ဖမ်းဆီးခံလိုက်ရသော အမျိုးသား ခေါင်းကွဲဒဏ်ရာဖြင့် ပျောက်ဆုံး
တောင်ဥက္ကလာပတွင် မွေးကင်းစကလေးကို စစ်တပ်က သေနတ်ဖြင့်ချိန်၍ ပစ်သတ်မည်ဟု ခြိမ်းခြောက်ကာ ဖမ်းဆီးခံလိုက်ရသော အမျိုးသား ခေါင်းကွဲဒဏ်ရာဖြင့် ပျောက်ဆုံးနေ၊ စုံစမ်းမေးမြန်းမှုကို စစ်သားများ မသိဟု လှောင်ရယ်ဟုဆို
ဆက်ဖတ်ရန် →
ရန်ကုန်၊ မတ် ၁၉
ရန်ကုန် တောင်ဥကလာပ၊ ၇ ရပ်ကွက် ၊ မင်းရဲကျော်စွာ ၂ လမ်းအရှည်၊ အိမ်နံပါတ် ၂၅၁ တွင် နေထိုင်သူ မောင်နိုင်မင်းထွန်း ခေါ် အာမက်ခမ်း အသက် ၃၂ နှစ်ကို အကြမ်း ဖက် စစ်တပ်က သေနတ်ဒင်ဖြင့် ခေါင်းရိုက်ခွဲပြီး ယမန်နေ့က ဖမ်းဆီးခဲ့ရာ ယနေ့တွင် စုံစမ်းမရဘဲ ပျောက်ဆုံးနေကြောင်းသိရှိရသည်။
"ညီမအကိုက လမ်းတွေကို တပ်က ဖွင့်ပြီး ကင်းချထားတာကို သွားကြည့်တယ်။ လမ်းလျောက်ရင်း ဒီလိုပဲကြည့်တာကို ဘာကြည့်တာလဲဆိုပြီး လိုက်လာတာ။ စစ်သား ၂ ယောက်။ အဲဒါ အကိုက ပုန်းနေတယ်။ အိမ်တံခါးကို ရိုက်ဖျက်ပြီး ဝင်လာတာ။ ညီမက ကလေးမီးဖွားထားတာ ၁၅ ရက်ပဲရှိသေးတော့ ကလေးချီပြီး အပြင်ထွက်ကြည့်တော့ ညီမနဲ့ကလေးကို သေနတ်နဲ့ချိန်ပြီး ထွက်မလာရင် ကလေးကို ပစ်သတ်မယ်ဆိုပြီး သေနတ်မောင်းတင်တယ်။ အဲဒါ အကိုက ကလေးတော့ မလုပ်ပါနဲ့ဆိုပြီး ပုန်းရာက ထွက်လာတယ်။ အဲဒါ အကို့ကို သေနတ်ဒင်နဲ့ရိုက်တယ်။ ခေါင်းကွဲသွားတယ်။ အကိုမိန်းမက သူ့ယောကျ်ား ဖမ်းလို့ လိုက်သွားတော့ နှင်လွှတ်တယ်။ အဲဒါဘယ်ခေါ်သွားလဲမသိဘူး"ဟု ညီမဖြစ်သူက ယမန်နေ့က ရန်ကုန်ခေတ်သစ်သတင်းဌာနသို့ပြောဆိုသည်။
ယနေ့တွင် မောင်နိုင်မင်းထွန်း ပျောက်ဆုံးမှုနှင့်ပတ်သက်ပြီး မိခင်ဖြစ်သူက စစ်သားများကို မေးမြန်းရာ မသိဟု ပြောဆိုပြီး လှောင်ရယ်ကြသည်ဟု သိရှိရသည်။
"အမေက လမ်းထိပ်က စစ်သားတွေကို သွားမေးတယ်။ ဘယ်သိမလဲဆိုပြီး ဝိုင်းရယ်ကြတယ်။ ရဲစခန်းသွားမေးတော့လည်း မသိဘူးတဲ့။ အကိုက သေနတ်ဒင်နဲ့ရိုက်ထားတဲ့ဒဏ်ရာနဲ့ ပျောက်ဆုံးနေပါတယ်"ဟု ညီမဖြစ်သူက ဆိုသည်။
လွိုင်ကော်တွင် ပြည်သူ ၁ ဦး၊ အောင်ပန်းတွင် ပြည်သူ ၈ ဦး စစ်ကောင်စီတပ်များ၏ လက်ချက်ဖြင့် ယနေ့ကျဆုံး
