ရဲရင့်ငယ်🌹

ဦးသန်းရွှေနိဂုံး

📅 💬 မှတ်ချက်

အာဏာကိုသက်တမ်းစေ့သိမ်းထားနိုင်ခဲ့သူပါ

အာဏာလွှဲရာမှာလဲစိတ်ချရတဲ့အိမ်မှာခိုင်းထားတဲ့

လင်မယားကိုရွေးချယ်ခဲ့တာပါ၊ဦးသန်းရွှေမှန်းခဲ့တဲ့

နိုင်ငံရေးလမ်းကြောင်းကိုမှန်းကြည့်ရရင်—-

သူဟာလုပ်နိုင်ကိုင်နိုင်ရှိစဉ်မှာအာခံနိုင်သူ

အကုန်ရိုက်ချိူးခဲ့တယ်

ဦးနု ဒေါ်အောင်ဆန်းစုကြည်ကစလို့ ခင်ညွန့်မှာဆုံးတယ်

သူ့ရဲ့ political transitions က သူ့ထက်ပျော့တဲ့ ဦးသိန်းစိန် ပြီးတော့အမေစု ဒီလိုဖြေးဖြေးသွားချင်ခဲ့ပုံရတယ်

တဖက်မှာတပ်က၂၅%ရယ် ဦးပိုင်နဲ့တပ်ပိုင်မြေရယ်နဲ့

ဒီလိုလေး ရှဉ့်လဲလျောက်သာပျားလဲစွဲသာနေချင်ပုံရပါ

တယ်၊စိန်မျောက်မျောက်တို့သားအဖကိုသံတမန်ခန့်ပြီး

ဒေါ်စုနဲ့ငြိမ်းချမ်းရေးရဖို့့လုပ်ခဲ့တယ်၊သူအိုချိန်မှာ

အိပ်ရေးဝဖို့သူ့မှာရန်သူမရှိအောင်လုပ်ခဲ့တယ်၊

အခုလိုမင်းအောင်လှိုင်လုပ်လိုက်တာ သူလက်နဲ့ရေး

တာ မအလကခြေနဲ့ဖျက်သလိုဖြစ်တယ်၊ဒီမကြေလည်

မှုကိုမအလအနေနဲ့တုံ့ပြန်ဖို့တန်းညှိနေချိန်ဖြစ်တယ်၊

တပ်ထဲမှာသန်းရွှေ Cells တွေရှိနေသေးလားဆိုတာ

သူသိဖို့လိုလာပြီလေ၊ဒီအချိန်လွတ်လွတ်ကင်းကင်း

နဲ့သန်းရွှေကိုတန်းညှိနိုင်တာနေဝင်းမိသားစုပဲရှိတယ်

ဒါကြောင့်အေးနေဝင်းကဖရဲသီးပုပ်လို့ခေါ်တာ

ဒီလိုပြောဖို့မအလနဲ့ဝက် လက်ဝါးရိုက်ထားပုံရတယ်

အေဒီလမ်းခြံကိုသူ့အမေစန္ဒာဝင်းကသိန်းသုံးသောင်းနဲ့

ရောင်းမယ်လို့သတင်းထွက်နေချိန်လဲဖြစ်တယ်၊

သူ့သားလုပ်ရပ်တွေဟာ သူတို့မိသားစုနဲ့မဆိုင်လို့

သတင်းစာမှာထည့်ပြီးသား၊အခုတိုက်ပွဲကခေါင်တွေဖိုက်မယ့်တိုက်ပွဲ သူ့သားကြောင့်စန္ဒာဝင်းကအိမ်ရောင်းပြီးပြေး

ပေါက်ရှာပြီထင်တယ်

အမေစုရှေ့မှာဝဋ်လည်ပြရမှာသူဟာသေတာထက်

ပိုပြီးကြောက်တတ်သူပါ ဘာလို့လဲဆိုတော့

အမေစုနဲ့သူ့ရဲ့ပတ်သက်မှုသမိုင်းကစောမောင်သန်းရွှေ

ရှေ့မှာနှစ်၂၀စာလောက်ကိုစောခဲ့တာလေ၊

ဦးသန်းရွှေရဲ့နိဂုံးဟာနွေဦးတော်လှန်ရေးကာလမှာ

ရောပြီးအဆုံးသတ်မှာလား

အာဏာရှင်တွေကျင့်ထုံးမှာတနွယ်ဆွတ်ရင်တစင်လုံး

ဖြိုတတ်လေတော့ဘယ်သူတွေပါကြမလဲ

အထက်ပါသုံးသပ်ချက်မှန်ရင် သန်းရွှေဟာ

နွေဦးတော်လှန်ရေးကိုဖရဲသီးလုပ်တာမဟုတ်ပဲ

သူရေးထားတဲ့ပန်းချီကားကို သူကိုယ်တိုင်မွေးခဲ့တဲ့

ခွေးကသေးနဲ့ပန်းလို့မကျေမနပ်ဖြစ်တာလို့ပဲသုံးသပ်

ပါတယ်၊

ဘာပဲဖြစ်ဖြစ် ခွေးတွေဝက်တွေအစာလုပွဲမှာ

ဘယ်တကောင်အနင်းခံရမလဲစောင့်ကြည့်ရတာပေါ့

ဆက်ဖတ်ရန် →

စမိုင်းလ်တို့ဇနီးမောင်နှံဟာဖရဲသီးလား

📅 💬 မှတ်ချက်

စမိုင်းလ်တို့ဇနီးမောင်နှံဟာဒေါ်အောင်ဆန်းစုကြည်အိမ်

ကိုသွားခဲ့သလိုနယ်သာလန်အထိလဲထောက်ခံ

ပွဲကိုသွားခဲ့တယ်

သူ့အမျိူးသားဟာ ဆက်သွယ်ရေးဝန်ကြီးတူ

ဖြစ်ပြီး အဝေးခေါ်ငွေဖြည့်ကဒ်တွေရောင်းခွင့်

ရခဲ့ပြီးတနိုင်ငံလုံးကဖုန်းခေါ်ခတွေနဲ့သန်းရာချီ

တန်အိမ်ဝယ်ပြီးယူအက်စ်မှာနေသူပါ

ဇီးသီးဗန်းမှောက်ချိန်မှာတဖက်ကအမေစုကို

ချစ်တယ်ဆိုတာဟုတ်မဟုတ်ကတော့စောင့်ကြည့်

ရမှာပဲဖြစ်ပါတယ်။

ဆက်ဖတ်ရန် →

သန်းရွှေကို မြန်မာနိုင်ငံရဲ့အကြီးဆုံး ဖရဲသီးပုပ်မိသားစုခေါင်းကိုင်လို့ သုံးနှုန်း

📅 💬 မှတ်ချက်

လက်ရှိအာဏာသိမ်းမှုအပေါ် အကြီးအကျယ်ထောက်ခံမှုပြုနေတဲ့ ဦးနေဝင်းမြေး အေးနေဝင်းရဲ့telegram accountမှာရေးသားထားတဲ့စာပိုဒ်လေးတစ်ခုက အင်မတန်စိတ်ဝင်စားဖို့ကောင်းပါတယ်။

စာဖတ်သူကြီးကာချုပ်ဟောင်းဦးသန်းရွှေကို မြန်မာနိုင်ငံရဲ့အကြီးဆုံး ဖရဲသီးပုပ်မိသားစုခေါင်းကိုင်လို့ သုံးနှုန်းထားတာကိုတွေ့ရတာပါပဲ။

အေးနေဝင်းဟာ ဦးသန်းရွှေလက်ချက်နဲ့ အင်းစိန်ထောင်မှာ ထောင်ဒဏ်၁၂နှစ်ကျခံရဘူးသူဖြစ်သလို သူ့အဖိုးဦးနေဝင်းဟလည်း ဦးသန်းရွှေမှနေအိမ်အကျယ်ချုပ်ချဖို့လုပ်ခဲ့တဲ့အထိခံခဲ့ရဘူးသူပါ။

မြန်မာစစ်တပ်သမိုင်းဟာ တစ်ပါတ်ပြန်လည်ပြီးလားမေးခွန်းထုတ်စရာပါပဲ။

ဦးသနိးရွှေကာချုပ်ဖြစ်လာမယ့်လမ်းစအဖြစ် ဒုကာချုပ်နေရာပေးခဲ့သူဟာ ဦးနေဝင်းပါ။ အဲ့ကျေးဇူးအတွက် ဦးသန်းရွှေက ဦးနေဝင်းမြေးတွေကိူထောင်ချပြီး ကျေးဇူးဆပ်ခဲ့ဘူးပါတယ်။

အခုအချိန်မှာ အေးနေဝင်းအနေနဲ့ ဦးသန်းရွှေကိုဖရဲသီးပုပ်မိသားစုခေါင်းကိုင်လို့သုံးနှုန်းခြင်းဟာ ဘယ်သူ့အားကိုးနဲ့ပြောသလဲဆိုတဲ့လားရာကိုတွက်ဆကြည့်မယ်ဆိုရင် ဦးသန်းရွှေလည်း ဦးနေဝင်းလမ်းစဉ်လိုက်နေရပြီလားဆိုတာ မေးခွန်းထုတ်စရာပါပဲ။

ဖရဲသီးဆိုတာ အပြင်မှာစိမ်းပေမဲ့ အထဲမှာနီနေတဲ့သူတွေကိုသမုတ်တဲ့စကားလုံးအဖြစ်လည်းသုံးပါတယ်။ တကယ်ပဲ ဦးသန်းရွှေမိသားစုဟာ ဖရဲသီးလား??

ခွန်းနောင်

ဆက်ဖတ်ရန် →

လေတပ် နှစ်ပတ်လည်နေ့တွင် ရုရှားလေယာဉ်မှူးများဖြင့်သာ SU-30 လေယာဉ်သစ်များကို မောင်းနှင်ပျံသန်းခိုင်း

📅 💬 မှတ်ချက်

ရုရှားတိုက်လေယာဉ်သစ် SU-30 များကို မင်းအောင်လှိုင် စိတ်မချဖြစ်နေပြီး လေတပ် နှစ်ပတ် လည်နေ့တွင် ရုရှားလေယာဉ်မှူးများဖြင့်သာ SU-30 လေယာဉ်သစ်များကို မောင်းနှင်ပျံသန်းခိုင်း

ရန်ကုန်၊ ဒီဇင်ဘာ ၁၃ ခေတ်သစ်

အကြမ်းဖက်စစ်ခေါင်းဆောင် မင်းအောင်လှိုင်က ရုရှားနိုင်ငံမှ ဝယ်ယူထားသော တိုက်လေယာဉ်သစ် SU-30 များကို စိတ်မချဖြစ်နေပြီး မိတ္တီလာလေတပ်တွင် ကျင်းပမည့် ၇၅ နှစ်မြောက် စိန်ရတု လေ တပ်နှစ်ပတ်လည်ပွဲတွင် SU-30 တိုက်လေယာဉ်သစ်များကို ရုရှားလေယာဉ်မှူးများဖြင့်သာ ဦး ဆောင် မောင်းနှင်ခိုင်းမည်ဖြစ်ကြောင်း သိရှိရသည်။

ဒီဇင်ဘာလ ၁၅ ရက်နေ့ မန္တလေးတိုင်း၊ မိတ္တီလာ၊ ရှမ်းတဲလေတပ်တွင် ၇၅ နှစ်မြောက် စိန်ရတု လေတပ်နှစ်ပတ် လည် အခမ်းအနားတွင် ရုရှား SU-30 တိုက်လေယာဉ်အားလုံး အလှပြ ပျံသန်း မည်ဖြစ်ပြီး ရုရှားတိုက်လေယာဉ်မှူးများက ဦးဆောင်မောင်းနှင်ကြမည်ဖြစ်ကြောင်း၊ မြန်မာ စစ်လေယာဉ်မှူးများက အကူလေယာဉ်မှူးများအဖြစ်သာ လိုက်ပါ မောင်းနှင်ကြမည်ဖြစ်ကြောင်း လေတပ်သတင်းရင်းမြစ်က ပြောသည်။

"ဒီဇင်ဘာ ၁၅ ရက်နေ့ လေတပ်နှစ်ပတ်လည်မှာ ရုရှား Su-30 တိုက်လေယာဉ်တွေ သရုပ်ပြပျံသန်းကြမှာဖြစ်ပါတယ်။ ရုရှားလေယာဉ်မှူးတွေက အဓိက လေယာဉ်မှူးတွေအဖြစ် တာဝန်ယူပြီး မြန်မာစစ်အရာရှိလေယာဉ်မှူးများက လေယာဉ်မှူးအကူအဖြစ် နောက်ခုံမှာထိုင်ကြမယ်။ ထိပ်ပိုင်းခေါင်းဆောင်တွေက SU-30 တိုက်လေယာဉ်သစ် တွေကို သဲသဲလှုပ် ဖြစ်နေကြတယ်။ စိုးရိမ်နေကြတာ။ လေယာဉ်တွေထိခိုက်မှုဖြစ်မှာ အရမ်းစိုးရိမ်တာ။ စိန်ရတု နှစ်ပတ်လည်ပွဲမှာ ကြေညာရင်တော့ မြန်မာစစ်လေယာဉ်မှူးတွေမောင်းတယ်လို့ ကြေညာပြီး လိမ်ကြမှာ" ဟု လေတပ်သတင်းရင်းမြစ်က ပြောသည်။

လေတပ်စစ်ဦးစီးချုပ်ဟောင်း ဗိုလ်ချုပ်ကြီးဟောင်းမောင်မောင်ကျော်၏ တပည့်ဖြစ်သူ ဒုတိယဗိုလ်မှူးကြီး ခန့်နေသွေးသည် ရုရှားတိုက်လေယာဉ် SU-30 တိုက်လေယာဉ်အုပ်စု၏ ခေါင်းဆောင်ဖြစ်သော်လည်း ၎င်းကိုယ်တိုင်ပင် ရုရှားတိုက်လေယာဉ်မှူး ဦးဆောင်မောင်းနှင်မည့် SU-30 တိုက်လေယာဉ်တွင် အကူလေယာဉ်မှူးအဖြစ်သာ လိုက်ပါမည်ဖြစ်ကြောင်း သိရှိရသည်။

