နောက်ဆုံးရ

ဒေါ်လာ ၂၀၄ သန်းတန် ရုရှားလုပ် SU-30SME စစ်တိုက်လေယာဉ် ၆ စီး နေပြည်တော် ရောက်မည်

📅 💬 မှတ်ချက်

​Breaking News - အကြမ်းဖက်စစ်တပ်က ဝယ်ယူထားသော ဒေါ်လာ ၂၀၄ သန်းတန် ရုရှားလုပ် SU-30SME စစ်တိုက်လေယာဉ် ၆ စီး နေပြည်တော် ရောက်မည်


ရန်ကုန်၊ မတ် ၉ ခေတ်သစ်မီဒီယာ


အကြမ်းဖက်စစ်တပ်က ၂၀၁၈ ခုနှစ်တွင် အမေရိကန်ဒေါ်လာ ၂၀၄ သန်းဖြင့် စာချုပ်ချုပ်ပြီး ဝယ်ယူထားသော ရုရှားနိုင်ငံလုပ် SU-30SME  စစ်တိုက်လေ ယာဉ် ၆ စီး နေပြည်တော်သို့ ယခုရက်ပိုင်းအတွင်းရောက်ရှိမည်ဖြစ်ကြောင်း သိရှိရသည်။ 


ရုရှားနိုင်ငံလုပ် IL-76TD အမျိုးအစား ကုန်တင်လေယာဥ်ဖြင့် ရုရှားလုပ် SU-30SME စစ်တိုက်လေယာဉ် ၆ စီးနှင့် အပိုပစ္စည်းများကို မတ်လ ၁၀ ရက်နေ့ ၊ မတ်လ ၁၂ ရက်နေ့ နှင့် မတ်လ ၁၄ ရက်နေ့တို့တွင် နေပြည်တော်သို့ လာရောက် ပို့ဆောင်မည်ဖြစ်ကြောင်း သိရှိရသည်။ 


မင်းအောင်လှိုင်ဦးဆောင်သော အကြမ်းဖက်စစ်တပ်သည်  ရုရှားနိုင်ငံလုပ် Sukhoi SU-30SME အမျိုးအစား စစ်တိုက်လေယာဉ် ၁ စီးလျှင် အမေရိကန်ဒေါ်လာ ၃၄ သန်းဖြင့် စုစုပေါင်း ၆ စီးအတွက် ဒေါ်လာ ၂၀၄ သန်း ဖြင့် ၂၀၁၈ ခုနှစ်တွင် စာချုပ်ချုပ်ဆို ဝယ်ယူခဲ့ခြင်းဖြစ်ကြောင်း၊ ဝယ်ယူပြီး ၅ နှစ်နီးပါး ကြာမြင့်လာချိန်တွင် နေပြည်တော်သို့ လာရောက်ပို့ဆောင်ခြင်းဖြစ်ကြောင်း သိရှိရသည်။ 


ရုရှားကုမ္ပဏီ Sukhoi က ထုတ်လုပ်သည့်  SU-30SME စစ်တိုက်လေယာဉ်သည်  လက်နက်ခဲယမ်းနှင့် ဒုံးကျည်များကို ပုံစံမျိုးဖြင့် တပ်ဆင်နိုင်ပြီး လေ ကြောင်းတိုက်ပွဲ၊ မြေပြင်တိုက်ပွဲများကို အဓိက ထောက်ကူ ပေးနိုင်သော စစ်တိုက်လေယာဉ်များဖြစ်ကြောင်း၊ လေယာဉ်မှူး ၂ ဦး လိုက်ပါ တိုက်ခိုက်ရသော စစ်လေယာဉ်ဖြစ်ကြောင်း သိရှိရသည်။ 


လက်ရှိတွင် အကြမ်းဖက်စစ်တပ်သည် ရုရှားနိုင်ငံလုပ် Yak-130 စစ်တိုက်လေယာဉ်များကို တိုင်းရင်းသား နယ်မြေများနှင့် ပြည်သူများကို ပစ်ခတ်တိုက်ရာတွင် အဓိက အသုံးပြုလျက်ရှိကြောင်း သိရှိရသည်။ 


ဓာတ်ပုံ- ရုရှားထုတ် SU-30SME အမျိုးအစား စစ်တိုက်လေယာဉ်တစ်စင်း။

ဆက်ဖတ်ရန် →

ကြမ္မာရဟတ် တပတ်လည်လာပြီ *******************************

📅 💬 မှတ်ချက်

​


၂၄ နာရီ လုံးလုံး လျှပ်စစ်ဓါတ်အားများ ဖြတ်တောက်ရမည့် အခြေအနေဖြစ် လာသဖြင့် ရန်ကုန်ရှိ စက်ရုံ အတော်များများ ရပ်ဆိုင်းပြစ်ရတော့မည် အခြေ ဆိုက်လာနေပြီဟု သတင်းများက ဆိုသည်။


ရခိုင် ကမ်းလွန်ရှိ ရွှေ ဓါတ်ငွေ့တွင်းသစ်များမှ သဘာဝ ဓါတ်ငွေ့ကို သွယ်တန်းရန် ရေအောက် ပိုက်လိုင်းများကို လက်ရှိ ရွှေဓါတ်ငွေ့ ပိုက်လိုင်းများ နှင့် ချိတ်ဆက်နိုင်ရန် မတ်လ ၁၈ ရက် နေ့အထိ ဖြတ်တောက် မည်ဟု စစ်ကောင်စီ၏ စွမ်းအင်ဌာန က ကြေညာခဲ့သော်လည်း ထိုသို့ သော လုပ်ငန်းကြီးကို တိုတောင်းလှသော ကာလအတွင်း ပြီးစီးနိူင်မည် ဆိုသည်ကား မည်သူမျှ အယုံအကြည် ရှိကြမည်လည်း မဟုတ်ပေ။


ထိုပိုက်လိုင်းများသည် တရုတ်ပြည်သို့ ဓါတ်ငွေ့များ တင်ပို့နိုင်ရန် အတွက် ဖြစ်ကြောင်း ထင် ကြေးပေးမှုများ ထွက်ပေါ်လာနေသည်။ ‌တရုတ်ပြည် နှင့် ဘင်္ဂလားပင်လယ်အော်အကြား ဆက်သွယ်ထားသော "ရွှေကံလုံ" ဓါတ်ငွေ့ပိုက်လိုင်းနှင့် ဆက်သွယ်ရန် ဖြစ်သည်ဟု ဆိုသည်။


၂၀၂၂ နှစ်ဆန်းပိုင်းမှစ၍ လျှပ်စစ်ဓါတ်အား ဖြန့်ဖြူးနိုင်မှု အနေအထားသည် တနေ့လျှင် ၂.၂ ဂီဂါဝပ်သာ ရှိတော့သည်ဟု စွမ်းအင်ဌာနက ဆိုသည်။


နိုင်ငံတကာ၏ စီးပွားရေး ဒဏ်ခတ်မှု များလည်း စတင် သက်ရောက် လာနေပြီ ဖြစ်သည်။ ပြည်သူများ အထူးသဖြင့် လူငယ်လူရွယ်များ အဖို့က ထိုမျှ လောက်သော ဒုက္ခဆင်းရဲများကို တခါဖူးမျှ ကြုံတွေ့ ခဲ့ဖူးခြင်း ရှိကြမည် မဟုတ်ပေ။ လောင်စာဆီ ဈေးနှုန်းများ တရိပ်ရိပ် မြင့်တက်လာနေမှု နှင့် အတူ အထွေထွေ စားသောက်ကုန်များ ၏ ဈေးနှုန်းများလည်း တက် လာတော့မည် ဖြစ်၍ စစ်ကောင်စီ သည် ၎င်းတို့ ရက်စက် ယုတ်မာစွာ ပြုကျင့်နေခဲ့မှု များ နှင့် အတူ ကျဆုံးခန်းလည်း နီးသထက် နီးကပ်လာနေသည်။


ထိုအရေး ကို စားကောင်းသောက်ကောင်း အနေချောင် အောင် မြှောက်ပင့် ကပ်ယပ်နေ ကြသော နတ်ရူး မှော်ရူး များလည်း မည်သို့မျှ တတ်နိုင်ကြတော့မည် မဟုတ်ပေ။


၎င်း၏ လက်ထက်တွင် လက်ညှိုးညွှန်ရာ ဖြစ်မည်၊ တိုင်းပြည်ကြီးသာယာဝပြော ပေ တော့မည် ဟူသော အဆိုပါ နတ်ရူးမှော်ရူး များ၏ စကားတခုတည်းကိုသာ အားကိုး‌၍ လျှပ်စစ်ကားများ၊ မြေအောက် မီးရထားလမ်းများ ဆောက်လုပ်နိုင်ရန် ပြင်ဆင်ထားကြဖို့ ရူး သွတ်စွာ ပြောဆိုခဲ့သူ ကြီးလည်း လူမြင်ကွင်း မှ ပျောက်ဆုံးနေပြန်၍ စစ်ကောင်စီ အတွင်း ကြီးမားသော အလှည့် အပြောင်းကြီး ထွက်ပေါ်လာနိုင်မည်လား အထင်ဖြင့် နေပြည်တော်တွင် တီးတိုး ဝေဖန်မှုများ ထွက်ပေါ်လာနေသည်။


တနိုင်ငံလုံး မှောင်အတိကျ၍ စိတ်လက်မချမ်းသာ ဖြစ်နေကြချိန်တွင် စစ်ဗိုလ်ချုပ်များ၊ ကရိုနီ တို့၏ သားသမီးများမှာ မီးရောင်ထိန်ထိန် အောက်တွင် ကခုန် မြူးတူး နေကြသည့် အတွက် ပြည်သူ့ တော်လှန်ရေး တပ်သားများက လူချမ်းသာ ရပ်ကွက် အတွင်း ဖွင့်ထားသော "ဘရာဗို" နိုက်ကလပ်ကို ဖေါက်ခွဲတိုက်ခိုက်ပြစ်ခဲ့ကြသည်။


သို့တည်း မဟုတ် ရုရှား၏ ယူကရိန်းကို ကျူးကျော်မှုကြောင့် တကမ္ဘာလုံး အထွေထွေ အကျပ် အတည်းကြီး နှင့် ကြုံနေရချိန်တွင် မိမိတို့၏ အဖြစ်ကို အားကိုး အားထား ပြုနေသော ဆရာ သမား နှစ်ဦးက ငဲ့ညှာရကောင်းမှန်း မသိ၊ ပေယျာလကန်ပင် ပြုလာခဲ့ကြရုံမက တရုတ်သည် ၎င်း၏ စွမ်းအင် လိုအပ်ချက်များ ကို ဖြည့်တင်းနိူင်ရန် ပိုက်လိုင်းအသစ်များ အတင်း ဆောက် လုပ်ခိုင်းနေသည့် အဖြစ်ကို မျက်ဝါးထင်ထင် တွေ့မြင်လာရပြီး စိတ်ဓါတ်များ ကျဆင်းကာ ကြံရာမရ ဖြစ်လာပုံလည်း ရသည်။


လက်ရှိ အာဆီယံ ၏ အထူး သံတမန် ကမ္ဘောဒီယား နိုင်ငံခြားရေး ဖြစ်သူ၏ မြန်မာပြည် အရေး ဖြေရှင်းမှုကို ‌ကူညီရန် ဆိုကာ ဟွန်ဆန်မှ မြန်မာပြည်သူများ၏ ယုံကြည်ကိုးစားမှု လုံးဝမရှိ သည့် နီပွန် ဖောင်ဒေးရှင်း ‌ဥက္ကဌ ဖြစ်သူ ဆာဆာကာဝါ ကို ဖနွမ်းပင်သို့ ပင့်ဖိတ်လာပြန်သည်။ ဟွန်ဆန်သည် အာဆီယံ အဖွဲ့အားလည်း တိုင်ပင်ခြင်း မရှိဘဲ ဒုတိယ အကြိမ် အမှားတခုကို ကျူးလွန်လိုက်ခြင်းဖြစ်သည်။ ထို့အတွက် အာဆီယံ အထူးသံတမန်၏ လာမည့် ခရီးစဉ်သည် အောင်မြင်နိုင်မည့် အခွင့်အရေး မှာ ပို‌‌၍ ဝေးကွာသွားခဲ့ရပြီ ဖြစ်သည်။


အာဆီယံ သံတမန်သည် မြန်မာပြည်သူတို့ ရင်ဆိုင်နေရသော နိုင်ငံရေး အကျပ်အတည်းကို ဖြေရှင်း ရန် စိတ်မကူးတော့ဘဲ လူသားချင်းစာနာ ထောက်ထားသည့် အကူအညီများ ပေးနိုင်ရန် အပစ်ရပ်ကြပါဟု စစ်အာဏာရှင်လည်း သက်ဆိုးရှည်၊ ၎င်းတို့အဖို့ နားငြီးသက်သာမည့် လမ်းကို ရွေးချယ်လိုက်ပုံရသည်။ အာဆီယံသည် ထိုသို့ ဖြစ်လာလျှင် ကောင်းလေစွ တိုးတက်မှု ရှိပါပေသည်ဟု ရင့်ကျူးလာတော့မည် ဖြစ်သည်။


ပြည်သူများ အဖို့က မိမိတို့ ယုံကြည်အားထားနေကြသည့် အမျိုးသား ညီညွတ်ရေး အစိုးရက တစွန်းတစမျှပင် ဆက်သွယ်ဖို့ မကြိုးစားပဲ ၎င်းတို့ အပေါ် အကြမ်းဖက်နေသည့် စစ်ကောင်စီ နှင့် လက်ဝါးချင်း ရိုက်ပြီး ချပြလာမည့် မည်သို့သော် ဖြေရှင်းချက်မျိုးကိုမှ လက်ခံကြလိမ့်မည် မဟုတ်ပေ။


စစ်အာဏာရှင်တို့နှင့် အတူယှဉ်တွဲနေထိုင်သွားရေး ဝါဒ ကျင့်သုံးနေသည့် တိုင်းရင်း သား ဒေသများတွင် မူးယစ်ဆေးဝါး ထုတ်လုပ် ဖြန့်ချီနေမှုက တဟုန်ထိုး မြင့်တက်‌လာနေပြီး အိမ်နီချင်း နိုင်ငံများတွင် အလျှံပယ်ဖြစ်လာကာ ဈေးပင် ထိုးကျလာနေသည်ဟု ကုလ မူးယစ် ဆေးဝါး ထိန်းချုပ်ရေး အဖွဲ့က ဆိုသည်။ ဖမ်းဆီးရမည့်သည့် ပမာဏ သည် ထိုင်းတွင် ၂၀%၊ မလေးရှားတွင် ၄၀% နှင့် ‌လာအိုတွင် ၆၂၀% အထိ စံချိန်တင် မြင့်တက်သွားပြီ ဖြစ်သည်။


ယခုအခါ ကမ္ဘာတဝှမ်းက ရုရှားအား တက်ညီလက်ညီ စီးပွားရေး ပိတ်ဆို့ လာနေသည့် အရှိန် အဟုန် ကို အခွင့်ကောင်းယူကာ မြန်မာရှိ စစ်အာဏာရှင်များကိုလည်း အလားတူ လောင်စာ ဆီများ  ပိတ်ဆို့ရန် အပူတပြင်း တောင်းဆိုလာနေကြပြီ ဖြစ်သည်ဟု ဝေါ်စထရိ ဂျာနယ် သတင်းစာကြီးတွင် ရေးသားလာခဲ့သည်။ ရုရှားဖက် ယိမ်းသွားမည် ဆိုသော အနောက်နိုင်ငံများ အနေဖြင့်  စိုးရိမ်ကြောင့်ကြစရာ မလိုတော့သည် အခြေကို ဆိုက်လာခဲ့၍လည်း ဖြစ်သည်။


စစ်တပ်သည် ‌တိုက်လေယာဉ်များ နှင့် အရပ်သားများ အပေါ် ဗုံးကြဲတိုက်ခိုက်လာနေသည့် အတွက် ငါးနှစ် အရွယ် လူပမယ် ကလေး သူငယ်များ အပါအဝင် အမြောက်အမြား သေဆုံး နေကြသည်ဟု ပြီးခဲ့သည့် လ က ထုတ်ပြန်ခဲ့သည်။


စစ်ကောင်စီသည် လေယာဉ်ဆီများကို မည်သည့်နေရာမှ ဝယ်ယူတင်သွင်းနေသည်ကို ထုတ်ဖေါ်ပြောဆိုခြင်း မရှိပေ။ သို့သော် ယခု အချိန်အထိ နိုင်ငံများက စစ်တပ်ထံ တင်ပို့ ရောင်းချနေကြဆဲ ဖြစ်သည်ဟု ထောက်ပြခဲ့ကြသည်။  ၁၀၀% နီးပါးသည် စင်္ကာပူရှိ သိုလှောင်ကန်များမှ တင်ပို့နေခြင်း ဖြစ်သည်ဟု သတင်းစာက ဆိုသည်။ ရှဲလ်၊

အက်ဆွန် မိုဘီးလ် နှင့် ချေဗရွန်တို့က ကြားပွဲစားများကို ရောင်းချပြီး ၎င်းတို့မှတဆင့် ပြန်တင်ပို့နေကြခြင်းလည်း ဖြစ်သည်ဟု ဆိုသည်။


လောင်စာဆီများကို Singapore Refining Co. ၏ ဆိပ်ကမ်းမှ ရန်ကုန်ရှိ သီလဝါ ဆိပ်ကမ်းသို့ တိုက်ရိုက် တင်ပို့နေခြင်း ဖြစ်သည်။ အဆိုပါ ဆိပ်ကမ်းအား ချေဗရွန် နှင့် တရုတ် အစိုးရပိုင် PetroChina ၏ လက်ခွဲ Singapore Petroleum Company တို့ ဖက်စပ်လုပ်ကိုင်နေခြင်း ဖြစ်သည်။


ထို့အတွက် လေယာဉ်ဆီများ ရောင်းချရန် ပိတိပင်မည် ဆိုက စင်္ကာပူရှိ ကုမ္ပဏီများ လိုက်နာရန် အထူးလိုအပ်သည်ဟုလည်း ထောက်ပြခဲ့သည်။


ဝေါ်စထရိ ဂျာနယ်မှ ထိုသို့ လူသိရှင်ကြား ဖေါ်ထုတ်လိုက်ခြင်းကြောင့် နိုင်ငံတွင်း ဖြစ်ပေါ် နေသည့် အကြမ်းဖက် လုပ်ရပ်များကို ရဲရဲတောက် ဆန့်ကျင်နေသည့် စင်္ကာပူ နိုင်ငံခြားရေး ဝန်ကြီး အဖို့ မျက်နှာပူစရာ ဖြစ်လာရပေသည်။


လက်ရှိတွင် ကမ္ဘာတဝှမ်းရှိ လူ့အခွင့်အရေး အဖွဲ့များ၊ ဗြိတိသျှ ပါလီမန် အမတ်များပါမကျန် မြို့ပြ အဖွဲ့အစည်း အသီးသီးက တညီတညွတ်တည်း ပိုမို ကျယ်လောင်စွာ တောင်းဆိုလာနေပြီ ဖြစ်၍ အနှေး နှင့် အမြန် ဖြစ်လာမည်ကား သေချာနေပြီ ဖြစ်သည်။


ထိုသို့ ပြောင်းလဲလာနေသည့် နိုင်ငံတကာ အခြေအနေများ ကြောင့် မိမိတို့ အဖို့ ၂၀၂၂ ကျော်၍ ဆက်လက်တည်မြဲနေပါဦးမည်လောဟု အိမ်တွင်းအောင်းကာ တွေးတောနေသောကြောင့် လည်း ဖြစ်နိူင်ပေသည်။


ပြည်သူတို့၏ ခုခံတွန်းလှန်စစ် မုချအောင်ရမည်!!!