ရန်ကုန်၊ မတ် ၁၉
ခေတ်သစ်မီဒီယာ
ကယားပြည်နယ်၊ လွိုင်ကော်တွင် ပြည်သူ ၁ ဦး၊ ရှမ်းပြည် နယ်အောင်ပန်းမြို့တွင် ပြည်သူ ၈ ဦး စစ်ကောင်စီတပ်များ၏ အကြမ်းဖက်ပစ်သတ်မှုကြောင့် ကျဆုံးသွားကြောင်း သိရှိရသည်။
ကယားပြည်နယ်၊ လွိုင်ကော်မြို့၊ မိုင်းလုံးသပိတ် စစ်ကြောင်းကို စစ်ကောင်စီတပ်များက အကြမ်းဖက်ဖြိုခွင်းစဥ် ဦးရှမ်းပု၏ ဆီးခုံ ကျည်ထိမှန်၍ ကွယ်လွန်သွားခြင်းဖြစ်ကြောင်းသိရှိရသည်။
အလားတူ အောင်ပန်းမြို့တွင် မတ်လ ၁၉ ရက်နေ့ ၊ စစ်ကောင်စီတပ်များ၏ ပစ်ခတ်မှုကြောင့် ၈ ဦးသေဆုံးပြီး ၂၃ ဦး ဒဏ်ရာရရှိခဲ့ကြောင်း၊ ဒဏ်ရာရရှိသူ ၂ ဦး အရေးပေါ်အခြေအနေဖြစ်နေကြောင်း သိရှိရသည်။
ရိုစာနာဘီ(ခ)မအေးအေးခိုင်ရဲ့ နာရေးကို ယနေ့ မတ်လ ၁၉ ရက်နေ့လယ်ပိုင်းတွင် ရေဝေးသုဿာန်၌ ပြုလုပ်ခဲ့
စစ်ကောင်စီတပ်များ၏ ရမ်းကားပစ်ခတ်မှုကြောင့် ယမန်နေ့ ညနေပိုင်းတွင် ကျဆုံးခဲ့သူ မအေးအေးခိုင်၏ နာရေး
ဆက်ဖတ်ရန် →
ရန်ကုန်၊ မတ် ၁၉
ရန်ကုန်၊ မြောက်ဥက္ကလာပမြို့နယ်တွင် မတ်လ ၁၈ ရက်နေ့ ညနေပိုင်း စစ်ကောင်စီတပ်များ၏ ပစ်ခတ်မှုကြောင့်ကျည်ထိမှန်သေဆုံးခဲ့ရသည့် အသက် ၂၂ အရွယ် အစ္စလမ်ဘာသာဝင် ရိုစာနာဘီ(ခ)မအေးအေးခိုင်ရဲ့ နာရေးကို ယနေ့ မတ်လ ၁၉ ရက်နေ့လယ်ပိုင်းတွင် ရေဝေးသုဿာန်၌ ပြုလုပ်ခဲ့ကြောင်း သိရှိရသည်။
Photo Credit-Original Uploader
မတ်လ ၁၄ ရက်နေ့ စစ်ကောင်စီတပ်များကျူးလွန်သော လှိုင်သာယာ အစုလိုက်အပြုံလိုက် သတ်ဖြတ်မှု (ဗီဒီယို)
ရန်ကုန်၊ မတ် ၁၉
ဆက်ဖတ်ရန် →
မတ်လ ၁၄ ရက်နေ့ လှိုင်သာယာမြို့နယ်ကို စစ်ကောင်စီတပ်များ က အကြမ်းဖက်ပစ်ခတ် ဖြိုခွင်းပြီး ပြည်သူ… ပိုမို များကို အစု လိုက်အပြုံလိုက် သတ်ဖြတ်သည့် ဗီဒီယိုဖြစ်ပါသည်။ အဆိုပါသတ်ဖြတ်မှုတွင် ပြည်သူဦးရေ ၅၀ ကျော် ကျဆုံးခဲ့ရသည်။
Video Credit- လှိုင်သာယာမြို့နယ် Information-YT
စစ်ကောင်စီတပ်က ပြည်သူအပေါ်ကျူးလွန် ဖက်ဆစ်ဆန်သော ရာဇဝတ်မှု (ဗီဒီယို)
ရန်ကုန်၊ မတ် ၁၉
