး။ ဆန္ဒပြတာတွေကိုလည်း ဂရုမစိုက်တော့ဘူး။ PDF တွေကိုသာ နည်းလမ်းပေါင်းစုံသုံးပြီး ဖြိုးခွင်းနေတာဖြစ်ပါတယ်။ ဘာဖြစ်လို့လဲဆိုတော့ သူတို့ကို တကယ်ဒုက္ခပေးနိုင်တာမို့လို့ဖြစ်ပါတယ်။ အခုဆိုရင် စစ်ခွေးတွေ၊ ဘောမတွေကလည်း PDF ဆိုတဲ့အသံ ကြားတာနဲ့တင် ကျောစိမ့်နေကြပြီဖြစ်ပါတယ်။ 


အဲဒါကြောင့်လည်း သူ့လူ(စစ်ခွေးနဲ့ဘောမတွေ)ကို မိုတီဗေးရှင်းရအောင်/ စိတ်အားတက်ကြွအောင်/ မကြောက်အောင် ဇာတ်လမ်းတွေရိုက်ပြ၊ ဗီဒီယိုအတုတွေ ဖန်တီးပြီး ဝါဒဖြန့်နေတာဖြစ်ပါတယ်။ ဝါဒဖြန့်ရတဲ့ အဓိကရည်ရွယ်ချက်ဟာ PDF တွေကို ကြောက်ရွံ့ပြီး လက်နက်မကိုင်ရဲအောင်လုပ်တာအပြင်၊ သူတို့လူတွေကိုပါ ဂျင်းထည့်တာဖြစ်ပါတယ်။ 


စာကို ပြန်ချုပ်ရရင် နွေဉီးတော်လှန်ရေးဟာ တစ်ဆင့်ပြီးတစ်ဆင့်(step-by-step) အောင်မြင်နေပါပြီ။ အပြီးသတ်အောင်မြင်ဖို့အတွက် အချိန်အနည်းငယ်ပဲကျန်ပါတော့တယ်။ ဒါဟာလည်း NUG က ပြည်တွင်းစစ်(civil war) မဖြစ်စေလိုတဲ့အတွက်၊ ပြည်သူတွေအများကြီး ထိခိုက်ဒဏ်ရာရမှာစိုးရိမ်တဲ့အတွက် နွေဉီးတော်လှန်ရေးကို Phase တစ်ခုချင်းစီအလိုက်သွားနေလို့ အချိန်ကြာတာဖြစ်ပါတယ်။ NUG ဟာ စစ်ကောင်စီက နည်းလမ်းပေါင်းစုံနဲ့ ပိတ်ဆို့ထားတဲ့ကြားကနေ လက်နယ်ဝယ်ယူရရှိရေး/လက်နက်ရရေးကို အသည်းအသန်ကြိုးစားနေပါတယ်။


အတိအကျအခိုင်အမာပြောနိုင်တာက နွေဦးတော်လှန်ရေးဟာ ပြည်သူတွေသာ အနိုင်ရမယ့်ပွဲ ဆိုတာပါပဲ။


၈၈ လို မရှုံးဘဲ ပြည်သူတွေသာ အနိုင်ရမယ့်အချက်များ


(၁) ၈၈ တုန်းက လူထုအုံကြွမှုအားကောင်းပေမယ့် ပေါင်းစည်းမှုအားနည်း။ နွေဉီးတော်လှန်ရေးမှာ လူထုအုံကြွမှုရော၊ လူထုပေါင်းစည်းမှုရော အားကောင်း။ နိုင်ငံ့သမိုင်းတစ်လျှောက် အခုလောက်အထိ ပြည်သူလူထုညီညွတ်တာမျိုး မရှိခဲ့။


(၂) ၈၈ တုန်းက အတွေ့အကြုံမရှိဘဲ တော်လှန်ခဲ့ရပြီး၊ နွေဉီးတော်လှန်ရေးမှာ "၈၈တုန်းက အတွေ့အကြုံ" ရှိတဲ့သူတွေက ဉီးဆောင်နေတဲ့အတွက် စစ်တပ်ရဲ့အကွက်တွေကို ကြိုသိနေ။


(၃) ၈၈ တုန်းကလည်း လူငယ်တွေပဲ တော်လှန်ရေးကို ဉီးဆောင်ခဲ့။ နွေဉီးတော်လှန်ရေးမှာလည်း လူငယ်တွေကပဲ တော်လှန်ရေးကို ဉီးဆောင်နေ။ သတ္တိရှိမှု၊ စွန့်လွှတ်နိုင်မှုခြင်း တူညီကြပေမယ့် နွေဉီးတော်လှန်ရေးရဲ့ GZ (Generation Z) တွေက လိမ္မာပါးနပ်မှု၊ အကင်းပါးမှု၊ အကွက်မြင်မှု၊ တီထွင်ဖန်တီးနိုင်မှုတွေ ပိုသာ ။


(၄) ၈၈ တုန်းက စနစ်တကျ ဉီးဆောင်မယ့်သူ၊ လမ်းညွှန်မယ့်သူ၊ ယုံကြည်စိတ်ချရတဲ့ အဖွဲ့အစည်းမရှိခဲ့။ နွေဉီးတော်လှန်ရေးမှာ CRPH, NUG တို့ စနစ်တကျ ဦးဆောင်နေ။


(၅) ၈၈ တုန်းက တိုင်းရင်းသားလက်နက်ကိုင်တွေ၊ တခြားအဖွဲ့အစည်းတွေနဲ့ စနစ်တကျ မချိတ်ဆက်နိုင်ခဲ့။ နွေဦးတော်လှန်ရေးမှာ KNU, KIA တို့လို EAOs တွေနဲ့ စနစ်တကျ ပူးပေါင်းဆောင်ရွက်နေ။


(၆) ၈၈ တုန်းက နိုင်ငံတကာအနေနဲ့ ပိတ်ဆို့အရေးယူမှုတွေသာ လုပ်နိုင်ပြီး ပြင်းထန်တဲ့ဖိအားပေးမှုများ မပြုလုပ်နိုင်ခဲ့။ နွေဉီးတော်လှန်ရေးမှာ ကမ္ဘာတစ်ဝှမ်းရှိ ဒီမိုကရေစီကိုလိုလားသော နိုင်ငံများက တရုတ်နဲ့ စစ်ကောင်စီကို ပိတ်ဆို့အရေးယူမှု၊ ပြင်းထန်သောဖိအားများပေးလျက်ရှိ။ မြန်မာ့အရေးကို အလေးအနက်ထား ဆောင်ရွက်ပေးနေကြ။


(၇) ၈၈ တုန်းက ဆက်သွယ်ရေးနည်းပညာနိမ့်ကျတဲ့အတွက် သတင်းအမှောင်ချမှု၊ ဆိုက်ဝါးများ အောင်မြင်ခဲ့။ နွေဉီးတော်လှန်ရေးမှာ နည်းပညာတိုးတက်နေတဲ့ခေတ် ဖြစ်တဲ့အတွက် သတင်းအမှောင်ချလို့မရ၊ ဆိုက်ဝါးများ မအောင်မြင်၊ ရှေ့ကလိမ် နောက်ကပေါ် ဖြစ်နေ။


(၈) ၈၈ တုန်းက ခံယူချက်ပြင်းထန်တဲ့တော်လှန်ရေးသမား နည်းပါးခဲ့။ စစ်တပ်ကို ရသလောက် တိုက်မယ်၊ တိုက်လို့မရရင် စစ်အုပ်ချုပ်ရေးအောက်မနေဘူး ဆိုတဲ့သူ ဆိုတဲ့သူ များပြား။ နွေဦးတော်လှန်ရေးမှာ ခံယူချက်ပြင်းထန်တဲ့တော်လှန်ရေးသမား များပြားနေ။ စစ်ကောင်စီ အာဏာမလွှဲမခြင်း/ မသေမခြင်း တိုက်ပွဲဝင်နေမယ့်သူ များပြား။ တစ်ဉီးတစ်ယောက်ကြောင့် တော်လှန်နေတာမဟုတ်တဲ့အတွက် ဘယ်သူရှိရှိ/ မရှိရှိ အောင်မြင်သည်အထိ တိုက်ပွဲဝင်မယ့်သူများပြား။

 

(၉) ၈၈ တုန်းက လူငယ်တွေဟာ တောခိုပြီး အကြောင်းကြောင်းကြောင့် ပြန်မလာကြ/ ပြန်မလာနိုင်ခဲ့။ နွေဉီးတော်လှန်ရေးမှာ လူငယ်တွေဟာ မြို့ပြနဲ့တောထဲကို အိမ်ဦးနဲ့ကြမ်းပြင်လို သွားလာနေကြ။


(၁၀) ၈၈ တုန်းက စစ်တပ်မှာ ဉာဏ်ရည်မြင့်တဲ့ စစ်ခေါင်းဆောင်တွေများတဲ့အတွက် စစ်တပ်ဟာ အင်အားကောင်းခဲ့။ နွေဉီးတော်လှန်ရေးမှာ မအလအပါအဝင် တခြားစစ်ခေါင်းဆောင်တွေဟာ စစ်တပ်ကို စနစ်တကျမကွပ်ကဲနိုင်တဲ့အတွက် စစ်တပ်ဟာ ဝါးအစည်းပြေသလိုဖြစ်ပြီး တပ်ပျက်နေ။ တိုက်တိုင်းရှုံး။ ထွက်ပြေးတဲ့သူများသလို၊ CDM လုပ်တဲ့သူ များပြားနေ။


(၁၁) ၈၈ တုန်းက တော်လှန်ရေးအတွက် လမ်းပြမြေပုံ(Road Map) နဲ့ မဟာဗျူဟာ (Strategy) မရှိခဲ့။ နွေဉီးတော်လှန်ရေးမှာ လမ်းပြမြေပုံ နဲ့ မဟာဗျူဟာများ ရေးဆွဲထားပြီးဖြစ်။ စစ်တပ်က ချေမှုန်းဖို့အတွက် အသည်းအသန်ကြိုးစားနေ။ သို့သော် မဟာဗျူဟာနဲ့ လုပ်ငန်းစဉ်တွေကို မသိရှိသည့်အတွက် အခက်ကြုံနေ။ ဒီ့အတွက် NUG က ချပြလာအောင် ဆိုက်ဝါးမျိုးစုံသုံး။ NUG က ချမပြသည့်အခါ ပြည်သူနဲ့ရန်တိုက်ပြီး သွေးခွဲနေကြတာဖြစ်ပါတယ်။


စာအရှည်ကြီးကို စိတ်ရှည်လက်ရှည်ဖတ်ပေးတဲ့အတွက် ကျေးဇူးအများကြီးတင်ပါတယ်။ ရေးဖူးသမျှဆောင်းပါးထဲမှာ ဒီဆောင်းပါးဟာ အချိန်အယူရဆုံး၊ ဉီးနှောက်အခြောက်ဆုံး ဖြစ်ပါတယ်။ ဘာလို့လဲဆိုတော့ တော်လှန်ရေးရဲဘော်တွေ သိသင့်သိထိုက်တာတွေ သိရအောင်၊ ရန်သူဘက်က မသိသင့်တာတွေ မသိရအောင် ချိန်ဆရလို့ ဖြစ်ပါတယ်။


စစ်အာဏာရှင်စနစ်ကျရှုံးရမည်။


အရေးတော်ပုံမုချအောင်ရမည်။


မိုးခ


ဆက်ဖတ်ရန် →

NUG ငွေတိုက်စာချုပ်၃ နာရီအတွင်း ဒေါ်လာ ၁၆၈,၂၀၀ ဖိုး ရောင်းချခဲ့

📅 💬 မှတ်ချက်

​နယူးယောက်တွင် NUG ငွေတိုက်စာချုပ်ရောင်းချပွဲ ၃ နာရီအတွင်း ဒေါ်လာ ၁၆၈,၂၀၀ ဖိုး ရောင်းချခဲ့

ခေတ်သစ်

ရန်ကုန်၊ ဖေဖေါ်ဝါရီ ၂၈


အမေရိကန်နိုင်ငံ၊ နယူးယောက်မြို့၊ Queens ရပ်ကွက်၊ Flushing Town Hall တွင် ဖေဖေါ်ဝါရီလ ၂၇ ရက်က အမျိုးသားညီညွတ်ရေးအစိုးရ NUG ၏ ငွေတိုက်စာချုပ်များကို ရောင်းချပေးခဲ့ပြီး ၃ နာရီအတွင်း ဒေါ်လာ ၁၆၈,၂၀၀ ဖိုး ရောင်းချနိုင်ခဲ့ကြောင်း သတင်းရရှိသည်။


ငွေတိုက်စာချုပ်ကို မြန်မာပြည်ဖွား ပြည်သူ ၃၀၀ ခန့်က ဝယ်ယူအားပေးခဲ့ကြပြီး ပွဲစီစဉ်သူများက NUG ကိုယ်စား အမှတ်တရလက်ဆောင်များ ပြန်လည် ပေးအပ်ခဲ့ကြောင်း သိရှိရသည်။


