နိုင်ငံကြီးတွေမှာ~~~~~
ပါတီတခုဟာ နယ်မြေတခုအတွက် ပြိုင်မယ့်
ကိုယ်စားလှယ်တယောက်ပဲလိုတယ်၊
အဲဒီကိုယ်စားလှယ်ကပိုက်ဆံသုံးနိုင်သူ
ဖြစ်ရတယ်၊သူ့ရဲ့ရုံးလုပ်ငန်းအတွက်သူ့
ဖါသာ၅ယောက်လိုအပ်ရင်၅ယောက်ခန့်ရတယ်
ပါတီထောက်ခံသူတွေအွန်လိုင်း
နေစာရင်းပေးပြီးမဲဆွယ်တဲ့
နေ့တွေမှာစာရွက်ဝေတာ
တွေအခမဲ့ကူညီကြတယ်
ပါတီဝက်ဆိုဒ်ကနေပါတီဝင်ခွင့်ရှိိတယ်
ဒါပေမယ့်နှစ်စဉ်ကြေးပေးရလို့ဝင်တဲ့သူနဲတယ်
အမှန်တော့ပါတီဝင်များစရာမလိုပါဖူး
ပါတီကိုမဲထည့်ဖို့ပဲလိုပါတယ်၊ ပါတီအကျီင်္
ကထောက်ခံသူလဲဝတ်လို့ရပါတယ်
ကြေငြာသင့်တာကကိုယ်စားလှယ်အနည်းဆုံးဘယ်လောက်ဘယ်လောက်ပြိုင်ရမယ်
ဆိုပြီးပြဌာန်းရမှာဖြစ်တယ်၊ဒါပေမယ့်နိုင်ငံတဝက်
ပြိုင်ရမယ်ဆိုတာကလဲဖွတ်စိမ်းကောင်တွေပဲလုပ်
နိုင်တာမို့လို့တပါတီစနစ်ဖြစ်နေပြီ ဖွတ်စိမ်းတွေ
တောင်အိမ်ပြင်မထွက်ရဲတာ နိုင်ငံတစိတ်ပြိုင်ရဲရင်
ကံကောင်းပဲ၊
တခုတော့ကောင်းတယ် မိုက်ကယ်ကျော်မြင့်တို့
စွေစောင်းတို့တိုင်ပါတ်ပြီ၊
ဒီဥပဒေဟာ တသီးပုဂ္ဂလတွေအတွက်အကြုံးဝင်
ခြင်းရှိမရှိမသိရပါဖူး၊
သူတို့ဖါသာဘာတွေပဲလုပ်လုပ်ပါ
ပြည်သူအပေါ်သဘောထားမမှန်သူတွေ၊
ပဒေသရာဇ်စနစ်အသက်သွင်းပြီးကျွန်ပြု
သူလိုတွေကိုဖယ်ရှားရမှာပြည်သူတွေရဲ့တာ
ဝန်တရပ်ပါပဲ၊
ဒီမိုယန္တယားမှာအမတ်နဲ့အစိုးရဆိုတာ
ပြည်သူဖြစ်ချင်တာမှန်တယ်ဆိုရင်
လုပ်ပေးရတယ် ပြည်သူကပဲခြိမ်းခြောက်
ခွင့်ရှိတယ် ( နောက်သက်တမ်းမဲမပေး
ပေးဖူးပြောရင်အမတ်တွေကြောက်မှ
ကြောက်ပဲ)
မအလ သမ္မတဖြစ်သည်ဖြစ်စေ
မဖြစ်သည်ဖြစ်စေ ချီးတုံးဟာ
နံ့သာဆီဖြစ်လာစရာ
စောက်ကြောင်းမရှိပါ၊
နိုင်ငံရေးပါတီများ မှတ်ပုံတင်ခြင်း ဥပဒေသစ် ကန့်သတ်ချက် များလွန်းနေ
~~~~~
■ အာဏာသိမ်းစစ်တပ်ရဲ့ အရေးပေါ်ကာလ သက်တမ်း နှစ်နှစ်ပြည့်ဖို့ ရက်ပိုင်းအလိုမှာပဲ စစ်ကောင်စီက နိုင်ငံရေးပါတီများ မှတ်ပုံတင်ခြင်း ဥပဒေသစ်ကို ဇန်နဝါရီလ ၂၆ ရက် မနေ့က ထုတ်ပြန်လိုက်ပါတယ်။
