ရဲရင့်ငယ်🌹

အီးယူက မြန်မာနိုင်က သေဒဏ်စီရင်ရာမှာပါ၀င်သူတွေ၊ လက်နက်ပွဲစားတွေနဲ့ လေယာဥ်ဆီ တင်သွင်းသူတွေ ကိုပိတ်ဆို့ အရေးယူ

ဥရောပသမဂ္ဂရဲ့ အရေးယူမှုနှေးကွေးတယ်လို့ ဆို BBC

ဓာတ်ပုံ ရင်းမြစ်, Getty Images

ဦးဂျင်မီနဲ့ ဦးဖြိုးဇေယျာသော်တို့ကို ကွပ်မျက်ဖို့ စီစဥ်ခဲ့တယ်ဆိုပြီး ယခင်စစ်ခုံရုံးအကြီးအကဲကို ဥရောပသမဂ္ဂ အရေးယူ

စစ်အာဏာသိမ်းခံခဲ့ရတာ ၂နှစ်ရှိလာပြီဖြစ်တဲ့ မြန်မာနိုင်ငံမှာ စစ်ကောင်စီနဲ့ ပတ်သက်သူတွေကို ဥရောပသမဂ္ဂ အီးယူက ၆ ကြိမ်မြောက် ပိတ်ဆို့ အရေးယူလိုက်ပြီး အဲဒီ အထဲမှာ လူပုဂ္ဂိုလ် ၉ယောက်နဲ့ ပုဂ္ဂလိက ကုမ္ပဏီ ၄ခု အပြင် ကာကွယ်ရေး၀န်ကြီးဌာနအောက်က လုပ်ငန်းဌာန ၃ ခု ပါ၀င်ကြောင်း ဖေဖော်၀ါရီ ၂၀ရက်နေ့ထုတ် ဥရောပသမဂ္ဂ ထုတ်ပြန်ချက်မှာ ဖော်ပြထားပါတယ်။

လူပုဂ္ဂိုလ် ၉ယောက်ထဲမှာ လက်နက်ပွဲစားလုပ်တယ်ဆိုပြီး အရေးယူခံရသူတွေကတော့ Yandapon Aviation Support Company & Suntac Group တို့ရဲ့ ဒါရိုက်တာ ဦးစစ်တိုင်းအောင် နဲ့အတူ Myanmar Chemical Machinery ကုမ္ပဏီ ဥက္ကဋ္ဌ ဦးအောင်လှိုင်ဦး နဲ့ Sky Aviator ကုမ္ပဏီ တည်ထောင်သူ ဦးကျော်မင်းဦး တို့ ဖြစ်ကြပါတယ်။

ဒါ့အပြင် ပြီးခဲ့တဲ့နှစ် ဇူလိုင်လတုန်းက ၈၈မျိုးဆက်ကျောင်းသားခေါင်းဆောင် ဦးဂျင်မီ နဲ့ လွှတ်တော်အမတ် ဟောင်း ဦးဖြိုးဇေယျာသော် အပါအ၀င် အကျဥ်းကျခံနေရသူ ၄ယောက်ကို ကြိုးပေးကွပ်မျက်ဖို့ စီစဥ်ရာမှာ ပါ၀င်ခဲ့တယ်ဆိုပြီး ယခင်စစ်ခုံရုံးအကြီးအကဲလည်းဖြစ် လက်ရှိ ရန်ကုန်တိုင်း စီးပွားရေး၀န်ကြီး လည်းဖြစ်တဲ့ ဒုတိယဗိုလ်မှူးကြီး မျိုးမြင့်အောင်လည်း အီးယူရဲ့ ပိတ်ဆို့အရေးယူခံရတဲ့အထဲ ပါ၀င်တာ တွေ့ရပါတယ်။

ရန်ကုန်တိုင်းအတွင်း ဒီမိုကရေစီ အရေး လှုပ်ရှားမှုတွေကို ဖိနှိပ်ရာမှာ ပါ၀င်ခဲ့လို့ ဆိုပြီး ရဲချုပ်ဟောင်း လည်းဖြစ် ပြည်ထဲရေး ဒု၀န်ကြီးလည်းဖြစ်တဲ့ ဗိုလ်ချုပ် ဇော်မင်းထက်ကိုလည်း အီးယူက အရေးယူခဲ့ပါတယ်။

တခါ ရေတပ်ဗိုလ်ချုပ်ကြီး မိုးအောင်ကိုတော့ ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် ၊ ဒုကာကွယ်ရေးဦးစီးချုပ် ဗိုလ်ချုပ်မှူးကြီး စိုး၀င်း တို့နဲ့ နီးစပ်တယ်လို့ ဆိုကာ အရေးယူခံခဲ့သလို စစ်တပ်မှာ တတိယ အကြီးဆုံး ရာထူးယူထားတဲ့ ဗိုလ်ချုပ်ကြီးမောင်မောင်အေး ဟာလည်း ဥရောပသမဂ္ဂ ပိတ်ဆို့တဲ့ စာရင်းထဲ ထည့်သွင်းခံ ခဲ့ရပါတယ်။

ဒါ့အပြင် ၂၀၂၂ သြဂုတ်လကတည်းက စွမ်းအင်၀န်ကြီးအဖြစ်တာ၀န်ထမ်းဆောင်သူ ဦးမျိုးမြင့်ဦး နဲ့ တောင်ပိုင်းတိုင်း ကနေ မြောက်ပိုင်းတိုင်းကို ပြောင်းလဲတာ၀န်ယူတဲ့ ကချင်ပြည်နယ် တိုင်းမှူး ဗိုလ်ချုပ် ကိုကိုမောင် တို့ကိုလဲ ဥရောပသမဂ္ဂက ပိတ်ဆို့ အရေးယူခဲ့ပါတယ်။

ဒီလူတွေအချို့ဟာ ကချင်ပြည်နယ်က လေကြောင်းတိုက်ခိုက်မှုများ၊ အစုလိုက် အပြုံလိုက် သတ်ဖြတ်မှုများ၊ စီးနင်းတိုက်ခိုက်မှုနဲ့ မီးရှို့မှုနှင့် စစ်တပ်က ကျူးလွန်ခဲ့တဲ့ လူသားဒိုင်းများ အသုံးပြုခြင်းတို့ကို ကြီးကြပ်ဆောင်ရွက်ခဲ့ကြသူတွေဖြစ်တယ်လို့ ဖော်ပြထားပါတယ်။

အဖွဲ့အစည်း အရေးယူခံရတဲ့အထဲမှာ ကာကွယ်ရေးဦးစီးဌာန လက်အောက်က စစ်ထောက်ချုပ်ရုံး ၊ ကာကွယ်ရေးပစ္စည်းစက်ရုံများ ညွှန်ကြားရေးမှူးရုံး စသဖြင့် ရုံးဌာန ၃ခုလည်း အီးယူက ပိတ်ဆို့တဲ့စာရင်းမှာပါပြီး လေယာဥ်ဆီ ထောက်ပံ့မှု နဲ့ Asian Sun Group ကုမ္ပဏီ အရေးယူခံရသလို ၊ လက်နက်ပွဲစား ကုမ္ပဏီတွေလို့ဆိုကာ Dynasty Int’l Co.Ltd နဲ့ Sky Aviator Co.,Ltd အပါအ၀င် ရခိုင်အရေးမှာ စစ်တပ်ကို ထောက်ပံ့တဲ့ စွပ်စွဲချက်နဲ့ International Gateways Group ကုမ္ပဏီလည်း အရေးယူခံခဲ့ရပါတယ်။

ရေတပ်ဗိုလ်ချုပ်ကြီးမိုးအောင် EU အရေးယူတာခံရပြီ

ဓာတ်ပုံ ရင်းမြစ်, European Union in Myanmar

ကာကွယ်ရေးဦးစီးချုပ် ၊ ဒုကာချုပ်တို့နဲ့ နီးစပ်တဲ့ ရေတပ်ဗိုလ်ချုပ်ကြီးကို ဥရောပ သမဂ္ဂက အရေးယူပိတ်ဆို့တဲ့စာရင်းထဲ ထည့်သွင်းထားတာတွေ့ရ

အခုလို ဥရောပ သမဂ္ဂ အီးယူက လူပုဂ္ဂိုလ် ၉ယောက်နဲ့ အဖွဲ့အစည်း ၇ ခု ကို သူတို့ကျူးလွန်ခဲ့တဲ့ ပြစ်မှုတွေ အရ အရေးယူတဲ့အပေါ် မြန်မာနိုင်ငံဆိုင်ရာ လူအခွင့်အရေးနဲ့ ဒီမိုကရေစီ အဖွဲ့ဖြစ်တဲ့ Burma Campaign UK က ကြိုဆိုကြောင်း ထုတ်ပြန်ခဲ့ပါတယ်။