လှစိုးဝေ

Image Credit – Rest of World


ဆက်ဖတ်ရန် →

​"ဂက်စ်ဆီစျေး...ထပ်တက်မည်တဲ့ဗျို့"

📅 💬 မှတ်ချက်



ရုရှားဆီက. သွင်းတဲ့အန်နာဂျီထွက်ကုန်( ဂက်စ်ဆီ။ ကျောက်မီးသွေး။ ဂက်စ်) ကို.. အမေရိကားတင်သွင်းတာပိတ်လိုက်ပါပြီ..။ တခြားနေတိုးနိုင်ငံတွေ.. မပိတ်.. ဆန်ရှင်မလုပ်သေးပါ..။

အဲဒါကြောင့်.. ပြည်တွင်းဆီစျေးထပ်တက်ပါမယ်... ဆိုပါတယ်..။

အမေရိကားအတွက်.. အားလုံးတင်သွင်းဂက်စ်ဆီရဲ့.. ၈% မို့..  မထောင်းသာလှပေမယ့်.. ကမ္ဘာအတွက်.. ထိပါမယ်..။ အမေရိကားက.. အဲဒီကုန်ကြမ်းကနေ.. ကုန်ချောတွေပြန်ထုတ်ရောင်းတာ.. ရှိတာမို့ပါ..။ 


ဘိုင်ဒင်အုပ်ချုပ်ရေးက.. တပြိုင်ထဲ.. မူလအရင်က.. တားမြစ်..ဆန်ရှင်လုပ်ထားတဲ့.. အီရန်နဲ့.. ဗင်နီဇွဲလားနိုင်ငံတွေကိုလည်း.. စကားပြောနေပါတယ်..။ ကမ္ဘာ့ဆီထုတ်.. လိုအပ်တဲ့ကွက်လပ်ကို.. ဖြည့်ထုတ်ပေးဖို့ပါ..။ အိုပက်ကလည်း.. တိုးမထုတ်တာမို့တဲ့..။ 

အိုပက် - အာရပ်ဆီသူဌေးကြီးတွေ.. ပိုက်ဆံတွေကဲ့ယူနေ..။


ရီပါ့ဗလစ်ကန်ပါတီခေါင်း‌ဆောင်တွေ.. အခုသတင်းစာရှင်းလင်းပွဲလုပ်ပါတယ်..။

ရုရှားဆီပိတ်တာ.. အိုကေ..။

အီရန်နဲ့.. ဗင်နွီဲလားကို.. ချည်းကပ်.. ဆန်ရှင်လျှော့ပေးတာ.. မလုပ်သင့်လို့ဆိုပါတယ်..။

အဲဒီအစား.. ပြည်တွင်းမှာ.. တိုးထုတ်ပါတဲ့..။ ကီးစတုန်းပိုက်လိုင်းကို.. ပြန်ဖွင့်ပါတဲ့...။

ကနေဒါ.. ကီးစတုန်းပိုက်လိုင်းက.. ထုတ်ပေးမယ့်ဆီပမာဏက.. ရုရှန်းဆီသွင်းပမာဏနဲ့.. တူတူလောက်ပါတဲ့..။


ဆိုတော့...

သတင်းကအဲလို..။ ဂက်စ်ဆိုလင်း‌စေျးတက်မှာလည်း.. အဲလို...။

သခင်Kai Nwor

https://www.foxbusiness.com/politics/biden-russian-oil-import-ban


ဆက်ဖတ်ရန် →

​၆ ကျပ် ၊ ၃ ကျပ် ၊ ၁၀ ကျပ် သတ်မှတ်အဖိုးအခထက်ပိုတောင်းကတိုင်ကြားနိုင်

📅 💬 မှတ်ချက်


========

နိုင်ငံသားစိစစ်ရေးကတ်ပြား သတ်မှတ်အဖိုးအခဖြစ်သည့်

နိုင်ငံသားစိစစ်ရေးကတ်ပြားလျောက်ထားပါက ၆ ကျပ်။

နိုင်ငံသားစိစစ်ရေးကတ်ပြားလဲလှယ် လျောက်ထားပါက ၃ ကျပ်။

နိုင်ငံသားစိစစ်ရေးကတ်ပြားပျောက်ဆုံး/ပျက်ဆီးမိတ္တူ လျောက်ထားပါက ၁၀ ကျပ်။

သတ်မှတ်အဖိုးခထက်ပိုကတိုင်ကြားနိုင်

(စံတော်ချိန်ကမေးမြန်းသည်ကို

လဝက ကပြန်လည် ဖြေကြားထားချက်ပါ)


ဆက်ဖတ်ရန် →

ဗုံးခွဲခံရတဲ့ ​Brave Bar နဲ့ စစ်ကောင်စီဘယ်လိုပတ်သက်နေတာလဲ

📅 💬 မှတ်ချက်

​Brave Bar နဲ့ စစ်ကောင်စီဘယ်လိုပတ်သက်နေတာလဲ


၇.၁၀.၂၀၂၁နေ့တွင်ရန်ကုန်တိုင်း,မရမ်းကုန်းမြို့နယ်,ကန်ရိပ်သာလမ်းရှိ Brave Bar အမည်ခံ Clubအား စစ်ကောင်စီတပ်မှ ည ၁၁:၄၅ နာရီတွင် ဝင်ရောက်ဖမ်းဆီးရာ Brave Bar Clubတွင် အရက်,မူးယစ်တေဆေးဝါးများသုံးစွဲပြီးပျော်ပါးနေတဲ့ အမျိုးသား အမျိုးသမီး ဝန်ထမ်းအပါအဝင် စုစုပေါင်း လူ၂၀၀ဝန်းကျင်ခန့်ဖမ်းဆီးခံရတယ်လို့ ကနဦးသိရှိရပါတယ်။


ဒါပေမယ့် ယနေ့ မနက် ၉:၀၀ နာရီဝန်းကျင်တွင် အဆိုပါ Brave Bar Clubအတွင်းဖမ်းဆီးခံရတဲ့ ဧည့်သည်များ,clubရှိမန်နေဂျာ,ဝန်ထမ်းအားလုံး အန္တရာယ်ကင်းစွာ မိမိတို့နေအိမ်အသီးသီးသို့ ပြန်ရောက်နေပြီဖြစ်ကြောင်း သတင်းခိုင်မာစွာကြားသိရပါတယ်။


ညတုန်းက စစ်ကောင်စီတပ်ကဖမ်းခံရတဲ့သူအားလုံး လွတ်မြောက်သွားကြောင်း မည်သူ့ကိုမှဆက်လက်ဖမ်းဆီးထိန်းသိမ်းထားခြင်းမရှိကြောင်း သိရှိရပါတယ်။


Brave Bar ကို အခုလို ည၁၀ နာရီကစပြီး မနက်၄နာရီအထိ ညမထွက်ရအမိန့်ထုတ်ထားတဲ့အချိန်ဘယ်လိုပုံစံနဲ့ဖွင့်ထားတာလဲ ဆိုတဲ့အချက်ကအရေးကြီးပါတယ်။


Bar ဖြစ်ဖြစ်Clubဖြစ်ဖြစ်တိတ်တဆိတ်မသိအောင် ခိုးပြီးလျှို့ဝှက်ဖွင့်လို့အဆင်ပြေတဲ့လုပ်ငန်းမျိုးမဟုတ်ပါဘူး။ဒါဆိုအခုလို ညမထွက်ရအမိန့်ထုတ်ထားတဲ့အချိန်Bar တို့ clubတို့ ဖွင့်နိုင်တယ်ဆိုတာ နယ်မြေမြို့နယ်ရဲစခန်း,ခရိုင်ရဲတပ်ဖွဲ့လောက်ကို လာဘ်ပေးပြီးဖွင့်ဖို့မဖြစ်နိုင်ပါဘူး။


လက်ရှိအာဏာသိမ်း စစ်ကောင်စီခေါင်းဆောင်ပိုင်းအချို့နဲ့ပက်သက်မှုရှိမှဖွင့်လို့ရတဲ့အခြေအနေပါ။Brave Bar ကဘယ်သူပိုင်တာလဲ,ပိုင်ရှင်ဘယ်သူဖြစ်နေလို့အခုလိုပေါ်ပေါ်ထင်ထင်ဖွင့်ရဲတာလဲဆိုတော့ Brave Barရဲ့ပိုင်ရှင်က ကိုစိုးလှိုင်ဆိုတဲ့စီးပွားရေးသမားတယောက်ဘဲဖြစ်ပါတယ်။ကိုစိုးလှိုင်ဆိုတဲ့ Brave Barပိုင်ရှင်က ဘယ်သူဖြစ်နေလို့လဲဆိုတဲ့မေးခွန်းမေးစရာရှိပါတယ်။


Brave Bar ပိုင်ရှင် ကိုစိုးလှိုင် မှာ အမွှာညီအကို နောက်တယောက် ကိုစိုးနိုင်ဆိုတဲ့တယောက်ရှိပါသေးတယ်။သူတို့ ညီအကိုနှစ်ယောက်က (နအဖ)အစိုးရ ဦးသန်းရွှေလက်ထက် ၂၀၀၉-၂၀၁၀ဝနိးကျင်လောက် DoKoMoနာမည်နဲ့ မြေနီကုန်း,ပါရမီနဲ့နေရာတချို့မှာ တန်ဖိုးနည်းတရုတ်ဖုန်းများကို ရောင်းတဲ့ဆိုင်ဖွင့်လှစ်ပြီး လိုင်စင်မဲ့ကားကိုသာဝယ်စီးနိုင်တဲ့အခြေအနေသာရှိပြီး တရုတ်ပြည်ထုတ်တန်ဖိုးနည်းဖုန်းများကိုသာ သူတို့ညီအကိုနှစ်ဦးပိုင်တဲ့ DoKoMoဖုန်းဆိုင်တွေမှာ ရောင်းရတဲ့တန်ဖိုးနည်း စီးပွားရေးလုပ်ငန်းလုပ်ကိုင်နေခဲ့ရသူတွေပါ။


ဒါပေမဲ့၂၀၁၆နောက်ပိုင်း ကိုစိုးလှိုင်ရဲ့စိးပွားရေးလုပ်ငန်းတွေက DoKoMoဖုန်းဆိုင်ခွဲတွေမဟုတ်တော့ပါဘူး။ယခုစစ်ကောင်စီတပ်ကဝင်ဖမ်းတဲ့ ကန်ရိပ်သာလမ်းက BraveBar,ဆရာစံလမ်းပေါ်က World Wide KTV,၇မိုင် ကုန်းမြင့်ရိပ်သာလမ်းက Icon KTV,Worldwide KTV Mdy,Icon KTV Mdy,ဆရာစံလမ်းပေါ်က Canton Paradise Chinese Fine dining Restaurant ,ဆရာစံလမ်းပေါ်က Beauty In The Pot Hot Pot ဆိုင်,ဆရာစံလမ်းပေါ်က NYX KTV,JanJanJan Japanese Restaurant,Brave Empire Production ရုပ်ရှင်ထုတ်လုပ်ရေးလုပ်ငန်း,Hotel SS Aung Ban စသည့်လုပ်ငန်းများအပြင် သိန်း၃သောင်းအထက် အိမ်ခြံမြေအရောင်းအဝယ်လုပ်ငန်းများကိုလုပ်ကိုင်နေတာတွေ့ရပါတယ်။


ယခုလက်ရှိ Brave Bar ပိုင်ရှင် စီးပွားရေးလုပ်ငန်းရှင်သူဌေးက 7miles Villa လို့ခေါ်တဲ့ ၇မိုင် အေဒီမီးပွိုင့်အနီး ပြည်လမ်းပေါ်ကနေဝင်ရတဲ့ ခြံတစ်ခြံအကျယ်အဝန်း ၁ဧကကျယ်ဝန်းတဲ့ခြံ ၇ခြံသာရှိတဲ့ ခြံတွေထဲက ခြံတစ်ခြံမှာ နန်းတော်ကြီးပုံစံအိမ်နဲ့နေထိုင်လျက်ရှိပါတယ်။


နိုင်ငံရဲ့စီမံကိန်းတွေလုပ်တဲ့လုပ်ငန်းတခုမှမရှိဘဲဘာကြောင့် နှစ်အနည်းငယ်အတွင်းချမ်းသာမှုပမာဏအများကြီးရှိတာလဲဆိုတဲ့အကြောင်းအရင်းက ကိုစိုးလှိုင်လုပ်တဲ့လုပ်ငန်းအများစုက Night Life(ညပိုင်းဖျော်ဖြေရေးလုပ်ငန်း)တွေဖြစ်နေတော့ အဓိက မူးယစ်ဆေးဝါးအရောင်းအဝယ်လုပ်ငန်းဖြစ်နေတာကြောင့်ဖြစ်ပါတယ်။ဒီလိုလုပ်ငန်းကို တကယ့်ဖြန့်ဖြူးရောင်းချတဲ့လုပ်ငန်းလုပ်ကိုင်နေတဲ့သူတစ်ယောက်က တပ်ကထိပ်ပိုင်းခေါင်းဆောင်တွေနဲ့အကျိုးတူလုပ်ကိုင်နိုင်မှ မူးယစ်ဆေးဝါးများကို တရားဝင်ပုံစံဖြန့်ဖြူးရောင်းချနိုင်မှာဖြစ်တယ်။


ကိုစိုးလှိုင်ရဲ့လုပ်ငန်းတစ်ခုဖြစ်တဲ့ World Wide KTV Mdyမှာ ၂၀၁၈ခုနှစ်ဝန်းကျင်က ပြည်ထဲရေးဝန်ကြီးဌာနမှသတင်းအရ မူးယစ်ဆေးဝါးကုန်သွယ်မှုလုပ်ငန်းအကြီးအကျယ်လုပ်ကိုင်တဲ့ ကုန်သည်တွေ Mdy World Wide KTVမှာ ရောက်နေတယ်လို့သတင်းအတိအကျနဲ့တိုင်တဲ့အတွက် ဝင်ရောက်ဖမ်းဆီးခဲ့ပါတယ်။


ထိုသို့ဖမ်းဆီးရာအဓိကတရားခံ၅ဦးဖမ်းခံရပေမယ့် သတင်းတစုံတရာထုတ်ပြန်ခြင်းမရှိခဲ့ပါဘူး,ဖမ်းခံရတဲ့သူ၅ဦးအနက် ၁ဦးက မန္တလေးနဲ့ရန်ကုန် ကျောက်သူဌေးလောကမှာ နာမည်အရမ်းကြီးတဲ့ ဦးအိုက်ထွေး(ကျောက်အရောင်းအဝယ်လုပ်ငန်းရှင်)ရဲ့သားမက် ကိုအောင်ဝင်း ဆိုသူဖြစ်ပါတယ်။အခုလို မူးယစ်ဆေးဝါးကိုနိုင်ငံတကာရောင်းတဲ့ မူးယစ်ရာဇာတစ်ယောက် ဖမ်းခံရပြီး၁နှစ်မပြည့်ခင်အချိန်အတွင်းမှာ လွတ်မြောက်လာခဲ့ပါတယ်။


ဘယ်သူမှ မသိတဲ့ကြီးမားတဲ့ဖြစ်စဉ်တစ်ခုပါ။နောက်ပြီး ကိုစိုးလှိုင်ရဲ့ World Wide KTV Mdyဆိုင်ကတစုံတရာ အရေးယူခံရခြင်းမျိုးလည်းမဖြစ်ခဲ့ပါဘူး။ ကိုစိုးလှိုင်ပိုင်ဆိုင်တဲ့ KTV,Club,Barနေရာတိုင်းမှာ စိတ်ကြွမူးယစ်ဆေးဝါးတွေဖြစ်တဲ့ Ecstasy ၁ပြား၈သောင်း,Ketamine 1gram ကို ၁သိန်း၂သောင်း,Cocaine 1gram ၃သိန်းမှ ၆သိန်း,Molly Capsule ၁တောင့် ၁သိန်း စသည့် party drugs(ပျော်ပွဲရွင်ပွဲသုံးမူးယစ်ဆေးဝါးများ),Ice,ရာမ စသည့်မူးယစ်ဆေးဝါးမျိုးစုံကို သုံးစွဲဖို့ accessories များအဆင်သင့်ပြင်ဆင်ထားပြီး အဆင်သင့်သုံးစွဲနိုင်ရန်စီစဉ်ပေးထားပြီး ကိုယ်ကြိုက်နှစ်သက်ရာ မူးယစ်ဆေးဝါးများကို စိတ်ကြိုက်လွယ်ကူစွာဝယ်ယူ သုံးစွဲ နိုင်တဲ့နေရာတွေက ကိုစိုးလှိုင်ပိုင်ဆိုင်တဲ့ နေရာတွေမှာလွယ်လင့်တကူလွတ်လပ်စွာဝယ်ယူသုံးစွဲနိုင်အောင်ရောင်းချလျှက်ရှိပါတယ်။


ကိုစိုးလှိုင်ရဲ့ရင်းနှီးတဲ့ လုပ်ငန်းစပ်တူလုပ်ကိုင်တဲ့သူတွေ အာဏာသိမ်းစစ်ခေါင်းဆောင်တပ်ချုပ် မင်းအောင်လှိုင် သမီးခင်သီရိသက်မွန်နှင့် ခင်ပွန်းဟောင်းလင်းမြင့်ဖွယ်(DJ Xoon Mite),သားအငယ် အောင်ပြည့်စုံနှင့်ချွေးမ မျိုးရတနာထိုက်,ဒုချုပ်စိုးဝင်း (DSA22)ရဲ့မယားပါသားအငယ်လင်းထူးနှင့် ချွေးမ သဲသဲ (Mdy ရဲ့လုပ်ငန်း),ပြည်ထဲရေးဝန်ကြီးဟောင်း ဒုဗိုလ်ချုပ်ကြီးကျော်ဆွေ(DSA 22),ပြည်ထဲရေးဒုဝန်ကြီးဟောင်း ဒုဗိုလ်ချုပ်ကြီး အောင်စိုး(DSA 26),ရဲချုပ်ဟောင်း ရဲချုပ်အောင်ဝင်းဦး (DSA26),လက်ရှိပြည်ထဲရေးဝန်ကြီး ဒုဗိုလ်ချုပ်ကြီး စိုးထွဠ်(OTS 64),စရခချုပ်ဒုဗိုလ်ချုပ်ကြီး ရဲဝင်းဦး (OTS 77) တို့ပဲဖြစ်ပါတယ်။