ဒီဥပဒေသစ်ဟာ အရင် စစ်အစိုးရလက်ထက်က ပြဌာန်းထားတဲ့ ဥပဒေတွေထက် ကန့်သတ်ချက်တွေ ပိုများပြီး ရွေးကောက်ပွဲဝင်မယ့် နိုင်ငံရေးပါတီတွေအပေါ် တင်းကြပ်ထားတယ်လို့ ၂၀၂၀ ရွေးကောက်ပွဲအနိုင်ရ နိုင်ငံရေးပါတီ ခေါင်းဆောင်တွေက ပြောပါတယ်။
အာဏာရှင်ဟောင်း ဗိုလ်ချုပ်မှူးကြီးသန်းရွှေ လက်မှတ်ရေးထိုး ထုတ်ပြန်ခဲ့တဲ့ အရင်ဥပဒေဟောင်းမှာတော့ ပြည်ထောင်စု တစ်ဝန်းလုံးမှာ စည်းရုံးမယ့် ပါတီတွေဟာ မှတ်ပုံတင်ခွင့်ပြုတဲ့နေ့ကစလို့ ရက်ပေါင်း ၉၀ (သုံးလ) အတွင်း ပါတီဝင်ဦးရေ အနည်းဆုံး တစ်ထောင် စည်းရုံးရမယ်လို့ ဖော်ပြထားပါတယ်။
အခု စစ်ကောင်စီဥက္ကဋ္ဌ ဗိုလ်ချုပ်မှူးကြီး မင်းအောင်လှိုင် လက်မှတ်ထိုး ထုတ်ပြန်လိုက်တဲ့ ဥပဒေအသစ်မှာတော့ တစ်နိုင်ငံလုံးမှာ ဝင်ပြိုင်မယ့် ပါတီတွေဟာ ပါတီဝင် တစ်သိန်းအထိ စည်းရုံးရမယ့်အပြင် ပါတီရန်ပုံငွေအဖြစ် ကျပ်သိန်းတစ်ထောင် ဘဏ်စာရင်း ဖွင့်ထားဖို့ လိုအပ်ပါတယ်။
တိုင်းနဲ့ ပြည်နယ်တစ်ခုခုမှာ ဝင်ပြိုင်မယ့် နိုင်ငံရေးပါတီတွေကတော့ ပါတီဝင် အရေအတွက် ၁,၀၀၀ နဲ့ ရန်ပုံငွေ ကျပ် သိန်း ၁၀၀ ရှိဖို့ လိုအပ်ပါတယ်။ အရင် ဥပဒေအဟောင်း ပြဌာန်းချက်က ပါတီဝင်ဦးရေ ၅၀၀ သာ ပြဌာန်းထားပါတယ်။
ဒါ့အပြင် ၂၀၂၃ ရွေးကောက်ပွဲအသစ်မှာ ဝင်ပြိုင်မယ့် နိုင်ငံရေးပါတီအားလုံး ဥပဒေသစ် ပြဌာန်းလိုက်တဲ့ ဇန်နဝါရီ ၂၆ ရက်နေ့ကစလို့ ရက်ပေါင်း ၆ဝ အတွင်း မှတ်ပုံတင်အသစ် ပြန်တင်ရမှာပါ။ အဲဒီစည်းကမ်းကို မလိုက်နာရင် နိုင်ငံရေးပါတီအဖြစ်ကနေ အလိုအလျောက် ဖျက်သိမ်းပြီးသားဖြစ်တယ်လို့ ဖော်ပြထားပါတယ်။
ဒီကန့်သတ်ချက်တွေ အရဆိုရင် နိုင်ငံတစ်ဝန်းမှာ ဝင်ပြိုင်နိုင်မယ့်ပါတီက ကြံ့ခိုင်ဖွံ့ဖြိုးရေးပါတီ တစ်ခုတည်းပဲ ကျန်ရှိလိမ့်မယ်လို့ ရှမ်းတိုင်းရင်းသားများ ဒီမိုကရေစီအဖွဲ့ချုပ် (SNLD) အထွေထွေအတွင်းရေးမှူး ဦးစိုင်းလိတ်က ပြောပါတယ်။