"Su-30လေယာဉ်အုပ်စု အုပ်မှူး အဖြစ် တင်မြောက်ခံထားရတဲ့ ဒုဗိုလ်မှူးကြီးခန့်နေသွေးက ရုရှားမှာ Su-30 လေ ယာဉ်မောင်း သင်တန်းတက်ရောက်ပြီးစီးပေမယ့် တပ်ချုပ်က စိတ်မချလို့ ဒီလိုနိုင်ငံတော်အဆင့်ပွဲမျိုးတွေမှာ မောင်းနှင်ခွင့်မရပါဘူး။ အခု ဒီဇင်ဘာ ၁၅ ရက်နေ့ လေယာဉ်တွေ တပ်တော်၀င်ပွဲမှာ ရုရှားလေယာဉ်မှူးကမောင်းနှင်ပေးတ,ယ်။ Su-30 တိုက် လေယာဉ်မှာ အုပ်မှူးခန့်နေသွေးက တိုက်လေယာဉ် နောက်ခုံမှာ ထိုင်စီးရမယ်"ဟု လေတပ် သတင်းရင်းမြစ်က ဆိုသည်။

အကြမ်းဖက်မင်းအောင်လှိုင်က ရုရှားလေယာဉ်သစ်များကို လွန်စွာ တန်ဖိုးထားနေ၍ အောက်ခြေ စစ်ကောင်စီလေတပ်တပ်သားများနှင့်အရာရှိများမှာ ရုရှားတိုက်လေယာဉ်သစ်များကို မတို့ရဲ မကိုင်ရဲ ဖြစ်နေကြကြောင်း သိရှိရသည်။

Su-30 ရုရှား တိုက်ခိုက်ရေး လေယာဉ်များ၏ အုပ်မှူးအဖြစ် မိန်းမရှုပ်မှုဖြင့် ရာထူး ပြုတ်သွားခဲ့သော လေတပ်ဦးစီးချုပ်ဟောင်း ဗိုလ်ချုပ်ကြီး မောင်မောင်ကျော်၏ တပည့်အရင်းဖြစ်သူ ဒုဗိုလ်မှူး ကြီးခန့်နေသွေးကို ခန့်အပ်ခဲ့ခြင်းဖြစ်သည်။

Su-30 ရုရှားတိုက်လေယာဉ်များသည် လေယာဉ်ဆီ အလွန်သုံးစွဲရသည့် တိုက်လေယာဉ် အမျိုးအစားဖြစ်ပြီး အုပ်မှူး ခန့်နေသွေးသည် ဆီခိုးမှုများဖြင့် လေတပ်၏ ချမ်းသာသူစာရင်းဝင် သူဌေးတစ်ဦး ဖြစ်လာနေသည်ဟု လေတပ်သတင်းရင်းမြစ်က ပြောသည်။

ဒုဗိုလ်မှူးကြီးခန့်နေသွေးသည် ၎င်း အုပ်ချုပ်ရသော Su-30 တိုက်လေယာဉ်များမှ လေယာဉ်ဆီများကို ခိုးယူလျက်ရှိပြီး တစ်ပတ်လျင် သိန်း ၃၀၀ ခန့်ရရှိကြောင်း၊ ၎င်း၏ လစဉ်လေယာဉ်ဆီခိုးရောင်းမှုမှာ တစ်လလျင်သိန်း ၁၀၀၀ ကျော်ခန့်ရရှိကြောင်း သိရှိရသည်။

"ဒုဗိုလ်မှူးကြီး ခန့်နေသွေးက သိန်း ၈၀၀ တန် Toyota Rush တစ်စီး၊ တရုတ်ကား ,Soueast ကားတစ်စီး၊ ရန်ကုန်ကန်တော်လေး ၈၈ လမ်းမှာ တိုက်ခန်းတစ်ခန်း၊ ရန်ကုန် ဗဟန်းမှာ တိုက်ခန်းတစ်ခန်း,၀ယ်ယူထားပါတယ်။ သူရဲ့မိန်းမ ဒေါ်စိမ့်စိမ့်လွင်က တပ်ထဲမှာလိုက်ပါနေထိုင်ရခြင်းမရှိဘဲ ရန်ကုန်မြို့မှာသာနေထိုင်၍ တစ်လတစ်ခါ ဆီခိုးရောင်းရငွေ ပိုက်ဆံများလာသိမ်းကာ ရန်ကုန်သို့ပြန်လေ့ရှိကြောင်း သိရှိရသည်။

အကြမ်းဖက်စစ်တပ်က ၂၀၁၈ ခုနှစ်တွင် အမေရိကန်ဒေါ်လာ ၂၀၄ သန်းဖြင့် စာချုပ်ချုပ်ပြီး ဝယ်ယူထားသော ရုရှားနိုင်ငံလုပ် SU-30SME စစ်တိုက်လေ ယာဉ် ၆ စီး ၂၀၂၂ ခုနှစfတွင် နေပြည်တော်ရောက်ရှိခဲ့ပြီး အဆိုပါ လေယာဉ်များကို လုံခြုံရေးတင်းကျပ်စွာဖြင့် လျှို့ဝှက်ထားရှိထားကြောင်း စစ်တပ် သတင်းရင်းမြစ်များက ပြောဆိုသည်။

ဓာတ်ပုံ-ရုရှားထုတ် Yak-130 လေယာဉ်များကို စမ်းသပ်မောင်းနှင်သည့်ပုံစံ ဟန်ရေးပြနေသည့် မင်းအောင်လှိုင်။

ဆက်ဖတ်ရန် →

သံအမတ်ကြီး ဦးကျော်မိုးထွန်းကို မြန်မာ အမြဲတမ်းကိုယ်စားလှယ် အဖြစ် ဆက်လက် ထားရှိ

📅 💬 မှတ်ချက်

ကုလသမဂ္ဂ အထွေထွေညီလာခံCredential ကော်မတီက သံအမတ်ကြီး ဦးကျော်မိုးထွန်းကို မြန်မာအမြဲတမ်းကိုယ်စားလှယ်အဖြစ် ဆက်လက်ထားရှိပြီး ကိုယ်စားပြုမှုအရေးကို ဆိုင်းငံ့ထားမည်ဟု ကုလသမဂ္ဂက ရရှိတဲ့သတင်းက အတည်ပြုပါတယ်။

တနလာ်နေ့က ကျင်းပတဲ့ ကုလသမဂ္ဂမှာ နိုင်ငံကိုယ်စားပြုမှု သတ်မှတ်တဲ့ Credential ကော်မတီ အစည်းအဝေးကနေ သံအမတ်ကြီး ဦးကျော်မိုးထွန်း ကို နေမြဲအတိုင်း နောက်ထပ်သက်တမ်း တနှစ်ထားရှိဖို့ သဘောတူ ဆုံးဖြတ်ချက် ချလိုက်တာဖြစ်ပါတယ်။ ကုလသမဂ္ဂမှာ နိုင်ငံကိုယ်စားပြုမှု အရေးကိုလည်း ဆိုင်းငံ့မထားကြဖို့ ကော်မတီဝင်တွေက သဘောတူခဲ့ကြပါတယ်။

ဗွီအိုအေ ကနေ ဦးကျော်မိုးထွန်း ကို Credential ကော်မတီ အစည်းအဝေး ဆုံးဖြတ်ချက် မတိုင်ခင်တရက် က တွေ့ဆုံမေးမြန်းခဲ့ရာမှာ ယူကရိန်း ကို ကူညီနေသလို မြန်မာပြည်သူတွေကိုလည်း ကူညီဖို့ ကုလသမဂ္ဂမှာ ပြောကြားခဲ့သလို ၊ ယူကရိန်းအရေး နဲ့ ပတ်သက်ပြီးလည်း ကုလသမဂ္ဂမှာ ထောက်ခံပြောကြားခဲ့ကြောင်း ပြောပါတယ်။

ဒါအပြင် Credential ကော်မတီမှာ ပါဝင်တဲ့ နိုင်ငံအများစုရဲ့ ထောက်ခံမှုကို ရရှိလိမ့်မယ်လို့လည်း သူအနေနဲ့ ယုံကြည်ကြောင်း ပြောပါတယ်။

Credential ကော်မတီမှာ ကုလသမဂ္ဂ လုံခြုံရေး ကောင်စီ အမြဲတမ်း အဖွဲ့ဝင် အမေရိကန် ပြည်ထောင်စု၊ ရုရှား ၊ တရုတ် တို့အပါအဝင် နိုင်ငံ ၉ နိုင်ငံပါဝင်ကြပါတယ်။

၁၃ ဒီဇင်ဘာ၊ ၂၀၂၂ VOA

ဆက်ဖတ်ရန် →

နဖူးပေါ် လက်တင်သင့်ပြီ (လှစိုးဝေ)

📅 💬 မှတ်ချက်

မင်းအောင်လှိုင်၏ လက်နက်အားကိုးဖြင့် အာဏာသိမ်းယူခဲ့မှုသည် သူ ဖြစ်စေချင်သည်နှင့် ပြောင်းပြန်ရလဒ်များ ထွက်ပေါ်လာခဲ့လေပြီ ဖြစ်သည်။

နိုင်ငံအနှံ့လည်း ၎င်း၏လက်ဝေခံ တပ်များက နှိပ်စက်လုယူ သတ်ဖြတ်မှု ပြုခြင်းများ နှင့် နပမ်းလုံးနေရချိန်တွင် ရာဇဝတ် မှုများ ထူပြောလာနေသည် ဆိုသည်အား အိမ်နီးချင်း စင်္ကာပူ နိုင်ငံထုတ် စထရိတ်တိုင်းမ် သတင်းစာ ကြီး မှ နေ့ခင်းကြောင်တောင် ရန်ကုန် မြို့လယ်ရှိ ဘတ်စ်ကား တစီး ပေါ်တွင် လူအုပ်စု နှင့် တက်၍ လုယက်မှု ဖြစ်ပွားလာခဲ့မှုအား အသေးစိတ် ဖေါ်ပြလာခဲ့သည်ကပင် ၎င်းတို့ အတွက် ရှက်ဖွယ်လိလိ ဖြစ်လာရသည်။

အဆိုပါ သတင်းစာကြီးမှ နိုဝင်ဘာလ အတွင်း နေ့လည်ခင်းတွင် မအေး ဆိုသူ အမျိုးသမီးသည် မင်္ဂလာ ဈေးမှ ဝယ်ခြမ်းပြီး လူများ ပြည့်ကျပ်နေသော ဘတ်စ်ကားပေါ် တက်စီးပြီး အိမ်ပြန်လာခဲ့သည်ဟု ဆိုသည်။ လမ်းတွင် လူငယ် အရွယ် ဆယ်ဦးခန့် ကားပေါ် တိုးဝှေ့တက်လာပြီး ကားပေါ်ရောက်သည်နှင့် ဓါးများကို ထုတ်ကာ ခရီး သည်များ ဆီမှ ငွေများ လုယက်သွားသည်။ လူတဦး မှ ဝင်ရောက် ကာကွယ်ရန် ကြိုးစားခဲ့သဖြင့် လုယက်သူ များက ဝိုင်းရိုက်သွားခဲ့ကြောင်း ပါရှိသည်။

ထိုသတင်း သည် သာမန် အဆင့်မျှသာ ဖြစ်သော်လည်း စစ်အာဏာသိမ်း အဖွဲ့ လက်အောက်တွင် နိုင်ငံတွင်း တရားဥပဒေ စိုးမိုးမှု ပျက်ပြားနေပြီး ပြည်သူများသည် ၎င်းတို့ ရန်အပြင် ဂိုဏ်းဖွဲ့ လုယက်ဆိုးသွမ်းနေသူများ၏ ဒဏ်ကြောင့် ကျီးလန့်စာစား ဖြစ်နေကြရသည်ကို အထင်အရှား ဖေါ်ပြလိုက်ခြင်းပင် ဖြစ်သည်။ ညဖက်များ တွင်လည်း ခွေးဟောင်သံကြားသည် နှင့် နားတစွင့်စွင့် နေကြရသည့် အခြေအနေမျိုး ကြုံတွေ့နေကြရသည်။ လူမှုရေး ပြဿနာများ ကိုယ်စီကိုယ်ငှ ကြုံတွေ့နေကြရသည်။ ထိုအထဲတွင် အသက်အိုးအိမ် စည်းစိမ် ပျက်စီး ဆုံးရှုံးသွားခဲ့ရသူ များအဖို့မှာ ဆိုဖွယ်ရာ မရှိတော့။

အစိုးရဟု အမည်ခံကာ အုပ်ချုပ်နေသော စစ်တပ်သည် ပြည်သူများ အား ကာကွယ်ပေးဖို့ ဝေးစွ ၎င်းတို့ သည်ပင် ပြည်သူများ အတွက် အကြီးမားဆုံး သော အန္တရာယ် ကြီး Clear and Present Danger ဖြစ်လာနေသည်။ တိုင်းပြည် စီးပွားရေး ဖွံ့ဖြိုးလာရန် လုပ်နိုင်ဖို့ ဝေးစွ ၎င်းတို့ ဆက်လက် သက်ဆိုး ရှည်နိုင်ရေး အတွက် နေ့စဉ်နှင့် အမျှ စစ်စရိတ်များ ဒေါ်လာ သိန်းချီ သုံးစွဲနေကြရသည်။

ထိုကဲ့သို့ တတိုင်းပြည်လုံးရှိ လူအပေါင်း၏ စိတ်နှလုံး ကြိမ်မီးအုံးအောင် မဲသမာမှု အကြောင်းပြကာ မိမိ အကျိုး စီးပွား တခုတည်းကို ကြည့်၍ ဖန်တီးခဲ့မှုသည် ဗုဒ္ဓဘာသာ ရှုထောင့်အရ မည်မျှ အပြစ်ကြီး မည် ဆိုသည်မှာ တွေးဝံ့စရာပင် မရှိပေ။