ကျောက်မြောင်းတွင် စစ်ကောင်စီတပ်က ပြည်သူတစ်ဦးကို သဲအိတ်ထမ်းခိုင်းပြီး လေးဘက်သွားခိုင်းမှု ယခု ရက်ပိုင်းအတွင်းဖြစ်ပွားခဲ့သည်။ လေးဘက်ထောက်သွားစဥ် နောက်မှ စစ်ဖိနပ်ဖြင့် ပိတ်ကန်ခြင်းများလည်း လုပ်ဆောင်ခဲ့သည်။
ပြည်ထောင်စုသမ္မတမြန်မာနိုင်ငံတော်အစိုးရ နိုင်ငံတော်သမ္မတရုံးဝန်ကြီးဌာန အမိန့်ကြေညာစာအမှတ်
(၃/၂၀၂၁) ၁၃၈၂ ခုနှစ်၊ တပေါင်းလဆန်း ၇ ရက် (၂၀၂၁ ခုနှစ်၊ မတ်လ ၁၉ ရက်)
-----------------------------
မြစိမ်းရောင်ကျေးရွာစီမံကိန်း နှင့် ကျေးရွာမတည်ရန်ပုံငွေ စီမံကိန်းများမှ ထုတ်ချေးထားသည့် ချေးငွေများ အရင်း/အတိုး ပြန်လည်ပေးဆပ်ရမည့်ကာလအား ၂၀၂၁ ခုနှစ်၊ မတ်လ (၁၉)ရက်နေ့မှ စ၍ အတိုးမဲ့၊ ရက်လွန်ဒဏ်ကြေးကင်းလွတ်ခွင့်ဖြင့် ရွေ့ဆိုင်းခြင်း ===================== ၁။ စိုက်ပျိုးရေး၊မွေးမြူရေးနှင့်ဆည်မြောင်းဝန်ကြီးဌာန၊ ကျေးလက်ဒေသဖွံ့ဖြိုးတိုးတက်ရေး ဦးစီးဌာနသည် ကျေးလက်နေပြည်သူများ၏ အလုပ်အကိုင်အခွင့်အလမ်း ဖန်တီးပေးရန်၊ မိသားစုဝင်ငွေတိုးပွားစေရန်နှင့် တစ်ပိုင်တစ်နိုင် စိုက်ပျိုးရေးလုပ်ငန်းများကို ဆောင်ရွက်ခြင်းဖြင့် အာဟာရပြည့်ဝစေရန် ရည်မှန်း၍ မြစိမ်းရောင် ကျေးရွာစီမံကိန်းကို အကောင်အထည်ဖော်ဆောင်ရွက်လျက်ရှိပါသည်။ ၂။ COVID-19 ကပ်ဘေးကာလအတွင်း ကျေးလက်နေပြည်သူများ၏ လူမှုစီးပွားဘဝ ထိခိုက်နစ်နာမှုများကို အထိုက်အလျောက် ပြေလျော့သက်သာစေရန်အတွက် မြစိမ်းရောင်ချေးငွေအပေါ် ကောက်ခံသည့် အတိုးနှုန်းအား ၂၀၂၀ ပြည့်နှစ်၊ ဧပြီလမှစတင်၍ ၂၀၂၁ ခုနှစ်၊ ဧပြီလအထိ အနိမ့်ဆုံးအတိုးနှုန်းဖြစ်သည့် ၀.၅% သာ ကောက်ခံရန် ကြေညာချက်ထုတ်ပြန်ခဲ့ပြီး ဖြစ်သည်။ ၃။ ယခုအခါ COVID-19 ကပ်ဘေးအပြင် အာဏာသိမ်းစစ်အုပ်စု၏ အဆင်အခြင်မဲ့လုပ်ရပ်များကြောင့် ကျေးလက်နေ ပြည်သူလူထုအပေါ် လူမှုစီးပွားဘဝ ထိခိုက်နစ်နာမှုများ ဆိုးရွားစွာသက်ရောက်လျက် ရှိနေခြင်းကြောင့် မြစိမ်းရောင်ကျေးရွာစီမံကိန်းချေးငွေ အမျိုးအစားအားလုံးနှင့် ကျေးရွာမတည်ရန်ပုံငွေစီမံကိန်း များမှ ထုတ်ချေးထားသည့် ချေးငွေများ အရင်း/အတိုး ပြန်လည်ပေးဆပ်ရမည့်ကာလအား