ဒါမျိုးတပ်ရဲ့ထိပ်ပိုင်းခေါင်းဆောင်တွေနဲ့ လုပ်ငန်းအတူလုပ်ကိုင်နေသူဖြစ်လို့ မနေ့ညပိုင်း၁၁:၄၅မှာ စစ်ကောင်စီတပ်က ဝင်ရောက်ဖမ်းဆီးပေမဲ့ ဖမ်းဆီးခံရသူ ၂၀၀ဝန်းကျင်ထဲမှာ တစ်ယောက်မှဖမ်းဆီးထိန်းသိမ်းခြင်းမခံရ,ပိုက်ဆံပေးစရာမလိုဘဲ ခံဝန်ထိုးပြီး ပြန်လည်လွတ်မြောက်ခဲ့ခြင်းဖြစ်ပါတယ်။ 


ကိုစိုးလှိုင်ရဲ့ ရုပ်ရှင်ထုတ်လုပ်ရေးရဲ့အဓိက မင်းသားက ပြည်သူတွေရဲ့အချစ်တော်မင်းသားပိုင်တံခွန်ပဲဖြစ်ပါတယ်။ မင်းသားပိုင်တံခွန်က လက်ရှိ ၅၀၅-ကနဲ့ အင်းစိန်ထောင်မှာ အမှုရင်ဆိုင်နေရပါတယ်။ပိုင်တံခွန်ဖမ်းခံရတဲ့ဖြစ်စဉ်အမှန်က မင်းသားပိုင်တံခွန်က လွတ်မြောက်နယ်မြေတစ်ခုသို့ရောက်ရှိနေပြီး သူ့အတွက်လွတ်မြောက်နယ်မြေမှာ နေထိုင်ဖို့အဆင်မပြေတဲ့အကြောင်းပြချက်နဲ့ မင်းသားပိုင်တံခွန်က သူ့ရဲသူဌေးရုပ်ရှင်ထုတ်လုပ်ရေးပိုင်ရှင်ကိုစိုးလှိုင်ကိုဆက်သွယ်ပြီး ကိုစိုးလှိုင်ရဲ့ အစီအစဉ်ပြုလုပ်ပေးမှုကြောင့် စစ်ဖက်ရေးရာလုံခြုံရေးတပ်ဖွဲ့ (စရဖ)တပ်ဖွဲ့ဝင်များက မင်းသားပိုင်တံခွန်ကို သူ့ရဲ့နေအိမ်မြောက်ဒဂုံသို့ လျှို့ဝှက်ပို့ဆောင်ပေးခဲ့ပါတယ်။ 


စစ်ကောင်စီက ည၈နာရီသတင်းမှာ ၅၀၅-က ဝရမ်းထုတ်ပြန်ခံရတဲ့အနုပညာရှင်တွေစာရင်းတွေကြေငြာတဲ့အခါ April ၇ရက်နေ့မှာမင်းသားပိုင်တံခွန်ရဲ့ ဝရမ်းထုတ်ခံရတယ်ဆိုတာ သတင်းမှာပါလာပါတယ်။ စရဖတပ်ဖွဲ့နဲ့ပြည်ထဲရေးတပ်ဖွဲ့အချင်းအချင်းမကျေနပ်မှုကြောင့် နေအိမ်သို့တိတ်တဆိတ်ပြန်ရောက်နေတဲ့ ပိုင်တံခွန် သတင်းရထားပြီးဖြစ်နေတဲ့အတွက် April ၈ရက်နေ့မနက်လင်းအားကြီးအချိန် ပိုင်တံခွန်ရဲ့ နေအိမ်မှာဝင်ရောက်ဖမ်းဆီးခဲ့ပါတယ်။ ထိုသို့ဖမ်းဆီးပြီးပိုင်တံခွန်ကို အင်းစိန်အကျဉ်းထောင်သို့ ပို့ဆောင်လိုက်ပြီး တရားစွဲဖို့ စီစဉ်ပါတယ်။


ပိုင်တံခွန်အင်းစိန်အကျဉ်းထောင်သို့ပို့ဆောင်ပြီး ၅၀၅-ကဖြင့်စတင်တရားစွဲဆိုတဲ့အခါ Brave Empire Production ထုတ်လုပ်ရေးပိုင်ရှင်ကိုစိုးလှိုင်က တပ်ထိပ်ပိုင်းခေါင်းဆောင်တွေကို ပိုင်နိုင်တဲ့အတွက် ပိုင်တံခွန်ကို မြောက်ဒဂုံ မာရှယ်လော စစ်အုပ်ချုပ်ရေးကြေငြာထုတ်ပြန်ထားတဲ့ မြို့နယ်မှာ ဖမ်းဆီးခံရပေမယ့် ပိုင်တံခွန်ရဲ့ထုတ်လုပ်ရေးပိုင်ရှင်ကိုစိုးလှိုင်ရဲ့ကူညီပေးမှုကြောင့် စစ်ခုံရုံးနဲ့ရုံးတင်တရားစွဲဆို ပြစ်ဒဏ်ချရမှာဖြစ်ပေမယ့် အရပ်ဘက်တရာရုံး မြောက်ဒဂုံမြို့နယ်တရားရုံးကနေအမှုရင်ဆိုင်ရပါတယ်။ 


ပိုင်တံခွန်လို မြောက်ဒဂုံမြို့နယ်မှာ ဖမ်းဆီးခံရတဲ့ အသက်၂၀ကျော် မိန်းကလေးတစ်ဦးကတော့ စစ်အုပ်ချုပ်ရေးထုတ်ပြန်ထားတဲ့မြောက်ဒဂုံမြို့နယ်မှာဖမ်းဆီးခံရလို့ မြောက်ဒဂုံမြို့နယ် စစ်ခုံရုံးကနေ အလုပ်ကြမ်းနဲ့ထောင်ဒဏ် ၁၁နှစ်ချမှတ်ခံလိုက်ရပါတယ်။ အဆိုပါ မိန်းကလေးဖမ်းခံရတဲ့ရက်နဲ့ ပိုင်တံခွန်ဖမ်းခံရတဲ့ရက်က ၁ရက်ပဲကွာပါတယ်။ဒါကြောင့် Brave Bar ပိုင်ရှင်ကိုစိုးလှိုင် စစ်ကောင်စီကိုဘယ်လိုပိုင်တယ်ဆိုတာ တွေ့နိုင်မြင်နိုင်ပါတယ်။


အပြစ်မဲ့ပြည်သူတွေအိမ်ကို ညဦးပိုင်းအချိန်မှာ စကစတပ်တွေက ရပ်ကွက်တွေထဲဆဲဆိုကြိမ်းမောင်း ဧည့်စာရင်းဝင်စစ်ပြီး အသားလွတ်အပြစ်မရှိဘဲ မတရားဖမ်းဆီးထောင်ထဲထည့်ခံရပေမဲ့ စစ်ကောင်စီနဲ့ပက်သက်တဲ့ရေပေါ်ဆီအသိုင်းအဝိုင်းတွေကတော့ ည၁၀နာရီမထွက်ရဆိုတဲ့ ဥပဒေချိုးဖောက်ကာ တရားမဝင်တဲ့ စိတ်ကြွရူးသွပ်ဆေးပြားတွေကို သုံးစွဲပြီးတည်ဆဲဥပဒေ ပြဌာန်းဥပဒေတွေကို ချိုးဖောက်ကျူးလွန် အပြစ်ရှိပေမယ့် မတရားတဲ့အာဏာသိမ်းစစ်တပ်ရဲ့ မတရားဥပဒေကြောင့် အပြစ်လုပ်တဲ့သူ တရားခံအစစ်တွေက လွတ်မြောက်နေပြီး အပြစ်မဲ့ပြည်သူပေါင်းများစွာကတော့ မတရားဖမ်းဆီး လူမဆန်စွာ နှိပ်စက်သတ်ဖြတ်လူ့အခွင့်အရေးတွေချိုးဖောက်ခံနေရပြီး သူတို့နဲ့မသက်ဆိုင်တဲ့ အကျဉ်းထောင်တွေ စစ်ကြောရေးစခန်းတွေမှာ မတရားဖမ်းဆီးခံနေရတာက မတရားအာဏာလုထားတဲ့ အာဏာရူးစစ်ခေါင်းဆောင်မင်းအောင်လှိုင်နဲ့ အာဏာရူးစစ်ဗိုလ်ချုပ်ကြီးရာထူးကိုယ့်ဘာသာယူထားတဲ့ စစ်အာဏာရှင်ရဲ့ အမွေဆိုးစနစ်ဆိုး အကျင့်ဆိုးတွေကြောင့် ဖြစ်နေရတာပဲ ဖြစ်ပါတယ်။

Credit...


ဆက်ဖတ်ရန် →

​ရန်ကုန်ရှိ Brave Bar ဗုံးခွဲတိုက်ခိုက်ခံရ

📅 💬 မှတ်ချက်



—People's Spring


ရန်ကုန်မြို့ ကန်ရိပ်သာလမ်းရှိ Brave Barကို ဗုံးခွဲတိုက်ခိုက်ခဲ့ရာ အဆောက် အဦးနှင့် ကားအချို့ ထိခိုက်ပျက်စီးခဲ့ကြောင်း တရားမျှတမှုယူဆောင်သူတပ်ဖွဲ့ (Justice Bringer Force -JBF)မှ တာဝန်ရှိသူတစ်ဦးက People's Springသို့ ပြောသည်။


"ခရိုနီစိုးလှိုင်က အများအမြင်မှာ လူကြီးလူကောင်းယောင်ဆောင်ပြီး ရန်ကုန်မြို့ ရဲ့ မူးယစ် ဆေးဝါး လုပ်ငန်းစုထဲမှာ အဓိကပါဝင်သူဖြစ်ပါတယ်။ နောက်ပြီး ဖမ်းဆီးခံရပြီး စစ်ကြောရေးသို့ ရောက်ရှိသော မိန်းကလေးများကို လိင်အမြတ် ထုတ်ခြင်းစတဲ့ လူမဆန်တဲ့ လုပ်ရပ်များကို ကျူးလွန်လျက်ရှိတာကြောင့် ကျွန်တော်တို့အဖွဲ့အနေနဲ့ တိုက်ခိုက်ခြင်းဖြစ်ပါတယ်။"ဟု JBF မှတာဝန်ရှိသူက ဆိုသည်။


ယနေ့(မတ်လ ၈ ရက်) ညနေ ၃နာရီခန့်တွင် ဗုံးခွဲတိုက်ခိုက်ခဲ့ခြင်းဖြစ်ပြီး Barပိုင်ရှင်နှင့် ပတ်သက်သည့်အချက်အလက်များကို သေသေချာချာ အတည်ပြုပြီးမှ တိုက်ခိုက်ခဲ့ခြင်း ဖြစ်သည်ဟု ၎င်းက ပြောသည်။


"တိုက်ခိုက်ရေး အင်အားစုများနဲ့ ပြည်သူများကိုလည်း ဒီလူယုတ်မာ ခရိုနီ စိုးလှိုင်နှင့် ၎င်း၏ ပိုင်ဆိုင်မှုများ ကို ပစ်မှတ်ထားတိုက်ခိုက်ကြဖို့ ပြောချင်ပါ တယ်"ဟု ၎င်းက တိုက်တွန်းသည်။


ယင်းတိုက်ခိုက်မှုကြောင့် Brave Barရှေ့တွင်  အကြမ်းဖက်‌စစ်ကောင်စီတပ်ဖွဲ့ ဝင်များ စစ်ဆေးမှုပြုလုပ်နေသည်ဟု ဒေသခံတစ်ဦးက ပြောသည်။


Brave Bar သည် လက်ရှိတွင်လည်း ဖျော်ဖြေရေးအစီအစဉ်များပြုလုပ်၍ အပျော်အပါးများဖြင့် စည်ကားနေသည့် Bar တစ်ခုဖြစ်သည်။


ဖောက်ခွဲတိုက်ခိုက်ခံရမှုများနှင့်ပတ်သက်ပြီး အဆိုပါ Bar မှာ ထုတ်ပြန်ချက် တစ်စုံတစ်ရာ ထုတ်ပြန်ခြင်း မရှိသေးပေ။


ညမထွက်ရ အမိန့်ထုတ်ပြန်ထားသည့်ကာလဖြစ်သည့်ပြီးခဲ့သည့်နှစ် အောက်တ်ိုဘာ ၇ ရက်ကလည်း Brave Bar ကို အကြမ်းဖက်စစ်ကောင်စီက ည၁၁ နာရီကျော်တွင် ဝင်ရောက် ဖမ်းဆီးခဲ့ရာ လူ ၂၀၀ခန့် ဖမ်းဆီးခံခဲ့ရပြီး နောက်တစ်ရက်တွင် ဖမ်းဆီးခံရသူ အားလုံးပြန်လည် လွတ်မြောက်ခဲ့သည်။


JBF အဖွဲ့သည် ဖေဖော်ဝါရီ ၂၈ ရက်ကလည်း စစ်ကောင်စီတပ်ကို ထောက်ခံသည့် Transporter Bar ကို သတိပေးသည့် အနေဖြင့် ဖောက်ခွဲခဲ့ပြီး စစ်တပ်အတွက် ‌ငွေကြေးထောက်ပံ့သည့် နေရာများဖြစ်သည့် Bar ၊KTV နှင့် Club များကို မသွားရန် အဆိုပါ အဖွဲ့က မေတ္တာရပ်ခံ ထားသည်။


(Brave Bar ၌ ပျော်ပါး သောက်းစားနေကြသူများကို တွေ့ရစဥ်၊ ဓာတ်ပုံ - Brave Bar /FB)


#လူထုနွေဦး

#LuduNwayOo

#People'sSpring

#PS

https://www.ludunwayoo.com

https://www.facebook.com/LuduNwayOo

https://www.instagram.com/ludunwayoo/


ဆက်ဖတ်ရန် →

​ရုရှားတပ်မတော်မှ နောက်ထပ်ဒုတ်ိယမြောက်ဗိုလ်ချုပ်အဆင့်ရှိသူတစ်ဦး ယူကရိန်းတွင်ထပ်မံချေမှုန်းခံရပြီးအသက်ထွက်

📅 💬 မှတ်ချက်



🇷🇺 ရုရှားစစ်တပ်က ဗိုလ်မှူးချုပ် Vitaly Gerasimov အသက် (၄၄) နှစ် ဟာ ရုရှားနဲ့နယ်စပ် ယူကရိန်းနိုင်ငံ Kharkiv မြို့သိမ်းတိုက်ပွဲမှာ သုတ်သင်ချေမှုန်းခြင်းခံလိုက်ရပြီး သေဆုံးသွားတယ်လို့ ဒီကနေ့ထုတ် The Guardian သတင်းစားမှာထုတ်ပြန်ထားပါတယ် ။ 


အဆိုပါဗိုလ်ချုပ်ဟာ ဆီးရီးယားမှာတာဝန်ထမ်းဆောင်ဖူးခဲ့သူဖြစ်ပြီး ပူတင်းရဲ့ “ ခရိုင်းမီးယားပြန်ရခြင်း “ ဆိုတဲ့ သူကောင်းပြုခြင်းတုကိုရရှိထားတဲ့ဗိုလ်ချုပ်ပေါက်စလေးဖြစ်ပါတယ် ၊ သူဟာ ရုရှားဗဟိုစစ်တိုင်း ၄၁ တပ်မဟာရဲ့ လက်ထောက်စစ်ဦးစီးမှူး (41st Army of the Central Military District of Russia) ဖြစ်ပါတယ်။


ပြီးခဲ့တဲ့အပါတ်ကလည်း ရုရှားတပ်မတော်ရဲ့ အမှတ် ( ၇) လေကြောင်းရန်ကာကွယ်ရေးတပ်ရဲ့တပ်မဟာမှူး ၊ အနှတ် ( ၄၁ ) တပ်ပေါင်းစုရဲ့ (the 41st Combined Arms Army) လက်ထောက်စစ်ဦးစီးမှူး ဗိုလ်မှူးချုပ် Andrei Sukhovetsky လည်းစနိုက်ပါထိမှန်သေဆုံးခဲ့ပါတယ်။


ယူကရိန်းမှာ ၁၂ ရက်ကျော်ကြာ ရုရှားရဲ့ကျူးကျော်စစ်ပွဲကာလမှာ ရုရှားဘက်က တိုက်ခိုက်ရေးစစ်သား (၁၁၀၀၀) ကျော်သေဆုံးပြီးဖြစ်ကြောင်း ယူကရိန်းဘက်ကထုတ်ပြန်ထားတာကိုသတင်းတွေမှာဖတ်ရပါတယ် ။ 


ဒါဟာစစ်ပွဲတစ်ပွဲမှာ အဆင့်မြင့်ကွန်မန်ဒါစစ်ခေါင်းဆောင်တွေသေဆုံးရတယ်ဆိုတာ တစ်ဖက်ကကြည့်ရင် ရုရှား တပ်မတော်အတွက်သိက္ခာကျဆင်းကာရှုံးနိမ့်မှုတစ်ခုပါဘဲ ၊ စွမ်းရည်သုံးရပ်မြင့်မားမှုမှာလက်နက်ကောင်းတွေပိုင်ဆိုင်ထားတိုင်း ၊ အင်အားကြီးတိုင်းအနိုင်ရလိမ့်မယ်လို့ထင်ထားတဲ့ခံယူချက်ကမှားနေတာပါဘဲ ။ ဗီယက်နမ်စစ်ပွဲကိုဥပမာယူပါ ။ 


သာတူအင်အား ၊ လက်နက်အင်အား ညီမျှမှုရှိနေမည်ဆိုပါက ကမ္ဘာ့ပွဲကြည့်ပရိတ်သတ်လည်းကြည့်ရတာအားရှိတာပေါ့ ။ 


#Photo Crd


#SiThuMaung #သေပြန်ပြီ #Russian general killed, #Ukraine defence ministry claims


ဆက်ဖတ်ရန် →

လေယဉ်ပျံသန်းအသုံးပြုမှုတွေ အများကြီးလျော့ကျလာမှာပါ.

📅 💬 မှတ်ချက်

​⭐ပြည်သူ့ဏ္ဍာလေယဉ်ဆီတွေလေတပ်မှာခိုးထုတ်ရောင်းစားနေကြ..