လက်ရှိတွင် ငွေတိုက်စာချုပ်ပေါင်း ၅ သောင်းနီးပါး ရှိနေပြီး အကြမ်းဖက်စစ်အာဏာရှင် ဖြုတ်ချရေးတွင် တော်လှန်ရေးရဲဘော်များထံ ထောက်ပို့အပိုင်းရော ရင်ဆိုင်မှုအပိုင်းတွေမှာပါ လုံလောက်တဲ့ ပံ့ပိုးမှု ပေးနိုင်ရန် ငွေတိုက်စာချုပ် ဝယ်ယူပေးကြဖို့ အမျိုးသားညီညွတ်ရေးအစိုးရက တိုက်တွန်းထားသည်။


ဆက်ဖတ်ရန် →

ရုရှားဘဏ်တွေကို နိုင်ငံတကာငွေကြေးစျေးကွက်ထဲက ဖယ်ရှားမယ်

📅 💬 မှတ်ချက်

​

''ပူတင်အတွက် သက်ဆိုးရှည်စေမယ့် ရုရှားဘဏ်တွေကို နိုင်ငံတကာငွေကြေးစျေးကွက်ထဲက ဖယ်ရှားမယ်''

( ဥရောပကော်မရှင်ဥက္ကဌ Ursula von der Leyen)

၂၇ ဖေဖေါ်ဝါရီ ၂၀၂၂

အပြစ်မဲ့ ယူကရိန်းပြည်သူတွေကို လူမဆန်စွာ ဗုံးကြဲတိုက်ခိုက်နေတဲ့ ပူတင်ရဲ့ စစ်ယန္တယားတွေရပ်ဆိုင်းသွားဖို့ နိုင်ငံတကာငွေကြေးစျေးကွက်ထဲကနေ ရုရှားဘဏ်တွေကို ထုတ်ပယ်မယ်လို့ ဥရောပသမဂ္ဂကော်မရှင်က ပြောပါတယ်။

အမေရိကန် ဗြိတိန် ပြင်သစ် ကနေဒါ နဲ့ ဥရောပသမဂ္ဂခေါင်းဆောင်တွေ ဆွေးနွေးသဘောတူထားပြီလို့ ဥရောပကော်မရှင်ဥက္ကဌ Ursula von der Leyen ကပြောပါတယ်။ 

ပူတင်ဟာ ယူကရိန်းပျက်စီးရာပျက်စီးကြောင်းလမ်းကို ရွေးချယ်ခဲ့ရုံမက သူ့ရုရှားနိုင်ငံရဲ့အနာဂါတ်ကိုပါ ဖျက်ဆီးခဲ့ပြီလို့လည်း ကော်မရှင်ဥက္ကဌက ပြောပါတယ်။ 


ဘဏ်တွေကို ထုတ်ပယ်ရုံမက ရုရှားက စီးပွါးရေးလုပ်ငန်းရှင်ခရိုနီတွေကို ထုတ်ပေးထားတဲ့ ဥရောပနိုင်ငံတွေမှာ နေထိုင်သွားလာခွင့်ရှိတဲ့ အထူးနိုင်ငံကူးလက်မှတ်တွေကို ပါ ပယ်ဖျက်မယ်ဆိုပါတယ်။ ပူတင်ကို ကပ်ဖားပြီး ချမ်းသာနေတဲ့ရုရှားတွေအတွက် ဥရောပငွေကြေးစျေးကွက်ကို ဆက်လက်အသုံးပြုလို့မရတော့ဘူးလို့လည်း EU ကော်မရှင်ဥက္ကဌကပြောပါတယ်။


ယူကရိန်းတပ်မတော်နဲ့ ပြည်သူတွေရဲ့ သတ္တိကို လေးစားအသိအမှတ်ပြုသလို ယူကရိန်းနဲ့ အတူရပ်တည်သွားမယ်လို့လည်းပြောပါတယ်။


ငွေကြေးစျေးကွက်ကနေထုတ်ပယ်မယ်ဲ့ အစီအစဉ်အသေးစိတ်ကို မနက်ဖန်မှာ ထုတ်ပြန်မယ်လို့ သိရပါတယ်။


BNN


ဆက်ဖတ်ရန် →

ဘာ့ကြောင့် အမေရိကန် လက်ရှောင်...။

📅 💬 မှတ်ချက်

​


ခု ယူကရိန်းဖြစ်စဉ်က ဒီနေ့ကမ္ဘာကြီးအတွက် သင်ခန်းစာသစ်တွေပါပဲ။ "အင်အားကြီးသူက အနိုင်ယူစတမ်း" ဆိုတဲ့ တောရိုင်းဥပဒေ( Jungle Law ) တွေ ကမ္ဘာမှာ အတင့်ရဲလာတာ၊ တကယ်တမ်း လက်နက်အားကိုး အနိုင်ကျင့်ခံလိုက်ရပြီဆို ကူသူ ကယ်သူမဲ့ ကမ္ဘာကြီး ဖြစ်လာပြီလားလို့ မေးခွန်းထုတ်စရာ ဖြစ်လာတယ်။ 

ယူကရိန်းမှာ စစ်ပွဲကြီးတစ်ပွဲဖြစ်လာတော့မယ်လို့ အစောကြီးကတည်းက ကြိုပြောခဲ့ကြတယ်။ ရုရှားဟာ ယူကရိန်းနယ်စပ်မှာ အင်အား ၁၀၀၀၀၀ ကျော်နဲ့ စစ်ပြင်နေတယ်ဆိုတဲ့သတင်းတွေ အစောကြီးကတည်းက ထွက်လာနေတယ်။ နောက်ဆုံးတစ်နေ့ ခုလို အချုပ်အခြာအာဏာပိုင်နိုင်ငံတစ်နိုင်ငံကို အင်အားကြီးအခြားတစ်နိုင်ငံက ဗြောင်ကျကျ ကျူးကျော်ဝင်ရောက်သွားလိမ့်မယ်လို့ ဘယ်သူမှ တစ်ထစ်ချ ထင်မထားခဲ့ဘူး။ စစ်အေးခေတ်လွန်ကာလမှာ ရုရှားဟာ ခုလို နိုင်ငံတစ်နိုင်ငံကို ကျူးကျော်ဝင်ရောက်သွားတာ ဒါ ပထမဦးဆုံးပါ။ သတင်းတွေက တော့ဒုတိယကမ္ဘာစစ်နောက်ပိုင်း အကြီးမားဆုံးကျူးကျော်မှုလို့ဆိုကြတယ်။ တကယ်တမ်း အင်အားအလုံးအရင်းနဲ့ နိုင်ငံတစ်ခုထဲ ကျူးကျော်ဝင်ရောက်သွားတဲ့အခါ ကမ္ဘာကြီးက ဘာတတ်နိုင်ခဲ့ပါသလဲ။ ဒီအတိုင်း လက်ပိုက်လို့သာ ကြည့်နေတော့တာပဲ မဟုတ်လား။

 ယူကရိန်းပြည်သူတွေ မိမိတို့နိုင်ငံကို ခုခံကာကွယ်ကြပါ။ "ခုချိန်မှာ ကျွန်တော်တို့ကို ဘယ်နိုင်ငံကမှ ဝင်ပြီးအကာအကွယ်မပေးဘဲ စောင့်ကြည့်နေကြတယ်။ ကျွန်တော်တို့ကိုယ်တိုင် ဒီစစ်ပွဲကို ခုခံတွန်းလှန်ကြရမယ်"လို့ ယူကရိန်းသမ္မတ ဇီလန်းစကီးကိုယ်တိုင် ထွက်ပြောခဲ့ရတယ်။ အမေရိကန်အပါအဝင် ဥရောပနိုင်ငံတွေကတော့ ဒီအခြေအနေမျိုးမရောက်ဖို့ သံတမန်နည်းလမ်းနဲ့ အစွမ်းကုန်ကြိုးစားခဲ့ကြတာပဲ။ နောက်ဆုံးမှာတော့ လက်နက်အင်အားကြီးသူက သူလုပ်ချင်သလို လုပ်သွားတဲ့အခါ ကမ္ဘာက လက်ပိုက်ကြည့်လို့သာ နေရတဲ့အဖြစ်ပါ။ ခုဆို ရုရှတပ်တွေဟာ ကိဗ်မြို့ကို သိမ်းပိုက်ဖို့ အလုံးအရင်း ဝင်ရောက်နေပါပြီ။ စစ်နဲ့ နှစ်ကာလအတန်ကြာဝေးနေတဲ့ သာယာလှပတဲ့ ကိဗ်မြို့ရဲ့ကောင်းကင်မှာ ပေါက်ကွဲသံတွေ၊ မီးတောက်မီးလျှံတွေ ယမ်းနံ့ ညှော်နံ့တွေ၊ စစ်ပြေးဒုက္ခသည်တွေနဲ့ ဝရုန်းသုန်းကားဖြစ်သွားတယ်။ အေးချမ်းတဲ့မြို့တစ်မြို့ဟာ ရုတ်ချည်း စစ်မြေပြင်အဖြစ် ပြောင်းလဲသွားတယ်။ 


မနေ့က ကျင်းပတဲ့ ကုလလုံခြုံရေးကောင်စီအစည်းအဝေးမှာ ရုရှ ရဲ့ ယူကရိန်းအပေါ် စစ်ရေးအရ ကျူးကျော်မှုကို အရေးယူဆောင်ရွက်ဖို့အဆိုဟာ ရုရှားရဲ့ ဗီတိုအာဏာနဲ့ ပယ်ချခြင်းခံလိုက်ရတယ်။ ဒါဟာ မဆန်းပါဘူး။ လုံခြုံရေးကောင်စီမှာ ဒီအဖြစ်မျိုးက ရိုးနေပါပြီ။ Might is right..။ စကားလုံးသုံးနှုန်းရာမှာတောင် " ပြစ်တင်ရှုတ်ချ" Condemned အစား "အလွန်အကျွံဝမ်းနည်း" Deplored လောက်ပဲ သုံးခွင့်ရခဲ့တယ်။ 

ခု ယူကရိန်းအဖြစ်အပျက်မှာ ဘာ့ကြောင့် အမေရိကန်က လက်ရှောင်နေသလဲ။ 

တစ်ချိန်က ကမ္ဘာ့ပုလိပ်ကြီးဟာ ခုတော့ တွင်းအောင်းသွားပါပြီ။ အမေရိကန်ဟာ ကမ္ဘာ့အရေးအခင်းတွေမှာ စစ်ရေးအရ ဝင်ရောက်တားဆီးမှု (military intervention ) မျိုး ဒီဘက်ခေတ်မှာ မလုပ်တော့ပါဘူး။ အထူးသဖြင့် လက်ရှိသမ္မတ ဘိုင်ဒင်ဟာ စစ်ရေးအရ ဝင်ရောက်စွက်ဖက်ရေးမူ ကို မကျင့်သုံးတော့တာပါ။ 

ယူကရိန်းဖြစ်စဉ်ကို ကြည့်ရင် ယူကရိန်းဟာ အမေရိကန်နဲ့ နယ်မြေချင်းဆက်နေတဲ့ အိမ်နီးချင်းလည်းမဟုတ်ဘူး။ အမေရိကန် စစ်စခန်းမရှိသလို မဟာဗျူဟာမြောက် ရေနံအရင်းအမြစ်လည်းမရှိ၊ အဓိက ကုန်သွယ်ဖက် နိုင်ငံလည်းမဟုတ်ဘူး။ 

ဒီလို အမျိုးသားအကျိုးစီးပွားနဲ့တိုက်ရိုက်ပတ်သက်မှု မရှိပေမယ့် အရင်သမ္မတတွေတုန်းကတော့ ကိုယ့်ရဲ့သွေးချွေး နဲ့ ဘဏ္ဍာ အရင်းအမြစ်တွေ အဆုံးရှုံးခံပြီး သူတစ်ပါးကိစ္စတွေမှာ ဝင်ရောက်ပတ်သက်ခဲ့တာတွေ ရှိခဲ့တယ်။ အရင် သမ္မတ ဘီလ်ကလင်တန်လက်ထက် ယူဂိုဆလားဗီးယားပြိုကွဲအပြီး ဖြစ်ပေါ်လာတဲ့ စစ်ပွဲမှာ စစ်ရေးအရ ပါဝင်စွက်ဖက်မှု ရှိခဲ့သလို သမ္မတအိုဗာမားလက်ထက် ၂၀၁၁ခုနှစ်၊ လစ်ဗျားပြည်တွင်းစစ်အရေးမှာလည်း လူသားချင်းစာနာမှုနဲ့ လူ့အခွင့်အရေးကို အကြောင်းပြုလို့ စစ်ရေးအရ အမေရိကန်ပါဝင်ခဲ့တယ်။ ၁၉၉၀ပြည့်နှစ်၊ သမ္မတ ဂျော့ ဒဗလျူဘုရ်ှလက်ထက်၊ ဆက်ဒမ်ဟူစိန်ရဲ့ကူဝိတ်သိမ်းပိုက်မှု တောရိုင်းဥပဒေကို တရားဥပဒေစိုးမိုးရေးခေါင်းစဉ်နဲ့ နိုင်ငံတကာညွန့်ပေါင်းတပ်တွေကို ဦးဆောင်ပြီး ဖယ်ရှားမှုတွေ ပြုလုပ်ပေးခဲ့တယ်။ 