ခုနောက်ဆုံး ထွက်ပေါ်လာတဲ့ ဥရောပသမဂ္ဂရဲ့ ပိတ်ဆို့မှုတွေက မြန်မာနိုင်ငံမှာ လူ့အခွင့်အရေး ဆိုးဆိုးရွားရွား ချိုးဖောက် ကျူးလွန်နေသူတွေကို ပစ်မှတ်ထား ဆောင်ရွက်ခဲ့ပြီး လေကြောင်းတိုက်ခိုက်မှုတွေ ၊ စစ်တပ်ကို လက်နက် ထောက်ပံ့မှုတွေ လျော့ကျသွားအောင် လူ့အခွင့်အရေး ချိုးဖောက်နေတဲ့ လူပုဂ္ဂိုလ်တွေနဲ့ အဖွဲ့အစည်းတွေကို အရေးယူခဲ့တာ ဖြစ်တယ်လို့ Burma Campaign UK အမှုဆောင် ဒါရိုက်တာ Anna Roberts က ပြောပါတယ်။

အီးယူရဲ့ အရေးယူမှုက မှန်ကန်တဲ့ ချဥ်းကပ်မှု ဖြစ်ပေမယ့် ချမှတ်လုပ်ဆောင်မှုတွေက နှေးကွေးလှတယ် ၊ ဒါကြောင့် မြန်မာပြည်မှာ တိုင်းရင်းသား ပြည်သူတွေ အသက်ပေး ဆုံးရှုံးရမှုတွေ များလွန်းလှတယ်လို့လည်း သူက ထောက်ပြခဲ့ပါတယ်။

မြန်မာနိုင်ငံမှာ ၂၀၂၂ နှစ်အတွင်း ဥရောပ သမဂ္ဂက အရေးယူပိတ်ဆို့မှု နှစ်ကြိမ်သာ လုပ်ခဲ့ပြီး လတ်တလောမှာ အရပ်သားပြည်သူ တိုင်းရင်းသားတွေအပေါ် စစ်တပ်က လေကြောင်းက တိုက်ခိုက်မှုတွေ များပြားလာသလို ဆယ်စုနှစ်တွေ အတွင်း ပထမဆုံး ကြိုးပေးကွပ်မျက်မှုတွေ ရှိခဲ့ကာ ၊ ယုံကြည်ချက်ကြောင့် အကျဥ်းချခံရသူလည်း တစ်သောင်းသုံးထောင်ကျော် အထိ တိုးလာခဲ့ပါတယ်။

ဆက်ဖတ်ရန် →

ပဋိပက္ခဖြစ်နေသည့် ကရင်လက်နက်ကိုင်တပ်ဖွဲ့ ၂ ဖွဲ့ အမြန်ဆုံးတွေ့ဆုံဖြေရှင်းရန် တနင်္သာရီတိုင်း ကရင်လူထုတောင်းဆို

📅 💬 မှတ်ချက်

Published By Nay Kyal | 20 February, 2023 DVB

တနင်္သာရီတိုင်းအတွင်းရှိ ကရင်လက်နက်ကိုင်တပ်ဖွဲ့ အချင်းချင်းပစ်ခတ်မှုနဲ့ ပတ်သက်ပြီး ကရင်အမျိုးသားလွတ်မြောက်ရေးတပ်မတော် (KNLA)နဲ့ ကော်သူးလေတပ်မတော် (KTLA) တို့ဘက်က တာဝန်ယူထားတဲ့ အမြင့်ဆုံးသော ပုဂ္ဂိုလ်တွေအနေနဲ့ အမြန်ဆုံး တွေ့ဆုံဆွေးနွေး အဖြေရှာကြဖို့ တနင်္သာရီတိုင်းအတွင်းရှိ ကရင်ပြည်သူလူထုတွေက ဖေဖော်ဝါရီ ၂၀ ရက် ဒီနေ့မှာ ကြေညာချက်ထုတ်ပြန် တောင်းဆိုလိုက်ပါတယ်။

ဘယ်ကရင်လက်နက်ကိုင်အဖွဲ့အစည်းကိုမဆို ရန်လိုသောစိတ်၊ အနိုင်အထက်စီးနင်လိုသောစိတ်၊ ကရင်အမျိုးသားတွေနဲ့ မြန်မာပြည်သူအားလုံးရဲ့ အကျိုးကို လစ်လျူရှုပြီး မိမိပုဂ္ဂလိကနဲ့ သက်ဆိုင်ရာအဖွဲ့ငယ်တို့ရဲ့ အကျိုးစီးပွားကိုသာ ကြည့်ရှုတဲ့ ခေါင်းဆောင်တွေကိုလည်း ပြင်းပြင်းထန်ထန်ရှုတ်ချကြောင်းလည်း ထုတ်ပြန်ထားပါတယ်။

တနင်္သာရီတိုင်းအတွင်း ကရင်ပြည်သူလူထုတွေအနေနဲ့ပြီးခဲ့တဲ့ ဖေဖော်ဝါရီလ ၇ ရက်နေ့ကလည်း ပစ်ခတ်မှုတွေ မဖြစ်အောင်ထိန်းသိမ်းဖို့ သတိပေးတောင်းဆိုထုတ်ပြန်တဲ့ကြားက လက်နက်နဲ့ ပစ်ခတ်မှုဖြစ်ပွားခဲ့ကြတာလို့ တနင်္သာရီတိုင်းအတွင်းရှိ ကရင်ပြည်သူလူထုများကိုယ်စား ပြောခွင့်ရသူ နော်ဝါးဝါးက ပြောပါတယ်။

“ကျမတို့ ဖေဖော်ဝါရီလ ၇ ရက်နေ့တုန်းက ကျမတို့ ဒီလိုမျိုးတင်းမာမှုတွေ ဖြစ်လာမှာစိုးလို့ နှစ်ဖက်စလုံးက အဖြေရှာဖို့အတွက် ကျမတို့ ပထမဆုံး ထုတ်ပြန်ချက်ကို မေတ္တာရပ်ခံချက်အနေနဲ့ ကျမတို့ ထုတ်ခဲ့တယ်။ ဒါပေမဲ့ ကျမတို့ မေတ္တာရပ်ခံထုတ်နေရင်းတန်းလန်းမှာပဲ ပစ်ခတ်မှုဖြစ်တယ်ပေါ့နော်။ နှစ်ဖက်စလုံးက လက်နက်နဲ့ ဖြေရှင်းကြတယ်ပေါ့နော်။ ဖြေရှင်းတဲ့အခါမှာ နှစ်ဖက်စလုံးက ထိခိုက်မှုရှိတယ်။ ရွာသူရွာသားတွေလည်း ထိခိုက်မှု ရှိတယ်ပေါ့နော်။ အဲဒါကြောင့် ကျမတို့ ပြည်သူလူထုအနေနဲ့ သူတို့ လက်နက်အားဖြင့် မဖြေရှင်းကြဘဲနဲ့ အဖြေရှာဖို့အတွက် ထပ်မံပြီးတော့ တိုက်တွန်းတဲ့အနေနဲ့ ဒီလို ထပ်ထုတ်ပြန်ရခြင်းဖြစ်ပါတယ်။”

ဒီကနေ့ထုတ်ပြန်ချက်မှာ တနင်္သာရီ ပြည်သူလူထုတွေနဲ့အတူ ပြည်ပမှာရှိတဲ့ ကရင်အဖွဲ့အစည်း ၄၆ ဖွဲ့ကလည်း ဒီသဘောထားရပ်တည်ချက်နဲ့ ပူးပေါင်းထုတ်ပြန်တောင်းဆိုထားပါတယ်။

ကရင်အမျိုးသားအစည်းအရုံး- ကေအန်ယူလက်အောက်ခံ တပ်မဟာ (၄)နဲ့ ကော်သူးလေ တပ်မတော်တို့အကြား လတ်တလော ထွက်ပေါ်လာတဲ့ အပြန်အလှန် ထုတ်ပြန်ချက်တွေကြောင့် တဖက်နဲ့ တဖက် ဆက်ဆံရေးပိုမိုတင်းမာလာခဲ့ပြီး ပြီးခဲ့တဲ့ ရက်ပိုင်းက နှစ်ဖက်အကြား ပစ်ခတ်မှုဖြစ်ပွားခဲ့ပါတယ်။

ပဋိပက္ခကြီးထွားလာပါက၊ ကရင်အမျိုးသားအတွင်းသာမက ကရင်မဟုတ်တဲ့ လူမျိုးစုတွေအကြား မလိုလားအပ်တဲ့ တင်းမာမှု၊ မုန်းတီးမှုတွေဖြစ်ပေါ်လာစေနိုင်ပြီး ပြည်သူလူထု အကြား စိတ်ဝမ်းကွဲမှု၊ မယုံကြည်မှုတွေကိုလည်းဖြစ်ပေါ်စေနိုင်တယ်လို့လည်း ကရင်လူထုက သတိပေးထားပါတယ်။