“သူတို့ထွက်လိုက်တဲ့ နိုင်ငံရေးပါတီများ မှတ်ပုံတင်ခြင်း ဥပဒေအသစ်အရဆိုရင်တော့ မြန်မာပြည် တစ်ဝန်းလုံးမှာ ပြည်ထောင်စုအဆင့်ဆိုလို့ ကြံ့ခိုင်ရေးပါတီ တစ်ခုတည်းကသာ ဝင်ပြိုင်ပြီးတော့မှ ကျန်တဲ့ပါတီ အကုန်လုံး သူနဲ့ တန်းတူ ဝင်မပြိုင်နိုင်အောင် ကန့်သတ်လိုက်တဲ့ သဘောပေါ့နော်။ နောက်တိုင်းရင်းသား ပါတီတွေကိုတော့ သက်ဆိုင်ရာ သူ့ပြည်နယ် ကိုယ့်ပြည်နယ် ပြန်ပြီးတော့မှ ပြိုင်ကြပေါ့။ အဲမှာတော့ လျော့ပေါ့ထားတာကိုး။ ပြည်ထောင်စုအဆင့်မှာတော့ စောစောပြောသလို ကြံခိုင်ရေးပါတီ တစ်ခုတည်းကိုပဲ နေရာရအောင်ကြံဖန် ရေးထားတဲ့ မှတ်ပုံတင်လို့ ဥပဒေလို့ ဒီလိုပဲနားလည်ပါတယ်ဗျ”
SNLD အနေနဲ့ ပါတီမှတ်ပုံတင်၊ မတင် ဆိုတဲ့ကိစ္စကို ပါတီတွင်း အစည်းအဝေးထိုင်ပြီးမှသာ အတိအကျ သိနိုင်မယ်လို့ သူက ဆိုပါတယ်။
အရင်ဥပေဒဟောင်းမှာ နိုင်ငံရေးပါတီတွေ ရေရှည်ရပ်တည်နိုင်ဖို့အတွက် မဲဆန္ဒနယ် အနည်းဆုံး သုံးနေရာမှာ ဝင်ရောက်ယှဉ်ပြိုင်ရမယ်လို့ ဖော်ပြထားပါတယ်။ အခု ဥပဒေသစ်မှာတော့ ပြည်ထောင်စု တစ်ဝန်းလုံးမှာ စည်းရုံးမယ့် နိုင်ငံရေးပါတီဟာ မဲဆန္ဒနယ် အားလုံးရဲ့ တစ်ဝက်တိတိမှာ ဝင်ရောက်ယှဉ်ပြိုင်ရမယ်လို့ တင်းကျပ်ထားပါတယ်။
ဒါဟာ အနည်းဆုံး မဲဆန္ဒယ်နယ် အရေအတွက် ၅၈၀ ကျော်မှာ ဝင်ပြိုင်ရမှာဖြစ်လို့ ပါတီငယ်တွေ ရွေးကောက်ပွဲ မဝင်နိုင်အောင် ရည်ရွယ်ချက်ရှိရှိ ကန့်သတ်ထားတာလို့ နိုင်ငံရေးအကဲခတ်တွေက ပြောပါတယ်။
ဒီဥပဒေသစ်ဟာ တိုင်းရင်းသားပါတီငယ်တွေ မဲဆန္ဒနယ်အများစုမှာ ဝင်ရောက်ယှဉ်ပြိုင်ဖို့ အတော်ခက်ခဲစေတယ်လို့ ဖက်ဒရယ်ပြည်ထောင်စုပါတီ (FUP) ဥက္ကဋ္ဌ ဦးစောသန်းမြင့်က ပြောပါတယ်။
“ပါတီဝင် တစ်သိန်း အခုကစပြီးတော့ စည်းရုံးရမယ်ဆိုတဲ့ ကိစ္စကလည်း အင်မတန့် အင်မတန်ကို ခက်ခဲတဲ့ ကိစ္စဖြစ်ပါတယ်။ တိုင်းပြည်ရဲ့ အနေအထား နိုင်ငံရေး၊ တရားဥပဒေ စိုးမိုးရေး၊ တိုင်းပြည် တည်ငြိမ်အေးချမ်းရေး အနေအထားရ ပါတီဝင် တစ်သိန်းဆိုတာလည်း ကျနော်တို့မှာ အင်မတန် အခက်အခဲ ဖြစ်တယ်ပေါ့နော်။ မြို့နယ်ပေါင်း ၁၆၅ မြို့နယ်မှာ အနည်းဆုံး ရုံးဖွင့်ရမယ်။ မြို့နယ်ရုံးတွေ ဖွင့်ရမယ်။ ဒီကိစ္စမှာလည်း ပါတီရုံးကိုပါ ကန့်သတ်ထားတဲ့ အနေအထားဖြစ်တဲ့ အခါကျတော့ အဲဒါလည်း တော်တော်ခက်ခဲတဲ့ကိစ္စ ဖြစ်ပါတယ်”