ရုရှားက နိုင်ငံတကာ ငြိမ်းချမ်းရေးနဲ့ လုံခြုံရေးစည်းမျဉ်းတွေကို ချိုးဖောက်လာတဲ့အခါ ဘိုင်ဒင်ရဲ့ ထိပ်တန်းလုံခြုံရေးအကြံပေးတွေက ကူဝိတ်အရေးက အသုံးအနှုန်တွေအတိုင်း ပြောဆိုခဲ့ကြပေမယ့် ဒီတစ်ကြိမ်မှာတော့ စစ်ရေးထက် စီးပွားရေးအရ အရေးယူပိတ်ဆို့ရေးကိုပဲ အဓိကဦးတည်ပြောဆိုအကြံပေးကြတယ်။ 


ဘိုင်ဒင်သည် စစ်ရေးအရ ဝင်ရောက်တားဆီးရေးမူဝါဒ

 (Military interventionism) ကို လိုလားသူမဟုတ်။

တကယ်တော့ ဘိုင်ဒင်ဟာ စစ်ရေးအရ ဝင်ရောက်တားဆီးရေး မူဝါဒကို ယုံကြည်သူတစ်ဦးမဟုတ်ပါဘူး။ သူဟာ ၁၉၉၀ပြည့်လွန်နှစ်များက ဘောလ်ကန်ဒေသမှာ လူမျိုးစုအရေးပဋိပက္ခတွေကို အမေရိကန်က စစ်ရေးနည်းနဲ့ တုံ့ပြန်ဖြေရှင်းတာကို ထောက်ခံခဲ့သူပါ။ ကံအကြောင်းမလှတဲ့ ၂၀၀၃ ခုနှစ် အီရတ်ကျူးကျော်သိမ်းပိုက်မှုကိုလည်း ထောက်ခံအားပေးခဲ့တယ်။ ဒါပေမယ့် အဲဒီအချိန်ကစလို့ သူဟာ အမေရိကန်ရဲ့ တခြားနိုင်ငံပြဿနာတွေမှာ စစ်ရေးအရ ဝင်စွက်တာတွေကို စိတ်ပျက်စပြုလာခဲ့တယ်။ သူဟာ အိုဗားမားရဲ့ လစ်ဗျားအရေး စစ်ရေးဝင်ရောက်စွက်ဖက်မှုကို ဆန့်ကျင်ခဲ့သလို အာဖဂန်နစ္စတန်မှာ အမေရိကန်တပ်တွေ အများကြီး ချထားတဲ့ကိစ္စကိုလည်းဆန့်ကျင်ခဲ့တယ်။ ပြီးခဲ့တဲ့နှစ်က အမေရိကန်တပ်တွေ အာဖဂန်နစ္စတန်က ကသောကမျောနဲ့ ဆုတ်ခွါထွက်ပြေးခဲ့ရတဲ့ ဖြစ်စဉ်အပေါ် သူမှန်တယ်လို့ ခုထိယုံကြည်ထားတုန်းပဲ။ အဲဒီဆုတ်ခွါရေးအစီအစဉ်ကြောင့် တာလီဘန်တပ်တွေက တစ်ကျော့ပြန် အာဏာပြန်သိမ်းနိုင်ခဲ့ပြီး ဒီနေ့အထိ အာဖဂန်မှာ လူသားချင်းစာနာမှုဆိုင်ရာ ဘေးဒုက္ခတွေ ရင်ဆိုင်ကျန်ရစ်နေရတုန်းပဲ။ သူ့လက်အောက်မှာ နှစ်ပေါင်း ၂၀ကျော် တာဝန်ထမ်းဆောင်ခဲ့တဲ့ အင်တိုနီ ဘလစ်ကင် ဆိုတာလည်း အမျိုးသားလုံခြုံရေးဆိုတာ စစ်ရေးအရ ဝင်ရောက်စွက်ဖက်ခြင်းဆိုတာထက် ရာသီဥတုဖောက်ပြန်မှု တားဆီးရေး၊ ကပ်ရောဂါ တိုက်ဖျက်ရေးနဲ့ တရုတ်ကို ယှဉ်ပြိုင်န်ုင်ရေး လို့ ပိုပြီးခံယူထားတယ်။ 

ရုရှား-ယူကရိန်းအရေးနဲ့ပတ်သက်လို့ မကြာသေးခင်က ပြုလုပ်ခဲ့တဲ့ စစ်တမ်းတစ်ခုမှာလည်း အမေရိကန်ပြည်သူ ၇၂%က ဒီပြဿနာမှာ အမေရိကန်အနေနဲ့ အပေါ်ယံလောက်ပဲ ပါဝင်ပတ်သက်သင့်တယ်လို့ ဖြေကြပြီး ကျန်တဲ့သူတွေကတော့ လုံးဝမပါသင့်ဘူးလို့ ဖြေတာ တွေ့ရတယ်။ သူတို့စိတ်ဝင်စားတာ သာမန်ကိစ္စတွေဖြစ်တဲ့ ကုန်ဈေးနှုန်းမတက်ရေး စတာတွေပါပဲ။ 

ဝါရှင်တန်မှာရှိတဲ့ အမေရိကန် ဥပဒေပြုအမတ်တွေကလည်း အရေးယူပိတ်ဆို့မှုကို အပြင်းအထန်ပြုလုပ်ဖို့ကိုပဲ အဓိက တိုက်တွန်းနေကြတယ်။ နာမည်ကျော် ရီပတ်ဘလစ်ကင် ဆီနေတာ တက်ဒ် ခရုဇ် ကိုယ်တိုင်က အမေရိကန်စစ်သားတွေကို ယူကရိန်းလွှတ်ပြီး ပူတင်နဲ့ အပြန်အလှန်ပစ်ခတ်တာမျိုး ဘိုင်ဒင်ကို မလုပ်စေချင်ဘူး။ ရီပတ်ဘလစ်ကင် ဆီနေတာ မာကို ရူဘင်ကဆို ကမ္ဘာ့ထိပ်တန်း နျူးကလီးယားလက်နက်ပိုင်ဆိုင်တဲ့ နိုင်ငံကြီးနှစ်ခုကြား စစ်ဖြစ်လို့ ဘယ်သူ့အတွက်မှ အကျိုးမရှိဘူးလို့ဆိုတယ်။ 

သမ္မတ ဘိုင်ဒင်အနေနဲ့လည်း နျူးကလီးယားလက်နက် တောင်ပုံရာပုံ ပိုင်ဆိုင်ထားတဲ့ ပူတင်နဲ့ ထိပ်တိုက်မတွေ့လိုဘူး။ ယူကရိန်းမှာ အမေရိကန်နဲ့ ရုရှထိပ်တိုက်တွေ့ကြလို့ " ကမ္ဘာစစ်ကြီး" ဖြစ်လာနိုင်တဲ့ အခြေအနေမျိုး မဖြစ်ချင်ဘူး။ 

" ဒါဟာ အကြမ်းဖက်အဖွဲ့အစည်းတစ်ခုနဲ့ ကျွန်တော်တို့ ရင်ဆိုင်နေရတာ မဟုတ်ဘူး။ ကမ္ဘာမှာ အကြီးဆုံးဆိုတဲ့ စစ်တပ်ကြီးတစ်ခုနဲ့ ရင်ဆိုင်ရတာဖြစ်တယ်။ ဒါဟာ အင်မတန်ခက်ခဲတဲ့ အခြေအနေတစ်ခုပါ။ အချိန်မရွေး မမျှော်မှန်းနိုင်တာတွေ ဖြစ်သွားနိုင်တယ်။" လို့ အန်ဘီစီ သတင်းနဲ့တွေ့ဆုံရာမှာ ပြောသွားခဲ့တယ်။

ယူကရိန်းအရေးမှာ စစ်ရေးအရ အမေရိကန် ဝင်မပါရတဲ့ နောက်တစ်ချက်က ယူကရိန်းဟာ နေတိုးအဖွဲ့ဝင် မဟုတ်တာပဲ။ ယူကရိန်းသာ နေတိုးအဖွဲ့ဝင်ဆိုရင် စာချုပ်အရ အမေရိကန် မပါမဖြစ် ပါဝင်ရတော့မယ်။ ခုကိစ္စမှာလည်း ရုရှားရဲ့ အဓိက လိုလားချက်က ယူကရိန်း နေတိုးအဖွဲ့ဝင် ဖြစ်မလာရေးပဲ။ ယူကရိန်းကို နေတိုးအဖွဲ့ဝင်ဖြစ်မလာစေဖို့ အာမခံချက်ကို ရုရှားက လိုလားတယ်။ 

ဒါ့ကြောင့် ဘိုင်ဒင်ဟာ အမေရိကန်တပ်တွေကို ဥရောပ စေလွှတ်ခဲ့တာဖြစ်တယ်။ အကယ်၍ နေတိုးအဖွဲ့ဝင် နိုင်ငံတစ်ခုခု တိုက်ခိုက်ခံရမယ်ဆိုရင်တော့ ဒီစစ်ပွဲမှာ အမေရိကန် မပါမဖြစ် ပါလာရတော့မယ်။ 


ခုချိန်မှာတော့ ယူကရိန်းနယ်မြေထဲ ကျူးကျော်ဝင်ရောက်သွားတဲ့ ရုရှားတပ်တွေဟာ အဓိကကျတဲ့မြို့ကြီးတွေကို ထိန်းချုပ်ဖို့ ကြိုးစားနေသလို ယူကရိန်းတပ်များနဲ့ ခုခံရေးသမားတွေကလည်း ရသမျှလက်နက်တွေနဲ့ ခံချနေကြရတယ်။ ဒီအခြေအနေကို ကြည့်ရင် ကမ္ဘာကြီးမှာ ကြီးနိုင်ငယ်ညှဉ်း တောတွင်းဥပဒေ( Jungle law )တွေ၊ လက်နက်အင်အားရှိရင် ဘာမဆိုတရားမျှတတယ်ဆိုတဲ့ အယူအဆတွေ အားကောင်းလာနေပြီလားလို့ မေးခွန်းထုတ်စရာဖြစ်လာတယ်။ တကယ်အရေးကြုံလာတဲ့အခါ နိုင်ငံတွေဟာ ကိုယ့်အားကိုယ်ကိုးရုံမှတစ်ပါး UN ဆိုတာလည်း အရေးမပါတော့တဲ့ အဖွဲ့အစည်းတစ်ခုလို အယုံအကြည်ကင်းမဲ့လာနေတဲ့အကြောင်းပါ..။ 


# CWM

26-2-2022


Credit - Chit Win Maung


ဆက်ဖတ်ရန် →

Designer Water က တပ်ပိုင်စက်ရုံတွေက ထုတ်တဲ့ တပ်ပိုင် ရေသန့်

📅 💬 မှတ်ချက်

​ငယ်ငယ်ကပေါ့ ရေသန့်ဆို ဘူးလှလှလေးမှ ဝယ်သောက်ချင်ခဲ့မိတာ..