တနင်္သာရီတိုင်း၊ ကော့သောင်းခရိုင်၊ ခမောက်ကြီးမြို့နယ်ထဲမှာရှိတဲ့ ကျေးရွာတချို့ကို ပြည်သူ့ကာကွယ်ရေးတပ်မတော် ကော့သောင်းခရိုင် အမှတ်-၁ တပ်ရင်း၊ KNU နဲ့ ကော်သူးလေအာမီ ပူးပေါင်းတပ်ဖွဲ့ (KTLA) တို့က နယ်မြေစိုးမိုးထားကြောင်း ပြည်သူ့ကာကွယ်ရေးတပ်မတော် ကော့သောင်းခရိုင် အမှတ်-၁ တပ်ရင်းရဲ့ ထုတ်ပြန်ချက်အရ သိရပါတယ်။

အဆိုပါကျေးရွာတွေမှာ ဝိုင်ဒင်းကျေးရွာ၊ အေးမြမင်္ဂလာကျေးရွာနဲ့ တပ်ဦးမြိုင်ကျေးရွာတို့ ဖြစ်ပြီး ထိုင်းနိုင်ငံနဲ့နီးစပ်တဲ့ နယ်မြေကျေးရွာတွေဖြစ်ကာ KNU နဲ့ ပြည်သူ့ကာကွယ်‌ရေး ပူးပေါင်းတပ်ဖွဲ့က စိုးမိုးထားတဲ့နယ်မြေတွေ ဖြစ်တယ်လို့ သိရပါတယ်။

အခုလို စိုးမိုးနယ်မြေတွေအဖြစ် ထုတ်ပြန်လိုက်ပြီးနောက် စစ်ကောင်စီဘက်က လူအင်အားနဲ့ လက်နက်ကြီးအင်အား ဖြည့်တင်းလာတဲ့အတွက် စစ်ရေးတင်းမာမှုတွေ ရှိလာတယ်လို့ ဒေသခံပြည်သူတဦးက ဆိုပါတယ်။

“နယ်မြေက ၃ နေရာစိုးမိုးထားတယ်။ တိုက်ပွဲမဖြစ်ခင်တည်းက ပြည်သူတွေ ကြောက်ပြီး ထိုင်းထဲ ထွက်ပြေးကြတာပါ။ ခုတော့ ပြန်ဝင်လာကြပါပြီ။ ထိုင်းနိုင်ငံဘက်က လာပြီး ညှိနှိုင်း တာ‌တွေရှိတယ်။ စစ်ရေးတင်းမာမှုတွေရှိတယ်။ ကော့သောင်း ပြည်သူ့ကာကွယ်ရေး ပူးပေါင်းတပ်ဖွဲ့ဘက်ကလည်း ပြင်ဆင်မှုတွေ လုပ်ထားပါတယ်။”

ဖေဖော်ဝါရီ ၁၉ ရက် ညနေကလည်း ပြည်သူ့ကာကွယ်ရေး စိုးမိုးနယ်မြေဖြစ်တဲ့ ဝိုင်ဒင်းကျေးရွာထဲကို စစ်ကောင်စီဘက်က လက်နက်ကြီးနဲ့ ပစ်ခတ်တာတွေ ရှိခဲ့တယ်လို့လည်း သိရပါတယ်။

ဒါ့အပြင် ဖေဖော်ဝါရီ ၁၄ ရက်ကလည်း ရေဖြူကျေးရွာနဲ့ ထုံခါးကျေးရွာကြားမှာ စစ်ကြောင်းထိုးလာတဲ့ စစ်ကောင်စီတပ်ကို ဒေသတွင်း ပြည်သူ့ကာကွယ်ရေးတပ်ဖွဲ့က လမ်းဆုံတ‌နေရာမှာ တိုက်ခိုက်ပြီးနောက် စစ်ကောင်စီဘက်က အထိနာတာတွေ ရှိခဲ့တယ်လို့လည်း သိရပါတယ်။

Photo- KTLA

ဆက်ဖတ်ရန် →

ခလရ ၂၆၉ နှင့် ခလရ ၂၆၆ မှ စစ်ကောင်စီတပ်သား ၄ ဦး လက်နက်အပြည့်အစုံ၊ ခဲယမ်းများနှင့်အတူ အလင်းဝင်

📅 💬 မှတ်ချက်

ထန်တလန်နှင့် ဟားခါးမြို့နယ်တို့တွင် ခလရ ၂၆၉ နှင့် ခလရ ၂၆၆ မှ စစ်ကောင်စီတပ်သား ၄ ဦး လက်နက်အပြည့်အစုံ၊ ခဲယမ်းများနှင့်အတူ အလင်းဝင်

ရန်ကုန်၊ ဖေဖော်ဝါရီ ၂၁ ခေတ်သစ်

ချင်းပြည်နယ်၊ ထန်တလန်မြို့နယ်၊ ခြေလျင်တပ်ရင်း (ခလရ) ၂၆၉ မှ စစ်ကောင်စီတပ်သား ၂ ဦး သေနတ် ၂ လက်၊ ကျည် ၆၀၀ ကျော်၊ ဗုံး ၇ လုံးဖြင့် အလင်းဝင်မှု ငွေကျပ် သိန်း ၃၀ စီ ချီးမြှင့်ပြီး လုံခြုံရာပို့ဆောင်လိုက်ကြောင်း CDF ဟားခါးတပ်ဖွဲ့ သတင်းထုတ်ပြန်သည်။

ထန်တလန်မြို့ အခြေစိုက် စစ်ကောင်စီတပ်ရင်း ၂၆၉ မှ စစ်သား ၂ဦးသည် လက်နက်ခဲယမ်းအပြည့်အစုံဖြင့် CDF-Hakha ထံသို့ အလင်း၀င်လာခဲ့ကြောင်း ၊ စစ်သား ၂ ဦးက MA-3 သေနတ် ၂လက်၊ ကျည် ၆၇၄၊ ကျည်အိမ် ၉ခု၊ လက်ပစ်ဗုံး ၄လုံးနဲ့ ၆၀မမ ဗုံးသီး ၃ခု ယူဆောင် အပ်နှံလာကြောင်း၊ ထို့ကြောင့် အလင်းဝင်လာသူ စစ်သား ၂ ဦးကို ငွေကျပ် သိန်း ၃၀ စီး ချီးမြှင့်ပြီး လွတ်မြောက်ရာ ပို့ဆောင်လိုက်ကြောင်း CDF ဟားခါးတပ်ဖွဲ့ က ဆိုသည်။

အလားတူ ဖေဖော်ဝါရီလ ၁၆ ရက်နေ့တွင် ချင်းပြည်နယ်၊ ဟားခါးမြို့တွင်တာဝန်ထမ်းဆောင်နေသော စစ်ကောင်စီတပ်သားနှစ်ဦး လက် နက်ခဲယမ်းများဖြင့် အလင်းဝင်လာကြောင်း CDF–Senthangက သတင်းထုတ်ပြန်သည်။

ဟားခါးမြို့နယ်၊ ခလရ ၂၆၆ မှ စစ်သား ၂ ဦးသည် MA 2 သေနတ် တစ်လက်၊ ကျည်ဆံ၊ ဗုံးသီး၊ နင်းမိုင်းနှင့် ထောင်မိုင်းများဖြင့် အလင်းဝင်လာခဲ့ကြောင်း သိရှိရသည်။

ဆက်ဖတ်ရန် →

နတ်တလင်းတွင် စစ်ကောင်စီတပ် မိုင်းဆွဲတိုက်ခိုက်ခံရ

📅 💬 မှတ်ချက်

ဒီဗွီဘီ

ပဲခူးတိုင်း၊ နတ်တလင်းမြို့နယ်မှာ ဖေဖော်ဝါရီ ၁၈ ရက် မွန်းလွဲပိုင်းက စစ်ကောင်စီတပ်သားတွေ မိုင်းဆွဲတိုက်ခိုက်ခံရပြီး စစ်ကောင်စီဘက်က ၃ ယောက် အပြင်းထန် ဒဏ်ရာရရှိခဲ့တယ်လို့ တပ်ရင်း ၃၈၀၁၊ တပ်ခွဲ ၃၊ နတ်စစ်သည်-ပြည်သူ့ကာကွယ်ရေးတပ်ဖွဲ့ကနေ သိရပါတယ်။

