လေးကေ့ကော်နဲ့ ကော့ကရိတ် တောင်ပိုင်းတခွင်က စခ တွေ ၃ရက်အတွင်း ဆုတ်ရန်
မအလ အလိုကျ ပူးပေါင်း လိမ်လည်တဲ့ ဖြိုးဇော်ငြိမ်း
အဲဒါ အနိုင်ရခြင်းလား…
***
မနေ့ကတော့ မန္တလေးတိုင်း ဝန်ကြီးချုပ် ဒေါက်တာ ဇော်မြင့်မောင်နဲ့ ပတ်သက်ပြီးတော့ တရားရုံးက စွဲချက်တင်ဖို့ အမိန့် ချတယ်။
သဘောက အဂတိ လိုက်စားပါတယ် ဆိုပြီးတော့ ဆရာ့အပေါ် စွပ်စွဲထားတဲ့ အမှု ငါးမှုစလုံးကို စွဲချက်တင်တယ်ပေါ့။
***
ဒီနေရာမှာ လူတွေဟာ လူနဲ့မတူအောင်ကို ယုတ်မာလာပြီ ဆိုရင် ဘယ်လိုတွေတောင် ယုတ်မာကြတယ်ဆိုတာကို ပြောပြချင်တယ်။
***
ဆရာဇော်မြင့်မောင်ကို အဂတိ လိုက်စားပါတယ် ဆိုပြီး အမှုတွေဆင်၊ စွပ်စွဲမယ့်သာ စွပ်စွဲတာ၊ တကယ်တမ်း ဆရာ့ ဘဏ်အကောင့်ကို စစ်ကြည့်တော့ ဘဏ်ထဲမှာ လစာငွေကလွဲပြီး တခြား ဘာငွေမှ ရှိမနေဘူး။ မရှိဆို ဘယ်ကမှ ဘာကိုမှ မဟုတ်တာ လုပ်ပြီး ရယူခဲ့တာမှ မရှိတာကိုး။
ဒါပေမယ့် ဘယ်လိုတွေ ကောက်ကျစ်ကြသလဲ ဆိုတော့ မန္တလေးတိုင်း အစိုးရ ရုံးအဖွဲ့မှူး ဖြိုးဇော်ငြိမ်း ဆိုတဲ့ ပုဂ္ဂိလ်ရဲ့ အမျိုးသမီး မွှေးမွှေးဘဏ်အကောင့်ထဲမှာ ကျတော့ ငွေတွေက သိန်းကို သောင်းနဲ့ ချီပြီးတော့ ရှိနေတယ်။
ဖြိုးဇော်ငြိမ်း ဆိုတာက ဟိုအရင် သိန်းစိန်လက်ထက်ကတည်းက အဲဒီ ရာထူး၊ NLD လက်ထက် ရောက်တော့လည်း အဲဒီရာထူးပေါ့လေ။
ဖြိုးဇော်ငြိမ်းရဲ့ မိန်းမ မွှေးမွှေးဆိုတာက ငွေလဲတဲ့ လုပ်ငန်း လုပ်တယ်။
***
အခု ဒီလိုတွေ ဆရာဇော့်အပေါ် မအလတွေက စွပ်ဟယ်စွဲဟယ် အမှုဆင်ဟယ်တွေ ဖြစ်လာတဲ့အခါ ဟိုကောင်တွေက ဖြိုးဇော်ငြိမ်းကိုပါ စသုံးလုံးလို နေရာမှာ အကျယ်ချုပ်လို ထိန်းသိမ်းထား၊ သူ့ဘဏ်အကောင့်ကိုလည်း စစ်လားဆေးလားတွေ ရှိတယ်။
အဲဒီလိုကနေ ဖြိုးဇော်ငြိမ်းက သူ့မိန်းမ မွှေးမွှေးအကောင့်ထဲက ငွေတွေက ဆရာဇော်ရဲ့ အဂတိငွေတွေ လိုလို တရားရုံံးမှာ ထွက်ဆိုတော့တာပဲ။
***
ဆရာဇော် ကင်ဆာရောဂါနဲ့ ဆေးကုသခံနေရစဉ် အခါမှာလည်း ဖြိုးဇော်ငြိမ်းကပဲ လုပ်ငန်းရှင်တွေဆီ ဆက်သွယ်ပြီး ဆရာဇော် ဆေးကုဖို့ ငွေ ဘယ်လောက် ထည့်ပေးပါ ဘာညာတွေ လျှောက်ပြော၊ လှူတယ်ဆိုသူကလည်း လှူ၊ ဆရာဇော်က အဲဒါတွေကို သိတောင် မသိ ဒီလိုတွေ ဖြစ်လာတယ်။
တကယ်တမ်းမှာတော့ ဖြိုးဇော်ငြိမ်း မိန်းမရဲ့ ဘဏ်အကောင့်ထဲက ငွေတွေသည် ဆရာဇော်နဲ့ လုံးဝကို ပတ်သက်မှု မရှိတဲ့ ငွေတွေပဲ။
***
အဲဒါကိုပဲ ဘယ်လိုတွေ ဖြစ်နေနေ၊ ဆရာဇော်မြင့်မောင်ကို မရရအောင် ထောင်ချချင်တော့ အခုလို စွဲချက်တင်ဖို့ပါ အမိန့်ချတဲ့ အထိ ဖြစ်လာတယ်။
တရားရုံးဆိုတာက သက်သေတွေကို စစ်ဆေးပြီးရင် မှန်၏ မှား၏ မျှမျှတတ ဆုံးဖြတ်ပေးရမှာ သူ့တာဝန် ဆိုပေမယ့် အခု တရားရုံးတွေ တာဝန်ကတော့ ဘာတွေ ဘယ်လိုကြီး ဖြစ်နေနေ မအလ အလိုကျ ဒီလူ့ကို ဒီအမှုနဲ့ ထောင်ဒဏ် ဘယ်လောက်ချရမယ် ဆိုရင် ရအောင်ကို ထောင်ချမယ် ဆိုတာပဲ ဖြစ်သွားပြီ။
ဒီလိုလူမျိုးကို ဒီလို ပုဒ်မတွေနဲ့ ထောင်ချနိုင်တာကမှ နိုင်တာလို့ ဟို မအလတွေ အသိဉာဏ်ထဲ ရှိတာကိုး။
***
အဲဒါကိုမှ ဒီစကား၊ ဒီအပြောတွေတော့ မမှန်တာမှန်း သိလျက်ရဲ့ မအလ အလိုကျ ပူးပေါင်း လိမ်လည်တဲ့ ဖြိုးဇော်ငြိမ်း လို လူမျိုးတွေကလည်း လောကရဲ့ အမှိုက်ပေါ့။
***
လူတယောက်ကို ဒီလို ယုတ်မာလိုက်ရတာက အနိုင် လို့ ထင်မှတ်နေပုံ ရနေကြတာ သနားစရာတော့ သိပ်ကောင်းတယ်။
အဲဒီလိုပဲ မမှန်တာမှန်း သိသိကြီးနဲ့ ဒီလို ဝိုင်းလိမ်ပြီး လူတယောက် ဒုက္ခရောက်အောင် လုပ်ကြပြီးမှ ကိုယ့်အတွက် နေသာဖို့ လမ်းကို ရွေးကြသူတွေဟာလည်း အင်မတန် ရွံစရာကောင်းတယ်။
တကယ်တော့ အဲဒီလူတွေ အားလုံးဟာ သူရဲဘောကြောင်တဲ့ အရှုံးသမားတွေ။
***
ကလိုစေးထူး
(အချက်အလက် ခိုင်လုံမှန်ကန်မှုကို ၁၀၀% တာဝန်ခံပါတယ်)
“ယူကရိန်း အတွက် လေယာဥ်တွေပို့မယ် ဆိုတဲ့ ပိုလန် ကမ်းလှမ်းချက်အကောင်အထည် ဖော်ဖို့ခက်
“ယူကရိန်း အတွက် လေယာဥ်တွေ ဂျာမနီအခြေစိုက် လေတပ်စခန်းကနေ တဆင့် ပို့မယ် ဆိုတဲ့ ပိုလန် ကမ်းလှမ်းချက် လက်တွေ့ အကောင်အထည် ဖော်ဖို့ခက်၊ ဘယ်လိုနည်းနဲ့ ယူကရိန်းလက်ထဲ ထည့်နိုင်မလဲ ဆက်ဆွေးနွေးကြမယ်” ဂျွန်ကာဘီ- ပင်တာဂွန်ပြောခွင့်ရ
အမေရိကန် ကာကွယ်ရေးဌာနရဲ့ ပြောရေးဆိုခွင့်ရှိသူ ဂျွန်ကာဘီက ပိုလန်က သူတို့ လေယာဥ်တွေကို ယူကရိန်းထံ တိုက်ရိုက် မဟုတ်ပဲ အမေရိကန်ဆီ လွှဲပေးမယ် ဆိုတဲ့ ကမ်းလှမ်းချက်ဟာ လက်တွေ့ လုပ်ဆောင်ဖို့ရာ ခက်လှတယ်လို့ ဆိုပါတယ်။
“ကျွန်တော်တို့ ပြောထားသလိုပါပဲ။ ပိုလန်ပိုင် လေယာဥ်တွေကို ယူကရိန်းကို ပေးဖို့ မပေးဖို့ဆိုတာ ပိုလန်အစိုးရရဲ့ ဆုံးဖြတ်ချက် အပေါ်မှာပဲ လုံးလုံးလျားလျား မူတည်ပါတယ်။ ပိုလန်ရဲ့ ကမ်းလှမ်းချက်ထဲမှာ ရှုပ်ထွေးမှုတွေ ရှိနေပါတယ်။
ဂျာမနီအခြေစိုက် အမေရိကန်/နေတိုး လေတပ်စခန်းကနေ တိုက်လေယာဥ်တွေ ပျံတက်ပြီး ရုရှားက ယူကရိန်းကို တိုက်ခိုက်နေတာတွေကို အံတုဖို့ ပေးတယ် ဆိုတဲ့ ကမ်းလှမ်းမှုဟာ နေတိုး မဟာမိတ် တစ်ဖွဲ့လုံး အတွက် စိုးရိမ်မှုတွေ အလေးအနက် ပေါ်ပေါက်လာစေပါတယ်။
ပိုလန် အပါအဝင် တခြား နေတိုးအဖွဲ့ဝင် မဟာမိတ်တွေနဲ့ကြား ကျွန်တော်တို့ ဆက်ပြီး ဆွေးနွေး ညှိနှိုင်းသွားပါ့မယ်။ လေယာဥ်တွေကို ယူကရိန်းလက်ထဲ ဘယ်လို ထည့်ပေးနိုင်မလဲ ဆိုတဲ့ သယ်ယူ ပို့ဆောင်ရေးဟာ စိန်ခေါ်မှု အခက်အခဲတွေ ရှိနေပါတယ်။
လက်ရှိ ပိုလန်ရဲ့ ကမ်းလှမ်းချက် အကောင်အထည် ဖော်ဖို့ မဖြစ်နိုင်ဘူးလို့ ကျွန်တော်တို့ ယူဆထားပါတယ်” ဆိုပြီး ဂျွန်ကာဘီက ထုတ်ပြန်ပါတယ်။
#ဘီဘီစီမြန်မာပိုင်း #ယူကရိန်းစစ်
ဆော်ဒီအာရေဗျနဲ့ အာရပ်စော်ဘွားများပြည်ထောင်စု (UAE) နိုင်ငံတွေက ခေါင်းဆောင်ပိုင်းတွေက အမေရိကန်သမ္မတ ဘိုင်ဒန်ရဲ့ ဖုန်းခေါ်ဆိုမှုတွေကို လက်ခံဖြေကြားဖို့ ငြင်းဆန်
ယူကရိန်းစစ်ပွဲ ပြင်းထန်လာတဲ့နောက်ပိုင်း ဆော်ဒီအာရေဗျနဲ့ အာရပ်စော်ဘွားများပြည်ထောင်စု (UAE) နိုင်ငံတွေက ခေါင်းဆောင်ပိုင်းတွေက အမေရိကန်သမ္မတ ဘိုင်ဒန်ရဲ့ ဖုန်းခေါ်ဆိုမှုတွေကို လက်ခံဖြေကြားဖို့ ငြင်းဆန်ခဲ့ကြတယ်လို့ သိရပါတယ်။
ပင်လယ်ကွေ့နိုင်ငံတွေဟာ ရေနံထုတ်လုပ်တင်ပို့မှုကြီးမားတဲ့ နိုင်ငံတွေထဲမှာ ပါဝင်ပြီး လက်ရှိအချိန်မှာ ရုရှားက ရေနံဝယ်ယူရောင်းချမှုတွေကို ရပ်ဆိုင်းပြီး ရေနံဈေးနှုန်း မြင့်မားလာခဲ့ပါတယ်။
ဘိုင်ဒန်ရဲ့ သမ္မတသက်တမ်းအတွင်း ယီမင်နိုင်ငံက စစ်ပွဲမှာ ကူညီထောက်ပံ့မှုမရှိတာနဲ့ အီရန်နိုင်ငံနဲ့ နျူကိစ္စဆွေးနွေးမှုတွေ ဆက်လုပ်ဖို့ ကြိုးစားတာတွေကြောင့် ပင်လယ်ကွေ့နိုင်ငံတွေနဲ့ ဆက်ဆံရေး အထစ်အငေါ့ဖြစ်ရတာ ဖြစ်နိုင်ကြောင်း အမေရိကန် အစိုးရအရာရှိတွေက သုံးသပ်ကြပါတယ်။
ရုရှားရဲ့ ယူကရိန်းနိုင်ငံကို ကျူးကျော်မှုအပေါ် အမေရိကန်အပါအဝင် နိုင်ငံတကာက ဆန့်ကျင်ကန့်ကွက်ကြောင်း ဖော်ပြခဲ့ပေမယ့် ကြားနေလိုတဲ့နိုင်ငံတွေလည်း ရှိနေတာ ဖြစ်ပါတယ်။ ဆော်ဒီအာရေဗျနဲ့ ယူအေအီးနိုင်ငံတွေက သူတို့အနေနဲ့ ရုရှားက ဦးဆောင်နေတဲ့ ရေနံတင်ပို့ရောင်းချသည့် နိုင်ငံများအဖွဲ့က သတ်မှတ်သဘောတူထားတဲ့ ပမာဏထက် ပိုမိုထုတ်လုပ်ရောင်းချဖို့ မရှိဘူးလို့ ငြင်းဆန်ထားကြပါတယ်။
ကောင်းမြတ်လင်း
နိုင်ငံတကာအစိုးရများထံမှ အကူအညီရရေး ကြိုးပမ်းနေဟု NUG ဝန်ကြီးပြော
စီမံကိန်း၊ ဘဏ္ဍာရေးနှင့်ရင်းနှီးမြှုပ်နှံမှု ဝန်ကြီး
ဌာန ပြည်ထောင်စုဝန်ကြီး ဦးတင်ထွန်းနိုင်
DVB | 7 March, 2022
အမျိုးသားညီညွတ်ရေးအစိုးရ (NUG) အနေနဲ့ တော်လှန်ရေးအတွက် မဟာဗျူဟာကျကျ ဆောင်ရွက်နေတယ်လို့ စီမံကိန်း၊ ဘဏ္ဍာရေးနှင့်ရင်းနှီးမြှုပ်နှံမှု ဝန်ကြီးဌာန ပြည်ထောင်စုဝန်ကြီး ဦးတင်ထွန်းနိုင်က ပြောပါတယ်။
“ဒီတော်လှန်ရေးမှာ လူသားချင်းစာနာမှုဆိုင်ရာ ခေါင်းစဉ်အောက်ကနေ နိုင်ငံတကာ မိတ်ဖက် အဖွဲ့အစည်းတွေ၊ နိုင်ငံတကာအစိုးရတွေကနေ အခုထိ တကျပ်တပြားမှ အကူအညီ မရသေးပါဘူး။ ဒါပေမဲ့ အကြမ်းဖက်စစ်ကောင်စီရဲ့ အဆုံးစွန်တဲ့ ရက်စက်ရမ်းကားမှုတွေကြောင့် ရွာလုံးကျွတ်မီးရှို့ခံရတာတွေ၊ အစုလိုက်အပြုံလိုက်သတ်ဖြတ်ခံရတာတွေ၊ နယ်မြေဒေသတခုလုံး စစ်ဘေးရှောင်ရတာတွေ၊ စစ်ပြေးဒုက္ခခံစားရတာတွေကတော့ နေ့စဉ်နဲ့အမျှ ဖြစ်ပွားလျက်ရှိပါတယ်။ ကရင်နီမှာ၊ လေးကေ့ကော်မှာ၊ စစ်ကိုင်းမှာ၊ မကွေးမှာ၊ ချင်းမှာ ရွာလုံးကျွတ်ပြာကျပြီး ပြည်သူလူထုခမျာ အတိဒုက္ခ ရောက်နေကြရပါတယ်။ ဒါတွေနဲ့ စပ်လျဉ်းပြီး NUG အစိုးရအနေနဲ့ ရသမျှ ဘတ်ဂျက်ထဲကနေ နိုင်သလောက်၊ စွမ်းသလောက် အားဖြည့်ကူညီပံ့ပိုးကုစားနေကြရပါတယ်။ နိုင်ငံတကာ မိတ်ဖက်အဖွဲ့အစည်းတွေ၊ အစိုးရတွေဆီကနေလည်း အကူအညီ အထောက်အပံ့ရရှိရေး စဉ်ဆက်မပြတ် ညှိနှိုင်းကြိုးပမ်းဆောင်ရွက်လျက်ရှိပါတယ်။”