မှတ်မှတ်ရရ ဒီဇိုင်နာ ရေသန့် ထွက်လာတော့ ဘူးခွံလေးလှတယ်ဆိုပြီး သိခဲ့တယ်။

ကိုယ်တောင် လေ့လာမေးစမ်းပြီးမှ သိခဲ့ရတာ... Designer Water က တပ်ပိုင်စက်ရုံတွေက ထုတ်တဲ့ တပ်ပိုင် ရေသန့် ပဲ။ ‼️


အခုချိန်ထိ ဈေးကွက်ထဲ မြင်နေရသေးတယ်။ 


ပြည်သူတွေ အမောပြေဖို့ သောက်သုံးလိုက်တဲ့ ရေသန့်ဟာ သန့်ရှင်းသော ရေသန့်ဖြစ်နေဖို့လိုပါတယ်။ ဒီလို ယုတ်မာရိုင်းစိုင်းတဲ့ ကြင်စိုးပိုင်တဲ့ ရေသန့်ဟာ ဘယ်နည်းနဲ့မှ သန့်ရှင်းမနေနိုင်ပါဘူး။ 


တပ်ပိုင် Designer Water ကို သပိတ်မှောက်ကြပါ။ မသုံးကြပါနဲ့ ✊✊


တပ်ပိုင်ပစ္စည်းတွေ သပိတ်မှောက်ဖို့ Ma Thone Nae Boycott application ကို Google playstore မှာ အခုပဲ ဒေါင်းလုတ်ရယူထားပါ။

https://play.google.com/store/apps/details?id=com.mttboycottapp.boycott_app


#Ma_Thone_Nae #Boycott_Military_products #Designerwater


ဆက်ဖတ်ရန် →

ကမ္ဘာ့အခင်းအကျင်းသစ်ထွက်ပေါ် လာမည်လော

📅 💬 မှတ်ချက်

​27/2/2022 

      ရုရှား-ယူကရိန်းစစ်ပွဲသည် ကမ္ဘာကြီးအားပြင်းပြင်းထန်ထန် ရိုက်ခတ်သည်။ ထိုစစ်ပွဲသည် သာမန်နိုင်ငံနှစ်ခုကြား ဖြစ်ပွါးသည့်စစ်ပွဲထက်များစွာပိုသည်။ယူကရိန်းနောက်တွင် အမေရိကန်နှင့်အနောက်အင်အားစုရှိသည်။ စစ်မြေပြင်တွင်သာမက နိုင်ငံရေး၊ စီးပွါးရေး၊ နည်းပညာဖက်ပေါင်းစုံမှ တိုက်ခိုက်နေကြသည့်ပွဲဖြစ်သည်။ အနောက်နှင့်ရုရှားတို့၏ အားပြိုင်ပွဲဖြစ်နေသည်။ 


      ဆိုဗီယက်ယူနီယံပြိုကွဲပြီးနောက် ပြန်လည်ခေါင်းထောင်ထလာသည့် ရုရှား၏ အားစမ်းပွဲလည်းဖြစ်သည်။ အင်အား၊ နည်းပညာ၊ သယံဇာတရင်းမြစ်တစုံတရာရှိသည့်အပြင် ကမ္ဘာအကျယ်ဆုံးမြေပြင်ကို ပိုင်ဆိုင်ထားသူ၊ တချိန်က အင်အားကြီးနိုင်ငံဖြစ်ခဲ့ဘူးသော ရုရှားက ကမ္ဘာ့နိုင်ငံရေး၊ စီးပွါးရေးဇတ်ခုံတွင် အရေးပါသည့် ဥရောပသို့ ပြန်လည်တိုးဝင်လာခြင်းလည်းဖြစ်သည်။ ယခင်ဆိုဗီယက်ယူနီယံကာလကကို ပြန်လည်တမ်းတလာခြင်းလည်းဖြစ်နိုင်သည်။ သို့သော် ရုရှားတွင် အားနည်းချက်တခုရှိသည်မှာ ဆို ဗီယက်ယူနီယံပြိုကွဲပြီးနောက် တပြည်လုံး‌ကို စုစည်းခေါင်းဆောင်နိုင်သည့် ကွန်မြူနစ်ပါတီပြိုကွဲသွားသည်။ အမျိုးသားရေးဝါဒီများ ကြီးစိုးနေသည်။ နိုင်ငံတွင်းတွင် လက်ရှိသမတပူတင်သည်ပင် အုပ်ချုပ်ရေးအာဏာချုပ် ကိုင်ထားနိုင်သော်လည်း ရုရှားတပြည်လုံးအား နိုင်ငံရေးအရ၊ စိတ်ဓါတ်ရေးရာအရစုစည်းနိုင်စွမ်းမရှိပေ။ စစ်ပွဲစသည်နှင့် ရုရှားပြည်အတွင် စစ်ဆန့်ကျင်ရေးလှုပ်ရှားမှုများ ပေါ် လာသည်ကို တွေ့နေရသည်။ ရုရှားပြည် တွင်း၌ စစ်ဆန့်ကျင်သူများ၊ မီဒီယာများအား စတင်နှိပ်ကွပ်ဖမ်းဆီးနေရပြီဖြစ်သည်။ 


     ယူကရိန်းအဖို့ ရုရှားစစ်တပ်၏အကျူးကျော်ခံဖြစ်ပေရာ မလွဲမရှောင် သာ ခုခံစစ်ကို ဆင်နွှဲရပေမည်။ ထို့ပြင် ယူကရိန်းအစိုးရတွင် မည်သည့် အားနည်းချက်ရှိသည်ဖြစ်စေ၊ ရုရှားက ကျူးကျော်နေချိန်တွင် သူ့တိုင်း ပြည်လူထုအား စိတ်ဓါတ်ရေးရာအရ  စုစည်းနိုင်စွမ်းရှိသည်။ ထို့ပြင် နေတိုးစစ်စာချုပ်အဖွဲ့ဝင်များအနေနှင့် ကိုယ်တိုင်ဝင်မတိုက်သော်လည်း မိမိနယ်စပ်နားရောက်လာနိုင်သော ရုရှားတပ်အားခုခံကာကွယ်သည့် ယူကရိန်း အား စစ်လက်နက်ပစ္စည်းအပါ ကူနိုင်မည့် အရာအားလုံးကူညီကြမည်သာ ဖြစ်သည်။ 


      နေတိုး၏ အဓိကအခန်းကပါဝင်သော အမေရိကန်သည်လည်း စစ်ပွဲအတွင်း ကိုယ်တိုင်မပါဝင်သော်လည်း စစ်လက်နက်ပစ္စည်းအပါအဝင် ဖက်စုံက ကူညီကြမည်သာဖြစ်သည်။ အမေရိကန်၏  ထူးခြားချက်မှာပြည်တွင်းရှိ အဓိကပါတီကြီး နှစ်ခုသည် ပြည်တွင်း၌ မည်သည့်သဘောကွဲလွဲချက်

ရှိသည်ဖြစ်စေ ရုရှားနှင့်ရင်ဆိုင်ရာတွင် ညီကြသည်။ လက်ရှိအချိန်တွင် အမေရိကန်အား ယူကရိန်းစစ်ပွဲတွင် ကိုယ်တိုင်ဝင်မတိုက်သဖြင့် ပစ်တင်မှုများရှိနေသည်။ သို့သော် တဖက်ကကြည့်လျင် အမေရိကန်သည် ရုရှား ယူကရိန်းစစ်ပွဲနှင့်ပတ်သက်၍ ပို၍ကြီးမားသည့် မဟာဗျူဟာ ချထားသည်လည်းဖြစ်နိုင်သည်။ အမေရိကန်သည် ကိုယ်တိုင်မပါဝင်ဘဲ ရုရှားအား ယူကရိန်းစစ်ပွဲ၊ ထိုထက်အနည်းငယ်ကျယ်ပြန့်ပါက ဥရောပနိုင်ငံအချို့တွင်ပါ ဖြစ်ပွါးသည့်စစ်ပွဲအတွင်း ရုရှားအား ဆွဲနှစ်ရန်အတွက် ပြင်ဆင်နေခြင်းလည်းဖြစ်နိုင်သည်။ 


     ဤအချက်ကို ရုရှားတို့လည်း ကောင်းစွာသိပုံရသည်။ စစ်ပွဲအား အချိန်တိုအတွင်း အဆုံးသတ်နိုင်ရန် ကြိုးစားနေပုံရသည်။ စစ်ပွဲရှည်ကြာလျင် ရုရှားတို့အဖို့ စစ်ရေးအရသာမက နိုင်ငံရေး၊စီးပွါးရေးပါ ထိခိုက်နိုင်ပေသည်။ သို့သော်လည်း စစ်ပွဲတပွဲသည် အစပြုရန်လွယ်သလောက် အဆုံး သတ်ရန်ခက်ခဲတတ်ပေသည်။ လက်ရှိ ယူကရိန်းအား ဗြောင်အတိအလင်း စစ်ရေးအထောက်အပံ့ပေးနေသည့် နေတိုးအဖွဲ့ဝင်နိုင်ငံများကို ရုရှားက မည်သို့တုန့်ပြန်မည်ဆိုသည်က စစ်ပွဲအတွက် အရေးပါသောအချက်ဖြစ်နေ သည်။ 


     ဤအားပြိုင်ပွဲတွင် ထည့်မတွက်၍မရသည့် ဇတ်ကောင်တကောင်မှာ တရုတ်ဖြစ်သည်။ ကမ္ဘာ့အင်အားကြီးနိုင်ငံတနိုင်ငံအဖြစ်သို့ တက်လှမ်းရန် ကြံရွယ်နေသော တရုတ်တို့သည် ဤပွဲတွင် နှစ်ဖက်ထိမ်းညှိ၍ ရပ်တည်နေသည့်အခန်းက ဝင်ပါနေသည်။ ရုရှားဖက်ကဆိုလျင် စီးပွါးရေးအကျိုးအ မြတ်ရမည်။ အမေရိကန်-ကိုရီးယားစစ်ပွဲ၊ အမေရိကန်-ဗီယက်နမ် စစ်ပွဲကာလက ဂျပန်တို့ အမေရိကန်ထံမှာ စီးပွါးရေးအကျိုးအမြတ်ရရှိခဲ့သည်။ အ လားတူပင် လက်ရှိ ရုရှား-ယူကရိန်းစစ်ပွဲကြာရှည်ပါက ရုရှားထံမှ တရုတ်တို့ စီးပွါးရေးအကျိုးအမြတ်အများအပြားရရှိနိုင်သည်။ တဖက်ကလည်း အမေရိကန်နှင့် သူမဟာမိတ်များ တောင်တရုတ်ပင်လယ်၊ တိုင်ဝမ်အရေးများအပါ တရုတ်တို့အပေါ် ထားသည့် ဖိအားများလျော့ကျနိုင် သည်။ အမေရိကန်နှင့်စီးပွါးရေးညှိနှိုင်းမှုများ ပြုလုပ်ရန် အခွင့်အလမ်းပေါ်လာသည်။ 


     တရုတ်တို့အဖို့ ပြည်တွင်း စီးပွါးရေးအခြေအနေက ရုရှားထက်အများကြီးကောင်းသည်။ နိုင်ငံရေးအခြေအနေအရလည်း တရုတ်ပြည်တွင်း တရုတ်ကွန်မြူနစ်ပါတီ၏ အခြေအနေသည် ၁၉၄၉ တပြည်လုံးလွတ် မြောက်ပြီးနောက် ခေတ်သစ်တွင်တပြည်လုံးအားစုစည်းနိုင်သည့် နိုင်ငံရေးပါတီတရပ်အနေနှင့် ဂုဏ်တက်ခဲ့သည်။ ၁၉၆၆ ယဉ်ကျေးမှုတော်လှန်ရေးကာလတွင် မည်သို့သောအမှားများကျူးလွန်ခဲ့သည်ဆိုသော်လည်း တရုတ်ပါတီ၏ ဩဇာအာဏာတည်‌ဆောက်နိုင်ခဲ့သည်။ ၁၉၈၀ ခုနှစ် စီးပွါးရေးပြောင်းလဲမှုများပြုလုပ်ပြီးနောက် ၁၉၉၀ ခုနှစ်ခန့်တွင် ဝရုန်းသုန်းကားအခြေအနေများ ကြုံခဲ့ရသော်လည်း ၂၀၀၀ ခုနှစ်မှစ၍ တရုတ်ပြည်ကြွယ်ဝချမ်းသာလာသောအခါ တရုတ်ပြည်အား ချမ်းသာကြွယ်ဝအောင်လုပ်ပေးနိုင်သော ပါတီအဖြစ် အသိအမှတ်ပြုခံရသည်။ လက်ရှိအချိန်တွင် တရုတ်ကွန်မြူနစ်ပါတီအား တရုတ်အများစုတို့ယုံကြည်သဘောထားပုံမှာ အယူ ဝါဒများပေါ်တွင်အခြေမခံပေ။ တရုတ်ပြည်အား အားကောင်းမောင်းသန်ဖြစ်စေပြီး ကြွယ်ဝချမ်း သာအောင်လုပ်ပေးနိုင်သည့် တရုတ်အမျိုးသားပါတီတရပ်အဖြစ် သဘောထားသည်။ ထို့ကြောင့် တရုတ်တို့သည် ပြည်တွင်း၌ အမျိုးသားစည်းလုံးညီညွတ်ရေးကို ထိမ်းသိမ်းထားနိုင်သည်။ 


   လက်ရှိယူကရိန်းစစ်ပွဲသည် အီရတ်စစ်ပွဲ၊ အာဖဂန်စစ်ပွဲတို့နှင့်မတူပေ။ ရုရှားနှင့် အနောက်တို့ နယ်ပယ်ပေါင်းစုံ၌ အားပြိုင်ကြသည့် ပွဲဖြစ်သည်။ ထို့ပြင် တရုတ်ဆိုသည့် အင်အားကြီးနိုင်ငံတနိုင်ငံ ထွက်ပေါ်လာပြီး ကမ္ဘာလုံးဆိုင်ရာ စီးပွါးရေးအခင်းအကျင်းများ ရေးဆွဲနေသည့်ကာလတွင် ထွက်ပေါ်လာသည့် စစ်ပွဲဖြစ်သည်။ လက်ရှိကမ္ဘာတွင် အမေရိကန်နှင့်သူ၏မဟာ မိတ်များက နိုင်ငံရေး၊စစ်ရေးနယ်ပယ်တွင် အထိုင်ကျနေသည်။ အင်အား အသာရနေသည်။ ဘဏ္ဏာရေး၊ စီးပွါးရေးနယ်ပယ်တွင်လည်းအသာရနေသည့်ကာလဖြစ်သည်။ ရုရှားအဖို့ လျှောကျသွားသော သူ၏စူပါပါဝါအား ပြန်လည်တည်ဆောက်ရန် ကြိုးပမ်းနေသည့်ကာလဖြစ်သည်။တရုတ်ကတော့ ကမ္ဘာ့အခင်းအကျင်းတွင် နိုင်ငံရေးအရ၊ စစ်ရေးအရ အသစ်ပေါ်လာသည့် စူပါဝါတခုဖြစ်သည်။ ဘဏ္ဏာရေး၊ စီးပွါးရေးနယ်ပယ်တွင် ဈေးကွက်အသစ်ဖန်တီးရယူနေသည့်ကာလဖြစ်သည်။ ကမ္ဘာအင်အားကြီးနိုင်ငံများ ပြိုင်ဆိုင်မှုများကြားမှ ကမ္ဘာ့အခင်းအကျင်းသစ်များ ပေါ်ထွက်လာလေ့ရှိရာ ယခုကာလတွင်လည်း ကမ္ဘာ့အခင်းအကျင်းသစ် ပေါ် ထွက်လာမည်လောဆိုသည့် ဂရုပြု စောင့်ကြည့်ရန်လိုသည်။ ရုရှားယူကရိန်းစစ်ပွဲရှည် ကြာပါက ထိုအခင်းအကျင်းသစ်သည် ထွက်ပေါ်လာတော့မည်ဖြစ်သည်။ကမ္ဘာ့လုံးဆိုင်ရာ အခင်းအကျင်းသစ်ပေါ်ထွက်လာပါက မည်သည့်နိုင်ငံမဆို လိုက် လျောညီထွေအောင် ပြောင်းလဲကြရပေတော့မည်။ 