နတ်တလင်းမြို့နယ် မကျီးပင်ရွာဘက်ကနေ တောလမ်းအတိုင်းတက်လာတဲ့ စစ်ကောင်စီတပ်သား အင်အား ၃၀ လောက်ကို ဖေဖော်ဝါရီ ၁၈ ရက် မွန်းလွဲ ၂ နာရီလောက်က ရစ်ကွင်းရွာနားမှာ မိုင်းဆွဲတိုက်ခိုက်ခဲ့တယ်လို့ နတ်စစ်သည် ပြည်သူ့ကာကွယ်ရေးတပ်ဖွဲ့ရဲ့ ပြန်ကြားရေးတာဝန်ခံက ဒီဗွီဘီကို ပြောပါတယ်။

အဲဒီတိုက်ခိုက်မှုအတွင်းမှာ စစ်ကောင်စီဘက်က ၃ ယောက် အပြင်းအထန် ဒဏ်ရာရရှိခဲ့ပြီး သေဆုံးသူရှိနိုင်ပေမဲ့ အတိအကျတော့ မသိရသေးဘူးလို့ ဆိုပါတယ်။

ဆက်ဖတ်ရန် →

ပိတ်ဆို့ဒဏ်ခတ်မှုတွေဟာ သတိပေးတဲ့အဆင့်ပဲရှိနေသေး-- ဒေါ်ဇင်မာအောင်

📅 💬 မှတ်ချက်

VOA

မြန်မာ စစ်ကောင်စီအပေါ် အမေရိကန်ပြည်ထောင်စုရဲ့ ပိတ်ဆို့ဒဏ်ခတ်မှုတွေဟာ လုံလောက်မှု မရှိသေးတဲ့အကြောင်းနဲ့ ဒီထက်ပိုပြီး ဖိအားပေးဖို့လိုသလို မြန်မာ့ ဒီမိုကရေစီရေးအတွက် လှုပ်ရှားနေတဲ့ အဖွဲ့အစည်းတွေ ကို ပိုပြီး ငွေကြေးထောက်ပံ့ဖို့လိုတဲ့အကြောင်း NUG အမျိုးသားညီညွတ်ရေးအစိုးရ နိုင်ငံခြားရေးဝန်ကြီး ဒေါ်ဇင်မာအောင် က Reuters သတင်းဌာနကို ပြောဆိုပါတယ်။

“စီးပွားရေးအရ ဒဏ်ခတ် ပိတ်ဆို့ရာမှာ ဖိအားပေးတာတွေ မလုံလောက်သေးပါဘူး။ ဒါ့ကြောင့်လည်း စစ်ကောင်စီဘက် က အခုအချိန်အထိ ရပ်တည်နိုင်တာဖြစ်ပြီး တကယ်လို့ စစ်ကောင်စီ ဝင်ငွေ အရင်းအမြစ်တွေ ကို ပိတ်ဆို့ ဖြတ်တောက်နိုင်မယ်ဆိုရင် မြန်မာပြည်သူတွေအပေါ် တိုက်ခိုက်တာတွေ ဆက် လုပ်နိုင်မှာ မဟုတ်ပါဘူး” - လို့ ဒေါ်ဇင်မာအောင် ပြောဆိုသွားတာပါ။

မြန်မာစစ်တပ်ဘက် က လေကြောင်းကနေ ထိုးစစ်ဆင်တဲ့အခါ တိုက်ခိုက်ရေး ဂျက်လေယာဉ်တွေ အတွက် လောင်စာဆီဖိုး ငွေကြေးအမြောက်အများ အကုန်အကျခံ တိုက်နေတာဖြစ်တဲ့အတွက် ထိထိရောက်ရောက် ပိတ်ဆို့ ဖြတ်တောက်နိုင်ဖို့ စီးပွားရေးအရ အရေးယူနိုင်ဖို့လိုမယ်လို့ သူက ပြောဆိုပါတယ်။

အမေရိကန်ပြည်ထောင်စုကို ရောက်လာတဲ့ခရီးစဉ်အတွင်း အမေရိကန်နိုင်ငံခြားရေးဝန်ကြီးဌာန အရာရှိတွေ နဲ့ လွှတ်တော်အမတ်တချို့ ကို တွေ့ဆုံပါတယ်။ မြန်မာနိုင်ငံအရေး ကို နိုင်ငံတော်တော်များများ က ယူကရိန်း-ရုရှား ကျုးကျော်စစ်လိုမမြင်ဘဲ ပြည်တွင်းရေး ပြသနာအဖြစ်ပဲ မြင်နေကြတဲ့အတွက် ကူညီထောက်ပံ့မှု အားနည်းတာကို ဒေါ်ဇင်မာအောင် နိုင်းယှဉ် ပြောဆိုပါတယ်။

အမေရိကန် ပြည်ထောင်စု အနေနဲ့ မြန်မာစစ်ကောင်စီရဲ့ ငွေကြေးစီးဆင်း မှုအပေါ် ပစ်မှတ်ထား အရေးယူ ဖိအားပေးနေပေမဲ့ သတိပေးတဲ့အဆင့်ပဲရှိနေသေးတယ်လို့ ဒေါ်ဇင်မာအောင်က ဝေဖန် ပြောဆိုပါတယ်။ အမေရိကန် နိုင်ငံခြားရေးဝန်ကြီးဌာနဘက်ကတော့ ဒါနဲ့ပတ်သက်လို့ တစုံတရာ တုံ့ပြန်ပြောဆိုတာ မရှိသေးပါဘူး။

ဆက်ဖတ်ရန် →

ယင်းမာပင်နှင့် ဆားလင်းကြီး အစပ်ရှိ စစ်တပ် စခန်းငယ်ကို PDF တပ်ဖွဲ့များ သိမ်းပိုက်

📅 💬 မှတ်ချက်

ကျောက်မျက်တောင်ရှိ စစ်တပ် စခန်းငယ်ကို PDF တပ်ဖွဲ့များ သိမ်းပိုက်ခဲ့ပြီး စစ်သား ၁၀ ဦးသေဆုံးကာ PDF ရဲဘော် ၁ ဦးကျဆုံးပြီး Anti Drone Gun နှင့် မိုင်းအမျိုးမျိုး ၁၀၀ ကျော် သိမ်းဆည်းရမိ

ရန်ကုန်၊ ဖေဖော်ဝါရီ ၂၀ ခေတ်သစ်

စစ်ကိုင်းတိုင်း၊ ယင်းမာပင်နှင့် ဆားလင်းကြီး အစပ်ရှိ စစ်တပ် စခန်းငယ်ကို PDF တပ်ဖွဲ့များ သိမ်းပိုက်ခဲ့ပြီး စစ်သား ၁၀ ဦးသေဆုံးခဲ့ကြောင်း KLG PDF မှ တာဝန်ရှိသူ တစ်ဦးက ရန်ကုန်ခေတ်သစ် မီဒီယာသို့ ပြောဆိုသည်။

ဖေဖော်ဝါရီလ ၁၉ ရက်နေ့ ညနေ ၅ နာရီ ၃၀ မိနစ်ခန့်တွင် ဆားလင်းကြီးမြို့နယ်နှင့် ယင်းမာပင်မြို့နယ် အစပ် ကျောက်မျက်တောင်ပေါ်၌ တပ်စွဲထားသော စစ်တပ် စခန်းငယ်ကို PDF တပ်ဖွဲ့များက ဝင်ရောက် စီးနင်းသိမ်းပိုက်ခဲ့ပြီး တိုက်ပွဲ ၁ နာရီ ကျော်ကြာဖြစ်ပွားကာ စစ်သား ၁၀ ဦးသေဆုံးခဲ့ပြီး PDF ရဲဘော် ၁ ဦးကျဆုံးကာ စခန်းငယ်ကို သိမ်းပိုက်နိုင်ခဲ့ကြောင်း သိရသည်။

အဆိုပါ စခန်းငယ်အတွင်းမှ M-14 နင်းမိုင်း အလုံး ၄၀ စနစ်တံပါ၊ MG-1 ပလက်စတစ် လက်ပစ်ဗုံး အလုံး ၃၀ ၊ MM-5 ရှေ့ထွက်မိုင်း အလုံး ၅၀ နှင့် Anti Drone Gun တစ်လက် သိမ်းဆည်းရမိခဲ့ကြောင်း သိရသည်။

" အဲ့စခန်းက စစ်ခွေး အင်အား ၂၀ ကျော်လောက်ပဲရှိတာ စစ်ခွေး ၁၀ ကောင် အထက်သေတယ်။ ကျန်တဲ့ ခွေးတွေကတော့ ထွက်ပြေးသွားတယ်။ စခန်းထဲက မိုင်းအမျိုးမျိုး ၁၀၀ ကျော်နဲ့ Anti Drone Gun တစ်လက် သိမ်းနိုင်ခဲ့တယ်" ဟု KLG PDF မှ တာဝန်ရှိသူ တစ်ဦးကပြောဆိုသည်။