ဒါ့အပြင် NUG အစိုးရအနေနဲ့ ဒီတော်လှန်ရေးမှာ လက်နက်ကိုင်လှုပ်ရှားမှုတွေအပြင် လူ သားချင်းစာနာမှုဆိုင်ရာကိစ္စရပ်တွေ၊ ကျန်းမာရေးဆိုင်ရာကိစ္စရပ်တွေ၊ အမျိုးသမီးကလေး သူငယ်ဆိုင်ရာကိစ္စရပ်တွေ၊ ကိုယ်ဝန်ဆောင်မိခင်ဆိုင်ရာကိစ္စရပ်တွေကို မေ့လျော့မထားဘဲ အားလုံးလွှမ်းခြုံပြီး ဆောင်ရွက်နေတယ်ဆိုတဲ့ မူဝါဒလုပ်ငန်းစဉ်၊ အကောင်အထည်ဖော်မှုတွေကို လက်တွေ့ကျကျ ပြသဖို့လိုအပ်ပြီး ဒါမှသာ နိုင်ငံတကာ အဖွဲ့အစည်းတွေ၊ အစိုးရတွေက အဆိုပါလုပ်ငန်းစဉ်များအတွက် အကူအညီအထောက်အပံ့တွေ ပေးမှာဖြစ်ကြောင်းလည်း ဝန်ကြီးက ပြောပါတယ်။
“နိုင်ငံတကာက လူသားချင်းစာနာမှုဆိုင်ရာ အကူအညီအထောက်အပံ့ ပေးအပ်တဲ့အခါ ဒေါ်လာ သန်း ၅၀ လား၊ သန်း ၁၀၀ ဆိုတာ သူတို့သဒ္ဓါပေါက်ရင် အခုပေး အခုရတာမျိုးပါ။ ဒီအခြေအနေကို မသိမမြင် နားမလည်တဲ့သူတချို့က “NUG က မယောင်ရာဆီလူး လွတ်မြောက်နယ်မြေမှာ ဆေးခန်းဖွင့်နေတယ်”၊ “NUG က လက်နက်ရရှိရေးကို ဘေးချိတ်ပြီး ပညာရေး၊ ကျန်းမာရေးတွေကို ဦးစားပေးနေတယ်”၊ “အဓိက နဲ့ သာမညတောင် မခွဲခြားနိုင်ဘဲ မဆီမဆိုင်ကိစ္စရပ်တွေ လျှောက်လုပ်နေတယ်” စသဖြင့် စသဖြင့် စွပ်စွဲပြစ်တင် ထင်ရာမြင်ရာတွေ ရေးကြချွတ်ကြနဲ့ ဖေ့ဘွတ်ခ်တခွင် ပြဲပြဲစင်အောင် ပြောနေကြတယ်။ လွတ် မြောက်နယ်မြေတွေမှာ၊ တိုက်ပွဲတွေဖြစ်ပွားနေတဲ့ နေရာတွေမှာ ဆေးရုံ၊ ဆေးခန်းဖွင့်တာဟာ မရှိမဖြစ်လိုအပ်ချက်ပဲ။ နိုင်ငံတကာ အကူအညီ မျှော်ကိုးသည်ဖြစ်စေ၊ မမျှော်ကိုးသည်ဖြစ်စေ လုပ်ကိုလုပ်ရမယ့်ကိစ္စပဲ။ တိုက်ပွဲမှာ ထိခိုက်ဒဏ်ရာရလာတဲ့ ပီဒီအက်ဖ်တွေကို "နွားကျောင်းသားကုထုံးနဲ့ နွားချေးပုံနဲ့သိပ်၊ ဖုန်နဲ့လူးကြမှာလား။”
ဒါ့အပြင် NUG အနေနဲ့ စစ်ချည်း လှိမ့်တိုက်နေတာမဟုတ်ဘဲ လက်နက်ကိုင်စစ်ပွဲကြောင့် ဖြစ်ပေါ်လာတဲ့ အကျိုးဆက်တွေကို ကုစားပြင်ဆင်ဖို့ စနစ်တကျ ပြင်ဆင်ဆောင် ရွက်နေပါတယ်ဆိုတဲ့ မက်ဆေ့ချ်ပေးနိုင်မှ နိုင်ငံတကာ အကူအညီအထောက်အပံ့တွေ ရနိုင်မယ်လို့လည်း ဝန်ကြီးက ပြောပါတယ်။
အဲ့သလို နိုင်ငံတကာက ကျန်းမာရေး၊ ပညာရေး၊ လူမှုကယ်ဆယ်ရေး၊ စစ်ဘေးရှောင် အကူ အညီတွေရရှိမှသာ NUG အနေနဲ့ ရှာဖွေရရှိသမျှ ဘဏ္ဍာရန်ပုံငွေကို စစ်ရေးအတွက်ပဲ သီးသန့် ထိထိရောက်ရောက် သုံးစွဲနိုင်မှာမို့ လူသားချင်းစာနာမှုဆိုင်ရာခေါင်းစဉ်အောက်ကနေ နိုင်ငံတကာက အကူအညီအထောက်အပံ့တွေ ရယူနိုင်ရေးဟာ အရေးကြီးတယ်လို့ ဆိုပါတယ်။
လက်ရှိမှာတော့ မြန်မာနိုင်ငံမှာ စစ်ကောင်စီက မတရားအာဏာသိမ်းယူထားခဲ့တဲ့ ကာလဟာ တနှစ်ကျော်ကြာမြင့်ခဲ့ပြီဖြစ်ကာ ဒီကာလတွေအတွင်း နိုင်ငံရေးမတည် ငြိမ်မှုတွေနဲ့အတူ စီးပွားရေး၊ ကျန်းမာရေး၊ ပညာရေး၊ လူမှုရေး အဘက်ဘက်က ကျဆင်းနေခဲ့တာ ဖြစ်ပါတယ်။
နိုင်ငံတဝန်းမှာလည်း စစ်ကောင်စီတပ်တွေနဲ့ တိုင်းရင်းသားလက်နက်ကိုင် တပ်တွေ၊ ဒေသခံပြည်သူ့ကာကွယ်ရေးတပ်တွေကြား တိုက်ပွဲတွေလည်း ပြင်းထန်နေတာပါ။
ရုရှားရဲ့ စွမ်းအင်လောင်စာကဏ္ဍကို အမေရိကန်၊ ဗြိတိန်၊ အီးယူ ချိန်ကိုက် ပိတ်ဆို့မှုတွေ ချမှတ်
ယူကရိန်းကို ကျူးကျော် တိုက်ခိုက်နေတဲ့ ရုရှားကို လက်တုန့်ပြန်တဲ့ အနေနဲ့ အခုဆိုရင် ရုရှားရဲ့ စွမ်းအင်ကဏ္ဍ အပေါ်မှာပါ ပိတ်ဆို့ အရေးယူမယ့် အစီအစဥ်တွေကို အမေရိကန်၊ ဗြိတိန်နဲ့ ဥရောပ သမဂ္ဂအဖွဲ့ အီးယူတို့ ကြေညာလာပြီ ဖြစ်ပါတယ်။
ရုရှားရဲ့ လောင်စာဆီရော သဘာဝဓာတ်ငွေ့ကိုပါ သမ္မတဘိုင်ဒင် အစိုးရက အမေရိကန် နိုင်ငံထဲ တင်သွင်းခွင့် ပိတ်လိုက်ပါတယ်။ ဝါရှင်တန်ဘက်က အခုလို အရေးယူ ဆောင်ရွက်တာဟာ ပူတင်ဦးဆောင်တဲ့ မော်စကို အစိုးရကို ပြင်းပြင်းထန်ထန် အထိနာစေလိမ့်မယ် သမ္မတ ဘိုင်ဒင်က ပြောပါတယ်။
“ရုရှားဘက်က အရင်းအနှီးတွေ ကြီးကြီးမားမား ပေးဆပ်ပြီး သူတို့ ကျူးကျော် နေတဲ့ လုပ်ရပ်ကို အရှေ့ဆက်ကောင်း ဆက်ပါလိမ့်မယ်။ ဒါပေမယ့် ယူကရိန်းဟာ ဘယ်တော့မှ ပူတင်ရဲ့ အောင်ပွဲ ဖြစ်လာမှာ မဟုတ်ပါဘူး။
ပူတင်ဟာ ယူကရိန်း နိုင်ငံကို ဘယ်တော့မှ မထိန်းချုပ် နိုင်စေရဘူး။ ကမ္ဘာကြီးရဲ့ ငြိမ်းချမ်းရေးနဲ့ တည်ငြိမ်ရေး အပေါ် ပူတင် ကျူးလွန် စော်ကားနေတာတွေကို အမေရိကန် ပြည်သူတွေက ချက်ခြင်းလက်ငင်း မတုန့်ပြန်ဘူး ဆိုရင်၊ နောင်မှာ ပိုပြီး အဆုံးအရှုံး ကြီးလိမ့်မယ်။
ဒီတော့ ကျွန်တော်တို့ဟာ ရဲဝံ့လှတဲ့ ယူကရိန်း ပြည်သူတွေ သူတို့ တိုင်းပြည်အတွက် သူတို့ တိုက်ပွဲဝင်နေတာကို ဆက်လက်ပြီး ထောက်ခံ အားပေးသွားမှာ ဖြစ်တယ်” ဆိုပြီး သမ္မတ ဘိုင်ဒင်က ပြောပါတယ်။
ရုရှားရဲ့ လောင်စာဆီနဲ့ ဓာတ်ငွေ့တွေ ကို အမေရိကန်က မဝယ်ဘူး၊ မတင်သွင်းဘူး ဆိုတာဟာ ရုရှားအစိုးရ အပေါ်မှာ ဘယ်လောက် အတိုင်းအတာထိ ထိခိုက် စေနိုင်မှာလဲ ဆိုတာကတော့ မေးခွန်းထုတ်စရာ ဖြစ်ပါတယ်။
တကယ်တော့ အမေရိကန်ထဲ သွင်းနေတဲ့ ရုရှားရဲ့ လောင်စာဆီတွေဟာ မပြောပလောက်တဲ့ ပမာဏမျှလောက်သာ ဖြစ်တယ်လို့ တရားဝင် ကိန်းဂဏန်းတွေက ညွှန်ပြနေပါတယ်။
ဗြိတိန်အစိုးရကလည်း ရုရှားရဲ့ လောင်စာဆီ တင်သွင်းမှုကို အခုနှစ်ကုန် အမှီ တဖြည်းဖြည်း လျှော့ချမယ်ဆိုပြီး ပြောပါတယ်။ ဓာတ်ငွေ့ လိုအပ်ချက် ၄၀% ဝန်းကျင်အထိ ရုရှားအပေါ် မှီခိုနေရတဲ့ အီးယူကလည်း သူတို့ ဝယ်ယူ တင်သွင်းနေတဲ့ ပမာဏကို ၃ ပုံ ၂ ပုံ အထိ အခုနှစ်ကုန် အမှီ လျှော့ချမယ်လို့ ဆိုပါတယ်။
ရုရှားရဲ့ စွမ်းအင်ကဏ္ဍအပေါ် မှာပါ အမေရိကန် သမ္မတက အလုံးစုံ ပိတ်ပင်လိုက်မှု အတွက် ကျေးဇူးတင်ရကြောင်း ယူကရိန်း သမ္မတ ဗိုလိုဒီမီယာ ဇယ်လန်စကီးက ပြောပါတယ်။
ပူတင် ပြုမူနေတဲ့ ကျူးကျော်စစ်ရဲ့ ဗဟိုချက်မ ယန္တရားကို တိုက်ရိုက် တိုက်ခိုက် တဲ့လုပ်ရပ်ဆိုပြီး သမ္မတ ဇယ်လန်စကီးက ပြောပါတယ်။
မနေ့ အင်္ဂါနေ့ အစောပိုင်းတုန်းကလည်း သမ္မတ ဇယ်လန်စကီးဟာ ဗြိတိန် ပါလီမန်ကို အွန်လိုင်း ဗီဒီယိုကနေ တဆင့် သမိုင်းဝင် စကားပြောဆို ခဲ့ပါတယ်။
သူ့ရဲ့ မိန့်ခွန်းထဲမှာ ဒုတိယ ကမ္ဘာစစ်ကြီး အတွင်း နာဇီဟစ်တလာကို အစွမ်းကုန် ခုခံပြီး အဆုံးတိုင် တိုက်ခိုက်ကြဖို့ ပြောဆိုခဲ့တဲ့ ဗြိတိသျှ ဝန်ကြီးချုပ် ချာချီရဲ့ စကားတွေကို သမ္မတ ဇယ်လန်စကီး ကိုးကား ပြောဆိုခဲ့ပါတယ်။
“ကျွန်တော်တို့ အလျှော့ပေးမှာ မဟုတ်ပါဘူး။ ကျွန်တော်တို့ ရှုံးနိမ့်မှာလည်း မဟုတ်ပါဘူး။ ကျွန်တော်တို့ အဆုံးတိုင် ချီတက်ကြမှာ ဖြစ်ပါတယ်။ ကျွန်တော်တို့ ပင်လယ်ပြင်တွေပေါ်မှာ တိုက်ခိုက်ကြမယ်။
ကျွန်တော်တို့ ဝေဟင်ထက်မှာလည်း တိုက်ခိုက် ကြမယ်။ ကျွန်တော်တို့ဟာ ဘယ်လောက် ပေးဆပ်ရပါစေ ... ကျွန်တော်တို့ မြေကို ခုခံကာကွယ်မှာ ဖြစ်တယ်။
သစ်တောတွေ၊ တောင်ကုန်းတွေ ... လယ်ကွင်းတွေ၊ ကမ်းခြေတွေ၊ မြို့တွေ ရွာတွေရဲ့ လမ်းတွေပေါ် နေရာအနှံ့ တိုက်ခိုက်သွားမှာ ဖြစ်တယ်” ဆိုပြီး ယူကိန်း သမ္မတ ဇယ်လန်စကီး ဗြိတိသျှ ပါလီမန်ကို ပြောဆိုသွားတာ ဖြစ်ပါတယ်။ #ဘီဘီစီမြန်မာပိုင်း #ယူကရိန်းစစ်
မြေအောက်ရထားတွင် အေးရှားပါးကို ဘရိတ်ဓားဖြင့် ဆွဲခွဲသူ၊
နယူးယောက် အိမ်ရာတိုက်ခန်းက တနှစ်ကျော် အေးရှားမုန်းတီးရန်စခဲ့သူ အော့ကြောလန်တဦး ဖမ်းဆီးခံရခြင်းနှင့် ဖီလာဒယ်လ်ဖီးယားက အေးရှာမိသားစု ဓားထိုးခံရမှု
**********************
မတ်လ ၈။ ပြီးခဲ့သည့် တနင်္ဂနွေနေ့ မတ်လ (၆) ရက်နေ့က အေးရှား မိခင်နှင့် သားနှစ်ဦး ဓားဖြင့် ထိုးနှက်တိုက်ခိုက်ခြင်းခံခဲ့ရသည်။
ဖီလာဒယ်လ်ဖီးယားတွင် မေဖဲယား ရပ်ကွက်အနီး ဖြစ်ခဲ့ခြင်းဖြစ်ပြီး မွန်းလွဲပိုင်း ၂ နာရီအချိန်ခန့်ကဟုသိရသည်။ သားဖြစ်သူ ၁၅ နှစ်အရွယ်မှာ ဦးခေါင်းနောက်ဘက်တွင် ဓားဒဏ်ရာနှစ်ချက် ထိုးနှက်ခံခဲ့ရပြီး ၁၀ နှစ်သား ညီဖြစ်သူမှာလည်း ခေါင်းနောက်ကျောတွင်တချက်၊ ဘယ်ဘယ်ခြေထောက်တွင် တချက် ထိုးနှက်ခံခဲ့ရသည်။
အမေဖြစ်သူ (၃၀) ကျော်ခန့်မှာမူ ကိုယ်ခနြွာတွင် အချက်ပေါင်းများစွာ ထိုးနှက်ခံခဲ့ရပြီး အရေးပေါ်ခန်းတွင် စိုးရိမ်ရသော အခြေနေတွင်ရှိနေဆဲဖြစ်သည်ဟုသိရသည်။ သားနှစ်ဦးအခြေအနေမှာ အသက်အန္တရာယ်မစိုးရိမ်ရဟုသိရှိရသည်။
အိမ်နီးနားချင်းများပြောကြားချက်အရ ဖြစ်ပွားသည့်နေရာမှာ အတိုက်ခိုက်ခံရသူ မိသားစု၏ အိမ်အရှေ့တွင်ဖြစ်ပြီး သားဖြစ်သူနှစ်ဦးမှာ မိခင်ဖြစ်သူကို ဓားထိုးမှုရန်က ကာကွယ်ရင်း အတိုက်ခိုက်ခံခဲ့ရခြင်းဖြစ်ကြောင်း၊ မိခင်ဖြစ်သူနှင့် အလုပ်အတူလုပ်နေသူဖြစ်ကာ အိမ်ထဲတွင် စတင်ဓားထိုးတိုက်ခိုက်ခဲ့သည်ဟုလည်းဆိုသည်။
တရားခံဟု ယူဆရသူမှာ အခင်းဖြစ်ပြီး နှစ်နာရီအကြာတွင် ရဲစခန်းသို့ လာရောက်အဖမ်းခံခဲ့သည်။ တရားခံဖြစ်သူအချက်အလက်များကိုမူ ထုတ်ပြန်ခြင်းမပြုသေးပေ။
အတိုက်ခိုက်ခံရသူအေးရှားမိသားစုများ၏ အမည်များကိုလည်း မသိရှိသေးပါ။
ဖီလာဒယ်လ်ဖီးယား မေဖဲယား ရပ်ကွက် ယင်းဒေသတဝိုက်သည် အေးရှား ၁၀ ရာခိုင်နှုးန်ခန့်နေထိုင်နေရာဖြစ်သည်။