ဒီဥပဒေသစ်ကြောင့် လက်ရှိ မှတ်ပုံတင်ထားတဲ့ နိုင်ငံရေး ပါတီပေါင်း ၉၀ ကျော်မှာ အများစုက အခက်အခဲ အကျပ်အတည်းတွေနဲ့ ရင်ဆိုင်နေရပြီလို့ တိုင်းရင်းသား အင်အားကြီး ပါတီတစ်ခုဖြစ်တဲ့ ရခိုင်အမျိုးသားပါတီ (ANP) ဥက္ကဋ္ဌ ဦးသာထွန်းလှက ပြောပါတယ်။
“ဒီဥပဒေ ထွက်လာတဲ့ အတွက်ကြောင့် ကျနော်တို့ ပါတီအပြင် မြန်မာနိုင်ငံတွင်းမှာရှိတဲ့ တခြား တစ်နိုင်ငံလုံးကို စည်းရုံးဖို့အတွက် တခြား တိုင်းရင်းသားပါတီတွေလည်း အကျပ်အတည်း အခက်အခဲရှိသလို ပါတီအများစုကတော့ ဒီဥပဒေ ထုတ်ပြန်တဲ့အတွက်ကြောင့် မြန်မာနိုင်ငံမှာ အခု တရားဝင် မှတ်ပုံတင်ထားတဲ့ ပါတီပေါင်း ၉၀ ကျော်မှာ ပါတီအများစုက အကျပ်အတည်း အခက်အခဲဖြစ်သွားပြီလို့ ကျနော်တော့ အဲဒီလို ရှုမြင်တယ်”
ဒီဥပဒေသစ်နဲ့ ပတ်သက်ပြီး ရွေးကောက်ပွဲဝင်ဖို့ ပြင်ဆင်မှုများစွာ လုပ်နေတဲ့ ကြံ့ခိုင်ဖွံ့ဖြိုးရေး ပါတီရဲ့ အမြင်သဘောထား သိနိုင်ဖို့ ပါတီပြောခွင့်ရသူ ဦးလှသိန်း ကို RFA က ဒီနေ့ ဖုန်းခေါ်ခဲ့ပေမယ့် လက်ခံဖြေဆိုဖြင်း မရှိပါဘူး။
စစ်ကောင်စီပြောခွင့်ရ ဗိုလ်ချုပ် ဇော်မင်းထွန်းကတော့ တစ်နိုင်ငံလုံးမှာ ဝင်ပြိုင်မယ့် နိုင်ငံရေးပါတီတိုင်း ပါတီဝင် တစ်သိန်း ရှိရမယ်ဆိုတာဟာ ၂၀၀၈ ဖွဲ့စည်းပုံအခြေခံဥပဒေနဲ့ ညီညွတ်တယ်လို့ RFA ကို ပြောပါတယ်။
“အခြေခံဥပဒေ ပုဒ်မ ၁၆၁ (ဂ) ကိုပြန်ကြည့်ရင် တိုင်းရင်းသားလူမျိုးစုတွေအတွက် အခွင့်အရေး ပေးထားတာ ဖြစ်တယ်။ အဲဒီမှာ ဘာပါတုန်းဆိုတော့ ပြည်နယ်၊ ကိုယ်ပိုင် အုပ်ချုပ်ခွင့်ရတိုင်း၊ ကိုယ်ပိုင် အုပ်ချုပ်ခွင့်ရဒေသ မရတဲ့ တိုင်းရင်းသား မျိုးနွယ်စုတွေအနေနဲ့ တစ်နိုင်ငံလုံး လူဦးရေရဲ့ ၀.၁ ရာခိုင်နှုန်း တိုင်းဒေသကြီးနဲ့ပြည်နယ်မှာ လွှတ်တော်အမတ်ရ ရမယ်ဆိုပြီး ပြောထားတယ်။ အဲဒီတော့ မြန်မာနိုင်ငံမှာရှိတဲ့ လူဦးရေ ၅၄ သန်း၊ ၅၅ သန်း ပေါ့ဗျာ အဲဒီမှာဆိုရင် ၀.