မင်းအောင်လှိုင်သည် ပြည်သူများ အား ဆန့်ကျင်အံတုကာ စစ်ပွဲ ဆင်နွှဲနေခြင်းသည် နှစ်နှစ် ကြာလာသည့်တိုင် မည်သို့မျှ မနိုင်နိုင်မှန်း သိနေသော်လည်း အဆုံးသတ်၍ မဖြစ်တော့သဖြင့် ဆင်ကန်း တောတိုး ခရီးနှင်နေရလေ သည်။ ထို ခရီးကြမ်းတွင် ၎င်း အား ထောက်ခံသူများသည် ပြန်ပြီး ဆန့်ကျင်လာ၍ မရအောင် ကြံရာပါ များ အဖြစ် တရစ်ပြီး တရစ် တုတ်နှောင်လာနေရသည်။ ၎င်း ၏ ဆင်ဖမ်းမယ် ကျားဖမ်းမယ် ဆိုသော အဓိပ္ပါယ်မရှိ ဝါဒ ဖြန့်ချီမှု များကို ကြိတ်မှိတ် ယုံနေကြရသည်။ အချင်းချင်းလည်း ကျောသပ်ရင်သပ်နှင့် အားပေးနေကြ ရသည်။

မည်သို့ပင် ဖြစ်စေ ၎င်းတို့ အာဏာ ဆက်လက် ဆုပ်ကိုင်နေသရွေ့ အောက်ခြေ စစ်သားများအနေနှင့် လာမည့်နှစ် ဒီလို အချိန်တွင် အသက်နှင့် ခန္ဓာ မြဲနေပါဦးမည်လား ဟု မဖြစ်မနေ တွေးလာကြရဖို့သာ ရှိပေသည်။

ရုရှား အတိုက်အခံ ခေါင်းဆောင် အလက်ဆီ နာဗာနီ ၏ တရားခွင်တွင် ပြောဆိုချက်အပေါ် ကိုးကားရမည် ဆိုလျှင် “အခြေအနေများသည် တဖြေးဖြေး လျောကျ လာခြင်းမျိုး မဟုတ်ဘဲ ခုန်ပျံ ကျော်လွှားပြီး တလိမ့် ခေါက်ကွေး ကျလာနေ၍ မကာကွယ်နိုင်ပါက အောက် အရောက်တွင် မည်မျှအထိ အကျနာမည့် အပြင် မည်သို့ မည်ပုံ ကျေမွ သွားမည် ဆိုသည်ကိုသာ စောင့်ကြည့်ကြရဖို့ ရှိသည်” ဟု ဆိုသည်။

အနတ္တ သူရိယ အမတ်ကြီး၏ လင်္ကာ ဖြစ်သော “သူတည်း တယောက် ကောင်းဘို့ရောက်မူ၊ သူတယောက်မှာ ပျက်လင့် ကစား” သာ ကြာဖူး၏၊ ယခုတော့ လူ ငါးဆယ့်နှစ်သန်း စလုံး လုံးပါး ပါးတော့မည် အရေးပင် ဖြစ် သည်။ ပြည်သူများ အဖို့က ၎င်းတို့ တသက် မည်သည့်အခါမျှ မကြုံခဲ့ဖူးသော ယုတ်မာ ဆိုးသွမ်းလှသည့် အုပ်ချုပ်ရေး စနစ် နှင့် ရင်ဆိုင်နေကြရပြီ။ ထိုသို့ ကြုံနေရသည်ကို နိုင်ငံတကာ မှလည်း တဖြေးဖြေး နှင့် အသိအမှတ် ပြုလာကြပြီ ဖြစ်သည်။

ရွေးကောက်ပွဲ လုပ်ဖြစ်ပြီး သမ္မတ ဖြစ်လာသည် ဆိုစေဦး၊ ယခုလို ပုံစံမျိုးဖြင့် သတ်ဖြတ် မီးရှို့၊ ဗုံးကြဲ ဖြင့် မည်မျှ ကြာကြာ ဆက်၍ နေသွားနိုင်မည်နည်း ဆိုသည်ကို ကိုယ့်ကိုယ်ကိုယ် ပြန်၍ မေးခွန်းထုတ်ရပေတော့ မည်သာ ဖြစ်သည်။

ပြည်သူတို့၏ ခုခံတွန်းလှန်စစ် မုချအောင်ရမည်!!!

(လှစိုးဝေ)

https://www.facebook.com/soewai66?mibextid=LQQJ4d

ဆက်ဖတ်ရန် →

စစ်ကောင်စီက ကာကွယ်ရေးနှင့် ပြည်ထဲရေးဌာနတို့အတွက် ဒေါ်လာ ၂ ဘီလျံကျော်အထိ သုံးစွဲရန် လျာထား

📅 💬 မှတ်ချက်

စစ်ကောင်စီလက်ထက် ကြွေးမြီနှင့် စစ်အသုံးစရိတ်တိုးလာ

ပြည်တွင်းပြည်ပကြွေးမြီ စုစုပေါင်း ဒေါ်လာ ၂၈ ဘီလျံအထိရှိနေသော်လည်း စစ်ကောင်စီက ကာကွယ်ရေးနှင့် ပြည်ထဲရေးဌာနတို့အတွက် အသုံးစရိတ် နှစ်ဆကျော်တိုးကာ ဒေါ်လာ ၂ ဘီလျံကျော်အထိ သုံးစွဲရန် လျာထားသည်။

ထူးအောင်

Published on Dec 7, 2022 Myanmar now

၂၀၁၈ ခုနှစ်အတွင်းက ဧရာဝတီတိုင်းတွင် ပြုလုပ်သည့် ပူးပေါင်း စစ်ဆင်ရေးလေ့ကျင့်ခန်းတစ်ခုကို တွေ့ရစဉ်။ (ဓာတ်ပုံ - EPA/EFE)

အာဏာသိမ်းပြီးနောက်ပိုင်း စစ်အသုံးစရိတ်နှင့် ပြည်တွင်းပြည်ပကြွေးမြီများ တိုးလာကြောင်း ပြီးခဲ့သည့်လအတွင်း ထုတ်ပြန်သည့် စစ်ကောင်စီ၏ ၂၀၂၂ - ၂၃ ဘဏ္ဍာနှစ် ဘတ်ဂျက်လျာထားမှု ကိန်းဂဏန်းများအရ သိရသည်။

အာဏာမသိမ်းမီကပင် ကိုဗစ်ကပ်ရောဂါကြောင့် စီးပွားရေးနှင့် ဖွံ့ဖြိုးရေးလုပ်ငန်းများနှေးကွေးကာ ပြည်ပချေးငွေ ပြန်လည်ပေးဆပ်နိုင်မှု လျော့ကျခဲ့ရာ စစ်ကောင်စီလက်ထက်တွင် နိုင်ငံတကာ ရင်းနှီးမြှုပ်နှံမှုလုပ်ငန်းများထွက်ခွာခြင်းနှင့်အတူ တိုင်းပြည်စီးပွားရေး ယုတ်လျော့ကျဆင်းနေခြင်းကြောင့် ပြည်ပကြွေးမြီကိစ္စ ဆက်လက်ထိခိုက်နေမည်ဖြစ်သည်။

စစ်တပ်က အာဏာသိမ်းထားချိန် ကမောက်ကမအခြေအနေများကြောင့် တိုင်းပြည်စီးပွားရေးအခြေအနေနှင့် စပ်လျဉ်းသည့် ကိန်းဂဏန်းများ အသေးစိတ်မသိရှိရသော်လည်း ပြည်ပကြွေးမြီပြဿနာမှာ မြန်မာနိုင်ငံအတွက် အကြီးအကျယ် ခြိမ်းခြောက်နိုင်ခြေရှိသည်။

သမ္မတဦးသိန်းစိန်နှင့် အမျိုးသားဒီမိုကရေစီအဖွဲ့ချုပ် (NLD) အစိုးရတို့လက်ထက်တွင် ပြည်ပကြွေးမြီ အမေရိကန်ဒေါ်လာ ၁ ဘီလျံကျော် ပြန်လည်ပေးဆပ်နိုင်ခဲ့ပြီး အဓိကအားဖြင့် တရုတ်ချေးငွေ အများဆုံးဖြစ်သည်။

အနောက်အုပ်စုနိုင်ငံများ၏ စီးပွားရေးပိတ်ဆို့မှုဒဏ်ကို ကာလကြာရှည်ခံစားခဲ့ရသည့် အာဏာရှင်ဟောင်း ဦးသန်းရွှေလက်ထက်တွင် ရေနံပိုက်လိုင်းတည်ဆောက်ရေး၊ ရေကာတာများတည်ဆောက် ရေးတို့အတွက် တရုတ်ချေးငွေ အများအပြား ရယူခဲ့သည့်နည်းတူ ဦးသိန်းစိန်လက်ထက်တွင်လည်း သမဝါယမလုပ်ငန်းအတွက် အတိုးနှုန်းမြင့်မားသည့် တရုတ်ချေးငွေ ဆက်ယူခဲ့သည်။

Table_1.Jpg

ဝန်ကြီးဌာနအလိုက် ချေးငွေအများဆုံးယူထားသည့် ဌာနများမှာ ပို့ဆောင်ဆက်သွယ်ရေး၊ လျှပ်စစ်နှင့်စွမ်းအင်၊ စီမံကိန်းနှင့် ဘဏ္ဍာရေးဝန်ကြီးဌာနတို့ဖြစ်သည်။

ပြည်တွင်းပြည်ပကြွေးမြီနှင့် ဂျီဒီပီအချိုးကို ၄၀ ရာခိုင်နှုန်းထက် မကျော်လွန်ရန် သတ်မှတ်ထားသော်လည်း ယခုအခါ ၅၅ ရာခိုင်နှုန်းအထိ ရောက်ရှိနေပြီဖြစ်သည်။

အာဏာမသိမ်းမီ ၂၀၁၆ မှ ၂၀၂၁ အထိ ကြွေးမြီနှင့် ဂျီဒီပီအချိုး ၂ မှ ၃ ရာခိုင်နှုန်းအထိသာ တက်ခဲ့သော်လည်း စစ်ကောင်စီလက်ထက် နှစ်နှစ်တာအတွင်း နိုင်ငံရေးမတည်ငြိမ်မှု၊ စီးပွားရေးကျဆင်းမှုနှင့် မသေချာမရေရာသော မူဝါဒများကြောင့် ၁၀ ရာခိုင်နှုန်းအထိ တက်လာသည်။

၂၀၁၉ - ၂၀ ဘဏ္ဍာနှစ်တွင် ကြွေးမြီနှင့် ဂျီဒီပီအချိုးမှာ ၄၂ ဒသမ ၂၄ ရာခိုင်ရာနှုန်းရှိခဲ့ရာမှ အာဏာသိမ်းပြီးနောက် ၂၀၂၀ - ၂၁ ဘဏ္ဍာနှစ်တွင် ၅၅ ဒသမ ၀၃ ရာခိုင်နှုန်းအထိ ရောက်ရှိလာပြီး ပြည်တွင်းပြည်ပကြွေးမြီ စုစုပေါင်း ကျပ်ဘီလျံ ၅၉,၅၅၁ ဘီလျံရှိသည်။ လက်ရှိငွေလဲလှယ်နှုန်း တစ်ဒေါ်လာ ကျပ် ၂၁၀၀ ဖြင့် တွက်ချက်မည်ဆိုပါက ဒေါ်လာ ၂၈ ဘီလျံ ဖြစ်သည်။

နိုဝင်ဘာလလယ်ပိုင်းက နေပြည်တော်သတင်းစာရှင်းလင်းပွဲတွင် စစ်ကောင်စီပြောခွင့်ရ ဗိုလ်ချုပ်ဇော်မင်းထွန်းက ၎င်းတို့လက်ထက်တွင် ပြည်ပချေးငွေ ထပ်ယူခြင်းမရှိဘဲ ဒေါ်လာ ၁ ဒသမ ၄ ဘီလျံကျော်ပင် ပြန်ဆပ်နိုင်ကြောင်း ဆိုသည်။

သို့သော် မည်သည့်နိုင်ငံမှ ကြွေးမြီကို ပြန်ဆပ်ခြင်းဖြစ်ကြောင်း၊ မည်သို့မည်ပုံ ပေးဆပ်နေကြောင်းကိုမူ ၎င်းက ထုတ်ဖော်ပြောဆိုခြင်း မရှိပေ။

ယခင်အစိုးရနှစ်ဆက်တွင် နိုင်ငံခြားချေးငွေများဖြင့် စီးပွားရေးတိုးတက်အောင် လုပ်ခဲ့သော်လည်း ၎င်းတို့ လက်ထက်တွင် ပြည်ပချေးငွေ အားမကိုးကြောင်း၊ ပြည်ပသွင်းကုန်များထက် ပြည်တွင်းထုတ်ကုန်ကိုသာ အားပေးကြောင်း၊ ပြည်တွင်းအားသည် ပြည်တွင်းမှာသာရှိကြောင်း အာဏာသိမ်းခေါင်းဆောင်က မကြာခဏ ထုတ်ဖော်ပြောဆိုလေ့ရှိသည်။

အာဏာသိမ်းစစ်ဗိုလ်ချုပ်များက ထိုသို့ဆိုနေသော်လည်း စီမံကိန်းနှင့် ဘဏ္ဍာရေးဝန်ကြီးဌာန၏ ၂၀၂၂ - ၂၃ ဘတ်ဂျက်လျာထားမှုတွင် ဘဏ္ဍာငွေလိုအပ်ချက်အတွက် ပြည်ပချေးငွေ ကျပ်ဘီလျံ ၁၇၇၃ (ဒေါ်လာ ၁ ဘီလျံကျော်) ဖြည့်တင်းရန် ဖော်ပြထားသည်။