အဆိုပါ တိုက်ခိုက်မှုကို KLG တပ်မဟာနှင့်အတူ နဂါးညီနောင် (DBTF)၊ Alpha Special Force၊ Triple Two Force၊ ချင်းတွင်းဂဋ္ဌုန်ရာဇာ၊ Yinmarbin Local PDF၊ B 21 PDF၊ Double K တပ်ခွဲ၊ ဗျတ္တညီနောင်၊ ရတနာပုံတပ်ဖွဲ့၊ ချင်းတွင်းတိုက်ဂါး(Force)၊ ချင်းတွင်းတိုက်ဂါး(LPDF)၊ ထန်းတပင်(LPDF)၊ ချိုမိုင်မိုင်၊ ဗိုလ်နှုတ်ခမ်းမွှေးနှင့်သူ၏ရဲဘော်များ၊ ဗိုလ်မုတ်ဆိတ် တပ်ခွဲ၊ Yinmarbin PDA၊ Next Generation Hope၊ မြောက်ယမားတပ်ဖွဲ့ ၊ယင်းမာပင်၊ဆားလင်းကြီး၊ကနီ မဟာမိတ်တပ်ပေါင်းစုများ ပူးပေါင်း လုပ်ဆောင်ခဲ့ကြောင်း သိရသည်။

ဆက်ဖတ်ရန် →

ရန်ကုန်-မန္တလေး လမ်းဟောင်းတွင် ယနေ့ တံတား မိုင်းကွဲပြီး ယာဉ်များ ပိတ်ဆို့နေ

📅 💬 မှတ်ချက်

ရန်ကုန်-မော်လမြိုင် လမ်းပိုင်းတွင် စစ်တပ် ယာဥ်တန်းကို မိုင်းဆွဲ တိုက်ခိုက်မှု စစ်သား ၇ ဦးသေဆုံး၊

ရန်ကုန်၊ ဖေဖော်ဝါရီ ၂၀ ခေတ်သစ်

ရန်ကုန်-မော်လမြိုင် လမ်းပိုင်းတွင် အကြမ်းဖက် စစ်တပ် ယာဥ်တန်းကို မိုင်းဆွဲ တိုက်ခိုက်မှု စစ်သား ၇ ဦးသေဆုံးကြောင်း KNU သတင်းရင်းမြစ်က ပြောသည်။

ဖေဖော်ဝါရီလ ၁၉ ရက်နေ့ ည ၇ နာရီ ၄၀ မိနစ်တွင် သထုံမှ ဘီးလင်းသို့ မောင်းနှင်လာသည့် အကြမ်းဖက် စစ်တပ် ယာဥ်တန်းကို ဒေသခံကာကွယ်ရေး တပ်ဖွဲ့များက ရန်ကုန်-မော်လမြိုင်လမ်း၊ ကမာဆိုင်ရွာအနီးတွင် မိုင်းဆွဲ တိုက်ခိုက်ခဲ့ပြီး စစ်သား ၇ ဦးသေဆုံးခဲ့ကြောင်း သိရသည်။

အဆိုပါ တိုက်ခိုက်မှုကို KNLA တပ်မဟာ ၁ ၊ တပ်ရင်း ၂ ၊ တပ်ခွဲ ၃ နှင့် ဘီးလင်း ပကဖ တို့က ပူးပေါင်း လုပ်ဆောင်ခဲ့ကြောင်း သိရသည်။

ထို့ပြင် ဖေဖော်ဝါရီလ ၂၀ ရက်နေ့ မွန်းလွဲပိုင်း ရန်ကုန်-မန္တလေး လမ်းဟောင်း၊ ကျောက်တံခါးမြို့နယ်နှင့် ပဲနွယ်ကုန်းအကြားရှိ တံတား မိုင်းကွဲပြီး လက်ရှိအချိန်တွင် ကားများ ပိတ်ဆို့နေကြောင်း ခရီးသွားပြည်သူများထံမှ သိရှိရသည်။

"ကျောက်တံခါး နှင့် ပဲနွယ်ကုန်း ကြား ရန်ကုန် မန္တလေးလမ်းဟောင်း တံတားမိုင်းကွဲပါတယ်။ အခုအချိန်အထိ ကားတွေ ပိတ်ထားပြီး ဖြတ်သန်းခွင့်မပြုသေးပါဘူး။ ကားတွေပိတ်နေပါတယ်" ဟု ဒေသပြည်သူ တစ်ဦးက ပြောသည်။

ဓာတ်ပုံ- ရန်ကုန်-မန္တလေး လမ်းဟောင်း၊ ကျောက်တံခါးနှင့် ပဲနွယ်ကုန်းအကြားတွင် ယနေ့ တံတားမိုင်းကွဲ၍ ပျက်စီးနေစဉ်။

ဆက်ဖတ်ရန် →

ရွှေဘိုမြို့နယ်ရှိ ကျေးရွာ ၂ ရွာကို စစ်တပ်က မီးတင်ရှို့နေ

📅 💬 မှတ်ချက်

ရန်ကုန်၊ ဖေဖော်ဝါရီ ၂၀ ခေတ်သစ်

စစ်ကိုင်းတိုင်း၊ ရွှေဘိုမြို့နယ်ရှိ ကျေးရွာ ၂ ရွာကို အကြမ်းဖက် စစ်တပ်က မီးရှို့ဖျက်ဆီးနေကြောင်း ဒေသခံ ပြည်သူများက ရန်ကုန်ခေတ်သစ် မီဒီယာသို့ ပြောဆိုသည်။

ဖေဖော်ဝါရီလ ၂၀ ရက်နေ့ မွန်းလွဲ ၃ နာရီခန့်တွင် အကြမ်းဖက် စစ်တပ်က ထူးကြီးရွာကို မီးရှို့ဖျက်ဆီးခဲ့ပြီး မွန်းလွဲ ၄ နာရီ ၂၅ မိနစ်ခန့်တွင် တည်ပင်ရွာကို ထပ်မံမီးရှို့ဖျက်ဆီးလျက်ရှိကြောင်း သိရသည်။

"ရွှေဘို အနောက်ခြမ်း ထူးကြီးရွာနဲ့ တည်ပင်ရွာကို စစ်ခွေးတွေက မီးရှို့နေပါတယ်။ ဒီနေ့ ညနေပိုင်း ၃ နာရီအချိန်ခန့်ကပါ။ ပြည်သူတွေ ထိခိုက်မှု အတိအကျ မသိရသေးဘူး။ ရွှေဘိုအနောက်နယ်ကို စစ်ခွေးတွေက စစ်ကြောင်းထိုးနေတယ်။ တိုက်ပွဲ ဖြစ်ပွားတာတော့ မကြားမိဘူး" ဟု ဒေသခံ ပြည်သူ တစ်ဦးကပြောဆိုသည်။

တည်ပင်ရွာနှင့် ထူးကြီးရွာကို အကြမ်းဖက် စစ်တပ်က တိုက်ပွဲ ဖြစ်ပွားခြင်း မရှိဘဲ အကြောင်းမဲ့ ဝင်ရောက် စီးနင်း မီးရှို့နေခြင်းဖြစ်ပြီး ဒေသခံ ပြည်သူများလည်း ရွာလုံးကျွတ် ထွက်ပြေးတိမ်းရှောင်နေရကြောင်း သိရသည်။

ဆက်ဖတ်ရန် →

မကွေးခရိုင် PDF တပ်ရင်း ၁ တွင် ရဲဘော်များကို လစာ တချို့ပေးအပ်၊

📅 💬 မှတ်ချက်

လှူဒါန်းထောက်ပို့ လိုသူများ ဆက်သွယ်နိုင်

ရန်ကုန်၊ ဖေဖော်ဝါရီ ၂၀ ခေတ်သစ်

မကွေးတိုင်း၊ ပြည်သူ့ကာကွယ်ရေးတပ်မတော်၊ မကွေးခရိုင် PDF တပ်ရင်း ၁ တွင် ရဲဘော်များကို လစာတချို့ပေးအပ်လိုက်ကြောင်း မကွေးခရိုင် PDF တပ် ရင်း ၁ မှ တာဝန်ရှိသူတစ်ဦး၏ အဆိုအရ သိရှိရသည်။