၁ ရာခိုင်နှုန်းဆိုတာ ငါးသောင်းလေးထောင် ဒါမှမဟုတ် ငါးသောင်း ငါးထောင် ဖြစ်ပါတယ်။ အဲဒီတော့ စဉ်းစားကြည့်၊ ဒါလူမျိုးစု တစ်ခုတည်းအတွက်နော် လူဦးရေက အဲဒီလောက်ရှိရမှာဖြစ်တယ်၊ အဲဒီတော့ တစ်နိုင်ငံလုံးကို စည်းရုံးရမယ့် ပါတီအနေနဲ့က ကျနော်တို့ဒေသမှာ တိုင်းဒေသကြီးနဲ့ ပြည်နယ် ၁၄ ခုတောင် ရှိတယ်၊ တစ်နိုင်ငံလုံးမှာ စည်းရုံးမယ့်ပါတီတွေက လူဦးရေ တစ်သိန်းဆိုတာသည် ဒီဥပဒေကို ထောက်ရှုကြည့်ရင် ဒါသည် လျှော်ကန်သင့်မြတ်တဲ့ လူဦးရေလို့ပဲ ကျနော်ပြောချင်ပါတယ်”
လက်ရှိမှာ မှတ်ပုံတင်ထားတဲ့ နိုင်ငံရေးပါတီပေါင်း ၉၀ ကျော်ထိ ဖောင်းပွနေပြီး အမှန်တကယ် ရွေးကောက်ပွဲဝင်နိုင်တဲ့ ပါတီက အနည်းငယ်ပဲ ရှိတာကြောင့် မှတ်ပုံတင်မယ့် ပါတီတိုင်း နိုင်ငံရေးအရ စုစည်းညီညွတ်မှု ရှိအောင် လုပ်ဆောင်ထားတာလို့လည်း သူက ဆိုပါတယ်။
စစ်ကောင်စီရဲ့ ဥပဒေသစ်မှာ မတရားအသင်းနဲ့ အကြမ်းဖက်အဖွဲ့အဖြစ် ကြေညာခံရတဲ့ အဖွဲ့အစည်းတွေ၊ နိုင်ငံတော်ကို လက်နက်ကိုင် ဆန့်ကျင်ပြီး အကြမ်းဖက်လုပ်ရပ်တွေကို ကျူးလွန်တယ်လို့ သတ်မှတ်ထားတဲ့ အဖွဲ့စည်းတွေနဲ့ သူတို့ကို တိုက်ရိုက်၊ သွယ်ဝိုက် အားပေးကူညီနေတဲ့ အဖွဲ့အစည်းတွေလည်း ပါတီမှတ်ပုံတင်ခွင့် မရှိဘူးလို့ တားမြစ်ထားပါတယ်။
ဒါဟာ အာဏာသိမ်းမှုကို ဆန့်ကျင်တဲ့ NLD၊ NUG နဲ့ PDF အဖွဲ့တွေကို ရွေးကောက်ပွဲ မဝင်နိုင်အောင် ရည်ရွယ်ချက်ရှိရှိ ကန့်သတ်တာဖြစ်ပြီး သူ့ကိုထောက်ခံသူတွေနဲ့ပဲ နိုင်ငံရေးလမ်းကြောင်း ဖော်ဆောင်ဖို့ စစ်ကောင်စီက ကြိုးစားနေတာလို့ နိုင်ငံရေးသုံးသပ်သူ ဒေါက်တာ စိုင်းကြည်ဇင်စိုးက ပြောပါတယ်။