ချေးငွေသဘောတူစာချုပ်တွင် မည်သို့ပင်ပါရှိစေကာမူ၂၀၂၁ခုနှစ်၊ မတ်လ (၁၉) ရက်နေ့မှစ၍ နောက်ထပ် ကြေညာချက်တစ်စုံတစ်ရာ မထုတ်ပြန်မီ အချိန်အထိ အတိုးမဲ့ ရွေ့ဆိုင်းလိုက်သည်။ ၄။ ရွေ့ဆိုင်းကာလအတွင်း အရင်း/အတိုး ပြန်လည်ပေးဆပ်ရန် မလိုအပ်သည့်အပြင် ရက်လွန်ဒဏ်ကြေး ပေးဆောင်ရခြင်းအား တစ်ပါတည်း ကင်းလွတ်ခွင့် ပြုလိုက်သည်။
စစ်ကောင်စီကို အမေရိကန်အပါအဝင် ၁၁ နိုင်ငံက ထပ်မံသတိပေး
ရန်ကုန်၊မတ် ၁၉
စစ်ကောင်စီကို အမေရိကန်၊ ဗြိတိန်အပါအဝင် ၁၁ နိုင်ငံက သတိပေးချက်တစ်ရပ်ကို ယနေ့ ညနေပိုင်းတွင် အောက်ပါအတိုင်းထုတ်ပြန်သည်။
မြန်မာနိုင်ငံအတွင်း လှိုင်သာယာမြို့နယ်နှင့် အခြားသောဒေသများတွင် လက်နက်မဲ့အရပ်သားများအပေါ် လုံခြုံရေးတပ်ဖွဲ့ဝင်များ၏ မကြာခဏဆိုသလို အမှောင်ထုကို အခွင့်ကောင်းယူ၍ ရက်စက်စွာအကြမ်းဖက်ခြင်းသည် သူရဲဘောကြောင်ပြီး လူ့ကျင့်ဝတ်နှင့်မလျော်ညီသည့်အပြင် ကာကွယ်ရန်အလွန်ခက်ခဲပါသည်။
မြန်မာပြည်သူများအပေါ် အကြမ်းဖက်လုပ်ရပ်အားလုံးရပ်တန့်ရန်၊ ဖမ်းဆီးထားသူအားလုံးပြန်လွှတ်ပေးရန်၊ စစ်အုပ်ချုပ်ရေးအမိန့်နှင့် တစ်နိုင်ငံလုံးအတိုင်းအတာနှင့် နိုင်ငံတော်အရေးပေါ်အခြေအနေ ကြေညာထားသည်ကို ရုတ်သိမ်းပေးရန်၊ ဆက်သွယ်ရေးကန့်သတ်ထားမှုများပယ်ဖျက်ပေးရန်နှင့် ဒီမိုကရေစီနည်းကျ ရွေးကောက်တင်မြှောက်ထားသောအစိုးရကို အာဏာပြန်လည်ပေးအပ်ရန် မြန်မာစစ်တပ်ကို မိမိတို့တောင်းဆိုပါသည်။
မြန်မာနိုင်ငံသားများ၏အခွင့်အရေးဖြစ်သော ငြိမ်းချမ်းစွာဆန္ဒပြခွင့်နှင့် သတင်းအချက်အလက်လွတ်လပ်စွာရယူနိုင်ခွင့်ကို မိမိတို့ထောက်ခံအားပေးပါသည်။ အင်တာနက်ဖြတ်တောက်ထားခြင်းနှင့် မီဒီယာကိုနှိပ်ကွပ်ထားခြင်းဖြင့် စစ်တပ်၏စက်ဆုပ်ဖွယ်ရာလုပ်ရပ်တို့ကို ဖုံးကွယ်ထားနိုင်မည်မဟုတ်ပါ။
ဤကြေညာချက်ကို မြန်မာနိုင်ငံဆိုင်ရာဥရောပသမဂ္ဂသံရုံးနှင့် ဥရောပသမဂ္ဂအဖွဲ့ဝင်နိုင်ငံများ၏ သံရုံးများဖြစ်ကြသော - ဒိန်းမတ်၊ ချက်သမ္မတနိုင်ငံ၊ ဖင်လန်၊ ပြင်သစ်၊ ဂျာမနီ၊ အီတလီ၊ နယ်သာလန်၊ စပိန်နှင့် ဆွီဒင်နိုင်ငံ - ယူနိုက်တက်ကင်းဒမ်းနှင့် အမေရိကန်နိုင်ငံတို့မှ မြန်မာနိုင်ငံဆိုင်ရာသံအမတ်ကြီးများက ပူးပေါင်းလက်မှတ်ရေးထိုးထုတ်ပြန်ပါသည်။