⭐လေတပ်ထဲမှာ စကစ အကြီးအကဲတွေစည်းရုံးတာလက်မခံသူအများကြီးရှိ..

⭐ရုရှားလေယဉ်တွေအသုံးပြုရေး အခက်အခဲတွေ

များစွာရှိ

 CDM လေတပ် အရာရှိဗိုလ်ကြီးဇေသူအောင်နှင့် RFA အသံလွှင့်ဌာနမှဦးခင်‌မောင်စိုးနှင့် အင်တာဗျူး


မေး(RFA ဦးခင်မောင်စိုး)။  ။ဗိုလ်ကြီးဇေသူအောင်ခင်ဗျားဘယ်တပ်ကဘယ်တုန်းကထွက်လာတာလဲခင်ဗျ..

ဖြေ(ဗကဇေသူအောင်)။   ။ကျွန်တော်ဗိုလ်ကြီးဇေသူအောင်ပါ လေ(၃၄၇၄) နေပြည်တော်လေတပ်စခန်းဌာနချုပ် အမှတ်(၄၅)အုပ်လေသူရဲဖြစ်ပါတယ် ပြင်ဦးလွင်မှာအရာရှိသင်တန်းတက်နေတုန်း CDM လုပ်တာဖြစ်ပါတယ်။


မေး(RFA)။   ။ဘာကြောင့်စစ်တပ်ကထွက်လာတာလဲခင်ဗျ..

ဖြေ(ဗကဇေသူအောင်)။   ။စနစ်ကိုမကြိုက်လို့ပါတပ်မှာကမကြိုက်တဲ့စနစ်တော်တော်များများရှိပါတယ် ကေါင်းတာလဲရှိမကေါင်းတာလည်းရှိဆိုပေမဲ့လက်ရှိအချိန်မှာတော့ မကေါင်တာတွေတော်တော်များနေပါတယ် တပ်တွေမှာဖရော်ဖက်ရှင်နယ်အ

လုပ်မလုပ်ဘဲ မဆိုင်တာတွေဘဲအများကြီးလုပ်နေရတယ်..မညီမျှတဲ့စနစ်တွေ ရှိနေပြီး တပ်ထဲမှာအထက်လူကြီးတွေဟာရာထူးတွေအာဏာတွေအတွက်အလုပ်လုပ်နေကြပြီး ..အောက်ခြေလူများစုကတော့ ဂုဏ်သိက္ခာမရှိ..သေရင်တောင်ခွဲခြားခံရတယ်..နောက်ဆုံးဗျာကျွန်တော်တို့ရဲ့သားသမီးတွေ

ခေါင်မဖေါ်ရဲဘူး ..ကိုယ့်သားကစစ်သားတစ်ယောက်ဆိုပြီး ဂုဏ်ယူ၀င့်ကြွားစွာမပြောရဲတဲ့ဘ၀ပါ...ဒါတွေအားလုံးကိုမကြိုက်လို့..CDM လုပ်လာတာပါ...


⭐တပ်မတော်လေမှာဆီကိစ္စဆိုရင် ယဉ်ကျေးမှုတစ်ခုလိုဖြစ်နေတာ..ကျွန်တော်တို့ကိုယ်တိုင်လဲပါပါတယ်...ဒီဆီခိုးတဲ့ကိစ္စကတပ်မတော်လေကမဖြစ်မနေလုပ်ရတဲ့ကိစ္စတပ်မတော်လေ မှာလေယဉ်ဆီခိုးတဲ့ကိစ္စကမလုပ်လို့မရဘူးဘာဖြစ်လို့လဲဆိုရင်တပ်မတော်လေရဲ့ရပ်တည်မှုက ဒီပေါ်မှာအများကြီးမူတည်တယ်..တပ်တွင်းရှိနေတဲ့ စိုက်/မွေးလုပ်ငန်းတွေအတွက်လိုအပ်တဲ့ငွေကို တပ်ရိပ်သာတွေအတွက်လိုအပ်တဲ့ပိုက်ဆံကို ဆီးခိုးတာကရတဲ့ငွေနဲ့လုပ်တာ လေတပ်မှာရှိတဲ့ အုပ်တွေ အုပ်တွေအတွက် ခွဲတမ်းကျအောင် ခွဲယူတာကအသားကျနေပြီအမြစ်တွယ်နေတာ..ဖျက်လို့လဲမရဘူး အခုဆီဈေးတက်တော့ သူတို့စား၀တ်နေရေးအတွက်အစဉ်ပြေတဲ့အထဲမှာပါတယ်။


မေး(RFA)။    ။ဗ်ိုလ်ကြီးခင်ဗျမေးပါရစေ လေယဉ်ဆီခိုးရောင်းလို့ရတဲ့ငွေကနေပြီးတော့ အရာရှိအရာခံအကြပ်တပ်သားတွေဘယ်လိုခွဲဝေယူကြလဲဘယ်လောက်ရကြလဲ

ဖြေ(ဗကဇေသူအောင်)။    ။လေယဉ်ဆီခိုးရင်ခိုးတဲ့ပုံစံရှိတယ် လေယဉ်ကိုတစ်နာရီအပျံပြပြီးမိနစ်(၃၀)လျောပျံတာမျိုးလုပ်ကြပါတယ် လေယဉ်တစ်စီးနဲ့တစ်စီးဆီစားနှုန်းမတူတော့ စီစားနှုန်းများတဲ့သူကငွေအရနည်းပြီးဆီစားနှုန်းနည်းသူကငွေအရများပါတယ် လေယဉ်တွေအုပ်မှူးတွေအပေါ်မှာမူတည်ပါတယ်...


မေး(RFA)။။   ။။လေယဉ်မှူးတစ်ယောက်တစ်လဘယ်လောက်ရလဲ

ဖြေ(ဗကဇေသူအောင်)။     ။ပုံမှန်တပတ်ကို(၃/၄)သောင်းရပါတယ်။


မေး(RFA,)။။   ။လေယဉ်ဆီရောင်းရငွေကို အထက်အရာရှိကါကွယ်ရေးဦးစီးချုပ်ရုံးအထိပေးရတာမျိုးရှိလားခင်ဗျ/ကါချုပ်ကြီးရော သိလားခင်ဗျ

ဖြေ(ဗကဇေသူအောင်)။      ။ကါကွယ်ရေးဦးစီးချုပ်(လေ)အထိပေးရပါတယ်..ကါချုပ်ကြီးသိတာပေါ့

မေး၊(RFA)။။         လေတပ်မှာလေယဉ်အင်အား

စစ်သည်အင်အားအကြမ်းဖျင်းဘယ်လောက်ရှိလဲခင်ဗျ စွယ်စုံသတင်းတစ်ခုဖော်ပြချက်အရ(၁၇၉)

စင်းရှိတယ်ဆိုတာဟုတ်ပါသလားခင်ဗျ..


ဖြေ(ဗကဇေသူအောင်)။။  ။ဟုတ်နိုင်ပါတယ်ခင်ဗျ

(လေယဉ်အမျိုးမျိုးရဟတ်ယဥ်အမျိုးမျိုး)ပေါ့

အကြပ်စစ်သည်အင်အားပေါင်း(၁၅၀၀၀မှ၂၀၀၀၀)

အထိရှိပါတယ်ခင်ဗျ


မေး(RFA)။။   ။စစ်တပ်ကအာဏာသိမ်းတာဗိုလ်ကြီးတို့ဘယ်လိုမြင်လဲခင်ဗျ..

ဖြေ(ဗကဇေသူအောင်)။    ။ဒါကြီးက သက်သက်မဲ့ကိုကြံစည်ထားတဲ့အကြံအစည်တစ်ခုဖြစ်ပါတယ်...

မဲစာရင်းမှားတယ်ဆိုတဲဟာကခိုင်လုံမှုမရှိပါဘူး..

ယ်သူကမဲတွေလိမ်လို့ ဘယ်သူကမဲ့(၂)ခါပေးလို့ဆိုတာမျိူး မဟုတ်မဟတ် အကြောင်းပြချက်သက်သက်နဲ့လုပ်တာပါ ..မကြိုက်ဘူးဗျာ..


မေး(RFA)။။   ။ဗိုလ်ကြီးတို့လေတပ်က လေယဥ်ပျံတွေအကြောင်းပြောပြပါအုန်းခင်ဗျ...

ဖြေ(ဗကဇေသူအောင်)။     ။ကျွန်တော် PC( 6)နာရီပေါင်း(၁၃၀),MI(17)ရဟတ်ယဉ်(၁၈၀)နာရီမောင်းဘူးတယ်,MI(35)နဲ့(၃၀၀)နာရီမောင်းဘူးပါတယ်


မေး(RFA)။    ။ရုရှားလေယဉ်တွေလား ခင်ဗျ

ဖြေ(ဗကဇေသူအောင်)။    ။PC (6) ကတရုတ်လုပ်

MI(2),MI(35)က ရုရှားလေယဉ်တွေဖြစ်ပါတယ်။


မေး(RFA)။   လက်ရှိမှာ ရုရှားကယူကရိန်းကိုကျူး

ကျော်စစ်ဆင်နွဲနေချိန် ရုရှား ယူကရိန်းစစ်ပွဲကစစ်ကေါင်စီလေတပ်အပေါ်ဘယ်လိုအကျိုးသက်

ရောက်မှုရှိနိုင်လည်းခင်ဗျ...

ဖြေ(ဗကဇေသူအောင်)။    ။ကျွန်တော်တို့ကMI(35)ရဟတ်ယဉ်တိုဘMI(17)ရဟတ်ယဉ်တို့

ယော့(130)တို့MIG(29)တို့ရုရှဆီက၀ယ်တာပေါ့အဲဒီ

MI(35)ရဟတ်ယဉ်တွေ မှာဆိုရင်နာရီ(1000)ပျံသန်း

ပြီးရင် အင်ဂျင်တွေ အဲယားဖရိန်တွေကို အိုဗာအော အလုံးစုံပြင်ဆင်ဖို့ရုရှား ကိုပြန်ပို့ရတယ်,ခုလိုယူကရိန်းနဲ့ ရုရှားစစ်ဖြစ်ချိန်မှာအဲဒါမျိုးပြန်ပို့ဖို့ ခက်ခဲသွားပြီ ..အကယ်၍နာရီ(၁၀၀၀)ကျော်သွားမယ်ဆိုရင်ဆက်အသုံးပြုဖို့ ဖြစ်နိုင်မဖြစ်နိုင် စဉ်းစားရမဲ့အချက်ဖြစ်ပါတယ်...အကယ်၍သာ running hours

(1000)ကျော်သုံးရင်လေယဉ်တွေ  ပိုင့်လော့ တွေရဲ့ (Safety )လုံခြုံစိတ်ချနိုင်မှုကိုထိခိုက်နိုင်ပါတယ်။


မေး(RFA)။     ။မြန်မာပြည်မှာသုံးနေတဲဘရုရှားလေယဉ်ပျံတွေစစ်တပ်သုံးလေယဉ်ပျံတွေဟာအဆင့်အတန်းအားဖြင့်ဘယ်လောက်ကေါင်းလဲ..ဥပမာအမေရိကန်လေတပ်နဲ့ယှဉ်ရင် ဘယ်လိုပြောမလဲခင်ဗျ

ဖြေ(ဗကဇေသူအောင်)။   ။MI(35)B ဆိုတာMI(24)ကိုဗားရှင်းပြောင်းထားပြီမြန်မာကိုရောင်းတာပါ ရုရှားမှာသုံးနေတာနဲ့ မတူပါဘူး

နိမ့်ပါတယ် ဒါအကုန်သိကြပါတယ်။


မေး(RFA)။     ။အခုက ရုရှားလေယဉ်တွေအားကိုးပြီးလူထုကိုတိုက်နေပါတယ် လေတပ်က လေယဉ်မှယးတွေဘယ်လိုခံစားရလဲ...

ဖြေ(ဗကဇေသူအောင်)။       ။ဒီကိစ္စနဲ့ပတ်သက်ရင်ကျွန်တော်တို့မကြိုက်ဘူးကျွန်တော်လည်းပြည်သူ

ဘဲကျွန်တော်မိသားစုထဲမှာစစ်သားဆိုလို့ကျွန်တော်တစ်ယောက်ထဲ...ဒါမျိုးလုပ်တာလုံး၀ လုံး၀မကြိုက်ဘူး ဒါကြောင့်  CDM လုပ်တာ..တစ်ခြား ယတစ်ချို့ကတော့ဝါဒမှိုင်းတွေမိနေတယ်..နောက်ပြီးဆရာတစ်ပြည့်စီးနှောင်မှာတွေ မိသားစုတွေရဲ့စီးနှောင်မှုတွေ ရှိတယ်..နောက်ပြီးအပေါ်ကပေးတဲ့အမိန့်ကိုကြိုက်သည်ဖြစ်စေ မကြိုက်သည်ဖြစ်စေ မလွန်ဆန်နိုင်ဘဲဆက်လုပ်နေကြတယ်...


နောက်တစ်ချက်က ဒီကိစ္စကတိုက်လို့မရဘူး ဘာသာရေးကိုကါကွယ်နေတာဖြစ်တယ် ဒို့တာ၀န်အရေးသုံးပါး..ငါတို့မရှိရင် တိုင်းပြည်ကြီးချက်ခြင်းတစ်စစီပြိုကွဲသွားမှာတို့ စတဲ့အယူအဆတွေကို နှစ်ပေါင်းများစွာ ကျွန်တော်တို့ခေါင်ထဲရိုက်သွင်းခံထားရတာ ဒီအတွက် သိတ်ကိုကြေကွဲ၀မ်းနဲ့ရပါတယ်။


မေး(RFA)။    ။အာဏာသိမ်းပြီး စစ်တပ်ခေါင်းဆောင်တွေလေတပ်ကို အရင်ကထက်ပိုလာသေးလား

ဖြေ(ဗကဇေသူအောင်)။     ။အာဏာသိမ်းပြီးပြီးခြင်း လေတပ်ဗိုချုပ်ကြီးမောင်မောင်ကျော် လာပြီး

အာဏာသိမ်းတာမဟုတ်ဘူး..အာဏာထိမ်းတာဖြစ်တယ်..NLD အစိုးကက တပ်မတော်သားတွေကိုဂရုမစိုက်ဘူးလုပ်ခြင်ရာလုပ်တဲ့အကြောင်း..ဗုဒ္ဓဘာသာကိုဖျက်စီးကြောင်း ပြောပြီး အာဏာသိမ်းတာကိုထောက်ခံခိုင်းပါတယ်။


မေး(RFA)။     ။လေတပ်ထဲက အရာရှိတွေ အကြပ်အရာခံတွေ တပ်သားတွေ အနေနဲ့ ပြင်ပကမ္ဘာကြီးမှာဘာတွေဖြစ်နေလဲ ပြည်တွင်းပြည်ပမှာဘာတွေဖြစ်နေလဲ ဘယ်လောက်သိနေလဲခင်ဗျ အင်တာနက်တွေFace Book တွေ  ရောသုံးလို့ရသလားခင်ဗျ..

ဖြေ(ဗကဇေသူအောင်)။    ။ကျွန်တော်ရှိနေတုန်ူကတောသုံးကြပါတယ် မကြိုက်တဲ့သူတွေလည်းရှိတယ်ကြိုက်တဲ့သူတွေလည်းရှိတယ်..မကြိုက်တဲ့သူတော်တော်များပါတယ်..


မေး(RFA)။   ။အခုမြန်မာပြည်သူတွေကို..မြေပြင်စစ်ပွဲမှာကြည်းတပ်ကမနိုင်လို့ လေတပ်ကနေဗုံးကြဲတိုက်ခိုက်နေပါတယ်..လေတပ်သာမရှိရင်ကြည်း

တပ်ကမနိုင်ဘူးဆို့တဲ့အနေအထားတွေရောက်နေပါတယ် ..စစ်တပ်ရဲ့တိုက်ခိုက်မှုအနေအထားကနေရှောင်ရှားနိုင်ဖို့ပြည်သူတွေကိုဘာများအကြံပေးခြင်ပါလဲခင်ဗျ

ဖြေ(ဗကဇေသူအောင်)။။  ။ လက်ရှိမြန်မာနိုင်ငံမှာသုံးနေတဲ့ ဗုံးတွေ ရောကတ်တွေ က ခေတ်မှီလမ်းညွှန်စနစ်တွေမပါ ပါဘူး..ဗုံးတွေ ရောကတ်တွေကို ချိန်ပစ်ရတာပါ..မြေပြင်ရောက်မှ ထိရှပြီးပေါက်ကွဲတာပါ..အဲတော့အကါအကွယ်အနေနဲ့

မြေကျင်းတွေထဲမှာအကါအကွယ်ယူရမှာပါ..သူတို့ဘက်ကနေ့ခင်းဘက်မှာ ဒရုံးတွေနဲ့ထောက်လှမ်းတာတွေလုပ်ပါတယ် လုံခြုတဲ့နေရာမှာနေပါ လက်နက်တွေကိုင်ပြီးလျောက်မသွားပါနဲ့..သူတို့က ကားနဲ့သွားရင် မိုင်းဆွဲခံရတော့ MI(17)နဲ့သွားကြပါတယ်..

ယူကရိန်းရုရှားပြဿနာဖြစ်တဲ့အချိန်မြန်မာပြည်မှာလေယဉ်သုံးမှုအရမ်းများနေပါတယ်..ပျံသန်းချိန်များတာနဲ့အညီ လေယဉ်တွေရဲ့ အစိတ်အပိုင်းစပယ်ယာ ပတ်တွေက ပျံသန်းချိန်အလိုက် လဲနေရတာမို့..နေတိုင်းပျံသန်းချိန်များလေ သက်တမ်းကျလေဖြစ်လာပြီး..သူများနိုင်ငံသွားပြီးပြင်ဆင်ရမှာတွေရှိတော့..လေယဉ်ပျံသန်းအသုံးပြုမှုတွေ အများကြီးလျော့ကျလာမှာပါ....