“ဒီအခုသူတို့ စည်းစားတဲ့ စဉ်းစားမှုအရကိုက အခုလက်ရှိ သူတို့ကို ဆန့်ကျင်တော်လှန်နေတဲ့ လူတွေကို မပါစေချင်ဘူးဆိုတဲ့ သဘောတရားကတော့ ရှိနေတာပေါ့။ သူ့ရဲ့ သွားမယ့် လမ်းကြောင်းကို ကဖျက်ယဖျက် လုပ်နေတယ်ဆိုတဲ့ ဥစ္စာမျိုး ဖမ်းဆီးထိန်းသိမ်းတာတွေ၊ အမှုတင်တာတွေ သူတို့ လုပ်နေသေးတယ်။ ဒေါ်အောင်ဆန်းစုကြည် အပါအဝင်ပေါ့၊ အဲဒီလိုမျိုးဟာတွေ လုပ်နေသေးတယ်၊ အဲဒီဟာက သူတို့ ကန့်သတ်မှုရှိတာသည် ဒီဘက်မှာ အခုဒီလမ်းကြောင်းက သူနဲ့အဆင်ပြေတဲ့ ဒါမှမဟုတ် အဆင်မပြေရင်တောင်မှ သူ့ကို ကန့်လန့်တိုက် ဆန့်ကျင်နေတဲ့သူ မဟုတ်တဲ့လူတွေနဲ့ နိုင်ငံရေးလမ်းကြောင်း ဖော်ဆောင်တယ်လို့ မြင်စရာရှိတာပေါ့”
အမျိုးသားဒီမိုကရေစီအဖွဲ့ချုပ် NLD ပါတီရဲ့ ဗဟိုအလုပ်ကော်မတီအဖွဲ့ဝင် ဦးကျော်ထွေး ကတော့ ဒီဥပဒေသစ်ဟာ အာဏာသိမ်းစစ်တပ်ကို နိုင်ငံရေးအရ တရားဝင်မှု ဖြစ်လာစေဖို့၊ လာမယ့် ရွေးကောက်ပွဲမှာ သူလိုချင်တဲ့ ရလဒ်မျိုး မရ၊ ရအောင်လုပ်ဖို့ စစ်ကောင်စီက နည်းမျိုးစုံနဲ့ အကွက်ချ စီစဉ်နေတာလို့ ဝေဖန်ပါတယ်။
“နိုင်ငံအရေးအရ အသိအမှတ်ပြုခံရဖို့ ရွေးကောက်ပွဲ လုပ်ချင်တယ်။ ပြည်သူတွေက လက်မခံနိုင်မှန်းသိတော့ ရှုံးမှာလည်း ကြောက်တယ်၊ ဒါကြောင့် ပါတီသစ်တွေ အလွယ်တကူ ထူထောင်လို့ မဖြစ်နိုင်အောင် ကန့်သတ်ချက်တွေကို သေချာတွက်ချက်ပြီး ထည့်ထားတာ တွေ့ရပါတယ်။ မြင်သာအောင်ပြောရရင် မရဲဘဲ ကျွဲပြဲ စီးချင်နေတဲ့ သဘောပါဗျ။ ဘယ်သူ့မှ အသိအမှတ်ပြု မခံထားရလို့ နိုင်ငံရေးအရ တရားဝင် အသိအမှတ်ပြု ခံရအောင် သူတို့လိုချင်တဲ့ ရလဒ်ရအောင် နည်းမျိုးစုံနဲ့ အကွက်ချ စီစဉ်ထားတဲ့ ပြည်သူတွေနဲ့ နိုင်ငံတကာကိုလှည့်စားမယ့် အတုအယောင် ရွေးကောက်ပွဲသာ ဖြစ်ပါတယ်လို့ ပြောချင်ပါတယ်”
NLD ပါတီက ၂၀၁၅ နဲ့ ၂၀၂၀ ရွေးကောက်ပွဲတွေမှာ အပြတ်အသတ် အနိုင်ရခဲ့တဲ့အပေါ် လက်မခံနိုင်လို့ ပါတီကို အင်အား ချိနဲ့သွားအောင်၊ ပါတီဝင်တွေနဲ့ ပါတီထောက်ခံသူတွေကို ပါတီနား မကပ်ရဲအောင် စနစ်တကျ စီမံချက်ချပြီး ဖိနှိပ်နေတာလို့လည်း ဦးကျော်ထွေးက ဆိုပါတယ်။
NLD ပါတီရဲ့ ၂၀၂၀ ရွေးကောက်ပွဲ နှစ်နှစ်ပြည့် ၂၀၂၂ ခုနှစ် နိုဝင်ဘာ ၈ ရက် ထုတ်ပြန်ချက်မှာတော့ စစ်ကောင်စီ ကြိုးပမ်းနေတဲ့ ရွေးကောက်ပွဲကို NLD အနေနဲ့ လုံးဝ အသိအမှတ်ပြု လက်ခံမှာ မဟုတ်ကြောင်း ဖော်ပြထားပါတယ်။
