သတ္ထုအရည်ကျို မိုလောင်းစနစ်နဲ့ အဆင်မြင့်တင် ထုတ်လုပ်နိုင်နေပြီ
လက်နက်ကြီးကျည်ကို သတ္ထုအရည်ကျို မိုလောင်းစနစ်နဲ့ အဆင်မြင့်တင် ထုတ်လုပ်နိုင်ပြီဖြစ်၊အများအပြား ထုတ်လုပ်နိုင်ဖို့ ငွေကြေးအကူအညီ လိုအပ်နေဟု SHADOW တပ်ဖွဲ့ ထုတ်ပြန်၊
MFP ၊ ဇန်နဝါရီ - ၃
စိန်ပြောင်းနှင့် တာဝေးပစ် လက်နက်ကြီးကျည်တွေကို ယခင်က သံပိုက်ကို အခြေခံပြီး ထုတ်လုပ်ခဲ့ရာက လက်ရှိမှာ သတ္ထုအရည်ကျို မိုလောင်းစနစ်နဲ့ အဆင်မြင့်တင် ထုတ်လုပ်နိုင်နေပြီ ဖြစ်ပြီး အရေအတွက် များများနဲ့ အရှိန်မြှင့် ထုတ်လုပ်နိုင်ဖို့ ငွေကြေးအကူအညီ လိုအပ်နေတယ်လို့ SHADOW ထုတ်လုပ်ရေးနှင့် လက်နက်ကြီး တပ်ဖွဲ့ က သတင်း ထုတ်ပြန်ပါတယ်။
အရည်သွေး မြှင့်တင်နေသော အချိန်ကာလ ဖြစ်သည့်အားလျော်စွာ စိန်ပြောင်းကျည်နှင့် မီတာ(၅၀၀၀)ပစ် တာဝေးပစ် အမြောက်ကျည်များကို ယခင်တချိန် သံပိုက်ကို အခြေခံ၍ အသုံးပြု ထုတ်လုပ်လာခဲ့ရာမှ ယခုလက်ရှိ အချိန်တွင် သတ္ထုအရည်ကျိူ မို လောင်းစနစ်ဖြင့် ကျနော်တို့ SHADOW (ထုတ်လုပ်ရေးနှင့် လက်နက်ကြီး တပ်ဖွဲ့) မှ ပြောင်းလဲ မြှင့်တင် ထုတ်လုပ်နိုင်ခဲ့ပါပြီ။ သို့သော်လည်း.... လုံလောက်သော ပစ္စည်း အရေအတွက် ထုတ်လုပ်နိူင်ရန် ငွေကြေးအခက်ခဲများလည်း ကြုံတွေ့နေရသည်။ သို့ဖြစ်ပါ၍.. တော်လှန်စိတ်ရှိသူ မိဘပြည်သူ ညီကိုမောင်နှမများ အနေဖြင့် တတ်အားသရွေ့ ဝိုင်းဝန်းကူညီ ထောက်ပံ့ရင်း တော်လှန်ရေးကြီး၏ တထောင့်တနေရာတွင် ပါဝင်ပေးကြစေလိုကြောင်း မပြည့်စုံသော အဖွဲ့ငယ်လေးတစ်ခု အနေဖြင့် အကြိမ်ကြိမ် အမြင်ကပ်လောက်အောင် အတွင်းစည်းကတမျိုး အပြင်မီဒီယာကတစ်သွယ် ----- တောင်းပန်ခြင်း အဖုံဖုံဖြင့် ညှိုးငယ်စွာ တောင်းခံလိုက်ရပါသည် လို့ SHADOW ထုတ်လုပ်ရေးနှင့်လက်နက်ကြီးတပ်ဖွဲ့ က ဖော်ပြပါတယ်။
SHADOW ထုတ်လုပ်ရေးနှင့် လက်နက်ကြီး တပ်ဖွဲ့ ဟာ စစ်ကိုင်းတိုင်း ကနီနယ် အခြေပြု တော်လှန်ရေး တပ်ဖွဲ့ တစ်ဖွဲ့ ဖြစ်ပြီး အော်တိုမောင်းပြန် မဝယ်နိုင်တဲ့ ရဲဘော်တွေအတွက် လက်လုပ် လက်နက်ကြီးတွေ ထုတ်လုပ်ပြီး ဖက်ဆစ်တပ် အမြစ်ဖြတ်ရေး တိုက်ပွဲ၀င်နေတာ ဖြစ်ပါတယ်။
ဖက်ဆစ်တပ် အမြစ်ဖြတ်ရေး တိုက်ပွဲဝင်နိုင်တဲ့ လက်နက်တွေ ထုတ်လုပ်နိုင်ဖို့ မဆုတ်မနစ် ကြိုးစားနေတဲ့ Shadow ထုတ်လုပ်ရေးနှင့်လက်နက်ကြီးတပ်ဖွဲ့ အကြောင်း MFP က တင်ဆက်ထားတဲ့ ဆောင်းပါးကို ယူကျူ့ (https://www.youtube.com/watch?v=9k7ZVtGTHaI ) လင့်မှာ ဝင်ရောက်ကြည့်ရှုနိုင်ပါတယ်။
ဆက်ဖတ်ရန် →