****
ယင်းအပြင် အေးရှားမုန်းတီးတိုက်ခိုက်မှုတခုလည်း တနင်္ဂနွေနေ့ နံနက် ၈ နာရီခွဲခန့်က မြောက်ပိုင်းက မြေအောက် ဂျေ ရထားလိုင်း ပေါ်တွင် ထပ်မံဖြစ်ပွားခဲ့သည်။
အသက် (၄၁) နှစ်အရွယ် အေးရှားအမျိုးသားတဦးကို အသက် (၃၉) နှစ်အရွယ် ဘရန်ဒန် ဒေါလင်းဆိုသူတဦးက ဘရိတ်ဓားဖြင့် မျက်နှာကို ဟက်တက်ခွဲခဲ့ခြင်းဖြစ်သည်ဟုဆိုသည်။
အတိုက်ခိုက်ခံရသူက ရဲကိုအကြောင်းကြားမှုကနေ လိုက်လံဖမ်းဆီးရာက အနီးရှိ ဘူတာရုံတခုတွင် ဖမ်းဆီးမိခဲ့သည်ဟုသိရသည်။
ထွက်ပြေးနေစဉ် ပစ်ချ ဖျောက်ဖျက်ခဲ့သည့် ဘရိတ်ဓါးကိုလည်း ရရှိခဲ့သည်ဟုဖော်ပြထားသည်။
တရားခံဟု ယူဆရသူကို ဖမ်းဆီးရရှိထားပြီး အတိုက်ခိုက်ခံရသူမှာ ဆေးရုံသို့ ခေါ်ဆောင်ကုသနေခဲ့ကြောင်းသိရသည်။
----
ယင်းအပြင် နယူးယောက် The Smile အမည်ရှိ တန်ဖိုးကြီးအိမ်ရာ တိုက်ခန်းတခုတွင်လည်း အိမ်နီးချင်း အေးရှားကို ကိုယ်ထိလက်ရောက် ခြိမ်းခြောက်စော်ကား ကြိမ်းဝါးသည့် သူတဦးကိုလည်း သောကြာနေ့က ဖမ်းဆီးခဲ့မှုတခု ဖြစ်ခဲ့သည်။ တလ (၃၀ဝ၀) ခန့်ပေးရသော ယင်းတန်ဖိုးကြီး အိမ်ရာတိုက်ခန်းနေသူများ နာမည်ပေးထားသည်က ယင်းတရားခံနေထိုင်သော (၈) ထပ်ကို “အော့ကြောလန် အထပ်"Floor of terror” ဟု အမည်ပေးထားသည်ဟုဆိုသည်။
ယင်းသို့ အိမ်နီးချင်း အေးရှာ:များကို စော်ကားကြိမ်းဝါးနေသည်မှာ တနှစ်ခန့်ရှိပြီဖြစ်ပြီး ယခုတကြိမ်တွင်မူ တိုက်ခန်း မန်နေဂျာကနေ ဝင်ရောက်ဖျန်ဖြေရာက သူ့ကိုပါ လက်သီးဖြင့် ထိုးနှက်ခဲ့ရာကနေ ယခုလို ဖမ်းဆီးလိုက်နိုင်ခဲ့ခြင်းဖြစ်သည်။
ယခင်က စော်ကားမှုများကိုလည်း မန်နေဂျာများထံ တိုင်ကြားခဲ့သော်လည်း အရေးယူမှု လုပ်ဆောင်နိုင်ခြင်းမရှိခဲ့ပေ။
ယခုဖမ်းဆီးမှုကနေ တရားခံ၏ စော်ကားမှုများအပေါ် လာရောက် တိုင်ကြားသူအများလည်း ထွက်ပေါ်လာခဲ့သည်ဟုဆိုသည်။
ချိုင်းနားမင်း၊ China man, wuhan B**h, ဟူဟန် ဘိခ်ျ၊ I am glad to kill u, အိုင်အန် ဂလက် ကေးလ်းယူ၊ Suck my D**k ဆပ်မိုက်ဒက် စသဖြင့် ရုန်ရင်းကြမ်းတမ်းစွာ မကြာခဏ အေးရှားများအပေါ် ဆဲရေးတိုင်းထွာမှု ရန်စမှုများ ပြုလုပ်လေ့ရှိပြီး ပြစ်ဒဏ်သင့် မှတ်တမ်းများရှိသူတဦးဖြစ်ကြောင်းလည်းသိရသည်။
***
ယခုအခါ အေးရှားမုန်းတီးမှုခင်းများမှာ တနေ့တခြားတိုးပွားလာသဖြင့် မိမိတို့ အေးရှားသားများ အထူးသတိထားဆင်ခြင်သွားလာနိုင်ကြစေရန် အထူးစောင့်ကြည့်လျက် အမေရိကားအနှံ့က တိုက်ခိုက်မှုသတင်းများကို အချိန်ရရင်ရသလို ဘာသာပြန် တင်ပြပေးနေခြင်းဖြစ်ပါသည်။
မှတ်ချက်။ အထက်ပါ သတင်းများကို တပုဒ်စီတင်ပြပေးပါက ပို၍ အာရုံစိုက် အလေးထားကြမည် ဖြစ်မှန်းသိပါသော်လည်း ပရဟိတ မီဒီယာတခုအနေဖြင့် မည်သည့် Attention မှ မလိုအပ်သောကြောင့် (ကြော်ငြာတော့ဝင်ပါရစေ) စာဖတ်သူများအတွက် စေတနာထားလျက် ဖတ်သားမိစေရန် တပေါင်းတည်းတင်ပြပေးလိုက်ခြင်းသာဖြစ်ပါကြောင်း။
မောင်ဖေသောင်း
စာတည်းချုပ်
နေရာတကာဂျာနယ်-Nayyartakar Journal
ဒေါ်လာသန်းချီ လက်နက်များ
စစ်ပွဲတွေမှာ အရပ်သားတွေသေတာ ဗုံးကြဲခံရတာ
ဟာ အင်မတန်ဝမ်းနည်းဖို့ကောင်းပါတယ်။ ဒီနည်းကို ဆီးရီးယားမှာသုံးသလို မြန်မာပြည်နဲ့ ယခုယူကရိန်းမှာလဲ သုံးနေတာ အားလုံးတွေ့ရမှာပါ။ အီရတ်မှာ အမေရိကန်စသိမ်းစဉ်က အမေရိကန်ကာကွယ်ရေးဝန်ကြီးက Shock and Awe လို့တောင်သုံးခဲ့ပါတယ်။ အာဖဂန်မှာလဲ ထို့အတူ ဆိုဗီယက်နဲ့ အမေရိကန်က ဗုံးကြဲ၊ အမြောက်နဲ့ပစ်တိုက်ခဲ့တာပါဘဲ။ ရည်ရွယ်ချက်က ဗုံးကြဲရင် အဆောက်အအုံတွေပျက်မယ် လမ်းပန်းဆက်သွယ်ရေးတွေပျက်မယ်။ လူတွေစိတ်ဓာတ်ကျမယ်ပေါ့။ ဒါပေမယ့် ဒီစစ်ပွဲတွေရဲ့ ကုန်ကျစရိတ်က အင်မတန်ကြီးပါတယ်။ အင်မတန်ချမ်းသာတဲ့ အမေရိကန်တောင် ရေရှည်မတတ်နိုင်ပါ။ ဒါကြောင့်အာဖဂန်က ဆုတ်ရတာပါ။
ပြီးခဲ့တဲ့အပတ်က စစ်ကိုင်းကရွာအချို့ကို ဝင်စီးတာ အားလုံးမှတ်မိမှာပါ။ ဒါကသတင်းမရရင် ဝင်စီးလို့မရပါ။ ပထမဆုံးက သတင်းလုံခြုံမှုမရှိလို့ သူတို့ကရသွားပြီး ဝင်စီးတာပါ။ ပုံမှန်အားဖြင့် ဝင်စီးရင် ရဟတ်ယဉ် သုံးစီးကနေ လေးစီးအထိသုံးလေ့ရှိပါတယ်။ နှစ်စီးက ရဟတ်ယာဉ်ပေါ်က လူချမယ့်နေရာနားကို ဝိုင်းပစ်တာပေါ့။ ဒီလက်နက်ဖိုးက ဒေါ်လာတစ်သန်းလောက် အနည်းဆုံးကုန်ပါတယ်။ အမြောက်ကတော့ အဝေးပစ်အမြောက်ဆန်ဆို ပိုစျေးကြီးပါတယ်။ လေယာဉ်ပေါ်ကနေ ဗုံးကြဲရပြီဆိုရင် နောက်သန်းချီထပ်ကုန်ပါတယ်။ စစ်ကိုင်းမှာတော့ အများစုက လေယာဉ်မပါသေးပါ။ ဒီလို PDF စခန်းကို ဝင်ပစ်၊ ဝင်သိမ်းဖို့ကြိုးစားရင် စစ်ဆင်ရေးတစ်ခုက ဒေါ်လာ ငါးသန်းလောက်ကုန်ကျပါတယ်။ ရဟတ်ယာဉ်ကို ပြုပြင်ထိန်းသိမ်းရတဲ့ ကုန်ကျစားရိတ်ပါထပ်ကုန်ပါတယ်။ ရဟတ်ယာဉ်အများစုက ဟောင်းနေပါပြီ။ ကားစကားနဲ့ပြောရင် မိုင်သိန်းချီနေတဲ့ အဟောင်းတွေပါ။ အဲ့ဒီလို ဝင်စီးအပြီးမှာ မြဝတီက ကြေညာတာ သူလိမ်တာကို မျက်စိမှိတ်ပြီး ယုံပေးရင်တောင် PDF ထံက မိတယ်ဆိုတဲ့ လက်နက်က မြန်မာငွေ သိန်း ၁၀၀ လောက်တောင်မရှိပါ။ PDF က လူအင်အား တစ်ထောင်ရှိတယ်ဆိုရင် ဆယ်ယောက်တောင်မမိပါ။ ဒါက စစ်သဘောအရပါ။
ဘယ်သူမဆို အပေါ်က ရဟတ်ယာဉ်လာပြီဆိုရင် ဘယ်လောက်မြန်မြန် ရှောင်သွားမှာပါ။ ရဟတ်ယာဉ်ပေါ်က ဆင်းလာတဲ့ မအလတပ်ကလဲ နိုင်ငံခြားကားထဲကလို ကားတွေပါမလာပါ။ သူတို့က ထိုရွာထဲသာ ဝင်မွှေရဲတာပါ။ သူတို့ ရွာပြင်ထွက်ရှာလေ သတ်ကွင်းဖြစ်ပြီး ပစ်ခတ်ခံရဖို့များလေ အသေများလေဖြစ်မှာ သူတို့လဲသိပါတယ်။
ဒါကြောင့် ယခုစစ်ဆင်ရေးတွေက မအလတပ်က မြန်မာငွေ သိန်း ၁၀၀ တန် (ဒေါ်လာ ၆၀၀၀) PDF ထံက လက်နက်မိဖို့ကို ဒေါ်လာ ငါးသန်းလောက် အကုန်ခံတိုက်နေရတာပါ။ သူတို့ကိုထောက်ခံသူတွေ စိတ်
ဓာတ်တက်ကြွအောင် ဒီမိုတွေစိတ်ဆင်းရဲအောင် ယခုနောက်ပိုင်းက PDF ရှိရှိ မရှိရှိ ရွာတွေကို မီးရှို့တာ အမြောက်နဲ့ပစ်တာ လုပ်နေတာပါ။
ဒါကိုခံနိုင်ဖို့က စာရေးသူတို့ PDF တွေအနေနဲ့ သတင်းလုံခြုံရေးကို အဓိကထားဖို့လိုပါတယ်။ နောက်ပြီး မိမိလူတွေကို တပ်ဖြန့်ထားဖို့လဲလိုပါတယ်။ ညဘက်တွေမှာ လေကြောင်းက ပစ်မရအောင် လူစုမနေဖို့လိုပါတယ်။ တိုက်ပွဲက ရေရှည်တိုက်နိုင်လေ မိမိတို့နိုင်လေပါ။ နောက်ရွာတွေကိစ္စပါ။ ဒီကိစ္စကို စာရေးသူအနေနဲ့ စစ်မတိုက်ခင်ပြင်ထားရန်ဆိုပြီး “https://www.myattunoo.com/post/စစ-မတ-က-ခင-ပ-င-ထ-ရန” ဆောင်းပါးရေးဖူးပါတယ်။ အချို့က ဆရာရေးတာဖတ်ပြီး ကျွန်တော် ကျွန်မတို့ လယ်ကွင်းထဲမှာ ဘယ်ပစ္စည်းတွေမြုပ်ထားလို့ လွတ်သွားတယ်လာပြောသူရှိသလို အချို့ကလဲ ကျွန်မတို့ရွာက PDF ဝင်လေ့မရှိလို့ မပြင်ထားလိုက်တာ လာပြီးမီးရှို့သွားလို့ ပါသွားပြီဆရာဆိုပြီး လာပြောသူလဲရှိပါတယ်။ မအလတပ်ဟာ ဖက်ဆစ်တပ်မိုလို့ တွေ့ရာမီးရှို့လို့ လက်နက်ကြီးနဲ့ လေကြောင်းပစ်မရှိဘဲ ကာကွယ်လို့မရပါ။ ဒါကြောင့် ရွာသူရွာသားတွေအနေနဲ့က မိမိပိုင်ဆိုင်တာကို ခွဲဖွက်ပြီး ပြင်ဆင်ထားတာက အကောင်းဆုံးကာကွယ်မှုပါ။
အကျဉ်းချုပ်ရရင် ပြောက်ကျားစနစ်နဲ့တိုက်တာက ပြည်သူပါနေလို့ ရေရှည်မှာ စာရေးသူတို့ ဒီမိုတွေက လုံးဝနိုင်မှာပါ။ လိုနေတာက သတင်းလုံခြုံမှုနဲ့ ရွာတွေက မိမိပိုင်ဆိုင်တာကို နေရာအနှံ့မှာ ဖျောက်ထားပြီး အဖျက်ခံရတာနည်းအောင် ပြင်ဆင်ထားကြဖို့ပါ။ ရန်သူကိုစစ်မြူပြီး ပြောက်ကျားစနစ်နဲ့ မြန်မာ့နည်းအတိုင်း ပြတ်ပြတ်သားသား တိုက်နိုင်ရင် လုံးဝနိုင်မှာပါ။
https://www.myattunoo.com/post/ဒ-လ-သန-ခ-လက-နက-မ
မြန်မာဘီယာ ဒဂုံဘီယာကို ဆိုင်းဘုတ်ကြီးတောင်တင်ပြီးရောင်းရဲနေကြတဲ့ဆိုင်တွေ
ဘားတွေ KTV တွေကို ဗုံးခွဲသတိပေးတယ်ဆိုတော့
ဟာဒီကောင်တွေ လက်လွန် ကြက်သွန်တွေလုပ်ကုန်ပြီလား
မဟုတ်သေးပါဘူးဆိုပြီး သတင်းဖတ်ကြည့်လိုက်တာ
မြန်မာဘီယာ ဒဂုံဘီယာကို ဆိုင်းဘုတ်ကြီးတောင်တင်ပြီးရောင်းရဲနေကြတဲ့ဆိုင်တွေကိုတဲ့...
ခုချိန်မှာ စစ်တပ်နဲ့ နှီးနွယ်ထုတ်ကုန်တွေ ဒီလိုရောင်းနေသေးတာဟာ
စစ်တပ် အတွက် ကျည်ဆန်နှင့်ရိက္ခာ ဝယ်ယူရေး
ရန်ပုံငွေလုပ်ငန်းလို့ နာမည်တည့်တည့်မတပ်ရုံပဲရှိတယ်...
ဒါနဲ့ထပ်စဉ်းစားမိပြန်တာက
ဒီလိုဆိုင်တွေမှာ ငွေကုန်ကြေးကျခံ သောက်စားပြီး
ပြည်သူကိုပစ်ဖို့ကျည်ဆန်ဖိုးတွေ တကျပ်တပြား
တတ်အားသရွေ့ထောက်ပံ့နေတဲ့
နလပိန်းတုံး အတ္တဘောတွေလည်း ရှိနေသေးပါလားဆိုတာပဲ...
တောထဲမှာ လူငယ်တွေသေနေရတယ်
ထောင်ထဲမှာ လူငယ်တွေအကျဉ်းကျနေရတယ်
စစ်ကြောရေးမှာ လူငယ်တွေ ကြွေနေရတယ်
ရွာတွေလိုက် မီးရှို့ခံနေရတယ်
လေယာဉ်နဲ့ ဗုံးကြဲခံနေရတယ်...
မြို့ပေါ်တွေမှာတော့ ဘားတွေ ကလပ်တွေသွား
Shopping Vacation အစုံနဲ့ ပုံမှန် လည်ပတ်နေကြတယ်
သြော် ဒါပေမယ့် လူ့သဘာဝပဲလေ
လူတဦးချင်းစီရဲ့ ရွေးချယ်ခွင့်ပဲ သူတို့လည်း
စိတ်ဖြေရာရှာကြံရင်း ရတဲ့နည်းနဲ့ ထောက်ပံ့ကြမှာပါ
ဒီလိုပဲ နားလည်ဖြည့်ဆည်းပြီးတွေးခဲ့တယ်
တခါတောင် ဒီလိုအကြောင်းတွေရေးခဲ့ဖူးသေးတယ်...
