ဟက်ကာတွေကတော့ဆော်ကုန်ပြီ။
ဘီလာရုစ်မှာရထားအချက်ပြစနစ်တွေပြဿနာတက်ကုန်တယ်လို့ဆိုပါတယ်။
ဘီလာရုစ်ပြည်တွင်းဟက်ကာတွေလက်ချက်နဲ့ ဘီလာရုစ်ကနေ ယူကရိန်နိုင်ငံထဲစစ်သားတွေပို့နေတဲ့ ရထားတွေရဲ့အော်တိုမက်တစ်စနစ်က switching devices တွေအဟက်ခံခဲ့ရသတဲ့။
Manual mode နဲ့မောင်းလို့ရပေမယ့် အချက်ပြစနစ်တွေထိတော့ အတော်ကြီးကိုနှေးကွေးသွားစေသတဲ့။
ဒီလိုလုပ်တာဟာ ကျူးကျော်စစ်ကို လက်ပိုက်ကြည့်မနေနိုင်လို့ ဟက်ကာတွေကဆိုကြတယ်။
ဒီဖြစ်ရပ်မှန်ကြောင်း ဘီလာရုစ်ရထားဝန်ထမ်းတွေက အတည်ပြုတယ်လို့ဆိုပါတယ်။
အချို့နေရာတွေမှာ ရထားစနစ်တွေပြဿနာတက်နေပြီး၊ အချို့နေရာတွေမှာပြန်ကောင်းလာပြီ။ အချို့နေရာတွေမှာ ရထားလက်မှတ်တွေဝယ်လို့မရဖြစ်ကုန်တယ်လို့ဆိုပါတယ်။
ရုရှားကဘဏ်တွေနဲ့ ဝန်ကြီးဌာနတွေကို တိုက်ခိုက်တဲ့ဟက်ကာတွေလည်းရှိပါတယ်။ သို့သော်ဘယ်ရောက်ထိရောက်သလဲမသိရပါ။
ရုရှားပြည်တွင်းမီဒီယာဆိုက်တွေလည်း အဟက်ခံရကာ အုတ်ဂူစာတမ်းပုံအတင်ခံရတယ်လို့ဆိုပါတယ်။
ယူကရိန်းကိုကျူးကျော်ရင်း ရုရှားစစ်သား ၅၃၀၀ သေဆုံးထားပြီးပြီလို့ သတင်းထွက်နေတဲ့အတွက် အဲ့ဒီအုတ်ဂူကမ္ပည်းပုံပေါ်မှာ 5300 လို့တင်ထားပါတယ်။
ဒီနေ့ညနေအထိ ရုရှားပြည်တွင်းမီဒီယာဆိုက်တော်တော်များများအဟက်ခံထားရဆဲပဲလို့ သိရပါတယ်။
အခုနောက်ပိုင်းစစ်ပွဲတွေမှာ Cyberattacks တွေပါပါလာတော့မှာဖြစ်ပါတယ်။
Richard Myo Thant
28-February -2022
မှတ်ချက်များ
Post a Comment