      မြန်မာပြည်သည် ကိုယ့်အိမ်တွင်းရေးနှင့်ကိုယ်အပူမိနေသည့် တိုင်းပြည်တခုဖြစ်သည်။ ယူကရိန်းစစ်ပွဲကို အလေးမထားနိုင်သည့် အခြေအနေမျိုးဟုဆို၍ရပါသည်။  သို့သော်လည်း ထိုစစ်ပွဲ

၏အကျိုးဆက်အဖြစ် ကမ္ဘာ့အခင်းအကျင်းသစ်ပေါ်လာနိုင်သည်ကို သတိပြုရန်လိုအပ်သည်။ ထိုအခင်းအကျင်းသစ်ပေါ်ပေါက်လာပါက မိမိတိုင်းပြည်၊ မိမိပြည်နယ်အတွက် အကျိုးရှိသောအခြေ အနေဖန်တီးပြီး လိုက်ပါနိုင်ရန် မြန်မာ့နိုင်ငံရေး၊ စစ်ရေး နယ်ပယ်များမှ သော့ချက်ကျသူများ သတိ ချပ်ရန်လိုအပ်ပေလိမ့်မည်။ 


မောင်မောင်စိုး


ဆက်ဖတ်ရန် →

ဘယ်လာရုစ်နယ်စပ်မှာ ရုရှားနဲ့ဆွေးနွေးဖို့ ယူကရိန်းသဘောတူ

📅 💬 မှတ်ချက်

​


ရုရှားသမ္မတ Vladimir Putin က နျူကလီးယား တားဆီးရေးဆိုင်ရာ ရုရှားတပ်တွေကို အဆင့်မြင့် သတိပေးချက် တပ်လှန့်တဲ့အမိန့် ထုတ်ပြန်ထားလိုက်ချိန်မှာပဲ ယူကရိန်းက ရုရှားနဲ့ ဆွေးနွေးမှုတွေကို ဘယ်လာရုစ်နယ်စပ်မှာ ကျင်းပဖို့ သဘောတူလိုက်ပါတယ်။


ယူကရိန်းကို ရုရှားကျူးကျော်မှုကြောင့် အနောက်နိုင်ငံတွေနဲ့ တင်းမာမှုတွေ တိုးလာချိန်မှာပဲ သမ္မတ Putin က တိုက်ခိုက်ရေးအထူးတပ်ဖွဲ့ထဲမှာ နျူကလီးယား တားဆီးရေး တပ်တွေကိုပါ ထည့်သွင်းချထားဖို့ ရုရှားကာကွယ်ရေးဝန်ကြီးကို တနင်္ဂနွေနေ့မှာ ပြောကြားခဲ့တာ ဖြစ်ပါတယ်။


NATO ခေါင်းဆောင်တွေဟာ ရုရှားစီးပွါးရေး အထိနာစေမယ့် ဒဏ်ခတ်မှုတွေ ချမှတ်ပြီး ရန်လိုတဲ့ ကြေညာချက်တွေ ထုတ်ပြန်နေတယ်လို့လည်း သမ္မတ Putin က ရုရှားအရာရှိတွေကို ပြောကြားခဲ့တာပါ။


သမ္မတအိမ်ဖြူပြောခွင့်ရ Jen Psaki ကတော့ သမ္မတ Putin ဟာ မရှိတဲ့ ခြိမ်းခြောက်မှုတွေကို ဖန်တီးပြီး သူ့ရဲ့ ရန်လိုတဲ့လုပ်ရပ်တွေ ထပ်လုပ်ဖို့ ကြိုးစားနေတာဖြစ်ကြောင်း၊ တကယ်ဆို ရုရှားကို NATO ကရော ယူကရိန်းကပါ ဘာမှ ခြိမ်းခြောက်ထားတာ မရှိကြောင်း ABC ရုပ်သံအစီအစဉ်ကို ပြောပါတယ်။


အကြီးတန်း ရုရှား ကာကွယ်ရေးအရာရှိတဦးကလည်း အခုလို နျူကလီးယား တားဆီးရေး တပ်တွေကို တပ်လှန့်ထားဖို့ ရုရှားရဲ့ ဆုံးဖြတ်ချက်ဟာ မလိုအပ်သလို အရှိန်ပိုမြင့်လာစေတယ်လို့ သတိပေးပါတယ်။ ဒါ့အပြင် အမေရိကန်နဲ့ မဟာမိတ်တွေ အနေနဲ့ ကိုယ့်မြေကိုရော ကိုယ့်မိတ်ဆွေတွေကိုပါ ကာကွယ်နိုင်စွမ်းရှိကြောင်း ပြောပါတယ်။


တချိန်တည်းမှာပဲ ယူကရိန်းသမ္မတ Volodymyr Zelenskyy က ရုရှားနဲ့ ကြိုတင်ကန့်သတ်ချက် တစုံတရာမရှိတဲ့ ငြိမ်းချမ်းရေး ဆွေးနွေးပွဲကို စတင်ဖို့ Pripyat မြစ်အနီး ဘယ်လာရုစ်နယ်စပ်ကို ကိုယ်စားလှယ်အဖွဲ့တဖွဲ့ စေလွှတ်ဖို့ သဘောတူကြောင်း ကြေညာချက်ထုတ်ပြန် ပြောဆိုပါတယ်။


အစောပိုင်းကတော့ ရုရှားဟာ ယူကရိန်းကိုတိုက်ဖို့ ဘယ်လာရုစ်ကနေ လုပ်ဆောင်တာကြောင့် ဘယ်လာရုစ်မှာ ပြုလုပ်မယ့် ဆွေးနွေးပွဲကို တက်မှာမဟုတ်ကြောင်း ယူကရိန်းသမ္မတက ပြောကြားခဲ့တာပါ။


#RussiaUkraine #UkraineBelarus #VolodymyrZelenskyy #VladimirPutin #VOABurmese


ဆက်ဖတ်ရန် →

တနလ်ာနေ့ က စပြီး ကမ္ဘာမှာဘာဖြစ်နိူင်သလဲ?

📅 💬 မှတ်ချက်



ရုရှား ဘဏ်များအား Swift code အသုံးပြုခွင့်မရတာကြောင့် ရုရှား၏ impory &export လုပ်ငန်းအများစုရပ်တန့်သွားမယ်။ 


ထို့အပြင် ရုရှား၏ ပြင်ပမှာထားတဲ့ အရံငွေ ဒေါ်လာ ၆၆၀ ဘီလီယံကို freeze လုပ်တော့မှာဖြစ်၍ ရုရှား ငွေကြေးဖြစ်တဲ့ ရူဘီးဟာ တန်ဖိုးပြိုကျမယ်။ 


ရူဘီးငွေတန်ဖိုးပြိုကျမယ်ဆိုရင် ရုရှားမှာ import လုပ်ရတဲ့ ကုန်တွေ ပစ္စည်းစျေးတက်မယ်ဆိုပါတယ်။ ဒါတ်ုရင်ရုရှားတွေဟာ ဘဏ်ကငွေတွေအကုန်ပြန်ထုတ်ကြမှာဖြစ်၍ ဘဏ်တချို့ဒုက္ခရောက်နိုင်တယ်။ အခန့်အသင့်ရင်ပြိုကျနိုင်တယ်ဆိုတယ်။


ထို့အပြင်ရုရှားဗဟိုဘဏ်မှာစုထားတဲ့ အရံရွှေ တွေကို ထုတ်ရောင်းဖို့လည်း swift code ဖြင့်ပေးချေတာတွေလိုတာဖြစ်၍ ရုရှားဟာ သူ့ငွေကြေးကိုကျားကန်ပေးဖို့ခက်မယ်ဆိုပါတယ်။ ထို့အတွက် ရုရှားမှာ financial problem ဖြစ်မယ်ဆ်ိုတယ်


ဒါကတော့ ရုရှားအပေါ်ချမှတ်ထားတဲ့ financial sanctions တွေနှင့် ပက်သက်၍ ရုရှား မှာ ဘာဖြစ်နိူင်တယ်ဆိုတာ ကို နိုင်ငံတကာက ဘဏ္ဍာရေးကျွမ်းကျင်သူတွေသုံးသပ်တာ ထဲက ကောက်နှတ်ထားတာဖြစ်ပါတယ်။


နောက်တခုက ရုရှားဟာကမ္ဘာနှင့်ဆက်စပ်နေတဲ့အင်အားကြီး တိုင်းပြည်ဖြစ်ပါတယ်။ ထို့အတွက် ယခု swift code အသုံးပြုခွင့်ပိတ်ပင်ထားခြင်းခံရတဲ့ ရုရှားဘဏ်တွေ၏ အဓိက investers တွေဟာ အနောက်တိုင်းက သူဌေးတွေဖြစ်နေပါတယ်။ ထို့အပြင် ဥရောပတိုက်ဟာ ယနေ့အခ်ျန်မှာ ရုရှား၏ gas ကိုမှီခိုနေရပါတယ်။


ဒါကြောင့် အကယ်၍စစ်ပွဲဟာနောက် ၁၀ရက် အတွင်းဘယ်သူအနိုင်အရှူံးဆိုတာအပေါ်ရင် ဥရောပ၏ financial center တွေလည်း ကမောက်ကမဖြစ်ပြီဆိုပါတယ်။


ဒါကြောင့် လာမည့်တနလ်ာနေ့မှာ ရုရှားမှာ ဘဏ်တွေမပြိုကျအောင်ထိန်းနိုင်ရင်တောင် နောက် ၁၅ရက်လောက်မှာ ရုရှားဟာ ဥရောပ၏ ဘဏ္ဍာရေးပျက်ကပ်နှင့်အတူ ရုရှားဟာ ထပ်အထိနာမယ်ဆိုရမှာပါ။


ဒါကြောင့် ဘာဖြစ်လို့ ဥရောပဟာ သူတို့အထိနာမည်မှန်းသိရဲ့နှင့် ရုရှားကို ဆော်ရသလဲဆိုရင် အကယ်၍ ယခုအတိုင်းထိုင်ကြည့်နေမယ်ဆိုရင် ပူတင်ဟာ ဥရောပကို ကျူးကျော်လာမည်ဟုယူဆ၍ ဖြစ်တယ်။


ဒါကြောင့် ရုရှား၏ war machine ကို အထောက်အပံဖြစ်နေတဲ့ ရုရှား၏ ဘဏ္ဍာရေးစင်တာကို အရင်ဖြိုချပြီး စစ်ကိုတားနေရတယ်ဆိုပါတယ်။


ဒါဆိုရင် ကျွန်တော်တို့နေတဲ့ အာရှကောဘာဖြစ်နိူင်သလဲ။


ဥရောပနှင့် အမေရိကဆိုတာ ကမ္ဘာ၏ ဘဏ္ဍာရေးစင်တာတွေဖြစ်ပါတယ်။


ဥရောပနှင့် အမေရိကားမှာ တခုခုဖြစ်ရင် တကမ္ဘာလုံးအထိနာတတ်ပါတယ်။

Financial system အတော်ကျန်းမာတဲ့တိုင်းပြည်တွေသာ အထိနာမှုသက်သာတာပါ။ 


ဒါကြောင့် ဘဏ်စနစ်အရမ်းကောင်းတဲ့တိုင်းပြည်ကလွဲရင် ကျန်တစ်ကမ္ဘာလုံးဟာ ဥရောပမှာ ရထားနှစ်စင်း ပြိုင်တိုက်ကြတဲ့ အရှိန်ကြောင့် အားလူံးအထိနာသွားပြီဆိုရမှာပါ။