ဒါပေမယ့် စစ်တပ်ထုတ်ကုန်တွေ ရောင်းချနေတဲ့
စားသောက်ဆိုင် ဖျော်ဖြေရေးလုပ်ငန်း ဘား ကလပ်
KTV Hotel ဆိုတဲ့နေရာတွေကျတော့
သားရီးတို့ရေ လီးပဲ
အဲ့နေရာတွေတော့ မသွားကြနဲ့လေကွာ
ငါတို့ပြည်သူဆီပစ်နေတဲ့ကျည်တွေအတွက်
မင်းတို့က ပိုက်ဆံသွားပေးပြီး
စိတ်ပြေလက်ပျောက် လုပ်ချင်ကြတယ်ဆိုရင်တော့
မင်းတို့ ကိုယ်တိုင်ပဲ ပြည်သူကိုဝင်သတ်လိုက်ကြပါတော့လား
ဘာထူးသေးလို့လဲ
ပျူစောထီးထဲဝင်လိုက် စစ်တပ်ထဲသာဝင်လိုက်ကြတော့လို့
ဗြောင်ထုတ်ဆဲရတော့မှာပဲ...
တော်လှန်ရေးမှာ လူအားမပါနိုင်ရင် ငွေအားနဲ့ပါ ပညာအားနဲ့ပါ
ဘာမှမပါနိုင်ရင်လည်း
အနှောက့်အယှက်မဖြစ်အောင် အသာထိုင်နေ ရသေးတယ်
ရန်သူကို ဓါးရိုးကမ်းတဲ့ အပေါက်တွေချိုးနေကြရင်တော့
ရန်သူဖြစ်သွားလိမ့်မယ်လို့ သတိပေးကြရတော့မှာပဲ...
(မိုးသွေး)
.
ကင်းပုန်းဝပ်နေသော စစ်တပ်က ရဲ ၁ ဦးနှင့်ကြံ့ဖွတ်ပါတီဝင် ၁ ဦးကို ပစ်သတ်၊
ရေစကြိုတွင် ကင်းပုန်းဝပ်နေသော စစ်တပ်က ရဲ ၁ ဦးနှင့်ကြံ့ဖွတ်ပါတီဝင် ၁ ဦးကို ပစ်သတ်၊ "ကျနော် ရဲတပ်သားပါ" ဟုပြောသည့်ကြားမှ ပစ်သတ်ခြင်းဖြစ်ဟုဆို
ရန်ကုန်၊ မတ် ၉ ခေတ်သစ်မီဒီယာ
မကွေးတိုင်း၊ ရေစကြိုမြို့၊ ဖောင်တောင်ဦးရပ်၊ ဖောင်တော်ဦးဘုရားတွင် ကင်းပုန်းဝပ်နေသော စစ်သားများက ယမန်နေ့ မတ်လ ၈ ရက်နေ့ ည ၉ နာရီခွဲ အချိန်တွင် ရဲတပ်ဖွဲ့ဝင် ၁ ဦးနှင့် ကြံ့ဖွတ်ပါတီဝင် ၁ ဦးကို ပစ်သတ်လိုက်ကြောင်း ဒေသခံများထံမှ သိရှိရသည်။
မတ်လ ၈ ရက်နေ့ ည ၉ နာရီ ၃၀ မိနစ်အချိန် ရေစကြိုမြို့ ဖောင်တော်ဦးရပ်၊ ဖောင်တော်ဦးဘုရားတွင်ကင်းပုန်းဝပ်နေသော စစ်တပ်က မသင်္ကာသူ ၂ ဦးတွေ့ရှိသည်ဆိုကာ လိုက်လံပစ်ခတ်ကြောင်း၊ ပစ်ခတ်ခံရသူများမှာ ရဲတပ်သား ဂျော်ကာတိုး အသက် ၂၅ နှစ် (ဘ) ဦးတိုး၊ ကြံ့ဖွတ်ပါတီဝင် ဝင်းမြင့် အသက် ၆၂ နှစ် (ဘ) ဦးကျော်စိန်တို့ ဖြစ်ကြောင်း သိရှိရသည်။
စစ်တပ်၏ ပစ်ခတ်မှုကြောင့် ကြံ့ဖွတ်ပါတီဝင် ဝင်းမြင့်မှာ ဆီးခုံထိမှန်၍ ပွဲချင်းပြီး သေဆုံးခဲ့ပြီး ရဲတပ်သား ဂျော်ကာတိုးမှ ဆေးရုံရောက်ရှိစဉ် သေဆုံးသွားကြောင်း ၊ ရဲတပ်သားဂျော်ကာတိုး ပစ်သတ်ခံရမှုအတွက် မိသားစုက မကျေနပ်၍ ရဲစခန်းတွင် အမှုဖွင့်သော်လည်း အမှုဖွင့်လှစ်ခွင့်မပေးကြောင်း သိရှိရသည်။
"သေဆုံးသွားတဲ့ ရဲတပ်သား ဂျော်ကာတိုးက ကျနော် ရဲတပ်ဖွဲ့ဝင်ပါ။ ရဲတပ်သားပါ ပြောတာကို ပစ်သတ်တာ။ PDF အထင်နဲ့ မသင်္ကာဖြစ်ပြီး ပစ်သတ်ခံရတာ" ဟု ဒေသခံတစ်ဦးက ရန်ကုန်ခေတ်သစ်သတင်းဌာနသို့ ပြောဆိုသည်။
ဓာတ်ပုံ- စစ်တပ်က ပစ်သတ်လိုက်၍ သေဆုံးသွားသော ရဲတပ်သား ဂျော်ကာတိုး။
ယူကရိန်း ရုရှားအရေး စစ်နှုတ်ခမ်းက မငြိမ်းချမ်းတဲ့ကမ္ဘာ
ယူကရိန်း 🇺🇦 ကတောင်းထားတဲ့ No Fly Zone ကို NATO က မပေးတော့ ဒါဆို သူတို့ကိုတိုက်လေပျံပေးဖို့ တောင်းဆိုတယ် ငါတို့ကိုပေး ငါတို့ဖာသာတိုက်မယ်ဆိုတဲ့သဘော။ အမေရိကန်လုပ်တိုက်လေပျံကိုလည်း ယူကရိန်းလေပျံမောင်းသမားတွေကမမောင်းတတ်ကြလို့ ရုရှားလုပ်တိုက်လေပျံ MIG 29 ကိုပဲသူတို့ကိုပေးပါတဲ့။ အဲ့တော့ကာ ပိုလန်က MIG 29 တိုက်လေယာဉ် ၂၈ စီးလုံးကို ယူကရိန်းကို ပေးမယ်ဖြစ်လာတယ်။ နေတိုးအဖွဲ့ဝင်တွေကလည်း ငွေကြေး နဲ့ စစ်လက်နက်တွေတလစပ် ထောက်ပံ့ပေးလာကြတော့မယ်။ အမေရိကန်ကလည်းယူကရိန်း 🇺🇦 ကို ၃၂ ဘီလီယံ ထောက်ပံ့မယ် ကတိပြုလိုက်ပြီ။ ကမ္ဘာ့ဘဏ်ကလည်း ၇၂၃ သန်း ယူကရိန်းကို အရေးပေါ်အကူအညီတွေပေးမယ် ဖြစ်လာတယ်။ ပူတင် နဲ့ ရုရှားအပေါ် ချမှတ်ထားတဲ့ Sanctions တွေကည်း ရုရှားစီးပွါးရေးကို လေးပုံတပုံထိုးကျသွားစေတယ်။ မကြာခင် ထက်ဝက်လောက်အထိကျသွားမယ်။ ရုရှားရဲ့ယူကရိန်းအပေါ် ကျူးကျော်စစ် ကို တရုတ် 🇨🇳 က ကြားနေရေးမူနဲ့ ရပ်တည်ပြီး မဖြေရှင်းဘဲနေတဲ့ တာဝန်မဲ့တာကလည်း Veto Power ကိုင်ထားပြီး ထင်ရှားစွာပျက်ကွက်နေမှုတွေ နဲ့ အပြည်ပြည်ဆိုင်ရာ norm သတ်မှတ်ချက်တွေဟာ ဟန်ချက်ပျက် အဓိပ္ပါယ်မဲ့ သဘာဝမကျဖြစ်နေတာကို ထောက်ပြဆွေးနွေးနေကြပါတယ်။ မြေပြင် ground အခြေအနေက ပူတင်လုပ်နေတာတွေကို ရုရှားပြည်သူတွေက သဘောမတူသလို ကမ္ဘာ့ပြည်သူတွေကလည်း စိတ်လက်မသက်မသာဖြစ်နေကြရတာပါ။ ယူကရိန်း 🇺🇦 နိုင်ငံဒုက္ခသည် ဦးရေကလည်း ၂ သန်းကျော်ရှိသွားပြီဖြစ်ပါတယ်။ တရုတ်သမ္မတ ရှီကျင့်ဖျင် နဲ့ ဂျာမဏီ ပြင်သစ် ခေါင်းဆောင်တွေဟာ ဒီနေ့ဖုန်းပြောညှိနှိုင်းခဲ့ကြတယ်လို့သိရပါတယ်။ ပူတင်ကို နျူးကလီးယား စစ်ပွဲထဲ တွန်းပို့ပေးနေသလိုမဖြစ်ရအောင် တရုတ်အနေနဲ့ ခေါင်းမရှောင်ဖို့ တိုက်တွန်းနေကြပုံရပါတယ်။
ပူတင်ဟာ ယူကရိန်း ကို တက်သိမ်းတယ်ဆိုတာ
(၁)ယူကရိန်း ကို နေတိုးအဖွဲ့ဝင်ထဲပါဝင်သွားမှာစိုးရိမ်တဲ့အချက်
(၂) ခရိုင်းမီးယားကို ရုရှားပိုင်အဖြစ်အသိအမှတ်ပြုရေး
(၃) Donetsk နဲ့ Lugansk ပြည်နယ်တွေကို ယူကရိန်းကနေ ဖဲ့ထုတ်ခွဲပစ်ရေး
ဒီ ၃ ချက်က ပူတင် ရဲ့အကြောင်းပြချက်တွေပါ။
တကယ်တော့ ပူတင်ဟာ ရုရှားမှာ သူ့နိုင်ငံရေးအရဆက်ရပ်တည်ဖို့ရာ အခြေအနေမကောင်းတော့လို့ အမျိုးသားရေးလှုပ်ရှားမှုသဏ္ဍန် နဲ့ စစ်ရေးအရ special military operations ဆိုကာ ယူကရိန်းကိုတက်သိမ်းပြီး ထွက်ပေါက်ရှာတယ်လို့ ယူဆကြသူရှိပါတယ်။
ပြသနာအားလုံးရဲ့ လတ်တလောအဖြေရှာရာမှာ
(၁) ရုရှားကကျူးကျော်မှုကို ဘယ်တော့မှာရပ်ပေးမလဲ
(၂) ရုရှားကျူးကျော်စစ်ကြောင့် အပြစ်မဲ့ ပြည်သူတွေ သေဆုံးဒဏ်ရာရခဲ့သူတွေ သန်းချီထွက်ပြေးကြရတာနဲ့ နေအိမ်တွေမီးလောင်ပျက်စီးမှုတွေကြောင့် ဆုံးရှုံးခဲ့ကြရမှုတွေနဲ့
(၃) နေတိုး တရုတ် နဲ့ ကုလသမဂ္ဂ တို့ဟာ ရုရှားကျူးကျော်စစ်ကို ဘယ်လိုထိမ်းကျောင်းကြမလဲ
ကမ္ဘာ့အစိုးရိမ်ဆုံးက
(၁) နယူကလီးယားလက်နက်တွေသုံးပြီး ဖြေရှင်းကြလေမလား
(၂) တတိယကမ္ဘာစစ်များဖြစ်လေမလား
တတိယကမ္ဘာစစ်ကြီးဖြစ်လိုက်ရင်ဖြင့် နယူကလီးယားလက်နက်ဆန်းတွေစမ်းသပ်ကြမှာမို့ ကျနော်တို့အားလုံး ပြာကျသွားကြမှာဖြစ်ပါတယ်။
ကမ္ဘာကြီးရဲ့ငြိမ်းချမ်းရေး အဓွန့်ရှည်ပါစေ
စစ်ဆာသူများကျဆုံးကြပါစေ
ဇော်ဝင်း 🇺🇸
ရုရှား ရေနံတင်သွင်းမှု အမေရိကန် လုံး၀ပိတ်ပင်လိုက်ပြီ
VOABurmese
ရုရှား ကနေ အမေရိကန် ပြည်ထောင်စုကို တင်သွင်းတဲ့ ရေနံနဲ့ သဘာ၀ဓာတ်ငွေ့ အားလုံးကို တင်သွင်းခွင့် ပိတ်ပင်လိုက်ကြောင်း သမ္မတ Joe Biden က အင်္ဂါနေ့မှာ ကြေညာလိုက်ပါတယ်။
သမ္မတ ပူတင်ရဲ့ စစ်ယန္တယားကြီးကို နောက်ထပ် ပြင်းထန်တဲ့ ထိုးနှက်ချက် တခု ဖြစ်တယ်လို့ သမ္မတ Biden က ပြောဆိုခဲ့ပါတယ်။ ဒီပိတ်ဆို့ အရေးယူမှုဟာ ရုရှား သမ္မတ ပူတင်ကို အဓိက ဖိအားပေးဖို့ အမေရိကန် အစိုးရ အနေနဲ့ လုပ်ဆောင်လိုက်တာ ဖြစ်ပါတယ်။
ရေနံစိမ်း၊ သဘာ၀ဓာတ်ငွေ့နဲ့ ရေနံထွက် ပစ္စည်းတွေ အပြင် ကျောက်မီးသွေးနဲ့ ကျောက်မီးသွေးထွက် ပစ္စည်းတွေကို ပိတ်ပင်လိုက်ပါတယ်။ ဒါ့အပြင် ရုရှားရဲ့ စွမ်းအင်ကဏ္ဍမှာ အမေရိကန် ရင်းနှီးမြှုပ်နှံခွင့်ကိုပါ ပိတ်ပင်လိုက်ပါတယ်။
ပြီးခဲ့တဲ့နှစ်က ရုရှားကနေ ရေနံစိမ်းနဲ့ လောင်စာဆီ တရက်ကို စည်ပေါင်း ၇၀၀,၀၀၀ လောက် အမေရိကန် ပြည်ထောင်စုကို တင်သွင်းခဲ့ပါတယ်။ ဥရောပတိုက်ကတော့ ရုရှားကနေ တရက်ကို စည်ပေါင်း ၄,၅၀၀,၀၀၀ လောက် တင်သွင်းနေတာ ဖြစ်ပါတယ်။ ဒီပိတ်ဆို့ အရေးယူမှုကို အမေရိကန် ပြည်ထောင်စု အနေနဲ့ ဆက်လက် လုပ်ဆောင်နေပြီး ဥရောပတိုက်က တခြား မဟာမိတ် နိုင်ငံတွေ လိုက်မလုပ်နိုင်တာကိုလည်း နားလည်ကြောင်း သမ္မတ Biden က ပြောဆိုခဲ့ပါတယ်။
အမေရိကန် ပြည်ထောင်စုဟာ ဥရောပတိုက် နိုင်ငံတွေထက် ရေနံ အဆပေါင်းများစွာ ထုတ်လုပ်ပါတယ်။ အခုလို အချိန်မှာဘဲ ဗြိတိန်နိုင်ငံကလည်း ရုရှားကနေ ရေနံနဲ့ ရေနံထွက်ပစ္စည်း တင်သွင်းမှုတွေကို ဒီနှစ်ကုန်ပိုင်းမှာ တဆင့်ခြင်း ရပ်ဆိုင်းသွားမယ်လို့ အင်္ဂါနေ့မှာ ပြောဆိုထားပါတယ်။
ယူကရိန်းအတွက် တိုက်လေယာဥ်တွေ လွှဲပေးဖို့ ပိုလန်သဘောတူပြီ
ယူကရိန်း သမ္မတ ဇယ်လန်စကီး တောင်းဆိုထားသလိုမျိုး ရုရှားလုပ် တိုက်လေယာဥ်တွေ အစုလိုက် အပြုံလိုက် ရလာတော့မှာ ဖြစ်ပါတယ်။
ပိုလန်ဟာ သူတို့ဆီမှာ ရှိသမျှ ရုရှားလုပ် မစ်ဂ်- တွမ်တီးနိုင်း MiG-29 တိုက်လေယာဥ်တွေကို အမေရိကန်ကို လွှဲပေးဖို့ အဆင်သင့်ပဲ ဆိုပြီး ကြေညာပါတယ်။
ယူကရိန်း လေသူရဲတွေဟာ ရုရှားလုပ် တိုက်လေယာဥ် တွေကို ကျွမ်းကျွမ်းကျင်ကျင် မောင်းနိုင်ကြတဲ့ အတွက် ရုရှားလုပ် ဖိုက်တာဂျက်တွေ ရအောင်ရှာပေးပါ ဆိုပြီး သမ္မတ ဇယ်လန်စကီးက တောင်းဆိုထားတာ ဖြစ်ပါတယ်။
ဒ့ါကြောင့် အမေရိကန် နိုင်ငံခြားရေး ဝန်ကြီး အန်တိုနီဘလင်ကင် ကိုယ်တိုင် နေတိုးစစ်ရေးမဟာမိတ် အဖွဲ့ဝင် ပိုလန်နိုင်ငံမှာ ရှိနေတဲ့ ရုရှားလုပ် တိုက်လေယာဥ်တွေကို ယူကရိန်းထံ လွှဲပေးနိုင်ရေး ညှိနှိုင်း နေခဲ့တာ ဖြစ်ပါတယ်။ ပိုလန်ကို တခြားအမျိုးအစား တိုက်လေယာဥ်တွေ အစားပြန်ပေးမယ် ဆိုပြီး အမေရိကန်က ကတိပြုထားပါတယ်။
အခုတော့ ပိုလန် နိုင်ငံခြားရေး ဝန်ကြီးဌာနက သူတို့ရဲ့ တိုက်လေယာဥ်တွေကို ဂျာမနီနိုင်ငံမှာ ရှိတဲ့ အမေရိကန် လေတပ် အခြေစိုက်စခန်း ‘ရမ်းရှတိုင်း’ Ramstein ဆီကို ပို့မယ်လို့ ဆိုပါတယ်။
ရမ်းရှတိုင်းကနေ ယူကရိန်းထဲ ဘယ်လိုသယ်မလဲ ဆိုတာကိုတော့ ရှင်းရှင်းလင်းလင်း မသိရသေးပါဘူး။ ယူကရိန်းထဲက လေယာဥ်ကွင်း တွေကို ဖျက်ဆီးထားတဲ့ ရုရှားကတော့ ဒေသတွင်း နိုင်ငံတွေ အနေနဲ့ ယူကရိန်းရဲ့ စစ်လေယာဥ်တွေကို အဆင်းအတက် လုပ်ခွင့်ပြုရင် ကိုယ်တိုင် စစ်ထဲ ပါတဲ့အနေနဲ့ သဘောထားမယ် ဆိုပြီး ခြိမ်းခြောက် ပြောဆိုထားပါတယ်။
အမေရိကန် ကာကွယ်ရေးဌာန ပင်တာဂွန်ကတော့ ယူကရိန်း အတွက် လေယာဥ်တွေ
ဂျာမနီအခြေစိုက် လေတပ်စခန်းကနေ တဆင့် ပို့မယ် ဆိုတဲ့ ပိုလန် ကမ်းလှမ်းချက်ဟာ လက်တွေ့ အကောင်အထည် ဖော်ဖို့ခက်တယ်၊ ဘယ်လိုနည်းနဲ့ ယူကရိန်းလက်ထဲ ထည့်နိုင်မလဲ ဆက်ဆွေးနွေးကြမယ် ဆိုပြီး ထုတ်ပြန်ပါတယ်။ #ဘီဘီစီမြန်မာပိုင်း #ယူကရိန်းစစ် #ရုရှား #MiG-29 #ပိုလန်