"မကွေးခရိုင်PDF အမှတ် -(၁) တပ်ရင်းရဲ့ စီမံဘဏ္ဍာအစည်းအဝေးအမှတ်စဉ် ၁ ဆုံးဖြတ်ချက်နဲ့ တပ်ရင်းရဲဘော်များအားလုံးကို ရဲဘော်လစာအဖြစ် တစ်ဦး ၂၀၀၀၀ ကျပ် ၂၀၂၃ခုနှစ် ၂ လပိုင်းမှာ စတင် ပေးအပ်ပါတယ်။ ရဲဘော်တွေရဲ့ တစ်ယောက် ကုန်ကျမှုစရိတ်က စားစရိတ်နှင့်တစ်ကိုယ် ရေကျန်း မာရေးသုံး၊ ဝတ်စားဆင်ယင်မှုတို့အတွက် တစ်သိန်းနှစ်သောင်းကျပ်ပါ ထည့်တွက်လျှင် ရဲဘော်တစ်ဦးမှာ နိုင်ငံတော်မှ တစ်လကို အခြေခံ လစာ ၁၄၀၀၀၀/ကျပ်ရရှိတယ်လို့ ဆိုရမှာဖြစ်ပါတယ်" ဟု မကွေးခရိုင်တပ်ရင်း ၁ မှ တာဝန်ရှိသူက ဆိုသည်။

ထိုကဲ့သို့ ရဲဘော်များ လစာ ပေးအပ်ခြင်းသည် ဘဏ္ဍာငွေရရှိမှုအပေါ် မူတည်၍ ဆုံးဖြတ် ပေးအပ်ခြင်းဖြစ်ကြောင်း၊ ရဲဘော်များ၏ လစာအတွက် လှူဒါန်းလိုသူများအနေဖြင့်လည်း ထောက်ပံ့ကူညီနိုင်ကြောင်း သိရှိရသည်။

"တချို့ရဲဘော်တွေမှာ မုန့်ဝယ်စားချင်တာတောင် မိသားစုကို ပြန်ငှဲ့ရလို့ မတောင်း ရက်လို့ မစားနိုင်ကြဘူး။ ဒါတွေ အတွက်လည်း ရဲဘော်အားလုံးတစ်စိတ်တည်းတစ်ဝမ်းတည်းဖြစ်စေလိုတယ်။ တပ်ရင်းကိုထောက်ပို့ပြုလိုတဲ့ သူများရှိလျှင်လည်း ဆက်သွယ်ဆောင်ရွက်နိုင်ဖို့ ကြိုဆိုလျက်ရှိပါတယ်" ဟု ၎င်းက ဆက်လက်ပြောဆိုသည်။

ဆက်ဖတ်ရန် →

ကန့်ဘလူ၊ မြေမွန်ရွာကို စစ်တပ်က မီးရှို့ဖျက်ဆီး

📅 💬 မှတ်ချက်

ကန့်ဘလူ၊ မြေမွန်ရွာကို စစ်တပ်က မီးရှို့ဖျက်ဆီးမှု နေအိမ် ရာနှင့်ချီပြီး မီးလောင်ပြာကျ၊ ပုလဲမြို့နယ်၊ နွယ်အင်းရွာကိုလည်း စစ်တပ်က စီးနင်းပြီး ကျေးရွာ ဆေးပေးခန်းကို မီးရှို့ဖျက်ဆီး

ရန်ကုန်၊ ဖေဖော်ဝါရီ ၂၀ ခေတ်သစ်

စစ်ကိုင်းတိုင်း၊ ကန့်ဘလူမြို့နယ်၊ မြေမွန်ရွာကို အကြမ်းဖက် စစ်တပ် မီးရှို့ဖျက်ဆီးမှု နေအိမ် ရာနှင့်ချီပြီး မီးပြာကျခဲ့ကြောင်း ဒေသခံပြည်သူများက ရန်ကုန်ခေတ်သစ် မီဒီယာသို့ ပြောဆိုသည်။

ဖေဖော်ဝါရီလ ၁၉ ရက်နေ့တွင် ကန့်ဘလူမြို့နယ်၊ မြေမွန်ရွာကို အကြမ်းဖက် စစ်တပ်က ဝင်ရောက် စီးနင်းခဲ့ပြီး ပြည်သူပိုင်နေအိမ်များကို မီးရှို့ဖျက်ဆီးခဲ့ကာ နေအိမ် ရာနှင့်ချီပြီး မီးလောင်ပြာကျခဲ့ကြောင်း သိရသည်။

"မြေမွန်ရွာကို စစ်ခွေးတွေ ဒီနေ့ မီးရှို့သွားတာ ပျက်စီးဆုံးမှု အခြေအနေတော့ အတိကျ မသိရသေးဘူး။ ကျေးရွာရဲ့ သုံးပုံနှစ်ပုံ လောက် ပြာကျသွားတယ်။ ရွာမှာက နေအိမ် ၇၀၀ ကျော်လောက်ရှိတယ်။ နေအိမ် ရာနဲ့ချီပြီး မီးထဲပါသွားတယ်။ စစ်ခွေးတွေ ရွာကို မီးစရှို့ပြီး ၂ နာရီလောက် တိုက်ပွဲဖြစ်သွားသေးတယ်။ တိုက်ပွဲအခြေအနေ အသေးစိတ်တော့ မသိရသေးဘူး" ဟု ဒေသခံ ပြည်သူ တစ်ဦးကပြောဆိုသည်။

အလားတူ စစ်ကိုင်းတိုင်း၊ ပုလဲမြို့နယ်၊ နွယ်အင်းရွာကို အကြမ်းဖက် စစ်တပ်က ဝင်ရောက်စီးနင်းပြီး ကျေးလက် ဆေးပေးခန်းကို မီးရှို့ဖျက်ဆီးခဲ့ကြောင်း ဒေသခံ ပြည်သူများက ရန်ကုန်ခေတ်သစ် မီဒီယာသို့ ပြောဆိုသည်။

ဖေဖော်ဝါရီလ ၁၉ ရက်နေ့တွင် ဇီဖြူကုန်း ပျူစောထီးရွာမှ ထွက်လာသည့် စစ်သားနှင့် ပျူစောထီးများက နွယ်အင်းရွာကို ဝင်ရောက်စီးနင်းပြီး စစ်ဘေးရှောင် ပြည်သူများ၏ တောတဲများကို မီးရှို့ဖျက်ဆီးပြီးနောက် နွယ်အင်းရွာမှာ တပ်စွဲကာ ကျေးလက် ကျန်းမာရေး ဆေးပေးခန်းကိုလည်း မီးရှို့ဖျက်ဆီးသွားကြောင်းသိရသည်။

အဆိုပါ အကြမ်းဖက် စစ်တပ် စစ်ကြောင်းသည် ဖေဖော်ဝါရီလ ၁၉ ရက်နေ့တွင် နွယ်အင်းရွာ၌ ညအိပ် တပ်စွဲပြီးနောက် ဖေဖော်ဝါရီလ ၂၀ ရက်နေ့ နံနက်ပိုင်းတွင် ကျေးရွာအတွင်းမှ ပြန်လည် ထွက်ခွာသွားပြီး တုံးကန်ကျေးရွာ၌ တပ်စွဲထားကြောင်း သိရှိရသည်။

ဆက်ဖတ်ရန် →

အုပ်ချုပ်ရေးမှူး ခင်မောင်ဇင်မှာ နောက်ပင်လှည့်မကြည့်ဘဲ ထွက်ပြေး

📅 💬 မှတ်ချက်

ရာအိမ်မှူး ၂ ဦးသေဆုံးခဲ့သော ဒဂုံမြို့သစ် ဆိပ်ကမ်းမြို့နယ် အမှတ် ၉၄ ရပ် ကွက်ရုံးကို ဝင်ရောက်ပစ်ခတ်ချိန်ရပ်ကွက်အုပ်ချုပ်ရေးမှူး စစ်မှု ထမ်းဟောင်း ခင်မောင်ဇင် နောက်ပင်လှည့်မကြည့်ဘဲ ထွက်ပြေး၍ လွတ်မြောက်ခဲ့

ရန်ကုန်၊ ဖေဖော်ဝါရီ ၂၀ ခေတ်သစ်

ရန်ကုန်တိုင်း၊ ဒဂုံမြို့သစ်ဆိပ်ကမ်းမြို့နယ် အမှတ် ၉၄ ရပ်ကွက်ရုံးကို ယမန်နေ့ သေနတ်၊ လက်ပစ်ဗုံးများဖြင့် ဝင်ရောက် ပစ်ခတ်ရာ အမှတ် ၉၄ ရပ်ကွက် ရာအိမ်မှူး ဝင်းမြင့်နှင့် ထွန်းထွန်းဝင်းတို့ သေဆုံးခဲ့ပြီး စစ်မှုထမ်းဟောင်းရပ် ကွက် အုပ်ချုပ်ရေးမှူး ခင်မောင်ဇင်မှာ နောက်ပင်လှည့်မကြည့်ဘဲ ထွက်ပြေး၍ လွတ် မြောက်သွားကြောင်းဒေသပြည်သူများက ပြောသည်။