Table_3.Jpg

အသုံးစရိတ်

အာဏာသိမ်းပြီးနောက် နိုင်ငံတစ်ဝန်း လက်နက်ကိုင်တော်လှန်ပုန်ကန်မှုများ ကျယ်ကျယ်ပြန့်ပြန့် ဖြစ်လာပြီး စစ်ကောင်စီ၏ ကာကွယ်ရေးနှင့် ပြည်ထဲရေးဝန်ကြီးဌာနတို့၏ အသုံးစရိတ်များ သိသိသာသာ မြင့်မားလာသည်ကို လေ့လာတွေ့ရှိရသည်။

စစ်ကောင်စီလက်အောက်ခံ စီမံကိန်းနှင့် ဘဏ္ဍာရေးဝန်ကြီးဌာန၏ ကိန်းဂဏန်းများအရ ကာကွယ်ရေးအသုံးစရိတ်မှာ ယခင်နှစ်များနှင့် နှိုင်းယှဉ်ပါက ကျပ်ဘီလျံ ၂၀၀၀ နီးပါးအထိ တိုးလာသည်။ ပြည်ထဲရေးဝန်ကြီးဌာန၏ အသုံးစရိတ်မှာ နှစ်ဆတက်ကာ ကျပ်ဘီလျံ နှစ်သောင်းခွဲကျော် တိုးလာသည်။

ပြီးခဲ့သည့် ၂၀၂၁ - ၂၂ ဘဏ္ဍာနှစ်တွင် ကာကွယ်ရေးအသုံးစရိတ် ကျပ်ဘီလျံ ၁,၇၄၆,၈၆၀ (ဒေါ်လာ ၁ ဘီလျံ) ရှိခဲ့ရာမှ လာမည့် ၂၀၂၂ - ၂၃ ဘဏ္ဍာနှစ်တွင် ကျပ်ဘီလျံ ၃,၇၀၃,၈၆၆ ဘီလျံ (ဒေါ်လာ ၂ ဘီလျံကျော်) အထိ တိုးမြှင့်သုံးစွဲရန် အာဏာသိမ်းစစ်တပ်က လျာထားသည်။

ပြည်ထဲရေးက နှစ်ဆကျော်အထိပင်ရှိသည်။ ၂၀၂၁ - ၂၂ တွင် ကျပ်ဘီလျံ ၂၅၈,၆၁၀ (ဒေါ်လာ ၁၅၂ သန်း) ရှိခဲ့သော်လည်း ၂၀၂၂ - ၂၃ တွင် ၅၁၁,၂၁၉ (ဒေါ်လာသန်း ၃၀၀) အထိ သုံးစွဲရန် စစ်ကောင်စီက လျာထားသည်။

(မှတ်ချက် - ယခင်ဘဏ္ဍာနှစ်ဟောင်းများလည်း ပါဝင်သည့်အတွက် အမေရိကန်ဒေါ်လာတန်ဖိုးကို လက်ရှိ ငွေလဲလှယ်နှုန်းအရ တစ်ဒေါ်လာလျှင် ကျပ် ၂၁၀၀ ခန့်ရှိသော်လည်း ကျပ် ၁၇၀၀ နှုန်းဖြင့်သာ တွက်ချက် ထားသည်။)

ကိုဗစ်ကပ်ရောဂါနှင့် အာဏာသိမ်းမှုကြောင့် ပြည်တွင်းစီးပွားရေးကျဆင်းနေမှု၊ နိုင်ငံတကာ၏ ပိတ်ဆို့အရေးယူမှုတို့အပြင် စစ်ကောင်စီ၏ ကန့်သတ်ပိတ်ပင်မှုများကြောင့် အထွေထွေကုန်ဈေးနှုန်း ကြီးမြင့်ကို ပြည်သူလူထုရင်ဆိုင်နေရချိန် စစ်ကောင်စီက ၎င်း၏လက်နက်ကိုင်တပ်ဖွဲ့များအတွက် အသုံးစရိတ်တိုးမြှင့်နေသည်။

Table_2.Jpg

စစ်အသုံးစရိတ် တိုးမြှင့်ခဲ့သော်လည်း ပြည်သူလူထုအတွက် အခြေခံအကျဆုံးနှင့် အရေးကြီးဆုံးဖြစ်သော ကျန်းမာရေးနှင့် ပညာရေးဆိုင်ရာ အသုံးစရိတ်မှာမူ ထက်ဝက်ကျော် ကျဆင်းသွားသည်ကို စီမံကိန်းနှင့် ဘဏ္ဍရေးဝန်ကြီးဌာန၏ ကိန်းဂဏန်းအချက်အလက်များအရ သိရသည်။

နိုင်ငံခြားသုံးငွေ ရှားပါးလာခြင်းနှင့်အတူ ဘဏ္ဍာငွေလိုအပ်ချက်မြင့်မားနေသည့်အတွက် စစ်ကောင်စီက ပြည်ပသွင်းကုန်များကို အဆုံးစွန်နီးပါး ကန့်သတ်ပိတ်ပင်ထားသည့်အပြင် ပြည်တွင်းစီးပွားရေးလုပ်ငန်းများနှင့် ဘဏ်များအပေါ်လည်း အမျိုးမျိုးကန့်သတ်ချုပ်ချယ်ထားသည်။

ဘဏ္ဍာငွေလိုအပ်ချက်ကို ဖြည့်ဆည်းပေးနိုင်သည့် နိုင်ငံပိုင်စီးပွားရေးလုပ်ငန်းများမှာ ယခင်က အတန်အသင့် ဝင်ငွေရရှိနေသော်လည်း အာဏာသိမ်းပြီးနောက်ပိုင်းတွင် အလွန်အမင်းကျဆင်းလာသည်။

နိုင်ငံပိုင်လုပ်ငန်းများ၏ ကျပ်ငွေအားဖြင့် ဝင်ငွေကျဆင်းမှုပမာဏမှာ ယခင် ၂၀၁၉ - ၂၀ တွင် ၇ ဒသမ ၁ ရာခိုင်နှုန်းသာရှိခဲ့သော်လည်း စစ်ကောင်စီလက်ထက်တွင် ၃၀ ရာခိုင်နှုန်းအထိ ဖြစ်လာသည်ဟု ယခုနှစ် ဇူလိုင်လအတွင်းက ထုတ်ပြန်သော ကမ္ဘာ့ဘဏ်အစီရင်ခံစာတွင် ဖော်ပြသည်။

အရပ်သားအစိုးရလက်ထက်တွင် ပြည်ပအကူအညီများနှင့် ဖွံ့ဖြိုးရေးလုပ်ငန်းများအတွက် ထောက်ပံ့မှုများ ရရှိခဲ့သော်လည်း အာဏာသိမ်း စစ်တပ်လက်ထက်တွင် ပြည်ပအကူအညီရငွေများ ရပ်တန့်သွားခဲ့သည်။

ဆက်ဖတ်ရန် →

ကနေဒါက ဇော်မင်းထွန်းအပါအဝင် စစ်ကောင်စီနဲ့ပတ်သက်သူ ၁၂ ဦးနဲ့ ကုမ္ပဏီ ၃ ခုကို ပိတ်ဆို့အရေးယူ

📅 💬 မှတ်ချက်

လူ့အခွင့်အရေးနေ့အကြိုမှာပဲ ကနေဒါက ဇော်မင်းထွန်းအပါအဝင် စစ်ကောင်စီနဲ့ပတ်သက်သူ ၁၂ ဦးနဲ့ ကုမ္ပဏီ ၃ ခုကို ပိတ်ဆို့အရေးယူကြောင်း ကြေညာ

မဲခေါင်၊ ဒီဇင်ဘာ ၁၁

ဒီဇင်ဘာ ၁၀ ရက်နေ့ဟာ ကမ္ဘာလုံးဆိုင်ရာ လူ့အခွင့်အရေးနေ့ဖြစ်တဲ့အလျှောက် ဒီနေ့မတိုင်ခင် တစ်ရက်အလိုမှာ ပဲ ကနေဒါနိုင်ငံဟာ မြန်မာစစ်ကောင်စီနဲ့ပတ်သက်သူ ၁၂ ဦးနဲ့ ကုမ္ပဏီ ၃ ခုကို ပိတ်ဆို့အရေးယူကြောင်း ထုတ်ပြန် ကြေညာခဲ့ပါတယ်။

ယူကရိန်းကိုကျူးကျော်စစ်ဆင်နွှဲနေသလို ပြည်သူတွေအပေါ်မှာလည်း လူ့အခွင့်အရေးချိုးဖောက်နေတဲ့ ရုရှားက ယခုနဲ့ယခင် စစ်တပ်အကြီးအကဲ ၃၃ ယောက်နဲ့ အဖွဲ့အစည်း ၆ ခု၊ အီရန်မှာ စနစ်တကျနဲ့ လူ့အခွင့်အရေးချိုး ဖောက်၊ ဆန္ဒပြပြည်သူတွေကို သတ်ဖြတ်နေမှုနဲ့ ၂၂ ယောက်၊ စုစုပေါင်း ၆၇ ယောက်နဲ့ အဖွဲ့အစည်း၊ ကုမ္ပဏီ ၉ ခုကို ပိတ်ဆို့အရေးယူကြောင်း ကနေဒါ နိုင်ငံခြားရေးဝန်ကြီး မယ်လနီဂျိုလီက ထုတ်ပြန်ကြေညာခဲ့တာဖြစ်ပါတယ်။

မယ်လနီဂျိုလီက "ထပ်ပြီးအရေးယူစရာတွေ လာပါဦးမယ်။ ကနေဒါနိုင်ငံဟာ လူ့အခွင့်အရေးနဲ့ပတ်သက်ရင် မားမားမတ်မတ်ရပ်တည်မှုကို ဘယ်တော့မှ မေ့လျော့မှာ မဟုတ်ဘူး" လို့ ပြောသွားခဲ့တယ်။

မြန်မာနိုင်ငံက စစ်ကောင်စီနဲ့ပတ်သက်သူတွေကို အရေးယူရတာက သေဒဏ်ကို နိုင်ငံရေးလက်နက်အဖြစ် အသုံးချပြီး ချမှတ်နေမှု၊ မတရားအာဏာသိမ်းပြီးကတည်းက လူပေါင်း ၁၆၅၀၀ ကျော်ကို ဖမ်းဆီးပြီး ဒီနေ့အထိ ၁၃၀၀၀ ကျော်ဟာ ထောင်ထဲမှာပဲရှိနေသေးတဲ့အတွက် အရေးယူရတာလို့ ထုတ်ပြန်တယ်။

စစ်ကောင်စီနဲ့ပတ်သက်ပြီး အရေးယူလိုက်သူ ၁၂ ယောက်က ဇော်မင်းထွန်း၊ မောင်မောင်အုန်း၊ ထွန်းထွန်းနိုင်၊ ခင်မောင်ရီ၊ မျိုးမြင့်ဦး၊ သောင်းဟန်၊ ဝင်းရှိန်၊ ကိုကိုလွင်၊ အောင်စိုး၊ ဇင်မင်းထက်၊ လှိုင်မိုးမြင့်နဲ့ မျိုးသစ္စာတို့ဖြစ်ပြီး ကုမ္ပဏီ ၃ ခုကတော့ Dynasty International Company Limited၊ International Gateways Group နဲ့ Asia Sun Group တို့ဖြစ်ပါတယ်။

အခုချမှတ်လိုက်တဲ့ ပိတ်ဆို့အရေးယူမှု (Sanction) အရ မြန်မာနိုင်ငံနဲ့ပတ်သက်တဲ့ အထူးစီးပွားရေးဆောင်ရွက်ချက် စည်းမျဉ်းဥပဒေ(Special Economic Measures (Burma) Regulations )အတိုင်း ကနေဒါနိုင်ငံနဲ့ပတ်သက်ပြီး ငွေလွှဲတာမျိုးလုံး၀မရတော့ဘဲ လွှဲရင် သိမ်းဆည်းမယ်၊ ကနေဒါ နိုင်ငံတွင်းနဲ့ ကနေဒါနိုင်ငံပြင်ပရှိ ကနေဒါသားတွေအားလုံး အရေးယူခံရသူတွေရဲ့ ပိုင်ဆိုင်မှုတစ်ခုခုနဲ့ပတ်သက်ပြီး ဘယ်လှုပ်ရှားမှုမှာမဆို ပါဝင်ခြင်းမပြုဖို့ ဒါမှမဟုတ် ဒီလူတွေကို ငွေကြေး သို့မဟုတ် ဆက်စပ်ဝန်ဆောင်မှုတွေ ပေးခြင်းမလုပ်ရလို့ တားမြစ်လိုက်တာဖြစ်ပါတယ်။

ရုရှားကတော့ သူတို့ကို ပိတ်ဆို့အရေးယူတာကို မကျေနပ်လို့ မော်စကိုမှာရှိတဲ့ ကနေဒါသံအမတ်ကို ချက်ချင်း ဆင့်ခေါ်သတိပေးပြီး ကနေဒါသား အယောက် ၂၀၀ ကို ပြန်ပိတ်ဆို့အရေးယူကြောင်း ချက်ချင်းထုတ်ပြန်ခဲ့တယ်။

ရုရှားဟာ ၂၀၁၄ မှာ ခရိုင်းမီးယားဒေသကို ကျူးကျော်သိမ်းပိုက်မှုနဲ့ပတ်သက်လို့ ကနေဒါနိုင်ငံက ရုရှားသား လူပုဂ္ဂိုလ် အယောက် ၂၁၀၀ နဲ့ ကုမ္ပဏီ အဖွဲ့အစည်းတွေကို ပိတ်ဆို့အရေးယူခဲ့လို့ ရုရှားက ခုလို တုံ့ပြန်လိုက်တာ ဖြစ်ပါတယ်။