ဗိုလ်ကြီးဇေသူအောင် ကျေးဇူးတင်ပါတယ်ခင်ဗျ

ကျွန်တော်ခင်မောင်စိုးပါ..အမေရိကန်နိုင်ငံ ဝါရှင်တန် DC ကတင်ဆက်လိုက်ပါတယ်။


https://m.facebook.com/story.php?story_fbid=1660760834257724&id=100009714703748

ဆက်ဖတ်ရန် →

တော်လှန်အမျိုးသမီးများကို ဂုဏ်ပြုရင်း ရန်ကုန် သပိတ်အင်အားစုများပူးပေါင်း ဆန္ဒပြ

📅 💬 မှတ်ချက်

​စစ်အာဏာရှင် ချေမှုန်းရေးတွင် ပါဝင်နေသည့် တော်လှန်အမျိုးသမီးများကို ဂုဏ်ပြုရင်း ရန်ကုန် သပိတ်အင်အားစုများပူးပေါင်း ဆန္ဒပြ


ရန်ကုန်၊ မတ် ၈ ခေတ်သစ်မီဒီယာ


အကြမ်းဖက်စစ်အာဏာရှင် ချေမှုန်းရေးတွင် ကျရာအခန်းမှ ပါဝင်နေသည့် တော်လှန်တက်ကြွအမျိုးသမီးများကို လေးစားဂုဏ်ပြုသည့်အားဖြင့် ယနေ့ မတ်လ ၈ ရက် အပြည်ပြည်ဆိုင်ရာအမျိုးသမီးများနေ့တွင် ရန်ကုန်၌ သပိတ်စစ်ကြောင်းများ စုပေါင်းဆန္ဒပြကြသည်။


စစ်အာဏာရှင်ဆန့်ကျင်ရေးဆန္ဒပြပွဲကို Women Alliance Burma က ဦးဆောင်ကာ ရေဘဝဲ (ပြည့်သူ့အကျိုးပြု လူငယ်အဖွဲ့အစည်း) ၊ Youth Association of Thingangyun (YAT) ၊ LGBT community Yangon ၊ လူငယ်များ သမဂ္ဂ (Youth Union) ၊ Revolution Force (RF) ၊ စမ်းချောင်းပင်မသပိတ်စစ်ကြောင်း ၊ Labour Alliance အဖွဲ့ဝင် CTUM ၊ တော်လှန်သွေးမကုန်တောင်ဒဂုံ သပိတ်အင်အားစု တို့မှ ပူးပေါင်းဆန္ဒပြခဲ့သည်။


Photo - AAMIJ


ဆက်ဖတ်ရန် →

ဆန္ဒပြပြည်သူများက “Save Ukarine, Save Myanmar “

📅 💬 မှတ်ချက်

​ဖားကန့်တွင် မင်း​အောင်လှိုင်နှင့်ရုရှားပူတင် စစ်အာဏာရှင် နှစ်ယောက်လုံး ဆန့်ကျင်​ရေး ချီတက်သပိတ်​မှောက်


ရန်ကုန်၊ မတ် ၈ ခေတ်သစ်မီဒီယာ


အင်တာနက်ဖြတ်တောက်ခံရမှု ၇ လ နီးပါးရှိလာပြီဖြစ်သည့်  ဖားကန့် မြို့တွင် ပြည်သူ ၃၀၀ ခန့်က ယ​​နေ့ မတ်လ ၈ ရက် နေ့တွင် Ukarine ပြည်သူများနှင့်အတူရပ်တည်ပြီး အာဏာရှင် ပူတင် ဆန့်ကျင်ပွဲ ၊ စစ်အာဏာရှင် မင်းအောင်လှိုင် ဆန့်ကျင်ပွဲနှင့် KIA PDF NUG ထောက်ခံပွဲ ပြုလုပ်ကြသည်။


ဆန္ဒပြပြည်သူများက “Save Ukarine, Save Myanmar “ “Stop Russia Save Ukarine “ “ Myanmar with Ukarine “ “ Murder Putin ,Killer Putin” ဆောင်ပုဒ်များကိုင် ဆောင်ကာ Ukarine ပြည်သူများနှင့် အတူရပ်တည်ကြောင်း ကြွေးကြော်ပြီး KIA PDF တိုက်ပွဲတိုင်းမှာ နိုင်ပါစေ ၊ NUG အစိုးရ ဒို့အစိုးရ ၊ စစ်အာဏာရှင်စနစ် လုံးဝအုပ်ချုပ်ခွင့်မရစေရ ၊ဖယ်ဒရယ်ပြည်ထောင်စုပေါ်ပါက်ရေးဒို့အရေး ၊ ဖက်ဒရယ်တပ်မတော်ပေါ်ပေါက်ရေးဒို့အရေး ၊ ပြန်လည်ရုံးကြွ သပိတ်စုံထ ၊ အင်တာနက်ဖြတ်တဲ့ မင်းအောင်လှိုင်အဖွဲ့ အသေ ဆိုးနဲ့ သေပါစေ ဟု ကြွေးကြော်ချီတက် ဆန္ဒပြကြသည်။


ဆက်ဖတ်ရန် →

​ဒီးမော့ဆို ဒေါးငံခါး ၂ရပ်ကွက်ရှိ စာသင်ကျောင်းကို စစ်တပ်က တိုက်လေယာဉ်ဖြင့် အင်အားပြင်းဗုံးများ ကျဲချ

📅 💬 မှတ်ချက်



ရန်ကုန်၊ မတ် ၈ ခေတ်သစ်မီဒီယာ


ကယားပြည်နယ် ဒီမော့ဆိုမြို့နယ်ရှိ  ဒေါးငံခါး ၂ရပ်ကွက် စာသင်ကျောင်းကို အကြမ်းဖက် စစ်ကောင်စီ တပ်ဖွဲ့များက မတ်လ ၇ ရက်နေ့ ည ၇ နာရီ ကျော်ခန့်တွင် တိုက်လေယာဉ်ဖြင့် အင်အားပြင်း ဗုံးများ ကျဲချ တိုက်ခိုက်ခဲ့ကြောင်း ဒေသခံ ပြည်သူများက ရန်ကုန်ခေတ်သစ် သတင်းဌာသို့ ပြောဆိုသည်။ 


" ကျဲချတဲ့ဗုံးက အင်အား တော်တော်ပြင်းတယ်။ ဗုံးကျတဲ့ နေရာမှာ ကျင်းအကြီးကြီးတောင် ဖြစ်သွားတယ်။ ကျဲချတဲ့ ဗုံးနားမှာရှိတဲ့ စာသင်ကျောင်းလည်း တော်တော်ပျက်စီးသွားတယ်" ဟု တော်လှန်ရေး ရဲဘော် တစ်ဦးက ပြောဆိုသည်။


ထိုသို့ တိုက်ခိုက်ခံရသော အနီးအနားရှိ ပြည်သူများ ထိခိုက်မှုရှိ ၊မရှိကို လက်ရှိချိန်ထိ အတည်မပြုနိုင်သေးဘဲ စစ်တပ်က တိုက်လေယာဉ်များဖြင့် အင်အားပြင်းဗုံးများ အသုံးပြုကာ ထပ်မံ တိုက်ခိုက်မှုများ ပြုလုပ်လာမည်ကို ဒေသခံ ပြည်သူများအနေဖြင့် စိုးရိမ်လျက်ရှိကြောင်း သိရသည်။


ဆက်ဖတ်ရန် →

တတိယအကြိမ် မြောက် စေ့စပ်ညှိနှိုင်း ဆွေးနွေးပွဲ ဟာလည်း ဘာတစ်ခုမှ သဘောတူညီမှု မရရှိ

📅 💬 မှတ်ချက်

​🟥✅ရုရှား-ယူကရိန်း တတိယ အကြိမ် မြောက်

စေ့စပ်ညှိနှိုင်း ဆွေးနွေးပွဲ စတင်နေပါပြီ။


🔴ရုရှားဘက်က တောင်းဆိုထားတဲ့ 

အချက်တွေကတော့


🟥စစ်ကို ရပ်စဲဖို့ဆိုရင်...


(၁) ယူကရိန်းနဲ့ အခြေခံဥပဒေကို NATO+EU

အုပ်စုတွေထဲ မဝင်ပါဘူးဆိုတဲ့ အာမခံချက်တွေကို

ထည့်သွင်း ရေးဆွဲထားသင့်တယ်။


(၂) ခရိုင်းမီးယားကို ရုရှားရဲ့ အစိတ်အပိုင်းတစ်ခု

အဖြစ် အသိအမှတ်ပြုရမယ်။


(၃) လူဟန့်စ်နဲ့ ဒိုးနက်စ်ကို လွတ်လပ်တဲ့ နိုင်ငံတွေ

အဖြစ် အသိအမှတ်ပြုရမယ်။


ဒီအချက်တွေက ယူကရိန်းအနေနဲ့ လက်ခံဖို့

အင်မတန် ခက်ခဲတဲ့ အချက်တွေ ဖြစ်နေတာကြောင့်

တတိယအကြိမ် မြောက် စေ့စပ်ညှိနှိုင်း ဆွေးနွေးပွဲ 

ဟာလည်း ဘာတစ်ခုမှ သဘောတူညီမှု မရရှိပဲ

ပြီးဆုံးသွားလိမ့်မယ်လို့ ယူဆမိကြောင်းပါဗျာ။ 


The next round of negotiation has begun.

The Kremlin has announced its demands for ending the war in 🇺🇦

-Ukraine must change its constitution to guarantee it won't  join any "blocs", i.e NATO+EU

-Must recognise Crimea as part of 🇷🇺.

-Must recognise the LNR and DNR as independent


Credit - Military Cognizance

_______________

Yang Aung 's Status


ဆက်ဖတ်ရန် →

​ရန်ကုန်မြို့နယ်အတွင်း ထပ်မံသတိထားဖွယ်ရာများ

📅 💬 မှတ်ချက်


ရန်ကုန်တိုင်းဒေသကြီး၊ မြို့နယ်တစ်ခုမှာ ပိုက်ဆံသွားသိမ်းပြီး ပြန်လာတဲ့ အမျိုးသမီးတစ်ယောက်ကို အရပ်ဝတ်(စစ်သား၊ရဲ အယောင်ဆောင်)များက စစ်ဆေးစရာရှိသည်ဟုဆိုကာ ကားပေါ်တင် ထိုးကြိတ်၊ပါသမျှယူပြီး အပြစ်ရှိ၍အချုပ်ကားကို ပြောင်းရမည်ဟုဆိုကာ လမ်းဘေးတွင် ဆင်းခိုင်းပြီးထားခဲ့တဲ့ ဖြစ်စဉ်


ရွှေပြည်သာစက်မှုဇုန်အတွင်း ချိန်းတွေ့တဲ့ စုံတွဲကို အဖွဲ့လိုက် ကားဖြင့်ပင် ဓားထောက် ခေါ်တင်ကာ ပါသမျှယူပြီး တစ်နေရာတွင် ဆင်းခိုင်း ချထားခဲ့တဲ့ ဖြစ်စဉ်


ရပ်ကွက်တစ်ခုမှာတော့ စက်ဘီးစီးလာတဲ့ လူငယ်၂ယောက်ကို အရပ်ဝတ်များက တားကာ ဖုန်းတွေစစ်ပြီး "vpnသုံးလို့သိမ်းမယ် လိုချင် ရုံးမှာလာပြန်ထုတ်" ပြောသွားပြီး မိဘက ရုံးကိုသွားတော့ ရပ်ကွက်ရုံးက "စစ်သားလည်းမလာ၊ ရဲလည်း မလာပါဘူး" ဆိုတဲ့အတွက် ပုံမှားရိုက်ခံရတဲ့ ဖြစ်စဉ်


စသဖြင့် ရန်ကုန်မြို့နယ်အတွင်း သတိပြုဖွယ် အယောင်ဆောင်လိမ်လည်ခြင်းတွေ ပေါ်ပေါက်နေကြောင်း သတင်းရရှိထားတဲ့အတွက် မိဘပြည်သူများ ဆင်ခြင်သွားလာကြရန် တင်ပြအပ်ပါတယ်ခင်ဗျာ။

ဟိန်းချစ်သူ

Sat,Mar-5.

ဆက်ဖတ်ရန် →

တော်လှန်သွေးတွေပွက်ပွက်ဆူ ငါတို့ရန်ကုန်သူ

📅 💬 မှတ်ချက်

​ရန်ကုန်မြို့လယ်​ခေါင်တွင် “ တော်လှန်သွေးတွေပွက်ပွက်ဆူ ငါတို့ရန်ကုန်သူ “ စစ်အာဏာရှင် ဖြုတ်ချ​ရေး သပိတ် ချီတက်


ရန်ကုန်၊ မတ် ၈ 


ယနေ့ကျရောက်သော နိုင်ငံတကာအမျိုးသမီးများနေ့တွင်  ရန်ကုန်မြို့မှ အမျိုးသမီးလူငယ်များက "တော်လှန်သွေးတွေပွက်ပွက်ဆူ ငါတို့ရန်ကုန်သူ" ဟူသောစာသားနှင့် ဘက်လိုက်မှုတွေချက်ချင်းရပ် အာဏာရှင်စနစ် အမြစ်ဖြတ် ဟူသော စာသားများကိုင်ဆောင်ကာ ရန်ကုန်မြို့တစ်နေရာ၌ ချီတက်ဆန္ဒပြသပိတ်မှောက်ခဲ့ကြသည်။ 


ထို့အပြင် ဆန္ဒပြသပိတ်မှောက်သူလူငယ်များမှ အဖိနှိပ်ခံယူကရိန်းပြည်သူများနှင့်အတူ ရပ်တည်ကြောင်းကိုလည်း ပြသခဲ့ကြသည်။ 


မြန်မာ့နွေဦးတော်လှန်ရေးတွင် အမျိုးသမီးများသည်လည်း စစ်အာဏာရှင်တော်လှန်ရေး လုပ်ငန်းများတွင် ကဏ္ဍပေါင်းစုံမှပါဝင်လျက်ရှိသည်။ 


ယင်းစစ်အာဏာရှင်ဆန့်ကျင်ရေးပျောက်ကြားသပိတ်စစ်ကြောင်းအား Yangon Revolution Force - YRF (Soft Strike Community)၊ Rangoon Empire - RGE နှင့် အခြေခံကျောင်းသားရေးရာအဖွဲ့ခွဲ အင်အားစုမှ လူငယ်များက ချီတက်သပိတ်မှောက်ခဲ့ခြင်းဖြစ်သည်။


Photo - HHP



ဆက်ဖတ်ရန် →

ဒါကြောင့်မို့လို့ ပိုက်လိုင်းကို အနီးကပ်သွားပြီး ဖျက်လိုဖျက်စီးတွေ မလုပ်ကြပါနဲ့။

📅 💬 မှတ်ချက်

​တရုပ်ပိုက်လိုင်းမှာ ရေနံစိမ်းပိုက်လိုင်းရယ်၊ ဂက်စ် ပိုက်လိုင်းရယ်ဆိုပြီး နှစ်ခုရှိပါတယ်။


ရေနံစိမ်းပိုက်လိုင်းကတော့ ပြည်ပကဝယ်လာတဲ့ ရေနံစိမ်းကို တရုတ်ပြည်တွင်းမှာ ရှိတဲ့ရေနံချက်စက်ရုံဆီပို့တာပါ။


ဂက်စ် ပိုက်လိုင်းကတော့ LNG carrier ကနေသယ်လာတဲ့ သဘာဝဓါတ်ငွေ့အရည်ကို တရုတ်ပြည်တွင်းမှာ ရှိတဲ့ Gas Processing Plant အထိရောက်အောင် Compressor စက်ကြီးတွေနဲ့ ဖိအားမြှင့်ပြီးတွန်းယူတာပါ။


ပိုက်လိုင်းတွေအကုန်လုံးဟာ API (American Petroleum Institute Standard) စံချိန်စံညွှန်းတွေအတိုင်း တည်ဆောက်ထားတာမို့ တော်ရုံတန်ရုံ မီးလောင်တာ (တောမီး)၊ ငလျင်လှုပ်တာလောက်ကို ခံနိုင်ရည်ရှိပါတယ်။


ဒါကြောင့်မို့ ပိုက်လိုင်းတစ်လျောက် ရိုးရိုးသာမန် အသေးစားမီးရှို့တာ (တာယာမီးပုံရှို့တာ၊ ဒီဇယ်လောင်းရှို့တာ) လောက်ကိုခံနိုင်ရည်ရှိပါတယ်။ အဲ့ဒါမျိုးတွေ မလုပ်ကြပါနဲ့။ 😗


ပိုက်လိုင်းတစ်လျောက် မှာ ရေနံစိမိးနဲ့ ဂက်စ် ပို့လွှတ်ရာမှာ ခန့်မှန်းခြေ မိုင်တစ်ရာ (သို့) နှစ်ရာတိုင်းမှာ ဖိအားမြှင့်တင်ရေးစက်ရုံတွေရှိပါတယ်။ ပုံမှာ Oil Pumping station တွေမှာ Booster Pumps တွေ ထိုင်ထားပြီး Gas Compressing station တွေမှာ Booster Compressor တွေ ထိုင်ထားပါတယ်။ အဲ့ဒီစက်ရုံတွေမှာ ရေနံစိမ်းအတွက် ပိုက်လိုင်း Booster Pump နှစ်လုံး (A & B ) နဲ့ ဂက်စ်အတွက် Booster Compressor နှစ်လုံး (A & B ) နှစ်လုံး စီအထိုင်ချရပါတယ်။ ဒီစက်တွေသာ ပျက်သွားရင်တော့ ပျက်စီးမှု ပမာဏအလိုက် စက်ပြန်လည်အစားထိုးရဖို့ အနည်းဆုံး ဆယ်လကနေ တစ်နှစ်အထိစောင့်ရမှာပါ။ အဲ့ဒီစက်တွေဟာ အနောက်နိုင်ငံက စက်တွေဆိုရင် အမေရိကန်က စီးပွားရေးပိတ်ဆို့ရင် အနောက်နဲ့ G20 နိုင်ငံတွေက ကုပ္ပဏီတွေက ထပ်မံရောင်းချပေးမှာမဟုတ်ပါဘူး။ အဲ့ဒါဆိုတရုတ်ပြည်တွင်းထုတ် စက်အစုတ်တွေနဲ့ အစားထိုးရမှာပါ။  အဲ့ဒီ့အတွက် နောက်ထပ် တစ်နှစ်စောင့်ရမှာပါ။ 


သို့သော် ဒီစက်တွေကို ပျက်စီးအောင်လုပ်ဖို့ကတော့ အဲ့ဒီ Booster stations တွေမှာ အလုပ်လုပ်နေတဲ့ အင်ဂျင်နီယာတွေရဲ့ အကူအညီ မပါပဲနဲ့တော့ လုပ်လို့မရပါဘူး။ လုပ်တဲ့နည်းလမိးကတော့ အဲ့ဒီစက်တွေရဲ့ Lube Oil System ရဲ့ Lube oil supply line ကိုပိတ်ချလိုက်တာနဲ့ မိနစ်ပိုင်းအတွင်းမှာ ဒီစက်တွေဟာ အတွင်းပိုင်းမှာ အကြီးအကျယ် ပျက်စီးသွားမှာ ဖြစ်ပါတယ်။  ဖျက်တဲ့အခါမှာလဲ စက် A နဲ့ B နှစ်လုံးစီ ရှိမှာ ဖြစ်တဲ့အတွက် လက်ရှိ Run နေတဲ့ စက်တစ်လုံးကို အဲ့ဒီနည်းနဲ့ဖျက်လို့ရပေမယ့် Standby အနေအထားမှာ ရှိနေတဲ့ စက်တစ်လုံးကိုတော့ ဖျက်လို့မရနိုင်ပါဘူး။ အလွယ်ဆုံးကတော့ standby machines တွေရဲ့ Lube oil supply ဝင်ပေါက်တွေကို ဂွနဲ့ ဖြုတ်ပြီး အထဲကို သဲ လက်ခုတ်နဲ့ နှစ်ဆုပ်စီလောက် ထည့်ထားခဲ့လည်းရပါတယ်။   