ဖေဖော်ဝါရီလ ၁၉ ရက်နေ့ မွန်းလွဲ ၃ နာရီ ၃၅ မိနစ်အချိန် ဒဂုံမြို့သစ် ဆိပ်ကမ်းမြို့နယ်၊ ယုဇဥယျာဉ်အိမ်ရာ ၁၄လမ်းထိပ်ရှိ အမှတ် ၉၄ ရပ်ကွက် အုပ်ချုပ်ရေးမှူးရုံးထဲတွင် ပစ်ခတ်မှုဖြစ်ပွားပြီး လက်ပစ်ဗုံးများ ပါပေါက်ကွဲကြောင်း၊ ပစ်ခတ်တိုက်ခိုက်မှုများကြောင့် ရာအိမ်မှူး ဝင်းမြင့်နှင့် ရာအိမ်မှူး ထွန်းထွန်းဝင်းတို့ သေဆုံးကြောင်း သိရှိရသည်။

"ဒီနေ့ မနက် ရပ်ကွက်ထဲမှာ အပြောအများဆုံးက မနေ့က ပစ်ခတ်မှုဖြစ်ချိန် အုပ်ကြီး ခင်မောင်ဇင် "နောက်ကျတဲ့ခြေထောက် သစ္စာဖောက်" ဆိုပြီး ပြေးသလား မှတ်ရတယ် ပြေးချက်က အသားကုန်တဲ့။ ပစ်မယ့် လူငယ်တွေလည်း ဝင်လာရော အုပ်ကြီးက သူ့လူတွေတောင် သူ သတိမပေးနိုင်ဘူး ကိုယ် လွတ်ရုန်းပြေးတာ။ သူ့လူ ၂ ဦးသေတယ်။ သူတော့ လွတ်သွားတယ်။ သူ့ကိုလည်း လိုက်ပစ်တာ အပြေးကောင်း လို့ မထိတာ" ဟု ယုဇနဥယျာဉ်မြို့တော်နေ ပြည်သူတစ်ဦးက ပြောသည်။

ယမန်နေ့ ရပ်ကွက်ရုံးအတွင်း ဝင်ရောက်ပစ်ခတ်မှုကြောင့် ရာအိမ်မှူး ဝင်းမြင့်နှင့် ထွန်းထွန်းဝင်းတို့ သေဆုံးပြီး ၊ ရာအိမ်မှူး မြင့်ဝေ၊ ရာအိမ်မှူး ဖြိုးကိုကိုမောင် ၊ ရာအိမ်မှူး မခင်ဆွေဝင်း၊ ရာအိမ်မှူး အောင်ဝင်း စုစုပေါင်း ၄ ဦး သေနတ် မှန်ဒဏ်ရာရရှိကြောင်း၊ ရာအိမ်မှူး အောင်ဝင်းမှာ ခေါင်းတွင် ကျည်ထိမှန်ထား၍ အသက်အန္တရာယ်စိုးရိမ်ရကြောင်း သိရှိရသည်။

ဒဂုံမြို့သစ်ဆိပ်ကမ်းမြို့နယ် အမှတ် ၉၄ ရပ်ကွက်ရုံးကိုဒဂုံမြို့သစ် ဆိပ်ကမ်း မြို့နယ် ပြည်သူ့ကာကွယ်ရေးတပ်ဖွဲ့က ဝင်ရောက်ပစ်ခတ်ခြင်းဖြစ်ကြောင်း သိရှိရသည်။

ဆက်ဖတ်ရန် →

လေကြောင်းရန် ကာကွယ် ရေးတပ်မှ ဗျူဟာမှူး ဗိုလ်မှူးကြီး ဇေယျာထွန်း ပါ သေဆုံး

📅 💬 မှတ်ချက်

ရေတာရှည်တိုက်ပွဲတွင် သေဆုံးသွားသော စစ်သား ၃၀ ကျော်တွင် အမှတ် ၂၀၂၂ လေကြောင်းရန် ကာကွယ် ရေးတပ်မှ ဗျူဟာမှူး ဗိုလ်မှူးကြီး ဇေယျာထွန်း ပါ သေဆုံးခဲ့

ရန်ကုန်၊ ဖေဖော်ဝါရီ ၂၀ ခေတ်သစ်

ပဲခူးတိုင်း၊ ရေတာရှည်မြို့နယ်တွင် ဖေဖော်ဝါရီလ ၁၆ ရက်နေ့ ဖြစ်ပွားသော တိုက်ပွဲတွင် သေဆုံးသွားသော စစ်သား ၃၀ ကျော်အနက်တွင် အမှတ် ၂၀၂၂ လေကြောင်းရန် ကာကွယ်ရေးတပ်မှ ဗိုလ်မှူးကြီး ဇေယျာထွန်းပါ ပါဝင်သွားကြောင်း တော်လှန်ရေး သတင်းရင်းမြစ်တစ်ခုက အတည်ပြုပြောဆိုသည်။

ဖေဖော်ဝါရီလ ၁၆ ရက်နေ့ နံနက် ၉ နာရီမှ မွန်းလွဲ ၁ နာရီအထိ ပဲခူးတိုင်း၊ တောင်ငူခရိုင် PDF တပ်ရင်း ၃၅၀၁၊ တပ်ခွဲ ၄၊ တပ်ခွဲ ၆ ပူးပေါင်းတပ်ဖွဲ့နှင့် အကြမ်းဖက်စစ်ကောင်စီတပ်တို့ သည် ရေတာရှည်မြို့နယ်တွင် တိုက်ပွဲဖြစ်ပွားရာ အကြမ်းဖက်စစ်ကောင်စီဘက်မှ ၃၀ ဦး‌ကျော် သေဆုံးပြီး အများအပြား ဒဏ်ရာအပြင်းအထန် ရရှိခဲ့ကြောင်း၊ ယင်းတို့ထဲတွင် အမှတ် ၂၀၂၂ လေကြောင်းရန် ကာကွယ်ရေးတပ်မှ ဗိုလ်မှူးကြီး ဇေယျာထွန်း ပါဝင်ခြင်းဖြစ်ကြောင်း သိရှိရသည်။

"ဗျူဟာမူး ဇေယျာထွန်း အမှတ် ၂၀၂၂ လေကြောင်းရန်တပ်က ကျဆုံးမှု အတည်ပြုနိုင်ပါတယ်။ မနေ့ ဖေဖော် ဝါရီ ၁၉ ရက်နေ့ ညနေပိုင်းမှာ စစ်တပ် အလောင်း ထပ်တွေ့ပါတယ်။ စစ်တပ်က အလောင်းလာကောက်တော့ ၁၂၀ မမတွေပါ ပစ်ပြီး လာကောက်တာ။ ဗျူဟာမှူး ဇေယျာထွန်း သေဆုံးတာကိုတော့ အတည်ပြုနိုင်ပါတယ်။ သူတို့ဘက်က အလောင်းပြန်ကောက်သွားပါတယ်" ဟု ပြည်သူ့ကာကွယ်ရေး တပ်မတော် တာဝန်ရှိသူတစ်ဦးက အတည်ပြုပြောဆိုသည်။

ပဲခူးတိုင်း၊ ရေတာရှည်မြို့နယ်တွင် ရေတာရှည်တွင် ကျေးရွာများကို ဓားပြတိုက် ပြန်လာသော စစ်ကြောင်းကို တိုက်ခိုက်ရာ စစ်ကောင်စီတပ်ဖွဲ့ဝင် ၃၀ ဦးကျော်သေဆုံးပြီး လက်နက် ၇ လက်၊ ခဲယမ်းများနှင့် ခိုးရာပါ ရွှေနှင့်ဖုန်းများ သိမ်း ဆည်းရမိခဲ့ခြင်းဖြစ်သည်။

စစ်တပ်ဘက်မှ လက်နက် ၇ လက်နှင့် ခဲယမ်းများ သိမ်းဆည်းရမိရာတွင်

၁။ MA3 ၄ လက်

၂။ MA11 ၂ လက်

၃။ MA2 ၁ လက်

၄။ ကျည်ဘောက် ၁၈ ခု

၅။ ကျည် ၅၂၀ တောင့်

၆။ ၆၀ မမဗုံးသီး ၂ လုံး နှင့် ရိက္ခာအများအပြားတို့ဖြစ်ကြောင်း သိရှိရသည်။

သေဆုံးသွားသော စစ်သားများထံမှ

၁။ လက်ကောက် ၂ ကွင်း

၂။ ဆွဲကြိုး ၁ ကုံး

၃။ လက်စွပ်၁ ကွင်း

၄။ ဖုန်း ၃ လုံးတို့ကိုပါ သိမ်းဆည်းရရှိပြီး သိမ်းဆည်းရရှိသော လက်ဝတ်ရတနာများနှင့် အသုံးအဆောင်ပစ္စည်းများကို ပြည်သူ့ကာကွယ်ရေးတပ်ဖွဲ့ဝင်များက မူလပိုင်ရှင်များထံ အတိအကျ ပြန်လည်အပ်နှံနိုင်ရန် ဆောင်ရွက်လျက်ရှိကြောင်း သိရှိရသည်။