ကမ္ဘာရေနံဈေးကွက်ကြီး သွက်သွက်ခါ လှုပ်ရမ်း ခဲ့ရသည့် အကြောင်းရင်း များ
by Hla Soewai - Mar 09 2022
မတ်လ ၆ ရက်နေ့တွင် အမေရိကန် နိုင်ငံခြားရေး ဝန်ကြီး အန်တိုနီ ဘလင်ကင်မှ မိမိတို့ သည် ရုရှားရေနံများကို အတူ လက်တွဲပြီး တညီတညွတ်တည်း ပိတ်ဆို့သွားရန် ဥရောပ မဟာမိတ်များ နှင့် ဆွေးနေးနေပြီဟု မမျှော်လင့်ပဲ ထုတ်ဖေါ် ကြေညာလိုက်မှု နှင့် အတူ ကမ္ဘာရေနံ ဈေးကွက်ကြီး သွက်သွက်ခါ အောင် လှုပ်ရမ်းသွားခဲ့ရပြီ ဖြစ်သည်။
ချက်ခြင်းဆိုသလိုပင် အမေရိကန် ရေနံစိမ်း ဈေးနှုန်း ၏ ပြဒါးတိုင်တခု လို ရပ်တည်နေသည့် West Texas Intermediate (WTI) ၏ ဈေးနှုန်းသည် ၉% ခန့် ထပ်မံ မြင့်တက်သွားပြီး ရေနံစိမ်း တစည်လျှင် ဒေါ်လာ ၁၄၀ အထိ ဖြစ်သွားခဲ့သည်၊ နောက်တနေ့ ဖြစ်သည့် မတ်လ ၇ ရက်နေ့တွင်တော့ ၁၂၃ ဒေါ်လာသို့ ပြန်ကျသွားခဲ့သည်။
သို့သော် ယူကရိန်းတွင် အခြေအနေများ ပို၍ ဆိုးလာပါက တစည်လျှင် ဒေါ်လာ ၂၀၀ အထိ မြင့်တက်လာဖွယ် ရှိနေသည်ဟု ခန့်မှန်းနေကြပြီ ဖြစ်သည်။
ကမ္ဘာတဝှမ်းရှိ ရေနံကုမ္ပဏီ သူဌေးကြီးများ၊ အိုပက် အဖွဲ့ဝင် ဝန်ကြီးများ အားလုံး သည် CERAWeek ဟု အမည်ပေးထားသည့် နှစ်ပတ်လည် ညီလာခံ ကြီး တက်ရောက်ရန် ဟူစတန်သို့ စုရုံးရောက်ရှိလာမည့် အချိန်နှင့်လည်း တိုက်ဆိုင်နေပေသည်။
ရေနံဈေးနှုန်းများ ဂဏှာမငြိမ် ဖြစ်လာရသည့် အကြောင်းရင်း သုံးရပ် ရှိနေပေသည်။
ပထမ အချက်သည် ရေနံ တင်ပို့ ရောင်းချနိုင်မည့် မပမာဏသည် ကသောင်းကနင်း ဖြစ်လာသည့် အခြေအနေများကြောင့် ဖြစ်ပေါ်လာမည့် လိုအပ်ချက်များ အတွက် လုံလုံလောက်လောက် ထုတ်လုပ်ပေးနိုင်ပါမည်လော ဆိုသည့် စိုးရိမ်မှုများ ကြောင့်ပင် ဖြစ်သည်။ ယခင်က ကိုဗစ် ကပ်ရောဂါကြီးကြောင့် ရေနံသုံးစွဲမှု ကျဆင်းသွားခဲ့ရာမှ ယခုအခါ ပြန်လည် မြင့်တက်လာနေချိန်လည်း ဖြစ်သည်။ နွေရာသီတွင် အပန်းဖြေ အပျော်ခရီးထွက်ကြမည့် အမေရိကားနှင့် ဥရောပတိုက်သားတို့လည်း ပြင်ဆင်နေကြချိန်လည်း ဖြစ်သည်။
အိုပက် အဖွဲ့ဝင် နိုင်ငံများသည် ၎င်းတို့ အတွက် သတ်မှတ်ပေးထားသော ခွဲတမ်းများကိုပင် အလျှင်မီအောင် ထုတ်လုပ်နိုင်စွမ်း မရှိကြပဲ ယူကရိန်း စစ်ပွဲ မဖြစ်မီကပင် ကမ္ဘာဝယ်လိုအားထက် တနေ့လျှင် ရေနံစည် တသန်းခန့် လျော့နည်းနေသည်ဟု စွမ်းအင် သတင်းများ မျက်ခြေမပြတ် ထောက်လှမ်းနေသည့် Energy Intelligence က ဆိုသည်။
ဒုတိယ အချက် အနေဖြင့် မစ္စတာ ဘလင်ကင်၏ ကြေညာချက်ကြောင့် ကမ္ဘာဈေးကွက်တွင် တနေ့လျှင် ရေနံစိမ်း စည်ပေပါ ၄.၅ သန်းနှင့် လောင်စာဆီ တနေ့လျှင် စည်ပေပါ ၂,၅ သန်း ထုတ်လုပ်နေသည့် ရုရှား ဈေးကွက်ကြီး ကွယ်ပျောက်သွားမည့် အရေးကို တုန့်ပြန်နိုင်ရန် ဈေးနှုန်းများ မြင့်တက်သွားခဲ့ရခြင်း ဖြစ်သည်။ ယင်းနှင့် အတူ ကမ္ဘာစီးပွားရေးသည်လည်း ပြင်းပြင်းထန်ထန် ထိုးနှက်ခံရမည့် အရေးနှင့် ကြုံလာရနိုင်သည်။
မတ်လ ၁ ရက်နေ့တွင်မူ နိုင်ငံတကာ စွမ်းအင် အေဂျင်စီ International Energy Agency (IEA) မှ အခြေအနေများကို အလျှင်အမြန် ထိန်းချုပ်နိုင်ရန် အဖွဲ့ဝင် နိုင်ငံများ အနေဖြင့် အချင်းချင်း ညှိနှိုင်းပြီး မိမိတို့ သိုလှောင်ထားသော အရံ ရေနံစည် သန်း ၆၀ ခန့်အထိ ထုတ်နှုတ် ရောင်းချပေးဖို့ ရှိနေသည်ဟု ကြေညာချက် ထုတ်ပြန်လာခဲ့သည်။ ၁၉၉၀ ပင်လယ်ကွေ့ စစ်ပွဲ အတွင်း၊ ၂၀၀၅ ကက်ထရီနား မုန်တိုင်းတိုက်ခတ်ခံရစဉ် အတွင်း နှင့် ၂၀၁၁ လစ်ဗျား အရေးအခင်း များ အတွင်းကလည်း IEA သည် အလားတူ ပြုလုပ်ခဲ့ပြီး ဖြစ်သည်။ သို့သော် ရုရှားတို့ နေ့စဉ်ထုတ်လုပ်တင်ပို့ ရောင်းချနေသည့် ပမာဏ နှင့် နှိုင်းစာလျှင် မပြောပလောက်ဟု ဂိုးလ်မင်း ဆတ်ချ် မှ တာဝန်ရှိသူ က ဆိုသည်။ ထိုပမာဏကို ကာမိရန် ထုတ်လုပ်နိုင်သည့် အနေအထား မတွေ့ရဟု ဆိုသည်။
ဆော်ဒီအာရေဗီယား ပင်လျှင် လ အနည်းငယ်အတွင်း တရက်ကို စည်ပေပါ တသန်းခန့်သာ လွန်ရောကျွံရော ထုတ်လုပ်နိုင်မည့် အနေအထားတွင် ရှိသည်ဟု သိရသည်။ အိုပက် အဖွဲ့ဝင် နိုင်ငံများ ပေါင်းလျှင်ပင် အပို စည်ပေပါ တနေ့ ၂ သန်းခန့်သာ ရှိမည်ဟု ဆိုသည်။ ကနေဒါ၊ ဘရာဇီး နှင့် ဂွာယာနာ တို့ ပေါင်းလျှင်ပင် တသန်း မပြည့်ဟု တွက်ချက်ခဲ့ကြသည်။
ယခုအခါ အမေရိကန် သံတမန်များသည် ခြေတိုလုနီးပါး ကမ္ဘာပတ်ကာ ပြတ်လတ်သွားမည့် ရေနံ ပမာဏ ကို ဖြည့်ဆည်းနိုင်ရန် လုံးပမ်းလျက်ရှိနေကြသည်။ CARAWeek သို့ ရောက်ရှိလာမည့် လူများအားလည်း တတ်နိုင်သမျှ ပို၍ ထုတ်လုပ်ရန် ပြောဆိုကြမည် ဖြစ်ပြီး၊ အမေရိကန်၏ ယှေလ နှင့် နုန်းကျောက်မှ ထုတ်လုပ်နေမှုသည်လည်း ဒီထက် ပိုအောင် မစွမ်းဆောင်နိုင်တော့၊ အမေရိကန် ရေနံ လုပ်ငန်းရှင်များကလည်း ဘိုင်ဒင်၏ ပတ်ဝန်းကျင် ထိန်းသိမ်းရေး စကားများကို နားခါးနေသည်မှာ ကြာမြင့်လှပြီလည်း ဖြစ်၍ စိတ်ပါလက်ပါ သိတ်မရှိလှပေ။ ထုတ်လုပ်ရန် လိုအပ်သည့် သဲဈေးနှုန်းကလည်း သုံးဆခန့် မြင့်တက်လာပြီး ဖြစ်သည်ဟု အကြောင်းပြလာကြသည်။ တိုးမြှင်ထုတ်လုပ်မည်ဆိုလျှင်ပင် တနှစ်အတွင်း ဖြစ်လာနိုင်စရာ အကြောင်းမရှိပေ။
ကမ္ဘာစွမ်းအင် လိုအပ်ချက်ကို အကူအညီ ပေးနိုင်မည့် အရာသည် အီရန်အား ပိတ်ပင် ကန့်သတ်ထားမှုကို ဖယ်ရှားပေးလိုက်ခြင်းပင် ဖြစ်သည်။ အီရန်သည် ခြောက်လ အတွင်း စည် ငါးသိန်း ခန့် ထုတ်လုပ်မှု မြှင့်တင်နိုင်စွမ်း ရှိနေပြီး တနှစ်အတွင်း နှစ်ဆအထိ တိုးမြှင့်လာနိုင်သည်။ သို့သော် ရုရှားဖက်က ယူကရိန်း နှင့် စပ်လျှင်းပြီး ရုရှား အပေါ် ဒဏ်ခတ်မှုများသည် အီရန်နှင့် ကုန်သွယ်ရေးကို မထိခိုက်ပါဟု အမေရိကန်တို့ဖက်မှ အာမခံရန် ရုတ်ခြည်း တောင်းဆိုလာမှုကြောင့် အဟန့်အတား ဖြစ်လာရသည်။
ယခုအခါ အမေရိကန် တို့သည် ဗင်နီဇွဲလားကိုပင် ပြန်လည် ချည်းကပ်နေရပြီ ဖြစ်သည်ဟု သတင်းများ ထွက်ပေါ်နေသည်၊ ဗင်နီဇွဲလားသည် တနှစ် အတွင်းမှာပင် တနေ့လျှင် စည်ပေပါ ငါးသိန်းခန့် ထုတ်လုပ်နိုင်စွမ်း ရှိနေသည်။
တတိယ အကြောင်းက ရေနံ ကုန်သည်များ အနေဖြင့် “မိမိဖာသာ မိမိတို့ ဆင်ခြင်ရ” သည့် self-sanction အဖြစ်မျိုး ရောက်ရှိသွားမည့် အရေးကို စိုးရိမ်လာနေကြခြင်းပင် ဖြစ်သည်။ ရုရှားမှ ရေနံထွက်ကုန်များသည် အမေရိကန်တို့ ပိတ်ဆို့မလာခင်ကပင် ပြဿနာ ဖြစ်လာနေခဲ့ပြီး ဖြစ်သည်။ ၎င်းတို့ အဖို့ ရုရှားမှ ရေနံများ ဝယ်ယူမိပါက အမေရိကန်၏ ဒဏ်ခတ်မှု နှင့် ငြိနေမည်လား ဟု မရေမရာ ဖြစ်လာနေခဲ့ကြပြီးလည်း ဖြစ်သည်။ အားလုံးက ဖြစ်နိုင်လျှင် ရုရှား ထံမှ မဝယ်မိအောင် ရှောင်ကျဉ်လာခဲ့ကြသည်။
ထို့အတွက် ရုရှား၏ ရေနံ ပို့ကုန် ပမာဏ ထိုးကျသွားခဲ့ရသည်၊ အနည်းဆုံး ရုရှား ၏ တနေ့ ရေနံစည်ပေပါ နှစ်သန်းခန့်သည် ဈေးကွက် တွင် ရောင်း၍ မရ ဖြစ်လာခဲ့သည်မှာ ကြာမြင့်နေပြီလည်း ဖြစ်သည်။ အနောက်တိုင်းရှိ ရေနံ ကုမ္ပဏီကြီးများလည်း ရုရှား ရေနံစိမ်း နှင့် သန့်စင်ပြီးသား ရေနံများကို အားမပေးရန် အပြင်းအထန် ဖိအားပေးခံခဲ့ကြရသည်။ တရုတ် နှင့် အိန္ဒိယတို့ပင် အမေရိကန် စီးပွားရေး ပိတ်ဆို့ထားမှု လွတ်အောင် ရုရှားပိုင် သင်္ဘောများ၊ ဆိပ်ကမ်းများ အသုံးပြုခြင်းကို ရှောင်ရှားခဲ့ကြသည်။
ရုရှား နှင့် ဖက်စပ်လုပ်ငန်း အမြောက်အမြား ကို တာဝန်ကျေစွာ ရုပ်သိမ်းသွားခဲ့သည့် ရှဲလ်သည်ပင် ရုရှားထံမှ ဒစ်စကောင့် ရထားသော ရေနံများကို အရောင်းအဝယ် လုပ်ရာမှ ဒေါ်လာ သန်း နှစ်ဆယ် ခန့် အမြတ်ထွက်သွားသည့် သတင်းများ ထွက်ပေါ်လာခဲ့သဖြင့် အဆိုပါ အမြတ်ငွေများကို ယူကရိန်း အကူအညီပေးရေး ရံပုံငွေများထဲသို့ ထည့်ဝင်သွားပါမည်ဟု အမြန် ကြေညာချက် ထုတ်လာခဲ့ရသည်။
ရုရှား ရေနံများ ပိတ်ဆို့မည်ဆိုက အမေရိကန်အတွက်လည်း အကျပ်အတည်းများ ဖြစ်လာစရာ အကြောင်း ရှိနေသည်။ ထိုသို့ တခါဖူးမျှ မသုံးရသေးသည့် စီးပွားရေး လက်နက်ကို သုံး၍ ရုရှား၏ အလှုပ်အလှဲ့ မခံနိုင်သည့် ရေနံ တင်ပို့နေမှုကို ဒဏ်ခတ်ရန် အနောက်နိုင်ငံများက စိတ်အားထက်သန်နေကြသော်လည်း တဖက်တွင် ရုရှား ရေနံသည် ကမ္ဘာစီးပွားရေး အတွက် အဓိက နေရာမှ ပါဝင်နေသဖြင့် ရုတ်ခြည်း ဖြတ်တောက်လိုက်မည် ဆိုက အကြီးအကျယ် ထိခိုက်လာမည့် အရေးကိုလည်း စိုးရိမ်ပူပန်နေကြသည်။
ကမ္ဘာငွေကြေး ရံပုံငွေ အဖွဲ့က စစ်ကြီး ဖြစ်လာမှုနှင့် လက်ရှိ ဒဏ်ခတ်မှုများ သည်ပင် ကမ္ဘာစီးပွားရေးအား “လွန်စွာ စိုးရိမ်ရသည့်” အနေအထား ရောက်နေပြီး ဒီထက် တိုး၍ လုပ်မည်ဆိုက အကြီးအကျယ် ပျက်စီးသွားသည် အထိ ဖြစ်လာနိုင်သည်ဟု သတိပေးလာခဲ့သည်။
ထို့အတွက် မစ္စတာ ဘလင်ကင်သည် ရုရှား အား ပိတ်ဆို့သည့်အတွက် ပြတ်လတ်သွားမည့် ရေနံ ပမာဏကို အခြားတဖက်မှ ရအောင် သေချာမှသာ ပိတ်ပင်သွားမည်ဟု မတ်လ ၆ ရက်နေ့ ကြေညာချက်တွင် ထည့်သွင်းလာခဲ့သည်။ အမေရိကန်သည် ရုရှား ရေနံများကို နဂိုကတည်းက မဖြစ်စလောက်သာ တင်ပို့နေ၍ မထောင်းသာသော်လည်း အဓိက တင်ပို့နေသည့် ဥရောပ မဟာမိတ် များ နိုင်ငံများ အနေဖြင့် လုပ်ရန် လိုလိုလားလား မရှိကလည်း နားလည် ပေးနိုင်သည်ဟု ဆိုသည်။ ဥရောပ နိုင်ငံများသည် ရုရှားမှ တနေ့လျှင် ရေနံစည် ပေပါ ၂.၇ သန်း နှင့် ရေနံထွက်ကုန် ပေပါတသန်းခန့် တင်သွင်းနေသည်။
မစ္စတာ ဘလင်ကင် ၏ စကားသည်သာ အတည် ဖြစ်လာက အမေရိကန် နှင့် ဥရောပတွင် စီးပွားရေး တုန့်ဆိုင်း နှေးကွေးမှု နှင့် ကြုံလာရဖို့ ရှိနေသည်။ လုံးလုံးလျားလျား ပိတ်ပင်ခြင်းထက် အီရန်ကို လုပ်သလို တဆင့် ချင်း လုပ်သွားသည်သာ အကောင်းဆုံး ဖြစ်ပေမည် ဟု အီကော်နော်မစ် မဂ္ဂဇင်း၏ မတ်လ ၇ ရက်နေ့ထုတ် စာစောင်တွင် “The West’s threat of a ban on Russia oil shakes market” ဆောင်းပါးတွင် ဖေါ်ပြထားသည်။
ဒေါ်လာ ၂၀၄ သန်းတန် ရုရှားလုပ် SU-30SME စစ်တိုက်လေယာဉ် ၆ စီး နေပြည်တော် ရောက်မည်
Breaking News - အကြမ်းဖက်စစ်တပ်က ဝယ်ယူထားသော ဒေါ်လာ ၂၀၄ သန်းတန် ရုရှားလုပ် SU-30SME စစ်တိုက်လေယာဉ် ၆ စီး နေပြည်တော် ရောက်မည်
ရန်ကုန်၊ မတ် ၉ ခေတ်သစ်မီဒီယာ