စစ်ကောင်စီကတော့ လာမယ့်ရွေးကောက်ပွဲမှာ အချိုးကျကိုယ်စားပြုစနစ် (PR) ကို ကျင့်သုံးမယ်လို့ ပြောဆိုထားပြီး ရွေးကောက်ပွဲအသစ် လုပ်နိုင်ဖို့ တစ်နိုင်ငံလုံးအတိုင်းအတာနဲ့ လူဦးရေစာရင်း ကောက်ယူနေပါတယ်။ ရွေးကောက်ပွဲပြီးရင် အနိုင်ရပါတီကို အာဏာလွှဲပေးဖို့ ကြိုတင်ဆောင်ရွက်မှာဖြစ်ပြီး ဘယ်လို အခြေနေမျိုးမှာမဆို ရွေးကောက်ပွဲ ဖြစ်မြောက်အောင် ကြိုးပမ်းရမယ်လို့ စစ်ကောင်စီဥက္ကဋ္ဌ ဗိုလ်ချုပ်မှူးကြီး မင်းအောင်လှိုင် က ဇန်နဝါရီ ၂၃ ရက် စစ်ကောင်စီအစည်းအဝေးမှာ ပြောထားပါတယ်။
၂၀၂၀ ရွေးကောက်ပွဲအနိုင်ရ အမျိုးသားဒီမိုကရေစီအဖွဲ့ချုပ် (NLD)၊ အမျိုးသား ညီညွတ်ရေးအစိုးရ (NUG) နဲ့ ဒေသကာကွယ်ရေးတပ်ဖွဲ့တွေ၊ ကရင်အမျိုးသားအစည်းအရုံး (KNU) အပါအဝင် တိုင်းရင်းသား လက်နက်ကိုင်အဖွဲ့တွေကတော့ စစ်တပ်က ၂၀၂၀ ရွေးကောက်ပွဲရလဒ်ကို ဖျက်သိမ်းပြီး နောက်ထပ် ရွေးကောက်ပွဲအသစ် ထပ်လုပ်ဖို့၊ အာဏာဆက်ယူဖို့ ကြိုးစားနေတဲ့အတွက် လုံးဝ လက်မခံကြောင်းနဲ့ ရွေးကောက်ပွဲအကြို လူဦးရေစာရင်း ကောက်ယူမှုတွေကို ဆန့်ကျင်သွားမယ့်အကြောင်း ဇန်နဝါရီလဆန်းကစလို့ ကြေညာချက်တွေအသီးသီး ထုတ်ပြန်ထားပါတယ်။
RFA က ပြုစုထားတဲ့စာရင်းအရ အိမ်ထောင်စုလူဦးရေစာရင်း စတင်ကောက်ယူတဲ့ ဇန်နဝါရီလ ၉ ရက်နေ့ကနေ ဇန်နဝါရီလ ၂၅ ရက်နေ့အထိ နှစ်ပတ်ကျော်အတွင်း လူဦးရေစာရင်း ကောက်ယူတဲ့ အဖွဲ့တွေနဲ့ ရုံးဌာနတွေ အကြိမ် ၃၀ ထိ တိုက်ခိုက်ခံရပြီး ရဲနဲ့ ရပ်ကျေး အုပ်ချုပ်ရေးမှူး အပါအဝင် ရှစ်ဦး သေဆုံးခဲ့ပါတယ်။
စစ်ကောင်စီက ရွေးကောက်ပွဲလုပ်မယ့်ရက်ကို အတိအကျ မကြေညာသေးပေမယ့် လက်ရှိ ၂၀၀၈ ဖွဲ့စည်းပုံအရ ၂၀၂၃ ဖေဖော်ဝါရီ ၁ ရက် အာဏာသိမ်း နှစ်နှစ်ပြည့်ချိန်ကနေ နောက်ထပ် ခြောက်လအတွင်း မှာ မဖြစ်မနေ ရွေးကောက်ပွဲအသစ်လုပ်ဖို့ ပြဋ္ဌာန်းထားပါတယ်။
_________