MKF - 001

#MeKongNews

Ref: canada.ca

ဆက်ဖတ်ရန် →

နိုင်ငံရေးသေကြောင်းကြံစည်မှု

📅 💬 မှတ်ချက်

ခုရက်ထဲ ဒေါ်အောင်ဆန်းစုကြည် ဆီ ကို လာမယ့်နှစ် မအလလုပ်မယ့် ရွေးကောက်ပွဲဝင်ဘို့ ပါတီဝင်တချို့က သွားစည်းရုံးကြတယ် ဆိုတဲ့သတင်း ရုတ်ရုတ်သဲသဲဖြစ်လာတယ်။ ကာယကံရှင်တွေ က ရက်စ် အော် နိုး ပြည်သူကို ပြောမှရမယ်။ ဘာလို့လဲ ဆိုတော့ ဒါ နိုင်ငံရေးဆူဆိုဒ် မို့ပဲ။ အချင်းချင်းတွေ ဆိုတော့ စာရေးရတာ စိတ်မသက်သာဘူး။ ဒါပေမယ့် ရေးသင့်တဲ့အခါ နည်းနည်းတော့ ရေးရတာပဲ။ ၉၀ ရွေးကောက်ပွဲက စပြီး NLD ကို အမျိုးမျိုး ဖြိုခွဲတာ ကြုံခဲ့ဖူးပါတယ် ။ မှတ်မိသလောက် နဝတ က ၉၀ ရွေးကောက်ပွဲ အပြီး NLD ထဲက အနိုင်ရ အမတ်၆ ယောက်လောက်ဖဲ့ထုတ်နိုင်ခဲ့တယ် ထင်တယ်။ ရင်းရင်းနှီးနှီး မှတ်မိနေသူက မင်္ဂလာဒုံ မြို့နယ်က အမတ် ကိုကြည်ဝင်း။ သူက ဦးသန့် အရေးအခင်းကတည်းက ဘွဲ့နှင်းသဘင် ဘက်အခြမ်းက သပိတ်ကော်မီတီ ဥက္ကဌတယောက်ဆိုတော့ ၁၉၇၄ ကတည်းက သိခဲ့ဖူးတာ ။ ထောင်ကျချင်း သိကြတာမျိုး။ ၁၉၉၀ တဝိုက် မှာ သူ ကြက်ခြံလုပ် ကြက်ဥ တွေရောင်း -စီးပွါးရေး လုပ်နေတော့ သူငယ်ချင်း ကိုအောင်ထိုက်က သူ့ စိတ်တိုင်းကျ ဆိုင်တွေ အားလုံးအတွက် သူ့ဆီက ကြက်ဥ တွေ အကုန် လုံး ပင်တိုင်ဝယ် ဖြုန်းပေးတာ။ စိတ်တိုင်းကျ ဆိုင်အားလုံးရဲ့တဦးတည်းဖေါက်သည် ပေါ့။ ဘော်ဒါချင်း ကြည့်ကြတဲ့ သဘော ပဲ ။ ဆိုင် ၅ ဆိုင် ရဲ့ တရက် ကြက်ဥ ဖြုန်းအားကလဲ ၅၀၀ - ၁၀၀၀ လောက် အသာလေး ဆိုတော့ သူလဲ စိတ်အေးလက်အေး ပြေပြေလည်လည်ရှိတာပေါ့။ အဲလို ဖြစ်နေရာက သူ - ဒီချုပ်ကို ခြေကန်ပြီး နဝတ ခေါ်ရာ ညောင်နှစ်ပင် ဆီ ပါသွားတယ်လဲ ကြားရော သူငယ်ချင်းကိုအောင်ထိုက်နဲ့ အပြီး ပြတ်စဲသွားကြတယ်။ ကိုအောင်ထိုက်က ဖေါက်သည်ဖြတ်လိုက်တော့ သူလဲ တခြားသွား ဖေါက်သည် အသစ်ရှာပေမယ့် အဆင်မပြေဘူး ကြားရတယ်။ နောက်ပိုင်း သူ့ ကျန်းမာရေး ချို့ယွင်းလာပြီး သူ ကွယ်လွန်သွားချိန်အထိ ကျွန်တော်တို့ လဲ အဆက်အဆံတွေ မရှိတော့ဘူး။ ၂၀၁၀ မှာတခါ ဒေါ်စုတို့ကိုဖမ်းထားပြီး စစ်တပ်က ပြည်ခိုင်ဖြိုး အတွက် သပိတ်ဝင် အိတ်ဝင် ရွေးကောက်ပွဲလုပ်ပြန်တော့ NLD က ဝင်မပြိုင်ဘူး ဆိုတဲ့မူ။ စမ်းချောင်းက NLD အမတ် ဦးခင်မောင်ဆွေ တို့ က ပါတီမူကို ကလန်ပြီး လူနည်းနည်း စုပြီး ပါတီ အသစ်တခု ထထောင်ပြီး ရွေးကောက်ပွဲဝင်ကြတယ်။ လွှတ်တော် တက်ကြတာ ၂၀၁၅ အထိ ၅ နှစ် သက်တမ်းတတမ်း ခေါင်းပေါင်းစ တလူလူ ကြွားနိုင်ခဲ့တယ်ထင်ပါတယ်။ ၂၀၁၅ မှာ NLD က တကယ် အင်အားအပြည့် နဲ့ ဝင်ချလာတော့ သူတို့ ဘဲဥ မကွဲတော့ဘူး။ အခုလဲ ကြားရပြန်တာတွေက ဟာသလား သာဓက ထပ်တခါလား နောက်မှ သေချာသိမယ်။ အင်မတန် အရေးကြီးတဲ့ ဒီ သမိုင်းအလှည့်အပြောင်းမှာ အဆုံးအဖြတ်က ပြည်သူပဲ။ လူငယ်တွေ ကို ကြည့်လိုက်ဦး။အသက်စွန့်လုပ်ကိုင်နေကြတာကို ဦးနှောက်နဲ့ စဉ်းစား -ရင်ဘတ်နဲ့ခံစား ကြည့်ရုံနဲ့ ဒါတွေဟာ မျိုးဆက်သစ် ဗိုလ်အောင်ကျော်တွေ -သခင်ဗဟိန်းတို့ခေတ်က သွေးမျိုးတွေ ပိုတောင် ရဲရင့်နေသေးရဲ့ ဆိုတာ သေချာသိသင့်တယ် ။ သူတို့ ရဲ့ သွေးသစ္စာ အောက်မှာ ဘာတခုမှ ပေါ့ပျက်ပျက် သွားလုပ်လို့မရဘူး ။ သမိုင်းကွေးသွားကြရုံပဲ။ အခုနွေဦးတော်လှန်ရေးက ၆၂- ၈၈ တိုက်ပွဲ တွေ ရဲ့ အဆက်ပဲ။ တိုင်းရင်းသားတွေ အတွက်လဲ သူတို့ လန ကိုင်လာတဲ့ နှစ်တွေသမိုင်း တစုံလုံးရဲ့ အဆက် ဖြစ်တာပဲ။ ဒါကို ဒေါ်အောင်ဆန်းစုကြည်လဲ ထောင်နံရံ တွေကို နားကပ်ထောင်ရင်း ကြားမိပြီးသား စေ့ငု သုံးသပ်နေပြီးသား ဖြစ်လိမ့်မယ်ထင်တယ်။ ဒါကြောင့်လဲ တဦးချင်း တဖွဲ့ချင်း သူ့ဆီ ဘယ်သူလာတွေ့တာကိုမှ လက်ခံမှာ မဟုတ်ဘူး။ NLD ဗဟို အလုပ်အမှုဆောင် စုံညီ အရင်တွေ့ခွင့်ရမှ သူ တစုံတရာ ပြောနိုင်မယ်လို့ အမှာ ကြိုပါးထားတာပဲ။ အမျိုးသား ပြန်လည် ရင်ကြားစေ့ရေး က လုံလောက်တဲ့ ကာလ နဲ့ ပေးထားချက်တွေ ရှိတယ်။ အခု အခြေအနေတွေ အကုန် ကုန်သွားပြီ။ စေ့စပ်တဲ့ အချိန်တခုတော့ ပြန် ရောက်လာပါဦးမယ် ။ သမ္မတ ဒူးဝါးလရှီးလ ပြောတဲ့ ၅ ချက် နဲ့ transitional justice ပါလိမ့်မယ် ထင်တယ်။ နိုင်ငံရေး သေကြောင်းကြံစည်မှုကို မလုပ်ကြပါနဲ့။ နွေဦးတော်လှန်ရေးကို ယူအန် ယူအက်စ်လဲ မတားနိုင်ဘူး။ အာဆီယံ -ဒေါ်စုလဲ မတားနိုင်ဘူး။ ခွန်ဆိုင်း ( ၈-၁၂- ၂၀၂၂ )

ဆက်ဖတ်ရန် →

မြန်မာအရေး အာဆီယံဖြေရှင်းနေမှု ပိုဆိုးအောင် မလုပ်ဖို့ အိန္ဒိယကို အင်ဒို နိုင်ငံခြားရေးဝန်ကြီး သတိပေး

📅 💬 မှတ်ချက်

ဒီနှစ်ကုန်ပြီးရင် ၂၀၂၃ ခုနှစ်အာဆီယံအလှည့်ကျဥက္ကဌ ဖြစ်လာမယ့် အင်ဒိုနီးရှားနိုင်ငံ နိုင်ငံခြားရေးဝန်ကြီး ရတ်နိုမာဆူဒီက မြန်မာနိုင်ငံကိုလာရောက်ပြီး စစ်ကောင်စီနဲ့ နှစ်နိုင်ငံအကျိုးတူပူးပေါင်းဆောင်ရွက်ရေးကိစ္စ တွေဆွေးနွေးသွားတဲ့ အိန္ဒိယကို မြန်မာ့ငြိမ်းချမ်းရေးဖြစ်စဉ်အတွက် သီးခြားလမ်းကြောင်းနဲ့ ညှိုနှိုင်းတာမျိုး မလုပ်ဖို့နဲ့ ဒီလိုလုပ်ခြင်းဟာ အရင်ကတည်းက အကျိုးသက်ရောက်မှုမရှိခဲ့တဲ့ အာဆီယံရဲ့ မြန်မာ့အရေး လမ်းညွှန်ချက်ငါးရပ်ကို ပိုပြီး အကျိုးသက်ရောက်မှု ထပ်နည်းသွားစေလိမ့်မယ်လို့ သတိပေးစကား ပြောကြားသွားပါတယ်။

မဆူဒီက အာဆီယံဟာ မြန်မာပါဝင်တဲ့အဖွဲ့အစည်းဖြစ်လို့ အိန္ဒိယနဲ့ တခြားသောနိုင်ငံတွေက အာဆီယံရဲ့ မြန်မာ့ အရေးပေါ်လစီကို လေးစားမှုရှိပြီး တခြားသော လမ်းကြောင်းတွေ၊ ဆွေးနွေးမှုတွေမလုပ်သင့်ကြောင်း မီဒီယာတွေ ကို ဒီဇင်ဘာ ၁၁ ရက်နေ့မှာ ထုတ်ပြန်ပြောဆိုသွားတာဖြစ်ပါတယ်။

အိန္ဒိယ နိုင်ငံခြားရေးဝန်ကြီး ဗီနေးကွာတရာ ဟာ မြန်မာနိုင်ငံကို နိုဝင်ဘာ ၂၀ နဲ့ ၂၁ ရက်နေ့တွေမှာ လာရောက်ခဲ့ပြီး စစ်ကောင်စီရဲ့ ဒုတိယဗိုလ်ချုပ်ကြီး ရာပြည့်နဲ့ တွေ့ဆုံလို့ နှစ်နိုင်ငံ နယ်ခြားစည်းလုံခြုံရေးကိစ္စ၊ အိန္ဒိယနိုင်ငံသားတွေ မြန်မာနိုင်ငံမှာ လူမှောင်ခိုကူးခံရမှု၊ နှစ်နိုင်ငံကြား မူးယစ်ဆေးဝါးမှောင်ခိုမှုတွေကို ပူးပေါင်းထိန်းချုပ်ဖို့ကိစ္စတွေအပြင် စီးပွားရေးပူးပေါင်းဆောင်ရွက်ဖို့နဲ့ မြန်မာငြိမ်းချမ်းရေးဖြစ်စဉ်အတွက် ဆွေးနွေးခဲ့တယ်လို့ အိန္ဒိယနိုင်ငံခြားရေးဝန်ကြီးဌာနက ထုတ်ပြန်ကြေညာခဲ့ပါတယ်။

အိန္ဒိယနိုင်ငံခြားရေးဝန်ကြီး မြန်မာနိုင်ငံလာရောက်ဆွေးနွေးအပြီး စစ်ကောင်စီနဲ့ AA တို့ နှစ်ဖက် အပစ်အခတ် ရပ်စဲရေးသဘောတူညီခဲ့ပြီးနောက် အိန္ဒိယနိုင်ငံက ရခိုင်မှာကုလားတန်စီမံကိန်းကို ပြန်စဖို့ ပြင်ဆင်နေပြီလို့ သတင်းတွေထွက်ပေါ်လာခဲ့ပါတယ်။

၂၀၁၁ ခုနှစ်က စတင်တဲ့ ကုလားတန်စီမံကိန်းဟာ ရခိုင်မြို့တော် စစ်တွေ၊ ချင်းပြည်နယ်က ပလက်၀၊ ပလက်၀ကနေ မီဇို့ရမ်ကို ရေလမ်းကုန်းလမ်း ဆက်သွယ်ဖို့ လုပ်နေတဲ့ စီမံကိန်း ဖြစ်တာကြောင့် ဒီဒေသတွေမှာ လက်နက်ကိုင်တိုက်ပွဲတွေ မဖြစ်ဖို့ အိန္ဒိယအစိုးရဘက်က လိုလားချက်နဲ့ မြန်မာနိုင်ငံကိုလာပြီး စစ်ကောင်စီနဲ့ ဆွေးနွေးတာဖြစ်တယ်လို့ အိန္ဒိယမီဒီယာတွေမှာကို ဖော်ပြနေကြပါတယ်။