အကြမ်းဖက်စစ်တပ်က ၂၀၁၈ ခုနှစ်တွင် အမေရိကန်ဒေါ်လာ ၂၀၄ သန်းဖြင့် စာချုပ်ချုပ်ပြီး ဝယ်ယူထားသော ရုရှားနိုင်ငံလုပ် SU-30SME စစ်တိုက်လေ ယာဉ် ၆ စီး နေပြည်တော်သို့ ယခုရက်ပိုင်းအတွင်းရောက်ရှိမည်ဖြစ်ကြောင်း သိရှိရသည်။
ရုရှားနိုင်ငံလုပ် IL-76TD အမျိုးအစား ကုန်တင်လေယာဥ်ဖြင့် ရုရှားလုပ် SU-30SME စစ်တိုက်လေယာဉ် ၆ စီးနှင့် အပိုပစ္စည်းများကို မတ်လ ၁၀ ရက်နေ့ ၊ မတ်လ ၁၂ ရက်နေ့ နှင့် မတ်လ ၁၄ ရက်နေ့တို့တွင် နေပြည်တော်သို့ လာရောက် ပို့ဆောင်မည်ဖြစ်ကြောင်း သိရှိရသည်။
မင်းအောင်လှိုင်ဦးဆောင်သော အကြမ်းဖက်စစ်တပ်သည် ရုရှားနိုင်ငံလုပ် Sukhoi SU-30SME အမျိုးအစား စစ်တိုက်လေယာဉ် ၁ စီးလျှင် အမေရိကန်ဒေါ်လာ ၃၄ သန်းဖြင့် စုစုပေါင်း ၆ စီးအတွက် ဒေါ်လာ ၂၀၄ သန်း ဖြင့် ၂၀၁၈ ခုနှစ်တွင် စာချုပ်ချုပ်ဆို ဝယ်ယူခဲ့ခြင်းဖြစ်ကြောင်း၊ ဝယ်ယူပြီး ၅ နှစ်နီးပါး ကြာမြင့်လာချိန်တွင် နေပြည်တော်သို့ လာရောက်ပို့ဆောင်ခြင်းဖြစ်ကြောင်း သိရှိရသည်။
ရုရှားကုမ္ပဏီ Sukhoi က ထုတ်လုပ်သည့် SU-30SME စစ်တိုက်လေယာဉ်သည် လက်နက်ခဲယမ်းနှင့် ဒုံးကျည်များကို ပုံစံမျိုးဖြင့် တပ်ဆင်နိုင်ပြီး လေ ကြောင်းတိုက်ပွဲ၊ မြေပြင်တိုက်ပွဲများကို အဓိက ထောက်ကူ ပေးနိုင်သော စစ်တိုက်လေယာဉ်များဖြစ်ကြောင်း၊ လေယာဉ်မှူး ၂ ဦး လိုက်ပါ တိုက်ခိုက်ရသော စစ်လေယာဉ်ဖြစ်ကြောင်း သိရှိရသည်။
လက်ရှိတွင် အကြမ်းဖက်စစ်တပ်သည် ရုရှားနိုင်ငံလုပ် Yak-130 စစ်တိုက်လေယာဉ်များကို တိုင်းရင်းသား နယ်မြေများနှင့် ပြည်သူများကို ပစ်ခတ်တိုက်ရာတွင် အဓိက အသုံးပြုလျက်ရှိကြောင်း သိရှိရသည်။
ဓာတ်ပုံ- ရုရှားထုတ် SU-30SME အမျိုးအစား စစ်တိုက်လေယာဉ်တစ်စင်း။
ကြမ္မာရဟတ် တပတ်လည်လာပြီ *******************************
၂၄ နာရီ လုံးလုံး လျှပ်စစ်ဓါတ်အားများ ဖြတ်တောက်ရမည့် အခြေအနေဖြစ် လာသဖြင့် ရန်ကုန်ရှိ စက်ရုံ အတော်များများ ရပ်ဆိုင်းပြစ်ရတော့မည် အခြေ ဆိုက်လာနေပြီဟု သတင်းများက ဆိုသည်။
ရခိုင် ကမ်းလွန်ရှိ ရွှေ ဓါတ်ငွေ့တွင်းသစ်များမှ သဘာဝ ဓါတ်ငွေ့ကို သွယ်တန်းရန် ရေအောက် ပိုက်လိုင်းများကို လက်ရှိ ရွှေဓါတ်ငွေ့ ပိုက်လိုင်းများ နှင့် ချိတ်ဆက်နိုင်ရန် မတ်လ ၁၈ ရက် နေ့အထိ ဖြတ်တောက် မည်ဟု စစ်ကောင်စီ၏ စွမ်းအင်ဌာန က ကြေညာခဲ့သော်လည်း ထိုသို့ သော လုပ်ငန်းကြီးကို တိုတောင်းလှသော ကာလအတွင်း ပြီးစီးနိူင်မည် ဆိုသည်ကား မည်သူမျှ အယုံအကြည် ရှိကြမည်လည်း မဟုတ်ပေ။
ထိုပိုက်လိုင်းများသည် တရုတ်ပြည်သို့ ဓါတ်ငွေ့များ တင်ပို့နိုင်ရန် အတွက် ဖြစ်ကြောင်း ထင် ကြေးပေးမှုများ ထွက်ပေါ်လာနေသည်။ တရုတ်ပြည် နှင့် ဘင်္ဂလားပင်လယ်အော်အကြား ဆက်သွယ်ထားသော "ရွှေကံလုံ" ဓါတ်ငွေ့ပိုက်လိုင်းနှင့် ဆက်သွယ်ရန် ဖြစ်သည်ဟု ဆိုသည်။
၂၀၂၂ နှစ်ဆန်းပိုင်းမှစ၍ လျှပ်စစ်ဓါတ်အား ဖြန့်ဖြူးနိုင်မှု အနေအထားသည် တနေ့လျှင် ၂.၂ ဂီဂါဝပ်သာ ရှိတော့သည်ဟု စွမ်းအင်ဌာနက ဆိုသည်။
နိုင်ငံတကာ၏ စီးပွားရေး ဒဏ်ခတ်မှု များလည်း စတင် သက်ရောက် လာနေပြီ ဖြစ်သည်။ ပြည်သူများ အထူးသဖြင့် လူငယ်လူရွယ်များ အဖို့က ထိုမျှ လောက်သော ဒုက္ခဆင်းရဲများကို တခါဖူးမျှ ကြုံတွေ့ ခဲ့ဖူးခြင်း ရှိကြမည် မဟုတ်ပေ။ လောင်စာဆီ ဈေးနှုန်းများ တရိပ်ရိပ် မြင့်တက်လာနေမှု နှင့် အတူ အထွေထွေ စားသောက်ကုန်များ ၏ ဈေးနှုန်းများလည်း တက် လာတော့မည် ဖြစ်၍ စစ်ကောင်စီ သည် ၎င်းတို့ ရက်စက် ယုတ်မာစွာ ပြုကျင့်နေခဲ့မှု များ နှင့် အတူ ကျဆုံးခန်းလည်း နီးသထက် နီးကပ်လာနေသည်။
ထိုအရေး ကို စားကောင်းသောက်ကောင်း အနေချောင် အောင် မြှောက်ပင့် ကပ်ယပ်နေ ကြသော နတ်ရူး မှော်ရူး များလည်း မည်သို့မျှ တတ်နိုင်ကြတော့မည် မဟုတ်ပေ။
၎င်း၏ လက်ထက်တွင် လက်ညှိုးညွှန်ရာ ဖြစ်မည်၊ တိုင်းပြည်ကြီးသာယာဝပြော ပေ တော့မည် ဟူသော အဆိုပါ နတ်ရူးမှော်ရူး များ၏ စကားတခုတည်းကိုသာ အားကိုး၍ လျှပ်စစ်ကားများ၊ မြေအောက် မီးရထားလမ်းများ ဆောက်လုပ်နိုင်ရန် ပြင်ဆင်ထားကြဖို့ ရူး သွတ်စွာ ပြောဆိုခဲ့သူ ကြီးလည်း လူမြင်ကွင်း မှ ပျောက်ဆုံးနေပြန်၍ စစ်ကောင်စီ အတွင်း ကြီးမားသော အလှည့် အပြောင်းကြီး ထွက်ပေါ်လာနိုင်မည်လား အထင်ဖြင့် နေပြည်တော်တွင် တီးတိုး ဝေဖန်မှုများ ထွက်ပေါ်လာနေသည်။
တနိုင်ငံလုံး မှောင်အတိကျ၍ စိတ်လက်မချမ်းသာ ဖြစ်နေကြချိန်တွင် စစ်ဗိုလ်ချုပ်များ၊ ကရိုနီ တို့၏ သားသမီးများမှာ မီးရောင်ထိန်ထိန် အောက်တွင် ကခုန် မြူးတူး နေကြသည့် အတွက် ပြည်သူ့ တော်လှန်ရေး တပ်သားများက လူချမ်းသာ ရပ်ကွက် အတွင်း ဖွင့်ထားသော "ဘရာဗို" နိုက်ကလပ်ကို ဖေါက်ခွဲတိုက်ခိုက်ပြစ်ခဲ့ကြသည်။
သို့တည်း မဟုတ် ရုရှား၏ ယူကရိန်းကို ကျူးကျော်မှုကြောင့် တကမ္ဘာလုံး အထွေထွေ အကျပ် အတည်းကြီး နှင့် ကြုံနေရချိန်တွင် မိမိတို့၏ အဖြစ်ကို အားကိုး အားထား ပြုနေသော ဆရာ သမား နှစ်ဦးက ငဲ့ညှာရကောင်းမှန်း မသိ၊ ပေယျာလကန်ပင် ပြုလာခဲ့ကြရုံမက တရုတ်သည် ၎င်း၏ စွမ်းအင် လိုအပ်ချက်များ ကို ဖြည့်တင်းနိူင်ရန် ပိုက်လိုင်းအသစ်များ အတင်း ဆောက် လုပ်ခိုင်းနေသည့် အဖြစ်ကို မျက်ဝါးထင်ထင် တွေ့မြင်လာရပြီး စိတ်ဓါတ်များ ကျဆင်းကာ ကြံရာမရ ဖြစ်လာပုံလည်း ရသည်။
လက်ရှိ အာဆီယံ ၏ အထူး သံတမန် ကမ္ဘောဒီယား နိုင်ငံခြားရေး ဖြစ်သူ၏ မြန်မာပြည် အရေး ဖြေရှင်းမှုကို ကူညီရန် ဆိုကာ ဟွန်ဆန်မှ မြန်မာပြည်သူများ၏ ယုံကြည်ကိုးစားမှု လုံးဝမရှိ သည့် နီပွန် ဖောင်ဒေးရှင်း ဥက္ကဌ ဖြစ်သူ ဆာဆာကာဝါ ကို ဖနွမ်းပင်သို့ ပင့်ဖိတ်လာပြန်သည်။ ဟွန်ဆန်သည် အာဆီယံ အဖွဲ့အားလည်း တိုင်ပင်ခြင်း မရှိဘဲ ဒုတိယ အကြိမ် အမှားတခုကို ကျူးလွန်လိုက်ခြင်းဖြစ်သည်။ ထို့အတွက် အာဆီယံ အထူးသံတမန်၏ လာမည့် ခရီးစဉ်သည် အောင်မြင်နိုင်မည့် အခွင့်အရေး မှာ ပို၍ ဝေးကွာသွားခဲ့ရပြီ ဖြစ်သည်။
အာဆီယံ သံတမန်သည် မြန်မာပြည်သူတို့ ရင်ဆိုင်နေရသော နိုင်ငံရေး အကျပ်အတည်းကို ဖြေရှင်း ရန် စိတ်မကူးတော့ဘဲ လူသားချင်းစာနာ ထောက်ထားသည့် အကူအညီများ ပေးနိုင်ရန် အပစ်ရပ်ကြပါဟု စစ်အာဏာရှင်လည်း သက်ဆိုးရှည်၊ ၎င်းတို့အဖို့ နားငြီးသက်သာမည့် လမ်းကို ရွေးချယ်လိုက်ပုံရသည်။ အာဆီယံသည် ထိုသို့ ဖြစ်လာလျှင် ကောင်းလေစွ တိုးတက်မှု ရှိပါပေသည်ဟု ရင့်ကျူးလာတော့မည် ဖြစ်သည်။
ပြည်သူများ အဖို့က မိမိတို့ ယုံကြည်အားထားနေကြသည့် အမျိုးသား ညီညွတ်ရေး အစိုးရက တစွန်းတစမျှပင် ဆက်သွယ်ဖို့ မကြိုးစားပဲ ၎င်းတို့ အပေါ် အကြမ်းဖက်နေသည့် စစ်ကောင်စီ နှင့် လက်ဝါးချင်း ရိုက်ပြီး ချပြလာမည့် မည်သို့သော် ဖြေရှင်းချက်မျိုးကိုမှ လက်ခံကြလိမ့်မည် မဟုတ်ပေ။
စစ်အာဏာရှင်တို့နှင့် အတူယှဉ်တွဲနေထိုင်သွားရေး ဝါဒ ကျင့်သုံးနေသည့် တိုင်းရင်း သား ဒေသများတွင် မူးယစ်ဆေးဝါး ထုတ်လုပ် ဖြန့်ချီနေမှုက တဟုန်ထိုး မြင့်တက်လာနေပြီး အိမ်နီချင်း နိုင်ငံများတွင် အလျှံပယ်ဖြစ်လာကာ ဈေးပင် ထိုးကျလာနေသည်ဟု ကုလ မူးယစ် ဆေးဝါး ထိန်းချုပ်ရေး အဖွဲ့က ဆိုသည်။ ဖမ်းဆီးရမည့်သည့် ပမာဏ သည် ထိုင်းတွင် ၂၀%၊ မလေးရှားတွင် ၄၀% နှင့် လာအိုတွင် ၆၂၀% အထိ စံချိန်တင် မြင့်တက်သွားပြီ ဖြစ်သည်။
ယခုအခါ ကမ္ဘာတဝှမ်းက ရုရှားအား တက်ညီလက်ညီ စီးပွားရေး ပိတ်ဆို့ လာနေသည့် အရှိန် အဟုန် ကို အခွင့်ကောင်းယူကာ မြန်မာရှိ စစ်အာဏာရှင်များကိုလည်း အလားတူ လောင်စာ ဆီများ ပိတ်ဆို့ရန် အပူတပြင်း တောင်းဆိုလာနေကြပြီ ဖြစ်သည်ဟု ဝေါ်စထရိ ဂျာနယ် သတင်းစာကြီးတွင် ရေးသားလာခဲ့သည်။ ရုရှားဖက် ယိမ်းသွားမည် ဆိုသော အနောက်နိုင်ငံများ အနေဖြင့် စိုးရိမ်ကြောင့်ကြစရာ မလိုတော့သည် အခြေကို ဆိုက်လာခဲ့၍လည်း ဖြစ်သည်။
စစ်တပ်သည် တိုက်လေယာဉ်များ နှင့် အရပ်သားများ အပေါ် ဗုံးကြဲတိုက်ခိုက်လာနေသည့် အတွက် ငါးနှစ် အရွယ် လူပမယ် ကလေး သူငယ်များ အပါအဝင် အမြောက်အမြား သေဆုံး နေကြသည်ဟု ပြီးခဲ့သည့် လ က ထုတ်ပြန်ခဲ့သည်။
စစ်ကောင်စီသည် လေယာဉ်ဆီများကို မည်သည့်နေရာမှ ဝယ်ယူတင်သွင်းနေသည်ကို ထုတ်ဖေါ်ပြောဆိုခြင်း မရှိပေ။ သို့သော် ယခု အချိန်အထိ နိုင်ငံများက စစ်တပ်ထံ တင်ပို့ ရောင်းချနေကြဆဲ ဖြစ်သည်ဟု ထောက်ပြခဲ့ကြသည်။ ၁၀၀% နီးပါးသည် စင်္ကာပူရှိ သိုလှောင်ကန်များမှ တင်ပို့နေခြင်း ဖြစ်သည်ဟု သတင်းစာက ဆိုသည်။ ရှဲလ်၊
အက်ဆွန် မိုဘီးလ် နှင့် ချေဗရွန်တို့က ကြားပွဲစားများကို ရောင်းချပြီး ၎င်းတို့မှတဆင့် ပြန်တင်ပို့နေကြခြင်းလည်း ဖြစ်သည်ဟု ဆိုသည်။
လောင်စာဆီများကို Singapore Refining Co. ၏ ဆိပ်ကမ်းမှ ရန်ကုန်ရှိ သီလဝါ ဆိပ်ကမ်းသို့ တိုက်ရိုက် တင်ပို့နေခြင်း ဖြစ်သည်။ အဆိုပါ ဆိပ်ကမ်းအား ချေဗရွန် နှင့် တရုတ် အစိုးရပိုင် PetroChina ၏ လက်ခွဲ Singapore Petroleum Company တို့ ဖက်စပ်လုပ်ကိုင်နေခြင်း ဖြစ်သည်။
ထို့အတွက် လေယာဉ်ဆီများ ရောင်းချရန် ပိတိပင်မည် ဆိုက စင်္ကာပူရှိ ကုမ္ပဏီများ လိုက်နာရန် အထူးလိုအပ်သည်ဟုလည်း ထောက်ပြခဲ့သည်။
ဝေါ်စထရိ ဂျာနယ်မှ ထိုသို့ လူသိရှင်ကြား ဖေါ်ထုတ်လိုက်ခြင်းကြောင့် နိုင်ငံတွင်း ဖြစ်ပေါ် နေသည့် အကြမ်းဖက် လုပ်ရပ်များကို ရဲရဲတောက် ဆန့်ကျင်နေသည့် စင်္ကာပူ နိုင်ငံခြားရေး ဝန်ကြီး အဖို့ မျက်နှာပူစရာ ဖြစ်လာရပေသည်။
လက်ရှိတွင် ကမ္ဘာတဝှမ်းရှိ လူ့အခွင့်အရေး အဖွဲ့များ၊ ဗြိတိသျှ ပါလီမန် အမတ်များပါမကျန် မြို့ပြ အဖွဲ့အစည်း အသီးသီးက တညီတညွတ်တည်း ပိုမို ကျယ်လောင်စွာ တောင်းဆိုလာနေပြီ ဖြစ်၍ အနှေး နှင့် အမြန် ဖြစ်လာမည်ကား သေချာနေပြီ ဖြစ်သည်။
ထိုသို့ ပြောင်းလဲလာနေသည့် နိုင်ငံတကာ အခြေအနေများ ကြောင့် မိမိတို့ အဖို့ ၂၀၂၂ ကျော်၍ ဆက်လက်တည်မြဲနေပါဦးမည်လောဟု အိမ်တွင်းအောင်းကာ တွေးတောနေသောကြောင့် လည်း ဖြစ်နိူင်ပေသည်။
ပြည်သူတို့၏ ခုခံတွန်းလှန်စစ် မုချအောင်ရမည်!!!