ဒါမှမဟုတ်ရင်လဲ Lube Oil system ထဲက Lube Oil filter တွေကိုဖွင့် Inner Cartridge ကို ဖြုတ်ပြီး သဲလက်နှစ်ဆုပ်လောက်စီ ထည့်ထားခဲ့မယ်ဆိုရင်လဲ စက်ကြီးတစ်ခုလုံး အချိန်အနည်းငယ်အတွင်းမှာ ပျက်စီးတတ်ပါတယ်။


Compressor ဆိုရင်တော့ Gas Seal supply line ကိုပိတ်ချလိုက်မယ်ဆိုရင် အသေးစားပျက်စီးမှု (Gas Seal Damage) ဖြစ်သွားမှာပါ။


အဲ့ဒီလိုတွေတော့ မလုပ်ကြပါနဲ့လို့ တောင်းပန်ပါတယ်။ 😋


အပြင်ကနေ ဖျက်ချင်ရင်တော့ ဘလောက်ချိန်း သံကြိုးကြီးကြီး ပေနှစ်ရာ သုံးရာလောက်နဲ့ ပိုင်လိုင်းကို သံကြိုးနဲ့ချည်ပြီး ဘူဒိုစာနဲ့ အဝေးကနေ လှမိးဆွဲတာမျိုး Container ကား ခေါင်းပိုင်းနဲ့ ဆွဲတာမျိုးက ဖြစ်နိုင်ခြေရှိပေမယ့် ဒီနည်းက အန္တရယ်များလှပါတယ်။ ဖိအားမြှင့်သိပ်ထားတဲ့ ဂက်စ်တွေ ပြင်ပက မီးစတစ်စုံတစ်ခုနဲ့ ထိတွေ့ပြီးပေါက်ကွဲရင် ကားမောင်းတဲ့ သူအနေနဲ့ ကားရော လူရော လွတ်လမိးမရှိပါဘူး။  အဲ့ဒီလိုလည်းမလုပ်ကြပါနဲ့ ခင်ဗျာ။ 😗


အကယ်၍ သင်က လက်နက်ကိုင်ဖြစ်နေရင်တော့ အနီးကပ် မိုင်းဆင်ပြီး အဝေးထိန်းနဲ့ ခွဲတာ၊ RPG နဲ့လှမ်းပစ်တာ၊ ရှော့တိုက်ဒုံးနဲ့ ပစ်တာမျိုးတွေ မလုပ်ကြပါနဲ့။  အဲ့ဒီလို လုပ်ရင် ပိုက်လိုင်းပျက်စီးသွားနိုင်ပါတယ်။ 😋


ထို့အတူ ပိုက်လိုင်းတစ်လျောက် အစောင့်စခန်းပေါင်း ၅၉ စခန်းနဲ့ တစ်ကီလိုမီတာ တစ်ယောက် ကင်းတိုကင်းရှည် ကင်းတိုကင်းရှည်တွေလဲ ရှိနိုင်ပါသေးတယ်။ ဒါကြောင့်မို့လို့ ပိုက်လိုင်းကို အနီးကပ်သွားပြီး ဖျက်လိုဖျက်စီးတွေ မလုပ်ကြပါနဲ့။ အဝေးကနေ RPG နဲ့ပစ်တာကတော့ စိတ်အချရဆုံးပေါ့။ 😋


ဒါကြောင့်ကျွန်တော်အကြံပေးချင်တာကတော့ လက်ရှိတရုပ် မြန်မာ ချစ်ကြည်ရေးကို ထိခိုက်စေနိုင်မယ့် ၊ ဒေါ်မိအောင်လှိုင်ကို စိတ်ညစ်ရစေမယ့် အပြုအမူတွေက်ု လုံးဝ (လုံးဝ) မပြုလုပ်ကြစေဖို့ အလေးအနက်တောင်းဆိုလိုက်ရပါတယ် ခင်ဗျာ။ 😋


Crd


ဆက်ဖတ်ရန် →

​ပိတ်ထားတဲ့နူကလီးယားစက်ရုံတွေကို ပြန်ဖွင့်လိုက်တဲ့ မြောက်ကိုရီးယား

📅 💬 မှတ်ချက်



၂၀၁၈ ကတည်းကပိတ်ထားတဲ့ ဒီစက်ရုံတွေပြန်လည်ဖို့ လုပ်နေတာကို ဂြိုဟ်တုဓါတ်ပုံတွေကတဆင့် ထောက်လှန်းသိရှိခဲ့ကြတာပါ။ ဥရောပပြီးရင် အာရှဖက်ဂြိုဟ်မွှေဖို့ ကယ်လင်ဒါကျခဲ့ပြီလော။ အမေရိကန်က မြောက်ကိုရီးယညူကို နူလက်နက်တွေစမ်းသပ်လို့ အရေးယူမှုမှာ တရုတ်ကသဘောမတူခဲ့ဘဲ ကန့်ကွက်ခဲ့ပါတယ်။ စဉ်းစားကြည့်ကြပေါ့၊ ကမ္ဘာကြီးအတွက် ဘယ်အဖွဲ့က မိတ်ဆွေ၊ ဘယ်အဖွဲ့က ရန်သူလဲဆိုတာကို။ 🤔


Ref: scmp

ဖရန်စစ်ဇင်


ဆက်ဖတ်ရန် →

​🩺 Titov ကို အလိုရှိသည် 🩺

📅 💬 မှတ်ချက်



‘သူတို့ ‘ Titov ကို သတ်ပစ်ချင် နေပြီ..Titov ကို လိုက်ရှာနေကြတာ ၂၀၂၁ ဧပြီလဆန်း ကတည်းကပါ…။


‘ အလိုရှိသည်’… တဲ့..။


‘သူတို့’ ဟာ Titov ကိုရှာမရတဲ့ အဆုံး Titov ရဲ့ ဓာတ်ပုံတွေကို တာချီလိတ်မြို့ရဲ့ဟိုဟို ဒီဒီ တွေမှာကပ်ထားလိုက်ကြတယ်။


Titov ကိုရှာပေးကြပါတဲ့..။

ဖမ်းချင်လို့…

စစ်ကြောရေးလုပ်ချင်လို…

သတ်ပစ်ချင်လို့…


Titov ဟာ လူဆိုး…

Titov ဟာ ဝရမ်းပြေး…

Titov ဟာ နိုင်ငံတော် ပုန်ကန်သူ…


🩺


‘သူတို့’ ကရော ဘယ်သူလဲ…?

‘ သူတို့’ဆိုတာက လူသတ် ခွေးအ အုပ်စုပါ….စစ်အာဏာသိမ်းအဖွဲ့ပေါ့။ မြန်မာပြည်ကပါ…။


ဤကမ္ဘာကြီးထဲက ရက်စက်ကြမ်းကြုတ်သော ခွေးအတို့ အုပ်ချုပ်သည့် မြန်မာပြည်ဖြစ်ပါတယ်….။


မုသား၊ အငြိုးအတေးတွေနဲ့ လှည့်စားမှုတွေ ပြည့်နှက်နေတဲ့ ခွေးအတို့ ကျက်စားရာ မြန်မာပြည်..။


🩺


Titov ဆယ်တန်းစာမေးပွဲ ဖြေပြီးကာစပေါ့..သေမလို ဖြစ်ရပ်တစ်ခု ဖြစ်ခဲ့သေးတယ်..။


ဆိုင်ကယ်ကို မစီးတတ် စီးတတ်နဲ့

ဦးလေးရဲ့ဆိုင်ကယ်ကို ယူစီးတယ်..။ အဲ့ဒီမှာ တံတားပေါ်က ဆိုင်ကယ်နဲ့ပြုတ်ကျတာပဲ။ လူကအရင်ပြုတ်ကျတာ..။ ဆိုင်ကယ်ကနောက်မှဖြေးဖြေးကျတယ်။


ဆိုင်ကယ်က သူ့အပေါ်ထပ်ပြုတ်ကျရင် သေပြီပဲ။ ကံကောင်းလို့ ဆိုင်ကယ်က သူ့ဘေးကိုကျလို့ Titov အသက်မသေခဲ့တာ..။မသေရင်တောင် ခါးရိုးကျိုးပြီ..။


ကံကောင်းလို့ မသေတဲ့ Titov …နှစ်အနည်းငယ်ကြာတဲ့အခါ ခွေးအ တို့ရဲ့ ပြည့်ရှင် မင်းတရားကြီး သန်းရွှေ နဲ့ မိဖုရားခေါင်ကြီး ကြိုင်ကြိုင်တို့နဲ့တွေဖို့ဖြစ်လာတယ်။


ခါးရိုးကျိုးတဲ့ ကိစ္စပါ။


🩺


ဟုတ်တယ်။


၂၀၀၄ ခုနှစ်တုန်းကလည်း သူတို့ ‘ Titov ကို အလိုရှိသည်’ ဖြစ်ခဲ့ဖူးတယ်။


ခါးရိုးကျိုးတဲ့ ကိစ္စပါ။


🩺


အဲ့ဒီတုန်းက Titov ဂျပန်က ပြန်လာတာ သိပ်မကြာသေးဘူး။


Titov ဂျပန်သွားတာ ကျောရိုးခွဲစိတ် ပညာသွားသင်ခဲ့တာပေါ့..။


ဟုတ်ပါတယ်… Titov က ဆရာဝန်ပါ။


🩺


၂၀၀၄ ခုနှစ် Titov ဂျပန်က ပြန်လာပြီး​​ နှစ်လလောက်အကြာမှာပေါ့..။


သန်း​ရွှေရဲ့သားက ကားအက်ဆီးဒင့်ဖြစ်တယ်။ ခါးကျိုးတယ်။


အဲ့ဒီ့ ‘ခါးရိုးကျိုးတဲ့ ကိစ္စ’ မြန်မာပြည်မှာ အရေးကြီးဆုံး ကိစ္စကြီးဖြစ်သွားတာ..။


🩺


အဲ့တုန်းက ကျန်းမာရေးဝန်ကြီး က ပါမောက္ခဒေါက်တာကျော်မြင့်..။


ဒေါက်တာကျော်မြင့်က အဆုတ် နဲ့ ရင်ခေါင်းအထူးကုဆရာဝန်..၊ သန်းရွှေရဲ့သား ကျိုးတာက ခါးရိုး..။


ဝန်ကြီး ခမျာ အစည်းဝေးတွေလုပ်၊ သင့်တော်မယ့်ဆရာဝန်ရှာ.. ဝုန်းဒိုင်းကြဲတော့တာပဲ..၊ အာဏာရှင်ခေတ်ကိုး… ဖားကြ..ယားကြ.. ပျာပျာသလဲဖြစ်ကြ..။


အဲ့မှာ ဝန်ကြီးရှာဖွေတွေ့ရှိတာ Titov ပါ..။


ဟုတ်ပါတယ်… Titov က အလွန်တော်တဲ့ အရိုးအထူးကုခွဲစိတ်ဆရာ၀န်ကြီးဖြစ်ပါတယ်။


🩺


အဲ့ဒီတုန်းက Titov က ရန်ကုန်​ဆေးရုံကြီး အ​ရေး​ပေါ်ဌာနက အထူးကုဘက်မှာပေါ့။ ပြီးတော့ Titov က ရန်ကုန်ဆေးရုံကြီးရဲ့ အတိုင်ပင်ခံပါ..။


အဲ့​ဒါနဲ့ပဲပေါ့..။

Titov တစ်ယောက် သန်းရွှေရဲ့သားကို ဆေးကုရတယ်..။


🩺


တကယ်တော့ ဒီကိစ္စက မလွယ်လှပါဘူး.. သန်းရွှေသား အဲ့ဒီ့အချိန် မှာ သူ့ဟာသူ အခြားရောဂါနဲ့ သေသွားရင်တောင် ဆရာဝန် ဒုက္ခရောက်ပြီ။


ခွေးအ တို့ရဲ့ ပြည့်ရှင် မင်းတရားကြီးက ဆရာဝန် Titov ကိုပဲ အမျက်ဒေါသ ချောင်းချောင်း ထွက်မှာဖြစ်ပါတယ်..။


မှားလို့မရဘူး..။

အာဏာရှင်ခေတ်..။


လွဲလို့မရဘူး..။

အာဏာရှင်စနစ်..။


ဆရာဝန်ဟာ နေ့ချင်းညချင်း မြေကြီးထဲကို ရောက်သွားနိုင်ပါတယ်။


Titov တစ်ယောက် အာဏာရှင်တွေကြားမှာ ဆေးထိုးအပ်တွေ..နားကြပ်တွေနဲ့...။


🩺


Titov ကတော့ ဆရာဝန်တို့ရဲ့ စေတနာ.. ဆရာဝန်တို့ရဲ့ မေတ္တာနဲ့ အေးအေး ဆေးဆေးပဲ လုပ်စရာရှိတာ လုပ်ပေးခဲ့ပါတယ်..။


မအေးဆေးနိုင်တာက ဝန်ကြီးရယ်ပါ..။ သန်းရွှေကြီးလာမှာမို့တဲ့..ရန်ကုန်​ဆေးရုံကြီးဝန်းထဲကမြက်ပင်​တွေ အကုန်လုံးကို ရှင်း …ရန်ကုန်​ဆေးရုံကြီးတစ်ခုလုံးက လမ်းတွေကို ကတ္တရာ​တွေခင်းပစ်လိုက်တယ်။


၂ ရက်အတွင်း ဆေးရုံကြီးက လှပ.. သန့်စင်..သာယာ..။


🩺


အဲ့ဒီ့ ကတ္တရာ​လမ်းမကြီးတွေဟာ ဒုက္ခိတတွေ လူအို လူနာတွေ သက်သက်သာသာ လမ်းလျှောက်ဖို့ ဖြစ်လာခဲ့တာ မဟုတ်ပါ။


သန်းရွှေတို့လျှောက်ဖို့ ကတ္တရာ​လမ်းမကြီးတွေ ‘ဘွားကနဲ’ ပေါ်လာခဲ့တာပါ..။


ဟုတ်ပါတယ်…။

မြန်မာပြည်က ပြည်သူ ပြည်သားတွေဟာ ‘ကျွန်’ ဖြစ်နေခဲ့ပါတယ်။


သခင့်မျက်နှာရိပ် မျက်နှာကဲကို အမြဲ တသသ ကြည့်နေရတဲ့ ကျွန်တွေ ဖြစ်နေခဲ့ရပါတယ်..။


သန်းရွှေနားမှာ ခစားတဲ့သူတွေက ကတ္တရာ​လမ်းမကြီးတွေမရှိရင် သူတို့ ခန္ဓာကိုယ်တွေ တန်းစီ လှဲချ လမ်းခင်းပေးမယ့် ‘ကျွန် တော်’တွေပါ။


🩺


အဲ့ဒီတုန်းကပေါ့။


လက်နှက်တွေ .. ယတြာတွေ.. အောက်လမ်းတွေကြောင့် တန်ခိုးကြီးမားလှတဲ့ အာဏာရှင် သန်း​ရွှေဟာ ​သူ့မိန်းမနဲ့အတူ တစ်ရက်ခြားတစ်ခါ ဆေးရုံကြီးကိုကြွရောက်လာတော့တယ်။


သူတို့လာပြီဆို ဝန်ကြီး​တွေ​ရော ဗိုလ်ချုပ်​တွေ အကုန်လုံးက ခစားရတာ..။ မြင့်​ဆွေတို့ဆို ဘာပြောကောင်းမလဲ.. ပျာနေတာပဲ..။


ပြားပြားကို ဝပ်နေကြတာပဲ… သက်ဦးဆံပိုင် ပဒေသရာဇ် ခေတ်ကြီး..။


​🩺


အဏာရှင်နှင့် သူ၏ ဘောမတို့ ရန်ကုန် ပြည်သူ့ ဆေးရုံကြီးကို ရှုပ်ယှက်ခတ်မှုကို Titov က ရပ်ပစ်လိုက်နိုင်တယ်။


သန်းရွှေကြီးရဲ့ သား ပြန်ကောင်းသွားအောင် ကုပေးလိုက်တာပဲ..။


🩺


သူတို့က ပထမတော့ တပ်ဘက်ကဆေးရုံကို​​ပြောင်းမယ်ဘာမယ်ပေါ့..။ စစ်ဆေးရုံလည်း သိက္ခာကျလို့မဖြစ်ဘူးလေ။ နောက်ကျ​တော့လည်း Titov ကို ‘ဆရာက ပိုကျွမ်းကျင်တယ်’ ​ပေါ့​လေ..။​


‘ကျေးဇူးတင်ပါတယ်’ ဘာညာပေါ့..။


🩺


Titov မျက်နှာပွင့်ပြီ..။


🩺


Titov ဟာ အစိုးရဝန်ထမ်း ဖခင်နဲ့အတူ နွားထိုးကြီး၊ကျောက်ပန်းတောင်း၊တောင်တွင်းကြီး၊ရန်ကုန်..အဲလိုတွေ နေရာမျိုးစုံ ပြောင်းရွေ့ပြီး ကျောင်းမျိုးစုံ ပြောင်းတက်ခဲ့ရတဲ့သူပါ..။ များသောအားဖြင့် ကျောင်း ခဏခဏပြောင်းရတဲ့ကလေးဟာ ကျောင်းစာမှာ ထိခိုက်တယ်။


Titov ကတော့ ရောက်တဲ့ အရပ်မှာ ဖြစ်တဲ့နည်းနဲ့ စာကြိုးစားရင်း ပါရဂူအထိ ဖြစ်ခဲ့ရတဲ့ ဆရာဝန်ပါ.. ဒီလို မျက်နှာပွင့်သင့်တာကြာပေါ့..။


မြန်မာပြည်မှာကတော့ အာဏာရှင်မိသားစုနဲ့ ဆက်စပ်ခွင့်ရမှ မျက်နှာပွင့်တာ .. ထုံးစံ..။


🩺


Titov တဲ့…။

အဘိုး က သူ့ကို Titov ဆိုတဲ့ နာမည်ပေးခဲ့တာပါ။


အဘိုးက သူ့အစ်ကို ဝမ်းကွဲကို ‘ဂါဂါရင်- (Yuri Gagarin) တဲ့..သူ့ကိုတော့ တိိတိုဗ်- (Gherman Stepanovich Titov) တဲ့။


Titov ဆိုတာ ဆိုဗီယက် အာကာသယာဉ်မှူးပေါ့..။ ၁၉၆၁ - ဩဂုတ်လ ၆ ရက်မှာ ကမ္ဘာကို ဒုတိယအကြိမ်ပတ် နိုင်ခဲ့တဲ့ လူသား..။ ဂါဂါရင် ကတော့ ပထမအကြိမ်ပတ် နိုင်ခဲ့တဲ့ လူသားပေါ့..။


