အကြံကုန် ရွှေတိဂုံကို ဆားချက်ဖို့ လုပ်နေကြပါပြီ။
ဘဏ်တွေက အတိုးမပေးနိုင်တော့တဲ့ ခေတ်အဆက်ဆက် ပြည်သူတွေ လှူဒါန်းထားတဲ့ ဘုရားဘဏ္ဍာငွေတွေနဲ့ ရွှေပြားတွေကို ခိုးဖို့အတွက် သူရဦးအောင်ကို ခန့်ထားတဲ့ ဘုရားဂေါပကတွေကို ထုတ်ဖယ်ပြီး ကြံ့ဖွတ်အမတ်ပြုတ်တွေကို အစားထိုးခန့်လိုက်ပါပြီ။ ထူးခြားချက်က ၂၀၁၉ ကမှ ရွှေသင်္ကန်းကပ်ထားတာကို ခုမှခန့်လိုက်တဲ့ ဂေါပကတွေနဲ့ ရွှေသင်္ကန်းအသစ်ကပ်မယ်လို့ ထုတ်ပြန်လိုက်တာပါပဲ ....
အသစ်ရောက်လာတဲ့ ဖွတ်ဂေါပကသစ်ကလည်း ဘုရားငြမ်းဆင်ဖို့ ဝါးလုံးဖိုး သိန်း ၅၀၀၀ ဆိုပြီး ဘုရားဘဏ္ဍာကနေ ထုတ်သွားပါတယ်တဲ့ .....
အာဏာသိမ်းစစ်ကောင်စီက ခန့်အပ်လိုက်သော ဂေါပကများ ရွှေတိဂုံစေတီတော်ကြီးကို ငြမ်းထိုးပြီး ထင်ရာစိုင်းကြတော့မည်
~~~~~~~~~~
6-3-2021 ရက်နေ့က အာဏာသိမ်းစစ်ကောင်စီက ဂေါပကအသစ်လေးယောက်ကို ခန့်အပ်ခဲ့ပါတယ်။ အဆိုပါ ဂေါပကလေးယောက်မှာ ဘဏ္ဍာရေးပိုင်းမှာ ကျွမ်းကျင်ပိုင်နိုင်တဲ့ ဦးဝင်းတည်၊ ရူးသလိုလိုပေါသလိုလိုနဲ့ ဝန်ထမ်းတွေကို အာဏာရှင်ဆန်ဆန် ဖိနှိပ်တတ်တဲ့ ဦးထွန်းထွန်းဦး(စစ်အရာရှိ ငြိမ်း)၊ ကြံ့ဖွတ်လွှတ်တော်ကိုယ်စားလှယ်ဝင်ရွေးခံဖူးတဲ့ ဦးတင်ဝင်းနှင့် ဦးတင်ဝ(ပညာရေးကလာသည်ဟုဆို)တို့ဖြစ်ကြပါတယ်။
ဒီဂေါပကလေးယောက်ဟာ ရွှေတိဂုံဘဏ္ဍာတော်ငွေတွေကို ရအောင်ယူဖို့ စစ်ကောင်စီက စီမံချက်အနေနဲ့ပို့လွှတ်လိုက်တဲ့လူတွေဖြစ်ပါတယ်။ စစ်ကောင်စီအလိုကျ ဘုရားဘဏ္ဍာငွေတွေကို လူနည်းစုလက်တစ်ဆုပ်စာစစ်ကောင်စီကို အရောက် လွှဲပြောင်းပေးမယ့်သူတွေဖြစ်ပါတယ်။
အဆိုးဆုံးလုပ်ရပ်ကတော့ ၁၂-၃-၂၀၂၁ ရက်နေ့မှာ ရွှေတိဂုံစေတီတော်ကြီးကို ငြမ်းထိုးပြီး ရွှေသင်္ကန်းကပ်မယ်ဆိုပြီး လုပ်နေကြတဲ့ကိစ္စပါပဲ။ ရွှေတိဂုံစည်းမျဉ်းဥပဒေအရဆို စေတီတော်ကြီးကို ရွှေသင်္ကန်းကပ်တဲ့ကိစ္စဟာ လေးနှစ်တစ်ကြိမ်(သို့မဟုတ်) ငါးနှစ်တစ်ကြိမ်သာ ကပ်လှူရခြင်းဖြစ်ပါတယ်။ စေတီတော်ကြီးကို လုံးတော်ပြည့်ရွှေသင်္ကန်းကပ်ခဲ့တာက ၂၀၁၉ ခုနှစ်က ဖြစ်တာကြောင့် အခုမှ တစ်နှစ်ကျော်ပဲရှိပါသေးတယ်။ ရွှေတိဂုံစည်းမျဉ်းဥပဒေနဲ့ ညီညွတ်ခြင်းမရှိတာလည်း တွေ့ရပါတယ်။ သို့သော် စစ်ကောင်စီကခန့်အပ်တဲ့ဂေါပကအသစ်များကတော့ စည်းမျဉ်းဥပဒေနဲ့ညီတာ မညီတာကို ဂရုမစိုက်ပါဘူး။ ၉-၃-၂၀၂၁ ရက်နေ့ညကစပြီး ငြမ်းတာဝန်ခံတွေကို ရွှေတိဂုံမှာ ညအိပ်စေကာ လုပ်ငန်းစဖို့ ပြင်ဆင်နေကြပါပြီ။ သတင်းတွေအရ ၁၂ ရက်နေ့ ငြမ်းထိုးမယ်ဆိုပေမယ့် ယနေ့တောင် စပြီး ငြမ်းထိုးနေပြီလို့ သိရပါတယ်။
သုံးသပ်ချက်
~~~~~~~
1/စေတီတော်ကြီးကို ရွှေသင်္ကန်းကပ်မည်ဟု အကြောင်းပြကာ ပြည်လူထုဆီက အလှူငွေတွေ ကောက်ခံဖို့လည်း ရှိနိုင်ပါတယ်။
2/ ရွှေသင်္ကန်းကပ်မည်ဟု အကြောင်းပြကာ လက်ရှိကပ်လှူထားသော ရွှေပြားအစစ်များနေရာမှာ ရွှေပြားအတုများနဲ့ လဲလှယ်တပ်ဆင်နိုင်တာကိုလညိး သတိပြုရပါမယ်။ လက်ရှိ ရွှေတိဂုံရဲ့ ရွှေပြားကြိတ်စက်ရုံ(ရွှေရတနာဌာန)ရဲ့ တာဝန်ခံဂေါပကဖြစ်သူ ဦးအေးထွန်းကလည်း စစ်ဘက်ဆိုင်ရာ အရာရှိဟောင်းတစ်ယောက်ဖြစ်လေတော့ ဘာမဆိုဖြစ်နိုင်ခြေရှိပါတယ်။
တပ်ကတော့ ပျက်နေပါပြီ။ ဘုရားရွှေတွေကိုခွာပြီး ရောင်းချကာ CDM မလုပ်တဲ့ဝန်ထမ်းတွေကို လစာပေးဖို့ကြံနေတာလား။ အာဏာသိမ်းစစ်ကောင်စီကပဲ ဘုရားရွှေခွာရောင်းပြီး သူတို့အိတ်ကပ်ထဲထည့်ဖို့ ကြံနေတာလား။ နှစ်မျိုးလုံးလည်း ဖြစ်နိုင်ခြေရှိပါတယ်။ ရွှေတိဂုံကို ကယ်တင်ကြပါ။
#saveshwedagonpagoda
#ရွှေတိဂုံစေတီတော်သတင်းမှန်ပြန်ကြားရေးအဖွဲ့