လှစိုးဝေ
Image Credit – Rest of World
"ဂက်စ်ဆီစျေး...ထပ်တက်မည်တဲ့ဗျို့"
ရုရှားဆီက. သွင်းတဲ့အန်နာဂျီထွက်ကုန်( ဂက်စ်ဆီ။ ကျောက်မီးသွေး။ ဂက်စ်) ကို.. အမေရိကားတင်သွင်းတာပိတ်လိုက်ပါပြီ..။ တခြားနေတိုးနိုင်ငံတွေ.. မပိတ်.. ဆန်ရှင်မလုပ်သေးပါ..။
အဲဒါကြောင့်.. ပြည်တွင်းဆီစျေးထပ်တက်ပါမယ်... ဆိုပါတယ်..။
အမေရိကားအတွက်.. အားလုံးတင်သွင်းဂက်စ်ဆီရဲ့.. ၈% မို့.. မထောင်းသာလှပေမယ့်.. ကမ္ဘာအတွက်.. ထိပါမယ်..။ အမေရိကားက.. အဲဒီကုန်ကြမ်းကနေ.. ကုန်ချောတွေပြန်ထုတ်ရောင်းတာ.. ရှိတာမို့ပါ..။
ဘိုင်ဒင်အုပ်ချုပ်ရေးက.. တပြိုင်ထဲ.. မူလအရင်က.. တားမြစ်..ဆန်ရှင်လုပ်ထားတဲ့.. အီရန်နဲ့.. ဗင်နီဇွဲလားနိုင်ငံတွေကိုလည်း.. စကားပြောနေပါတယ်..။ ကမ္ဘာ့ဆီထုတ်.. လိုအပ်တဲ့ကွက်လပ်ကို.. ဖြည့်ထုတ်ပေးဖို့ပါ..။ အိုပက်ကလည်း.. တိုးမထုတ်တာမို့တဲ့..။
အိုပက် - အာရပ်ဆီသူဌေးကြီးတွေ.. ပိုက်ဆံတွေကဲ့ယူနေ..။
ရီပါ့ဗလစ်ကန်ပါတီခေါင်းဆောင်တွေ.. အခုသတင်းစာရှင်းလင်းပွဲလုပ်ပါတယ်..။
ရုရှားဆီပိတ်တာ.. အိုကေ..။
အီရန်နဲ့.. ဗင်နွီဲလားကို.. ချည်းကပ်.. ဆန်ရှင်လျှော့ပေးတာ.. မလုပ်သင့်လို့ဆိုပါတယ်..။
အဲဒီအစား.. ပြည်တွင်းမှာ.. တိုးထုတ်ပါတဲ့..။ ကီးစတုန်းပိုက်လိုင်းကို.. ပြန်ဖွင့်ပါတဲ့...။
ကနေဒါ.. ကီးစတုန်းပိုက်လိုင်းက.. ထုတ်ပေးမယ့်ဆီပမာဏက.. ရုရှန်းဆီသွင်းပမာဏနဲ့.. တူတူလောက်ပါတဲ့..။
ဆိုတော့...
သတင်းကအဲလို..။ ဂက်စ်ဆိုလင်းစေျးတက်မှာလည်း.. အဲလို...။
သခင်Kai Nwor
https://www.foxbusiness.com/politics/biden-russian-oil-import-ban
၆ ကျပ် ၊ ၃ ကျပ် ၊ ၁၀ ကျပ် သတ်မှတ်အဖိုးအခထက်ပိုတောင်းကတိုင်ကြားနိုင်
========
နိုင်ငံသားစိစစ်ရေးကတ်ပြား သတ်မှတ်အဖိုးအခဖြစ်သည့်
နိုင်ငံသားစိစစ်ရေးကတ်ပြားလျောက်ထားပါက ၆ ကျပ်။
နိုင်ငံသားစိစစ်ရေးကတ်ပြားလဲလှယ် လျောက်ထားပါက ၃ ကျပ်။
နိုင်ငံသားစိစစ်ရေးကတ်ပြားပျောက်ဆုံး/ပျက်ဆီးမိတ္တူ လျောက်ထားပါက ၁၀ ကျပ်။
သတ်မှတ်အဖိုးခထက်ပိုကတိုင်ကြားနိုင်
(စံတော်ချိန်ကမေးမြန်းသည်ကို
လဝက ကပြန်လည် ဖြေကြားထားချက်ပါ)
ဗုံးခွဲခံရတဲ့ Brave Bar နဲ့ စစ်ကောင်စီဘယ်လိုပတ်သက်နေတာလဲ
Brave Bar နဲ့ စစ်ကောင်စီဘယ်လိုပတ်သက်နေတာလဲ
၇.၁၀.၂၀၂၁နေ့တွင်ရန်ကုန်တိုင်း,မရမ်းကုန်းမြို့နယ်,ကန်ရိပ်သာလမ်းရှိ Brave Bar အမည်ခံ Clubအား စစ်ကောင်စီတပ်မှ ည ၁၁:၄၅ နာရီတွင် ဝင်ရောက်ဖမ်းဆီးရာ Brave Bar Clubတွင် အရက်,မူးယစ်တေဆေးဝါးများသုံးစွဲပြီးပျော်ပါးနေတဲ့ အမျိုးသား အမျိုးသမီး ဝန်ထမ်းအပါအဝင် စုစုပေါင်း လူ၂၀၀ဝန်းကျင်ခန့်ဖမ်းဆီးခံရတယ်လို့ ကနဦးသိရှိရပါတယ်။
ဒါပေမယ့် ယနေ့ မနက် ၉:၀၀ နာရီဝန်းကျင်တွင် အဆိုပါ Brave Bar Clubအတွင်းဖမ်းဆီးခံရတဲ့ ဧည့်သည်များ,clubရှိမန်နေဂျာ,ဝန်ထမ်းအားလုံး အန္တရာယ်ကင်းစွာ မိမိတို့နေအိမ်အသီးသီးသို့ ပြန်ရောက်နေပြီဖြစ်ကြောင်း သတင်းခိုင်မာစွာကြားသိရပါတယ်။
ညတုန်းက စစ်ကောင်စီတပ်ကဖမ်းခံရတဲ့သူအားလုံး လွတ်မြောက်သွားကြောင်း မည်သူ့ကိုမှဆက်လက်ဖမ်းဆီးထိန်းသိမ်းထားခြင်းမရှိကြောင်း သိရှိရပါတယ်။
Brave Bar ကို အခုလို ည၁၀ နာရီကစပြီး မနက်၄နာရီအထိ ညမထွက်ရအမိန့်ထုတ်ထားတဲ့အချိန်ဘယ်လိုပုံစံနဲ့ဖွင့်ထားတာလဲ ဆိုတဲ့အချက်ကအရေးကြီးပါတယ်။
Bar ဖြစ်ဖြစ်Clubဖြစ်ဖြစ်တိတ်တဆိတ်မသိအောင် ခိုးပြီးလျှို့ဝှက်ဖွင့်လို့အဆင်ပြေတဲ့လုပ်ငန်းမျိုးမဟုတ်ပါဘူး။ဒါဆိုအခုလို ညမထွက်ရအမိန့်ထုတ်ထားတဲ့အချိန်Bar တို့ clubတို့ ဖွင့်နိုင်တယ်ဆိုတာ နယ်မြေမြို့နယ်ရဲစခန်း,ခရိုင်ရဲတပ်ဖွဲ့လောက်ကို လာဘ်ပေးပြီးဖွင့်ဖို့မဖြစ်နိုင်ပါဘူး။
လက်ရှိအာဏာသိမ်း စစ်ကောင်စီခေါင်းဆောင်ပိုင်းအချို့နဲ့ပက်သက်မှုရှိမှဖွင့်လို့ရတဲ့အခြေအနေပါ။Brave Bar ကဘယ်သူပိုင်တာလဲ,ပိုင်ရှင်ဘယ်သူဖြစ်နေလို့အခုလိုပေါ်ပေါ်ထင်ထင်ဖွင့်ရဲတာလဲဆိုတော့ Brave Barရဲ့ပိုင်ရှင်က ကိုစိုးလှိုင်ဆိုတဲ့စီးပွားရေးသမားတယောက်ဘဲဖြစ်ပါတယ်။ကိုစိုးလှိုင်ဆိုတဲ့ Brave Barပိုင်ရှင်က ဘယ်သူဖြစ်နေလို့လဲဆိုတဲ့မေးခွန်းမေးစရာရှိပါတယ်။
Brave Bar ပိုင်ရှင် ကိုစိုးလှိုင် မှာ အမွှာညီအကို နောက်တယောက် ကိုစိုးနိုင်ဆိုတဲ့တယောက်ရှိပါသေးတယ်။သူတို့ ညီအကိုနှစ်ယောက်က (နအဖ)အစိုးရ ဦးသန်းရွှေလက်ထက် ၂၀၀၉-၂၀၁၀ဝနိးကျင်လောက် DoKoMoနာမည်နဲ့ မြေနီကုန်း,ပါရမီနဲ့နေရာတချို့မှာ တန်ဖိုးနည်းတရုတ်ဖုန်းများကို ရောင်းတဲ့ဆိုင်ဖွင့်လှစ်ပြီး လိုင်စင်မဲ့ကားကိုသာဝယ်စီးနိုင်တဲ့အခြေအနေသာရှိပြီး တရုတ်ပြည်ထုတ်တန်ဖိုးနည်းဖုန်းများကိုသာ သူတို့ညီအကိုနှစ်ဦးပိုင်တဲ့ DoKoMoဖုန်းဆိုင်တွေမှာ ရောင်းရတဲ့တန်ဖိုးနည်း စီးပွားရေးလုပ်ငန်းလုပ်ကိုင်နေခဲ့ရသူတွေပါ။
ဒါပေမဲ့၂၀၁၆နောက်ပိုင်း ကိုစိုးလှိုင်ရဲ့စိးပွားရေးလုပ်ငန်းတွေက DoKoMoဖုန်းဆိုင်ခွဲတွေမဟုတ်တော့ပါဘူး။ယခုစစ်ကောင်စီတပ်ကဝင်ဖမ်းတဲ့ ကန်ရိပ်သာလမ်းက BraveBar,ဆရာစံလမ်းပေါ်က World Wide KTV,၇မိုင် ကုန်းမြင့်ရိပ်သာလမ်းက Icon KTV,Worldwide KTV Mdy,Icon KTV Mdy,ဆရာစံလမ်းပေါ်က Canton Paradise Chinese Fine dining Restaurant ,ဆရာစံလမ်းပေါ်က Beauty In The Pot Hot Pot ဆိုင်,ဆရာစံလမ်းပေါ်က NYX KTV,JanJanJan Japanese Restaurant,Brave Empire Production ရုပ်ရှင်ထုတ်လုပ်ရေးလုပ်ငန်း,Hotel SS Aung Ban စသည့်လုပ်ငန်းများအပြင် သိန်း၃သောင်းအထက် အိမ်ခြံမြေအရောင်းအဝယ်လုပ်ငန်းများကိုလုပ်ကိုင်နေတာတွေ့ရပါတယ်။
ယခုလက်ရှိ Brave Bar ပိုင်ရှင် စီးပွားရေးလုပ်ငန်းရှင်သူဌေးက 7miles Villa လို့ခေါ်တဲ့ ၇မိုင် အေဒီမီးပွိုင့်အနီး ပြည်လမ်းပေါ်ကနေဝင်ရတဲ့ ခြံတစ်ခြံအကျယ်အဝန်း ၁ဧကကျယ်ဝန်းတဲ့ခြံ ၇ခြံသာရှိတဲ့ ခြံတွေထဲက ခြံတစ်ခြံမှာ နန်းတော်ကြီးပုံစံအိမ်နဲ့နေထိုင်လျက်ရှိပါတယ်။
နိုင်ငံရဲ့စီမံကိန်းတွေလုပ်တဲ့လုပ်ငန်းတခုမှမရှိဘဲဘာကြောင့် နှစ်အနည်းငယ်အတွင်းချမ်းသာမှုပမာဏအများကြီးရှိတာလဲဆိုတဲ့အကြောင်းအရင်းက ကိုစိုးလှိုင်လုပ်တဲ့လုပ်ငန်းအများစုက Night Life(ညပိုင်းဖျော်ဖြေရေးလုပ်ငန်း)တွေဖြစ်နေတော့ အဓိက မူးယစ်ဆေးဝါးအရောင်းအဝယ်လုပ်ငန်းဖြစ်နေတာကြောင့်ဖြစ်ပါတယ်။ဒီလိုလုပ်ငန်းကို တကယ့်ဖြန့်ဖြူးရောင်းချတဲ့လုပ်ငန်းလုပ်ကိုင်နေတဲ့သူတစ်ယောက်က တပ်ကထိပ်ပိုင်းခေါင်းဆောင်တွေနဲ့အကျိုးတူလုပ်ကိုင်နိုင်မှ မူးယစ်ဆေးဝါးများကို တရားဝင်ပုံစံဖြန့်ဖြူးရောင်းချနိုင်မှာဖြစ်တယ်။
ကိုစိုးလှိုင်ရဲ့လုပ်ငန်းတစ်ခုဖြစ်တဲ့ World Wide KTV Mdyမှာ ၂၀၁၈ခုနှစ်ဝန်းကျင်က ပြည်ထဲရေးဝန်ကြီးဌာနမှသတင်းအရ မူးယစ်ဆေးဝါးကုန်သွယ်မှုလုပ်ငန်းအကြီးအကျယ်လုပ်ကိုင်တဲ့ ကုန်သည်တွေ Mdy World Wide KTVမှာ ရောက်နေတယ်လို့သတင်းအတိအကျနဲ့တိုင်တဲ့အတွက် ဝင်ရောက်ဖမ်းဆီးခဲ့ပါတယ်။
ထိုသို့ဖမ်းဆီးရာအဓိကတရားခံ၅ဦးဖမ်းခံရပေမယ့် သတင်းတစုံတရာထုတ်ပြန်ခြင်းမရှိခဲ့ပါဘူး,ဖမ်းခံရတဲ့သူ၅ဦးအနက် ၁ဦးက မန္တလေးနဲ့ရန်ကုန် ကျောက်သူဌေးလောကမှာ နာမည်အရမ်းကြီးတဲ့ ဦးအိုက်ထွေး(ကျောက်အရောင်းအဝယ်လုပ်ငန်းရှင်)ရဲ့သားမက် ကိုအောင်ဝင်း ဆိုသူဖြစ်ပါတယ်။အခုလို မူးယစ်ဆေးဝါးကိုနိုင်ငံတကာရောင်းတဲ့ မူးယစ်ရာဇာတစ်ယောက် ဖမ်းခံရပြီး၁နှစ်မပြည့်ခင်အချိန်အတွင်းမှာ လွတ်မြောက်လာခဲ့ပါတယ်။
ဘယ်သူမှ မသိတဲ့ကြီးမားတဲ့ဖြစ်စဉ်တစ်ခုပါ။နောက်ပြီး ကိုစိုးလှိုင်ရဲ့ World Wide KTV Mdyဆိုင်ကတစုံတရာ အရေးယူခံရခြင်းမျိုးလည်းမဖြစ်ခဲ့ပါဘူး။ ကိုစိုးလှိုင်ပိုင်ဆိုင်တဲ့ KTV,Club,Barနေရာတိုင်းမှာ စိတ်ကြွမူးယစ်ဆေးဝါးတွေဖြစ်တဲ့ Ecstasy ၁ပြား၈သောင်း,Ketamine 1gram ကို ၁သိန်း၂သောင်း,Cocaine 1gram ၃သိန်းမှ ၆သိန်း,Molly Capsule ၁တောင့် ၁သိန်း စသည့် party drugs(ပျော်ပွဲရွင်ပွဲသုံးမူးယစ်ဆေးဝါးများ),Ice,ရာမ စသည့်မူးယစ်ဆေးဝါးမျိုးစုံကို သုံးစွဲဖို့ accessories များအဆင်သင့်ပြင်ဆင်ထားပြီး အဆင်သင့်သုံးစွဲနိုင်ရန်စီစဉ်ပေးထားပြီး ကိုယ်ကြိုက်နှစ်သက်ရာ မူးယစ်ဆေးဝါးများကို စိတ်ကြိုက်လွယ်ကူစွာဝယ်ယူ သုံးစွဲ နိုင်တဲ့နေရာတွေက ကိုစိုးလှိုင်ပိုင်ဆိုင်တဲ့ နေရာတွေမှာလွယ်လင့်တကူလွတ်လပ်စွာဝယ်ယူသုံးစွဲနိုင်အောင်ရောင်းချလျှက်ရှိပါတယ်။