ဒါကြောင့် ဘရူနိုင်းနဲ့ ကမ္ဘောဒီယားနိုင်ငံတွေ အာဆီယံအလှည့်ကျဥက္ကဌ လုပ်ခဲ့တဲ့ နှစ်နှစ်အတွင်း မြန်မာ့ဒီမိုကရေစီအရေး ဘာမှ မလုပ်ပေးနိုင်ခဲ့တဲ့အခြေအနေမှာ သူတို့လက်ထက် စိန်ခေါ်မှုပိုကြီးမားနေလို့ အင်ဒိုနီးရှားနိုင်ငံခြားရေးဝန်ကြီး မာဆူဒီက အိန္ဒိယကို အာဆီယံကို လေးစားပြီး မြန်မာ့အရေး တခြားနည်းလမ်း တွေမရှာဖို့ သတိပေးပြောကြားလိုက်တာဖြစ်ပါတယ်။

နိုဝင်ဘာလကုန်ပိုင်းက အင်ဒိုနီးရှားနိုင်ငံရဲ့ အကြီးဆုံးမီဒီယာဖြစ်တဲ့ The Jakarta Post က အယ်ဒီတာ့အာဘော် အဖြစ် သူတို့နိုင်ငံ အာဆီယံအလှည့်ကျဥက္ကဌဖြစ်လာမယ့် ၂၀၂၃ ခုနှစ်အတွင်း မြန်မာစစ်ကောင်စီကို ပိုမိုထိရောက်တဲ့ ဖိအားပေးနိုင်ဖို့ အရင် အာဆီယံအလှည့်ကျနိုင်ငံတွေထက် ပြင်းထန်တဲ့ အရေးယူမှုတွေကို လုပ်သင့်ကြောင်း၊ နိုဝင်ဘာလဆန်းပိုင်းက ဖနွမ်ပင်မှာလုပ်တဲ့ အာဆီယံအစည်းအဝေးမှာ မြန်မာ့အရေးအတွက် အာဆီယံ ၉ နိုင်ငံ စလုံးဟာ လေဖြတ်နေခဲ့ကြကြောင်း၊ ဒီ ၉ နိုင်ငံခေါင်းဆောင်တွေထုတ်ပြန်ချက်မှာ အာဆီယံဘုံသဘောတူညီချက် ငါးချက်ကို စစ်ကောင်စီဘက်က လက်ခံလိုက်နာလာနိုင်လိမ့်မယ်လို့မျှော်လင့်ကြောင်းသာ ထွက်ဆိုခဲ့ကြကြောင်း၊ ဒီသဘောတူညီချက် ရယူခဲ့တာ လပေါင်း ၂၀ ကျော်နဲ့ အာဆီယံအစည်းအဝေးပေါင်း သုံးခုပြီးသွားတဲ့တိုင် စစ်ကောင်စီဟာ တစ်ချက်ကလေးမှ သဘောတူကြောင်းမပြသဘဲ ပြည်တွင်းမှာ ဆန့်ကျင်သူတွေအပြင် အရပ်သားပြည်သူတွေကိုပါ အကြမ်းဖက် သတ်ဖြတ်နေဆဲဖြစ်ကြောင်း၊ လက်ရှိ အာဆီယံက စစ်ကောင်စီရဲ့ နိုင်ငံရေးပိုင်းအဆင့်မဟုတ်တဲ့ နယ်ပယ်က ကိုယ်စားလှယ်တွေကိုသာ အစည်းအဝေးတက်ရောက်ခွင့်ပေးတယ်ဆိုတာလောက်ပဲ ဒဏ်ခတ်ထားနိုင်ကြောင်း၊ မြန်မာပြည်သူတွေကို အင်ဒိုနီးရှားအာဆီယံဥက္ကဌအလှည့်ကျချိန် ထိရောက်စွာကယ်တင်ဖို့ဆိုရင် စစ်ကောင်စီအစိုးရရှိနေသရွေ့ မြန်မာကို အာဆီယံက ပယ်ထုတ်ပြီး NUG အစိုးရ ကို မြန်မာကိုယ်စားပြုအစိုးရအဖြစ် အာဆီယံအစည်းအဝေးတွေ တက်ခွင့်ပေးသင့်တယ်လို့ တိုက်တွန်းရေးသားခဲ့ပါတယ်။

MKF - 001

#MeKongNews

Ref: The Jakarta Post & thehindu.com

ဆက်ဖတ်ရန် →

NUG ရဲ့ အပြည်ပြည်ဆိုင်ရာ ပူးပေါင်းဆောင်ရွက်ရေး ဒုဝန်ကြီး

📅 💬 မှတ်ချက်

ဒီနေ့ PVTV မှာလာသွားတဲ့ ကိုယ်တွေ ရဲ့ဒုဝန်ကြီးကDavid Gum Awng တဲ့။ NUG ရဲ့ အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးဌာန(International Cooperation)က ဒုဝန်ကြီးပါ။စာလည်း အရမ်းတော်— အမေရိကန်က ဘွဲ့ နှစ်ခုတောင် ယူထားတာ။အမေရိကန်နိုင်ငံ၊ Massachusetts မှာရှိတဲ့ Brandeis University က Sustainable International Development in Sustainable International Development in Arts ဆိုတဲ့ဘွဲ့ တစ်ဘွဲ့။

အမေရိကန်နိုင်ငံ၊ Illinois မှာနောက်ထပ်တစ်ဘွဲ့— Social Studies (with a concentration in International Relations) တဲ့။

လူမှုတရားမျှတမှုဆိုင်ရာ အသိပညာပေးရေး (social justice-cum-educator) advocate အဖြစ်လုပ်နေတာ ၁၀ နှစ်ကျော်ပြီ။

ဂျပန် (JICA) နဲ့ တောင်ကိုရီးယား (KOICA) အစိုးရအကူအညီပေးရေးအေဂျင်စီတွေ၊ ODA (Overseas Development Assistance) ပရောဂျက်တွေမှာလည်းသူပါဝင်ခဲ့တယ်။နောက်ထပ် အများကြီးရှိသေး—

ဒီလို ပညာတတ်လူငယ်တွေ တကိုယ်ကောင်းမဆန်ဘဲ မြန်မာ့နွေဦးတော်လှန်ရေးမှာ ဝင်ရုန်းကြတာ အားရစရာပါ။

မရွှေမိုး-ကိုရီးယား

𝑫𝒆𝒄𝒆𝒎𝒃𝒆𝒓 12𝒕𝒉,2022.

ဆက်ဖတ်ရန် →

▪️စစ်ကောင်စီ လက်ကိုင်တုတ် ဒိန်းဒေါင်ရဲ့ လုပ်ရပ်များကို ဖော်ထုတ်ခြင်း

📅 💬 မှတ်ချက်

ညစ်ညမ်းပြက်လုံးများနဲ့ လူသိများလာသူ လူပြက် ဒိန်းဒေါင် (ခ) တင်ဌေးဟာ အကြမ်းဖက် စစ်တပ် အာဏာလုမှု ဖြစ်စဉ် မတိုင်ခင် ကတည်းက စစ်တပ် ထောက်ခံသူ ဖြစ်ကြောင်း မကြာခဏ ဖော်ပြလေ့ ရှိသူ ဖြစ်ပါတယ်။ အကြမ်းဖက် စစ်တပ်ဟာ ပြည်သူတွေ တင်မြှောက်ထားတဲ့ အစိုးရထံက အာဏာကို မတရား လုယူပြီးတဲ့အချိန်မှာလည်း စစ်တပ် လက်ကိုင်တုတ် အလိုတော်ရိ တစ်ယောက် အဖြစ်နဲ့ ပီပီပြင်ပြင် အသုံးချခံ နေတာကို အချက်အလက် တွေအရ သိရပါတယ်။

▪️ ဒိန်းဒေါင်ကို ပေးထားတဲ့နေရာ

စစ်ကောင်စီဟာ နယ်ပယ် အသီးသီးမှာ သူတို့ရဲ့ အလိုတော်ရိ အောက်ဆွဲတွေကို နေရာပေး အုပ်ချုပ်စေတဲ့ မူဝါဒအရ ယခင် လူရွှင်တော် အသင်းကို ဟာသပညာရှင်များ အစည်းအရုံး ဆိုပြီး ပြောင်းလဲ ဖွဲ့စည်းစေခဲ့ ပါတယ်။ အဲဒီ အဖွဲ့မှာ ဒိန်းဒေါင်ကို ဥက္ကဌ ရာထူးပေးခဲ့ပြီး လူရွှင်တော် တွေနဲ့ သဘင် လောကသားတွေ အပေါ် လွှမ်းမိုး ချုပ်ကိုင်ဖို့ ကြံစည်ခဲ့ပါတယ်။

အကြမ်းဖက် စစ်တပ်ဟာ ဟာသနဲ့ သဘင် ပညာရှင် အများစုရဲ့ ဆင်းရဲ ချို့တဲ့မှုကို အခွင့်ကောင်း ယူပြီး ဒိန်းဒေါင်ကတဆင့် ငွေကြေးနဲ့ စည်းရုံးစေ ပါတယ်။ ဒိန်းဒေါင်ဟာ အကြမ်းဖက် စစ်တပ်က ဝါဒဖြန့် စည်းရုံးဖို့ ချပေးထားတဲ့ ငွေကြေးတွေကို စီမံခန့်ခွဲ ရတာကြောင့် တချို့ အမြင်မှာ လူရွှင်တော်တွေကို ကူညီနေသူလို့တောင် ယူဆခံရပါတယ်။ ဒါပေမယ့် အဲဒါတွေ အားလုံးဟာ စစ်ကောင်စီရဲ့ သပ်လျိုသွေးခွဲ အကြံအစည်တွေပါပဲ။

တစ်ဘက်မှာလည်း စစ်ကောင်စီရဲ့ ဝါဒဖြန့် မီဒီယာတွေမှာ ဟာသပညာရှင်များ အစည်းအရုံး နာမည်ခံပြီး တော်လှန်ရေးကို ဝေဖန် အပုတ်ချတဲ့ ထုတ်ပြန်ချက်တွေ မကြာခဏ ဖော်ပြလေ့ ရှိပါတယ်။ လူရွှင်တော်တွေ ကြားထဲမှာလည်း တော်လှန်ရေးနဲ့ ပတ်သက်သူ ရှိရင် သူ့ဆီ သတင်းပေးဖို့ တပည့်တပန်း နောက်လိုက်တွေကို အမြဲ မှာကြားလေ့ ရှိပါတယ်။ သူ့ကြောင့် တိုင်တန်း ခံရပြီး ဘဝပျက်၊ ထောင်ကျ၊ တိမ်းရှောင် နေရသူတွေ အများအပြား ရှိနေပါတယ်။

ဒိန်းဒေါင် (ခ) တင်ဌေးကို စစ်ကောင်စီက ဘယ်လို နေရာနဲ့ အခွင့်အရေးတွေ ပေးထားတဲ့ အကြောင်း ပြီးခဲ့တဲ့ တစ်ပိုင်းမှာ ဖော်ပြခဲ့ပြီး ပါပြီ။ အခု တစ်ပိုင်းမှာတော့ ဒိန်းဒေါင်နဲ့ စစ်ကောင်စီ ဘက်တော်သားတွေ ပတ်သက်မှု၊ သူနဲ့ အပေါင်းပါတွေ အကြောင်း စတာတွေ ဆက်လက် တင်ဆက်ပေးပါမယ်။

▪️ အိန်ဂျယ် ၃၇

စစ်ကောင်စီရဲ့ အနုပညာ လောကသား ဒလံတွေ အကြောင်း ပြောရမယ်ဆို အိန်ဂျယ် ၃၇ က မပါမဖြစ်ပါပဲ။ အိန်ဂျယ် ၃၇ ဆိုတာ နေပြည်တော်၊ သပြေကုန်းမှာ ရှိတဲ့ စားသောက်ဆိုင် နာမည်ပါ။ ဆိုင်ရှင်ကတော့ အကြမ်းဖက် စစ်တပ်ရဲ့ ကာကွယ်ရေး ဦးစီးချုပ်ရုံးက ဗိုလ်မှူးချုပ် အဆင့်ရှိသူ မင်းသူ ဖြစ်ပါတယ်။ မင်းသူဟာ DSA အပတ်စဉ် ၃၇ ဆင်းဖြစ်ပြီး အခု ဆုံးသွားပြီ ဖြစ်တဲ့ ဦးဇော်ဌေး တို့နဲ့ တစ်ပတ်စဉ်တည်းပါ။

သူဖွင့်ထားတဲ့ အိန်ဂျယ် ၃၇ ဆိုင်ဟာ ဘောမ အနုပညာရှင် ဆိုသူတွေနဲ့ အမြဲတမ်း တရုန်းရုန်း ဖြစ်နေလေ့ ရှိပါတယ်။ အာဏာလုပြီး နောက်ပိုင်းမှာတော့ အနုပညာ လောကထဲက သတင်းတွေကို စုစည်းတဲ့ ဌာနချုပ် ဖြစ်လာပါတယ်။ ဒီဆိုင်ကို ဟန်ငြိမ်းဦး၊ သဇင်ဦး စတဲ့ လော်ဘီတွေလည်း အမြဲ လာရောက်ပြီး ဩဝါဒ ခံယူလေ့ ရှိပါတယ်။ သူတို့ကို တိုက်ရိုက် ညွှန်ကြားတဲ့သူ ကတော့ စရနက ဗိုလ်မှူး အဆင့်ရှိသူ နေလင်းဦး ဖြစ်ပါတယ်။