ထို့ပြင် ဖေဖော်ဝါရီလ ၇ ရက်နေ့ ၊ ၈ ရက်နေ့ ၊ ၁၂ ရက်နေ့ ၊ ၁၄ ရက်နေ့တွင်လည်း PDF ပူးပေါင်းတပ်ဖွဲ့များနှင့် အကြမ်းဖက်စစ်ကောင်စီတပ်ဖွဲ့တို့ ထိတွေ့တိုက်ပွဲများ အပြင်းအထန် ဖြစ်ပွားခဲ့ကြောင်း၊ ၎င်းတိုက်ပွဲများတွင်လည်း အကြမ်းဖက်စစ်ကောင်စီဘက်မှ ထိခိုက်သေဆုံးမှုများပြားခဲ့ပြီး အရေအတွက် အတိအကျကိုမူ ထပ်မံအတည်ပြုလျက်ရှိကြောင်း သိရှိရသည်။

ဆက်ဖတ်ရန် →

အကြမ်းဖက်စစ်တပ် လက်ချက် ဖြင့် ‌ပြည်သူ များ သေဆုံးမှုသည် ၃,၀၀၀ အထိ ရှိလာ

📅 💬 မှတ်ချက်

အမေရိကန် မှ နောက်ထပ် ဒေါ်လာ သန်း ၅၀ ‌ကူညီမည်ဟု ဆို

****************

ကုလသမဂ္ဂ မှ မကြာမီ က ထုတ်ပြန်ခဲ့သော ကမ္ဘာလူသား များ လိုအပ်ချက် စစ်တမ်းတွင် အာဖရိက နွယ်ဖွား များ ကဲ့သို့ပင် မြန်မာပြည် လူဦးရေ၏ သုံးပုံတပုံ ခန့်ရှိ ၁၇ သန်း သည် ယခုအခါ လူသားချင်း စာနာ ထောက်ထားမှု ဖြင့် ကူညီရန် လိုအပ်နေသည်ဟု ပါရှိခဲ့သည်၊ ထိုပမာဏ သည် ၂၀၂၀ ကုလစစ်တမ်းတွင် ၁ သန်း ခန့်ရှိခဲ့ရာ မှ စစ်ဗိုလ်ချုပ်ကြီးများ၏ စွမ်းပကားဖြင့် ၁၇ သန်း အထိ ဦးမော့လာခဲ့ခြင်းပင် ဖြစ်ပေတော့သည်။

ဖေဖေါ်ဝါရီ ၁၅ ရက်နေ့တွင် ထုတ်ပြန်သော အမေရိကန် နိုင်ငံတကာ ဖွံဖြိုးမှု အကူအညီ ပေးရေး အေဂျင်စီ U.S Agency for International Development (USAID) မှ ထုတ်ပြန်ချက်တွင် မြန်မာ ပြည်သူများ အတွက် အရေးပေါ် အစားအသောက် နှင့် အဟာရ များ ထောက်ပံ့ ကူညီ သွားနိုင်ရေး ရည်ရွယ်ပြီး ဒေါ်လာ သန်း ၅၀ ပံ့ပိုးသွားမည်ဟု ပါရှိခဲ့သည်။

USAID သည် ပဋိပက္ခ များ ဖြစ်ပွားနေသော ဒေသများတွင် ကမ္ဘာ စားနပ်ရိက္ခာ အဖွဲ့နှင့် လက်တွဲ လုပ်ဆောင်၍ အကူအညီများ ပေးသွားမည် ဖြစ်သည်။

သို့သော် မြန်မာနိုင်ငံ တွင်းရှိ ကုလ အဖွဲ့အစည်း အများစု သည် ရန်ကုန်တွင် ရုံးခန်းများ ဆက်ဖွင့်ထားနိုင်ရေး ကိုသာ အဓိကထားပြီး စစ်အာဏာသိမ်း အဖွဲ့နှင့် သတိကြီးစွာ ထားပြီး ဆက်ဆံနေဆဲ ဖြစ်သည်ဟု အပြင်းအထန် ဝေဖန်ခံနေရဆဲပင် ဖြစ်သည်။

နိုင်ငံရေး အကျဉ်းသားများ အကူအညီ ပေးရေး အဖွဲ့ ၏ နောက်ဆုံးထုတ်ပြန်ချက်အရ စစ်အာဏာ သိမ်း အဖွဲ့ ၏ လက်ချက် ဖြင့် ‌ပြည်သူ များ သေဆုံးမှုသည် ၃,၀၀၀ အထိ ရှိလာနေပြီဟု ပါရှိလာခဲ့သည်။

သောကြာနေ့က သေဆုံးမှု အမှတ်စဉ် ၃,၀၀၀ ပြည့်သွားခဲ့သူ သည် စစ်ကိုင်း ဒေသကြီးမှ မယ်သီလရင် အဖွားအို တဦး ဖြစ်သည်။

ခင်ဦး မြို့နယ် လက်ပန်လှ ကျေးရွာသို့ မင်းအောင်လှိုင် သစ္စာခံ တပ်များနှင့် ၎င်းတို့၏ လက်ပါးစေ ပျုစောထီး ဆိုသူများ ဝင်ရောက်စီးနင်းပြီး မီးတင်ရှို့သွားခဲ့ရာ မှ ထွက်မပြေးနိုင်သဖြင့် မီးလောင်ကျွမ်း သေဆုံးသွားရခြင်း ဖြစ်သည်။

ထိုသို့ ၃,၀၀၀ မြောက် သေဆုံးခဲ့ရမှု ကို အသိအမှတ် ပြုသည့် အနေဖြင့် ပြင်သစ် သံအမတ်ကြီး ခရစ္စတီယန် လက်ခ်ျဗိုင်း မှ အမှတ်တရ ဝမ်းနည်းစကား ပြောဆိုသွားခဲ့သည်။

သေဆုံးသူ ၃,၀၀၀ ထဲတွင် မယ်သီလရှင် အဖွားအိုကဲ့သို့ပင် ကျေးရွာများကို မီးရှိ့ဖျက်ဆီး မဲမဲမြင်ရာ သတ်ဖြတ်ခဲ့မှုကြောင့် အသက်ဆုံးရှူံးခဲ့ရသည့် ပြည်သူ ၁,၂၂၉ ဦး ရှိသွားပြီ ဖြစ်သည်။

မည်သို့ပင် ဖြစ်စေ ထိုသို့သေဆုံးနေမှု သည် အနောက်တိုင်း အစိုးရများ၏ အသိစိတ် ကို ဆူးနှင့် ထိုးနေသလို ခံစားနေရပြီ ဖြစ်သည်။ ထိုအထဲမှ မတရားမှု ကို လက်ပိုက် ကြည့်မနေတတ်သော လူများ ဦးဆောင်နေသည့် နိုင်ငံ တနိုင်ငံ တော့ သေချာပေါက် ထွက်ပေါ်လာမည်သာ ဖြစ်သည်။

ယခု အခါ အာဆီယံအား အမျိုးသား ညီညွတ်ရေး အစိုးရ နှင့် တရားဝင် ဆွေး‌နွေးရန် ဖိအားပေးလာနေပြီ ဖြစ်သည်။ သို့သော် အာဆီယံသည် ပြဿနာ ပြေလည်ရေးထက် လက်ရှိ စစ်အာဏာသိမ်း အဖွဲ့နှင့် ရှေ့လျောက် ဆက်ဆံသွားရမည့် အရေးကို အဓိက ထား စဉ်းစားနေဆဲပင် ဖြစ်သည်။

စစ်အာဏာရှင် ဝါဒသည် မြန်မာနိုင်ငံရေး မျက်နှာစာတွင် ရှေ့လျောက် နေရာ မရတော့ဟု အခိုင်အမာ ယုံကြည်မှသာ NUG နှင့် ဆက်ဆံလာဖို့ ရှိသည်။

သို့သော် ၎င်းတို့ ထည့်သွင်း မစဉ်းစားသည့် အချက်သည် ထို အချိန်မျိုး ရောက်လာလျှင် NUG သည်လည်း ၎င်းတို့နှင့် ဆက်ဆံရမည်ထက် အခြား အရေးကြီးသော အလုပ်များ နှင့် လက်မလည် အောင် အလုပ်ရှုပ်နေတော့မည် အရေးပင် ဖြစ်သည်။

ပြည်သူတို့၏ ခုခံ တွန်းလှန်စစ် မုချ အောင်ရမည်!!!

လှစိုးဝေ

ဓါတ်ပုံ - ဧရာဝတီ သတင်း

ဆက်ဖတ်ရန် →