ကမ္ဘာတဝှမ်းမှ ပညာရှင်များ၏ သုံးသပ်မှုကိုကောက်နှတ်တင်ပြထားခြင်းဖြစ်ပါတယ်။


ကမ္ဘာသူ ကမ္ဘာသားများ စိတ်ဆင်းရဲခြင်းကင်းကြပါစေ။


(မြန်မာပြည်အရေးကတော့ နိုင်ငံခြားမှာ ဘဏ္ဍာရေးပြဿနာမတက်ခင်ကတည်းက ကိုယ့်ဆီက ဘဏ်တွေသိပ်ပြီးလည်ပတ်နိုင်တာမဟုတ်၍ အဆိုးကိုအဆိုးထပ်တာဖြစ်၍ သိပ်ပြီးမစဉ်းစားတော့ပါဘူး။ ဘာဖြစ်နိူင်သလဲဆိုတာ မိမိသာမိမိ ဖြည့်တွေးပါတော့။)


Myat Maw

ဆက်ဖတ်ရန် →

ဒီနေ့ည ရုရှားတပ်တွေ ထပ်တိုးချမယ်ပြော

📅 💬 မှတ်ချက်

​Ambush မိလိုက်တဲ့ သံချပ်ကာယာဉ်တန်းတွေ 

တင့်တွေဆိုတာ မြင်လို့တောင်မကောင်းဘူး မင်းတို့ကိစ္စ -

ကိုယ်တွေဆီမှာတော့ ရုရှားဘက်ကနေ စွတ်လော်နေတာပဲ -


T-72B3 တွေ၊ Tiger-M IFV, Ural-4320 Zvezda-V,

MT-LB ,  BM-21 Grad , BMP-2, TMM-3M2, 

BMD-4M , MT-LB, 2K22M1 Tungaska-M1 

အဲ့လို Armor အစုံကို အတန်းလိုက်တွေမိတာ 😬


ယူကရိန်းတွေမှာက  NLAW တွေ Javelin တွေလို 

ATGM တွေအပြင် တစ်ခြားအပေါ့စား Anti-Armor 

Guided Weapon တွေကို ရှယ်သုံးနေတာ။ 

အခုချိန်ထိတော့ သူတို့ လေကြောင်းရန်ကာကွယ်ရေးစနစ်လဲ 

အားကောင်းနေဆဲပဲ၊ ပခုံးထမ်း MANPADA တွေကလဲ

နေရာအနှံ့ပြန့်ကျဲနေတုန်းပဲ၊  ဝေဟင်မှာလဲ Fighter တွေနဲ့ 

တက်ဖုတ်နိုင်နေသေးတယ်။


ထင်သလောက်လဲမလွယ်ဘူး အခုအထိတော့ ရုရှားတွေလဲ 

အဲ့လောက်ကြီးဘက်ပေါင်းစုံထိုးစစ် အကြီးအကျယ်နဲ့ 

အဆင့်မြင့်လက်နက်တွေ ထုတ်သုံးတာ မတွေ့သေးဘူး။


ဒီနေ့ညတော့ ရုရှားတပ်တွေ ထပ်တိုးချမယ်ပြောတယ်။

CNN မှာ တိုက်ရိုက်လွှင့်နေတာ ယူကရိန်းဘက်ကိုဦးတည်ပြီး

လာနေတဲ့ စစ်ကြောင်းတွေတော့မနည်းဘူး။ 

အခုအချိန်အထိကို ရုရှားတွေဘက်ကနေ (SRBM)

တာတိုပစ်ပဲ့ထိန်းဒုံးကျည် 250 ကျော် ပစ်ခတ်ထားပြီးပြီ။


ပြောချင်တာက ရုရှားတပ်တွေလဲ ယူကရိန်းထဲမှာ

အများအပြားခံနေရတယ်။ ကိုယ်တွေဆီက ဆရာကြီးတွေက

စာအရှည်ကြီးတွေနဲ့ရေးလိုက်ရင် ယူကရိန်းပဲ အခုချက်ချင်း

မြေပုံပေါ်က ထပျောက်သွားသလို။


အခုစစ်ပွဲပုံစံထက် အခြေအနေကတော့ ပိုပြောင်းသွားမှာပါ

ရုရှားတွေ အလုံးအရင်းသုံးလာလိမ့်မယ်။

အခုအတိုင်းကတော့ ရုရှားတွေလဲ ဖင်စုတ်နေပါတယ်။


#နောက်ထက် #နယ်သာလန်ကနေ FIM-92 Stinger 

MANPADS အလတ် ၂၀၀ နဲ့ Panzerfaust 3 (ATGM) 

၄၀၀ လောက် ထက်ရောက်ဦးမယ်။

#ဂျာမနီကနေ RPG အလတ် ၄၀၀ ထက်ရောက်မယ်။ 

#အမေရိကန်ကလဲ စစ်ရေးအကူအညီအသစ် $350 million ဖိုး 

ဒီနေ့ညပဲ ခွင့်ပြုပေးလိုက်တယ် (ATGM တွေ MANPADS တွေ) 

နောက်ထက် ရောက်လာဦးမယ်။


#Russian #InvasionUkraine #Conflict

crd


ဆက်ဖတ်ရန် →

စစ်တပ်နောက်မှာ တရုတ်ရှိလို့ ပြည်ပနိုင်ငံတွေ မကူညီရဲတာဆိုတဲ့ ဂျင်း

📅 💬 မှတ်ချက်



ချီးနားပိုက်လိုင်းနဲ့ အကျိုးစီးပွားတွကို စစ်တပ်က မကာကွယ်ပေးနိုင်ရင် နိုင်မြင်းလောင်းဖို့ ချိ့နဟာ PDF တွေကို လက်နက်ထောက်ပံ့ပေးပြီး မအလကို ဖြုတ်ချလာနိုင်တယ်ဆိုတဲ့ တပ်တွင်းစကားသာ မှန်ခဲ့ရင် 


စစ်တပ်နောက်မှာ ချိးနားရှိလို့ ပြည်ပနိုင်ငံတွေ မကူညီရဲတာဆိုတဲ့ ဂျင်းကို ကျနော်တို့တွေ စွန့်ပယ်သင့်ပြီဟုထင်မိသည်


အကြောင်းက ချိ့နဟာ သူပိုင်ဆိုင်တယ်လို့ ကြွေးကြော်ထားတဲ့ တောင်ပင်လယ်ထဲမှာ US တပ်တွေ ဖြတ်ကျော်၀င်ရောက် ကျုးကျော်ခြေချ နေရာယူပြနေတာတောင် ပြန်မလုပ်‌ရဲသေးရင် 


မြန်မာကိုသူပိုင်နယ်မြေသက်မှတ် ကျုးကျော် တိုက်လာမည့်သူတွေကို သူ၀င်ကူညီတိုက်ပေးမည်ဆိုတာ ဟုတ်နိုင်ပါ့မလား တွေးဆဖို့ပါ  


ဒီတော့ သူကူညီပေးရင် လက်နက်ပဲ ဖြစ်မယ် ဒါတောင် ခုလိုအခြေနေနဲ့ မအလတို့ ဘ၀ပျက် ငွေကြေးချို့တဲ့နေချိန်မှာ ဘယ်အရာနဲ့ အစားထိုးပြီး နယ်မြေရောင်းစား လက်နက်နဲ့ အလဲထပ်လုပ်မလဲ တွေးဆပြီး ဖြစ်နိုင်ပါ့မလား စဉ်စားဖို့ပါ 


အကြောင်းက မအလ အာဏာသိမ်းပြီး သွားတာ ရုရှားပါ ချိ့နကို မယုံလို့ မသွားပဲ ခုလို အကန်လုပ်ထားတယ်ဆိုတာ သိပါ ဒါကဘာကို ညွန်းတာလဲဆိုရင် သူ့ထိရင် ချိ့နတပ်ရှိတယ်ဆိုတဲ့ ဂျင်းကို သိဖို့ အဖြေပေါ်လာခြင်းပဲဖြစ်တယ်ဆိုတာနဲ့ တကယ်သာ ကူမယ်ထင်ရင် ချိ့နပဲ အားကိုး သွားပူးပေါင်းမှာပေါ့ဟု ဆိုချင်တာ 


နောက် အများအမြင် တွေး‌ဆမှုကလည်း ချိ့နပိုက်လိုင်းထိရင် ချိ့နက သူ့တပ်တွေလွတ် ကာကွယ်ဖို့အတွက် သူ့ကိုယ်ကျိုးစိးပွားအကြောင်းပြ မြန်မာထဲ proxy war တည်မယ်ဆိုပေမယ့် 


ထိုချိန်ဆို ပိုဆူံးရှူံးပျက်စီးမှုကို ခံရမှာက ချိ့နပဲ မဟုတ်လား ဒါကို သူရင်းပါ့မလား‌‌ဆိုတာနဲ့ ပိုက်လိုင်းနဲ့ သူ့စီးပွားမထိပဲ မအလတို့ကိုသာ ဦးတည်တိုက်ပြီး ဖြုတ်ချရင်ရော သူ၀င်လာစရာလိုလို့လား မေးစရာပါပဲဟုဆိုချင်ပြီး


မြင်သလောက်ကတော့ NUG သာ အနောက်နဲ့ မိတ်ဖက်န်ိုင်ငံတွေကို သေချာခိုင်မာတဲ့ ကတိက၀တ်သာပေးပြီး အပေးယူလုပ်ကြည့်ပါ သေချာပေါက်ကို ကူညီလာမှာဖြစ်ပြီး ပြည်တွင်း Eao တွေအပေါ်ကိုလည်း ထိုနည်းတူအတိုင်း လက်တွဲပူးပေါင်းဆောင်ရွက်ပါ ကချင်က လက်နက်စက်ရုံဆိုတာ ကိုယ့်အတွက်ချည်းပါပဲလို့ 


သို့ကြောင့် လိုနေတာ ထိုအချက်သာ ဖြစ်ပြီး ခုကစ စစ်တပ်ရဲ့ သူ့ထိရင် ချိ့နရှိတယ်ဆိုတဲ့ဂျင်းကို ကန်ထုတ်ကြသင့်ပြီဖြစ်ကြောင်း လက်တွေ့လုပ်ဆောင်မှုအရာတွေပဲ အမြန် အကောင်ထည်ဖော်ကြဖို့ အားလုံးကို တိုက်တွန်းလိုပါတယ် !

MTZND

#မင်းကြည်ညိုနေ 🕊️

ဆက်ဖတ်ရန် →

ဂျပန်ကလည်း ပူတင်ကို စပြီး စိုးရိမ်နေပါပြီ..

📅 💬 မှတ်ချက်

​ပူတင်က နျူကလီးယားတပ်တွေကို 

တပ်လှန့်နေပြီဆိုတော့

ဂျပန်ကလည်း 

နေတိုးအဖွဲ့ဝင်နိုင်ငံတွေလို

နျူလက်နက်တွေကို သူ့ကိုလည်း 

မျှဝေပေးသုံးခွင့်ပြုဖို့

အမေရိကန်ထံမှ တောင်းဆိုဖို့ စီစဉ်နေပါပြီ..


ဂျပန် နိုင်ငံသားတွေရဲ့

အသက်အိုးအိမ် စည်းစိမ်တွေကို

ကာကွယ်ဖို့ ရည်ရွယ်တယ်လို့

ဂျပန်ဝန်ကြီးချုပ်ဟောင်း ရှင်ဇို အဘေးက

ဆိုပါတယ်..


#WM

#Ref - #Bloomberg


Japan Should Discuss NATO-Like Nuclear Weapons Sharing, Abe Says

Shinzo Abe

EPA/Bloomberg

ByYoshiaki Nohara Follow

February 27, 2022, 10:38 GMT 6:30


Japan should discuss a possible sharing of nuclear weapons similar to that of NATO members in the wake of the Russian invasion of Ukraine, former Prime Minister Shinzo Abe said Sunday. 


NATO’s nuclear sharing arrangements let the U.S. keep its nuclear weapons in Europe under its custody. “Many people in Japan probably don’t know about the system,” Abe said Sunday on a Fuji Television show. 


“Japan should not treat as a taboo discussions on the reality of how the world is kept safe,” said Abe, who oversaw a steady rise in defense spending during his time as premier that ended in 2020.


Abe also said Japan, which had been devastated by atomic bombs in Hiroshima and Nagasaki in the final stages of World War Two, would have to maintain its goal of abolishing nuclear weapons. Hemmed in by a pacifist constitution it adopted after the war, Japan relies heavily on the U.S. “nuclear umbrella” to deter growing regional threats. 


“It’s important to make progress toward that goal, but when it comes to how to protect the lives of Japanese citizens and the nation, I think we should conduct discussions by taking various options fully into consideration,” Abe said. 