ဒိန်းဒေါင်ဟာ အဲဒီဆိုင်ကို သူလတ်တလော ခိုအောင်းနေတဲ့ ကကကွန်ထဲက အရာရှိ တစ်ယောက်နဲ့ အမြဲလာလေ့ ရှိပြီး ဇာတ်သဘင် လောက ထဲက တော်လှန်ရေးနဲ့ ပတ်သက်တဲ့ သတင်းတွေ ပုံမှန်တင်ပြ ရပါတယ်။ ဒီသတင်းတွေကို အသုံးချပြီး စစ်လော်ဘီ ချန်နယ်တွေမှာ မကြာခဏ ဆိုက်ဝါး လုပ်လေ့ရှိပါတယ်။ လူရွှင်တော် ကောင်းကျော် တို့လို လူတွေက အစ၊ အခုနောက်ဆုံး မင်းသားဖိုးချစ်နဲ့ သျှံထွန်း (မြန်မာစာ) တို့လို လူတွေအထိ ဖမ်းဆီး ခံရတာ၊ ခေါ်ယူ စစ်ဆေး ခံရတာတွေဟာလည်း ဒိန်းဒေါင်ရဲ့ လုပ်ကြံ သတင်းပေးမှုကြောင့် ဖြစ်ပါတယ်။

▪️ဒိန်းဒေါင်ရဲ့ အပေါင်းပါတွေ

ဒိန်းဒေါင်ဟာ ယခင်က လူရွှင်တော် အသင်း ဥက္ကဌ ဖြစ်ဖူးတာကြောင့် တပည့်တပန်း ပေါများပေမယ့် စစ်ကောင်စီရဲ့ ဟာသပညာရှင်များ အစည်းအရုံး ဥက္ကဌ ဖြစ်လာချိန်မှာ သူ့အတွက် ယုံကြည်ရသူ ရှားပါးလာပါတယ်။ ဒီအချိန်မှာ သူအနီးကပ် ခေါ်ယူ လက်သပ်မွေး ထားသူ နှစ်ဦးက ငြိမ်းချမ်းနဲ့ အုန်းသီးပါ။

အထူးသဖြင့် လူရွှင်တော် အသိုင်းအဝိုင်းကို ဩဇာညောင်းတဲ့ ဝါရင့် လူရွှင်တော် ငြိမ်းချမ်းဟာ ဒိန်းဒေါင်ရဲ့ အဓိက လက်ရုံးတဆူ ဖြစ်လာပါတယ်။ သဘင်လောက သတင်း တော်တော်များများဟာ ငြိမ်းချမ်းဆီက တဆင့် ဒိန်းဒေါင်ဆီ ရောက်တာပါ။ ကျန်းမာရေး ပြသနာနဲ့ အကြွေး ပြသနာတွေ ဝိုင်းနေတဲ့ ငြိမ်းချမ်းဟာ သူ့ရဲ့ လတ်တလော အဆင်ပြေမှု အတွက် ဇာတ်သဘင် လောကကို စစ်ကောင်စီ လက်ထဲ အပ်နေတဲ့ သဘောပါပဲ။

(ဆက်လက်ဖော်ပြပါမည်)

zinthawnaing

ဆက်ဖတ်ရန် →

မအလအမွှာညီမ

📅 💬 မှတ်ချက်

ဆက်ဖတ်ရန် →

ခင်ရီအား ယခင် ကြံဖွတ်ဝန်ကြီးဟောင်းများဝန်းရံ

📅 💬 မှတ်ချက်

ပဲခူးမြို့ တွေ့ဆုံဆွေးနွေးပွဲသို့ယခင်ကဝန်ကြီးများဖြစ်ကြသောဝန်ကြီး(ငြိမ်း) အောင်မင်း၊ ဝန်ကြီး(ငြိမ်း)ဥာဏ်ဝင်း ကရင်ပြည်နယ် ဝန်ကြီးချုပ် (ဟောင်း)ဇော်မင်းတို့လာရောက်ဝန်းရံခဲ့သည်။

ဆက်ဖတ်ရန် →

ပြင်းပြင်းထန်ထန် ဆောင်ရွက်သွားမည် ဆိုသည့် BURMA ACT

📅 💬 မှတ်ချက်

စစ်တပ်အား တာဝန်ခံစေရန် တစုတစည်းတည်း ပြင်းပြင်းထန်ထန် ဆောင်ရွက်သွားမည် ဆိုသည့် BURMA ACT

**********************

ပြီးခဲ့သည့် ကြာသပတေးနေ့က အမေရိကန် အောက်လွှတ်တော်တွင် ထောက်ခံမဲ ၃၅၀၊ ကန့်ကွက်မဲ ၈၀ နှင့် ပါတီကြီး နှစ်ရပ်ပေါင်း မှ အတည်ပြုပေးလိုက်သော NDAA ဆိုသည့် ၂၀၂၃ ခုနှစ် အမေရိကန် ကာကွယ်ရေး အသုံးစရိတ် ဥပဒေတွင် BURMA ACT (Burma Unified through Rigorous Military Accountability) ဥပဒေ ပါ ပါဝင်လာခဲ့သည်။

အမေရိကန်ရှိ ဥပဒေအား ခေါ်ရ လွယ်အောင် Acronym ခေါ် အင်္ဂလိပ်စာလုံး အတိုကောက်များ ဖြင့် အမည်ပေး ရသည့် အဖွဲ့မှ စစ်တပ်အား တာဝန်ခံစေရန် တစုတစည်းတည်း ပြင်းပြင်းထန်ထန် ဆောင်ရွက်သွားမည် ဟု အဓိပ္ပါယ်ရသည့် အတိုကောက် BURMA ဟု ထွက်ပေါ်လာစေရန် စကားလုံး ရွေးချယ်ပေးမှုက အံ့မခန်းပင် ဖြစ်သည်။

နှစ်စဉ် ကာကွယ်ရေး အသုံးစရိတ် တွင် နိုင်ငံ၏ အမျိုးသား လုံခြုံရေး နှင့် အဓိက မသက်ဆိုင်သော်လည်း လိုအပ်သည်များကို တပါတည်း ထည့်သွင်းတတ်လေ့ရှိရာ မြန်မာနိုင်ငံအတွက် အောက်လွှတ်တော် အမတ်များ ဖြစ်သည့် စတိဗ် ချက်ဘော့၊ မိုက် လီဗင် နှင့် ဂရီဂိုရီ မိခ် တို့က ပူးတွဲ တင်သွင်းခဲ့ကြ၍ ပါရှိလာခဲ့သည်။

အမေရိကန် အတွက် အရှေ့တောင် အာရှ နိုင်ငံများ နှင့် ဆက်ဆံရေး တွင် အဓိကကျသည်ဟု ယူဆခဲ့ကြ၍ ဖြစ်သည်။ တကယ်တမ်းတွင် NDAA အား အောက်လွှတ်တော်မှ ၂၀၂၂ ဧပြီ ၂၆ ရက် နေ့တွင် အတည်ပြု ပြဋ္ဌာန်းပေးခဲ့သော်လည်း ဆီးနိတ် ရှိ ရီပတ်ဘလီကင်များက ၎င်းတို့ ပါစေချင်သည်များ မပါသောကြောင့် အတည်ပြုနိုင်ခဲ့ခြင်း မရှိသဖြင့် အမေရိကန် သက်တမ်းလည် ရွေးကောက်ပွဲရလဒ် ထွက်ပေါ်လာသည်အထိ အချိန်ဆွဲနေ၍ ကြံ့ကြာနေခဲ့ရခြင်း ဖြစ်သည်။ ရီပတ်ဘလီကင် များက BURMA ACT ကို ကန့်ကွက်ခဲ့ကြ၍ တော့ မဟုတ်ပေ။ အဓိက အားဖြင့် အမေရိကန် တပ်ဖွဲ့ဝင်များအား ကိုဗစ် ကာကွယ်ဆေး မဖြစ်မနေ ထိုးရမည် ဆိုသည်ကို ပယ်ဖျက်ပေးရန် ရီပတ်ဘလီကင်များက တွန်းတွန်း တိုက်တိုက် လုပ်လာ၍ ဖြစ်သည်။

နောက်ဆုံးတွင် ပါတီကြီး နှစ်ရပ်ပေါင်း၍ အပြန်အလှန် အပေးအယူ ဖြင့် အဆိုပါ အချက်ကို ပယ်ဖျက်ပေးခဲ့၍ ဆီးနိတ်တွင် အခက်အခဲ မရှိ ဖြတ်သန်းနိုင်မည် ဖြစ်သော်လည်း သမ္မတ ဂျိုးဘိုင်ဒင်က ထိုကိစ္စ အပေါ် လုံးဝ အစာမကြေ ဖြစ်နေ၍ မရေမရာ ထပ်ဖြစ်လာနေသည်ဟု အိမ်ဖြူတော်မှ သတင်းများ ထွက်ပေါ်နေသည်။

ဒေါ်လာ ၈၅၈ ဘီလီယံ တန်ဖိုးရှိ ကာကွယ်ရေး အသုံးစရိတ်ကို အတည်ပြုလက်မှတ်‌ရေးထိုးပေးနိုင်ခြင်း မရှိက အမေရိကန် ကာကွယ်ရေး ဝန်ကြီးဌာန အတွက် ဘာမှ လုပ်ခွင့်မရ ဖြစ်သွားနိုင်ပေသည်။ ထို့အတွက် သက်ဆိုင် သူများ အနေဖြင့် ဖိအားပေးခံနေကြရသည်။

BURMA ACT တွင် အရေးကြီးဆုံး အဖြစ် ပါဝင်လာသည်မှာ စစ်တပ်အတွက် လက်နက်များ ဝယ်ယူရန် အဓိက ငွေကြေးများ ရရှိနေသည့် မြန်မာရေနံ နှင့် သဘာဝ ဓါတ်ငွေ့လုပ်ငန်းကို ပိတ်ဆို့ ဒဏ်ခတ်ရန် ဖြစ်သည်။ ထို့အပြင် မြန်မာ၊ ဘင်္ဂလားဒေ့ရှ်၊ ထိုင်း နှင့် ပတ်ဝန်းကျင် ဒေသများရှိ တိုင်းရင်းသား လူနည်းစုများ နှင့် အရပ်ဖက် အဖွဲ့ အစည်းများအား အကူအညီများပေးရန်၊ မြန်မာ ရှိ ဒီမိုကရေစီ အရေး တက်ကြွလှုပ်ရှားသူများအား တနှစ်လျှင် ဒေါ်လာ သန်း ၅၀ ဖြင့် ၂၀၂၇ နှစ် အထိ ပေးသွားရန်၊ ထို့အပြင် မြန်မာ၊ ထိုင်း၊ ဘင်္ဂလားဒေ့ရှ်နှင့် ပတ်ဝန်းကျင် ဒေသများတွင် လူသားချင်း စာနာထောက်ထားသည့် အကူအညီ နှင့် နိုင်ငံတွင်း ပြန်လည် သင့်မြတ်ရေးကို ရှေ့ရှုနိုင်ရေး အတွက် ဒေါ်လာ ၂၂၀.၅ သန်းအား ၂၀၂၃ ခုနှစ် အတွင်း ထောက်ပံ့သွားရန် တို့ ပါရှိသည်။ နိုင်ငံရေး အကျဉ်းသား များ အား အကူအညီပေးရေး နှင့် စစ်တပ်၏ လက်ရှိ လူသားများ အပေါ် ကျူးလွန်နေသော ရာဇဝတ်မှုများ အား စုံစမ်းစစ်ဆေးနေသော အဖွဲ့များအား ရံပုံငွေ ထောက်ပံ့ပေးသွားရန်လည်း ပါဝင်သည်။

အရပ်ဖက် လူ့အဖွဲ့အစည်း များ နှင့် မီဒီယာများ အား အကူအညီများ ပေးရာတွင် ဖမ်းဆီးခံရမည့် အန္တရာယ် ရှိနေသူများ အတွက် လုံခြုံမှု ရှိသည့် နေရာထိုင်ခင်းများ ဖန်တီးပေးရန်၊ စိတ်ချရသော ဆက်သွယ်ရေး လမ်းကြောင်းများ တည်ဆောက်ပေးရန်၊ အိမ်နီးချင်း နိုင်ငံများတွင် ခိုလှုံနေကြသည့် လူပုဂ္ဂိုလ်တဦး ချင်းစီ အတွက် အကူအညီများပေးသွားရန်၊ အင်တာနက် လွတ်လပ်ခွင့် နှင့် လွတ်လပ်သော မီဒီယာ များ ရှင်သန်နိုင်ရေး အတွက် လိုအပ်သော နည်းပညာ နှင့် ငွေကြေး အကူအညီများ ထောက်ပံ့ရန်၊ ဒီမိုက‌ရေစီ အရေး လှုပ်ရှား နေသူများကို အကူအညီနှင့် သင်တန်းများ ပို့ချပေးရန် အစရှိသည် ဖြင့် ပါဝင်နေသည်။

ထို့အတွက် ခေါင်းစဉ်ကြီး ငါးခု၊ အခန်းငယ်ပေါင်း ၁၆ ခန်း ပါဝင်သည့် BURMA ACT တွင် အမျိုးသား ညီညွတ်ရေး အစိုးရ၊ ပြည်ထောင်စု လွှတ်တော် ကိုယ်စားပြု ကော်မတီ နှင့် ပြည်သူ့ကာကွယ်ရေး တပ်ဖွဲ့ တို့အား အမည်နှင့် တကွ ဖေါ်ပြလာ၍ မြန်မာတို့၏ တော်လှန်ရေး အား တိုက်ရိုက် အကူအညီပေးသွားနိုင်သည့် ဂယ်ပေါက်များ စွာ ရှိလာနိုင်သည်က အသေအချာပင် ဖြစ်သည်။