---
STATEMENT BY AMBASSADORS TO MYANMAR
The brutal violence against unarmed civilians by the security forces in Hlaing Tharyar and elsewhere in Myanmar, often under the cover of darkness, is immoral and indefensible. We call on Myanmar’s military to cease all violence against people of Myanmar, release all detainees, lift martial law and the nationwide state of emergency, remove telecommunications restrictions, and restore the democratically elected government. We support the right of the people of Myanmar to protest peacefully and support their right to freely access information. Internet blackouts and the suppression of the media will not hide the military’s abhorrent actions.
Signed by the Ambassadors to Myanmar from the Delegation of the EU and European Union Member States with presence in Myanmar: Denmark, Czech Republic, Finland, France, Germany, Italy, Netherlands, Spain, and Sweden; the United Kingdom; and the United States.
တောင်ဒဂုံမှာ တစ်ဦးသေဆုံးပြီး ၁ ဦး လည်ပင်းကျည်ထိဒဏ်ရာရ
စစ်ကောင်စီတပ် ပစ်ခတ်မှုကြောင့် တောင်ဒဂုံမှာ တစ်ဦးသေဆုံးပြီး ၁ ဦး လည်ပင်းကျည်ထိဒဏ်ရာရ
ဆက်ဖတ်ရန် →
ရန်ကုန်၊ မတ် ၁၉
ခေတ်သစ်မီဒီယာ
ရန်ကုန်မြို့၊ တောင်ဒဂုံမြို့နယ် ၂၂ ရပ်ကွက်တွင် စစ်ကောင်စီတပ်က ပစ်ခတ်မှုကြောင်ြ မတ်လ ၁၉ ရက်နေ့ ညနေ ၅… ပိုမို နာရီကျော် ပြည်သူတစ်ဦး သေဆုံးပြီး တစ်ဦး ထိခိုက်ဒဏ်ရာရရှိကြောင်းသိရှိရသည်။
သေဆုံးသူသည် ဦးခေါင်းပွင့်၍ သေဆုံးခြင်းဖြစ်ပြီး ဒဏ်ရာရရှိသူမှာ လည်ပင်းတွင် ကျည်ထိမှန်ထားခြင်းဖြစ်ကြောင်း သိရှိရသည်။