 


— With assistance by Takashi Hirokawa


#Bloomberg




နေတိုးပုံစံ နူကလီးယားလက်နက်တွေမျှဝေသုံးစွဲခွင့်ကို အာရှမဟာမိတ်တွေအကြား စတင်ဆွေးနွေးဖို့ အာဘေးက ဒီမိုကရေစီမဟာမိတ်တွေကို ဒီကနေ့အစည်းအဝေးမှာ တိုက်တွန်းလိုက်ပါတယ်။ အာရှတိုက်အတွင်း နူကလီးယားပိုင်တဲ့ တရုတ်နဲ့ မြောက်ကိုရီးယားရဲ့အန္တရာယ်ကို ကြိုတင်ကာပြလိုက်တဲ့သဘောပါပဲ။ ဒီ ၂ ကောင်ဟာ အချိန်မရွေး နူလက်နက်တွေအားကိုးနဲ့ ရုရှားလို အာရှပစိဖိတ်ဒေသကို စစ်မီးမွှေးနိုင်ပါတယ်။


ဂျပန်ဟာ ခုလိုအကြပ်အတည်းကာလမယ် အာဘေးလိုခေါင်းဆောင်မျိုးရှိမနေတော့တာ သူ့အတွက်ရော အာရှလုံခြုံရေးအတွက်ပါ အင်မတန်နစ်နာတယ်။ သူ့နောက်တက်လာတဲ့လူတွေဟာ အာဘေးလောက် မထက်မြက်ကြပါဘူး။ 😩


Ref: SCMP


ဆက်ဖတ်ရန် →

​မူးယစ်ဆေးဝါးများကို ပို့ခယူပြီးနေပြည်တော်သယ်လာသော ဗိုလ်မှူးနှင့်ဗိုလ်ကြီးလမ်းတွင် ဖမ်းဆီးခံရ

📅 💬 မှတ်ချက်



—People's Spring


စစ်ကောင်စီတပ်မှ ဗိုလ်မှုးတစ်ဦးနှင့် ဗိုလ်ကြီးတစ်ဦးတို့က ရှမ်းပြည်နယ်ဘက်မှ မူးယစ်ကုန်သည်တစ်ဦးထံမှ  စိတ်ကြွဆေးပြား၁၀သိန်းနီးပါးကိုအခကြေးငွေယူ၍  နေပြည်တော်သို့ပို့ဆောင်ပေးရန် ကြိုးစားစဉ် လမ်းခုလတ်၌ စစ်ကောင်စီတပ်ဖွဲ့ချင်း ဖမ်းဆီးခံခဲ့ရသည်။


စစ်ကောင်စီ၏လေကြောင်းရန်ကာကွယ်ရေးတပ်၊တပ်ကုန်းမှ ဗိုလ်မှူးစံမင်းထွန်း (ကြည်း ၄၀၄၉၃)နှင့် ဗိုလ်ကြီး ကျော်ပြည့်ဖြိုး (ကြည်း ၅၆၁၅၇)ကို ပင်လောင်း- နေပြည်တော်သွားကားလမ်း လိန်းလီကြိုးတံတားထိပ်တွင်  Honda Fit ယာဉ်နံမှတ် 1K-8755 ကားဖြင့် ကားနောက်ခန်းနှင့်အလယ်ထိုင်ခုံကြားတွင် စက္ကူဂျပ်ဖာဖြင့်သယ်ဆောင်လာသောW နင့် R စာတမ်းပါ ပန်ရောင်စီတ်ကြွဆေးပြား ၁၀ သိန်း ကာလတန်ဖိုး ကျပ် ၄၉၀၀ ရှိသောဆေးပြားများကိုဖမ်းမိခြင်းဖြစ်သည်။


" စံမင်းထွန်းနဲ့  ကျော်ပြည့်ဖြိုးက စိတ်ကြွဆေးပြား ဆယ်သိန်းကို ကားနဲ့သယ်လာတာ။ဖမ်းမိတဲ့နောက် ရေတွက်ရင်း ပျက်တာ ဘာညာနဲ့ ကိုးသိန်ရှစ်သောင်းပြတာ။ဒီကောင်တွေ သိန်း၅၀နဲ့ နေပြည်တော်အရောက်သယ်ပေးတာ" ဟု စစ်ကောင်စီဘက်က သတင်းရင်းမြစ်တစ်ဦးကပြောသည်။


ဖေဖော်ဝါရီ ၂၅ရက်နေ့လယ်က ဖမ်းဆီးလိုက်ခြင်းဖြစ်ပြီး အခင်းဖြစ်စဉ် မြေပြင်အခြေအနေကို စစ်ကောင်စီမှ အရာရှိတစ်ဦးက လူထုနွေဦးသို့ အောက်ပါအတိုင်းပြောပြသည်။


" ဆေးပြားတွေ ပါလာတော့ အစစ်မခံဘူး။ ပစ်မယ် ခတ်မယ် ထိုးမယ် ကြိတ်မယ်လုပ်လို့ စရဖက လူတွေ ဝိုင်းဖမ်းကြရတာ" ဟု ဆိုသည်။


စိတ်ကြွဆေးပြားများကို ရှမ်းပြည်နယ်တောင်ပိုင်း နမ့်စန်မြို့မှတစ်ဆင့် ရန်ကုန်မြို့သို့ ပို့ဆောင်ပေးရန်နေပြည်တော် ၊ ရွှေကြာပင်ရပ်ကွက်၌နေပြီး ကားအရောင်းအဝယ်ဟန်ပြလုပ်ကိုင်နေသော မူးယစ်ဆေးကုန်သည်မအိက စစ်ကောင်စီအရာရှိနှစ်ဦးအား အခကြေးငွေပေး၍ ခိုင်းစေခဲ့ခြင်းဟု စစ်ကောင်စီအရာရှိတစ်ဦးက အသိပေးသည်။


" ဆေးပြားတွေက ရန်ကုန်ကနေ ဘဂ်လားဒေ့ရ်ှကို ပို့မှာ။ 

နမ့်စန်ကနေ နေပြည်တော် အထိ သိန်း၅၀၊ နေပြည်တော်ကနေ ရန်ကုန်အထိ သိန်း၅၀ ပေးမယ်ဆိုပြီး ခိုင်းတာ။ စံမင်းထွန်းနဲ့  ကျော်ပြည့်ဖြိုးက နေပြည်တော်အထိပဲ တာဝန်ယူမယ်ဆိုပြီး သိန်း၅၀ နဲ့လက်ခံတာ"ဟု အဆိုပါဖြစ်စဉ်ကို သိနေသည့် အထက်ပါအရာရှိက ပြောသည်။ 


အထက်ပါ ဖမ်းဆီးမှုကို စစ်ကောင်စီ၏ မူးယစ်တပ်ဖွဲ့စု(၂၆) ၊ ပင်လောင်းမှ ဒုရဲမှူး အောင်ဇော်ဟိန်း ဦးစီးအဖွဲ့၊ စခတ(၄)မှ ဗိုလ်ကြီး ထွန်းထွန်းအောင် ဦးစီးအဖွဲ့၊ ဖိုကုန်းနယ်မြေရဲစခန်းအဖွဲ့၊ သတင်းရဲတပ်ဖွဲ့(လိန်းလီ)နှင့် စရတ(ပင်လောင်း) တို့မှ တပ်ဖွဲ့ဝင်များပါဝင်သောပူးပေါင်းအဖွဲ့က စစ်ဆေးဖမ်းဆီး ခဲ့ခြင်းဖြစ်ကြောင်းရဲတပ်ဖွဲ့၏ ဌာနတွင်း လှို့ဝှက်ကြေးနန်းတွင် ဖော်ပြထားသည်။


တရားခံ စံမင်းထွန်း သည် အမှတ် (၁၂/၅) ၊ ပါလီကွေ့၊ ပျဉ်းမနားမြို့မှဖြစ်ပြီး ကျော်ပြည့်ဖြိုးသည် အမှတ် (၁၃၇-က)၊ မြဝတ်ရည်လမ်း၊ ရတနာမာန်အောင်ရပ်ကွက်၊ မတ္ထီလာမြို့တွင်နေသည်ဟု ရဲကြေးနန်းတွင် ဖော်ပြထားသည်။တရားခံများမှာ စစ်သားများဖြစ်၍ စစ်ဘက်ဆိုင်ရာဥပဒေဖြင့်အရေးယူနိုင်ရန် ၎င်းတို့၏ မိခင်တပ်များသို့ လွှဲပြောင်းထားကြောင်းကိုလည်း ကြေးနန်း စာ၌ဖော်ပြထားသည်။


ကြေးနန်းစာတွင် ဖော်ပြရေးသားချက်များအရ တရားခံ (၂)ဦးသည် တခြားသူများထံမှ စိတ်ကြွမူးယစ်ဆေးဝါးများအား အခကြေးငွေရယူသယ်ဆောင်ခဲ့သည်ဟု လက်သိပ်ထိုးထွက်ဆိုထားသော်လည်း ၄င်းတရားခံများဖြစ်သည့် စစ်တပ်မှ ဗိုလ်မှူး၊ ဗိုလ်ကြီး အဆင့်ရှိသူများဖြစ်ပြီး မူးယစ်ဆေးဝါးများ‌ရောင်းချရန် သယ်ဆောင်ခြင်းကို အထက်အဆင့်ဆင့်၏သိရှိခွင့်ပြုချက်ဖြင့် ခရီးသွားလာခြင်းမျိုးဖြစ်‌နေသည်ကို စိစစ်တွေ့ရှိရသည်။


တာဝန်ချိန်အတွင်းဖြစ်နေသဖြင့် ရာထူးအရှိန်အဝါ(သို့) လုပ်ပိုင်ခွင့်များအားအသုံးချခဲ့သည်ကို ထင်ရှားစွာပေါ်လွင်နေကြောင်းတွေ့ရှိရပါသည်ဟု CDM ရဲတပ်ဖွဲ့ဝင်များ ဖွဲ့စည်းထားသည့်  Myanmar Police CDM Channel - MPCCက သတင်းထုတ်ပြန်ထားသည်။


"အကြမ်းဖက်စစ်ကောင်စီတပ်ဖွဲ့ဝင်များသည် ယုတ်မာရက်စက်သည့် ဥပဒေမဲ့လုပ်ရပ်များအား အုပ်စုဖွဲ့ ကျူးလွန်နေကြကြောင်း ထင်ရှားစွာတွေ့မြင်သိရှိခဲ့ရပါသည်" ဟု MPCCက ဆိုသည်။


အကြမ်းဖက်စစ်ကောင်စီက ပြည်သူလူထုအား ဖိနှိပ်တိုက်ခိုက်နေစဉ် အောက်ခြေ အရာရှိ အရာခံအဆင့်ဆင့်သည် လူထုထံမှ ခိုးဆိုးလုယက်ခြင်းအပြင် ယခုကဲ့သို့ မူးယစ်ဆေးကုန်ကူးခြင်းကိုပြုလုပ်ပြီး ငွေရှာနေကြောင်း  ဗိုလ်မှူးတစ်ဦးက မှတ်ချက်ပြုသည်။


"အောက်ခြေမှာ ဗိုလ်ကြီးတွေ ဗိုလ်မှူးတွေတောင် ငတ်ပြတ်နေပြီလို့ သုံးသပ်လို့ရတယ်"  ဟု အထက်ပါ ဗိုလ်မှူးက ပြောသည်။


မကြာသေးမီကလည်း ဗထူးတပ်မှ စစ်ကောင်စီဗိုလ်ကြီးနှစ်ဦးကို သီပေါတွင် စိတ်ကြွဆေးပြားများ သေတ္တာနှစ်လုံးအပြည့်ဖြင့် အဖမ်းခံခဲ့ရသည်။


ယခုတစ်ကြိမ် ပင်လောင်းတွင်ဖမ်းမိသည့် စစ်ကောင်စီ၏ မူးယစ်ဆေးဝါးကုန်ကူးမှုကို ရဲအုပ်ထွန်းမြတ်ဦးဆိုသူကတရားလိုပြုလုပ်တိုင်တန်းကာ အမှုဖွင့်လှစ်ထားကြောင်း သိရသည်။


#လူထုနွေဦး

#LuduNwayOo

#People'sSpring

#PS

https://www.ludunwayoo.com

https://www.facebook.com/LuduNwayOo

https://www.instagram.com/ludunwayoo/


ဆက်ဖတ်ရန် →

ပူတင်က nuclear တပ်စုများအား alert လုပ်ထား

📅 💬 မှတ်ချက်

​Breaking News 

ပူတင်က nuclear တပ်စုများအား alert လုပ်ထားဖို့ ရုရှ ကာကွယ်ရေးဝန်​ကြီးချုပ်နဲ့ စစ်ဉီးစီးချုပ်တို့ကို အရေးပေါ်အခြေအနေအဖြစ် ပြင်ဆင်ခိုင်းထား ။

ယခု ပြသနာမှာပါဝင်ပက်သတ်နေတဲ့ နိင်ငံတွေကို အပြင်းအထန်လက် တုန့်ပြန်သွားမယ်လို့ပြောကာ sanction ပိတ်ခံရလို့ ဒေါသထွက်နေပါတယ် ။

(အရှင်ကုသလ)