Titov ကို မြင်းခြံမြို့မှာမွေးခဲ့ပါတယ်။ မောင်နှမ ၅ ယောက်ထဲမှာ Titov က အလယ်..အမျိုးတွေ မောင်နှမတွေက ဆရာဝန်တွေ အင်ဂျင်နီယာတွေချည်းပဲ..။


Titov မိသားစု အသိုင်းအဝိုင်းက ပညာတတ်မိသားစုဖြစ်ပါတယ်။


မြန်မာပြည်မှာ စစ်တပ်အသိုင်းဝိုင်းမှ ကျူရှင်ကောင်းကောင်းယူ စာတော်ကြတယ်။ နိုင်ငံတကာသွားနိုင်တယ်။ ပညာကောင်းကောင်းသင်နိုင်ကြတယ်။


ဒီလို အစိုးရဝန်ထမ်း မိသားစုတစ်ခုလုံးက ပညာတတ်မိသားစုဖြစ်ဖို့ တကယ် မလွယ်လှပါ။


Titov မိဘတွေဆို မြင်းခြံမြို့ ကနေ လေး- ငါး မိုင်လောက် မဝေးတဲ့ ရွာလေးတစ်ရွာမှာ ကြီးပြင်းလာတဲ့ ရွာသူရွာသားတွေပါ။


ဖခင်က စိုက်ပျိုးရေးဝန်ထမ်း

အစိုးရဝန်ထမ်း အရာရှိအထိဖြစ်အောင်ကြိုးစားခဲ့တယ်။


ကြက်မောင်တောင် ဆည် စီမံကိန်းဆို Titov ရဲ့ ဖခင် ပါဝင် လုပ်ကိုင်ခဲ့တာပေါ့…မိခင်ကတော့အိမ်ရှင်မပါ။ ရိုးစင်းလှတဲ့ မိသားစုတစ်စုဖြစ်ပါတယ်..။


Titov ငယ်ဘဝမှာ ထူးခြားပျော်ရွင်စရာဆို နွေရာသီကျောင်းပိတ်ရက်လောက်ရယ်ပါ။


တောင်တွင်းကြီးကနေ အဘိုး အဘွားရှိတဲ့ မြင်းခြံရွာဘက်ကို အလည်သွားရတာကိုက ဘဝမှာ ပျော်စရာအမှတ်တရတွေပါ..။


တိုင်းပြည်ကငွေတွေ ခိုးပြီး ချမ်းသာလွန်းလို့ စင်္ကာပူကို နေ့ချင်းပြန် မုန့်သွားစားတာတို့ ဘာညာတို့.. ဒီလိုမျိုးမှ ပျော်စရာလို့ သတ်မှတ်တဲ့ အသိုင်းအဝိုင်းနဲ့တော့ ကွာလှပါတယ်။


🩺


Titov ၁၀ တန်းအောင်တော့ မကွေးတိုင်း တစ်တိုင်းလုံးမှာဒုတိယရတယ်။ မြန်မာတစ်ပြည်လုံးက လက်ချိုးရေလို့ရတဲ့ အမှတ်အကောင်းဆုံး သူတွေထဲ Titov ပါခဲ့တယ်။ သူဟာ ဆေးပညာသင်ကြားဖို့ကိုရွေးချယ်ခဲ့..။


🩺


ဒါနဲ့ .. သန်းရွှေရဲ့ သားရော ဘယ်လိုဖြစ်သွားတာလား..?


ပြန်ကောင်းသွားတယ်။ စင်္ကာပူ မှာလည်း သွားကုစရာမလိုပါဘူး။


ဆင်းရဲတဲ့ မြန်မာနိုင်ငံက Titov ဟာ စင်္ကာပူ က တကယ့် ဒိတ်ဒိတ်ကြဲ ဆရာဝန်တွေကို ယှဉ်နိုင်ပါတယ်။


ဒီလိုနဲ့ Titov သူတို့နဲ့ အ​တော်ခင်သွား​တော့ သူတို့ကမေးတယ် —


“ ဘာလိုချင်သလဲ..” တဲ့။


🩺


“ ကျောရိုး ယူနစ် အဆောက်အဥိီး(Spine Unit) ကြီးတစ်ခုကို လှူပေးပါ”


Titov ဟာကိုယ်ရေးကိုယ်တာ ချမ်းသာဖို့ လုံးဝ လုံးဝ မတောင်းဆိုခဲ့ပါ။ ပြည်သူတွေကို သူကောင်းကောင်း ဆေးကုချင်တယ်။


Spine Unit ကြီးတစ်ခု Titov တကယ်ပဲရခဲ့ပါတယ်။အဲ့ဒီ အ​ဆောက်အဦးကြီးက မြန်မာငွေ ကျပ် သိန်း​ပေါင်း ၇​​သောင်း​​ကျော်လောက်တန်တယ်။


အဲ့ဒီ အဆောက်အဦးကြီးကို အာဏာရှင်မိသားစုရဲ့ငွေ ၆၀ ရာခိုင်နှုန်း နဲ့ အစိုးရငွေ ၄၀ ရာခိုင်နှုန်းနဲ့ လှူတာလို့ Titov မှတ်သားရတယ်။


Titov နဲ အဏာရှင်မိသားစုဟာ အတော့်ကို ရင်းနှီးသွားကြတယ်။၂၀၀၄..၂၀၀၈….၂၀၁၀အထိ..ပေါ့….။


🩺


အခုတော့ ဒါတွေပြီးခဲ့ပါပြီ..။


သူတို့က Titov ကိုတွေ့ ရိုက်နှက်၊ နှိပ်စက်၊ သတ်ပစ်ချင်နေပြီ..။


‘ကျေးဇူး’ဆိုတာ အာဏာရှင်လောကမှာ မရှိပါ။ ငါ့အလိုမတူရင် ငါ့ရန်သူပါ..။


Titov ဘာတွေ လုပ်ခဲ့ပါလိမ့်...။


🩺


Titov ဘာတွေ လုပ်ခဲ့ပါလိမ့်..။


အာဏာဖီဆန်တာကိုး… ၂၀၂၁ ဖေဖေါ်ဝါရီလမှာပေါ့။ Titov ဓမ္မဘက်မှာ ထိုင်ချ… CDM ဝင်ခဲ့တယ်။


CDM — အာ ဏာ ဖီ ဆန် ..။


🩺


CDM မလုပ်ခင်အထိ Titov က Spine Unit အဆောက်အဦးကြီးမှာ ခွဲစိတ်ကုသမှု​တွေ လုပ်နိုင်ခဲ့ပါတယ် ။


Titov ကျောရိုးခွဲစိတ်ကုသမှုပညာဌာနနဲ့ ​​ကျောရိုးခွဲစိတ်ကုသတဲ့အ​​ဆောက်အဦးကို မြန်မာပြည်မှာ ပထမဆုံး တည်ထောင်နိုင်ခဲ့။


အရိုး အစားထိုးခွဲစိတ်ကုသမှုက အရင်ကတည်းကရှိခဲ့ပေမဲ့ Titov က ဒါကိုကျယ်ကျယ်ပြန့်ပြန့် စလုပ်နိုင်ခဲ့တယ်။


တင်ပါးဆုံအဆစ် အစားထိုးတာမျိုး၊ ဒူးဆစ် အစားထိုးတာမျိုး…အဲလိုအဆစ်တွေအစားထိုးတာ ကျယ်ကျယ်ပြန့်ပြန့်လုပ်နိုင်ခဲ့တာပါ..။


အလွိုင်းတို့ စတီးတို့ သတ္တုတို့နဲ့အစားထိုးတာပေါ့။ ဟိုအရင် ဆရာဦးစံပေါ်တို့ လက်ထက်တုန်းကတော့ ဆင်စွယ်နဲ့အစားထိုးခဲ့ကြတယ်။


ဒါက မြန်မာနိုင်ငံက လူရည်ချွန် လေးထပ်ကွမ်း ဆရာဝန် Titov အကြောင်းပါ။


🩺 Titov မမေ့နိုင်ပါ— 🩺


“ အမ… မနာဘူးလား ခင်ဗျ..”


ဒီလိုမေးတော့ ဒေါ် အောင်ဆန်းစုကြည်က—


“ ဆရာ ကျမကို မနာဘူးမထင်နဲ့နော် ။ကျမ လည်းနာတာပဲ..” တဲ့။


စကားပြာတာက အစ သိမ်မွေ့တဲ့ အမျိုးသမီးကြီးပါ။ Titov ထူးထူးခြားခြား သတိထားမိတာ က ဒေါ်အောင်ဆန်း စုကြည်ဟာ 

နာကျင်ရင်တောင် နာကျင်တယ်ရယ်လို့ ငြီးတွား တတ်တဲ့သူတွေထဲမှာ မပါဘူး။ အတော် စိတ်ထိန်းနိုင်တယ်။


🩺


ဟုတ်ပါတယ်။ Titov ဟာ ဒေါ် အောင်ဆန်းစုကြည်ကို ဆေးကုသပေးဖူးတယ်။


သူများဆိုရင် နာလို့သွေးခုန်နှုန်း သွေးပေါင်ချိန်တက်နေတဲ့ အခြေအနေမျိုးမှာတောင်ဒေါ် အောင်ဆန်းစုကြည်ရဲ့ Heart rate ဟာ တက်မသွားဘူး။ တရားမှတ်နေပုံရပါတယ်။


ဘဝမှာ… Titov မမေ့နိုင်ပါ—


🩺


နောက်တစ်ခု မှတ်မှတ်ရရ ဖြစ်မိတာ Titov ကုပေးခဲ့တဲ့ ဒရိုင်ဘာတစ်ယောက်ပါ။


၂၀၁၃ ခုနှစ်ကပေါ့။  Titov ကိုလိုက်ရှာတာ ဒရိုင်ဘာတစ်ယောက်ရှိနေခဲ့တယ်။


အဲ့ဒီ့ ဒရိုင်ဘာက တင်ပါးဆုံအဆစ် ပျက်စီးသွားတာ..။ Titov ကခွဲစိတ်ကုသပေးလိုက်တယ်။


ခွဲစိတ်မှုက ထုံးစံအတိုင်း အတော့်ကို အောင်မြင်ပါတယ်။ အတော်ကောင်းသွားတာ..။ဒရိုင်ဘာက လမ်းတွေလျှောက်၊ ကားတွေပြန်မောင်းနိုင်တယ်။


နောက်ပိုင်းမှ သိရတာက အဲ့ဒီ ဒရိုင်ဘာက နယ်နယ်ရရမှ မဟုတ်တာ..။ နိုဘယ်ဆုရှင် ဒေါ်အောင်ဆန်းစုကြည်ရဲ့ဒရိုင်ဘာဖြစ်နေတာ..။


နောက်ပိုင်း Titov ဆီဒေါ်အောင်ဆန်းစုကြည် ကိုယ်တိုင် Titov ဆီရောက်လာတာပဲ။


🩺


အဲ့ဒီတုန်းက ဒေါ် အောင်ဆန်းစုကြည်ကို ဆေးကုသဖို့ Titov စိတ်လှုပ်ရှားခဲ့ပါတယ်။


ဒေါ် အောင်ဆန်းစုကြည်ဆိုတာ သူကိုယ်တိုင် အလွန်လေးစားပြီး တစ်ကမ္ဘာလုံးက ချစ်ခင်လေးစားစွာစောင့်ကြည့်နေတဲ့သူလေ…။


Titov က ဆေးကုသပေးလိုက်လို့ အမှားအယွင်း တစ်စုံတစ်ရာ ရှိသွားခဲ့ရင်ဆိုတာ တွေးတောင် မတွေးဝံ့ပါ။


🩺


ပထမတော့ Titov က လာဆက်သွယ်တဲ့ ကိုတင်မျိုးဝင်းကို — “ ဟုတ်ကဲ့..အမ မြန်မာနိုင်ငံပြန်ရောက်ရင်ကြည့်ပေးပါမယ်” လို့ပြောခဲ့တယ်။ လာပြောတုန်းက ဒေါ်အောင်ဆန်းစုကြည်က နိုင်ငံတကာကို သွားနေတာ။


 တကယ့်တကယ် ဒေါ်အောင်ဆန်းစုကြည်ကိုတွေ့ရတော့ —


“ အမ အင်္ဂလန်မှာ ဆေးကုပါလား အမ…” လို့ Titov အကြံပြုလိုက်မိတဲ့ အထိပါ။


🩺


Titov က ဘိလပ်ပြန်ပါ။ အင်္ဂလန်မှာ ဒီလောက် အဆင့်အတန်းမြင့်မြင့် ဆေးရုံကြီးတွေရှိနေတာ သူသိတယ်။ သူကိုယ်တိုင် အင်္ဂလန်မှာ

Ortho First Assistant အဖြစ်နဲ့ လူနာ အများကြီးကို ကုပေးခဲ့ဖူးတယ်။


🩺


ဒေါ်အောင်ဆန်းစုကြည်က အင်္ဂလန်ကနေ မြန်မာပြည်ကို ပြန်လာပြီး Titov ဆီမှာဆေးကုမတဲ့..ဆိုတော့ Tivot  အလွန် ဝမ်းသာဂုဏ်ယူခဲ့တယ်။


🩺


မြန်မာပြည်က ဆရာဝန် Titov ကလည်း နယ်နယ်ရရတော့ မဟုတ်ပါ။


 MBBS ဘွဲ့ရ MSC(Ortho) ပြီးတော့ အင်္ဂလန်က fellowship စာမေးပွဲကို သူဝင်ဖြေတယ်။


အဲ့ဒီစာမေးပွဲ part-1 က မြန်မာနိုင်ငံမှာဖြေရတာ..။ အင်္ဂလန်က လာစစ်တဲ့ selection စာမေးပွဲတစ်ခု ပေါ့။


ရေးဖြေရော နှုတ်ဖြေရောအင်္ဂလိပ်လိုဖြေရတယ်။ ဆရာဝန် အယောက် ၂၀၀ ကျော်ဖြေတာ ၆ ယောက်ပဲအောင်တယ်။


Titov  စာမေးပွဲအောင်ခဲ့ပါတယ်။


🩺


အဲ့ဒီလို စာမေးပွဲ ဖြေပြီး တဲ့အခါ

နောက်တပိုင်းကို England မှာဖြေရတယ်။ ဒီစာမေးပွဲဖြေဖို့  Titov ဘိလပ်ကိုရောက်လာခဲ့တယ်။


အင်္ဂလန်ရောက်ပြီး ဖြေရမယ့် FRCS စာမေးပွဲက ၂လကျော်အကြာမှာရှိနေတယ်။ 


ပထမတော့ ဒီစာမေးပွဲမမှီနိုင်ဘူး နောက်စာမေးပွဲကို စောင့်ဖြေရမှာပေါ့လို့ Titov တွေးလိုက်သေးတယ်။


အဲ့ဒီ စာမေးပွဲက အနည်းဆုံး တစ်နှစ်လောက် စာကျက်ပြီးမှ ဖြေနိုင်ကြတယ်လေ။တချို့ဆို ၃နှစ်လောက်ဖြေရတာကိုး။


သူ သိပ်ကြာကြာ မတွေးလိုက်ပါဘူး စာမေးပွဲဖြေဖို့ စိတ်ဆုံးဖြတ်လိုက်တယ်..။


🩺


Titov အရမ်းကို ကြိုးစားခဲ့ပါတယ်။ အဲတုန်းက တစ်နေ့ကို၂နာရီလောက်ပဲအိပ်ခဲ့တယ်..။ အိပ်ချင်ရင်အဝတ်တွေဘာတွေထလျှော်ပြီး အိပ်ချင်စိတ်ပျောက်အောင်လုပ်တာ..။


မြန်မာပြည်က သာမာန်လူတန်းစား တွေဟာ ပညာတတ် အဆင့်အတန်းတစ်ခုရဖို့ အဲ့ဒီလို အသေအကြေကြိုးစားရုံကလွဲပြီး ဘာမှ အားကိုးစရာမရှိပါ။


Titov အောင်တယ်။ အနည်းဆုံးတစ်နှစ်လောက် ကြိုးကြိုးစားစားဖြေမှာ အောင်နိုင်တဲ့ စာမေးပွဲကို ၂ လတည်းနဲ့..။


ဉာဏ်ကောင်းတာ လည်းပါတာပေါ့။ Totiv က သင်္ချာ ပါရမီရှင် ပါ။ 


မူလတန်းက စပြီး စာမေးပွဲတွေမှာ သင်္ချာအမှတ် အမြဲ— ၁၀၀ပါ။ ၁၀၀ အောက် တစ်ခါဆို တစ်ခါမှ မကျခဲ့တဲ့ Math Genius ပါ။


Titov က ၃ရက်လောက်မအိပ်ဘဲသင်္ချာထိုင်တွက်လို့ရတဲ့သူ..။


သူ ၉တန်းအောင်ပြီးတော့ ဆယ်တန်းသင်္ချာတွေ ကို ၃ရက်ဆက်တိုက်ထိုင်ပြီး ကြိုတွက်ခဲ့ဖူးတယ်။


🩺


ဒီလိုနဲ့ Tirov ဟာ အင်္ဂလန်မှာ၂နှစ် (၁၉၉၇ - ၁၉၉၉)အလုပ်လုပ်ခဲ့တယ်။


ဒါတရားဝင် အစိုးရကခွင့်ပြုတာပါ။ အင်္ဂလန်မှာ တစ်ခါမှ မရခဲ့ဖူးတဲ့ လခ အများကြီးလည်း ရခဲ့ဖူးတယ်။ 


မြန်မာပြည်မှာ အဲ့တုန်းက လခက တစ်လ ၄ ပေါင် ၅ ပေါင် (pound sterlings)ပဲ ရတဲ့အချိန်ပါ။ အဲ့အချိန်တုန်းက Titov ကို အင်္ဂလန်က လခ ပေါင်၂၀၀၀ ကနေ ၂၅၀၀အထိ ပေးတာလေ။အများကြီးကွာတာပေါ့။


တချို့ဆို မြန်မာပြည် ပြန်မလာကြတော့ဘူး။Titov ၂၀၀၀ခုနှစ် ဇန်နဝါရီလမှာ မြန်မာပြည် ပြန်လာခဲ့ပါတယ်။


Titov မြန်မာပြည်ကိုချစ်ပါတယ်။


🩺


Titov က ဒေါ်အောင်ဆန်းစုကြည်ကို အင်္ဂလန်မှာ ဆေးသွားကုဖို့ ပြောခဲ့စဉ်က ဒေါ်အောင်ဆန်းစုကြည်က Titov ကို ကြည့်ပြီး—