ဒေါ်လာ ၁ ဘီလီယံခွဲကျော်တန်ဖိုးရှိ ရေအား လျှပ်စစ်စီမံကိန်း ရပ်ဆိုင်းဟု ကြေညာ
စစ်အာဏာသိမ်းမှုနှင့် လူသားမျိုးနွယ်အပေါ် ရာဇဝတ်မှု ကျူးလွန်နေခြင်းကြောင့် ဒေါ်လာ ၁ ဘီလီယံခွဲကျော်တန်ဖိုးရှိ ရေအားလျှပ်စစ်စီမံကိန်း ရပ်ဆိုင်းဟု ကြေညာ
ဆက်ဖတ်ရန် →
ရန်ကုန်၊ မတ် ၁၉
ပြင်သစ် EDF (Electriciti de France) Company က အမေရိကန်ဒေါ်လာ ၁ ဒသမ ၅၁ ဘီလီယံတန်ဖိုးရှိသည့် ရွှေလီ အမှတ် ၃ ရေအားလျှပ်စစ်စီမံကိန်းကို ရပ်ဆိုင်းလိုက်ပြီဖြစ်ပြီး အဆိုပါ ရပ်ဆိုင်းမှုကို Justice For Myanmar က ကြိုဆိုကြောင်း ကြေညာချက်ယနေ့ ထုတ်ပြန်သည်။
အဆိုပါ ရပ်ဆိုင်းလိုက်သော ရေအားလျှပ်စစ်စီမံကိန်းသည် ရှမ်းပြည်နယ်တွင်တည်ရှိပြီး လျှပ်စစ်ဓါတ်အား ၆၇၁ မဂါဝပ်ထုတ်စက်ရုံပါပါဝင်မည့် စီမံကိန်းဖြစ်ကြောင်း၊ ယင်းစီမံကိန်းတွင် ဂျပန်မာရူဘီနီ Company နှင့် မြန်မာနိုင်ငံမှ ခရိုနီပိုင် ဧရာဟသ်ာCompany တို့ပူးပေါင်းပါဝင်ကြောင်းသိရှိရသည်။
စစ်အာဏာသိမ်းခြင်း၊ လူသားမျိုးနွယ်အပေါ်ရာဇဝတ်မှုများကျူးလွန်ခြင်း၊ လူ့အခွင့်အရေးချိုးဖောက်မှုများအပါအဝင် မြန်မာစစ်တပ်က ရာဇဝတ်မှုများကျူးလွန်ခြင်းတို့ကြောင့်စီမံကိန်းရပ်ဆိုင်းလိုက်ခြင်းဖြစ်သည်ဟု သိရှိရသည်။
မစိုးရိမ်ကျောင်းတိုက်မှာဝင်ရောက်ပြီး အော်ဟစ်ဆဲဆို
+++++++
မန္တလေး မစိုးရိမ်ကျောင်းတိုက်မှာ သံဃာတော်တွေ ပရိတ်ရွတ်နေလို့ ဆိုပြီး အာဏာသိမ်းစစ်ကောင်စီ ရဲ့ အကြမ်းဖက် လက်နက်ကိုင် တပ်တွေ က ဒီကနေ့ မတ်လ ၁၉ ရက်နေ့ ညနေပိုင်းမှာဝင်ရောက်ပြီး အော်ဟစ်ဆဲဆိုခဲ့တယ်လို့ မစိုးရိမ်ကျောင်းတိုက်က သံဃာတော်တွေ ရဲ့ လူမှုကွန်ရက် စာမျက်တွေမှာ ရေးသားထားပါတယ်။
စစ်ကောင်စီရဲ့ အကြမ်းဖက်လက်နက်ကိုင် တပ်ဖွဲ့ ဝင်တွေဟာ မစိုးရိမ်ကျောင်းပေါက်ဝအထဲထိ ဆဲဆိုဝင်ရောက်လာတာဖြစ်တယ်လို့ဆိုပါတယ်။
ဒီကနေ့ ညနေတိုင်းပိုင်းမှာအာဏာသိမ်းစစ်ကောင်စီ ရဲ့ အကြမ်းဖက်လက်နက်ကိုင်တပ်ဖွဲ့တွေဟာ မစိုးရိမ်ကျောင်းတိုက် အနီးမှာ အင်အားအလုံးအရင်း နဲ့ ရောက်ရှိနေတယ်လို့လည်းသိရှိရပါတယ်။
ခေတ်သစ်မီဒီယာ