ဆက်ဖတ်ရန် →

မည်သူမဆို ပူတင်ရဲ့ ကျူးကျော်မှုကို ခုခံဖို့အတွက် ပါဝင်နိုင်တယ်

📅 💬 မှတ်ချက်

​ဒိန်းမတ် 

ဝန်ကြီးချုပ်က

ယူကရိန်းနွယ်ဖွား 

ဒိန်းမတ်နိုင်ငံသားများသာမက

အခြားမည်သူမဆို ယူကရိန်းရှိ

ပူတင်ရဲ့ ကျူးကျော်မှုကို ခုခံဖို့အတွက်

နိုင်ငံတကာတပ်မဟာများမှာ 

ပါဝင်နိုင်တယ်လို့

တနင်္ဂနွေနေ့က ပြောကြားလိုက်ပါတယ်။


စာရင်းများအရ

ဒိန်းမတ်နိုင်ငံမှာ

ယူကရိန်းနွယ်ဖွား

တစ်သောင်းနှစ်ထောင်ကျော်ရှိပါတယ်။


ယူကရိန်းနွယ်ဖွားတွေဟာ

ကမ္ဘာအနှံ့မှာ ပြန့်နှံ့နေထိုင်လျှက်ရှိပါတယ်။


ရုရှားမှာ ၃ သန်း ၂ သိန်းကျော်

ကနေဒါမှာ ၁ သန်း ၃ သိန်းကျော်

ပိုလန်မှာ ၁ သန်း ၃ သိန်းကျော်

ယူအက်စ်မှာ ၁ သန်းကျော်

ဘရာဇီးမှာ ၁ သန်းဝန်းကျင်

ကာဇက်စတန်မှာ ၃ သိန်းကျော်

ဂျာမဏီမှာ ၃ သိန်းကျော်

အာဂျင်တီးနားမှာ ၃ သိန်းကျော်

အီတလီမှာ ၂ သိန်းကျော်

ပြင်သစ်မှာ ၂ သိန်းကျော်

စသဖြင့် အသီးသီးရှိနေကြပါတယ်။

ဩဇီမှာတောင် ၄ သောင်းဝန်းကျင် ရှိပါသတဲ့။


မြန်မာ့နွေဦးတော်လှန်ရေးကလည်း

ယူကရိန်းပြည်သူများကို 

သွားရောက်ကူညီခွင့်ရရင် တွေးမိတာပါ။


စစ်ရေးအတွေ့အကြုံရမယ်

ပုခုံးထမ်းတင့်ဖျက်ဒုံး Javelin နဲ့

ပုခုံးထမ်း လေယာဉ်ပစ် FIM-92 Stinger

ဆယ်လက်စီလောက် လက်ဆောင်

ပြန်‌ရလိုက်ရင်တော့ ဒီမှာ ပွဲပြတ်ပြီပဲ။

(ကိုရင်သောင်းဒန်)

https://english.alarabiya.net/News/world/2022/02/27/Danish-PM-says-volunteers-can-join-Ukraine-fight-


ဆက်ဖတ်ရန် →

တရုတ်သမ္မတ ရှီကျင့်ဖျင်၏သမီး အမေရိကတွင် နေထိုင်နေဟုဆို

📅 💬 မှတ်ချက်

​

26-February-2022


တရုတ်သမ္မတ ရှီကျင့်ဖျင်၏ တစ်ဦးတည်းသောသမီး ရှီမင်းကျိသည် အမေရိကတွင် နေထိုင်နေကြောင်း အမေရိကန်ကွန်ဂရက်လွှတ်တော်အမတ် ဗစ်ကီဟတ်ဇလာက ပြောကြား သည်။


ဟတ်ဇလာသည် "တရုတ်ကွန်မြူနစ်ပါတီဝင်များအား အဆင့်မြင့်ပညာသင်ယူခွင့်တားမြစ်သည့်အက်ဥပဒေ" ကို မိတ်ဆက်စဉ် ပြောကြားခဲ့ခြင်းဖြစ်သည်။ ကမ္ဘာပေါ်တွင် ဒုတိယအာဏာအရှိဆုံးခေါင်းဆောင်၏ တစ်ဦးတည်းသော ကလေးသည် အမေရိကတွင်နေထိုင်ကြောင်း ဟတ်ဇလာက ထုတ်ဖော်ပြောခဲ့သည်ဟု အမေရိကန်ရှိ တရုတ်မျက်မှောက်ရေးရာဝေဖန်ရေးဆရာတစ်ဦးက ၎င်း၏ YouTube ချန်နယ်တွင် ဖေဖော်ဝါရီ ၂၀ ရက်က တင်ခဲ့သည်။


တရုတ်သမ္မတ ရှီကျင့်ဖျင်နှင့် သူ၏ဒုတိယဇနီး နာမည်ကျော်ရိုးရာအဆိုတော် ဖန်လီယွမ်တို့၏ သမီးအကြောင်းကို အခြေခံအချက်အလက်အနည်းငယ်မှလွဲ၍ သိရှိသူများစွာ မရှိပေ။


အမေရိကန် အထက်လွှတ်တော်အမတ်၏ ဥပဒေမူကြမ်းသည် တရုတ်ကွန်မြူနစ်ပါတီ အမျိုးသားကွန်ဂရက်တွင် တာဝန်ထမ်းဆောင်နေသူများနှင့် ၎င်းတို့၏ မိသားစုဝင်များအား ကျောင်းသား သို့မဟုတ် သုတေသနဗီဇာများ ထုတ်ပေးခြင်းကို တားမြစ်မည်ဖြစ်သည်။


ရှီ၏သမီးသည် တရုတ်နိုင်ငံတွင် ၅ နှစ်ကြာနေထိုင်ပြီးနောက် အမေရိကန်သို့ ပြန်လာခဲ့ကြောင်း ဝေဖန်ရေးဆရာက ၂၀၁၉ ခုနှစ်တွင် ပြောကြားခဲ့သည်။


ရှီမင်းကျိကို၁၉၉၂ ခုနှစ် ဇွန်လ၂၇ ရက်တွင်မွေးဖွားခဲ့ပြီး ဟန်ကျိုးနိုင်ငံခြားဘာသာစကားကျောင်းတွင် အထက်တန်းကျောင်းသူဘဝက ပြင်သစ်စာ လေ့လာသင်ယူခဲ့သည်။


သူမသည် မက်ဆာချူးဆက်ပြည်နယ်ရှိ ဟားဗတ်တက္ကသိုလ်တွင် ပညာသင်ရန် ၂၀၁၀ခုနှစ်က အမေရိကန်သို့ နာမည်လွှဲဖြင့် သွားရောက်ခဲ့ပြီး ၂၀၁၂ခုနှစ်အထိ လူအများက သူမအကြောင်းကို မကြားဖူးကြပေ။


သူမသည် ကိန်းဘရစ်ဂျ်ဧရိယာထဲတွင် နေထိုင်ဆဲဖြစ်ပြီး ယခုအခါ ထိုနေရာတွင် သုတေသန ကျောင်းသူဖြစ်နေလောက်ပြီဟု ဝေဖန်ရေးဆရာကယူဆသည်။


အစောပိုင်းက ဝက်ဘ်ဆိုဒ်နည်းပညာရှင် တရုတ်အမျိုးသား နျူတန်ယူသည် သမ္မတရှီကျင့်ဖျင်သမီး၏ ကိုယ်ရေးကိုယ်တာ အချက်အလက်ပေါက်ကြားမှုဖြင့် တရားစွဲဆိုခံခဲ့ရပြီး ထောင်ဒဏ် ၁၄ နှစ် ချမှတ်ခံခဲ့ရသည်။


By The economics Times  25 February 2022

#တရုတ်သမ္မတရှီကျင့်ဖျင်၏#သမီး #အမေရိကတွင်နေထိုင်နေဟုဆို


ဆက်ဖတ်ရန် →

​ကံဆုံခြင်း

📅 💬 မှတ်ချက်



ဖွဲ့ဖြိုးဆဲ ယူကရိန်းနိုင်ငံကို ကမ္ဘာ့ စစ်အင်အား

ကြီး   ရရှားနိုင်ငံက  အကြောင်းမဲ့   ဝင်ရောက်

တိုက်ခိုက်တယ် ။ ယူကရိန်း  ပြည်သူများ  စစ်

ဘေးသင့် ဘဝကို   ချက်ချင်း  ကျရောက်သွား

ကြတယ် ။ 


အမေရိကန်အပါအဝင်   ဥရောပနိုင်ငံတို့မှ ယူ

ကရိန်း  ပြည်သူများကို အင်တိုက်  အားတိုက် 

ကူညီနေကြပါတယ် ။ ယူကရိန်းတို့လည်း စစ်

ဖြစ်မှပဲ ဖွံ့ဖြိုးပြီး နိုင်ငံအဆင့်ကို ရောက်တော့

တယ်လို့ ပြောရမလို ဖြစ်နေတယ် ။ ယူကရိန်း

ကိုကြည့်ပြီး ငါတို့လည်း အဲသလို အကူအညီ

မျိုးကို ရလျှင်ကောင်းမှာဘဲဟု မျှော်လင့်မိပါ

တယ် ။ တောင့်တမိပါတယ် ။ 


သို့ပေသည့်   ယူကရိန်းနှင့်  မြန်မာ မတူတဲ့ အ

ကြောင်းတွေကလည်း   မနည်းမနောပါဘဲ ။ 

ယူကရိန်းသည် တရားဝင်  အစိုးရဖြစ်တယ် ။ 

အိမ်နီးချင်းကောင်း နိုင်ငံများရှိတယ် ။ 


သမတနှင့် သမတ ကတော်တို့ကလည်း  သေ

လျှင်မြေကြီး ၊ ရှင်လျှင်ရွှေထီး စိတ်ဓာတ်  အ

ပြည့်နှင့် ဦးဆောင်နေကြတယ် ။ ထွက်ပြေး စ

ကား လုံးဝမပြောဘူး ။ သမတ၏ ရှေ့နောက်

ဝဲ ယာတို့မှာ ယူကရိန်းပြည်သူတွေ  တန်းစီနေ

ကြတယ် ။ ပြည်ပရောက် ယူကရိန်းသားတွေ

ကလည်း အပြေးအလွှားပြန်ကြပြီး တန်းစီနေ

ကြတယ် ။ သူတို့နိုင်ငံကို   အပြောမဟုတ် တ

ကယ် ချစ်ကြတဲ့    သူတွေ ဖြစ်တယ် ။ ခေါင်း

ဆောင်စကားကို   လိုက်နာကြတယ်  အပြစ်မ

ပြောကြဘူး အပြစ်မြင်ဖို့  မရည်ရွယ်ကြဘူး ၊

အပြစ် မရှာကြဘူး ၊  စီးကမ်းရှိပုံကလည်း အံ့

ဩလောက်တယ် ၊ ပြေးလွှားနေကြတဲ့ အရေး

ပေါ်   အခြေအနေမှာတောင်  ကားကို  ပရမ်းပ

တာ မမောင်းကြဘူး ၊လမ်းစည်းကမ်းအတိုင်း 

မောင်းကြတယ် ။


ယူကရိန်းတို့၏ ခေါင်းဆောင်ကလည်း အခွင့်

ထူးခံသည့် လူစားမျိုးမဟုတ်ဘူး ။ 


အခွင့်ထူးခံနှင့်   သူလျှို  ဒလန်တို့သည် မည်

သည့်တော်လှန်ရေးမှာမဆို ကောင်းကျိုးကို 

လုံးဝ မပေးပါ ။ 


မပြောပလောက်သည့်   ဖေါက်ပြန်ရေးသမား 

အနည်း အပါးလောက်မှအပ ၊ တနိုင်ငံလုံး တ

စု တစည်းတည်း ဖြစ်ကြတယ် ။ သူတလူ ငါ

တမင်း မလုပ်ကြဘူး ။ တောမီးလောင် တော

ကြောင် လက်ခမောင်းခတ်တဲ့ အကျင့်ယုတ်

မျိုးကို မကျင့်ကြဘူး ။  


အဓိကကျသည့်  အချက်တို့ကို   ပြောရလျှင်

ယူကရိန်းသားတို့သည်  လွတ်လပ်လိုသူများ

အမှန်တကယ် ဖြစ်ကြသည် ။ သမတမှ စ၍ 

တနိုင်ငံလုံး နည်း ပါးတို့သည်   နိုင်ငံအတွက်

ဆိုလျှင် ပေးဆက်လိုသူ များသာ ဖြစ်ကြပြီး ၊ 

ရယူလိုသူများ မဟုတ်ကြဘူးလို့ ပြောချင်ပါ

သည် ။ 


ထို့ကြောင့် လွတ်လပ်စေလိုသော  အလှူရှင်

နိုင်ငံတို့နှင့်   လွတ်လပ်လိုသော   ယူကရိန်း

သားတို့ ကံဆုံကြသည်လို့ ဆိုရမှာပါ ။ 

(ကံဆိုသည်မှာ အလုပ်ကို ခေါ်ပါသည် )။ 

အလုပ်ကောင်းမှ ကံအကျိုးပေး ကောင်းပါ

မည် ။ 


တင်ဦး

၂၇-၂-၂၀၂၂


ဆက်ဖတ်ရန် →
← ပို့စ်အသစ်များ ပို့စ်အဟောင်းများ →