“ ကျမ အင်္ဂလန်ကို မသွားဘူး။မြန်မာပြည်မှာပဲဆရာကကုပေးပါ။ ကျမကတော့ ဆရာ့ကိုယုံတယ်..” တဲ့။


ဒေါ်အောင်ဆန်းစုကြည်ပါ။

မြန်မာပြည်ကို ချစ်တယ်။ 

မြန်မာပြည်သူ ပြည်သားတွေကိုယုံတယ်။ မြန်မာပြည်က ဆရာဝန်ကိုပဲ သူမ အားကိုးပါတယ်။


🩺


Titov ဆိုတဲ့ သမားတော်ကြီးဟာ တစ်ကမ္ဘာလုံးက လူတွေ မုန်းတဲ့ မိသားစုကိုဆေးကုပေးခဲ့ရသလို တစ်ကမ္ဘာလုံးက လူတွေ ချစ်တဲ့ အမျိုးသမီးကြီးကိုလည်း ဆေးကုပေးခဲ့ဖူးပါတယ်။


🩺


တစ်ကမ္ဘာလုံးက လူတွေ မုန်းတဲ့ မိသားစုက အာဏာရှင် သန်းရွှေကြီးရဲ့ မိသားစုပေါ့။ သူ့ သားကိုလည်း Titov က ခါးရိုးပြန်ဆက်အောင် ကုသပေးခဲ့ဖူးတယ်။


သမားတော်ကြီး Titov ဟာ သူတို့ အသိုင်းအဝိုင်းနဲ့ နီးနီးကပ်ကပ်နေခဲ့ဖူးတယ်။


အဲ့ဒီ နောက်ပိုင်း သူတို့မိသားစုတစ်ခုလုံးရဲ့ ကျန်းမာ​ရေးကို ကြည့်​ပေးတဲ့ သဘောမျိုးအထိ ခင်မင်ခဲ့ကြ..။


ဟုတ်ပါတယ်…။

အာဏာရှင် သန်းရွှေကြီးကလည်း Titov ကို အားကိုးခဲ့ဖူးတယ်။


🩺


သန်းရွှေကြီး မိသားစု အသိုင်းအဝိုင်းက တစ်ခုခု မကျန်းမမာဖြစ်ရင် သူတို့စစ်ဘက်က ဆရာဝန်​​တွေနဲ့ အရင်ပြလေ့ရှိတယ်။


ဆေးတပ်က ဆရာဝန်​တွေနဲ့ ကုလို့အဆင်မ​ပြေ​တော့ဘူးသူတို့အားမရဘူးဆိုရင် Titov ကို လှမ်း​မေးပြီ..။


​နောက်ကျ​​တော့ ​တော်​တော်​လေး ရင်းနှီးသွားကြတယ်။


Titov နေပြည်​တော်လာရင် သန်းရွှေကြီးက ကား​တွေဘာ​တွေ ပေးထားတာမျိုး…လေယာဥ်ကွင်းကို လာကြိုတာမျိုး…။


တစ်ခါ တစ်ခါ စကားပြောဖြစ်ရင် အနည်းဆုံးတော့ ၂နာရီ ၃နာရီ​ ..။


ဘဝမှာ… Titov မမေ့နိုင်ပါ—


🩺


Titov ချစ်ခင်လေးစားရတဲ့ ကမ္ဘာကျော် အမျိုးသမီးကြီးနဲ့လည်း ခင်ခွင့်ရခဲ့ပါတယ်။


Titov နဲ့ ဒေါ်အောင်ဆန်းစုကြည် ကို ဆေးကုသရင်း တစ်ရက်ကို

စကားတစ်နာရီခွဲလောက် စကားတွေထိုင်ပြောနေမိတဲ့ ခင်သွားကြတယ်..။


Titov သိလိုက်ရတာက ဒေါ်အောင်ဆန်းစုကြည်က စာလည်းအတော်ဖတ်တယ်။ တရားထိုင်တယ်။ဗဟုသုတပိုင်းရော စိတ်ထားပိုင်းရော အတွေးအခေါ် ပိုင်းရော အင်မတန်ကိုပြည့်စုံတဲ့ အမျိုးသမီးကြီးဆိုတာကိုပေါ့..။


🩺


၂၀၂၁ ရောက်တော့ သမားတော်ကြီး Titov က အာဏာရှင် သန်းရွှေကြီး အုပ်စုနဲ့ ပတ်သက်ပြီး တွေးခဲ့သမျှ အထင်နဲ့ အမြင်လွဲခဲ့ရတယ်..။


ဒေါ်အောင်ဆန်းစုကြည် ကို အသိအမှတ်ပြုလာတဲ့အခါ “ ဪ… ‘သူတို့’ ဟာ သွေးထွက်သံယိုမရှိဘဲ အာဏာလွှဲ​ပေးနိုင်ကြမယ့်သူတွေပါလား“လို့ သမားတော်ကြီးတွေးထင်ခဲ့ဖူးတာကိုး..။


စိတ်ထဲက ချီးကျူးခဲ့ဖူးတယ်။


🩺


သူတို့ဟာ … ပြည်သူတွေကို ဒီလို လမ်းမတွေပေါ်မှာ မျက်လုံးတွေပေါက် ၊ ဦးဏှောက်တွေထွက်၊ ပိုးစိုးပက်စက် သတ်ပစ်ကြမယ့် ယုတ်ကန်းသူတွေ လို့ Titov မထင်မှတ်ခဲ့ပါ။


လမ်းပေါ်မှာလဲကျသေဆုံးနေတဲ့ ကလေးတွေ ...။


ဘဝမှာ… Titov မမေ့နိုင်ပါ—


🩺


ဒီလောက် လုပ်ရက်လိမ့်မယ်လို့ Titov မထင်ခဲ့မိတာ အမှန်..။


‘သူတို့’ရဲ့ အတွင်းစိတ်ဟာ သူတို့ကိုယ်သူတို့ ပြန်ပြီး လိမ်ညာမှုတွေနဲ့ ပြည့်နှက်နေတယ်။အမှန်မြင်ဖို့ အလွန်ခဲယဉ်းလှတယ်.. ။ 


ဒါကြောင့် Titov ရွေးလိုက်တဲ့လမ်းက CDM … အာ ဏာ ဖီ ဆန်..။


Tivot ဟာ CDM တော်လှန်ရေးရဲဘော်တွေရဲ့ ရှေ့ဆောင်လမ်းပြတစ်ယောက်လည်းဖြစ်ပါတယ်။


မနေ့က NST ရဲ့ အင်တာဗျုးပါ—https://fb.watch/bCwPXn1UBW/


🩺


အဲ့ဒီ Titov ဆိုတဲ့  မြန်မာပြည်က  ဋ ဍအရိုးအထူးကု သမားတော်ကြီးဟာ ကျိုးသွားတဲ့ အရိုးတွေကို ဟိုဟာ ဒီဟာတွေနဲ့ အစားထိုးပြီး ကြိုးကြိုးစားစား ပြန်ဆက်ပေးခဲ့ပေမဲ့ နှစ်ပိုင်းကျိုးသွားတဲ့ မြန်မာပြည်ကြီးကို ပြန်မဆက်လိုခဲ့။


ဓမ္မ နဲ့ အဓမ္မ…ဘယ်သောအခါမှ ပေါင်းစပ်လို့မရဘူးလေ…။ 


အဓမ္မတွေကို ဒီမြေက တွန်းထုတ်ကြ…ဆိုပြီး ပြည်သူတွေနဲ့ ဝင်တွန်းခဲ့..။


🩺


အဲ့ဒီလိုသမားတော်ကြီးဟာ ဓမ္မဘက်က ဝင်ရပ်တော့ သူတို့က ‘Titov ကို အလိုရှိသည်’ ..တဲ့။


‘သူတို့’က သမားတော်ကြီးကို ဝရမ်းပြေးလို့ သတ်မှတ်၊ သတ်ဖို့ ဖြတ်ဖို့ လိုက်ရှာလို့မရတဲ့အဆုံး မကြာသေးခင် ရက်ပိုင်းအတွင်းက မြန်မာနိုင်ငံသား အဖြစ်က ရုတ်သိမ်းလိုက်တယ်။


အာဏာရှင်တို့ရဲ့ အမုန်း..။

ဘဝမှာ… Titov မမေ့နိုင်ပါ—


🩺


Titov ဟာ အရိုးခွဲစိတ် အထူးကု သမားတော်ကြီးသက်သက်ပါ။ နိုင်ငံရေးလုပ်ဖို့ မစဉ်းစားခဲ့ဘူး။


Titov ရဲ့အဘိုးတွေ အဖွားတွေက ရိုးသားကြိုးစားပြီး အရမ်းကို ချမ်းသာခဲ့တာ။ ရန်ကုန်နဲ့မြင်းခြံဆွဲတဲ့ မော်တော်ကြီး၂စင်းပိုင်တယ်။လယ် ဧက‌ ၇၀-၈၀ လောက်ကို ပိုင်ဆိုင်တယ်။


တစ်နေ့—

Titov ရဲ့အဘိုးတွေ အဖွားတွေဟာ သူတို့ရဲ့ မြေတွေ‌ကို တစ်ရွာလုံးကို ပေးကမ်းဝေမျှလိုက်တယ်၊ ရှိတာတွေ အကုန်ပေးကမ်းပြီး နိုင်ငံရေးနဲ့ တောခိုသွားခဲ့တယ်။


Titov တို့ရဲ့ အများအကျိုးကိုဆောင်ရွက်တတ်တဲ့ စိတ်တွေက ဘိုးစဉ်ဘောင်ဆက်ကပဲ..။


Titov ရဲ့ ဦးလေးတစ်ယောက်က ဦးသန့်အရေးအခင်းမှာပါတယ်၊ ၈၈အရေးအခင်းမှာလည်းပါတယ်၊ ၅နှစ်ခွဲလောက်လည်း ထောင်ကျခဲ့ဖူးတယ်။


တစ်ဆွေလုံး တမျိုးလုံး နိုင်ငံရေးလုပ်လို့ မွဲခဲ့ရတယ်..

နိုင်ငံရေးလုပ်လို့ မျက်နှာငယ်ခဲ့ရတယ်..

နိုင်ငံရေးလုပ်လို့ ဒုက္ခ ရောက်ခဲ့ရတယ်..

နိုင်ငံရေးလုပ်လို့ အဖမ်းခံရတယ်..


ဒီအတွေးတွေကြောင့် အမျိုးတွေအဆွေတွေက Titov တို့မောင်နှမတွေကို နိုင်ငံရေး မလုပ်စေချင်တော့ဘူး။ 


စာပဲကြိုးစားခိုင်းတယ်။ နိုင်ငံရေးဆိုတာ မလုပ်သင့်ဘူးလို့ယူဆထားတဲ့မိသားစုတစ်ခုဖြစ်ပါတယ်။


🩺


ဂျပန်သွား…

အင်္ဂလန်သွား…

စာပြီးရင် စာ..။


Titov က ၂၀၁၄ မှာဆေးတက္ကသိုလ်-၂ရဲ့ ပါမောက္ခချုပ်..။ ၂၀၁၅ မှာဆေးတက္ကသိုလ်- ၁ရဲ့

ပါမောက္ခချုပ်…။


🩺


နာဂစ်တုန်းကဆို Titov ဟာ ဒလဘက်က ငွေကြေးမတတ်နိုင်တဲ့ ကလေးတစ်ယောက်နဲ့ တွေ့ဆုံခဲ့ရတယ်။  ကလေးက မွေးရာပါ အာရုံကြောရောဂါကြောင့် လက်တွေခြေတွေ အကွေးအဆန့် လုပ်မရဘူး။ လမ်းမလျှောက်နိုင်ဘူး။


လမ်းစားရိတ်က အစ ကူညီပြီတစ်ဆင့်ပြီးတစ်ဆင့် ခွဲစိတ်မှုတွေ လုပ်ပေးခဲ့တယ်။ ကလေးလေးဟာ လမ်းလျောက်နိုင်ခဲ့ပါတယ်..။ 


မြန်မာပြည်မှာ တန်ဖိုးဖြတ်မရတဲ့ တကယ့်  စေတနာ့ ဆရာဝန်ပါ..။


Titov ဟာ အရိုးအကြောဆိုင်ရာ ခွဲစိတ်အထူးကုဆရာဝန်တစ်ဦး အနေနဲ့ သာ မြန်မာပြည်မှာ ရပ်တည်ချင်ခဲ့တာပါ။


🩺 


ကမ္ဘာ့ အထီးကျန် အာဏာရှင် တွေကိုယ်တိုင် ရှေးက အာဏာရှင်တွေရဲ့ ဦးဏှောက်ဖောက်ထွင်းတာကို ခံထားရတယ်။


သူတို့က ‘ကျွန်’ ဆက်မွေးတယ်။ အဲ့ဒီကျွန်တွေရဲ့ ဦးဏှောက်တွေထဲအဆိပ်တွေ ထိုးသွင်းတယ်။


ပြည်သူတွေကို အစစ်အမှန်မဟုတ်တဲ့အရာတွေကို ယုံကြည်လာအောင် လှည့်စားတယ်။  


ယုံကြည်သူတွေဟာ သတ္တုလှောင်အိမ်ထဲတွင် ပိတ်မိနေကြပြီး ထင်ယောင်ထင်မှား စိတ်ကူးယဉ်နေကြတယ်။


လူသတ်မှ တိုင်းပြည်ငြိမ်းချမ်းမယ်…

လူသတ်မှ တိုင်းပြည်ကောင်းစားမယ်…

လူသတ်မှ တိုင်းပြည်အင်အားကြီးမယ်…

လူသတ်တာ ‘အမျိုး၊ ဘာသာ၊ သာသနာအတွက်..’


🩺


ကမ္ဘာကြီးက ပြောင်းလဲနေတယ်။ 


Titov ခင်မင်ခဲ့ဖူးတဲ့ အာဏာရှင်ကြီးက ပြည်သူတွေကို နေ့တိုင်း သတ်နေတယ်။


သူလေးစားတဲ့ အမျိုးသမီးကြီးကတော့ ထောင်ထဲရောက်နေတယ်။


Titov က ပြည်သူတွေ အတွက်တော့ အမျိုးသားညီညွတ်ရေးအစိုးရ ပညာရေးဝန်ကြီးဌာနနဲ့ ကျန်းမာရေးဝန်ကြီးဌာနတို့ရဲ့ ပြည်ထောင်စုဝန်ကြီးဒေါက်တာဇော်ဝေစိုးဖြစ်နေပြီ..။ 


အာဏာရှင်တွေ အတွက်ကတော့ Titov ဟာ ‘ ဝရမ်းပြေး— သူပုန်— နိုင်ငံမဲ့’..။


🩺


ဘဝမှာ… Titov မမေ့နိုင်တာတွေ အများကြီးပါ— 


Titov သင်္ချာတွက်နေတယ်။

ကမ္ဘာကြီးက ဒီအတိုင်းမနေပါ။ ပြောင်းလဲနေဦးမှာ..


🩺 ♥️ 🩺


မရွှေမိုး- ကိုရီးယား

March 8th,2022.



ဆက်ဖတ်ရန် →

ရိုးမလမ်းပိုင်းကို ပြည်သူများ အသုံးမပြုရန် နှင့် မိုင်းခွဲတိုက်ခိုက်မှုများရှိမည်ဟု သတိပေးချက်ထုတ်ပြန်

📅 💬 မှတ်ချက်

​ပဲခူးရိုးမတွင်  တိုက်ပွဲဖြစ်ပွားနေ၍ ရိုးမလမ်းပိုင်းကို ပြည်သူများ အသုံးမပြုရန် နှင့် မိုင်းခွဲတိုက်ခိုက်မှုများရှိမည်ဟု သတိပေးချက်ထုတ်ပြန်


ရန်ကုန်၊ မတ် ၇ ခေတ်သစ်မီဒီယာ


ပဲခူးတိုင်း တောင်ငူခရိုင် ပဲခူးရိုးမ ရကိုင်းချောင်းရိုး တလျောက် စစ်ကြောင်းထိုးလာသည့် အကြမ်းဖက် စစ်ကောင်စီ တပ်ဖွဲ့များနှင့် တောင်ငူ PDF တပ်ဖွဲ့တို့ မတ်လ ၄ရက်နေ့မှစတင်၍ တိုက်ပွဲဖြစ်ပွားခဲ့ပြီး  ပဲခူးရိုးမ လမ်းပိုင်းကို  ပြည်သူများ အသုံးမပြုရန် တောင်ငူ PDF တပ်ဖွဲ့က ထုတ်ပြန်ချက် တစ်စောင် ထုတ်ပြန်ထားသည်။


မတ်လ ၄ရက်နေ့တွင် ဖြစ်ပွားခဲ့သော တိုက်ပွဲတွင် အကြမ်းဖက် စစ်ကောင်စီ စစ်ကြောင်းကို တောင်ငူ PDF တပ်ရင်းမှ လက်ဦးမှုရယူ တိုက်ခိုက်ခဲ့ခြင်းကြောင်း စစ်တပ်က သေဆုံးထိခိုက်မှု များပြားခဲ့ခြင်းဖြစ်ကာ ထိခိုက်သေဆုံးမှု အရေအတွက်ကို အတည်မပြုနိုင်သေးကြောင်း တောင်ငူ PDF တပ်ဖွဲ့က ထုတ်ပြန်ထားသည်။ 


ထို အကြမ်းဖက် စစ်ကောင်စီ တပ်ဖွဲ့များသည် အင်းအား အလုံးအရင်းဖြင့် တောင်ခြေရွာများတွင် တပ်စွဲကာ ရိုးမပေါ်သို့ အရပ်ဝတ်များ၊ ဆိုင်ကယ်များ၊ ဖောကားများ အသုံးပြုပြီး PDF တပ်ဖွဲ့ဝင်များ၏ သတင်းများကို လိုက်လံစုံစမ်းနေခြင်းကြောင့် ရိုးမပေါ် ပြည်သူများအနေဖြင့် ဖြတ်သန်းသွားလာခြင်း မပြုလုပ်ရန် တောင်ငူ PDF တပ်ဖွဲ့က ထုတ်ပြန်ထားသည်။


ယင်း ရိုးမပေါ်သို့ လှုပ်ရှားသွားလာနေသည့် ဖောကား/ဆိုင်ကယ်များ အားလုံးကို တောင်ငူ PDF အနေဖြင့် အကြမ်းဖက် စစ်ကောင်စီ တပ်ဖွဲ့ဝင်များဟု မှတ် ယူကာ တောင်ငူ PDF ဘုရင့်နောင်တပ်ရင်းက မိုင်းဆွဲ၊ ပစ်ခတ်တိုက်ခိုက်ခြင်းများ စတင်ပြုလုပ်မည်ဖြစ်ကြောင်း သတိပေးချက်ထုတ်ပြန်ထားသည်။


ဆက်ဖတ်ရန် →
← ပို့စ်အသစ်များ ပို့စ်အဟောင်းများ →