ဖမ်းမိတဲ့သူကိုလေးဖက်ထောက်ပြီးသွားခိုင်း၏
မတ်လ၁၉ တာမွေ ကျောက်မြောင်း သတိပဌာန်လမ်းမှာ
ဆက်ဖတ်ရန် →
လူကိုလေးဖက်ထောက်ပြီးသွားခိုင်းနေ၏
ကမ္ဘာသိအောင်ဖြန့်ကြပါ
ေါ်သက်သက်ခိုင်၏ လှုံဆော်ရေး မန် နေ ဂျာ Dr ခင်ခင်ကျော့
ဒေါ်သက်သက်ခိုင်၏ လှုံဆော်ရေး မန် နေ ဂျာ Dr ခင်ခင်ကျော့ (Anna Khin Khin Kyawt) နှင့် သမီး သီရိ သန့်မွန် တို့ အား Social Punishment လုပ်ကြပါ။ ယခုလက်ရှိ ဒေါ်ခင်ခင်ကျော့သည် ‘Jon Gyi’ ဟုခေါ်သော နိုင်ငံခြားသားနဲ့တွဲနေသည် ဟုသိရသည်။ Jon Gyi ရန်ကုန်မှာ သီချင်းဆိုသည်ဟုသိရသည်။ သီရိသန့်မွန်သည် TED Talk Yangon Co-Organizerပါ။
ဒေါ် ခင် ခင်ကျော့ သည် “I will destroy her” and “Its not a coup” စာများကိုရေးသား၍ စစ် အာဏာ တည်တံ့ရေးဝါဒဖြန့်ဝေ နေပါသည်။ သူတို့၏ SAIL Groups of Company နှင့် Pegu Partners company များ နှင့် အကျိုးတူ လုပ်ဆောင် သူ များ ကို လည်း boycott လုပ်ကျပါ။
ဒေါ်ခင်ခင်ကျော့
သီရိသန့်မွန်
crd
မစိုးရိမ်ကျောင်းတိုက်ဆရာတော်များပရိတ်ရွတ်ဖတ်ပူဇော်၊မေတ္တာပို့
မန္တလေး ၁၉ - ၃ - ၂၁
" ဦးတင်ပါ၏အရှင်ဘုရား "
မစိုးရိမ်ကျောင်းတိုက်ဆရာတော်များ
သံဃသမဂ္ဂစစ်ကြောင်းဆရာတော်များ
ပရိတ်ရွတ်ဖတ်ပူဇော်၊မေတ္တာပို့
အောင်ပန်းမြို့အကြမ်းဖက် ပစ်ခတ်ဖြိုခွင်းမှုများ
■ အောင်ပန်းမြို့တွင် ယနေ့ မတ်လ ၁၉ ရက်၊ နံနက်ပိုင်းက အာဏာသိမ်းစစ်ကောင်စီ၏ လက်နက်ကိုင်တပ်ဖွဲ့များမှ အကြမ်းဖက် ပစ်ခတ်ဖြိုခွင်းမှုများ ပြုလုပ်လျက်ရှိကြောင်း သိရသည်။
.
.
.
လွတ်လပ်၍ အမှီအခို ကင်းသော မီဒီယာအဖြစ် ဆက်လက် ရပ်တည်နိုင်ရေး ထောက်ပံ့မှုများ ပြုလုပ်လိုပါက https://www.kanbawzatainews.com/p/blog-page_6.html
မ/ဥ ဒလန်တွေလည်းပါလာပါတယ်
၁၉.၃.၂၀၂၁
၁၀:၀၅
Ycdcမှ ဝန်ထမ်းတွေကို သဲအိတ်ရှင်းဖို့ခေါ်ပြီးမနိုင်တော့ ရပ်ကွက်ထဲကလူတွေပါခေါ်ရှင်းခိုင်းတာ
ပုန်းသည့်နေရာနှင့် တော်တော်ဝေးသောနေရာများဖြစ်သောကြောင့် zoomဆွဲထားပါသည်။
တချို့ဒလန် အကြီးစားတွေက ရိုက်ရန်မြင်ကွင်းမရှင်းပါ