ကိုစိုးလှိုင်ရဲ့ရင်းနှီးတဲ့ လုပ်ငန်းစပ်တူလုပ်ကိုင်တဲ့သူတွေ အာဏာသိမ်းစစ်ခေါင်းဆောင်တပ်ချုပ် မင်းအောင်လှိုင် သမီးခင်သီရိသက်မွန်နှင့် ခင်ပွန်းဟောင်းလင်းမြင့်ဖွယ်(DJ Xoon Mite),သားအငယ် အောင်ပြည့်စုံနှင့်ချွေးမ မျိုးရတနာထိုက်,ဒုချုပ်စိုးဝင်း (DSA22)ရဲ့မယားပါသားအငယ်လင်းထူးနှင့် ချွေးမ သဲသဲ (Mdy ရဲ့လုပ်ငန်း),ပြည်ထဲရေးဝန်ကြီးဟောင်း ဒုဗိုလ်ချုပ်ကြီးကျော်ဆွေ(DSA 22),ပြည်ထဲရေးဒုဝန်ကြီးဟောင်း ဒုဗိုလ်ချုပ်ကြီး အောင်စိုး(DSA 26),ရဲချုပ်ဟောင်း ရဲချုပ်အောင်ဝင်းဦး (DSA26),လက်ရှိပြည်ထဲရေးဝန်ကြီး ဒုဗိုလ်ချုပ်ကြီး စိုးထွဠ်(OTS 64),စရခချုပ်ဒုဗိုလ်ချုပ်ကြီး ရဲဝင်းဦး (OTS 77) တို့ပဲဖြစ်ပါတယ်။
ဒါမျိုးတပ်ရဲ့ထိပ်ပိုင်းခေါင်းဆောင်တွေနဲ့ လုပ်ငန်းအတူလုပ်ကိုင်နေသူဖြစ်လို့ မနေ့ညပိုင်း၁၁:၄၅မှာ စစ်ကောင်စီတပ်က ဝင်ရောက်ဖမ်းဆီးပေမဲ့ ဖမ်းဆီးခံရသူ ၂၀၀ဝန်းကျင်ထဲမှာ တစ်ယောက်မှဖမ်းဆီးထိန်းသိမ်းခြင်းမခံရ,ပိုက်ဆံပေးစရာမလိုဘဲ ခံဝန်ထိုးပြီး ပြန်လည်လွတ်မြောက်ခဲ့ခြင်းဖြစ်ပါတယ်။
ကိုစိုးလှိုင်ရဲ့ ရုပ်ရှင်ထုတ်လုပ်ရေးရဲ့အဓိက မင်းသားက ပြည်သူတွေရဲ့အချစ်တော်မင်းသားပိုင်တံခွန်ပဲဖြစ်ပါတယ်။ မင်းသားပိုင်တံခွန်က လက်ရှိ ၅၀၅-ကနဲ့ အင်းစိန်ထောင်မှာ အမှုရင်ဆိုင်နေရပါတယ်။ပိုင်တံခွန်ဖမ်းခံရတဲ့ဖြစ်စဉ်အမှန်က မင်းသားပိုင်တံခွန်က လွတ်မြောက်နယ်မြေတစ်ခုသို့ရောက်ရှိနေပြီး သူ့အတွက်လွတ်မြောက်နယ်မြေမှာ နေထိုင်ဖို့အဆင်မပြေတဲ့အကြောင်းပြချက်နဲ့ မင်းသားပိုင်တံခွန်က သူ့ရဲသူဌေးရုပ်ရှင်ထုတ်လုပ်ရေးပိုင်ရှင်ကိုစိုးလှိုင်ကိုဆက်သွယ်ပြီး ကိုစိုးလှိုင်ရဲ့ အစီအစဉ်ပြုလုပ်ပေးမှုကြောင့် စစ်ဖက်ရေးရာလုံခြုံရေးတပ်ဖွဲ့ (စရဖ)တပ်ဖွဲ့ဝင်များက မင်းသားပိုင်တံခွန်ကို သူ့ရဲ့နေအိမ်မြောက်ဒဂုံသို့ လျှို့ဝှက်ပို့ဆောင်ပေးခဲ့ပါတယ်။
စစ်ကောင်စီက ည၈နာရီသတင်းမှာ ၅၀၅-က ဝရမ်းထုတ်ပြန်ခံရတဲ့အနုပညာရှင်တွေစာရင်းတွေကြေငြာတဲ့အခါ April ၇ရက်နေ့မှာမင်းသားပိုင်တံခွန်ရဲ့ ဝရမ်းထုတ်ခံရတယ်ဆိုတာ သတင်းမှာပါလာပါတယ်။ စရဖတပ်ဖွဲ့နဲ့ပြည်ထဲရေးတပ်ဖွဲ့အချင်းအချင်းမကျေနပ်မှုကြောင့် နေအိမ်သို့တိတ်တဆိတ်ပြန်ရောက်နေတဲ့ ပိုင်တံခွန် သတင်းရထားပြီးဖြစ်နေတဲ့အတွက် April ၈ရက်နေ့မနက်လင်းအားကြီးအချိန် ပိုင်တံခွန်ရဲ့ နေအိမ်မှာဝင်ရောက်ဖမ်းဆီးခဲ့ပါတယ်။ ထိုသို့ဖမ်းဆီးပြီးပိုင်တံခွန်ကို အင်းစိန်အကျဉ်းထောင်သို့ ပို့ဆောင်လိုက်ပြီး တရားစွဲဖို့ စီစဉ်ပါတယ်။
ပိုင်တံခွန်အင်းစိန်အကျဉ်းထောင်သို့ပို့ဆောင်ပြီး ၅၀၅-ကဖြင့်စတင်တရားစွဲဆိုတဲ့အခါ Brave Empire Production ထုတ်လုပ်ရေးပိုင်ရှင်ကိုစိုးလှိုင်က တပ်ထိပ်ပိုင်းခေါင်းဆောင်တွေကို ပိုင်နိုင်တဲ့အတွက် ပိုင်တံခွန်ကို မြောက်ဒဂုံ မာရှယ်လော စစ်အုပ်ချုပ်ရေးကြေငြာထုတ်ပြန်ထားတဲ့ မြို့နယ်မှာ ဖမ်းဆီးခံရပေမယ့် ပိုင်တံခွန်ရဲ့ထုတ်လုပ်ရေးပိုင်ရှင်ကိုစိုးလှိုင်ရဲ့ကူညီပေးမှုကြောင့် စစ်ခုံရုံးနဲ့ရုံးတင်တရားစွဲဆို ပြစ်ဒဏ်ချရမှာဖြစ်ပေမယ့် အရပ်ဘက်တရာရုံး မြောက်ဒဂုံမြို့နယ်တရားရုံးကနေအမှုရင်ဆိုင်ရပါတယ်။
ပိုင်တံခွန်လို မြောက်ဒဂုံမြို့နယ်မှာ ဖမ်းဆီးခံရတဲ့ အသက်၂၀ကျော် မိန်းကလေးတစ်ဦးကတော့ စစ်အုပ်ချုပ်ရေးထုတ်ပြန်ထားတဲ့မြောက်ဒဂုံမြို့နယ်မှာဖမ်းဆီးခံရလို့ မြောက်ဒဂုံမြို့နယ် စစ်ခုံရုံးကနေ အလုပ်ကြမ်းနဲ့ထောင်ဒဏ် ၁၁နှစ်ချမှတ်ခံလိုက်ရပါတယ်။ အဆိုပါ မိန်းကလေးဖမ်းခံရတဲ့ရက်နဲ့ ပိုင်တံခွန်ဖမ်းခံရတဲ့ရက်က ၁ရက်ပဲကွာပါတယ်။ဒါကြောင့် Brave Bar ပိုင်ရှင်ကိုစိုးလှိုင် စစ်ကောင်စီကိုဘယ်လိုပိုင်တယ်ဆိုတာ တွေ့နိုင်မြင်နိုင်ပါတယ်။
အပြစ်မဲ့ပြည်သူတွေအိမ်ကို ညဦးပိုင်းအချိန်မှာ စကစတပ်တွေက ရပ်ကွက်တွေထဲဆဲဆိုကြိမ်းမောင်း ဧည့်စာရင်းဝင်စစ်ပြီး အသားလွတ်အပြစ်မရှိဘဲ မတရားဖမ်းဆီးထောင်ထဲထည့်ခံရပေမဲ့ စစ်ကောင်စီနဲ့ပက်သက်တဲ့ရေပေါ်ဆီအသိုင်းအဝိုင်းတွေကတော့ ည၁၀နာရီမထွက်ရဆိုတဲ့ ဥပဒေချိုးဖောက်ကာ တရားမဝင်တဲ့ စိတ်ကြွရူးသွပ်ဆေးပြားတွေကို သုံးစွဲပြီးတည်ဆဲဥပဒေ ပြဌာန်းဥပဒေတွေကို ချိုးဖောက်ကျူးလွန် အပြစ်ရှိပေမယ့် မတရားတဲ့အာဏာသိမ်းစစ်တပ်ရဲ့ မတရားဥပဒေကြောင့် အပြစ်လုပ်တဲ့သူ တရားခံအစစ်တွေက လွတ်မြောက်နေပြီး အပြစ်မဲ့ပြည်သူပေါင်းများစွာကတော့ မတရားဖမ်းဆီး လူမဆန်စွာ နှိပ်စက်သတ်ဖြတ်လူ့အခွင့်အရေးတွေချိုးဖောက်ခံနေရပြီး သူတို့နဲ့မသက်ဆိုင်တဲ့ အကျဉ်းထောင်တွေ စစ်ကြောရေးစခန်းတွေမှာ မတရားဖမ်းဆီးခံနေရတာက မတရားအာဏာလုထားတဲ့ အာဏာရူးစစ်ခေါင်းဆောင်မင်းအောင်လှိုင်နဲ့ အာဏာရူးစစ်ဗိုလ်ချုပ်ကြီးရာထူးကိုယ့်ဘာသာယူထားတဲ့ စစ်အာဏာရှင်ရဲ့ အမွေဆိုးစနစ်ဆိုး အကျင့်ဆိုးတွေကြောင့် ဖြစ်နေရတာပဲ ဖြစ်ပါတယ်။
Credit...
ရန်ကုန်ရှိ Brave Bar ဗုံးခွဲတိုက်ခိုက်ခံရ
—People's Spring
ရန်ကုန်မြို့ ကန်ရိပ်သာလမ်းရှိ Brave Barကို ဗုံးခွဲတိုက်ခိုက်ခဲ့ရာ အဆောက် အဦးနှင့် ကားအချို့ ထိခိုက်ပျက်စီးခဲ့ကြောင်း တရားမျှတမှုယူဆောင်သူတပ်ဖွဲ့ (Justice Bringer Force -JBF)မှ တာဝန်ရှိသူတစ်ဦးက People's Springသို့ ပြောသည်။
"ခရိုနီစိုးလှိုင်က အများအမြင်မှာ လူကြီးလူကောင်းယောင်ဆောင်ပြီး ရန်ကုန်မြို့ ရဲ့ မူးယစ် ဆေးဝါး လုပ်ငန်းစုထဲမှာ အဓိကပါဝင်သူဖြစ်ပါတယ်။ နောက်ပြီး ဖမ်းဆီးခံရပြီး စစ်ကြောရေးသို့ ရောက်ရှိသော မိန်းကလေးများကို လိင်အမြတ် ထုတ်ခြင်းစတဲ့ လူမဆန်တဲ့ လုပ်ရပ်များကို ကျူးလွန်လျက်ရှိတာကြောင့် ကျွန်တော်တို့အဖွဲ့အနေနဲ့ တိုက်ခိုက်ခြင်းဖြစ်ပါတယ်။"ဟု JBF မှတာဝန်ရှိသူက ဆိုသည်။
ယနေ့(မတ်လ ၈ ရက်) ညနေ ၃နာရီခန့်တွင် ဗုံးခွဲတိုက်ခိုက်ခဲ့ခြင်းဖြစ်ပြီး Barပိုင်ရှင်နှင့် ပတ်သက်သည့်အချက်အလက်များကို သေသေချာချာ အတည်ပြုပြီးမှ တိုက်ခိုက်ခဲ့ခြင်း ဖြစ်သည်ဟု ၎င်းက ပြောသည်။
"တိုက်ခိုက်ရေး အင်အားစုများနဲ့ ပြည်သူများကိုလည်း ဒီလူယုတ်မာ ခရိုနီ စိုးလှိုင်နှင့် ၎င်း၏ ပိုင်ဆိုင်မှုများ ကို ပစ်မှတ်ထားတိုက်ခိုက်ကြဖို့ ပြောချင်ပါ တယ်"ဟု ၎င်းက တိုက်တွန်းသည်။
ယင်းတိုက်ခိုက်မှုကြောင့် Brave Barရှေ့တွင် အကြမ်းဖက်စစ်ကောင်စီတပ်ဖွဲ့ ဝင်များ စစ်ဆေးမှုပြုလုပ်နေသည်ဟု ဒေသခံတစ်ဦးက ပြောသည်။
Brave Bar သည် လက်ရှိတွင်လည်း ဖျော်ဖြေရေးအစီအစဉ်များပြုလုပ်၍ အပျော်အပါးများဖြင့် စည်ကားနေသည့် Bar တစ်ခုဖြစ်သည်။
ဖောက်ခွဲတိုက်ခိုက်ခံရမှုများနှင့်ပတ်သက်ပြီး အဆိုပါ Bar မှာ ထုတ်ပြန်ချက် တစ်စုံတစ်ရာ ထုတ်ပြန်ခြင်း မရှိသေးပေ။
ညမထွက်ရ အမိန့်ထုတ်ပြန်ထားသည့်ကာလဖြစ်သည့်ပြီးခဲ့သည့်နှစ် အောက်တ်ိုဘာ ၇ ရက်ကလည်း Brave Bar ကို အကြမ်းဖက်စစ်ကောင်စီက ည၁၁ နာရီကျော်တွင် ဝင်ရောက် ဖမ်းဆီးခဲ့ရာ လူ ၂၀၀ခန့် ဖမ်းဆီးခံခဲ့ရပြီး နောက်တစ်ရက်တွင် ဖမ်းဆီးခံရသူ အားလုံးပြန်လည် လွတ်မြောက်ခဲ့သည်။
JBF အဖွဲ့သည် ဖေဖော်ဝါရီ ၂၈ ရက်ကလည်း စစ်ကောင်စီတပ်ကို ထောက်ခံသည့် Transporter Bar ကို သတိပေးသည့် အနေဖြင့် ဖောက်ခွဲခဲ့ပြီး စစ်တပ်အတွက် ငွေကြေးထောက်ပံ့သည့် နေရာများဖြစ်သည့် Bar ၊KTV နှင့် Club များကို မသွားရန် အဆိုပါ အဖွဲ့က မေတ္တာရပ်ခံ ထားသည်။
(Brave Bar ၌ ပျော်ပါး သောက်းစားနေကြသူများကို တွေ့ရစဥ်၊ ဓာတ်ပုံ - Brave Bar /FB)
#လူထုနွေဦး
#LuduNwayOo
#People'sSpring
#PS
https://www.ludunwayoo.com
https://www.facebook.com/LuduNwayOo
https://www.instagram.com/ludunwayoo/