စစ်ကောင်စီသည် ၎င်းတို့ ၏ နောက်လိုက်များ အကြား အကြောက်တရား နှင့် သို့လော သို့လော ဖြစ်လာမည့် အရေးကို ဖုံးလွှမ်းရန် သတင်း မပေါက်ကြားစေရ ဟူသော ကတိဖြင့် နိုင်ငံတော် အတိုင်ပင်ခံ နှင့် NLD turncoats များ အား တွေ့ခိုင်းခဲ့သည်ကို ကတိဖျက်ကာ ပေါက်ကြားအောင် လုပ်ခဲ့ ခြင်းဖြင့် အဆိုပါ သတင်းအား ဖုံးလွှမ်းရန် ကြံစည်ခဲ့ကြခြင်း ဖြစ်ပုံရပေသည်။

ယနေ့ ထပ်မံရရှိသော အိန္ဒိယ နိုင်ငံထုတ် The Hindu သတင်းစာကြီးမှ အင်ဒိုနီရှား နိုင်ငံခြားရေး ဝန်ကြီး ရက်နို မာဆူဒီ တွေ့ဆုံခန်းတွင် မိမိနှင့် အိန္ဒိယ နိုင်ငံခြားရေး ဝန်ကြီး တို့ စက်တင်ဘာလ အတွင်း ကုလသမဂ္ဂတွင် တွေ့ဆုံခဲ့စဉ်က မြန်မာ နှင့် နီးနီးစပ်စပ် မလုပ်ခြင်း ဖြင့် အာဆီယံ ၏ ကြိုးပမ်းနေမှုများကို လေးစားသမှုဖြင့် ထိရောက်အောင် ပံ့ပိုးပေးသင့်သည်ဟု သတိပေးခဲ့ကြောင်း ထုတ်ဖေါ်ပြောဆိုသွားခဲ့သည်။ ထိုသို့ မဟုတ်ဘဲ ကိုယ်ကျိုးစီးပွား အတွက် လုပ်နေမည်ဆိုလျှင် မြန်မာ အရေးကို ကူညီဖြေရှင်းပေးရာ မရောက်ဟုလည်း သူမက ပြောခဲ့သည်ဟု ပါရှိခဲ့သည်။

ဒီမိုကရေစီ အား ကာကွယ်ပေးရမည့် အစား အိန္ဒိယ၏ အရှက်ကင်းမဲ့စွာ အကြမ်းဖက် စစ်ခေါင်းဆောင်များ နှင့် ပလူးပလဲ လုပ်နေသည်များကို အာဆီယံ က မနှစ်မြို့ကြောင်း သူမ၏ စကားတွင် အထင်အရှား တွေ့လာရသည်။

အလားတူပင် South China Morning Post သတင်းစာကြီးမှ ဗီယက်နမ် သည် ၎င်းတို့၏ ၂၀၁၆ နိုင်ငံရေး အစီရင်ခံစာ၌ နိုင်ငံတကာ မိသားစုတွင် တာဝန်သိသည့် အဖွဲ့ဝင် ဖြစ်ရန် ကြိုးပမ်းသွားမည်ဟု ဆိုသော်လည်း မြန်မာ အရေး နှင့် ပတ်သက်၍ “စောင့်ကြည့်သွားမည်” ဟု ပြောခဲ့သည်မှ လွဲ၍ မည်သို့မျှ အရေးယူ ဆောင်ရွက် ခဲ့မှု မရှိ၍ မိမိ၏ ဂုဏ်သိက္ခာ ကို မငဲ့ကွက်ဘဲ အာဏာရှင် အချင်းချင်း အပြန်အလှန် ရပ်တည်သွားမည် သဘော မျိုး လုပ်နေသည်ဟု ဝေဖန်ရေးသားလာခဲ့သည်။

ပြည်သူတို့၏ ခုခံတွန်းလှန်စစ် မုချအောင်ရမည်!!!

လှစိုးဝေ

ဆက်ဖတ်ရန် →

ရုရှား လက်နက်ဝယ်ယူမှု များမှာ အောင်သောင်းရဲ့ သားများပိုင် IGE ကုမ္ပဏီ ပါဝင်ပတ်သက်

📅 💬 မှတ်ချက်

မြန်မာနိုင်ငံမှာ နူကလီးယားဓာတ်အားပေးစက်ရုံတည်ဆောက်ရေးနဲ့ စစ်တပ်အတွက် ရုရှား လက်နက်ဝယ်ယူမှု များမှာ အောင်သောင်းရဲ့ သားများပိုင် IGE ကုမ္ပဏီ ပါဝင်ပတ်သက်

ဒီဇင်ဘာ ၁၂

မြန်မာနိုင်ငံမှာ ရုရှားနည်းပညာနဲ့ နူကလီးယားဓာတ်အားပေးစက်ရုံ တည်ဆောက်ရေး စီမံကိန်းနဲ့ စစ်တပ်အတွက် ရုရှား လက်နက်များ ဝယ်ယူမှု ဆိုင်ရာ ကိစ္စရပ်များမှာ အောင်သောင်းရဲ့ သားများ ပိုင်ဆိုင်တဲ့ IGE ကုမ္ပဏီက အဓိကပါဝင်ပတ်သက်နေကြောင်း IGE ကုမ္ပဏီသတင်းရင်းမြစ်နဲ့ စစ်တပ် သတင်းရင်းမြစ်များဆီက သိရပါတယ်။

အရင် စစ်ခေါင်းဆောင် သန်းရွှေလက်ထက် စက်မှု ၁ ဝန်ကြီး ဖြစ်ခဲ့တဲ့ အောင်သောင်းမှာ သား ၃ ဦးရှိပြီး စစ်တပ်ရေတပ်ဦးစီးချုပ် ဗိုလ်ချုပ်ကြီး မိုးအောင်၊ နေအောင်၊ ပြည်အောင်တို့က IGE ကုမ္ပဏီ အပါအဝင် စီးပွားရေး လုပ်ငန်းများစွာ ထူထောင်ကာ လုပ်ကိုင် နေတာ ဖြစ်ပါတယ်။

IGE ကုမ္ပဏီဟာ စစ်တပ်နဲ့ သက်ဆိုင်တဲ့ စီမံကိန်းများ၊ စွမ်းအင် လုပ်ငန်း များကို အစဉ်အဆက် လုပ်ခွင့်ရရှိခဲ့ပြီး အခုနောက်ဆုံး နူကလီးယား ဓာတ်အားပေးစက်ရုံစီမံကိန်းနဲ့ စစ်တပ်အတွက် ရုရှားလက်နက်များ ဝယ် ယူမှုဆိုင်ရာ ကိစ္စရပ်များမှာ ပါဝင်ပတ်သက်လာတာ ဖြစ်ကြောင်း သိရပါတယ်။

ရုရှားနိုင်ငံမှာ နူကလီးယားလျှပ်စစ်ဓာတ်အားပေးစက်ရုံများကို သွားရောက် လေ့လာခြင်း၊ စွမ်းအင် ဖိုရမ်များ တက်ရောက်ခြင်းနဲ့ နူကလီးယားစက်ရုံ စီမံကိန်း တည်ဆောက်ရေး သဘောတူညီ စာချုပ်ရေးထိုးပွဲများမှာ IGE ကုမ္ပဏီရဲ့ တာဝန်ရှိသူများက စစ်ကောင်စီနဲ့အတူ တက်ရောက် ခဲ့ကြောင်း သိရပါတယ်။

အောက်တိုဘာလအတွင်း ရုရှားနိုင်ငံ၊ မော်စကိုမြို့မှာ ကျင်းပခဲ့တဲ့ Russian Energy Week International Forum- ရုရှားစွမ်းအင် ရက်သတ္တပတ် အပြည် ပြည်ဆိုင်ရာဖိုရမ်မှာ စစ်ကောင်စီရဲ့ လျှပ်စစ်စွမ်းအားဝန်ကြီ သောင်းဟန်နဲ့ စွမ်းအင်ဝန်ကြီးမျိုးမြင့်ဦးတို့နဲ့အတူ IGE ရဲ့ အမှုဆောင် ဒါရိုက်တာ သဇင်အောင်နဲ့ နှင်းနှင်းအောင်တို့ ပါဝင် တက်ရောက်ခဲ့ကြကြောင်း သိရပါတယ်။

"လျှပ်စစ်ဝန်ကြီးနဲ့ စွမ်းအင်ဝန်ကြီးတို့ရဲ့ ရုရှားခရီးစဉ်မှာ အောင်သောင်းသား နေအောင်ရဲ့ IGE ကုမ္ပဏီ Executive Director တွေဖြစ်တဲ့ ဒေါ်သဇင်အောင်နဲ့ ဒေါ်နှင်းနှင်းအောင် တက်ပါတယ်။ IGE က အဲဒီ စွမ်းအင် နဲ့ လျှပ်စစ် ဝန် ကြီး ဌာနနှစ်ခုရဲ့ စီမံကိန်းတွေမှာ အကုန်ပါနေတယ်။ IGE က လက် ဝါး ကြီး အုပ် ထားတာ"လို့ ရန်ကုန်ခေတ်သစ်ရဲ့ သတင်း ရင်းမြစ်တစ်ခုက ပြောပါတယ်။

အလားတူ နိုဝင်ဘာလတတိယပတ်အတွင်း IGE ကုမ္ပဏီပိုင်ရှင် နေအောင်ဟာ ရုရှားနိုင်ငံကို သွား ရောက်ခဲ့ပြီး နူကလီးယား လျှပ်စစ်ဓာတ် အားပေး စက်ရုံ တည်ဆောက်ရေး ရှေ့ပြေးစီမံကိန်းအတွက် သဘောတူ လက်မှတ် ရေးထိုး မှုမှာလည်း ပါဝင်ပတ်သက်မှု ရှိကြောင်း သိရှိရပါတယ်။

နိုဝင်ဘာလ ၂၂ ရက်နေ့ ရုရှားနိုင်ငံမှာ မြန်မာနိုင်ငံအတွက် နူကလီးယား စွမ်းအင် အားသုံး လျှပ်စစ် ဓာတ်အားပေး စက်ရုံ တည်ဆောက်ဖို့ စူးစမ်း လေ့ လာတိုင်းတာမှုဆိုင်ရာ ကိစ္စရပ်များ ဆောင်ရွက် ရေးအတွက် ရုရှားနိုင်ငံပိုင် Rosatom ကုမ္ပဏီနဲ့စစ်ကောင်စီ လျှပ်စစ်ဝန်ကြီးဌာနတို့အကြား တရားဝင် လက်မှတ်ရေးထိုးခဲ့ပြီး အဲ့ဒီ စီမံချက်များမှာ IGE ကုမ္ပဏီက ပါဝင်ပတ်သက်နေကြောင်း သိရပါတယ်။

နိုဝင်ဘာလအတွင်းမှာပဲ IGE ကုမ္ပဏီပိုင်ရှင် နေအောင်ဟာ ရုရှားနိုင်ငံကို သွားရောက်ခဲ့ရာ နူကလီးယားဓာတ်အားပေး စက်ရုံကိစ္စများမှာသာမက ရုရှားထုတ် လက်နက်များ ဝယ်ယူရေး ကိစ္စများမှာလည်း ပါဝင်ပတ်သက်မှု ရှိကြောင်း သိရပါတယ်။

အခုဒီဇင်ဘာလအတွင်း ရုရှားစစ်တပ်ရဲ့ ဒုတိယ ကြည်းတပ်ဦးစီးချုပ် Colonel – General Kim Alexey Rostislavovich နဲ့အဖွဲ့ ခရီးစဉ်၊ ရုရှားစီးပွားရေး ဖွံ့ဖြိုးတိုးတက်ရေးဝန်ကြီး Maxin Reshetnikov နဲ့ အဖွဲ့ရဲ့ ခရီးစဉ်များမှာလည်း IGE ကုမ္ပဏီက သွားရောက်တွေ့ဆုံခြင်း၊ ဂုဏ်ပြုစားသောက်ဝိုင်းများနဲ့ ဧည့်ခံခြင်း၊ အလွတ်သဘောတွေ့ဆုံမှုများ လုပ်ဆောင်ခဲ့ကြောင်း သိရပါတယ်။

ဆက်ဖတ်ရန် →

စစ်တပ်ကို ကမ္ဘာနိုင်ငံအသီးသီးက အရေးယူဒဏ်ခက်ပေးဖို့ တောင်းဆို

📅 💬 မှတ်ချက်

မြန်မာနိုင်ငံမှာ စစ်တပ်က လူ့အခွင့်အရေးချိုးဖောက်မှုတွေကို ကနေဒါအစိုးရအပြင် ကမ္ဘာနိုင်ငံအသီးသီးက အရေးယူဒဏ်ခက်ပေးဖို့ ကနေဒါရောက်မြန်မာတွေက အပြည်ပြည်ဆိုင်ရာ လူ့အခွင့်အရေးနေ့မှာ တောင်း ဆိုလိုက်ပါတယ်။ #DVBTV #စစ်တပ် #အရေးယူဒဏ်ခက် #WhatsHappeningInMyanmar DVB TV - 11 12 2022

ဆက်ဖတ်ရန် →

ဗန်ကူးဗားမှာဟန်လေးရဲ့ fundraising ပွဲ

📅 💬 မှတ်ချက်

Nov 26 မှာ ဟန်လေး(Miss Myanmar Hero)နှင့်အတူကျင်းပပြုလုပ်ခဲ့သောရံပုံငွေပွဲတော်မှလက်ခံရရှိခဲ့သောထောက်ပို့ငွေများနှင့်အလှူရှင်များစာရင်းဖြစ်ပါတယ် ထောက်ပို့ငွေစုစုပေါင်း $ ၈၂၅၀ ဖြစ်ပါတယ်

အလှူရှင်များအားလုံးကိုအထူးကျေးဇူးတင်ရှိပါတယ်နောက်ထပ်လုပ်ဆောင်မယ့်ရံပုံငွေရှာပွဲများတွင်လည်းပူးပေါင်းပါဝင်ကြဘို့ကိုလည်းတိုက်တွန်းအပ်ပါသည်၊

အရေးတော်ပုံ အောင်တော့မည်

2021 Burmese Action Group(Vancouver)

ဆက်ဖတ်ရန် →